ཕྱི་ཚེས་བཞི་ཉིན་གྱི་ཉིན་གུང་རྒྱབ་ནས་བཟུང་ང་རང་ལྡི་ལི་བོད་སྒར་བསམ་ཡས་གླིང་བོད་དགོན་གྱི་ཁྱམས་རྭ་ལ་གུར་ཆུང་ཕུབ་ནས་ཉིན་གཉིས་གསུམ་རིང་དུ་ངལ་གསོ་རྒྱུའི་གཏན་འཁེལ་ནས་ཉིན་དཀར་ཉེ་འགྲམ་གྱི་ངོ་ཤེས་དག་གི་ཁང་བའི་ནང་དུ་སོང་ནས་ངལ་གསོ་བཞིན་ཡོད་ལ། མཚན་མོ་གུར་ཆུང་དུ་ཉལ་དུ་འགྲོ་བཞིན་ཡོད།
ཕྱི་ཚེས་ལྔ་ཉིན་གྱི་ས་རུབ་ལ་ཉེ་
ཞི་བདེ་རང་དབང་ཚོགས་པ་ཞེས་པའི་སྐད་འཕྲིན་གྱི་ལམ་ནས་བོད་མི་རིགས་ཀྱི་རང་དབང་རྩོད་ལེན་བྱེད་ཐབས་དང་གཞིས་ལུས་སྤུན་ཟླ་དག་ལ་གདུང་སེམས་མཉམ་བསྐྱེད་ཀྱི་རྣམ་པ་མཚོན་པའི་ཆེད་དུ་བཙུགས་པ་ཞིག་རེད་འདུག་པ་དང་། ཁོང་ཚོས་དམིགས་ཡུལ་གཙོ་བོ་ནི་ཇི
གངས་ཅན་འཛོམས་ས་ཞེས་པའི་སྐད་འཕྲིན་ཚོགས་པ་འདིས་ཚོགས་མི་ཐུན་མོ
སེ་ར་སྟོབས་ལགས་བརྒྱུད་དེ་སེ་རའི་
གསལ་བཤད་ཐུང་ཐུང་ཞིག་ཞོར་འཕྲོས་སུ་ཞུ་དགོས་པ་ཞིག་ལ། ལམ་བར་དང་ཞི་བའི་གོམ་བགྲོད་ལ་ལམ་དུ་མ་ཆས་གོང་དེར་ལྷག་བསམ་དང་ཤེས་ཡོན་ཅན་རང་རིགས་སྤུན་ཟླ་ཁག་གཅིག་གིས་ཞལ་འདེབས་འགའ་རེ་གནང་བ་དེ་དག་གི་མཚན་འདི་རུ་བཀོད་མ་ཐུབ་པ་དེར་དགོངས་འགལ་མེད་པ་ཞུ་ལགས། སུད་སིར་གནས་བཞུགས་བོད་རིགས་སྤུན་ཟླ་ཞིག་གིས་མི་ལག་བརྒྱུད་དེ་སུད་སྒོར་བརྒྱ་གནང་བ་དེ་ཡི་མཚན་ད་ལྟ་འདི་ནས་དྲན་མ་གསོས་པ་སོགས་ལ་དགོངས་འགལ་མེད་པ་ཞུ་བ་དང་ཆབས་ཅིག རིགས་རུས་ཀྱི་ལར་ཞེན་སྙིང་ཁོང་རུས་པའི་གསེང་ན་གཡོ་བ་མེད་པར་གནས་པའི་བོད་རིགས་སྤུན་ཟླ་དག་གི་རླབས་ཆེ་བའི་ཐུགས་ཁུར་དང་བྱམས་སྐྱོང་གནང་བ་དང་། ཞི་བའི་གོམ་བགྲོད་སྔ་གཞུག་གཉིས་ལ་རོགས་རམ་དང་ཞལ་འདེབས་གནང་མཁན། སྤྱི་སྒེར་གང་ན་སུ་འཚོ་བ་དག་གི་བྱ་བ་ལམ་འགྲོ་འོང་བ་དང་བོད་མི་རིགས་ཀྱི་བདེན་མཐའ་མྱུར་དུ་སེལ་ནས། གཞིས་བྱེས་ལྷན་འཛོམས་ཡོང་བ་དང་༧རྩ་བའི་བླ་མ་གངས་རིའི་མགོན་པོ་༧རྒྱལ་བ་ཡིད་བཞིན་ནོར་བུ་མི་རིང་བར་ཁ་བ་གངས་རིའི་ལྗོངས་སུ་ཕེབས་ཐུབ་པ་དང་རྒྱ་བོད་ཞི་འགྲིག་འོང་ནས། འཛམ་གླིང་ལ་ཞི་བདེའི་ལེའུ་གསར་བ་ཞིག་འགོ་འཛུགས་ཐུབ་པའི་སྨོན་འདུན་དང་བཅས་ས་ཡ་དྲུག་གི་བུ་གླིང་ཚ་ཚེ་བརྟན་རྡོ་རྗེ་ནས་༦།༤།༡༣ལྡི་ལུ་བསམ་ཡས་བོད་སྒར་དུ་གུས་པ་དང་བཅས།
བཀའ་དྲིན་ཆེ། ཐུགས་རྗེ་ཆེ། ང་ཚོ་ལ་ཁྱེད་རང་ལྟ་བུ་ཉུང་འདུག
༧རྒྱལ་བ་བོད་དུ་ཕེབ་ཐུབ་པའི་ཆད་དུ་བྱ་བ་ལྷག་བསམ་བྱས་ཉན་ཁྱེད་ལྟ་བུ་མེད།
གང་ལྟར་ལྷོད་ལྷོད་བྱས་ནས་ཕེབས་རོགས། བོད་ལ་ཁྱེད་འགྲོ་མི་ཐུབ་པ་ནི་ང་ཚོ་ཚང་མའི་སེམས་ལ་གསལ་གསལ་ཁྲིག་ཁྲིག་ཡིན་པ་རེད། སྐྱོན་མི་འདུག་ཐབས་ཤེས་འདྲ་བྱས་ཞལ་འདེབས་འདྲ་བསྡུས་ན་ཡང་རང་དགར་ཉལ་བསྡད་ལས་ཡག་གི་རེད་བསམ་ཡོད།
ཁྱེད་འདྲ་བོད་ཡིག་ཡག་པོ་ཅན་ཚོས་དེ་ལས་སློབ་གྲྭ་ཁག་ཏུ་སློབ་དགེ་རེ་བྱེད་ཐུབ་ན་དངོས་ཡོད་ཀྱི་ཕན་ཐོགས་ས་དེ་ཡིན་པར་བསམ་མོ།། བསམ་འཆར་ཙམ་ཡིན་ལགས།
ཁྱེད་རང་ནས་བོད་དོན་ཆེད་ཉིན་མང་པོ་གོམ་བགྲོད་མི་དགོས་ཉིན་གཅིག་རང་གནང་དང་འཚོ་བ་ཟབ་མོ་ཞིག་སྤྲོད་ངེས་རེད། གལ་ཏེ་དེ་འདྲ་མ་བྱུང་ན་བོད་དོན་ཆེད་དཀའ་ངལ་ཚད་མེད་སྐྱོན་མཁན་ཁོང་ལ་བསླབ་བྱ་བྱ་རྒྱུ་གཞག་ནས་ཁྱེད་རང་རང་དོན་ཁོ་ན་བསྒྲུབ་ཤིག་ཀྱེ། ལར་ནས་གོམ་བགྲོད་པ་ཁོང་ཟས་བཟའ་དགོས་པ་དང་གོས་གྱོན་དགོས་པ་ཙམ་ཡང་མི་ཤེས་པར་འཆལ་གཏམ་སྨྲ་རྒྱུ་བཞག་ན་མཛེས་སོ།། །།
གླིང་ཚ་ལགས་ཧ་ཅང་གི་སྙིང་སྟོབས་ཆེ་ལ་་་་་་་་་་ངང་རྒྱུད་རིང་བ་ཁྱེད་ལྟ་བུ་ད་དུང་ཁ་ཤས་ཤིག་ཡོད་ན་ང་ཚོ་བོད་པ་ཚོར་ཕན་ཐོག་ཀྱང་དེ་ནི་ཁྱེད་ཉིད་ཁོ་ན་ངེས། འོན་ཀྱང་ཁྱེད་ཀྱིས་སེམས་ཤུགས་མ་ཆག་པར་སྔར་གྱི་དམ་བཅའ་བཞིན་འཇུག་འཐུད་ཐུབ་པའི་རེ་བ་དང་ཡིད་ཆེས་ཡོད། འོན་ཀྱང་འཇུག་མཐའ་ཁྱེད་ཉིད་རྒྱ་དམར་གྱི་བཙོན་འོག་ཏུ་ལོ་ནས་ལོ་འཐུད་དེ་འདུག་དགོས་མི་འོང་ངམ་བསམ་ནས་སེམས་འཁྲལ་ཤིན་ཏུ་ཆེ། ཁྱེད་ལ་བདག་ལྟའི་ཞུ་འོས་མ་མཆིས་རུང་གང་ཐད་ནས་གཟབ་སྟེ་རྒྱ་དམར་གྱི་བཙོན་འོག་ཏུ་མ་ཤོར་བ་ཞིག་གནང་གལ་ཆེ།
དྲ་གཉིད་ལགས་་་་སྐད་ཆ་ལ་བདག་རྒྱག་དགོས་དང་མི་དགོས་པའི་དབྱེ་བ་མང་པོ་ཞིག་ཡོད་རེད། ང་རང་ཚོའི་ཕ་མ་དྲིན་ཅན་རྣམ་པས་་་་་འདང་བརྒྱབ་ནས་སོམས་་་་ཤོད་་་་སྒྲུབས་་་གསུངས་པ་དེ་ཚོ། ང་རང་ཚོའི་ས་ཁ་ས་ཐོག་ནས་དར་བའི་སློབ་གསོ་ཞིག་མ་རེད་དམ།
འཇིགས་མེད་ཐོས་པ་རང་གྲོལ་ལགས། ཁྱོད་རང་གི་འགན་མ་ཁུར་པའི་རྟགས་རེད། ཁྱོད་རང་གི་ཁ་ཚུམ་ནས་བསྡད་ན་ཡག་པོ་རེད་ལོ། ཁྱོད་རང་གི་བོད་མི་རིགས་ཀི་ཆེད་དུ་ག་རེད་བྱེད་ཀི་ཡོད། ཁ་མཁས་པོ་མ་བཤད་ལོ།
ཁྱེད་ལ་རྗེས་སུ་ཡི་རངས་ཡོད། ཡིན་ཀྱང་གུས་མོའི་བསམ་ཚུལ་ལ་ཁྱེད་རང་གི་ཆབ་སྲིད་ལས་འགུལ་དེ་གནང་བར་ལྡི་ལིར་ཕེབས་པ་ཡིན་དུས་ཉིན་གསུམ་བཞི་རིང་ལྡི་ལིའི་བོད་སྒར་ལ་མ་བཞུགས་ནས་ལྡི་ལིའི་རྒྱལ་ཡོང་གི་སྐད་གྲགས་ཡོད་པའི་ས་ཆ་ཁག་ཞིག་ལར་བཞུགས་ན་བོད་དོན་དང་ཉིད་ཀྱི་ལས་འགུལ་ཐོག་ཁྱབ་བསྒྲགས་དེ་བས་ཆེ་བ་ཡོང་མོད།
གླིང་ཚ་ལགས་ཁྱོད་ཀྱི་སྙིང་སྟོབས་དང་ལྷག་བསམ་ལ་གུས་རྩིས་དང་ཐུགས་རྗེ་ཆེ་བཅས་བོད་རྒྱལ་ལོ།
གངས་རི་དཔའ་པོ་དང་དཔའ་མོའི་མཆོད་སེམས་ཁྱེད་ཀྱིས་སེམས་སུ་བཅོང་ནས་མདུན་དུ་སྐྱོད་བ་རྗེས་སུ་ཡི་རངས་ཡོད་་་
འདྲེ་རྐང་ང་རང་ཆོུད་གཅིག་གཉིས་ཙམ་ལས་ཁྱེད་དང་མཉམ་དུ་གོམ་བགྲོད་འགྲོ་ཁོམ་མེད་རུང་་་་་ངེས་པར་དུ་ཡོང་རྩིས་ཡོད་་་་དེ་དུས་ཁ་བརྡ་ལྷོད་ལྷོད་བྱས་ཆོག་་་་བུ་རྒོད་པོ།
སླར་ཡང་མི་སྒེར་ཁག་གཅིག་གིས་འབྱོར་བའི་ཞལ་འདེབས།
སྐད་འཕྲིན་མཐུན་སྒྲིལ་ཚོགས་པ་ནས་ཧིན་སྒོར་༢༠༠༠།གནང་།
རྒྱུད་སྨད་བློ་བཟང་བྱང་ཆུབ་ལགས་ནས་ཧིན་སྒོར་༥༠༠།གནང་།
འགྱུར་མེད་ཟེར་བ་ནས་ཧིན་སྒོར་༢༠༠།གནང་།
དོན་འགྲུབ་གླིང་མདོ་སྨད་ས་གནས་རྒྱུན་ལས་ནས་ཧིན་སྒོར་༡༡༠༠།གནང་།
ཀ་ལུ་མེན་གྲོང་བཀྲ་ཤིས་རྣམ་རྒྱལ་ཧིན་སྒོར་༢༠༠།གནང་།
ཀ་ལུ་མེན་ཀྲོང་གནས་བཞུགས་བསོད་ནམས་སྟོབས་ལྡན་ནས་ཧིན་སྒོར་༡༥༠།གནང་སོང་བ་བཅས་ལ་ང་སྒེར་ནས་ཁོང་ཚོས་བསམ་པའི་དྭང་བླང་གིས་ཕུལ་བའི་ཞལ་འདེབས་འདི་དག་ཆུད་ཟོས་སུ་མི་འགྲོ་བར་བདག་གིས་སྨོན་ལམ་འདེབས་པ་གཅིག་བུ་མིན་པར་ངའི་རང་ཉིད་ཀྱི་ཤ་ཁྲག་རུས་གསུམ་འདི་བེད་སྤྱད་ནས་བོད་མི་རིགས་ཀྱི་སྲི་ཞུ་གང་ནས་ཅི་ཐུབ་བྱེད་རྒྱུར་ཁོང་ཚོས་ཡིད་ཆེས་དང་རྒྱབ་སྐྱོར་གནང་བ་དེར་སྙིང་ཐག་པ་ནས་བཀའ་དྲིན་ཆེ་ཞུ་རྒྱུ་ཡིན།
ས་ཡ་དྲུག་གི་བུ་གླིང་ཚ་ཚེ་བརྟན་རྡོ་རྗེ་ནས།༧།༤།༡༣ལྡི་ལུ་ནས།
འདྲེ་རྐང་མིང་ཅན་ལགས་ནི། ང་ཚོའི་ནང་ནས་ཁ་མིག་ཡར་ལྟ་བྱ་སའི་མཚན་གཞི་ཐོག་མ་དེ་རེད། དེའི་རྒྱུ་མཚན། རང་གི་ཁོམ་སྐབས་ལ་ལྟོས་ཏེ་དཔའ་གླིང་དང་ལྷན་དུ་གོམ་བགྲོད་བྱ་རྒྱུའི་སྐད་ཆ་དེས་ཡིན། ཅི་འདྲའི་ཡི་རངས་འོས་ནི་དེ་འདྲ་ཞིག བདག་གིས་དྲ་ཐོག་ཞིག་ནའི་ཐོས་པ་ཐོག་མ་ཡིན།