ཐུབ་བསྟན་ཕུན་ཚོགས།
སྟག་ཚང་རྫོང་པ་དཔལ་འབྱོར་བཟང་པོའི་《རྒྱ་བོད་ཡིག་ཚང་།》དང༌། དཔའ་བོ་གཙུག་ལག་ཕྲེང་བའི་《ཆོས་འབྱུང་མཁས་པའི་དགའ་སྟོན།》འབྲུ་བཀྲ་ཤིས་རྒྱ་མཚོའི་《རུས་མཛོད་པད་དཀར་སྐྱེད་ཚལ།》བཅས་དང༌། གཞན་ཡང་འབྱུང་རྩིས་ཀྱི་གཞུང་རྣམས་སུ་འཁོད་པའི་བོད་ཀྱི་རུས་ཚན་གྱེས་ཚུལ་སྐོར་གྱི་སྙིང་དོན་རྣམས་མདོར་བསྡུས་ནས་བཤད་ན། བསྐལ་པ་ཡ་ཐོག་ཐུན་མོང་གི་འཚོ་བ་སྤྱོད་པའི་དུས་མཇུག་ཙམ་ལ། ཐོན་རྫས་ཀྱི་ལྷག་མ་གསོག་འཇོག་བྱེད་སྲོལ་བྱུང་བའི་རྐྱེན་གྱིས་མི་རྣམས་ཕན་ཚུན་མ་མཐུན་པར་ས་ཆ་སོ་སོར་གྱེས་པ་ལས་སྒ་འབྲུ་སྦྲ་
པའི་རྩ་བའི་རུས་ཆེན་བཞི་པོའི་དབྱེ་སྲོལ་འདི་བྱུང་ཡོད། ཡིན་ནའང་འདི་ལ་བགྲངས་ཚུལ་མི་འདྲ་བ་དང༌། ཡི་གེ་འབྲི་སྟངས་མི་འདྲ་བ་ཡོད་པ། དང་པོ་བགྲངས་ཚུལ་མི་འདྲ་བ་ནི་སྒ་འབྲུ་སྦྲ་ལྡོང་བཞི་ལ། སེ་རྨུ་ལྡོང་སྟོང་བཞི་བགྲངས་སྲོལ་ཡོད་ཀྱང་སེ་དང་ཁྱུང་དང་སྦྲ་རྣམས་རུས་ཚན་གཅིག རྨུ་དང༌། སྒ་རྣམས་རུས་ཚན་གཅིག སྟོང་དང༌། འབྲུ་ཞེས་པ་རུས་ཚན་གཅིག་ཡིན་སྟབས་དོན་དུ་རུས་ཚན་བཞི་རུ་མ་འདུས་པ་མེད། གཉིས་པ་ཡི་གེ་འབྲི་ཚུལ་མི་འདྲ་བ་ནི། ལྡོང་དང་གདོང་གཉིས། བསེ་དང་སེ་གཉིས། སྦྲ་དང་དབྲ་གཉིས། འབྲུ་དང་འགྲུ་གཉིས། རྨུ་དང་དམུ་གཉིས། སྒ་དང་ལྒ་གཉིས་བཅས་བྱུང་ཡོད་པ་འདི་དག་དོན་གཅིག་ཏུ་སྣང༌། 《རྒྱ་བོད་ཡིག་ཚང་ཆེན་མོ།》ལས། དེའང་སྔོན་དང་པོ། ཡུལ་དམའ་ཁ་ཤུལ་གཡག་ཞུར་གྱི་གོང་ཁ་བྱ་བར། སྲིད་པའི་རྒྱལ་བུ་ཐིང་གི་ཞེས་པ་ལ། བུ་གསུམ་བྱུང་བ། རྒྱ་བོད་ཧོར་ གསུམ་དུ་གྱེས་པའི། བོད་མི་ཁྲི་དོ་ཆེན་པོ་བྱ་བ་དེ་ལ། བུ་དྲུག་བྱུང་བ་ནི། དབྲའ་འབྲུ་ལྡོང་གསུམ་ལྒ་དང་བཞི། །ནུ་བོ་དབས་བརྡའ་གཉིས་དང་དྲུག ། བོད་ཀྱི་མི་རྒྱུད་དྲུག་པོ་དེས། །དམའ་ཁ་ཤུ་རས་འདེབས་སྟག་པ་དེར། །བོད་མི་གསུམ་བུ་དྲུག་ས་བགོས་བྱས། །ལྡོང་གིས་པ་མ་ལེ་པང་ཐོབ། །དབྲ་ཡིས་དབྲ་མོ་རབ་བཀྲ་ཐོབ། །འབྲུ་ཡིས་འབྲུ་མོ་ཕྲོམ་ཕྲོམ་ཐོབ། །སྒ་ཡི་ལྒར་མ་མེ་པོ་ཐོབ། །དབས་བརྡས་རྒྱ་བོད་ས་མཚམས་སུ། །མཚམས་ཀྱི་མདའ་དར་གོང་མ་བཟུང༌། །ཞེས་གསུངས་པ་ལྟར་ན།
1.ཕུ་བོ་ལྡོང་གི་རྒྱུད་པ་དང་མངའ་ཁོངས་ནི། བོད་མི་ཁྲི་དོ་ཆེན་པོ་བྱ་བ་དེའི་ཆུང་མ་རྣམས་ལ་རིམ་བཞིན་བུ་དྲུག་ཏུ་སྐྱེས་པ་དེ་དག་ནང་མ་འཆམས་པའི་སྐབས་སུ། ཡབ་ཁྲི་དོ་བཙན་པོས་དམའ་ཁ་ཤུ་རབས་འདེབས་ཞེས་པའི་ས་ཆ་དེར་བོས་ནས་ས་བགོས་བྱས་པ་ལ་ཕུ་བོ་ལྡོང་ལ་པ་མ་ལེ་པང་ཞེས་པའི་ས་ཆ་དེ་ཐོབ། དེའི་མངའ་ཁོངས་སུ་ཆགས་པའི་མི་རྒྱུད་ལ་ཕུ་བོ་ལྡོང་གི་རུས་རྒྱུད་ཅེས་ཟེར། དེ་ཡང་ཕུ་བོ་ལྡོང་གིས་བཟུང་བའི་ཡུལ་ནི་《རུས་མཛོད།》ལས་གསལ་བ་ལྟར་ན། མི་ཉག་གི་ཡུལ་ཏེ་ཁམས་ཀྱི་ཤར་ལྷོ་གཉིས་སུ་གནས་པའི་ཡུལ་གྲུ་འདི་དག་ལ་ཟེར། དེ་ལ་དབྱེ་བ་དཀར་པོ་ལྡོང་དང༌། ནག་པོ་ལྡོང༌། ཁྲ་བོ་ལྡོང༌། སྨུག་པོ་ལྡོང་སོགས་ཡོད་པར་གྲགས་ལ། 《རྒྱ་བོད་ཡིག་ཚང་ཆེན་མོ།》ལྟར་ན།
ཕུ་བོ་ལྡོང་ལ་མཆེད་དྲུག་ཡོད། །
སྟོད་ན་སྤ་ཚབ་འབྲིང་ཡས་གཉིས། །
བར་ན་རོ་འཛེར་རག་ཤི་གཉིས། །
སྨད་ན་མི་ཉག་གྱི་ཐན་གཉིས། །
ཆེ་དྲུག་མཚན་ན་བཙུན་དྲུག་སྟེ། །
བི་རི་འ་མདོ་དང་གླིང་པ་གཉིས། །
རོ་འཛེར་ལ་ཕུ་པ་དང་མདའ་པ་གཉིས། །
གྱི་ཐན་ལ་རྒྱས་བསྡུས་ཆེ་ཆུང་གཉིས། །
ཞེས་གསལ་བ་ལྟར། མཆེད་དྲུག་གི་ཁྱབ་པའི་ཡུལ་ནི། སྤ་ཚབ་དང༌། འབྲིང་ཡས། རོ་འཛེར། རག་ཤི། མི་ཉག གྱི་ཐན་བཅས་ཀྱི་ཡུལ་རྣམས་ཡིན་པ་དང༌། བཙུན་དྲུག་གི་ཁྱབ་ཡུལ་བི་རི་འ་མདོ། གླིང་པ། ཕུ་པ། མདའ་པ། གྱི་ཐན་རྒྱས་པ། གྱི་ཐན་བསྡུས་པ་བཅས་ཀྱི་ས་ཆ་རྣམས་ཡིན་ལ། ས་ཆ་འདི་དག་གཙོ་བོ་མདོ་ཁམས་སྟོད་སྨད་ཀྱི་ཡུལ་གྲུ་རྣམས་ལ་ཟེར་གྱིན་ཡོད་དེ། 《འབྱུང་རྩིས་ཉེར་མཁོ་བུམ་བཟང་།》ལས།
ཡང་ན་མདོ་ཁམས་སྨད་འདི་ནི། །
གདོང་ནི་ས་ཁམས་ཤ་བ་བླ། །
འབྲུ་ནི་ཆུ་ཁམས་གཡག་ལ་བླ། །
སྦྲ་ནི་ལྕགས་ཁམས་རྐྱང་ལ་བླ། །
སྒོ་ནི་མེ་ཁམས་ར་ལ་བླ། །
སྒ་ནི་ཤིང་ཁམས་ལུག་ལ་བླ། །
རུས་པ་གཙང་མར་མ་ཤེས་ན། །
དེ་ཡང་གདོང་ལ་བསྡུ་ཞེས་ཟེར། །
འོན་ཀྱང་མཁྱེན་ལྡན་རྣམས་ཀྱིས་དཔྱོད། །
ཅེས་མདོ་ཁམས་སྟོད་སྨད་དུ་གནས་པའི་མི་རིགས་འདི་དག་སོ་སོའི་སྤྱོད་པ་དང༌།
གཤིས་ཀ་བཅས་ལ་བརྟགས་ནས་རིགས་རུས་གང་ཡིན་ཞིབ་ཏུ་དཔྱད་དགོས་ཀྱང༌། གལ་སྲིད་གསལ་པོར་མ་རྟོགས་པ་ཡིན་ན། གདོང་གི་ཁོངས་སུ་བསྡུ་ཆོག་སྟེ། མདོ་ཁམས་ཕྱོགས་ཀྱི་མི་རྣམས་ཕལ་ཆེར་གདོང་གི་རུས་རྒྱུད་ཡིན་པས་ན་དེ་ལྟར་དུ་ངོས་འཛིན་བྱེད་ཆོག་ཅེས་བསྟན་ཡོད་པ་དང༌། གཞན་ཡང་རུས་མཛོད་ཀྱི་ཡིག་ཚང་རྣམས་སུ་ལྡོང་གི་ང་ཆེན་བཅོ་བརྒྱད། ཚ་ཆེན་བཅོ་བརྒྱད། ཤུལ་ཆེན་བཅོ་བརྒྱད་སོགས་སུ་འཁོད་ཡོད་པ་དེ་དག་ལས། ལྡོང་གི་རུས་ཆེན་བཅོ་བརྒྱད་ནི། ཡབ་ལྡོང་ཆེན་པོ་སྤོས་དྲོ་ཡིན། དེ་ལས་རུས་རིགས་བཅོ་བརྒྱད་བྱུང༌། ཅོག་དང་ཅོག་ཙེ་ཅོག་རོ་གསུམ། སླད་ཀྱི་ཞིང་དང་འདྲ་བའི་བུ་གསུམ་ཡིན། འབྲོང་དང་ཁྲུང་པོ་ཟླ་བ་གསུམ། དཔྲལ་བའི་མིག་དང་འདྲ་བའི་བུ་གསུམ་ཡིན། འབྲིང་དང་ལྷ་ལུང་ལྷ་རྩེ་གསུམ། ལག་པ་གཡས་དང་འདྲ་བའི་བུ་གསུམ་ཡིན། བྲང་དང་དགོས་པ་ཁུ་ན་གསུམ། ལག་པ་གཡོན་དང་འདྲ་བའི་བུ་གསུམ་ཡིན། ཉ་དང་ཚེ་སྤང་ལུ་ནག་གསུམ། ལུས་དང་ཁོག་པ་དང་འདྲ་བའི་བུ་གསུམ་ཡིན། སྙིང་དང་ཕོ་གོང་ཐག་བཟང་གསུམ། ཁོག་པའི་སྙིང་དང་འདྲ་བའི་བུ་གསུམ་ཡིན་ཞེས་དང༌། ལྡོང་གི་ཚ་ཆེན་བཅོ་བརྒྱད་ནི། ཕྱག་ཚ། རྨོག་ཚ། མགོ་ཚ། སྦུ་ཚ། ཏོག་ཚ། གཡི་ཚ། ཟངས་ཚ། རེབ་ཚ། དཔལ་ཚ། རྐང་ཚ། གཅན་ཚ། དོམ་ཚ། གཤེན་ཚ། ཚར་ཚ། བྲག་ཚ། ཉ་ཚ། རྒྱ་ཚ་རྣམས་ཡིན། །
ལྡོང་གི་ཤུལ་ཆེན་བཅོ་བརྒྱད་ནི། སྨན་ཤུལ། ཡུལ་ཤུལ། བདུད་ཤུལ། རག་ཤུལ། ཕན་ཤུལ། དབལ་ཤུལ། ཆོས་ཤུལ། བན་ཤུལ། མགོན་ཤུལ། ཕྱག་ཤུལ། དཔལ་ཤུལ། ཆུ་ཤུལ། རི་ཤུལ། ཉན་ཤུལ། ཁྱི་ཤུལ། ལོ་ཤུལ། འགོ་ཤུལ། ཡབ་ཤུལ། རྟ་ཤུལ་རྣམས་ཡིན་ལ། རུས་མིང་འདི་དག་མདོ་སྨད་ཀྱི་ཡུལ་གྲུ་རྣམས་སུ་དེང་དུས་ཀྱང་ལ་ལ་ནི་ཡུལ་མིང་དུ་འབོད་ལ། ལ་ལ་ནི་དུད་ཚང་གི་མིང་དུ་འབོད་ཀྱིན་ཡོད། །
སེ་དང་དབྲ་ཡི་ཆེ་དྲུག་དེ། །
སྟོད་ན་ཞང་ཞུང་ཁྱུང་པོ་གཉིས། །
བར་ན་མར་པ་སྤུ་རང་གཉིས། །
སྨད་ན་རེ་ཁེ་ཉག་ལེ་གཉིས། །
ཆེ་དྲུག་མཚན་གྱི་བཙུན་དྲུག་དེ། །
ཀྲི་ལ་རྨེ་ཤ་དང་རྨེ་ཚན་གཉིས། །
བྲག་ཏུ་ལ་གྲུ་གུ་དང་རྡོར་ཉེ་གཉིས། །
དེ་ཆེ་བཙུན་སྤེལ་མ་བཅུ་གཉིས་ཡིན།
ཞེས་གསལ་བ་ལྟར། མཆེད་བཙུན་སྤེལ་མ་བཅུ་གཉིས་གྱི་ཡུལ་ནི། ཞང་ཞུང་དང༌། ཁྱུང་པོ། མར་པ། སྤུ་རངས། རེ་ཁེ། ཉག་ལེ། རྨེ་ཤ། རྨེ་ཚན། གྲུ་གུ རྡོར་ཉེ། ཁོ་པོ། ཁོ་དབྲ་བཅས་ཡིན་ཞིང༌། ཞང་ཞུང་དང་ཁྱུང་པོ། མར་པ་དང་སྤུ་རངས་རྣམས་ནི་དེང་སང་ཡང་མིང་དེ་གར་འབོད་པའི་བོད་ཡུལ་ནུབ་ཕྱོགས་ཀྱི་ས་ཁུལ་འདི་དག་ཡིན་ལ། གཞན་རྣམས་ཀྱང་བོད་ཡུལ་སྟོད་སྨད་བར་གསུམ་གྱི་ས་གནས་ཁག་ཏུ་ཞིབ་དཔྱད་བྱས་ན་ངེས་རྙེད་ཐུབ་པར་སེམས། །
3.ཨ་ལྕགས་འབྲུ་ཡི་སྐོར་ལ། དཔའ་རྒྱ་སྟག་མཆེ་སྡེར་མ་ཉམས་པ། ། ཨ་ལྕགས་འབྲུ་ཡི་བུ་རྒྱུད་ཡིན། ཞེས་པའི་ཁྲི་དོ་ཆེན་པོའི་བུ་གསུམ་པ་ཨ་ལྕགས་འབྲུ་ལ་འབྲུ་མོ་ཕྲོམ་ཕྲོམ་ཞེས་པའི་ས་ཆ་དེ་ཐོབ། དེའི་མངའ་ཁོངས་སུ་ཆགས་པའི་མི་རྒྱུད་ལ་ཨ་ལྕགས་འབྲུ་ཡི་མི་རྒྱུད་ཅེས་ཟེར། རུས་མཛོད་ལས། སུམ་པའི་ཡུལ་ཏེ། ཁམས་ཀྱི་ནུབ་བྱང་ཕྱོགས་ཀྱི་ཡུལ་གྲུ་རྣམས་དང༌། ལྷ་སའི་བྱང་ཕྱོགས་ཀྱི་ལུང་པ་འདི་དག་ལ་ཟེར། དེ་ལ་དབྱེ་བ་《རྒྱ་བོད་ཡིག་ཚང་ཆེན་མོ།》ལས།
ཁྲི་ཟམ་འབྲུ་ཡི་ཆེ་དྲུག་དེ། །
ཤར་ན་གྱི་དང་རོང་པོ་གཉིས། །
ལྷོ་ན་བྷེ་དང་རི་ཐོ་གཉིས། །
སྨད་ན་འབྲོམ་དང་ངོ་ཀྲོ་གཉིས། །
ཆེ་དྲུག་བཙན་གྱི་བཙུན་དྲུག་དེ། །
སྦས་དང་སྤོས་དང་ཚ་ཕྲོམ་གསུམ།
ཞུག་པ་སྟོང་ཉེ་ཉེ་སྒ་གསུམ། །
ཆེ་བཙུན་སྤེལ་མ་བཅུ་གཉིས་ཡིན།
ཞེས་གསལ་བའི་མཆེད་བཙུན་སྤེལ་མ་བཅུ་གཉིས་ནི། གྱི། རོང་པོ། བྷེ། རི་ཐོ། འབྲོམ། ངོ་ཀྲོ། སྦས། སྤོས། ཚ་ཕྲོམ། ཞུགས་པ། སྟོང་ཉེ། ཉེ་སྒ་བཅས་བཅུ་གཉིས་པོ་འདི་དག་ཡིན་ལ། འདི་རྣམས་ནི་བོད་ཡུལ་སྟོད་སྨད་བར་གསུམ་གྱི་ཡུལ་ཐམས་ཅད་ལ་ཐོར་བུ་རུ་གནས་ཡོད་པ་འདྲ་སྟེ། བོད་ཀྱི་ཤར་ཕྱོགས་སུ་གནས་པའི་སྡེ་མང་པོ་ཞིག་ལ་མདོ་ཁམས་རོང་ཆེན་བཅོ་བརྒྱད་ཅེས་ཟེར་སྲོལ་ཡོད་དེ། རྒྱལ་མོ་རོང༌། ཚ་བ་རོང༌། ཨ་རབ་རོང༌། དགུ་རོང༌། སྟག་རོང༌། འཇང་རོང་ལ་སོགས་པ་རྣམས་ཡིན་ལ། སི་ཏུ་ཆོས་ཀྱི་འབྱུང་གནས་ཀྱི་རྣམ་ཐར་ལས་མདོ་སྨད་རོང་ཆེན་བཅོ་བརྒྱད་ཀྱི་ཡ་གྱལ་ཨ་རབ་རོང་དུ་སྐུ་འཁྲུངས་ཞེས་འཁོད་ཡོད་པ་ལ་བརྟགས་ན་དེང་སང་སྡེ་དགེའི་སྨད་ཕྱོགས་ཀྱི་ལྕང་ར་མན་དང་ཧོར་པོ་ཡན་གྱི་བར་སྐོར་འདི་ཚོ་ལ་ཨ་རབ་རོང་ཞེས་ཟེར་གྱིན་ཡོད་པར་ངེས། བེ་དང་རི་ཐོ་གཉིས་རྒྱ་གར་དང་ཉེ་བའི་བོད་ཀྱི་ལྷོ་ཕྱོགས་སུ་ཡོད་པར་གྲགས། འབྲོམ་ནི་སྟོད་ལུང་ཕུ་འབྲོག་པའི་རུས་མིང་སྟེ། འབྲོམ་སྟོན་པ་རྒྱལ་བའི་འབྱུང་གནས་ཀྱང་དེའི་རུས་ཡིན། །
རྨུ་ཚ་ལྒ་ཡི་ཆེ་དྲུག་དེ། །
ཐོས་རུས་སྟག་རུས་སྟོད་ན་ཡོད། །
བྱ་ཅན་ཁྲབ་ཅན་སྟོད་ན་ཡོད། །
བྱ་རྗེ་སྤེན་ཐོག་སྟོད་ན་ཡོད། །
ཆེ་དྲུག་མཚན་གྱི་བཙུན་དྲུག་དེ། །
ལྒ་ལ་བྱེས་པ་ཡུལ་པ་གཉིས། །
ལྟག་རུས་ཡུལ་སྟག་འབྲོག་སྟག་གཉིས། །
དབས་ལ་ཆེ་སྐོར་ཆུང་སྐོར་གཉིས། །
ཆེ་བཙུན་སྤེལ་མ་བཅུ་གཉིས་ཡིན། །
ཞེས་གསལ་བའི་མཆེད་བཙུན་སྤེལ་མ་བཅུ་གཉིས་ནི། ཐོས་རུས་དང༌། སྟག་རུས། བྱ་ཅན། ཁྲབ་ཅན། བྱ་རྗེ། སྤེན་ཐོག་སྟེ་མཆེད་དྲུག་དང༌། བྱེས་པ། ཡུལ་པ། ཡུལ་སྟག འབྲོག་སྟག་ཆེ་སྐོར། ཆུང་སྐོར་བཅས་བཅུ་གཉིས་པོ་འདི་དག་ཡིན་ལ། དེ་དག་གཙོ་བོ་བོད་ཡུལ་སྟོད་ཕྱོགས་ཀྱི་ལུང་པ་རྣམས་སུ་ཡོད་ངེས་ལ། འོན་ཀྱང་ཆོས་རྒྱལ་སྲོང་བཙན་སྒམ་པོའི་སྐབས་སུ་ས་མཚམས་བརྟན་སྲུང་བྱེད་པའི་ཆེད་དུ་དབུས་གཙང་ཕྱོགས་ཀྱི་སྡེ་བ་མང་པོ་ཞིག་བྱང་ཤར་གྱི་ས་མཚམས་རྣམས་སུ་བཏང་སྟེ་རྒྱལ་མཚམས་སྲུང་བའི་དམག་མིར་བསྐོས་པ་དེ་དག་དེང་སང་ཀྱང་དེ་གར་གཞིས་ཆགས་ཡོད་པ། མཁས་དབང་དམུ་དགེ་བསམ་གཏན་ལགས་ཀྱིས་བརྩམས་པའི་《རྔ་བ་བོད་རིགས་རང་སྐྱོང་ཁུལ་གྱི་རིག་གནས་ལོ་རྒྱུས་དཔྱད་གཞི་བདམས་བསྒྲིགས།》ལས། ཟུང་ཆུ་ནས་ཀུན་དགའ་ལ་བརྒལ་ནས་སོང་བ་ན། ནན་ཕེན་ཟེར། ཡུལ་དེའི་མི་རྒྱུད་དག་ཀྱང་ཞང་ཞུང་དང་ཤར་པའི་མི་རྒྱུད་ཡིན་ཞིང༌། གཟི་ཚ་སྡེ་དགུ་ལྟ་བུ་ལྡོང་ཚ་ཆེན་བཅོ་བརྒྱད་ཀྱི་ནང་ཚན་གྱི་རིགས་ཡོད་ལ། དམུ་ཚ་ལྒའི་རིགས་ཀྱང་ཡོད་པར་བཤད། ཆུ་དཀར་གྱི་སྟོད་དུ། སྔར་ཀོང་པོའི་ཁོག་ནས་འོང་བའི་དམག་གི་རྒྱུད་པ་ཡོད། དེང་སང་བརྡ་འགྱུར་ནས་ཁོང་པོ་ཟེར། དེ་ནས་དྭགས་པོ་ནས་འོང་བའི་དམག་རྒྱ་བོད་ས་མཚམས་སུ་བཞག་པ་ལ། དྭགས་པོ་ཟེར་ཞིང༌། རྗེས་སུ་དེ་ལ་བོད་དམག་ཟེར། དེ་དག་གི་གོམས་གཤིས་དང་ཆོས་ལུགས་སོགས་ཀྱང་བོད་སྤྱི་དང་འདྲའོ། ཞེས་གསུངས་པ་ལྟར། བོད་ཀྱི་རུས་རྒྱུད་དེ་དག་དུས་ཕྱིས་བོད་ཡུལ་ག་ས་གར་ཁྱབ་ཡོད་པར་སེམས། དེང་དུས་བོད་ཡུལ་གྱི་ཤར་ལྷོའི་མཚམས་སུ་གནས་པའི་རྨུ་གླིང་བོད་རིགས་རང་སྐྱོང་རྫོང་ཞེས་པའི་ས་གནས་འདི་ཡང་རྨུ་ཚ་ལྒ་ཡི་རུས་རྒྱུད་ཀྱིས་བཟུང་བའི་ཡུལ་ལ་རྨུ་གླིང་ཞེས་ཟེར། དེང་སང་མུ་ལི་ཞེས་ཟུར་ཆག་བྲིས་པ་ནི་རྒྱ་ཡིག་གི་སྒྲ་གདངས་བོད་སྐད་དུ་བྲིས་ཏེ་མ་དག་རྒྱུན་འབྱམས་སུ་སོང་བའི་འབྲི་སྲོལ་རེད། །
5.ནུ་བོ་དབས་བརྡ་གཉིས་ཀྱི་སྐོར་ལ། དམངས་རིགས་དབལ་ཟླ་གཉིས་ནི། སྔོན་སྤྲེའུ་བྱང་ཆུབ་སེམས་དཔའ་རང་ཉིད་ཀྱིས་མི་ཚན་བཞིར་བཅད་པ་དེར་རང་ཚན་བཞི་པོ་མ་འདྲེས་པར་བཞག་པ་དེ་ལས་ལྷ་རིགས་དགའ་ནི་སྔར་བཤད་ཟིན་ལ། དེའི་འཕྲོས་བཞི་ཚན་གྱི་ནང་ནས་མི་ཡ་རབས་ཀྱི་ཡོན་ཏན་དང་སྤྱོད་ཚུལ་ཀུན་ལྡན་བྱང་ཆུབ་སེམས་དཔའ་བློ་ཆེན་ལྡན་གྱི་རིགས་རྣམས་གཙོ་བྱས་ཏེ། དེ་ཡི་མིང་ལ་ལྡོང་དང༌། འབྲུ་དང་སྦྲ་དང་སྒ་བཞི་ནི་གཙོ་བོའི་རིགས་རྣམས་ལ་ཐོགས་ཤིང་རུས་ཆེན་དུ་གྲགས་པ་ཡིན་ལ། དེའི་འཕྲོའི་རིགས་ཆེན་བཞི་གའི་ལྷག་མ་དམངས་རིགས་ཐམས་ཅད་པོ་བསྡུས་ཤིང་ཚན་གཉིས་སུ་བགོས་ཏེ། གཅིག་ལ་དཔའ་འམ་དབའ་དང༌། གཅིག་ལ་མདའ་འམ་ཟླ་ཞེས་བཏགས་ལ། བོད་མི་བུ་གདུང་དྲུག་ཟེར་བ་ནི། མི་བུ་རུས་དྲུག་ཞང་བོ་སྒོ་དང་བདུན་ཞེས་པ་དེ་ཡིན་ལ། དབའ་ཡི་རིགས་ལ་ཐོག་མའི་ཞང་པོ་དང༌། ཟླ་ཡི་རིགས་ལ་ཚ་བོ་བྱུང་བས། ཚ་ཞང་གཉིས་ཀྱི་རིགས་ཀྱང་ཟེར་བས་ཚ་ཞང་ཡང་གྲགས་སོ། དབའ་ཡི་རིགས་ལ་གཡང་དང་འཕེལ་ཚ་སོགས་རུས་མང་བགྲང་ལས་འདས་པ་དག་བྱུང་ལ། ཟླ་ཡི་རིགས་ལ་འོང་ཁེ་དང་སྨོན་སོགས་ཀྱི་རུས་མང་པོར་འཕེལ་བ་ད་ལྟའི་དམངས་རིགས་ཚ་ཞང་གི་རིགས་འདི་ཐམས་ཅད་ཡིན་ནོ། ། ཨ་བོ་ནི་འབྲི་ཡིན་ལ། བར་ཁམས་སུ་དབུས་དང་ཁད་ཉེ་བ། སྟོད་ཨ་བོ་ཞེས་དཔའ་བོ་ཞེས་པ་དང༌། མཆོག་ཚང་སྦྲ་ཡིན་པ་ཟེར་བ་གནའ་མིའི་ངག་རྒྱུན་དུ་འདུག་ཀྱང་ཐག་ཆོད་ཀྱི་ཡིག་ཚང་འདྲ་ནི་མ་མཐོང་ངོ༌། ། གོང་དུ་བཤད་པའི་ནུ་བོ་དབའ་ཟླ་གཉིས་ཀྱི་དགྲ་བླ་ནི་རང་རང་གི་མཚུན་ལྷ་རྣམས་དང༌། དགྲ་བླ་ནི་ཤེལ་ལས་གྲུབ་པའི་ར་སྐྱེས་ཁམ་གཟུགས་དང༌། དུང་ས་གྲུབ་པའི་ཁྱི་མོ་དཀར་མོ་གཉིས་ཀྱི་གཟུགས་ཀྱི་རུས་ལྷ་དགྲ་ལྷ་དང༌། བོད་ཡུལ་གྱི་ཡུལ་ལྷའི་གཙོ་བོ་རྣམ་གསུམ་དང༌། རང་རང་གི་ཡུལ་གྱི་གཞི་བདག་རྣམས་མཆོད་བསྟོད་ལ་བརྩོན་དགོས་སོ།།
2014-12-12 《藏地阳光》
་་་་་་་ 5.ནུ་བོ་དབས་བརྡ་གཉིས་ཀྱི་སྐོར་ལ། དམངས་རིགས་དབལ་ཟླ་གཉིས་ནི། སྔོན་སྤྲེའུ་བྱང་ཆུབ་སེམས་དཔའ་རང་ཉིད་ཀྱིས་མི་ཚན་བཞིར་བཅད་པ་དེར་རང་ཚན་བཞི་པོ་མ་འདྲེས་པར་བཞག་པ་དེ་ལས་ལྷ་རིགས་དགའ་ནི་སྔར་བཤད་ཟིན་ལ། ་་་་་་་
མ་གཞི་ནས་”བོད་མིའི་རུས་གྱེས་ཚུལ་”འདི་ནི་ཐུབ་བསྟན་ཕུན་ཚོགས་ཀྱིས་༡༩༩༣ ལོར་བརྩམས་པའི་༼བོད་ཀྱི་ལོ་རྒྱུས་སྤྱི་དོན་པད་མ་རཱ་གའི་ལྡེ་མིག༽ ནང་གི་”ལེའུ་དང་པོ། བསྐལ་བ་ཡ་ཐོག་གི་སྐོར།”གྱི་ནང་དུ་སྔོན་ནས་འཁོད་ཡོད་པ་ཞིག་རེད།
འོན་ཀྱང་གཞན་རྩོམ་འདི་རིགས་འགོད་སྐབས་ཡོང་ཁུངས་དང་འདྲེན་མཁན་གྱི་མིང་བཅས་གསལ་འགོད་བྱེད་རྒྱུ་དེ་ཡང་གལ་ཆེན་ཞིག་ཏུ་མཐོང་ཡོང་།
་་་་་་་་་་་་་་ 2.སེ་ཁྱུང་སྦྲའི་སྐོར་ལ། མཐུ་ཆེ་དམ་ཚིག་མ་ཉམས་པ། །སེ་ཁྱུང་སྦྲ་ཡི་བུ་རྒྱུད་ཡིན། ཞེས་པའི་བོད་མི་ཁྲི་དོ་ཆེན་པོའི་བུ་གཉིས་པ་ལ་དབྲ་མོ་རབ་བཀྲ་ཞེས་པའི་ས་ཆ་དེ་ཐོབ་ནས་དེའི་མངའ་ཁོངས་སུ་ཆགས་པའི་མི་རྒྱུད་ལ་སེ་ཁྱུང་སྦྲ་ཡི་རུས་རྒྱུད་ཅེས་ཟེར་ཞིང༌། རུས་མཛོད་ལས། ཡུལ་འདི་ཞང་ཞུང་གི་ཡུལ་ཏེ། མངའ་རིས་དང་ལ་དྭགས། གཙང་སྟོད་བཅས་ལ་ཟེར། ་་་་་་་་
བོད་རུད་ཆན་༸གོང་ས་མཆོག་གིས།
་་་་་་་ ང་རང་བོད་གངས་ཅན་ལྗོངས་ཀྱི་ཤཱཀྱའི་དགེ་སློང་སྟོན་པ་བཅོམ་ལྡན་འདས་ཀྱི་ཟབ་པ་དང་རྒྱ་ཆེ་བའི་ཆོས་ཀྱི་སྙིང་པོ་སྟོང་ཉིད་སྙིང་རྗེ་ཟུང་དུ་འཇུག་པའི་ལམ་ལ་ཤེས་ནས་དད་པ་ཐོབ་པའི་སྒོ་ནས་གང་ཐུབ་ཉམས་ལེན་བྱེད་མཁན་ཞིག་དང་། སོ་སོའི་ལས་དང་སྨོན་ལམ་གྱིས་འབྲེལ་བའི་ཐོག་ནས་བོད་ཀྱི་བསྟན་སྲིད་སྐྱེ་འགྲོའི་བདེ་སྐྱིད་དང་བཅས་པའི་ཁུར་འཁྲི་པ་ཞིག་གིས་དུས་ཚོས་ཉག་ཕྲ་ཞིང་། དངོས་གནས་གངས་ཅན་ལྗོངས་ཀྱི་མི་རིགས་རིག་གཞུང་དང་བཅས་པ་རྩ་བརླག་ཏུ་འགྲོ་བའི་ཉེན་ཁའི་དུས་ཚོད་འདིར་ད་བར་གང་ཐུབ་བསྒྲུབས་ཡོད།
ང་རང་ཚོ་ཐེག་པ་ཆེན་པོའི་ཆོས་ཉམས་ལེན་བྱེད་མཁན་གྱིས་ཞོགས་པ་མིག་གདངས་པ་དང་སེམས་ཅན་ཐམས་ཅད་ཅེས་བརྗོད་ཀྱིན་ཡོད། དེ་གཞིར་བཟུང་བྱས་ནས་སེམས་ཅན་ཐམས་ཅད་ཅེས་བརྗོད་དགོས་ཀྱང་། སྔོན་ལ་ང་རང་ཚོར་ཁ་ཡོད་ལག་ཡོད་ཀྱི་འབྲེལ་བ་ཡོད་པའི་འཛམ་གླིང་ཧྲིལ་པོ་འདིའི་སྒང་གི་སེམས་ཅན་སྤྱི་དང་། ཡང་སྒོས་འགྲོ་བ་མིའི་རིགས་ལ་གང་ཐུབ་ཀྱི་ཕན་པ་བསྒྲུབ་ཐུབ་པ་ཞིག་མ་བྱུང་ན། དངོས་གནས་ཆོས་ནས་བཤད་པའི་སྨོན་ལམ་རྒྱག་རྒྱུ་དང་འདུན་པ་སྤྱང་རྒྱུ་འདི་ངོ་ཐོག་ལག་ལེན་འགེལ་བའི་གོ་སྐབས་མེད་ན་ནི་དེ་ག་རང་རེད། སྨོན་ལམ་རྒྱག་རྒྱུ་མ་གཏོགས་བྱེད་རྒྱུ་གང་ཡང་མེད། གོ་སྐབས་ཡོད་ན་ཁ་ནི་སྨོན་ལམ་བརྒྱབ་པ་ལས། ལག་ལེན་འགེལ་རྒྱུ་འདི་དངོས་གནས་ཆོས་ཉམས་ལེན་བྱེད་རྒྱུའི་དགོས་དོན་སྙིང་པོ་ཡིན་སྟབས། གང་ཐུབ་ཅི་ཐུབ་ཀྱིས་མི་ལ་ཁ་ཕན་ཚིག་ཕན་གྱི་ཕན་ཐོགས་བསྒྲུབ་དགོས་པ་རེད། དེ་འདྲ་བྱེད་མཁན་ཞིག་ལ་དེ་རིང་འདིར་ཞི་བདེའི་བྱ་དགའ་ཐོབ་པ་རེད། ་་་་་་་
བཅོམ་ལྡན་འདས་ཀྱི་རིགས་མི་གཙོ་རུས་་མི་གཙོ་སྒྲུབ་པ་གཙོ་གསུང་འདུག་ན་་
རིགས་རུས་ཀྱི་བོད་རང་བཙན་ནམ་ཡང་ལེན་མི་ཐུབ་་མཁྱེན་པ་བགྱིས་་དུས་ཚོད་འཕྲོ་ལྷག་མ་གཏོང་།རིགས་རུས་བཤད་ནས་དེབ་འདྔ་བཟོས་ནས་དངུལ་འདྲ་
རག་གི་ཡོད་ན་གང་ཤེས་།ཧ་ཧ་
ལོ་རྒྱུས་ལ་ལུང་དང་ཁུངས་དང་དཔེ་ཀློག་དཔེ་ལྟ་བྱེད་སའི་ཟུར་ཆའི་ཡིག་དཔེ་ངག་ལུང་གང་དང་གང་གང་ནས་རག་པ་དང་ཡོད་པ་གསལ་པོར་བཀོད་དགོས་པ་ནི་མེད་མི་རུང་བའི་ཡིག་ཆའི་ཞིབ་ཆ་དག་ཡིན། དེ་མེད་ན། ཁྱོད་ལ་བསྐལ་པ་ཡ་ཐོག་རིག་པའི་མཐོང་ཐོས་འགྲེལ་གཏུགས་བྱེད་ས་ཤིག་མེད་པ་ཤེས་པས། འདི་ལྟ་བའི་ཁྱེད་ཀྱི་ངལ་བ་ལ་རིན་ཐང་ཞིག་དང་ཀློག་པོས་བཏང་བའི་དུས་ཚོད་སོགས་ལ་འཆལ་གཏམ་གྱི་དྲི་མ་ལ་འཆལ་བོ་ཚོས་ཐོས་ཇུས་བྱས་བ་ཙམ་ལས་ཅི་གང་མི་འདུག་ན། རྗེས་སུ་ཉམས་རེ་ཞོག།
སྔོན་བྱུང་བོད་ཀྱི་ལོ་རྒྱུད་རྣམས་ནི་རྨོངས་དད་དང་རྟོག་བཟོ་ལས་ཁུངས་ཐུབ་གང་ཡང་མེད་
ཐུབ་བསྟན་ཕུན་ཚོགས་ལགས་ཀྱིས་བོད་ཀྱི་རུས་གྱེས་ཚུལ་སྐོར། རྩོམ་ཡིག་ཞིག་སྤེལ་བ་དེར་སྙིང་ནས་འཚམས་འདྲི་ཞུ་རྒྱུ་དང་། དེ་དང་ཆབ་ཅིག་དྲི་བ་ཞིག་ལ་སྤྱང་ཀི་རུས་རྒྱུད་དང་། ཤའི་རུས་རྒྱུད། འཇང་གི་རྒྱུད། ཁྱུང་གི་རུས་རྒྱུད། ཆེམས་ཀྱི་རྒྱུད། གཉགས་ཀྱི་རུས་རྒྱུད། སྣུབས་ཀྱི་རུས་རྒྱུད། རའི་རུས་རྒྱུད། འཇུའི་རུས་རྒྱུད། བཀྲགས་ཀྱི་རུས་རྒྱུད་སོགས། རུས་ཆེན་གང་ལས་མཆེད་པ་ཡིན་མིན་བཅས་ཀྱི་སྐོར་ཅི་གསུངས་རོགས་གནང་ཞེས་རྒྱུ་ཡིན། གང་ཡིན་ཞེ་ན་ཁྱེད་ཀྱིས་རུས་རྒྱུད་སྐོར་དོ་སྣང་བྱེད་ཀྱི་ཡིད་པ་འདྲ།
ཐུབ་བསྟན་ཕུན་ཚོགས་མཆོག་གིས་སྔོན་གྱི་བོད་མིའི་འདོད་ཚུལ་འབད་པ་ཆེན་པོས་བཀོད་པར་དགའ་བསུ། ཐ་སྙད་འདི་དག་བདེན་རྫུན་གང་ཡིན་ཡང་། བོད་མིའིརིག་པ་རྒྱས་པ་ལ་ཕན། ཚན་རིག་གིས་ཁུངས་དག་ཡོད་པའི་དངོས་རྫས་རྣམས་ཀྱང་ཡང་དག་པ་དང་མ་དག་པ་གཉིས་ཀ་དོན་དུ་གཉེར་ནས་དག་པ་གྲུབ། དེས་ན་བོད་མི་རིགས་འབྱུང་ཚུལ་སློབ་གཉེར་ལ་གོང་གསལ་ཐ་སྙད་རྣམས་མེད་དུ་མི་རུང་བ་ཡིན་ཏེ། ཇི་སྐད་དུ། དཔལ་མགོན་འཕགས་པ་ཀླུ་སྒྲུབ་ཀྱིས།
ཐ་སྙད་ལ་ནི་མ་བརྟེན་པར།
དམ་པའི་དོན་ནི་རྟོགས་མ་ཡིན
དམ་པའི་དོན་ནི་མ་རྟོགས་པར།
མྱ་ངན་འདས་པ་ཐོབ་མ་ཡིན།། ༡༠ །། རྩ་ཤེས་རབ་བྱེད་༢༤
སྤྲེའུ་བྱང་ཆུབ་སེམས་དཔའ་དང་། ཞང་ཞུང་ཚིག་འདི་གཉིས་སྐོར་ལ་མང་དུ་ཐོས་འདོད་མཆིས་ཀྱང་་་་་་
ཨ་བོ་ནི་འབྲི་ཡིན་ལ་ཟེར་བ་འདིའི་དོན་འགྲེལ་རོགས། གདོང་དང་ལྡོང་གཉིས་གོ་དོན་ཁ་ཁ་ནི་ཡོད་ཕྱིར་དོན་མི་གཅིག་སྙམ།
<>ལས། ས་བགོས་ཀྱི་སྐབས་སུ། “བོད་མི་(མ)གསུམ་བུ་དྲུག་ས་བགོས་བྱས།། ལྡོང་གིས་པ་མ་ལེ་པང་ཐོབ། ། དབྲ་ཡིས་དབྲ་མོ་རབ་བཀྲ་ཐོབ།། འབྲུ་ཡིས་འབྲུ་མོ་ཕྲོམ་ཕྲོམ་ཐོབ།། ལྒ་ཡིས་ལྒར་མ་མེ་པོ་ཐོབ།། དབས་བརྡས་རྒྱ་བོད་ས་མཚམས་སུ།། མཚམས་ཀྱི་མདའ་དར་གོང་མ་བཟུང་།།” ཞེས་དབྲ་མོ་རབ་བཀྲ་ཞེས་པ་ས་ཆ་ཞིག་གི་མིང་ཡིན་པ་ལྟར་དུ་གསུངས་ཤིང་དེ་དང་མཐུན་པར། རེབ་གོང་རྡོ་རྗེ་མཁར་གྱིས་ཀྱང་དབྲ་མོ་རབ་བཀྲ་ཞེས་པ་ནི་སྟོད་མངའ་རིས་ཡུལ་གྱི་ས་ཆ་ཞིག་ཡིན་པར་གསུངས་འདུག་ལ། བཀུར་འོས་མཁས་དབང་ཐུབ་བསྟན་ཕུན་ཚོགས་མཆོག་གིས་ཀྱས་དབྲ་མོ་རབ་བཀྲ་ཞེས་པ་ས་ཆ་ཞིག་ལ་བཞེད་གནང་བ་འདྲ་ཡང་། <>སུ་མགོན་བའི་དགྲ་བླའམ་ལྷ་སྐལ་ཞིག་ཡིན་པར་བཞེད་འདུག་པ། དཔེར་ན།<>ལས། “གཉན་གྱིས་གདུང་དྲུག་ཕ་སྟོང་འཇལ་བ་ལ།། ལྡོང་ལ་ལྡོང་ལྷ་རྨ་ཕྲོམ་བྱིན།། དེ་གཡུ་འབྲུག་ཟངས་ཀྱི་ཟེ་བ་ཅན།། མཐོ་མི་མངོན་ནམ་མཁའི་དབྱིངས་ན་འདུག། ལྡོང་དར་ཕྱུག་ཅན་ཀྱི་དགྲ་བླ་བྱེད་པར་ཆད།། དབྲ་ལ་དབྲ་མོ་དབྲ་བཀྲ་བྱིན།། བྱ་ཁྱུང་ལྕགས་ཀྱི་མཆུ་སྡེར་ཅན།། ནམ་མཁའ་འགྲིམ་ཞིང་གངས་རི་ཉུལ།། དབྲ་བཙུན་དར་ཅན་གྱི་དགྲ་བླ་བྱེད་པར་ཆད།། འགྲུ་ལ་འབྲི་མོ་ཕྲོམ་ཕྲོམ་བྱིན།། ལྷ་གཡག་དབལ་གྱི་རྭ་ཅོ་ཅན།། འགྲུ་ལ་ཉུལ་ཞིང་རྫ་རི་འགྲིམ།། འགྲུ་དཔའ་ངར་གྱི་དགྲ་བླ་བྱེད་པར་ཆད།། སྒ་ལ་སྐར་མ་ལེགས་པོ་བྱིན།། གསེར་སྟག་མཚལ་གྱི་རི་མོ་ཅན།། ཁམས་གསུམ་འགྲིམ་ཞིང་སྒ་ལ་ཉུལ།། སྒ་ཕྱུག་དར་ཅན་གྱི་དགྲ་བླ་བྱེད་པར་ཆད།། དབལ་ཟླ་གཉིས་ཀྱི་སྟོང་སྐལ་ལ།། ཤེར་གྱི་(21b)ར་སྐྱེས་ཁམ་པ་དང་།། དུང་གི་ཁྱི་མོ་དཀར་མོ་བྱིན།།” ཞེས་དབྲ་མོ་རབ་བཀྲ་ཞེས་པ་ནི་དབྲ་དར་བཙུན་ཅན་གྱི་དགྲ་བླ་བྱ་ཁྱུང་ལྕགས་ཀྱི་མཆུ་སྡེར་ཅན། གཉན་གྱིས་ཕ་སྟོང་དུ་སྤྲད་པ་ཞིག་ཡིན་ཚུལ་བྱུང་བ་དང་། དབལ་ཟླ་གཉིས་ལ་ཡང་སྐལ་བ་ཐོབ་ཡོད་པར་བཤད་པ་སོགས་ཀྱིས་ས་ཆ་ཞིག་ནི་ཧ་ལམ་མིན་ལས་ཆེ་བས་ད་དུང་དཔྱད་པར་འཚལ།
ས་དགོས་ཀྱི་སྐོར་ལ་ །<>ལས། “བོད་མ་གསུམ་བུ་དྲུག་ས་བགོས་བྱས།། ལྡོང་སེ་བོ་ལ་རྒྱ་དེ་ཤར་ནས་འགྲིགས།། གངས་ལ་སེང་ཆེན་འགྱིང་བ་འདྲ།། དབྲ་ཆེ་བརྒྱད་ཀྱི་ཁོང་ཐོག་ལྷོ་ནས་འབྲེལ།། གྲིབ་སོ་ནུབ་ནས་ལྷག་པ་འདྲ།། འགྲུ་བུ་དགུའི་ཁོག་པ་གང་ནས་འགྲིགས།། སྟག་ལྤགས་གདང་ལ་གཟར་བ་འདྲ།། དགའ་མི་མཚོ་དམར་མོ་སྨད་ན་འཁྱིལ།། དངུལ་གཞོང་མར་ཁུས་བལྟམས་པ་འདྲ།། ནུ་བོ་དབའ་ལྡ་གཉིས་ཀྱི་སྐལ་བ་བཅད།། ཡིད་ཆད་བྱས་ནས་འཁྱམས་སུ་སོང་།། འཁྱམས་སུ་སོང་ནས་མཚམས་སུ་ཕྱིན།། མཚམས་ཀྱི་མདའ་ར་གོང་མ་བཟུང་།།” ཞེས་པ་ལས་སྤྱིར་རུས་རྒྱུད་ཚོ་པ་རྣམས་ས་བགོས་ཀྱི་སྐབས་སུ་ས་ཆ་གང་ཞིག་སུ་ལ་ཐོབ་པ་དང་། ངང་ཚུལ་ཇི་ལྟར་ཡིན་པ། ལྷག་པར་སེ་ཁྱུང་དབྲ་ཡི་མི་རྒྱུད་ཀྱིས་གང་གི་ཕྱོགས་ཀྱི་ས་བཟུང་ཡོད་པ་གསལ་པོར་སྣང་ངོ་།།
<> ལས། ས་བགོས་ཀྱི་སྐབས་སུ། “བོད་མི་(མ)གསུམ་བུ་དྲུག་ས་བགོས་བྱས།། ལྡོང་གིས་པ་མ་ལེ་པང་ཐོབ། ། དབྲ་ཡིས་དབྲ་མོ་རབ་བཀྲ་ཐོབ།། འབྲུ་ཡིས་འབྲུ་མོ་ཕྲོམ་ཕྲོམ་ཐོབ།། ལྒ་ཡིས་ལྒར་མ་མེ་པོ་ཐོབ།། དབས་བརྡས་རྒྱ་བོད་ས་མཚམས་སུ།། མཚམས་ཀྱི་མདའ་དར་གོང་མ་བཟུང་།།” ཞེས་དབྲ་མོ་རབ་བཀྲ་ཞེས་པ་ས་ཆ་ཞིག་གི་མིང་ཡིན་པ་ལྟར་དུ་གསུངས་ཤིང་དེ་དང་མཐུན་པར། རེབ་གོང་རྡོ་རྗེ་མཁར་གྱིས་ཀྱང་དབྲ་མོ་རབ་བཀྲ་ཞེས་པ་ནི་སྟོད་མངའ་རིས་ཡུལ་གྱི་ས་ཆ་ཞིག་ཡིན་པར་གསུངས་འདུག་ལ། བཀུར་འོས་མཁས་དབང་ཐུབ་བསྟན་ཕུན་ཚོགས་མཆོག་གིས་ཀྱས་དབྲ་མོ་རབ་བཀྲ་ཞེས་པ་ས་ཆ་ཞིག་ལ་བཞེད་གནང་བ་འདྲ་ཡང་། <>སུ་མགོན་བའི་དགྲ་བླའམ་ལྷ་སྐལ་ཞིག་ཡིན་པར་བཞེད་འདུག་པ། དཔེར་ན།<>ལས། “གཉན་གྱིས་གདུང་དྲུག་ཕ་སྟོང་འཇལ་བ་ལ།། ལྡོང་ལ་ལྡོང་ལྷ་རྨ་ཕྲོམ་བྱིན།། དེ་གཡུ་འབྲུག་ཟངས་ཀྱི་ཟེ་བ་ཅན།། མཐོ་མི་མངོན་ནམ་མཁའི་དབྱིངས་ན་འདུག། ལྡོང་དར་ཕྱུག་ཅན་ཀྱི་དགྲ་བླ་བྱེད་པར་ཆད།། དབྲ་ལ་དབྲ་མོ་དབྲ་བཀྲ་བྱིན།། བྱ་ཁྱུང་ལྕགས་ཀྱི་མཆུ་སྡེར་ཅན།། ནམ་མཁའ་འགྲིམ་ཞིང་གངས་རི་ཉུལ།། དབྲ་བཙུན་དར་ཅན་གྱི་དགྲ་བླ་བྱེད་པར་ཆད།། འགྲུ་ལ་འབྲི་མོ་ཕྲོམ་ཕྲོམ་བྱིན།། ལྷ་གཡག་དབལ་གྱི་རྭ་ཅོ་ཅན།། འགྲུ་ལ་ཉུལ་ཞིང་རྫ་རི་འགྲིམ།། འགྲུ་དཔའ་ངར་གྱི་དགྲ་བླ་བྱེད་པར་ཆད།། སྒ་ལ་སྐར་མ་ལེགས་པོ་བྱིན།། གསེར་སྟག་མཚལ་གྱི་རི་མོ་ཅན།། ཁམས་གསུམ་འགྲིམ་ཞིང་སྒ་ལ་ཉུལ།། སྒ་ཕྱུག་དར་ཅན་གྱི་དགྲ་བླ་བྱེད་པར་ཆད།། དབལ་ཟླ་གཉིས་ཀྱི་སྟོང་སྐལ་ལ།། ཤེར་གྱི་(21b)ར་སྐྱེས་ཁམ་པ་དང་།། དུང་གི་ཁྱི་མོ་དཀར་མོ་བྱིན།།” ཞེས་དབྲ་མོ་རབ་བཀྲ་ཞེས་པ་ནི་དབྲ་དར་བཙུན་ཅན་གྱི་དགྲ་བླ་བྱ་ཁྱུང་ལྕགས་ཀྱི་མཆུ་སྡེར་ཅན། གཉན་གྱིས་ཕ་སྟོང་དུ་སྤྲད་པ་ཞིག་ཡིན་ཚུལ་བྱུང་བ་དང་། དབལ་ཟླ་གཉིས་ལ་ཡང་སྐལ་བ་ཐོབ་ཡོད་པར་བཤད་པ་སོགས་ཀྱིས་ས་ཆ་ཞིག་ནི་ཧ་ལམ་མིན་ལས་ཆེ་བས་ད་དུང་དཔྱད་པར་འཚལ།
ས་དགོས་ཀྱི་སྐོར་ལ་ །<>ལས། “བོད་མ་གསུམ་བུ་དྲུག་ས་བགོས་བྱས།། ལྡོང་སེ་བོ་ལ་རྒྱ་དེ་ཤར་ནས་འགྲིགས།། གངས་ལ་སེང་ཆེན་འགྱིང་བ་འདྲ།། དབྲ་ཆེ་བརྒྱད་ཀྱི་ཁོང་ཐོག་ལྷོ་ནས་འབྲེལ།། གྲིབ་སོ་ནུབ་ནས་ལྷག་པ་འདྲ།། འགྲུ་བུ་དགུའི་ཁོག་པ་གང་ནས་འགྲིགས།། སྟག་ལྤགས་གདང་ལ་གཟར་བ་འདྲ།། དགའ་མི་མཚོ་དམར་མོ་སྨད་ན་འཁྱིལ།། དངུལ་གཞོང་མར་ཁུས་བལྟམས་པ་འདྲ།། ནུ་བོ་དབའ་ལྡ་གཉིས་ཀྱི་སྐལ་བ་བཅད།། ཡིད་ཆད་བྱས་ནས་འཁྱམས་སུ་སོང་།། འཁྱམས་སུ་སོང་ནས་མཚམས་སུ་ཕྱིན།། མཚམས་ཀྱི་མདའ་ར་གོང་མ་བཟུང་།།” ཞེས་པ་ལས་སྤྱིར་རུས་རྒྱུད་ཚོ་པ་རྣམས་ས་བགོས་ཀྱི་སྐབས་སུ་ས་ཆ་གང་ཞིག་སུ་ལ་ཐོབ་པ་དང་། ངང་ཚུལ་ཇི་ལྟར་ཡིན་པ། ལྷག་པར་སེ་ཁྱུང་དབྲ་ཡི་མི་རྒྱུད་ཀྱིས་གང་གི་ཕྱོགས་ཀྱི་ས་བཟུང་ཡོད་པ་གསལ་པོར་སྣང་ངོ་།།
གོང་དུ་མཆན་སྤེལ་བ་དེར་ལུང་ཁུངས་ཀྱི་ཡིག་ཆའི་མིང་མི་གསལ་བས་བསྐྱར་འགོད་བྱེད་དགོས་བྱུང་བས་དགོངས་འགལ་མེད་པ་མཁྱེན།
ནམ་རྒྱུན་དཔྱད་རྩོམ་འབྲི་སྟངས་ལྟར་ལུང་ཁུངས་ཀྱི་ཡིག་ཆའི་མིང་རྟགས་ <> འདིའི་ནང་དུ་བཀོད་ཚེ་མཆན་གྱི་ནང་དུ་མི་གསལ་བ་འདྲ་བས་ཀློག་པ་པོ་དང་། དྲ་བདག་སོགས་ཚང་མ་ལ་དགོངས་དག་ཞུ།
བལ་ཡུལ་ཤར་་སོ་ལུ་དང་ཁུམ་བུ་སོགས་ལ་གནས་ཡོད་པའི་་་ཤེར་པའམ་ཤར་པའི་མི་རིགས་རྣམས་ཀྱང་་བོད་སྨད་མདོ་ཁམས་ཀྱི་མི་
རིགས་་་མི་ཉག་ནས་མཆེད་པའི་མི་རིགས་ཞིག་ཡིན་པར་ང་ཚོ་ཕ་མས་
ངག་རྒྱུན་ལ་བཤད་ཀྱིན་འདུག་པས།ད་ལྟ་ཡང་ཡར་བོད་ལ་ཤར་པའི་མི་
ང་ཚོ་དང་ཁ་གཅིག་པ་ཡོད་དམ་ཅེས་དོགས་གསལ་ཞིག་ཞུ་བ་ཡིན།འདྲ་སྣང་གི་རྒྱུན་ལམ་འདི་ནས་མཁྱེན་པའི་བདག་པོ་ཚོ་གིས་གསུང་རོགས་གནང་ཞུ་ལགས། ཐུགས་རྗེ་ཆེ།