ཡོང་ཁུངས། བོད་མིའི་སྒྲིག་འཛུགས་དྲ་རྒྱ
རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཚོགས་ལ་དམིགས་ནས་བོད་དོན་ཞུ་གཏུག་གི་ལས་འགུལ་ཚ་ཚ་འུར་འུར་ཐོག་སྤེལ་བཞིན་པ།
༄༅། །འཆར་ཟླའི་ནང་སུད་སི་གྲོང་ཁྱེར་ཇི་ནི་ཝར་ Geneva འགྲོ་བ་མིའི་ཐོབ་ཐང་ལྷན་ཚོགས་འཚོགས་རྒྱུ་ཡིན་སྟབས། ལྷན་ཚོགས་ཐོག་བོད་ནང་གི་བོད་མིའི་འགྲོ་བ་མིའི་ཐོབ་ཐང་གི་གནས་སྟངས་ཧ་ཅང་ཛ་དྲག་པོ་དང་ཞེན་པོ་ཡོད་པ་དེ་དག་གསལ་སྟོན་ཐུབ་པ་ཞིག་དང་། ལྷག་པར་རྒྱལ་སྤྱིའི་རྒྱབ་སྐྱོར་དང་གནོན་ཤུགས་ཐོབ་པ་བརྒྱུད་རྒྱ་ནག་གཞུང་ལ་བོད་མིའི་ཐོག་དམ་བསྒྲགས་བྱེད་བཞིན་པ་དེ་དག་འཕྲལ་མར་མཚམས་འཇོག་ཡོང་སླད། ཕྱི་འབྲེལ་དྲུང་ཆེ་དྭགས་པོ་བསོད་ནམ་ནོར་བུ་ལགས་དང་། དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་ཞིང་གཤེགས་དམ་པ་མཆོག་གི་ཚ་མོ་ཉི་མ་ལྷ་མོ་ལགས། དེ་བཞིན་ཕྱི་དྲིལ་འགྲོ་བ་མིའི་ཐོབ་ཐང་ཚན་པའི་འགན་འཛིན་སྐལ་ལྡན་མཚོ་མོ་ལགས་བཅས་ཀྱིས་དེང་སྐབས་སུད་སི་གྲོང་ཁྱེར་ཇི་ནི་ཝར་བོད་དོན་ཞུ་གཏུག་གི་ལས་འགུལ་ཚ་ཚ་འུར་འུར་ཐོག་སྤེལ་བཞིན་ཡོད་འདུག
དེ་ཡང་ཐེངས་འདིར་ཕྱི་དྲིལ་ལས་ཁུངས་དང་སུད་སི་སྐུ་ཚབ་དོན་གཅོད་ཁང་གཉིས་མཉམ་རུབ་ཐོག་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༣༤ དམིགས་ནས་བདུན་ཕྲག་གཅིག་ཙམ་རིང་བོད་དོན་ལས་འགུལ་སྤེལ་རྒྱུ་མ་ཟད། རྒྱལ་སྤྱིའི་ལྷན་ཚོགས་སྐབས་བོད་མིའི་སྒྲིག་འཛུགས་ཀྱིས་ཞུ་གཏུག་ལས་འགུལ་ཇི་ལྟར་སྤེལ་དགོས་མིན་ཐོག་རྒྱལ་སྤྱིའི་ཞུ་གཏུག་ལས་འགུལ་སྤེལ་ཕྱོགས་ཐད་མཁས་ལས་མི་སྣ་ཁག་གཅིག་དང་ཐུག་ནས། ཞུ་གཏུག་སྐབས་འཆར་གཞི་བང་སྒྲིག་སྟངས་དང་ཞུ་གཏུག་བྱ་རྒྱུའི་གོ་སྐབས་འཚོལ་སྟངས། གནད་དོན་གོ་རིམ་ལྡན་པའི་ཐོག་ནས་ཞུ་གཏུག་ཚགས་ཚུད་དང་ལམ་ལྷོངས་ལྡན་པ་ཞིག་ཇི་ལྟར་སྤེལ་ཐབས་སྐོར་སོགས་ཀྱི་ཐོག་བློ་སྐྱེས་ལེན་རྒྱུ་དང་གོ་བསྡུར་སྦྱངས་བཤད་གནང་རྒྱུ་ཡིན་སྐོར་ཕྱི་འབྲེལ་དྲུང་ཆེས་གསུངས།
སྤྱིར་ལྷན་ཚོགས་ཐེངས་ ༣༤ སྐབས་ཕྱི་དྲིལ་ལས་ཁུངས་ནས་བོད་ནང་གསེར་རྟ་བླ་རུང་སྒར་གཏོར་བཤིག་གཏོང་བཞིན་པ་དེ་དཔེ་མཚོན་དུ་བཀོད་ནས་རྒྱ་ནག་གཞུང་གིས་བོད་མིའི་ཆོས་དད་རང་དབང་ལ་དམ་བསྒྲགས་བྱེད་བཞིན་པ་མ་ཟད། པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་དཔེ་མཚོན་དུ་བཞག་ནས་རྒྱ་ནག་གཞུང་གིས་བོད་མི་གང་བྱུང་འཛིན་བཟུང་བཙན་ཁྲིད་བྱས་མཐར་བོད་མི་དེ་དག་གར་སོང་ཆ་མེད་དུ་འགྱུར་བཞིན་པའི་གནས་སྟངས་གསལ་སྟོན་དང་། དེ་བཞིན་བོད་མིའི་ཕྱི་བསྐྱོད་ལག་འཁྱེར་ལ་དམ་བསྒྲགས་ཚོད་འཛིན་བྱེད་བཞིན་པ་སོགས་ཞུ་གཏུག་གནང་རྒྱུ་དང་། བཀྲ་ཤིས་དབང་ཕྱུག་ལྟ་བུ་དཔེར་བཀོད་ནས་རྒྱ་ནག་གཞུང་གི་བོད་མིའི་སྐད་ཡིག་ཐོག་དམ་བསྒྲགས་བྱེད་བཞིན་པ་མ་ཟད། ཕྱི་ལོ་ ༢༠༠༩ ནས་ད་བར་བོད་མི་ ༡༤༥ རང་ལུས་མེར་སྲེག་བཏང་ནས་རྒྱ་ནག་གཞུང་གིས་དམ་བསྒྲགས་ཅན་གྱི་སྲིད་བྱུས་ལ་ཞི་རྒོལ་རྔམ་སྟོན་གནང་ཡོད་པ་དང་། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་མཆོག་དཔེ་མཚོན་དུ་བཞག་ནས་བོད་མི་ཆབ་སྲིད་བཙོན་པ་རྣམས་ལ་སྡུག་སྦྱོང་མནར་གཅོད་བཏང་བ་མ་ཟད། མཐའ་ན་བཙོན་ཁང་ནས་སྨན་བཅོས་ཀྱི་མཐུན་འགྱུར་སོགས་རྩ་བ་ནས་མ་སྤྲད་པར་ལྐོག་བསད་བྱས་པའི་གནས་ཚུལ་རྣམས་གསལ་སྟོན་བྱ་རྒྱུ་ཡིན་འདུག
དེ་ཡང་དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས་ཀྱིས་གསུང་དོན། རྒྱ་ནག་ལྟ་བུར་མཚོན་ན་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མི་ཡིན། འོན་ཀྱང་རྒྱ་ནག་གཞུང་གིས་རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མི་ཡིན་བཞིན་དུ་ལྷན་ཚོགས་ཀྱི་རྩ་འཛིན་བྱེད་དགོས་པའི་སྲིད་བྱུས་དེ་དག་ལ་བརྩི་མེད་རྡོག་རོལ་གཏོང་བཞིན་ཡོད། དེར་བརྟེན་ཐེངས་འདིར་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༣༤ གོ་སྐབས་འདི་གོ་སྐབས་བཟང་པོ་ཞིག་མཐོང་ནས་ཕྱི་དྲིལ་ལས་ཁུངས་ཀྱིས་རྒྱ་ནག་གཞུང་གིས་བོད་ནང་བོད་མིའི་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་བཏང་དང་གཏོང་བཞིན་པའི་གནས་སྟངས་དེ་དག་གསལ་སྟོན་ཐོག་ནས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མི་གཞན་ཚོས་རྒྱ་ནག་གཞུང་ལ་གནོན་ཤུགས་སྤྲོད་ཐབས་ཡོང་སླད་ཞུ་གཏུག་ལས་འགུལ་སྤེལ་བཞིན་ཡོད། ཅེས་གསུངས། །
ང་ཚོའི་དབུ་མའི་ལམ་གྱི་སྲིད་ཇུས་དེ་གསོན་པོར་དམ་འཛིན་
བྱ་རྒྱུ་ཡིན་ན་རྒྱ་ནག་གི་འགོ་འཁྲིད་དང་ང་ཚོའི་འགོ་འཁྲིད་བར་མི་དང་མི་ཐུག་ནས་ཕར་བཤད་ཚུར་ཉན་དང་ཚུར་བཤད་ཕར་ཉན་གྱི་རྒྱུད་ནས་སྤྲོད་ལེན་ཆབ་སྲིད་ལ་འགན་འཁུར་ནས་་བོད་རྒྱའི་དཀའ་སྙོགས་སེལ་དགོས་པ་ལས་ཕྱིའི་རྒྱལ་ཁབ་ལ་རེ་བ་བཅོལ་ནས་དབུ་ལམ་ལ་དོན་འབྲས་གསོན་མིན་ཇི་ལྟར་ཡང་ང་ཚོའི་རང་བཙན་རྩོད་རྒྱུ་ཡིན་ན་ཕྱིའི་རྒྱལ་ཁབ་ལ་རོགས་མགོན་ཞུས་ནས་རྒྱ་ནག་ལ་ཁ་གཏད་བཅོག་དགོས་པ་དེ་འཛམ་གླིང་སྤྱི་སྲོལ་དང་མཐུན་པའི་ཕྱི་འབྲེལ་ཆབ་སྲིད་ཀྱི་འགྲོ་སྟངས་དང་མཐུན་པ་ཞིག་ལ་ངེས་འཛིན་ཞུ་གི་ཡོད་།
བོད་ཀྱི་ལོ་རྒྱུས་དང་། བོད་ཀྱི་རིག་གཞུང་། བོད་ཀྱི་སྐད་ཡིག བོད་ཀྱི་རྩ་དོན་མཐིལ་ཕྱིན་པ་མི་ཤེས་མཁན་རེས་བོད་ལ་ཤ་ཚ་མདོག་གིས་བོད་དོན་གླེང་གི་ཡོད་མདོག་བྱེད་པ་དེ་བསམ་ན། མཚམས་རེར་ཁོ་ཆད་ཅིང་། མཚམས་རེར་ངུ་ཤོར་གི
འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མི་ཡིན།
འདི།
འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མི་རེད།
སུད་སི་གྲོང་ཁྱེར་ཇི་ནི་ཝར་བོད་དོན་ཞུ་གཏུག་གི་ལས་འགུལ་སྤེལ་བཞིན་པ།
་
http://www.rfa.org/tibetan/exile/discussion-on-undertaking-a-major-effort-to-strengthen-human-rights-advocacy-for-tibet-at-the-united-nations-01282017121304.html
༅༅། ཤར་གླིང་ཟླ་སྒྲོན་ལགས་ནས་མགོ་ཚོས་པོའི་ལན་ཡག་པོ་བརྒྱབ་སོང་དགའ་བོ་ཡོད།
རིག་པ་སྒྲིམ་ཤོག་ཨང། ཟླ་སྒྲོན་ལགས།
ལས་དོན་གསར་པ་གང་མང་སྤེལ་གནང་རོགས་གནང།
ཁ་ཁུ་སིམ་པོར་བསྡད་ན་འགྲིགས་ཐབས་རྩ་བ་ནས་མི་འདུག།
༧གོང་ས་མཆོག་དགུང་ལོ་ག་ཚོད་ཕེབས་འདུག།
བོད་རྒྱལ་ཁབ་དང་བོད་མི་རིགས་ཀྱི་ཆབ་སྲིད་དེ་གང་ཟག་སྒེར་གྱི་ཆབ་སྲིད་ཐབས་རྩོད་ལ་ནམ་ཡང་ཁ་ཕྱོགས་མི་ཉན་ནོ་ཨ་རོགས་ཚོ་ཆབ་སྲིད་ཤེས་ལེ་ཨེ་ཡོད་།