བོད་མོ་རྣམ་རྒྱལ་ཆོས་སྐྱིད་ལགས་ཀྱི་རེ་སྐུལ།

Comments (48) on “བོད་མོ་རྣམ་རྒྱལ་ཆོས་སྐྱིད་ལགས་ཀྱི་རེ་སྐུལ།”

1. ཁྱེད་ཀྱི་གསུངས་པ་ལ་ངས་རྒྱབ་སྐྱོར་བརྒྱ་ཆ་བརྒྱ་ལྷག་ཞུས་ཡོད་ལགས།། །།

2. ཁྱེད་ཀྱིས་གསུངས་པ་ལ་ངས་ཀྱང་རྒྱབ་སྐྱོར་བརྒྱ་ཆ་བརྒྱ་ལྷག་ཞུ་བཞིན་ཡོད་ལགས།།

3. ཁྱོད་ལ་རྒྱབ་སྐྱོར་ཡོད་དེ་དོན་གྱི་བདག་པོ་དགའ་ལྡན་ཕོ་བྲང་གི་དབུ་ལས་རྣམ་པར་དེ་འདྲའི་འཚོར་སྣང་ཨེ་ཡོད་ན། ཁོང་ཚོར་དངུལ་དགོས་པ་ལས་གོང་ས་མཆོག་་གི་སྐུ་འཕྱ་གལ་ཆེན་པོ་མ་རེད།

4. ཐུགས་རྗེ་ཆེ་་་་རྒྱབ་སྐྱོར་བརྒྱ་ཆ་བརྒྱ་ཡོད་་་

5. རྒྱབ་སྐྱོར་ཡོད་ལགས་

6. ཁྱེད་ཀྱི་ལྷག་བསམ་ཡིན་ས་རེད། ཡིན་ན་ཡང་རྒྱལ་བ་རིན་པོ་ཆེ་ལ་ཁྱེད་རང་སྐུ་ངལ་གསོ་དགོས་རེད་ལབ་ན་། ཁོང་གི་ཐུགས་ལ་ག་རེ་དགོངས་ཀྱི་ཡོད་ན་ངས་ཧ་མི་གོ།

7. ཏག་ཏག་རེད། རྒྱབ་སྐྱོར་ཡོད། ཡིན་ན་ཡང་། ད་ལྟ་སྐུ་གཟུགས་ཡག་ཐག་ཆོད་རེད་འདུག། བཀྲ་ཤིས་བདེ་ལགས། སྐུ་ཚེ་རིང་། བསམ་དོན་འགྲུབ།

8. ཁྱེད་རང་ལ་ལྷག་བསམ་ཡག་པོ་འདུག ཡིན་ནའང་སྐུ་ལུས་འགུལ་སྐྱོད་ཅི་ཙམ་བྱས་པ་དེ་ཙམ་གྱིས་སྐུ་གཟུགས་མཁྲེགས་ཀྱིན་འགྲོ་ཀི་ཡོད་པ་རེད། དཔེར་ན་ལུས་རྩལ་ཅི་ཙམ་བྱས་པ་ཙམ་གྱིས་གཟུགས་པོ་བདེ་ཞིང་ཡང་མོར་འགྲོ་བ་མ་ཟད་ན་ཚ་སོགས་འབྱུང་གི་མེད་པ་གསལ་པོ་རེད། གཙོ་བོ་དེ་ང་ཚོ་བོད་རིགས་ཡོངས་རྫོགས་ཀྱིས་༧གོང་ས་མཆོག་གི་ཅི་གསུང་བཀའ་སྒྲུབ་དང་དུ་བླང་ནས་ཐུགས་བསམ་མི་དཀྲུགས་རྒྱུ་དེ་གལ་ཆེ་ཤོས་རེད། ༧གོང་ས་མཆོག་སྐུ་ཚེ་བརྟན་པར་འདོད་ན་རྫུན་དང་གཡོ་སྒྱུ་སོགས་གཞན་ལ་གནོད་པའི་ལས་སོགས་སྤང་རྒྱུ་དང་ཁྱད་པར་དུ་བོད་ཀྱི་ཞབས་འདྲེན་དུ་མ་སོང་བ་ཞིག་བསྒྲུབ་ཐུབ་ན་དེ་གས་འཐུས་པ་རེད། །

9. མོས་སྐུ་སྒེར་ཡིག་ཚང་རྒྱལ་བ་རིན་པོ་ཆེ་མི་སེམས་མཁན་དང་། རྒྱལ་བ་རིན་པོ་ཆེ་ཡང་གཞན་གྱིས་བེད་སྤྱོད་བཏང་ཆོག་ཆོག་གི་དུད་འགྲོ་ཇི་བཞིན་རེད་བསམ་གི་ཡོད་ས་རེད། དོན་དངོས་སྐུ་སྒེར་ཡིག་ཚང་མོས་བསམ་པ་ནང་བཞིན་རྒྱལ་བ་རིན་པོ་མི་སེམས་མཁན་དང་། སེམས་སྟངས་མི་ཤེས་མཁན་གྱི་ལྐུག་པ་མ་རེད། དོན་མེད་སེམས་ཁྲལ་མ་བྱེད།

10. མཆན་གསུམ་པ་དེས་ག་རེ་གསུང་བ་ཧ་གོ་མ་སོང་། དགའ་ལྡན་ཕོ་བྲང་གི་བདག་པོ་རྒྱལ་བ་རིན་པོ་ཆེ་མ་རེད་དམ།

11. རྒྱལ་བ་རིན་པོ་ཆེ་མཆོག་གིས་སྐུ་ངལ་གསོས་ཚར་ན་བོད་པས་སྐུ་ངལ་གསོ་འཇོག་ནི་རེད། དེ་བས་ཁོང་གིས་དགུང་གྲངས་ཀྱི་ན་བབ་ལ་མ་ལྟོས་བར་སྐུ་ངལ་བསྐྱོན་དགོས་བྱུང་བ་རེད།
    དོན་ངོ་མ་བོད་པ་ཚོས་༧གོང་ས་མཆོག་སྐུ་ངལ་གསོ་འཇུག་རྒྱུ་ཡིན་ཟེར་ན། བོད་པ་ཚོས་རང་ངོ་རང་ཤེས་དང་། རང་བདག་རང་ཐུབ་བྱེད་ཐུབ་དགོས་པ་དེ་རེད། དེ་མིན་སྐུ་ངལ་གསོ་རོགས་ཟེར་བ་ཙམ་གྱིས་སྐུ་ངལ་གསོ་ཐུབ་ཀྱིན་མེད་དོ།

12. འཛམ་གླིང་རྒྱལ་སྤྱིའི་སྟེང་༧གོང་ས་མཆོག་གི་མཛད་འཕྲིན་ཇི་ཙམ་རྒྱས་ན་བཟང་། ཡིག་ཚང་ནས་དམ་ཟབ་དགོས་པ་ནི་བོད་མི་ནང་ཁུལ་ཚོགས་པ་སྐྱིད་སྡུག་ཡོད་ཚད་ནས་གདན་འདྲེན་ཞུས་པ་ནི་དགོས་པ་དེ་ཙམ་མ་མཐོང་།

13. བུ་མོ་ལགས། ཉན་ཡོད། གོ་ཡོད། བོད་གངས་ཅན་པའི་བུ་མོ་ཁྱེད་ཀྱི་ལྷག་བསམ་ལ་རྗེས་སུ་ཡི་རངས་ཞུ། །

14. ཕོ་རབ་བརྒྱ་ལས་ལྷག་པའི་སྟོབས། བླ་མ་སྟོང་ལས་ལྷག་པའི་རྟོགས་པ། སྤྲུལ་སྐུ་ཁྲི་ལས་ལྷག་པའི་ཞབས་འདེགས། བུད་མེད་ཕལ་པ་ཞིག་གི་ངག་ལས་འཕྱུར་སོང་།

    འོ་ཡག་བྱུང་། གོ་སོང་། ཐུགས་རྗེ་ཆེ།

15. བློ་བཟང་གི་སྐད་ཆ་དེ་བདེན་པ་རེད་

16. བརྒྱ་ཆ་བརྒྱ་ཐམ་པ་རྒྱབ་སྐྱོར་གཙང་མ་ཡོད། སྙིང་ནས་བཀའ་དྲིན་ཆེ། སྐད་ཆའི་ནང་དོན་གསེར་སྲང་སྟོང་གིས་ཉོ་མི་ནུས་པའི་རིན་ཐང་དང་ལྗིད་ཁོག་འདུག་་་་

17. དབུས་སྐད་ཉན་གསལ་བོ་མི་ཤེས་།དྲ་གྲོགས་ལྷན་རྒྱས་རྣམས་པས་གོང་གི་ནང་དོན་ལ་འསྒྱུར་གནང་རོགས་། བཀའ་དྲིན་ཆེ་།

18. འབོད་སྐུལ་ཞུ་ཡུལ་ནོར་བ་རེད་མ་གཏོགས་ཞུ་སྤོབས་ཀྱི་ལྷག་བསམ་དེ་ལེགས། གོང་ན་མེད་པ་དགའ་ལྡན་ཕོ་བྲང་གི་མདུན་ན་འདོན་དེ་དག་ལ་ཞུ་དགོས་རེད། ངོ་མ་རེད་སྐུ་ངལ་ཚད་མེད་རེད།

19. གོང་གི་བརྙན་འཕྲིན་ནང་གི་འབོད་སྐུལ་ནང་དོན་ཅི་རེད་། དྲ་གྲོགས་རྣམས་ཀྱིས་ཡི་གེ་འབྲི་རྒྱུ་གནང་རོགས་།

20. ལྷག་བསམ་སྙིང་སྟོབས་ལ་ཐུགས་རྗེ་ཆེ་ཞུ་བ་དང་། རྒྱབ་སྐྱོར་ཡོད། ༡༽འཕྲོད་རྟེན། འོན་ཀྱང་རྒས་པའི་རིགས་ལ་་དྲན་པ་མི་ཉམས་པར་བསམ་བློ་མང་དུ་གཏོང་འཇུག་དགོས། ལུས་པོ་མི་རྒུད་པར་འགུལ་སྤྱོད་མང་དུ་གཏོང་འཇུག་དགོས། ཚེ་རིང་པོ་ཡོང་བར་འཚོ་བའི་འདུ་ཤེས་བརྟན་པོ་སྤྲད་དགོས། མདོར་ན། ཁ་ཟས། སྤྱོད་ལམ། སྨན། སེམས་ཁམས་སྐྱིད་པོ་སོགས་ལ་གཟབ་དགོས། ༧གོང་ས་མཆོག་ལའང་དེ་བཞིན་རེད། གཙོ་བོ་བླ་སྨན་པ་རྣམས་ཀྱིས་བརྟགས་དཔྱད་བྱེད་པ་ལས། འདི་རེད་ཅེས་གཅིག་དཔེ་ཀུན་འགེབ་བྱེད་རྒྱུ་མེད། སྨན་གཞུང་ལས། སྟོབས་ལྡན་གོམས་པར་གྱུར་ལ་གནོད་མི་འགྱུར། །ཅེས་པ་ལྟར་༧ཁོང་ལ་བྲེལ་བ་ཚ་བོ་དེ་མི་ཚེའི་གོམས་གཤིས་ཆགས་ཡོད། དེ་ལ་འགྱུར་བ་ཕྲན་བུ་བཏང་ན་མ་གཏོགས། འགྱུར་བ་ཆེན་པོ་བཏང་ན། འབྱུང་ཁམས་འཁྲུགས་པ་ནད་གྱི་རྩ་བ་ཡིན། །ཟེར་བ་ལྟར་སྔར་གོམས་གཤིས་ཡོད་པའི་འབྱུང་ཁམས་ལ་འགྱུར་འགྲོ་བས་ཕན་ལས་གནོད་པ་ཆེ། །བོད་སྨན་དང་རྒྱ་སྨན་སུ་ཡིན་ཀྱང་འདིའི་ཕྱོགས་ལ་ལྟ་ཚུལ་གཅིག་རེད། ། ༢༽ཞབས་བརྟན། བརྟན་བཞུགས་མང་པོ་ཞུ་བ་དང་། ཞབས་བརྟན་འདོན་པ་དང་ཚེ་ཐར་གྲངས་ཅན་མ་འགྲུབ་ཀྱང་རུང་། སྐུ་ཚེ་བརྟན་པར་ཅི་གསུང་བཀའ་སྒྲུབ། ཐུགས་སེམས་སྤྲོ་བོ་ཡོང་པའི་ཐབས་ལ་བརྩོན་རྒྱུ་ཤིན་ཏུ་གལ་ཆེ་བར་ངེས། རབ་ན་བཀའ་སྒྲུབ་དགོས། མ་བྱུང་ན་ཐུགས་དཀྲུགས་མི་རུང་། ཕྲན་ལྟ་བུར་མཚོན་ན་བཀའ་སྒྲུབ་ཐུབ་མཁན་ཞིག་མིན་ཡང་བཀའ་ལ་རྒོལ་བ་བྱེད་མཁན་གྱི་རིགས་ཀྱང་མིན། རྒྱང་རིང་ས་ནས་དག་སྣང་བྱས་ནས་སྡོད་མཁན་ནོ། །

21. སྐུ་ཚེ་ཡུན་རིང་བརྟན་པ་ལ། །
    ་
    ཕྱི་ཡི་ཞབས་རིམ་འཕྲོད་བསྟེན་དགོས། །
    ནང་གི་ཞབས་རིམ་བཀའ་སྒྲུབ་དགོས། །
    གསང་བའི་ཞབས་རིམ་དམ་གཙང་དགོས། །
    ཞབས་རིམ་ཕྱི་ནང་གསང་གསུམ་དགོས། །

    སྐུ་ལྷོད་བཞུགས་ཙམ་ཕན་པར་དཀའ། །
    ཤིནད་ཏུ་བྲེལ་ཆེས་གནོད་པའང་སྲིད། །
    སྐུ་ཡི་ཁམས་དང་དུས་བསྟུན་གྱིས། །
    མཛད་རིམ་མུ་མཐུད་ཡོད་ན་བཟང་། །
    ་
    དེ་རིང་ང་ཡི་ཞུ་ཐལ་ལགས། །

22. བུ་མོ་འདི་ཡི་སྐད་ལ་ཉན་མཁན་དང་བཞིན་ལ་བལྟ་མཁན་འཚང་འགག་རེད་འདུག

23. ཁྱེད་ཀྱིས་རེ་བསྐུལ་ལ་རྒྱབ་སྐྱོར་བརྒྱ་ཆ་བརྒྱ་ཐམ་པ་ཡོད། སྐུ་ཚེ་་རིང་།

24. ཁྱེད་ཀྱི་སྐད་ཆ་དེ་ལྷག་བསམ་གྱི་སྐད་ཆ་རེད། དེའི་ཆ་ནས་རྒྱབ་སྐོར་ཞུ་ཡི་ཡོད། འོན་ཀྱང་དཀའ་ལས་མང་པོ་ཞིག་རང་གི་སེམས་ཀྱིས་ཟོ་ཡི་ཡོད་པ་རེད། དེས་ན་ང་ཚོའི་དཔེ་དེ་ཁོང་ལ་བཀབ་ན་མི་འོས། ང་ཚོ་བོད་མི་མང་པོ་ཞིག་གིས་རྒྱལ་བ་རིན་པོ་ཆེ་མཇལ་ཁ་ཞུ་རྒྱུར་ཚང་ཁ་སྐྱོན་ཡང་བཀའ་སྒྲུབ་རྒྱུར་རྒྱང་རིང་པོ་འདུག་དེ་མི་འཚམས་པ་ཞིག་རེད།

25. རྒྱལ་བ་རིན་པོ་ཆེའི་སྐུ་ཕྱྭ་མི་བདེ་ཡིན་རྒྱུ་རེད་དམ་། དྲ་རྒྱ་ཐོག་མགོན་ས་མཆོག་གི་སྐུ་ཕྱྭ་མི་བདེའི་གསར་འགྱུར་མང་པོ་ཡོད་ནི་རེད་། ཆོས་སྐྱིད་ཀྱིས་ཅི་བཤད་ཐལ་།

26. རྒྱལ་བ་རིན་ཆེའི་སྐུ་ཆ་གལ་ཆེན་པོ་ཡིན་པ་ཤེས་ཀྱི་ཡོད་ན་་གསང་བ་ཕྱི་བཏོར་བྱས་ནས་དྲ་རྒྱའི་ནང་བཀོད་དེ་ལ་རྒྱབ་སྐྱོར་མེད་།
    སྡེ་སྲུང་བཀའ་བློན་དང་སྡེ་སྲུང་དྲུང་ཆེ་་ལ་གསང་བའི་ཐོག་ནས ་སྙན་སེང་ཞུ་དགོས་པ་རེད་།
    སྐུ་ཆ་དང་འབྲེལ་བའི་ལས་དོན་ཡོངས་རྫོགས་གསང་བའི་སྒང་ལ་འཇོག་
    དགོས་རེད་དེ་མིན་གསང་བ་ཕྱི་གྲགས་བྱས་ནས་་སྐུ་ཆ་ལ་སྲུང་ཁག་པོ་རེད་།

27. https://www.facebook.com/photo.php?fbid=10152535734742531&set=a.483063297530.263167.615972530&type=1&fref=nf&pnref=story

28. སོ་སོས་ཁེ་ཕན་གཉེར་བ་ལས། བུ་མོ་འདི་བཞིན་སྙིང་ནས་རྡོལ་བའི་འབོད་ཚིག་སྐུལ་བ་དེ་འདྲ་དཀོན་མོ་རེད། ཡི་རང་ཡོད་དོ། ངས་བསམ་ན་སྤྱི་དོན་དང་བོད་མི་མང་གི་ཕྱིར་རྒྱལ་ཁབ་རྣམས་སུ་ཕེབས་པ་དང་སྲིད་འཛིན་དང་བོད་དོན་གནང་བ་དག་ལ་མཚམས་བཞག་མི་རུང་། དེ་མིན་སྒེར་གྱི་ཆོས་ཚོགས་དང་སྒེར་མི་ཕྱུག་པོ་བཟོ་ཆེད་དུ་ཉིན་མཚན་དུ་བེད་སྤྱོད་མིང་སྙན་པོ་གདན་འདྲེན་ལས་དོན་ངོ་མ་སོ་སོའི་ཚོང་གི་ཆེད་དུ་རྒྱལ་བ་རིན་པོ་ཆེ་བེད་སྤྱོད་བྱེད་པ་རྣམས་མཚམས་བཞག་ན་མཛེས་སོ།

29. ལྷག་བསམ་ལ་རྒྱབ་སྐྱོར་བྱེད། ༸གོང་ས་མཆོག་གིས་རྒྱལ་སྤྱིའི་ཐོག་གི་མཛད་འཕྲིན་བསྐྱང་ན་བཟང་། ནང་ཁུལ་གྱི་མཛད་སྒོ་ཆུང་ཚགས་རིགས་མ་བསྐྱངས་ན་ལེགས།

30. ཨ་་མ་དེ་ཡི་ལྷག་བསམ་ལ་རྒྱབ་སྐྱོར་ཡོད། སྔོན་མ་དང་མི་འདྲ་བར་མཛད་རིམ་ཉུང་དུ་བཏང་འདུག། གཙོ་བོ་དེ་ནི། བོད་པ་མི་རེ་ངོ་རེ་ནས་༧་གོང་ས་མཆོག་གིས་ཅི་གསུངས་ལག་ལེན་བསྟར་ན་། ཁོང་གི་སྐུ་ཚེ་ཡུན་ཏུ་གནས་ཀྱི་རེད།

31. རྒྱལ་བ་རིན་པོ་ཆེས་ཆབ་སྲིད་ཀྱི་འགན་དབང་ཡོངས་སུ་རྫོགས་པ་ལས་སྐུ་ངལ་གསོས་ཚར་བ་རེད། ཁོང་རང་ཕེབས་ན་བཞུགས་ན་ཁོང་རང་གི་རང་དབང་རེད། ཞུ་འདོད་ན་ཁོང་རང་ལ་ཞུ་རོགས་ཀྱིས། རྒྱལ་བ་རིན་པོ་ཆེ་བཞུགས་མི་འཇུག་མཁན་སུ་གཅིག་ཀྱང་ཡོད་པ་མ་རེད། ཁོང་རང་སྐུ་མཚམས་ལ་བཞུགས་འདོད་ན་ཡང་བཞུགས་ཆོག་ཆོག་རེད། འདྲེ་ཤར་ལ་བཞག་ནས་གླུད་ནུབ་ལ་མ་གཏོང་རོགས། སེམས་ཁྲལ་དགོས་ས་དེ་བོད་མི་མང་དང་བོད་ཀྱི་མདུན་ལམ་རེད་མ་གཏོགས་རྒྱལ་བ་རིན་པོ་ཆེ་སྐུ་སྒེར་ལ་ང་ཚོ་ལྟ་བུས་སེམས་ཁྲལ་བྱེད་དགོས་ས་ཞིག་མ་རེད་ཞུ་འདོད་བྱུང་། སེམས་ཁྲལ་མི་དགོས་ས་ལ་སེམས་ཁྲལ་བྱས་བསྡད་ན་གྱོང་རག་མཁན་དེ་ང་རང་ཚོ་རེད།

32. བོད་མི་མང་དང་བོད་ཀྱི་མདུན་ལམ་གྱི་སྲོག་རྩ་ངོ་མ་དེ་རྒྱལ་བ་རིན་པོ་ཆེ་རེད་།
    ཧ་ཧ་ཧ

33. སེམས་བྲེལ་འདི་འདྲ་ཡོད་པ་བོད་པ་ཚང་མར་གཅིག་མཚུངས་ལྟ་བུ་རེད། འོན་ཀྱང་རང་ཉིད་ཀྱིས་འཁུར་ཞིག་བླངས་ནས་དྲ་ཐོག་ནས་བསྒྲགས་ཐུབ་པའི་སྤོབས་པ་དེ་ལ་ངོ་བསྟོད་ཡོད། འདི་འདྲ་དགོས་པ་རེད།

    རྒྱལ་བ་རིན་པོ་ཆེའི་སྐུ་འཕྱྭ་ནི་འཛམ་གླིང་ས་ཕྱོགས་གང་དུ་ཕེབས་པ་དེ་དང་དེས་འགན་འཁུར་གྱི་ཚད་མཐོ་ཤོས་དེ་ཡོད་པ་རེད་སེམས་ཀྱིན་ཡོད།

    དོན་གྱི་གཙོ་བོ་ང་ཚོ་དུས་ཀྱི་འཕོ་འགྱུར་གྱི་འགྲོས་དང་བསྟུན་པའི་གྲུང་པོ་དགོས་པ་དང་། ནང་སྙིང་ང་ཚོ་བོད་མི་རེ་རེ་རང་ཉིད་ཀྱི་རྐང་སྟེང་དུ་སྲ་ཐག་ཆོད་ཀྱིས་ལངས་ཐུབ་དགོས་པ་དེ་ནི། ང་ཚོ་དེ་རིང་གི་འགྲན་རྩོད་ཀྱི་གཡལ་འདི་ནས་འགྱེལ་མི་འགྲོ་བའི་རྩ་བ་དེ་རེད། དེ་ལ་འབུངས་དགོས་པ་རེད།

    དྲ་རྒྱའི་དུས་རབས་བཞིན་ཡག་པོ་དང་སྣང་བ་འགྲོ་བོར་ལབས་འདུག་པར་དགའ་སྤོབས་ཡོད།

34. ཨ་མདོའི་ཕྲུ་གུ་ལྷ་མོ་དོན་གྲུབ་ལ། །
    ཏྰ་ལའི་བླ་མར་གསོལ་བར་གུས་ཕྱག་འཚལ། །

    ཏྰ་ལའི་བླ་མ་བཅུ་བཞི་པ་ཡི་མཚན། །
    བསྟན་འཛིན་རྒྱ་མཚོར་གསོལ་ལ་གསོལ་བ་འདེབས། །

    བསྟན་འཛིན་རྒྱ་མཚོས་རྡོ་རྗེ་འཆང་དངོས་སུ། །
    བཞེངས་མཛད་རྩ་བའི་བླ་མས་བྱིན་གྱིས་རློབས། །

    རང་འབྱུང་རིག་པའི་རྡོ་རྗེས་ཐལ་ཚིག་ལ། །
    འཇིགས་ནས་གློ་བུར་བྲིས་ཐལ་འདི་ན་ཤོར། །

35. རྒྱལ་བ་རིན་པོ་ཆེས་ཤར་ནུབ་ལ་བརྒྱུགས་ནས་མི་མང་ལ་སེམས་བཟང་པོ་བྱེད་པའི་བཀའ་སློབ་དང་། བཟོད་པའི་ལག་བསྟར་མྱོང་ཁྲིད། དེ་བཞིན་ཆོས་ཞུ་བའི་འདོད་མོས་ལྟར་དུས་འཁོར་དབང་ཆེན་གནང་བ་དེས། མི་མང་པོ་ཞིག་ལ་ཕན་པ་ཡོད་པ་དེ་ངའི་མྱོང་བས་བསྒྲུབས་ཡོད། དཔེར་ན་རྒན་རིག་རྡོར་གྱི་གོང་གི་མཆན་དེ་མཐོང་མ་ཐག་ལམ་གསེང་ཁོང་གི་མིང་ངོ་མ་དང་ངོ་དེབ་ཁ་བྱང་འདིར་འཇོག་འདོད་བསླེབས་སོང་། འོན་ཀྱང་རྒྱལ་བ་རིན་པོ་ཆེས་བཟོད་པ་བྱེད་པའི་དགོས་པ། བཟོད་པའི་ཕན་ཡོན། བཟོད་པ་བྱེད་སྟངས་སོགས་གསུངས་པ་རྣམས་ཡིད་ལ་ཤར་ནས། གསུང་འདི་དྲན་སོང་།

    “ང་རང་ཚོར་དམའ་འབེབ་གཏོང་མཁན་དང་ཚིག་རྩུབ་ཤོད་མཁན་དེ་ཚོ་ཆགས་སྡང་དབང་གིས་དེ་ལྟར་བྱེད་པ་ལས། སེམས་སྐྱིད་པོ་དང་བག་ཕེབས་པོའི་སྐབས་སུ་དེ་ལྟར་ཤོད་ཀྱི་མེད། ཆགས་སྡང་སེམས་ལ་བཞུགས་དུས་སེམས་སྐྱིད་པོ་མེད། དེའི་ཁ་ནས་སྐད་ཆ་ཡག་པོ་ཞིག་ཐོན་མི་སྲིད། ད་དེ་ལ་མ་སྐྱིད་པ་ཅིའི་ཕྱིར་བགྱིད། ཁོང་ཚོའི་སེམས་ལ་ན་ཚ་ཞིག་ཡོད་པ་བརྟན་བརྟན་རེད། ད་དེ་ལ་སྙིང་རྗེ་སྐྱེ་མ་ཐུབ་རུང་ཁོང་ཁྲོ་སྐྱེས་ན་ནོར་བ་རེད།” གསུངས།

    དེ་བསམ་བློ་འཁོར་ནས་རྒན་རིག་རྡོར་ལ་གནོད་སེམས་དྲག་པོ་འཕྱུར་བ་དེ་རེ་ཞིག་འཇགས་ཐལ། ཀརྨ་པ་མཁྱེན་ནོ། རྒྱལ་བ་རིན་པོ་ཆེ་མཁྱེན་ནོ། བླ་མ་ས་སྐྱ་པ་མཁྱེན་ནོ། མཁན་ཆེན་ཡིད་བཞིན་ནོར་བུ་མཁྱེན་ནོ། བླ་ཆེན་ཁྱེད་རྣམ་པའི་བྱིན་རླབས་ཡིད་ལ་བཞུགས་པར་ཤོག

36. ལེགས་སོ། གཟིགས་ཤིག 【Nam Tso 2013 】Rekulgyi Dayang ~ Tibetan Song

37. རང་བྱུང་རིག་པའི་རྡོ་རྗེ་ཟེར་བའི་མིང་རྫུན་དེ་དོད་ཚོགས་གི་མི་ཡིན་པ་དངོན་གསུམ་དུ་གྲུབ་

38. ༼19 རྡོ་རྗེ་།་ལགས་ཀྱིས་མཆན་བཏབ་པ།:
    February 9th, 2015 at 3:51 AM
    གོང་གི་བརྙན་འཕྲིན་ནང་གི་འབོད་སྐུལ་ནང་དོན་ཅི་རེད་། དྲ་གྲོགས་རྣམས་ཀྱིས་ཡི་གེ་འབྲི་རྒྱུ་གནང་རོགས་།༽

    གོང་གི་བོད་སྐད་དེ། ཡིག་ཐོག་ལ་འབྲི་མ་ཐུབ་པ་དེ་འདྲ་གང་ཡང་མི་འདུག། ཡིན་ན་ཡང་། མི་གཅིག་གི་སྐད་ཡིག་ཡིག་ཐོག་ལ་འཇོག་ཐུབ་ན་ཡང་། ས་ཡ་ཁ་ཤས་ཤིག་དཀའ་སེ་འདུག་པས། དེ་ལས་རྡོ་རྗེ་རང་གིས། ཐོས་བརྩོན་ལ་ཤུགས་ཞིག་བརྒྱབས་པ་ཡིན་ན། ཉིན་ཞིག་ཁྱེད་ཉིད་ལ་སྤོབས་པ་ཞིག་རྒྱས་སྲིད་པས། ཡི་གེ་མི་སྒྱུར་རྒྱུ་བྱེད། རྣ་བ་གཏོད་ལ་ཉན་ཡག་བྱས་དང་ག་ལེ་ག་ལེར་གོ་ཡོང་གི་རེད། ཧ་ཧ་ཧ།
    གཙོ་བོ་མོས་འདི་འདྲ་ཞིག་བཤད་འདུག། སློབ་མས་རང་གི་བླ་མ་ལ་གུས་བཀུར་ཕུལ་བ་ལས། བུ་ཕྲུག་གིས་ཕ་མ་ལ་བྱམས་སྐྱོང་སྤྲད་པ་ནང་བཞིན་ཞིག་ཡོང་གི་མི་འདུག་པས། ༧གོང་ས་མཆོག་ལ། སོ་སོའི་དྲིན་ཆེན་གྱི་ཕ་མ་གཉིས་ལས་ལྷག་ཞིག་གི་བྱམས་སྐྱོང་ཞིག་སྟེར་ཐུབ་པ་མ་བྱུང་ན་ཡང་། དེ་ལས་མི་དམན་པ་ཞིག་དགོས་འདུག་ཟེར་བཞིན་འདུག། སྐུ་ན་བགྲེས་བོ་ཡིན་པ་ནི་རྒྱུ་མཚན་ལ་བཀོད་འདུག།
    བུ་མོ་ཞིག་གིས་ཕ་མ་ལ་བཅངས་བའི་བརྩེ་བ་ནི། བུ་མོ་ལས་གཞན་པས་རྟོག་ཚུལ་མེད་པ་ཞིག་ཡིན་པ་རེད། དེ་ན། བུ་མོ་འདི་ལ་ཁག་མི་འདུག།
    ལོ་ལོན་དུས་སྐུ་ངལ་གསོ་དགོས་བ་ནི་འཇིག་རྟེན་ཡོངས་གྲགས་རེད། ཆོས་དང་མཚན་རིག་གང་གི་ཆ་ནས་ཡང་རྩོད་པ་ཡོད་པ་མ་རེད། ཕྱི་རྒྱལ་ཕྱོགས་ན། མྱི་ལོ་དྲུག་ཅུ་རྩ་སྟོད་ནས། ངལ་གསོ་བའི་དུས་སུ་བགོས་ཡོད་པ་གོ་མྱོང་ཡོད། བདེན་པ་ཡིན་རྒྱུ་རེད་འདོད།

    གོང་ན་ཁ་ཤས་ཤིག་གིས་རྒྱུག་དགོས་བ་རེད་འདུར་དགོས་བ་རེད་ཟེར་ན་ཡང་། དེ་ནི་ཀླད་པའི་ནང་ན་རྩམ་སྐྱ་ཙམ་མ་གཏོགས་མེད་མཁན་ཚོ་ལོས་ཡིན་འདོད་ཡོད།

    དོལ་འདྲེ་བ་འགའ་ཡང་བསླེབས་འདུག། ཆོས་དད་ལ་ཇུས་གཏོགས་མེད་མཁན་ཚོ་ཡང་བསླེབས་འདུག། ཡ་མི་བྱེད་ཁོ་ཐག་ཡིན། ཁ་བྲོ་བའི་ཁ་བསྔོགས་ན། བཀྲ་མ་ཤིས་བའི་ལས་འཁོར་ཡོང་འགྲོ།

39. ཁ་མ་་་་་་

40. རྒྱབ་སྐྱོར་ཡོད། བཀའ་་དྲིན་ཆེ།

41. སྤོབས་པ་མཐའ་ཡས་མཆན་་༣༡ལ་མོས་མཐུན་ཡོད། སེམས་ཁྲེལ་མི་དགོས་ས་སེམས་ཁྲེལ་རང་རེད།
    ༧གོང་ས་མཆོག་བཞུགས་ན་ཕེབས་ན་རང་དབང་རེད། སྐུ་མཚམས་ལ་བཞུགས་ཀྱང་སུ་ཞིག་གིས་འགོག་གིས་མ་རེད། དགུང་ལོ་མཐོན་པོ་སླེབས་འདུག སྐུ་མཚམས་ལ་བཞུགས་ན་ལེགས་པར་སྙམ།
    འོན་ཀྱང་སངས་རྒྱས་ལ་ཀ་ཁ་བསླབས་ཟེར་བའི་དཔེ་བཞིན་རེད། ༧གོང་ས་མཆོག་སྐུ་ཚེ་ཞབས་པད་བརྟན་པར་ཤོག །

42. སྙིང་ནས་བཀའ་དྲིན་ཆེ།

43. གོང་གི་བོད་སྐད་དེ། ཡིག་ཐོག་ལ་འབྲི་མ་ཐུབ་པ་དེ་འདྲ་གང་ཡང་མི་འདུག། ཡིན་ན་ཡང་། མི་གཅིག་གི་སྐད་ཡིག་ཡིག་ཐོག་ལ་འཇོག་ཐུབ་ན་ཡང་། ས་ཡ་ཁ་ཤས་ཤིག་དཀའ་སེ་འདུག་པས། དེ་ལས་རྡོ་རྗེ་རང་གིས། ཐོས་བརྩོན་ལ་ཤུགས་ཞིག་བརྒྱབས་པ་ཡིན་ན། ཉིན་ཞིག་ཁྱེད་ཉིད་ལ་སྤོབས་པ་ཞིག་རྒྱས་སྲིད་པས། ཡི་གེ་མི་སྒྱུར་རྒྱུ་བྱེད། རྣ་བ་གཏོད་ལ་ཉན་ཡག་བྱས་དང་ག་ལེ་ག་ལེར་གོ་ཡོང་གི་རེད། ཧ་ཧ་ཧ།
    གཙོ་བོ་མོས་འདི་འདྲ་ཞིག་བཤད་འདུག། སློབ་མས་རང་གི་བླ་མ་ལ་གུས་བཀུར་ཕུལ་བ་ལས། བུ་ཕྲུག་གིས་ཕ་མ་ལ་བྱམས་སྐྱོང་སྤྲད་པ་ནང་བཞིན་ཞིག་ཡོང་གི་མི་འདུག་པས། ༧གོང་ས་མཆོག་ལ། སོ་སོའི་དྲིན་ཆེན་གྱི་ཕ་མ་གཉིས་ལས་ལྷག་ཞིག་གི་བྱམས་སྐྱོང་ཞིག་སྟེར་ཐུབ་པ་མ་བྱུང་ན་ཡང་། དེ་ལས་མི་དམན་པ་ཞིག་དགོས་འདུག་ཟེར་བཞིན་འདུག། སྐུ་ན་བགྲེས་བོ་ཡིན་པ་ནི་རྒྱུ་མཚན་ལ་བཀོད་འདུག།
    བུ་མོ་ཞིག་གིས་ཕ་མ་ལ་བཅངས་བའི་བརྩེ་བ་ནི། བུ་མོ་ལས་གཞན་པས་རྟོག་ཚུལ་མེད་པ་ཞིག་ཡིན་པ་རེད། དེ་ན། བུ་མོ་འདི་ལ་ཁག་མི་འདུག།
    ལོ་ལོན་དུས་སྐུ་ངལ་གསོ་དགོས་བ་ནི་འཇིག་རྟེན་ཡོངས་གྲགས་རེད། ཆོས་དང་མཚན་རིག་གང་གི་ཆ་ནས་ཡང་རྩོད་པ་ཡོད་པ་མ་རེད། ཕྱི་རྒྱལ་ཕྱོགས་ན། མྱི་ལོ་དྲུག་ཅུ་རྩ་སྟོད་ནས། ངལ་གསོ་བའི་དུས་སུ་བགོས་ཡོད་པ་གོ་མྱོང་ཡོད། བདེན་པ་ཡིན་རྒྱུ་རེད་འདོད།

    གོང་ན་ཁ་ཤས་ཤིག་གིས་རྒྱུག་དགོས་བ་རེད་འདུར་དགོས་བ་རེད་ཟེར་ན་ཡང་། དེ་ནི་ཀླད་པའི་ནང་ན་རྩམ་སྐྱ་ཙམ་མ་གཏོགས་མེད་མཁན་ཚོ་ལོས་ཡིན་འདོད་ཡོད།

    དོལ་འདྲེ་བ་འགའ་ཡང་བསླེབས་འདུག། ཆོས་དད་ལ་ཇུས་གཏོགས་མེད་མཁན་ཚོ་ཡང་བསླེབས་འདུག། ཡ་མི་བྱེད་ཁོ་ཐག་ཡིན། ཁ་བྲོ་བའི་ཁ་བསྔོགས་ན། བཀྲ་མ་ཤིས་བའི་ལས་འཁོར་ཡོང་འགྲོ།

44. གཙོ་བོ་མོས་འདི་འདྲ་ཞིག་བཤད་འདུག། སློབ་མས་རང་གི་བླ་མ་ལ་གུས་བཀུར་ཕུལ་བ་ལས། བུ་ཕྲུག་གིས་ཕ་མ་ལ་བྱམས་སྐྱོང་སྤྲད་པ་ནང་བཞིན་ཞིག་ཡོང་གི་མི་འདུག་པས། ༧གོང་ས་མཆོག་ལ། སོ་སོའི་དྲིན་ཆེན་གྱི་ཕ་མ་གཉིས་ལས་ལྷག་ཞིག་གི་བྱམས་སྐྱོང་ཞིག་སྟེར་ཐུབ་པ་མ་བྱུང་ན་ཡང་། དེ་ལས་མི་དམན་པ་ཞིག་དགོས་འདུག་ཟེར་བཞིན་འདུག། སྐུ་ན་བགྲེས་བོ་ཡིན་པ་ནི་རྒྱུ་མཚན་ལ་བཀོད་འདུག།
    བུ་མོ་ཞིག་གིས་ཕ་མ་ལ་བཅངས་བའི་བརྩེ་བ་ནི། བུ་མོ་ལས་གཞན་པས་རྟོག་ཚུལ་མེད་པ་ཞིག་ཡིན་པ་རེད། དེ་ན། བུ་མོ་འདི་ལ་ཁག་མི་འདུག།
    ལོ་ལོན་དུས་སྐུ་ངལ་གསོ་དགོས་བ་ནི་འཇིག་རྟེན་ཡོངས་གྲགས་རེད། ཆོས་དང་མཚན་རིག་གང་གི་ཆ་ནས་ཡང་རྩོད་པ་ཡོད་པ་མ་རེད། ཕྱི་རྒྱལ་ཕྱོགས་ན། མྱི་ལོ་དྲུག་ཅུ་རྩ་སྟོད་ནས། ངལ་གསོ་བའི་དུས་སུ་བགོས་ཡོད་པ་གོ་མྱོང་ཡོད། བདེན་པ་ཡིན་རྒྱུ་རེད་འདོད།

    གོང་ན་ཁ་ཤས་ཤིག་གིས་རྒྱུག་དགོས་བ་རེད་འདུར་དགོས་བ་རེད་ཟེར་ན་ཡང་། དེ་ནི་ཀླད་པའི་ནང་ན་རྩམ་སྐྱ་ཙམ་མ་གཏོགས་མེད་མཁན་ཚོ་ལོས་ཡིན་འདོད་ཡོད།

45. ཨ་ཅག་ལགས་ཀྱི་སེམས་ཁྲེལ་དང་མིག་ཆུ་ལ་རྒྱབ་སྐྱོར་ཞུ། ཡིན་ན་ཡང་། བོད་གཞུང་དང་ལྷག་པར་དགའ་ལྡན་ཕོ་བྲང་གི་མི་སྣ་ཚོས་༧གོང་ས་མཆོག་གི་ཕེབས་བཞུད་ལ་བཀག་འགོག་ཞུ་མི་ཐུབ་པ་ཐག་ཆོད་རེད། ངས་ཁོང་གི་སྐུ་འཁོར་དུ་རྒྱུན་བཅར་ཞུ་བཞིན་པའི་མི་སྣ་གལ་ཆེན་ཞིག་དང་ལྷན་དང་༧གོང་ས་མཆོག་གི་ཉིན་རེའི་མཛད་རིམ་སྐོར་ལ་བཀའ་འདྲི་ཞུས་པ་ཡིན། ཁོང་གིས་གསུངས་པ། ༧གོང་ས་མཆོག་ལ་ཨ་རི་ནས་རྒྱ་གར་དང་རྒྱ་གར་ནས་ཨ་རི་སོགས་ཤར་ནུབ་རྒྱལ་ཁབ་གང་ལ་ཕེབས་ཀྱང་ང་ཚོ་ལྟར་ཉིན་མཚན་གོ་ལོག་པའི་སྐྱོན་གཉིད་མི་ཁུག་པ་སོགས་མེད་ཅིང་། ས་གནས་གང་དུ་འབྱོར་རྗེས་ “ད་ག་རེ་བྱ་དགོས་རེད། སྡོད་འདུག་ནས་ཕན་པ་ཡོད་པ་མ་རེད། དུས་ཚོད་འཕྲོ་བརླག་མ་གཏོང་། ” ཞེས་དུས་ཚོད་སྐར་ཆ་གཅིག་ཀྱང་གསེར་རྡོག་རྡོག་རེ་ལས་ལྷག་པའི་རྩ་ཆེན་ནམ་དམ་འཛིན་གནང་བ་དང་། གནམ་གྲུར་ཆུ་ཚོད་ག་ཚོད་འཕུར་དགོས་ཀྱང་ང་ཚོ་མི་དཀྱུས་མ་ལྟར་གཡས་འགྱེལ་གཡོན་འགྱེལ་མི་དགོས་པར་ཐད་ཀར་ཏིང་འཛིན་ལ་བཞུགས་པའམ་དཔེ་ཀློག་གནང་གི་རེད་ཟེར། དྲ་གྲོགས་ཚོས་གོ་ཡོད་རྒྱུ་རེད། ༧གོང་ས་མཆོག་གིས་ངས་དཔེ་ཀློག་བྱེད་པའི་དུས་ཚོད་ཡག་ཤོས་གནམ་གྲུའི་ནང་དུ་ཡིན་གསུངས་པ་ལྟར་རེད། གཅིག་ནས་འཛམ་གླིང་ལ་གཡས་སྐོར་གཡོན་སྐོར་ཅི་ཙམ་གནང་བས་སྐུའི་མཛད་འཕྲིན་གྱི་ཉིན་བྱེད་སྔར་བས་འབར་བ་དང་བསྟན་འགྲོའི་དོན་བདེ་ལེགས་སུ་འགྲུབ་པ། ཁྱད་པར་སྐུ་ཕྱྭའི་འཕྲོད་བསྟེན་ལའང་ཕན་ཐོགས་རྒྱ་ཆེན་པོ་ཡོད་རྒྱུ་རེད་བསམ་མོ། །

46. ལྡོང་གསེར་མིག་གི་མཆན་༤༥དེ་བཀླགས་དུས་བློ་བདེ་པོ་བྱུང་ངོ་

47. སྤྱིར་ལྷག་བསམ་གྱི་སྐད་ཆ་ཡིན་དུས་ཡག་པོ་རེད། འོན་ཀྱང་གོང་ས་མཆོག་སྐུ་ངལ་གསོ་དང་མི་གསོ་ནི་ཁོང་རང་ཉིད་ཀྱིས་ཐུགས་ཐག་བཅོད་རྒྱུ་ཞིག་ལས་གཞན་སུས་ཀྱང་སྒྲུབ་ཐུབ་པ་ཞིག་མ་རེད། ཁོང་ལ་སྐུ་ངལ་གསོ་དགོས་པའི་སློབ་སྟོན་བྱེད་པ་ནི་སངས་རྒྱས་ལ་ཀ་ཁ་སློབ་པའི་དཔེ་ལས་མ་འདས་པ་རེད། དེ་ལས་ཁོང་རང་ཉིད་ཀྱི་ཐུགས་འདོད་ལྟར་གནང་བཅུག་རྒྱུ་ནི་གལ་ཆེ་ཤོས་རེད།

48. ༧གོང་ས་མཆོག་ཨ་རིར་མ་ཕེབས་སྔོན་ལ་འཇར་མན་གྱི་སྨན་ཁང་ཞིག་ཏུ་བརྟག་དཔྱད་ལ་ཕྱིན་པའི་གནས་ཚུལ་ཞིག་ཐོན་ཡོད། གང་ལྟར་༧ཁོང་སྐུ་དལ་བྲེལ་སྙོམས་པར་ཤོག