བློ་གྲོས་རབ་བརྟན།
བློ་སེང་གི་བོད་མིའི་སྒྲིག་འཛུགས་ཀྱི་སྲིད་སྐྱོང་ལ་བསྡད་དེ། ལོ་བརྒྱད་ཙམ་འགྲོ་སོང་། བོད་རྒྱ་ཞི་མོལ་ཞིག་ཕར་ཟད་རྣམ་འགྱུར་ཙམ་ཡང་མཐོང་ཐུབ་མེད། དེའི་རྐྱེན་རྩ་བློ་སེང་གིས་བཤད་ན། རྒྱ་ཕྱོགས་ལ་རག་ལས་པ་ལས་ང་ཚོའི་ལག་ན་མེད་ཚུལ་ཤོད་ཀྱི་ཡོད། རེད་དེ་དེ་ཙམ་གྱིས་ཡོངས་སུ་འཐུས་པ་ཞིག་མ་རེད། ང་ཚོས་བློ་སེང་ལ་འང་མི་ལྟ་རང་ལྟ་རེད། བློ་སེང་ལ་བལྟས་ན། དངོས་ཡོད་གང་དང་གང་ནས་ལས་ཀ་མ་བྱས་པའམ་བྱེད་མ་ཤེས་པ། མ་འཇོན་པ་ཡིན་པ་ཤེས་དགོས་པ་སྐོར་ཞིག་ཡོད་ཐག་ཆོད་རེད།
ཕྱི་ནས་ཞི་མོལ་ལ་ཁོར་ཡུག་བསྐྲུན་་རྒྱུ་དང་། ནང་ནས་ཐབས་མཁས་བསྟུན་མཁས་ཀྱིས་དོན་ཆེན་བསྒྲུབ་རྒྱུ་དེ་རེད། གནད་དོན་དེ་གཞིར་བཟུང་ནས་བློ་སེང་ལ་བལྟས་ན། བློ་སེང་གིས་བོད་རྒྱ་ཞི་མོལ་ཡོང་བར་ཁོར་ཡུག་བསྐྲུན་ཡོད་དམ། བློ་སེང་གིས་ཁོར་ཡུག་བསྐྲུན་རྒྱུའི་ཚབ་ལ་དེ་སྔ་ཟམ་གདོང་རིན་པོ་ཆེའི་རིང་ལ་བསྐྲུན་པའི་ཁོར་ཡུག་དེ་ཡང་རྩ་གཏོར་བཏང་སོང་། བློ་སེང་གིས་སྔ་ཕྱི་ཐེངས་འགའ་ལ་དོན་ཏག་མེད་སར་རྒྱ་གཞུང་ལ་ཕོག་ཐུག་འགྲོ་བའི་སྐད་ཆ་མང་པོ་བཤད་སོང་། ཉེ་ཆར་ཡོ་་རོབ་ནས་ཡོ་ཡོབ་མཉམ་འབྲེལ་ལ། རྒྱ་གཞུང་དང་མཉམ་དུ་གཟབ་གཟབ་མ་བྱས་ན། ཡོ་རོབ་མཉམ་འབྲེལ་བོད་ནང་བཞིན་ཆགས་རྒྱུ་རེད་ཅེས་བཤད་ཡོད། དོན་ངོ་མ་བཤད་ན། ཡོ་རོབ་མཉམ་འབྲེལ་སྐོར་ལ་བློ་སེང་ལ་ཇུས་གཏོགས་མེད་ཅིང་། ཡོ་ཡོབ་མཉམ་འབྲེལ་ལ་མཚོན་ན་གང་ཐད་འཛམ་གླིང་འདིའི་མདུན་དུ་ཐོན་ཏེ། མིའི་རིགས་ཡོངས་ལ་འགན་ལེན་བཞིན་པའི་གླིང་ཆེན་ཞིག་རེད། ཁོང་ཚོའི་མདུན་ལམ་ལ་ང་ཚོས་ཅིག་བཤད་བསྡད་ན་མི་རྣམས་དགད་མོ་ཤོར་བའི་རྒྱུ་རེད།་ཡོ་རོབ་མཉམ་འབྲེལ་ལ་ཞུ་དགོས་པ་དེ་ད་ལྟའི་བོད་ཀྱི་གནས་སྟངས་སྐྱོ་བོའི་སྐོར་ནས་བཤད་དེ་རྒྱབ་སྐྱོར་གནང་རོགས་ཞུ་རྒྱུ་དེ་རེད། ཞུ་དགོས་པ་དེའི་ཚབ་ལ་ཞུ་མི་དགོས་པ་རྒྱ་གཞུང་ལ་ཕོག་ཐུག་འགྲོ་བའི་སྐད་ཆ་བཤད་པ་ནི་རང་དོན་སྒྲུབ་སྟངས་མ་ཤེས་པ་དང་། བོད་མི་རིགས་ཀྱི་བདེ་སྡུག་དང་འབྲེལ་ཏེ་སྲིད་སྐྱོང་གི་འགན་འཁྲི་དང་ལས་འགན་དེ་ཡོངས་སུ་དོར་བ་ཞིག་དང་། བོད་རྒྱ་འབྲེལ་མོལ་དང་གོང་ས་མཆོག་བོད་དང་རྒྱ་ནག་ཏུ་ཕེབས་པར་འགོག་རྐྱེན་བཟོ་བཞིན་འདུག
སྲིད་སྐྱོང་བློ་སེང་འདི་བཙན་བྱོལ་བོད་མིའི་སྒྲིག་འཛུགས་ཀྱི་སྲིད་སྐྱོང་རེད། བོད་མིའི་སྒྲིག་འཛུགས་ཀྱི་སྲིད་ཇུས་དང་མངོན་འདོད་བསྒྲུབ་རྒྱུ་ལས་ལྷག་པའི་ལས་དོན་གཞན་མེད་ཅིང་། བློ་སེང་གིས་རྒྱ་གར་དང་ཡོ་རོབ། ཁ་ན་ཌ་བཅས་ནས་རང་གི་གནས་བབ་དང་འགན་འཁྲི་ལས་བརྒལ་ཏེ། རྒྱ་ནག་གི་རྒྱུད་གཅིག་ལམ་གཅིག་གི་ལས་གཞི་དང་། ཤིན་ཅང་དང་ལྷོ་སོག་གི་གནད་དོན་སོགས་ཀྱི་ཐད་མི་ཤེས་ཤེས་མདོག་གིས་ཕན་མི་ཐོགས་པའི་རྙོག་གཏམ་མང་པོ་བཤད་སོང་། དེ་དག་བློ་སེང་གི་ལས་ཀ་མ་རེད་ལ། རང་ཉིད་བཙན་བྱོལ་བ་ཞིག་གི་གནས་བབ་ངོས་མ་ཟིན་ཅིང་། ཆབ་སྲིད་པ་ཞིག་ལ་མཚོན་ན་བཤད་དགོས་པ་དང་བཤད་མི་དགོས་པའི་ས་མཚམས་ཡོད་པའང་བློ་སེང་ལ་རྒྱུས་མེད་ཡིན་ཚོད་རེད།
དེ་སྔོན་ཞིག་ལ། བློ་སེང་གིས་བོད་རྒྱ་འབྲེལ་མོལ་དེ་ཁོ་རིང་ལ་ཆད་པ་ཞིག་མ་རེད། བཀའ་ཁྲི་ཟམ་གདོང་རིན་པོ་ཆེའི་རིང་ནས་ཆད་པ་རེད་ཅེས་བཤད་སོང་། ཟམ་གདོང་རིན་པོ་ཆེའི་རིང་ལ་འབྲེལ་མོལ་ཐེངས་ག་ཚོད་བྱུང་སོང་། ཧ་ལམ་ལོ་གཅིག་ལ་ཐེངས་རེ་བྱུང་ཡོད།ཁྱོད་སྲིད་སྐྱོང་ལ་བསྡད་དེ་ལོ་བརྒྱད་ཙམ་རེད། འབྲེལ་མོལ་ཞིག་ཕར་ཟད་འབྲེལ་མོལ་ལ་ཉེ་བའི་རྣམ་པ་ཙམ་ཡང་མཐོང་མ་ཐུབ་པ་ཅི་ཡིན་ནམ། ཁག་གཞན་ལ་འཁྲི་ས་གང་ཡང་མེད་ལ། བཙན་བྱོལ་བོད་མིའི་སྒྲིག་འཛུགས་ཀྱི་སྲིད་སྐྱོང་གི་ཁྲི་ལ་སུ་བསྡད་ཡོད་དམ། སྡོད་མཁན་དེ་ལ་འགན་ཆ་ཚང་ཡོད་ཅིང་། དེའི་ལྷག་བསམ་དང་འཇོན་ནུས། ཐབས་ཇུས་གསུམ་གྱིས་ཐག་བཅད་ཡོད་པས། བློ་སེང་ལ་དེ་གསུམ་གྱིས་དབེན་སོང་བས་བོད་རྒྱ་འབྲེལ་མོལ་མ་བྱུང་བ་དེ་ཀུན་གསལ་རེད།
སྟབས་མ་ལེགས་པ་ཞིག་ལ། བློ་སེང་སྲིད་སྐྱོང་ལ་བསླེབས་རྗེས་བོད་རྒྱ་ཞི་མོལ་དང་། རྒྱ་བོད་འབྲེལ་མཐུད་ལ་གོད་ཆག་བསྟུན་མར་བྱུང་སོང་། འབྲེལ་མོལ་སྐུ་ཚབ་གཉིས་ནས་སྔ་ཕྱི་ནས་རྩ་དགོངས་པ་ཞུས་པ་དང་། ཚབ་ལ་སུ་ཡང་བསྐོ་བཞག་བྱས་མེད་ཅིང་། དེ་བཞིན་རྒྱ་རིགས་འབྲེལ་མཐུད་པ་ཀུན་དགའ་བཀྲ་ཤིས་རྡ་སར་བླངས་ཏེ། ལོ་གཉིས་མ་ཟིན་ཙམ་དུ་བྱང་ཨ་རིའི་ནང་རྒྱ་རིགས་འབྲེལ་མཐུད་པ་མེད་པར་གྱུར་ཅིང་། བློ་སེང་གིས་ཀུན་དགའ་བཀྲ་ཤིས་རྡ་སར་ལེན་དོན་གྱི་གཡོ་ཇུས་ངོ་མ་ནི་འབའ་བ་སྐལ་བཟང་རྒྱལ་མཚན་ཚབ་ཏུ་བསྐོས་ཏེ། ཨ་རིའི་དོན་གཅོད་དུ་བློ་སེང་གི་ཕྱོགས་གཏོགས་ཚོས་ཡོངས་སུ་འཛིན་རྒྱུ་དེ་རེད་དེ། འབའ་བ་སྐལ་བཟང་རྒྱ་མཚན་ཨོ་གླིང་དུ་སྲིད་བཙོན་གྱི་མིང་ཐོག་ནས་བསྐྱོད་པས། ཨ་རིའི་དོན་ཁང་དུ་བསྐོ་མ་ཐུབ་ཀྱང་ཁོ་ལ་ཨོ་གླིང་དོན་གཅོད་དུ་རྒྱ་རིགས་འབྲེལ་མཐུད་པའི་ལས་ཀ་སྤྲད། ཨ་རིའི་དོན་ཁང་དུ་འབྲེལ་མཐུད་པ་མེད་རིང་ལ་མི་སྐོར་ཞིག་གིས་ལས་ཀ་དེར་སྙན་ཞུ་ཕུལ་ཀྱང་ངོས་ལེན་བྱས་མེད་ལ། མཐའ་མ་དེར། ཀུན་དགའ་བཀྲ་ཤིས་ཡང་བསྐྱར་འབྲེལ་མཐུད་པར་བསྐོས། ཡིན་ནའང་། ཀུན་བཀྲ་ཉེ་བའི་ཆར་མིང་སྙན་མོ་ཞིག་བཏགས་ཏེ་ཡང་བསྐྱར་རྡ་སར་གནས་སྤོ་གནང་། རེད་དེ། ཁོ་བཀའ་ཤག་ཏུ་ཟླ་འགར་བསྡད་རྗེས་གཞུང་ཞབས་ནས་རྩ་དགོངས་ཞུས་སོང་། མི་རྒན་ཉམས་མྱོང་ཅན་ཁོང་ལྟ་བུ་བོད་མིའི་འཐབ་རྩོད་ལ་དགོས་མཁོ་ཡོད་ཀྱང་བློ་སེང་གི་ཟུར་ན་བསྡད་ཐུབ་ཀྱི་མེད། བློ་སེང་གིས་ད་ལྟའི་ཨ་རིའི་དོན་གཅོད་དངོས་གྲུབ་ཚེ་རིང་གི་རེ་འདོད་ལྟར་ནང་མི་དང་མཉམ་དུ་ཨ་རི་ལ་ལས་ཀ་སྤྲད་པ་བཞིན། ཀུན་དགའ་བཀྲ་ཤིས་ལ་འང་དེ་མཚུངས་ལས་ཀ་སྤྲད་ན་མ་ཆོག་པ་ཡོད་དམ། བློ་སེང་གི་དམིགས་ཡུལ་ནི་ཨ་རིའི་དོན་ཁང་རང་གི་ཕྱོགས་གཏོགས་ཚོས་འཛིན་རྒྱུ་དེ་རེད། ད་ལྟའི་ཆར་དོན་ཁང་དུ་དཔལ་སྐྱིད་ཟེར་བའི་བུད་མེད་ལས་བྱེད་གསར་བ་ཞིག་ཀྱང་བཞག་འདུག་ན་ཁོའི་དམིགས་ཡུལ་དེ་ཡོངས་སུ་བསྒྲུབས་ཐུབ་ཡོད།
བློ་སེང་གིས་ཆེན་པོ་ཞིག་ཤེས་ཡོད་མདོག་དང་། གནད་དོན་ཆེ་ཁག་ཁོ་ལ་འབྲེལ་བ་ཡོད་མདོག་སྟོན་ཕྱིར། དེ་སྔོན་གསར་ལམ་འགར་གོང་ས་མཆོག་མགྱོགས་པོར་རྒྱ་ནག་ཏུ་གནས་གཟིགས་ལ་ཕེབས་རྒྱུ་རེད་ཅེས་བཤད་སོང་ལ། དེ་རྗེས་ཁྲི་ཟུར་ཟམ་གདོང་རིན་པོ་ཆེས་གོང་ས་མཆོག་རྒྱ་ནག་ལ་ཕེབས་འཆར་གང་ཡང་མེད་པ་རེད་ཅེས་གསལ་བཤད་གནང་དགོས་འཁེལ་ཡོད། གཅིག་གིས་ཕེབས་རྒྱུ་རེད་ཟེར་བ་དང་གཞན་དེས་མ་རེད་ཟེར་བ་གཉིས་ཀྱི་བར་ནས་ལས་དོན་ལ་སུས་འགོག་རྐྱེན་བཟོ་བཞིན་ཡོད་དམ། རང་ཉིད་ཆེ་མདོག་དང་ཡིན་མདོག་སྟོན་ཕྱིར་བཤད་མི་དགོས་དག་བཤད་དེ། རྒྱ་བོད་བར་ཕན་ཚུན་ཐབས་མཁས་བསྟུན་མཁས་དང་གོ་ཤེས་ཉན་ཤེས་ཀྱིས་ལས་དོན་སྒྲུབ་པར་གནོད་ག་ཚོད་སྐྱེལ་གྱིན་ཡོད། ང་ཚོས་ཚོད་དཔག་མི་དགོས་པར་བློ་སེང་གི་ཐོག་ནས་དངོས་སུ་ར་སྤྲོད་བྱེད་ཐུབ་པ་ཁོ་ན་རེད།
རྒྱ་བོད་གྲོས་མོལ་བྱེད་མ་ཐུབ་པ་དེ་སྲིད་སྐྱོང་བློ་བཟང་ལགས་ལ་སྐྱོན་འཛུགས་བྱེད་ན་མི་འོས་སོ། ངས་བློ་བཟང་ལགས་དབུ་ཁྲིད་ཚད་ལྡན་ཞིག་རེད་ཅེས་ནམ་ཡང་བརྗོད་ཀྱི་མེད། འོན་ཀྱང་རྒྱ་བོད་གྲོས་མོལ་དེ་ང་ཚོར་རག་ལས་ཡོད་པ་མ་རེད། གལ་ཏེ་གྲོས་མོལ་འགོ་འཛུགས་བྱས་རུང་གྲུབ་འབྲས་གང་ཡང་འོང་གི་མ་རེད། ཇི་སྲིད་རྒྱ་ནག་གི་སྲིད་ཇུས་ལ་འགྱུར་བ་མ་ཕྱིན་པ་དེ་སྲིད་དུ་བོད་ལ་རང་སྐྱོང་ཚད་ལྡན་ཞིག་གཏན་ནས་ཐོབ་མི་སྲིད། ད་ལྟ་ང་ཚོས་བོད་མི་ཚོའི་རྡོག་རྩ་གཅིག་སྒྲིལ་བྱས་ཏེ་རྒྱ་ནག་གི་སྲིད་ཇུས་ལ་འགྱུར་བ་འགྲོ་བར་སྒུག་དགོས་པ་དེ་རེད། དུས་ཚོད་སྔ་ཕྱི་རེད་མ་གཏོགས་རྒྱ་ནག་གི་སྲིད་ཇུས་ལ་འགྱུར་བ་དན་དན་འགྲོ་ཀི་རེད། །
བོད་རྒྱའི་དཀའ་སྙོགས་སེལ་རྒྱུ་དེ་ལས་སླ་པོ་ཞིག་ལ་ནམ་ཡང་
ངོས་འཛིན་བྱེད་ཀྱི་མེད་ལ་བོད་དང་རྒྱ་ནག་ཕྱོགས་གཉིས་ངོས་
ནས་འགན་ཁུར་དགོས་པ་ལས་ང་ཚོའི་ངོས་ནས་བསྟུན་མཁས་
གང་ཐུབ་དང་རྒྱ་མིའི་ངོས་ནས་ཡ་ལན་མ་སྤྲད་ན་ང་ཚོར་བྱེད་རྒྱུ་
གང་ཡང་མེད་ལ་གལ་ཆེ་ཤོས་དེ་ང་ཚོ་བཙན་བྱོལ་བོད་མིའི་སྒྲིག་
འཛུགས་འདི་མང་གཙོའི་ལམ་ལུགས་ཁྲིམས་ཀྱི་དབང་བསྒྱུར་འོག་
ཏུ་ཡོད་པ་ནས་དབུས་བོད་མིའི་སྒྲིག་འཛུགས་ཀྱི་ཕྱི་ནང་གི་ལས་དོན་ཡོངས་
རྫོགས་ཁྲིམས་བཟོ་སྤྱི་འཐུས་གྲོས་ཚོགས་ནས་གཏན་འབེབས་གནང་བའི་
སྲིད་ཇུས་དང་མ་འགལ་བའི་ཐོག་ནས་འཛིན་སྐྱོང་གི་ཕྱག་ནས་
གནང་རྒྱུ་དེ་གལ་ཆེན་དོན་ཆེན་ལ་ངོས་འཛིན་ཞུ་གི་ཡོད།
རྟ་བདུན་དབང་པོ་ལགས་ཀྱིས་བཤད་པའི་ཕྱོགས་གཅིག་ལ་གནས་ལུགས་འདུག མང་མང་གིས་བཤད་ཀྱིན་པ་ནང་བཞིན་སྲིད་སྐྱོང་གི་བོད་རྒྱ་འབྲེལ་བྱས་ཏེ་༸གོང་ས་མཆོག་བོད་ལ་གདན་འདྲེན་ཞུ་གི་ཡིན་ཞེས་པའ་ིདམ་བཅའ་དེ་ནི་སྟོང་འབའ་ཞིག་རེད་དེ། འོན་ཀྱང་། བློ་སེང་ལ་སྤྱི་སེམས་ལྷད་མེད་པ་ཞིག་ཡོད་ན། བཙན་བྱོལ་སྤྱི་ཚོགས་འདི་ཆིག་སྒྲིལ་དང་། འཛིན་སྐྱོང་གང་ཐད་ནས་སྲ་ཐག་ཐག་ཅིག་བཟོ་ཐུབ་པའི་ལམ་ཁ་ཞིག་ཅིས་ཀྱང་ཡོད་མོད། བློ་སེང་གིས་བསམ་བཞིན་དུ་བཙན་བྱོལ་སྒྲིག་འཛུགས་འདི་ལ་གཏོར་ལུང་གཏོར་བྱས་སོང་། ད་ནི་བློ་སེང་འདིའི་བྱེད་ལས་དང་དམིགས་ཡུལ་ཅི་ཡིན་ལ་དོགས་པ་ཟ་དགོས་པའི་ཚད་རེད་དོ།།
མི་སུ་འདྲ་ཞིག་ཡིན་རུང་། སྔོན་ལ་མི་ཐོག་ལ་རང་བཞག་ རང་ཐོག་ལ་མི་བཞག་ནས་སྐད་ཆ་རེ་བཤད་ན་འདྲ་ཆགས་པོ་ཡོད་རེད། མ་གཞི་བཙན་བྱོལ་མི་མངས་རྒྱ་ཆ་དགུ་བཅུ་འམ་དྲུག་བཅུ་ཡན་གྱིས་བློ་བཟང་སེང་གེ་དབུ་ཁྲིད་ལ་བདམས་ཡོད་པ་ཤེས་ཀྱི་ཡོད་་་ ངས་བློ་སེང་དབུ་ཁྲིད་ཚད་ལྡན་ཞིག་རེད་ནམ་ཡང་བསམས་མྱོང་མེད་ ཡིན་ནའང་བཙན་བྱོལ་དུ་གནས་ནས་མི་ལོ་དྲུག་བཅུའི་རིང་ལ་སྒྲུབ་མི་ཐུབ་པའི་གནོད་དོན་དེ་ཚོ་བློ་སེང་གིས་ལོ་བཅུའི་ནང་་ལ་བསྒྲུབ་དགོས་ཡོད་ཟེར་བ་དང་ བཙན་བྱོལ་ནང་གིས་མ་འགྲིག་མ་མཐུན་ས་ཚང་མ་བློ་བཟང་སེང་གེ་གཅིག་པོའི་མགོ་ལ་གཡོག་བཞག་ན་ རྣམས་ཀུ་ཏུ་ཁ་ནས་བྱམས་སྙིང་བརྗེ་དང་ལས་རྒྱུ་འབྲས་སྐྱེ་བ་བསྔ་ཕྱི་བཤད་ནས་འགྲོ་སྡོད་མཁན་གྱི་མི་རིགས་ཞིག་གི་སྐད་ཆ་ཡིན་ནམ།།
༸གོང་ས་མཆོག་གིས་བསྟན་པ་མགོ་ནས་བཤིག་བཞིན་འདུག་ཅེས་གསུང་སྐད་ཤོར་དགོས་ཐུག་ཡོད། བཙན་བྱོལ་གཞུང་གིས་མི་ལོ་དྲུག་ཅུའི་རིང་སྒྲུབ་མ་ཐུབ་པ་ཞིག་སྲིད་སྐྱོང་ཁོག་སྟོང་འདིས་སྒྲུབ་མི་ཐུབ་པ་ལོས་ཤེས་མོད། འོན་ཀྱང་། ང་ཚོ་ཧང་སངས་བ་དང་སྐད་ཤོར་དགོས་དོན་ནི་བློ་སེང་ཁོག་སྟོང་འདིས་༸གོང་ས་མཆོག་གི་གཙོས་མི་རབས་རྒན་པ་དག་གིས་དཀའ་སྡུག་གི་རྔུལ་ཆུ་གྲངས་མེད་གཏོར་ནས་བསྐྲུན་པའི་བཙན་བྱོལ་སྒྲིག་འཛུགས་འདི་ཁྲག་བཞིན་དཀྲུག་སོང་པས་ཡིན། འདིའི་གཏེ་བོ་བློ་སེང་ཡིན་པ་བསྙོན་དུ་མེད་པས་བློ་སེང་ནག་འདེད་བྱས་པ་ནི་གནས་ལུགས་དང་མཐུན་པ་ཞིག་ཡིན་ནོ།།
༄༅། བོད་རྒྱའི་དཀའ་རྙོག་འདི་ལས་སླ་བོ་གཏན་ནས་མ་རེད།
རྒྱ་དམར་པོ་ནས་ག་དུས་ཡིན་ཡང་་ཕྱི་སྡོད་བོད་མི་ཚོར་་་ཁ་བྲལ་བ་ཡིན་སྐོར་ཤ་
སྟག་བཤད། བོད་མིས་ཕྱོགས་ནས་ག་དུས་ཡིན་ཡང་རྒྱ་མི་ལ་ངོ་རྒོལ་སྐྱོན་བརྗོད་ཤ་སྟག་བཤད་
དེ་དོན་དངོས་ཐོག་ལ་ངེས་པར་གནོད་ཀྱི་ཡོད་པ་རེད། རྒྱ་བོད་གཉིས་བར་ལ་བཀའ་མོལ་
གནང་མཁན་རྒྱལ་ཁབ་ཚད་ལྡན་ཤུགས་ཅན་གཅིག་ངེས་པར་དགོས་པ་འདུག།
སྲིད་སྐྱོང་ལ་སྐྱོན་འཛུགས་བྱེད་རྒྱུ་གཏན་ནས་མེད། སྲིད་སྐྱོང་གི་ཕྱག་ལ་མེད་པ་ངེས་པར་
ཤེས་དགོས་པ་ཡིན།
སྲིད་སྐྱོང་ནས་གང་ཐུབ་ཅི་ཐུབ་ཕྱག་ལས་གནང་གི་འདུག་པ་ཤེས་དགོས།
དབུ་མའི་ལམ་གྱི་དགོས་མདུན་དེ་བོད་རྒྱ་གཉིས་ནས་འགྲུབ་དགོས་
ན་རྒྱ་མིའི་ངོས་ནས་ཁ་བྲལ་ཟེར་བའི་ཚིག་དེ་ཕྱི་འཐེན་དགོས་པ་དང་
བོད་མིའི་ངོས་ནས་ངོ་རྒོལ་སྐད་འབོད་བཞག་ནས་བོད་རྒྱ་གཉིས་
ལྕོག་རྩེ་གཅིག་གི་སྟེང་དུ་ཕར་བཤད་ཚུར་ཉན་དང་ཚུར་བཤད་ཕར་
ཉན་བྱས་ནས་གཉིས་སྨན་དབུ་ལམ་འཚོལ་དགོས་པ་དེ་བོད་རྒྱའི་
དཀའ་སྙོགས་སེལ་རྒྱུའི་ཐབས་ལམ་བཟང་ཤོས་དེ་ཡིན་པའི་ངོས་འཛིན་
ཞུ་གི་ཡོད།
༄༅། སེམས་ནས་གང་དྲན་ཁ་ནས་འདོན་རྒྱུ་སླ་ཡང་དོན་དངོས་ཀྱི་
འགྲུབ་འབྲས་ཐོན་རྒྱུ་དཀའ་ཞིང་དཀའ།
ཁ་བཤད་ཆུ་ཡི་ལྦོ་བ་དང། ལག་ལེན་གསེར་གྱི་ཐིགས་པའི་དཔེ་ལྟར་རེད།
ལྕོག་རྕེའི་སྟེང་ལ་བཤད་འདོད་ཡོད་ཀྱང་ཉན་རྒྱུའི་རང་དབང་སོ་སོར་མེད་པ་རེད།
གཞན་གྱི་རྐུབ་བཀྱག་ཐོག་སོ་སོ་བསྡད། སོ་སོའི་བསྡད་སར་གཞན་བཞག་ནས་ལྟོས་དང།
གཞི་ནས་ཤེས་ཀྱི་རེད།
གཏམ་ཨ་ཕས་མ་བཤད་ཨ་མས་བཤད།
ཁྱི་བདག་པོའི་མ་བཀག་མགྲོན་པོའི་བཀག།
ཟེར་ཡང་ཟེར་ལ་བདེན་ཡང་བདེན།
བདེན་གཏམ་ངོ་མ་བཤད་ཡོད་དོ།
སྤྲང་ཕྲུག་འགོ་ལ་སྡད་ནས་བག་མེད་ལོངས་སྤྱོད་ཀྱིས་བོད་གཞུང་གི་དངུལ་བེད་སྤྱོད་བྱས་ནས་ཐུགས་རྗེ་ཚེ་ཞུ་ཡིན་ཟེ་ནས་འཛམ་གླིང་གང་སར་ཁ་ཐོར་ནས་སྡད་པའི་བོད་མི་ཚོ་མདའདཀྲུག་ཕུ་དཀྲུག་བཟོས་ཁྱི་ཕྲུག་ཡིན་བཞིན་སེང་ཕྲུག་ཡིན་འདོག་གིས་སྔོན་མ་སྲིད་བསྐྱོང་འོས་མིར་ལང་སྐབས་བོད་མིར་སྟོང་བཤད་བཤད་པ་ནང་བཞིན་ཕྱི་རྒྱལ་བ་ཚོར་བཤད་ནས་མ་འོང་པར་བོད་མིར་ཡིད་ཆེད་མེད་པ་བཟོས་དེའི་བརྒྱབ་ཙར་ཁམ་ཕྲུག་ཁག་ཅིག་ཟི་ནས་བརྒྱབ་བསྐྱོར་ཡིན་འདོག་གིས་བློ་སེང་ལ་པག་སྐྱེས་བསླང་དེས་ན་བློ་སེང་གིས་དེ་བས་ཀྱང་ཧམ་བཤད་ཆེ་རུ་གཏང་དོན་དངོས་བློ་སེང་རང་ཉིད་ལོ་རྒྱུས་ཐོག་མི་ངན་ཡིན་པ་ལས་མི་བཟང་མིན་པའི་གཏམ་རྒྱུད་ཞིག་ཆགས་ཀྱི་ཡོད་པའང་བློ་སེང་གི་ཧ་མི་གོ་བས་བོད་མའི་འགོ་འཁྲིད་གང་འདྲ་ཟེ་? ཡིན་ནའི་ད་ཕྱིས་དྲག་པ་རེད་ལི་ཐང་གི་ཨ་ཐ་གཉིས་པ་རེད་ཨ་ཐར་གྱིས་རང་ཉིད་དཔའ་བོ་ཡིན་འདོག་རྒྱ་ལ་དམག་བརྒྱབ་ཏབ་བཤད་པ་དང་དེའི་ཐོག་ཁམ་ཕྲུག་ཁག་ཅིག་གིས་་ཁོ་པར་པག་སྐྱེས་བསླང་འོ་ན་རྒྱ་ཐོག་མར་་མར་ཁམ་ཁུལ་ནས་བོད་ནང་ཡོང་སྐབས་མཐའ་སྤྲོད་མ་གཏང་བར་དབུས་ཁུལ་ལ་ཡོང་དབུལ་ཁུལ་གྱི་བོད་མའི་ཐོག་ཇགས་པ་བརྒྱབ་དབུས་པ་ཚོ་ཁམ་པ་སླེབས་སོ་ཟེ་ན་ཞེ་སྣང་ཆེ་ཤོས་སྐྱེ་ས་ཆགས་དཔའ་བོ་དེའང་དབུས་ཁུལ་གྱི་བོད་མིའི་ཐོག་ཇགས་པ་བརྒྱག་མཁན་གྱི་དཔའ་བོ་ཞིག་དང་རྗེས་སུ་རྒྱ་གར་ནང་གི་བོད་མི་ཚོ་ཐུག་པ་དཀྲུག་དཀྲུག་གཏོང་མཁན་གྱི་དཔའ་བོ་ཞིག་ནང་བཞིན་ད་ལྟ་བློ་སེང་དེ་དང་གཅིག་མཚུང་རེད།
སྤྲག་ཕྲུག་ང་ཚོ་ཚང་མ་རེད།
འཐབ་རྩོད་བྱེད་སར་བྱེད་མ་ཐུབ། རང་ཡུལ་བཙན་པོས་འཕྲོག་ རྒྱུས་མེད་མི་ཡུལ་
གང་སར་བསླེབས།
རྒྱལ་བའི་བཀའ་མི་རྕི། རང་ཉིད་མཁས་མདོག་ བྱོན་མདོག་ག་རེ་བཏོན་ཡང་།
བྱོན་མདོག་མཁས་མདོག་གང་ཡོད་ཚང་མས་ཤེས་གསལ་རེད།
རང་ཉིད་སོ་སོར་ལྟོས། ག་པར་བསྡད་ཡོད། ལས་ཀ་ག་རེ་བྱེད་ཀྱི་ཡོད།
ལྟོ་ག་རེ་ཟ་གི་ཡོད།