བོད་ཀྱི་དར་དཀར་རིག་གནས།

Comments (12) on “བོད་ཀྱི་དར་དཀར་རིག་གནས།”

1. མཁས་དབང་ཐུབ་བསྟན་ཕུན་ཚོགས་ལགས་ཀྱིས་དཔྱད་རྩོམ་སྤུས་ལེགས་ཞིག་བྲིས་གནང་བར་བཀའ་དྲིན་ཆེ་དེ་མིན་འགའ་ཞིག་གིས་རང་ཉིད་ཀྱི་ཆོས་ལུགས་རྒྱ་གར་ནས་དར་བའི་རྒྱུ་མཚན་གྱིས་ཁ་བཏགས་རྒྱ་གར་གྱི་བུད་མེད་རྣམས་ཀྱི་མགོ་ལ་གྱོན་པའི་རས་དེ་ཀས་བྱུང་ཚུལ་དང་ཡང་འགའ་ཞིག་གིས་དངུལ་མདའ་གཡང་ལ་དགའ་བའི་རྒྱུ་མཚན་གྱིས་རྒྱ་ནག་ནས་དར་བར་འདོད་པ་སོགས་ནི་བོད་ཀྱི་རིག་གནས་གཏོར་བཤིག་གཏོང་བའི་ཐབས་ལམ་ལས་གཞན་རྒྱུ་མཚན་མེད། བཀའ་དྲིན་ཆེ་ཁྱེད་ལ་རེ་བ་ཡོད།

2. ་་་་་་་་་་་ འདི་ནི་ཕལ་ཆེར་བསྟན་པ་ཕྱིར་དར་གྱི་སྐབས་སུ་བོན་ཆོས་ནང་ཆོས་སུ་བསྒྱུར་པའི་དཔེ་ཆ་ཞིག་ཡིན་པར་འདྲ། ་་་་་་་་་་་་་་

3. དར་དཀར་དང་། ཁ་བཏགས་གཉིས་དོན་གཅིག་གམ། མི་གཅིག ལགས།

4. མཁས་དབང་ཐུབ་བསྟན་ཕུན་ཚོགས་དང་། ར་སེར་དཀོན་མཆོག་རྒྱལ་མཚན། ཞོགས་དུང་གསུམ་ས་ཕྱོགས་གང་དུ་བཞུགས་ཀྱང་ཅོ་རིས་གུས་ཞབས་ཡོད། བུ་ཁྱོད་ཚོའི་ཡོན་ཏན་ལ་སེམས་པ་ཤོར་ནས་ཡོད། སྐུ་ཚེ་བརྟན་པའི་སྨོན་ལམ་ཡོད།

5. པེ་ཅིང་ཁ་ཆེའི་བཟའ་ཁང་གི་ཟ་གྲོགས་ཐུབ་སྟན་ཕུན་ཚོགས་ལ་སེམས་ཤུགས་ཞིག་ཡོད་ན་རང་གི་ཉེ་འགྲམ་དཀར་མཛེས་ཁུལ་གྱི་བོད་སྐད་ཉམས་པ་གསོ་བའི་ཐབས་ཤིག་མ་འཕྱུགས། ཁྱོད་རྒྱ་ལ་ནི་ངོ་འགྲོ་ཆེ། ནུས་པ་འདོན་གྲོགས། རྫོང་ཐོག་གི་གཞོན་ནུ་ཕལ་ཆེར་གྱི་རྒྱ་སྐད་མ་གཏོགས་བཤད་མི་ཤེས་པར་གཟིགས། ལྷག་བསམ་ཡོད་ན་རང་གི་བླ་མ་ཀརྨ་པ་རྣམས་གཉིས་མཐུན་ཐབས་ལ་འབོད། མཐུན་ཐབས་མ་ཡོང་ན་དེ་གཉིས་བར་ལ་ཁ་མཆུ་མ་གཏོང་། བོད་ཡང་སྐྱར་སིལ་བུར་མ་གཏོང་། བོད་ལ་ཤ་ཚ་ན་མཐུན་སྒྲིལ་གྱི་རྩོམ་ཡིག་བྲིས། འགལ་ཟླ་མ་སྒྲིགས། མཐུན་སྒྲིལ་སྤེལ། ཁ་དྲོ། སྐུ་ཚེ་རིང་། རེ་བ་ཆེ་བའི་སྐད་ཆ་ཡིན། གལ་དེ་ཙམ་མི་ཆེ་བའི་དར་ཁའི་སྐོར་ལ་མཁས་གཏམ་མེད་ཀྱང་རུང་། དར་ཁ་ཏོག་སྣ་ཚོགས་འབུལ་བའི་སྲོལ་འདི་གནའ་སྔ་མོ་ནས་བོད་ལ་དར་བ་བོན་ཀོང་ཙེས་མཛད་པའི་འཁྲུགས་བཅོས་དང་། དུས་རབས་བརྒྱད་པར་བཻ་རོས་མཛད་པའི་མགོན་པོའི་དམག་མདོས་ལ་གཟིགས། འབྲས་ལྗོངས་ཡོལ་མོ་སོགས་སུ་མི་ཤི་བོ་ལ་ཁ་བཏགས་གཏོང་པའི་ལུགས་སྲོལ་སྔ་མོ་ནས་ཡོད་པ་རྣམ་ཐར་ཁག་ལ་གསལ། བཤད་ཆེ་ན་རིགས་མཐུན་རྣམས་ཀྱིས་བསྟོད་པའི་མཁས་པ་དང་དགེ་རྒན་ཆེན་མོའི་མཚན་དེའང་ཆུ་ལ་ཟགས་པའི་ཉེན་ཁ་འདུག ། ཨ་ལ་ཤས།

6. ཁ་བཏགས་དང་ཁ་ཏག་ཡང་ན་ཁ་དར་སོགས་གང་བརྗོད་ཀྱང་དོན་ལ་རས་དཀར་པོ་ལས་གྲུབ་པ་ཞིག་ནི་ངེས་པར་དུ་དགོས་པར་སེམས། རྒྱ་གར་ཕྱོགས་ལ་ཁ་རྡི་ཡང་ན་ཁ་རྡར་ཟེར་བའི་རས་ཡོད་པ་དང་། རས་དེ་ནི་ཧ་ཅང་སྐད་གྲགས་ཆེན་པོ་རེད། རྒྱ་གར་གྱི་ཁ་རྡི་དང་ཁ་རྡར་ཟེར་བའི་མིང་ཚིག་འདི་བོད་པའི་ཁ་དར་དང་ཁ་བཏག་ཟེར་བའི་སྒྲ་གདངས་དང་ཤིན་ཏུ་ཐག་ཉེ་པོ་ཡོད། ད་དུང་བོད་པས་ཁ་བཏགས་ལ་ལྷ་རེག་དང་ལྷ་དར་ཡང་ལབ་སྲོལ་ཡོད་པ་འདིས་བོད་གདོད་མའི་རིག་གནས་ཀྱི་རང་གཤིས་ཀྱང་མངོན་པར་བྱེད་ཀྱི་ཡོད་པ་རེད། །
   རྒྱ་གར་བས་དུས་ཕྱིས་དབྱིན་ཇིའི་རིང་ལུགས་ལ་ངོ་རྒོལ་བྱེད་དུས་ཁ་རྡི་རས་འདི་ལ་་་The Fabric Of Freedom་་་རང་དབང་གི་རས་་་ཟེར་ནས་ཆེ་བསྟོད་ཀྱང་བྱས་འདུག། རྒྱ་གར་རྒྱལ་ཁབ་ཀྱི་རྒྱལ་དར་ཀྱང་ཁ་རྡར་རས་གཞི་ཁོ་ན་ལ་བརྟེན་ནས་བཟོ་སྲོལ་ཡོད་པ་རེད། འདི་ནི་སེམས་དཔའ་ཆེན་པོ་གཱན་རྡིས་སོ་སོའི་ལུང་པའི་ཐོན་ཁུངས་མ་གཏོགས་ཡུལ་གཞན་དབྱིན་ཇི་ནས་ཐོན་པའི་ཅ་དངོས་རྒྱ་གར་བས་བེད་སྤྱོད་མི་བྱེད་ཟེར་ནས་ངོ་རྒོལ་དང་རང་ཚུགས་བརྟན་པོར་སྡོད་པའི་རིག་རྩལ་ལས་བྱུང་བ་ཡིན། ད་དུང་ཁ་རྡར་གྱི་གྱོན་གོས་དང་དང་འཚེ་མེད་ཞི་བའི་ལྟ་བ་གཉིས་ནི་དབྱིན་ཇིའི་སྲིད་དབང་མཐར་སྐྲོད་གཏོང་བྱེད་ཀྱི་མཚོན་ཆ་ཡོད་ན་མེད་ན་དེ་གཉིས་པོ་ཡིན་ཟེར་ནས་ཤོད་སྲོལ་ཡང་ཡོད་པ་རེད། །
   གང་ལྟར་བོད་སྐད་དུ་རས་ཟེར་བ་འདི་ནི་རྒྱ་གར་སྐད་ཀྱི་ཀབ་རེ་འམ་ཡང་ན་ཀབ་ར་ཟེར་བའི་ཊ་དང་ར་ཡི་སྒྲ་ལས་དྲངས་ཡོང་བ་ཞིག་ཡིན་པར་སྙམ། རྒྱ་གར་སྐད་དུ་ཀབ་རེའམ་ཡང་ན་ཀབ་ར་ཟེར་བ་འདི་ནི་བོད་སྐད་དུ་གོས་ཟེར་བ་ལ་གོ་དགོས་པར་སེམས། བོད་སྐད་དུ་དར་ཟེར་བ་འདི་ནི་རྒྱ་གར་སྐད་ཀྱི་ཁ་རྡིའམ་ཡང་ན་ཁ་རྡར་ཟེར་བའི་རྡི་དང་རྡར་ནས་དྲངས་ཡོང་བ་ཞིག་ཡིན་པར་སྙམ། རྒྱ་གར་གྱི་སྐད་ལུགས་ལ་ཚིག་རྐང་ཕྱི་མ་དེ་རང་བཞིན་གྱིས་སྒྲ་ཤུགས་ཆེ་བ་བརྗོད་སྲོལ་འདུག། དེ་འདྲ་ཡིན་དུས་བོད་པས་རྣ་བར་ཀབ་ར་དང་ཁ་རྡར་གྱི་ཚིག་རྐང་ཕྱི་མ་དེ་གསལ་པོར་གོ་ཡོང་དུས་རས་དང་དར་ཟེར་ནས་མིང་ཐོག་པ་ཡིན་སྲིད། །
   བོད་པའི་དར་རས་གྱི་མིང་ཚིག་འདི་དག་རྒྱ་གར་སྐད་ལས་དྲངས་ཡོང་བའི་དོགས་སློང་འདི་ག་འདྲ་བྱས་ནས་བྱུང་བ་ཡིན་ནམ་སྙམ་ན། རྩ་བའི་བོད་ཀྱི་དར་རས་གྱི་བྱུང་ཁུངས་ངོ་མ་དེ་རྒྱ་གར་དུ་འབོད་པའི་ལུང་ཁག་ནང་སྐྱེས་པའི་ཁ་རྡིའམ་ཁ་རྡར་ཟེར་བ་ལ་ཐུག་ཡོད་པས་ཡིན། དེ་འདྲ་ཡིན་དུས་དང་པོ་ལུང་པ་དེའི་ཡུལ་སྐད་ཐོག་ཡོད་པའི་ཁ་རྡི་དང་ཁ་རྡར་ཟེར་བའི་དངོས་མིང་དེ་གཞི་ལ་རང་བཞིན་གྱིས་འཇོག་དགོས་པ་དང་། ད་དུང་བོད་རང་ལ་དར་རས་འདིའི་སྐྱེ་ཁུངས་རྒྱ་ཆེན་པོ་དེ་འདྲ་རང་མེད་པས་ཀྱང་ཡིན། ཕལ་ཆེར་བོད་རང་ལ་དར་རས་བཟོ་བའི་ལག་ཤེས་ཀྱང་དེ་ཙམ་བྱུང་མྱོང་བའི་བཟོ་ཞིག་ཨ་ཡོད་ན། རྒྱུ་མཚན་འདི་ཚོ་ལ་བསམ་ནས་བོད་སྐད་དུ་ཡོད་པའི་རས་ཟེར་བ་འདིའི་གཞི་རྩའི་ཐོན་ཁུངས་རྒྱ་གར་སྐད་ཀྱི་ཀབ་རའི་སྒྲ་གདངས་ལས་དྲངས་བ་དང། བོད་སྐད་དུ་དར་ཟེར་བ་འདིའི་གཞི་རྩའི་ཐོན་ཁུངས་རྒྱ་གར་སྐད་ཀྱི་ཁ་རྡར་ཟེར་བའི་སྒྲ་གདངས་ལས་དྲངས་ཡོང་བ་ཞིག་ཡིན་པ་ཕལ་ཆེར་ཐག་གཅོད་ཐུབ་པ་འདུག། རས་དང་དར་གྱི་མིང་ཚིག་འདི་གཉིས་སྒྲ་བསྒྱུར་ལོ་ཙཱ་བས་གཏན་ལ་ཕབ་བཞག་པ་དེ་འདྲ་ཅང་ཨ་ཡིན་ན། ཕལ་ཆེར་ཚོང་པ་དང་གནས་སྐོར་བ་མི་ཕལ་པའི་འགྲོ་འོང་གི་འབྲེལ་ལམ་ནས་མིང་བརྡ་དེ་འདྲ་ཞིག་གནའ་སྔ་མོ་ནས་རང་བཞིན་གྱིས་ཐོག་སོང་བ་ཡིན་པར་སེམས། །
   ད་དུང་བོད་པས་འབོད་བཞིན་པའི་རྒྱ་དཀར་རམ་ཡང་ན་རྒྱ་གར་ཟེར་བའི་ཡུལ་མིང་འདི་ཡང་ཁ་རྡར་གྱི་རས་གོས་དཀར་པོ་རྒྱ་གར་བས་དུས་རྒྱུན་གྱོན་གོས་བྱས་པ་ལ་བརྟེན་ནས་བྱུང་བ་ཞིག་ཡིན་ངེས། དབྱིན་སྐད་དུ་རས་འདི་ལ་ཁོ་ཀྲོན་ལབ་ཀྱི་འདུག། ཁ་རྡར་ཟེར་བའི་རས་འདི་ལའང་ཡག་གདུག་མང་པོ་ཡོད། གྲྭ་བ་ཉམས་ཆུང་ཡིན་དུས་ཁ་རྡར་གདུག་བ་དེའི་གཟན་ཤམ་མང་པོ་གྱོན་མྱོང་། ཁ་རྡར་གདུག་བ་དེ་ནི་ཅུང་ཙུབ་ཧྲག་ཧྲག་ཅིག་ཡོད། ཡག་བ་དེ་ནི་འཇམ་པོ་མཉེན་མོ་ཡོད། བོད་ལུགས་ལ་བལ་དཀར་པོ་དང་རས་དཀར་པོ་ནི་གཙང་མ་འཇམ་པོ་ཡང་ན་ཁ་དགེ་བ་དང་བཀྲ་ཤིས་པ། ཞི་བདེ་དང་ཐར་པའི་ལམ་དང་དམུ་ཐག་དཀར་པོ་བཅས་ལ་མཚོན་པར་བྱེད་ཀྱི་ཡོད་ས་རེད། ད་དུང་བོད་གངས་ཅན་པའི་སྲོལ་རྒྱུན་ལ། བལ་དཀར་པོ་རྟེན་འབྲེལ་བཟང་པོ་མཚོན་པ་དང་། མར་དཀར་པོ་ཡར་ཁ་དང་གཏོར་རྒྱན་རྒྱག་པ། འོ་མ་དང་ད་ར་ཞོ་དཀར་པོ་མཆོད་ཁ་འཕེན་པ། རྩམ་པ་དཀར་པོ་ཕྱེ་མར་བཟོ་བ་དང་ནམ་མཁར་གཏོར་ནས་ལྷ་གསོལ་བ་དང་ཀླུང་རྟ་དར་བར་བྱེད་པའི་རིང་ལུགས་ཡོད། །
   རྒྱ་གར་བས་ཁ་རྡར་འདི་རྩ་ཆེན་པོ་ཅིའི་ཕྱིར་བརྩིའམ་ཟེར་ན་རས་འདིའི་ཐོན་ཁུངས་ཡག་ཤོས་གཅིག་རྒྱ་གར་རང་ཉིད་ཡིན་པས་ཀྱང་རེད། དེར་མ་ཚད་སྔ་རབས་རྒྱ་གར་བའི་ཆོས་ལུགས་ཀྱི་མངའ་བདག་བཱརཱ་མན་བྲམ་ཟེ་ཚོས་ཆོས་དང་འཇིགས་རྟེན་གང་སར་བེད་སྤྱད་པའི་རས་ཆ་རྩ་ཆེན་ཞིག་ཡིན་པས་ཀྱང་ཡིན་ངེས། བཅོམ་ལྡན་འདས་སྐུ་འཁྲུངས་དུས་ཁ་རྡར་རས་གོས་ཀྱི་ནང་དུ་བཏུམ་ནས་ཡུམ་སྒྱུ་མ་ལྷ་མཇེས་ཀྱི་པང་དུ་བསྣམ་ཡོད་ཐག་ཆོད་རེད། དེར་མ་ཚད་ཁོང་རབ་དུ་བྱུང་དུས་ཀྱི་ཆོས་གོས་རྣམ་གསུམ་ཡང་ཐོག་མར་ཁ་རྡར་རས་གོས་ལས་བཟོས་ཡོད་ངེས། མ་ཚད་གཱན་རྡིས་རྒྱ་གར་རང་བཙན་ལེན་དུས་གཞན་ལ་བརྟེན་མི་དགོས་པའི་རྒྱ་གར་མི་དམངས་ཀྱི་འཚོ་བ་རང་སྐྱོང་གི་གྱོན་གོས་ཐུན་མོང་མ་ཡིན་པ་དེ་ཁ་རྡར་རས་གོས་དཀར་པོ་ལས་བཟོས་པས་ཀྱང་རེད་འདུག། །
   རྒྱ་གར་གྱི་དངོས་རྗས་ཁག་ལ་ཧིན་རྡུའི་སྐད་ཀྱི་སྒྲ་གདངས་དང་ཨུར་རྡུའི་སྐད་ཀྱི་སྒྲ་གདངས་གཉིས་ཉིས་བཤིབ་བྱས་ནས་ཡོང་བ་དང་། དེ་གཉིས་ཀ་ལ་སྔ་མོར་བོད་པས་རྒྱ་གར་གྱི་སྐད་ཅེས་ལབ་སྲོལ་བྱུང་བར་སྙམ། འོན་ཀྱང་རྒྱ་གར་ལ་སྐད་རིགས་འདྲ་མིན་སྣ་ཚོགས་པ་དེང་སང་ཡང་ཡོད་པ་རེད། བོད་པས་རས་དར་བཟོ་བྱེད་ཀྱི་རྒྱུ་ཆ་དེ་ལ་སྤྲིན་བལ་ཡང་ན་སྲིན་བལ་ལབ་སྲོལ་ཡོད་པ་འདྲ། ད་དུང་བོད་གངས་ཅན་ལྗོངས་སུ་བོད་པའི་མཆོད་མེ་འབུལ་བྱེད་ཀྱི་གདུང་རས་དེ་ཡང་སྤྲིན་བལ་ལས་བཟོ་སྲོལ་ཡོད་པ་རེད། སྤྲིན་བལ་ནི་རྩའམ་སྔོ་རིགས་ཅིག་གི་འབྲས་བུར་བཏགས་པའི་ཞིང་པའི་ཐོན་བསྐྱེད་ལས་བྱུང་བའི་དངོས་པོ་ཞིག་ཡིན། འདི་བོད་གངས་ཅན་པའི་ལུག་གུའི་བལ་དཀར་དང་ཤིན་དུ་འདྲ་པོ་ཡོད། རྒྱ་གར་སྐད་བའི་ཁ་རྡི་དང་ཁ་རྡར་ཟེར་བའི་སྲིན་བལ་དཀར་པོ་དེ་དང་བོད་གངས་ཅན་ཅན་པའི་ཁ་བ་དཀར་པོ་ཞེས་པའི་མིང་ཚིག་འདི་གཉིས་པོའི་ཁ་ཡི་སྒྲ་གདངས་དེ་དཀར་པོ་ཞིག་ལ་གོ་བ་གཅིག་མཚུངས་སུ་གནས་པ་ལྟ་བུར་འདུག་པས་རྒྱུ་མཚན་འདྲ་ཡོད་དམ། །

7. གསལ་བཤད་དུ་ཞུ་བ། བོད་ཀྱི་གདོད་མའི་ཁ་སྐད་ནང་དར་ཞེས་པའི་མིང་ཚིག་ཡོད་ཚད། ཁ་རྡིའམ་ཁ་རྡར་གྱི་སྒྲ་ཟུར་ཆགས་དར་ལས་བྱུང་བ་ཞིག་ཡིན་པར་མི་སེམས། དཔེར་ན། ཆུ་ལ་དར་ཆགས། བསྟན་པ་དར་ཞིང་རྒྱས། ཞོ་ལས་དར་བ་བྱུང་། ཁ་རྗེ་དབང་ཐང་དར། ལས་དང་ཀླུང་རྟ་དར། དར་ཡ་ཀན། ལྟ་བུའོ། །

8. འཚོལ་སྒྲུབ་ཀྱི་རིག་རྩལ་ཅན་ཐུབ་བསྟན་ཕུན་ཚོགས་ཀྱིས་དཀར་པོ་ལེགས་པར་སྒྲུབ་པ་ལ་འབད་པ་དེ་གང་དང་གང་གི་རྗེས་འཚོལ་སྒྲུབ་པའི་མིག་དཔེར་བྱ་འོས་སུ་སྣང་། དེ་ཡང་བོད་དུ་བཀོལ་བའི་ཁ་བཏགས་ཡོངས་གྲགས་དེ་རྙིངས་པ་ན། གང་ལ་ཡང་ཕན་ཐོགས་པ་ཞིག་མེད་པས། རྒྱ་ནག་གི་བཟོ་པས་སེམས་ནག་གིས་བཟོས་པ་ཡིན་ཞེས་བོད་དུ་ཡོད་སྐབས་སུ་ཁོ་བོས་ཐོས། སྔར་ལ་དྭགས་སུ་ཁ་བཏགས་མ་འབྱོར་ཚེ། བལ་དཀར་པོ་རྟེན་འབྲེལ་མཚོན་བྱེད་དུ་བཀོལ་སྲོལ་ཡོད། དངོས་གནས་བསམས་ན་འདི་ཉིད་ཡུལ་གཞན་ལ་ལྟོས་མི་དགོས་པའི་བྱ་བ་བཟང་པོར་མཐོང་། ༡༩༥༠པའི་བོད་ཀྱི་མི་སྣ་ཚོགས་པ་ཞིག་ཛམ་གླིང་རྒྱལ་ཁབ་སོ་སོར་སྐྱོད་པ་ན། རྒྱ་གར་མེས་པོ་གནྡྷིར་བོད་ལུགས་རྟེན་འབྲེལ་མཚོན་བྱེད་དར་དཀར་ཞིག་ཕུལ་བ་ན། འདི་གང་ཡིན། གང་དུ་བཟོས་ཞེས་དྲིས་པ་ན། རྒྱ་ནག་ཏུ་བཟོས་ཞེས་ཐོས་པས། བོད་རང་དུ་བཟོས་པ་ཞིག་དགོས་ཞེས་མ་རངས་པའི་ཚུལ་བསྟན་པ་དེ། བོད་མི་སྣའི་གྲས་སུ་ཡོད་པ་བཀྲས་ཁང་ཐུབ་བསྟན་ཚེ་འཕེལ་མཆོག་གིས་གསུངས་པ་ཁོ་བོས་དངོས་སུ་ཐོས། རྒྱ་གར་པས་དཀར་པོ་ཉིད་མཆོག་བརྩི་ཚུལ་ནི། སྙན་དངགས་པ་ཆེན་པོ་བཙུན་པ་དགེ་སློང་རྟ་དབྱངས་ཀྱིས་སངས་རྒྱས་ཀྱི་སྤྱོད་པ་ན་བཀོད།
   དེ་ནི་གཉིད་སོང་གླང་པོའི་དབང་པོ་དཀར་པོ་ཞིག ཅེས་དང་། །ནམ་མཁའ་དག་ལས་རབ་བབས་ཟླ་བའི་འོད་ཟེར་དཀར། ཞེས་དང་། ཀུན་ནས་གདུང་བ་སྐྱོབ་བའི་གདུགས་དཀར་རྣམས་བཟུང་སྟེ། ཞེས་སོགས་སོ།
   མིང་ཚིག་འགར་དཔྱད་ན། དེ་ལ་གཟུངས་འདུས་ཡང་ཟེར་རེད། འདིའི་ཡང་རྒྱན་སྡུད་ཡིན་ན། ཞུས་དག་དགོས། པུ་སྟི་ འདི་ལེགས་སྦྱར་མིང་ཚིག་ཟུར་ཆག་པ་ཞིག་སྟེ། དེ་ཡང་། པུསྟ་ཀ་ཞེས་པ་གླེགས་བམ་དང་། པུསྟི་ཀཱ ལེགས་བམ་ཆུང་བ་ལ་བཀོལ། བེད་སྤྱོད། བེད་ཅེས་པ་དབུས་སྐད་དུ། བྱེད། ཅེས་པ་གནའ་བོའི་འབོད་ཚུལ་ལས་ཡ་བཏགས་མ་འཐོན་པ་ཡིན་ནམ་སྙམ། དབུས་སྐད་དུ། བྲེ་ལ་བེ་ཞེས་འབོད་པ་བཞིན་ནོ། གཡང་སྒྱེ་གེ་ལུ་དཀར་པོ་དང་། གེ་ལུ་ཞེས་པའི་དོན་ཅི་ནམ། དཔལ་ལྡན་ཨ་ཏི་ཤ། ཞེས་པ་ལེགས་སྦྱར་ཚིག་མཛོད་ན་མེད་པས། ཨ་ཏི་ཤ་ཡ། ཞེས་པའི་ཡ་ཡིག་བསྡུས་པར་བསམས། ཨ་ཏི་ཤ་ཡ་ནི་མཆོག་ཏུ་གྱུར་པའི་དོན་ནོབོད་པས་གསོལ་བའི་དཔལ་མར་མེ་མཛད་ཡེ་ཤེས་ཀྱི་མཚན་ཡིན་འདུག གཅིག་ན། གཅིག་ན་འདི་ཉིད་བོད་ཀྱི་ལོ་ཙ་པ་རིན་ཆེན་བཟང་པོས་གསོལ་པའི་མཚན་ཡིན་ནམ་སྙམ། འབྲོམ་སྟོན་པས་མཛད་པའི་ཇོ་བསྟོན་ན། ཁ་བ་ཅན་ན་དཔལ་ལྡ་ཨ་ཏི་ཤ། ཞེས་པ་མཆིས་སོ།

9. ཁ་བ་ཅན་ན་དཔལ་ལྡ་ཨ་ཏི་ཤ། ཞེས་པར་། ཁ་བ་ཅན་ན་དཔལ་ལྡན་ཨ་ཏི་ཤ། ཞེས་ཞུས་དག་བྱས་སོ།

10. འབྲོམ་སྟོན་པས་མཛད་པའི་ཇོ་བསྟོན་ན། ཞེས་པ་འདི་ཡང་། འབྲོམ་སྟོན་པས་མཛད་པའི་ཇོ་བསྟོད་ན། ཞེས་བཅོས་སོ།

11. ༼ད་ལྟ་རྒྱལ་རོང་ཡུལ་དུ་རྟེན་འབྲེལ་བཟང་པོ་ཞེས་པའི་དམངས་སྲོལ་ཞབས་བྲོ་ཞིག་འཁྲབ་ཀྱི་ཡོད་པ་དེའི་དུས་སུ། བྲོ་དཔོན་གྱིས་གཡག་རྔ་དཀར་པོ་ཞིག་ཁྱེར་ནས་དེ་འཚམས་འཚམས་སུ་གཡུགས་དགོས་ཀྱི་ཡོད། བྲོ་དེའི་ལོ་རྒྱུས་བཤད་པའི་ཚེ་རྒྱལ་བ་གཤེན་རབ་མི་བོ་ཆེ་འཇིག་རྟེན་དུ་སྐུ་འཁྲུངས་སྐབས་ལ་ལས་དུང་བུས། ལ་ལས་རྔ་བརྡུང་། ལ་ལས་ཤན་བཏང་ཞེས་བཤད་ཀྱི་ཡོད། ཤན་བཏང་ཞེས་པ་ནི་བཀྲ་ཤིས་གཡག་རྔ་དཀར་པོ་གཡུག་གཡུག་བྱེད་དགོས་པ་ཅེས་བཤད། ཅེས་རྒྱལ་རོང་བ་བསོད་ནམས་དབང་གྲགས་ཀྱིས་བཤད་པ་མཁས་དབང་ཀརྨ་བདེ་ལེགས་ཀྱི་ཟིན་བྲིས་ལས་གསལ། འོན་ཀྱང་འདི་དག་དར་དཀར་པོ་གཡབ་ནས་ལྷ་གཡང་སྤྱན་འདྲེན་པའི་ལག་ཆ་ཞིག་ཡིན་པ་ལས་མིས་མི་ལ་དར་དཀར་གཏོང་པའི་སྐོར་བཤད་མི་འདུག༽
    ་་་ཤན་་་བཏང་ཞེས་པ་འདི་མང་ཆེ་བས་་་ཤོན་་་འཁྲབ་ལབ་སྲོལ་འདུག དེང་སང་ཁུ་ནུ་དང་གར་ཤ། སྟོད་མངའ་རིས། གློ་ཡུལ་སོགས་ལ་ཤོན་འཁྲབ་པའི་ལམ་སྲོལ་ད་ལྟ་ཡང་བསྡད་ཡོད་པ་རེད། ཕལ་ཆེར་ལ་དྭགས་ཕྱོགས་ལའང་ཡོད་འགྲོ། །
    ཁུ་ནུ་བ་དེ་ཚོས་ཤོན་འཁྲབ་དུས་དབྱངས་སུ་ལེན་རྒྱུ་འདི་ལྟར། ༼བྷི་ལི་བྷེ་ཧོ་ན། ༽ལག་པ་མཐུད་ནས་འགྲོ། ༼གྷོ་ལི་གྷོ་ཧོ་ན། ༽ཤོན་རྩེད་རོལ་ལ་ཕེབས། ༼ཧ་ཡ་བྷེ་ཧོ་ན། ༽ སྔོན་དུ་མགྱོགས་པར་བསྐྱོད་ལ་ཕྱིར་གཤེགས། ༼ཁ་གྷོ་གྷོ་རིང་འུང་དྷེན། ༽ལྷ་མཇལ་མི་ཚོ། ༼ཁ་གྷོ་བྷོ་ཙི་ལིད་པ་ལིད།༽ལྷ་ཁང་ལིད་པ་འདིར་འཛོམས། ཟླུམ་པོ་གྷོ་རི་དུའི་དྷེན། ལྷ་ཡི་དབུ་ཐོད་ཟླུམ་པོ་ཀླུབ། ཅེས་སོགས་དབྱངས་ནས་འཁྲབ་སྲོལ་འདུག །

12. ཤོན་རྩེད་ལ་རོལ་བཞིན་པའི་ཁུ་ནུ་བ་ཚོ་འདིར་འདུག །
    https://www.youtube.com/watch?v=wmyEfWxVGwU