བོད་མི་མང་སྤྱི་འཐུས་རྒྱུན་ལས་རྣམས་ནས་ཐུགས་གསོའི་འཕྲིན་ཡིག་གནང་བ། བཙན་བྱོལ་བོད་གཞུང་གི་དྲ་རྒྱ་ནས་བཤུས།
༢༠༡༡ ཟླ་ ༢ ཚེས་ ༡༩ རེས་གཟའ་སྤེན་པ།
༄༅། །ཆེས་བཀུར་བར་འོས་པའི་༸སྐུའི་གཅེན་པོ་སྟག་འཚེར་རིན་པོ་ཆེ་དམ་པ་དེ་ཉིད་ཀྱི་ལྷ་ལྕམ་ཀུན་དབྱངས་མཆོག་གང་དེར།
ཆེད་འབུལ། དགུང་ལོ་ ༤༥ ལ་ཕེབས་པའི་སྲས་འཇིགས་མེད་ནོར་བུ་མཆོག་དང་ཕྱག་རོགས་གཉིས་བཅས་ St. Augustine ནས་ West Palm Beach བར་མེ་ལེ་ ༣༠༠ ཐམ་པའི་རྒྱང་ཐག་ལ་ Walk for Tibet Floridaཞེས་གོམ་བགྲོད་ཀྱིས་བོད་དོན་ལས་འགུལ་སྤེལ་བཞིན་པར་འདི་ཚེས་ ༡༤ ཉིན་གློ་བུར་རྐྱེན་ངན་སྟབས་ཀྱིས་སྲས་འཇིགས་མེད་ནོར་བུ་མཆོག་སྐུ་ཚེའི་འཕེན་པ་རྫོགས་པའི་ཤིན་ཏུ་ཡིད་སྐྱོའི་གནས་ཚུལ་ཐོན་འདུག་པར་སྤྱི་འཐུས་རྒྱུན་ལས་རྣམ་པ་བློ་ཕམ་དང་ཡིད་སྐྱོའི་གནས་སུ་གྱུར། སྲས་འཇིགས་མེད་ནོར་བུ་མཆོག་གིས་ཡབ་དམ་པའི་རྗེས་འཛིན་གནང་སྟེ་བོད་བསྟན་སྲིད་མི་རིགས་དང་བཅས་པའི་རྩ་དོན་ཐོག་ཐུགས་འཁུར་ཆེ་བཞེས་དང་འབྲེལ་བོད་དོན་འཐབ་རྩོད་ཀྱི་ལས་འགུལ་རྒྱུན་ཆད་མེད་པར་སྤེལ་བ་མ་ཟད། མཐའ་མ་ལས་འགུལ་ཐོག་ཞུགས་བཞིན་པར་རང་ཉིད་ཀྱི་སྐུ་སྲོག་ཀྱང་ཤོར་དགོས་བྱུང་བའི་མཛད་རྗེས་བཅས་ལ་ཡི་རང་བསྔགས་བརྗོད་ཞུ་རྒྱུ་དང་། གང་གི་རྣམ་དཀར་དགེ་ཚོགས་ཀྱི་མཐུ་ལ་བརྟེན་ནས་རྣམ་མཁྱེན་རྒྱལ་བའི་གོ་འཕང་ལ་མྱུར་དུ་རེག་པའི་སྨོན་འདུན་དང་། སྐུ་ཉིད་ཀྱིས་དབུས་ནང་མི་ལྟོས་བཅས་ཡོངས་ལ་ཐུགས་གསོ་ཞུ་རྒྱུ་བཅས་དེ་དོན་དགོངས་མངའ་མཁྱེན།
བོད་མི་མང་སྤྱི་འཐུས་ཚོགས་གཙོ་སྦྲེལ་པོས་ཕྱི་ལོ་ ༢༠༡༡ ཟླ་ ༢ ཚེས་ ༡༦ ལ་ཕུལ།།
སྲས་འཇིགས་མེད་ནོར་བུ་གཤེགས་ཚུལ་ཐོས་པས། ངོས་སྤྱི་འཐུས་རྒྱུན་ལས་ཀྱི་འཚམས་འཕྲིན་ལ་ལྟོས་པ་ཡིན། རྒྱུན་ལས་རྣམ་པས་རྫོགས་པའི་བྱང་ཆུབ་ཐོབ་ཕྱིར་བསྔོ་སྨོན་གནང་སྟེ། ༧གོང་ས་མཆོག་ལ་མཛད་བྲེལ་ཉུང་དུ་བཏང་འདུག འཇིགས་མེད་ནོར་བུ་མཆོག་ནི་སྤྱི་འཐུས་ལྷན་ཚོགས་དང་ལྟ་གྲུབ་མ་འདྲ་བའི་ལམ་ནས་བོད་དོན་བདེན་མཐའ་སེལ་རྒྱུར་དམ་བཅས། ལག་ལེན་བསྟར། མཐའ་མར་སྐུ་སྲོག་ཤོར་བ་ཞིག་ཡིན་པས་ངོས་ཕྲ་མོ་ཙམ་ཡང་གླེང་མི་འདུག་པས། ༧གོང་ས་མཆོག་གི་ཆབ་སྲིད་ཚོགས་པ་མང་པོ་འབྱུང་དགོས་པའི་རེ་འདུན་གྱི་རྨང་གཞི་མངོན་སུམ་དུ་མོག་པར་བྱས། རྐུབ་སྟེགས་རྫིག་པོའི་སྟེང་ནས་རང་རྒྱུད་དང་མ་འཚམས་པའི་དབང་བསྒྱུར་པའི་སྐད་ཆ་ལད་ཟློས་བྱས། འཇིགས་མེད་ནོར་བུ་ཞི་བའི་དབྱིངས་སུ་དྲངས། བོད་ཀྱི་མདུན་ལམ་འཐབ་རྩོད་ཀྱི་ལོ་རྒྱུས་ཤིག་དེ་ལྟར་ལྟེབས་བརྩིགས་དང་ངོས་འཛིན་བྱས། ངེད་རང་འཚམ་འཕྲིན་ལ་མཇལ་ནས་བློ་ཕམ། ཁ་གདངས། མིག་ཆུ་ཤོར། ཡིད་ནག་གཏིང་ནས་ཆད་དེ་གནས།