བོད་ཀྱི་ཆོས་སྲིད་ཟུང་འབྲེལ་ལ་སྟ་རེ་ཕྱར་བ།

Comments (18) on “བོད་ཀྱི་ཆོས་སྲིད་ཟུང་འབྲེལ་ལ་སྟ་རེ་ཕྱར་བ།”

1. ཆོས་སྲིད་ཟུང་འབྲེལ་མི་དགོས་པ་རྒྱལ་བས་བཀའ་ཡང་ཡང་གནང་ཡོད། སོང་ཙང་རྒྱལ་བས་སྲིད་བཏེགས་མང་གཙོའི་དབུ་ཁྲིད་ལ་སྤྲད་པ་རེད། ལྟས་ངན་ཁྱོད་རང་སྲིད་དོན་བྱེད་འདོད་འདུག་ན་གཟན་ཤམ་ཕུད། མང་མང་ཉ་དང་ཉུང་མ་བསྲེས་ནས་བཤད་དགོས་མི་འདུག རྒྱལ་བས་བགྲེས་ཡོལ་ཞུས་པ་ནས་བཟུང་ཆོས་སྲིད་མཉམ་བསྲེ་དགོས་དོན་མེད།

2. ཆོས་སྲིད་ཟུང་འབྲེལ་གྱི་གོ་དོན་གང་རེད་དམ།

3. ཆོས་ཆོས་བཞིན་སྤྱོད་སྲིད་སྲིད་བཞིན་བསྐྱངས་ན་དེ་ལས་ཡག་ཙམ་གང་ན་ཡོད། འཛམ་གླིང་ཐོག་དམར་གཞུང་མང་གཙོ་ཚང་མ་ཆོས་སྲིད་ཟུང་འབྲེལ་བྱེད་
   མཁན་ཧ་ཀྱང་ཉུང་ཉུང་རེད། ང་ཚོ་བོད་ལ་མི་དགེ་བ་ཞིག་ཡོད་པ་དེ་ཆོས་སྲིད་ཟུང་འབྲེལ་བྱེད་ཡ་དེ་རེད། དེའི་ནང་ཁུལ་མི་མཐུན་པ་བཟོ་བ་དང་ཆབ་སྲིད་ཀྱི་ནུས་
   པ་ཉམས་རྒུད་དུ་གཏོང་གི་ཡོད། ད་ལྟ་ལྟོས་དང་བོད་ནང་རྒྱ་ལ་ངོ་རྒོལ་བྱེད་མཁན་དགེ་ལུགས་པ་མ་གཏོགས་རྙིང་མ་པདང་ བོན་པོ་ དཀར་རྒྱུད་པ་ ས་སྐྱ་པ་སོགས་
   རྒྱ་ལ་ངོ་རྒོལ་བྱེད་མཁན་ཧ་ཀྱང་ཉུང། དེའི་རྒྱུ་མཚན་ག་རེ་རེད་སྔོན་ཆོས་སྲིད་ཟུང་འབྲེལ་སྐབས་ཕན་ཚུན་འགལ་ཟླ་སོང་ནས་སླར་ཡང་དགེ་ལུགས་པའི་གཞུང་སླར་
   གསོ་བྱས་ན་གཞན་པ་དེ་ཚོ་སྔར་བཞིན་དཀའ་ངལ་འཕྲེད་དོག་ལ་འཇིགས་ནས་བོད་མི་ཚང་མ་སྡོག་རྩ་གཅིག་ཏུ་བསྒྲིལ་ཐུབ་ཀྱི་མེད་། ད་ཁྱེད་ཀྱི་དེ་འདྲ་མ་གསུང་
   ཐུགས་ཆེ།

4. ༈ ཆོས་སྲིད་ཟུང་འབྲེལ་མཉམ་དུ་མི་ཡོང་། གང་ལ་ཟེར་ན་ཆོས་ལ་གྱོང་ཁ་རང་གི་ལེན་པ་དང་རྒྱལ་ཁ་གཞན་ལ་སྤྲོད་དགོས། སྲིད་ལ་རྒྱལ་ཁ་རང་གི་ལེན་གང་ཐོབ་དང་གྱོང་ཁ་གཞན་ལ་སྤྲོད་གང་ཐོབ་བྱེད་དགོས་པ་ཆོས་ཉིད་ཡིན་པས། ་༸གོང་ས་མཆོག་གིས་ཆོས་སྲིད་ཟུང་འབྲེལ་ཡོང་ས་མེད་པ་གཟིགས་ནས་སོ་སོར་འབྱེད་གནང་བ་རེད་མཁྱེན་པ་གནང་།

5. ཉེ་དུས་༸གོང་ས་མཆོག་གིས། ཆོས་དཔོན་གཅིག་གིས་སྲིད་བཟུང་བའི་ཆོས་སྲིད་ཟུང་འབྲེལ་གྱི་དུས་རབས་ཡོལ་ཟིན་ཙང་དེ་འདྲའི་ཆོས་སྲིད་མེད་ན་ལེགས་པ་དང་། ཡང་གང་ཟག་སྒེར་པ་སྲིད་དོན་པ་ཁོ་རང་གིས་ཆོས་ལ་དད་མོས་བྱས་ནས་དྲང་པོ་དང་ཡ་རབས་ཚུལ་མཐུན། སྙིང་རྗེ་དང་ལྷག་བསམ་རྣམ་དག་ཅིག་བྱུང་ན། དེ་འདྲའི་ཆོས་སྲིད་ཟུང་འབྲེལ་དེ་ཡོད་ན་ཡག་ག་གསུང་བགྱིད་འདུག་གོ །

6. གཅིག
   སེར་སྨད་བློ་དགས་རྩོམ་བྱང་ལ་ཕག་མགོ་ཞིག་བཏགས་ནས་རྩོམ་གཞུང་ལ་ཁྱི་གཟུགས་ཅིག་སྦྱར་འདུག

   གཉིས།
   གང་ཞིག་ཤོད་འདོད་པ་གསལ་ཁ་མེད་པའི་ཆོས་སྲིད་ཟུང་འབྲེལ་གྱིས་མིང་གིས་སྙད་པའི་ཚིག་སྐམ་ཞིག་ལ་ཞེན་ཆགས་བྱེད་ཀྱིན་ཡོད་པ་འདྲ།

   གསུམ།
   དུས་ལས་ཡོལ་པའི་ཟས་རྙིང་དེ་ཞིམ་པོ་ག་འདྲའི་ཡོད་ཀྱང་བསྐྱར་དུ་སྒྲོག་ཙེ་སྟེང་བསྒྲུག་ཐབས་མེད་པ་ཤེས་དགོས་རེད།

7. མི་ཉུང་ཤས་ཞིག་གི་ཆབ་སྲིད་སྐོར་གླེང་མོལ་བཤད་པ་རི་བོང་ཅལ་འདྲོགས་པའི་དཔེར་ལྟར་རྒྱ་ནག་གི་སྲིད་ཇུས་ལ་འགྱུར་བ་བྱིན་མིན་ཐད་ལ་སྐད་ཆ་མང་བོ་བཤད་པ་དེ་ རྒྱ་ནག་གི་འདོད་པ་སྒྲུབ་གི་མེད་འགྲོ་བསམ་པའི་ཚོར་སྣང་བྱུང་།
   ངས་དྲན་ཚོད་ལ་ཕྱི་ལོ་༡༩༣༢་ལོ་ཡིས་ནང་རྒྱ་ནག་གི་དམགས་འཁྲུགས་ཆེན་པོ་དེས་ནང་གི་གཡོ་རྒྱུ་རྣམས་ཀྱིས་དེབ་སྤྱོད་དེ་བོད་ཐོགས་ལ་སླེབ་ཚར་བ་འདྲ།
   རྒྱུན་མཚན་རྒྱ་ནག་གི་ཆོས་དོན་ལས་ཁོང་ནས་གསལ་བྱེད་བཤད་སྟང་དེ་དང་རྫོང་རིན་པ་ནས་བཤད་སྟང་གཉིས་པར་ལ་ཁྱད་པར་ཆེན་པོ་ཡོད་པ་མ་ཟད་ཨ་རིའི་ནང་དུ་རྒྱུག་ཁྱི་བོད་རིགས་ལས་བྱེད་ཅིག་གིས་བཤད་སྟང་དང་རྒྱ་ནག་སྐེམ་ས་ནས་འགྲེལ་ཚབ་པའི་བཤད་སྟང་སོགས་མང་བོ་ཡོད་པའི་འདི་མ་བྲས།
   ངས་རེ་སྐུར་བཤད་འདོད་པ་ནི་བཙན་བྱོལ་དང་དམངས་གཙོའི་ཁྱད་པར་མིན་ལ་དབུ་མ་དང་རང་བཙན་དེ་ལས་མིན། ངས་བསམ་པ་གཞུང་འཛིན་མི་སྣའི་དེ་རིང་བར་དུ་ཡོད་རབ་དང་འཇོན་རབ་བཤད་པ་སོགས་ཕྱི་ལ་སྟོན་རན་ཡིན་པ་མཐོང་བའི་ཆུ་ཆེན་པོ་ཡོད་མེད་ལ་མ་གཟིགས་པ་ཆུའི་ནང་དུ་འགྲོ་དགོས་བྱུང་ན་ཡང་འགྲོ་རིན་རེད།
   སྤྱི་སྒེར་སུ་ཡིན་རུང་འགྲོ་བ་མའི་མགོན་སྐྱབས་༸གོང་ས་སྐྱབས་མགོན་ཆེན་པོའི་མཛད་པ་དང་འཕྲིན་ལས་མ་ནེ་བཞིན་དུ་སྒྲང་ནས་མ་སྡོད་པར་ཨ་མའི་བུ་ལ་མཇོན་ཐང་ཡོད་ན་སློབ་ཆེན་སློབ་མ་འམ་རིགས་གཅིག་རྐང་འཛིན་མི་མང་དཀྱིལ་མ་སུ་ཡིན་རུང་རྫུན་གཏམ་དང་གཡོ་རྒྱུའི་འོག་དུ་མ་སོང་བར་བོད་མི་རིགས་གི་ཤེས་མཇོན་ཕྱོགས་གཅིག་དུ་སྐྱོད་རོག་ཞུ། ལྷགས་བསམ་དཀར་བོ་ཐོགས་ནས་གཞུང་དང་གཞུང་འབྲེལ་མ་ཡིན་པའི་གཞོན་ནུའི་ལྷན་ཚོགས་བཅས་ནས་འགན་ལེན་གནང་རོགས་ཞུ།

8. གལ་སྲིད་ང་སེར་སྨད་བློ་དགའ་ལགས་ཡིན་ན། རྩོམ་ཡིག་འདི་འདྲ་འབྲི་བར་སེམས་གཏིང་ནས་ངོ་ཚ་ས་རེད། དཀོན་མཆོག་གསུམ། ད་ཅི་བྱ།།

9. མ་གཞི་ནས་ཆོས་པ་དེ་ཚོས་ཆོས་ཚུལ་བཞིན་བསྒྲུབས་ནས་རི་ཕུག་བྲག་ཕུག་འགྲིམས་མ་ཐུབ་ཡོང་དུས། སྲིད་དོན་སྤུ་སུག་བ་ཞིག་བྱེད་ནས་གྲོང་དུ་ཐོན། སྲིད་དོན་པ་ཚོས་སྲིད་དོན་རང་མགོ་ཐོན་པ་ཞིག་མ་འཇོན་ཡོང་དུས་ལག་ཏུ་འཕྲིན་མ་ཞིག་བཟུང་ནས་རང་ལས་གཞན་གཅེས་འཛིན་དགོས་ཚུལ་སྐྱོར་བཞིན་ཁང་ཕུག་ཏུ་འཛུལ། ད་དུང་གཞན་ཞིག་མཐོང་རྒྱུ་ཡོད་པ་ནི་ཆོས་པ་ཚོས་ཆོས་པའི་རང་ཚུགས་ཤོར་ནས་འཁོར་སློབ་འབངས་དང་སྐོར་གདུལ་བྱ་མེད་པར་གྱུར་ཚེ་སྲིད་དོན་མི་སྣ་བེད་སྤྱོད་ནས་དེ་དག་སླར་གསོ་ཐབས་བྱེད། སྲིད་དོན་པས་སྲིད་ཀྱི་ཐབས་བྱུས་ཡོད་ཚད་ཤོར་ནས་འོག་འབངས་ཀྱི་ཡིད་ཆེས་དང་བློ་གཏད་བརླགས་ཚེ་བླ་མའི་བཀའ་དང་དམ་ཚིག་སོགས་ཀྱིས་ཡང་ཡང་བརྡིར་ནས་མང་ཚོགས་ནོན་ཐབས་བྱེད། དེ་དང་དེ་ལ་སོགས་པ་ཆོས་སྲིད་ཟུང་འབྲེལ་གྱིས་ཟློས་གར་ནི་ཆེས་སྐྱི་ཡ་བ་ཞིག་རེད།

10. ཁོང་གིས་སྟ་རི་རྒྱ་གཞུང་ལ་འཕྱར་བཞིན་འདུག་ན་ཁྱེད་ཚོ་དེ་ཙམ་མི་དགའ་བ་བྱེད་དོན་ཅི། གང་ཟག་ལ་མི་རྟོན་ཆོས་ལ་རྟོན་ཞེས་དང། ཆོས་དེ་ཡང་ཚིག་ལ་མི་རྟོན་དོན་ལ་རྟོན་ཞེས་པ་རེད། རྩོམ་གྲོས་ལེགས་ཉེས་གང་ཡིན་རུང་།
    ཁ་འཁོག་མཐུན་མི་མཐུན་གང་ཡིན་རུང་། དོན་ངོ་མ་སྟ་རི་ཕྱར་དགོས་སར་འཕྱར་འདུག ང་ཚོ་བོད་པ་ཚོ་ད་བར་རྒྱན་བསྡུས་ཀྱི་དཔེར་བརྗོད་རྒྱག་པར་ཤིན་ཏུ་ནས་དགའ་བ་ཞིག་རེད། ཡིག་གཟུགས་ཡག་པོ་འདུག འོན་ཡང་དག་ཆ་འདི་ཞེས་པ་ལྟ་བུ་རྐྱང་གསུངས་ཞུགས་པ་རེད། ང་ཚོའི་མི་རིགས་ལ་ཆ་ཐམས་ཅད་ནས་འགྲིག་པ་ཞིག་རགས་མི་སྲིད་ཡིན་ནམ། ཀྱང་ཡང་འང་གསུམ་ལ་ཧ་ཅང་དགའ་བའི་ཕྱིར། དོན་ངོ་མ་དེ་འདྲ་མ་རེད་སྙམ། ཡིག་གཟུགས་ཡག་པོ་འདུག་ན་དེའི་ཆ་ནས་བསྟོད་ར་གཏོང་དང་། མ་མཐར་སེམས་ཤུགས་མི་ཆགས་པ་ཞིག་ཡོང་ངེས།

    ཆོས་སྲིད་ཟུང་འབྲེལ་ཡོང་ཐབས་མེད་པ་དང་། མ་གཞི་ནས་ཆོས་པ་དེ་ཚོས་ཞེས་སྡིགས་མོ་གཏོང་སྟངས་ལ་གཟིགས་ན་སྲིད་དང་ཡ་རབས་སྤྱོད་བཟང་དེ་ཡང་ཡོང་ཐབས་མེད་པ་རེད་དམ། སྟོབས་ཆེན་རྒྱལ་ཁབ་ཁ་ཤས་ནང་ཡ་རབ་སྤྱོད་བཟང་གི་ཕུངས་ནས་དཀའ་ངལ་གང་འདྲ་འདུག བོད་དེ་ཡང་དེ་བཞིན་འདོད་དམ། མ་ནས་ས་ཆེན་ཀུན་སྙིང་ནས། རིགས་པས་དཔྱད་ན་ཆོས་ལུགས་མི་གལ་ཞིང་། གསུངས་པ་མ་ཡིན་ནམ། སྔར་རྒྱ་གར་ན་ཅ་ན་ཀི་ཡ་ཞེས་པས་ཆོས་ཀྱི་བསླབ་བྱ་གཞིར་ཟུང་གིས་སྲིད་སྐྱོངས་ནས་རྒྱལ་ཁ་ལེན་པ་མི་ཐོས་སམ།

    གྱོང་ཁ་རང་གི་ལེན་པ་ཞེས་པ་ཆོས་པ་ཚང་མའི་དེ་དོན་གནང་དགོས་ཞེས་པ་གང་ན་འདུག ནང་ཆོས་འདི་དབང་པོ་རབ་འབྲིང་ཐ་གསུམ་དང། མོས་པ་མི་འདྲ་བ་ལ་སོ་སོར་གསུངས་ཡོད་པ་མཁྱེན་དགོས། དེང་སང་འཛམ་གླིང་ནང་ནང་པའི་གཞུང་ལ་མོས་པ་དང་དགའ་ཞེན་ཡོད་པ། ཡར་ཐོན་རྒྱལ་ཁབ་ཀྱི་མི་སྣ་གང་མང་དང་། ཆོས་ལུགས་ལ་ཡིད་ཆེས་མེད་མཁན་གང་མང་རེད། ང་ཚོའི་ནང་ནས་གཏོར་ཤིག་གཏོང་མཁན་གང་མང་རེད། ཡ་ཚན་པོ་རེད།

    ང་ཚོ་མི་ཞིག་དང་བོད་རིགས་ཡིན་པའི་ཆ་ནས་ཆོས་ལ་ངེས་པར་དད་མོས་མི་དགོས་ཀྱང་། ཡ་རབས་སྤྱོད་བཟང་དང་། རྒྱལ་ཁབ་ལ་ཞེན། མི་རིགས་ལ་གདུང་སེམས་མཉམ་སྐྱེ་དགོས་གལ་ཤིན་ཏུ་ནས་ཆེ། དེ་ལ་ཆོས་ཕྱོགས་ནས་གནོད་མི་སྲིད་དོ།།

11. ༸གོས་ས་མཆོག་གིས་ཆོས་སྲིད་སོ་སོར་འབྱེད་ནས་དགའ་ལྡན་ཕོང་བྲང་དང་བོད་མིའི་སྒྲིག་འཛུག་གཉིས་སོ་སོར་བཟོ་གནང་བ་རེད། ཆོས་པ་ཚོས་ཆོས་ཚུལ་བཞིན་བསྒྲུབས་ནས་རི་ཕུག་བྲག་ཕུག་དགོན་པར་བཞུགས་གནང་རྒྱུ་དང་།
    སྲིད་དོན་པ་མཉམ་གྲོང་དུ་མ་ཕེབས་ན་དགའ། དུས་རབ་ཉེར་ཅིག་ལ་ལྷ་དང་བླ་མའི་དམ་ཚིག་ཁར་ཁྱེར་ནས་སྲིད་དོན་མ་གནང་ན་དགའ། མངས་གཙོ་དང་མི་མཐུན། ཆོས་མི་མཁྱེན་མཁན་ཚོས་མགོ་འཁོར་རུ་མ་བཅུག་རོགས། ཆོས་སྲིད་ཟུང་འབྲེལ་བྱེད་ནས་ད་བར་གང་འདྲ་བྱུང་བསམ་བློ་གཏོང་དང་།

12. ཁྱི་རྒན་རྩིག་ཟུར་ཀར་ན། མཆེ་བ་མི་གཙིགས་ཀ་མེད།

13. ཧ་ཧ་་་་་་་བློ་བཟང་མིང་ཅན་ལེགས་པར་ཉོན་ལ་ཡིད་ལ་ཟུངས་ཤིག ལར་ནས་བཤད་ན་སྤྱི་ཚོགས་སམ་མི་བུ་སྒེར་ངོས་ཅི་འདྲ་ཞིག་གིས་ཐད་ནས་བཤད་ན་འཚོ་བའི་ཁྲོད་བདེ་སྐྱིད་ཚད་ངེས་ཅན་ཞིག་ཐོབ་པ་ལ། བྱམས་བརྩེ་དང་གཞན་ཕན་སྤྱི་སེམས་སོགས་མེད་མི་རུང་བའི་དོན་ཆེན་ཞིག་ཡིན་པར་ཤེས་ཡོད། ཡིན་ནའང་དེ་དག་ཡོང་བ་ལ་ཆོས་ལུགས་ཀྱི་ར་བ་ངེས་ཅན་ཞིག་ནང་འཛུལ་དགོས་དོན་མེད། དེའི་ཕྱིར་༧གོང་ས་མཆོག་གིས་དེང་སང་ཆོས་ལུགས་དང་མ་འབྲེལ་བའི་མིའི་བཟང་སྤྱོད་ཐད་འབད་བརྩོན་གནང་བཞིན་པ་མཐོང་ཆོས་རེད། དེས་ན་བྱམས་བརྩེ་དང་ལྷག་བསམ་སོགས་བཟང་སྤྱོད་རིགས་ཚད་དང་བཅད་མཚམས་མེད་པར་གོང་མཐོར་གཏོང་འདོད་ན་ཆོས་ལུགས་དང་མ་འབྲེལ་བར་བྱས་ན་རླབས་ཆེ་ངེས་རེད། རྒྱུ་མཚན་ཆོས་ལུགས་ཐོག་ནས་བཟང་སྤྱོད་བཤད་ན་ཐིག་ངེས་ཅན་ཞིག་རང་བཞིན་གྱིས་ཁས་ལེན་སྔོན་འགྲོ་ཡིན་དགོས། དཔེར་ན་ཁྱོད་ཀྱི་ཡིད་ངོར་འཐད་ཆེ་བའི་ནང་པའི་ཆོས་ལུགས་ངོས་ནས་བཤད་ན་ཐོག་མར་དཀོན་མཆོག་གསུམ་ལ་སྐྱབས་སུ་འགྲོ་དགོས་ལ། དེ་དུས་ནས་དགེ་འདུན་ལ་སྐྱབས་སུ་སོང་ན་གྲོགས་མུ་སྟེགས་ཅན་དང་མི་འགྲོགས་པ་ཞེས་པས་དེ་ག་རང་སྤྱི་སེམས་དང་འཆམས་མཐུན་ལ་བཅོས་མི་ཐུབ་པའི་ནད་ཅིག་ཕོག་ཚར་བ་མིན་ནམ། དེ་དཔེར་བརྗོད་ཙམ་ཡིན།

14. འགྲིག་ཀ ངས་ཀྱང་ཚང་མ་ཆོས་ལུགས་ནང་ཞུགས་པར་མི་འདོད་པ་གོང་དུ་ཞུས་པ་བཞིན་རེད། མདའ་འབེན་ལ་འཕོག་ཐུབ་ན་ཡག་པོ་རེད།

    སྦེལ་ཀོབ་དང་མོན་གྷོར་མཚོན་ན། གཞོན་ནུ་དང་བུད་མེད་ཚོགས་པའི་གཙོས་ཚོགས་པ་ཆེ་ཆུང་ཚང་མའི་ཕྱི་ལ་ལས་འགུལ་ཞིག་སྤེལ་དགོས་ཚེ་གྲྭ་པ་ཨ་ནི་མེད་ན་ཅང་ཅང་རེད་དོ།

    ལར་ནས་བོད་ས་ནམ་འོག་ཏུ་ལྷུང་པའི་དུས་དེར་མགོ་རུལ་པ་རྣ་བའི་མི་ཚོར་བ་བཞིན་སུའི་སྡོད་འཕོད། ཡར་མི་མར་མིན་ཁྱེད་ལྟ་བུ་ཡིན་ན་ཅི་ཤེས་མ་གཏོགས་སེམས་ལ་རུས་པ་ཡོད་ན་ཟུག་དགོས་ཚོད་རེད་དོ།།

    ནམ་ཞིག་ཆོས་བྱེད་པ་ཚོ་རི་ཕུག་ན་ཞུགས་ཚེ་ཡང་མ་འགྲིག་མ་འཐུད་པ་ཞིག་བཤད་རྒྱུ་ཡོད་ལེ་རེད་ཨ་རོ། དེ་ཡང་དང་པོ་ཁྱེད་རང་གིས་བཤད་འགྲོ སྣང་བ་ཞིག་མ་འགྲོ་དུས་གང་བྱེད་ནའང་མི་མཐུན་པ་ཞིག་མཐོང་སྡད་པ་ཆོས་ཉིད་རེད་། དེ་ཚོ་དམིགས་ཡུལ་དང་རང་ལུགས་ཡོད་པའི་སྐད་ཆ་མ་རེད། ཚོར་བ་དང་སེམས་པའི་གཞན་དབང་རེད་ད།། ཆབས་སྲིད་པ་ཡིན་ནའང་རང་ལུགས་ཞིག་ཏན་ཏན་དགོས། འགྱུར་ལྡོག་མང་པོ་ཡོད་པའི་མི་ཞིག་མི་བྱ་རྒྱུ་རེ་བ་ཡོད།

15. འཛམ་བུ་གླིང་དེར་ཐིག་ངེས་ཅན་ཞིག་མེད་པའི་ས་ཞིག་དུ་འགྲོ་ས་ཡོད་ན་ང་ལ་ལམ་སྟོན་གནང་རོགས། ལྷག་པར་ང་ཚོ་བོད་པ་ཡིན་ན་དང་པོ་རང་གི་ལག་དེབ་ལ་གཟིགས་དང་དེས་ལན་ཞིག་སྤྲད། ཁྱེད་རང་སྐྱབས་འགྲོའི་བྲན་གཡོག་མིན་ནའང་གང་ལྟར་བྲན་གཡོག་ཞིག་ནི་རེད་འདུག ཐིག་ངེས་ཅན་ནང་ཚུད་ཚར་འདུག ད་གྲོགས་ངན་པ་དང་མ་འགྲོགས་ན་ཡག་ག་མ་གཏོགས་ཁྲིམས་ལ་སྦྱར་ཡོང་། རྒྱལ་ཁབ་ཀྱི་དཔོན་ལ་མི་འདོད་བཞིན་དུ་གུས་བཀུར་ཞུས་ན་མ་གཏོགས་གཏམ་ལ་གྱོང་རགས་ཡོང་། མཐའ་ན་ང་ཚོར་སྣུམ་འཁོར་ཁ་ལོ་པ་ཡན་ནས་སྡིགས་མིག་བལྟ་བཞིན་འདུག་པ་ཁྱེད་ཀྱི་བརྗེད་སོང་བ་ཡིན་ནམ། ང་ཚོར་མི་རིགས་ཀྱི་མཐོང་ཡོད་ན་སྐྱིད་དང་མ་སྐྱིད་ཀྱི་ཚོད་གཅིག་ཟིན་ས་ཡོད།

    ཨོ་འོ། Somalia ཞེས་པའི་རྒྱལ་ཁབ་ཞིག་འདུག་དེ་ཐིག་ངེས་ཅན་མེད་པ། ཁྲིམས་མེད་པ། དབང་སྟོབས་ཆེ་བས་དབང་བསྐུར་ནས་ཉམས་ཞན་པ་རྣམས་སྡུག་བསྔལ་གྱི་རྒྱ་མཚོ་ནང་ལྷུང་ནས་ཡོད་པ་དེ་འདྲ་ཞིག་ཡོད་པ་མ་གཏོགས།།།།།

    ཨ་དེ་འདྲ་རེད་མང་པོ་མི་བཤད་ཀྱིས་རྫོགས་མི་ཐལ།

16. ༈ ཆོས་སྲིད་ཟུང་འབྲེལ་མི་ཡོང་པའི་རྒྱུ་མཚན། སྔོན་གྱི་ཆོས་རྒྱལ་རྣམ་དང་། གོང་ས་མཆོག་ལྟ་བུ་དགོས་པ་ལས་མ་འོངས་པ་ནང་ཁག་པོ་ཡིན་རྒྱུ་རེད་བསམ་པ་བྱུང་། ཆོས་དེ་ཆོས་རྐྱང་དང་སྲིད་དེ་སྲིད་རྐྱང་གནང་ན་དགའ། ཆོས་ཀྱིས་མི་རིགས་འཕེལ་རྒྱས་དང་སྤྱི་ཚོ་འཕེལ་རྒྱས་ལ་གནོད་པ་གསལ་པོ་རེད།

17. ཆོས་ཀྱི་མི་རིགས་འཕེལ་རྒྱས་ལ་གནོད་སྟངས་གང་ཡིན་ནམ། དེང་སང་བོད་པ་མི་སྐྱ། མི་རིགས་འཕེལ་རྒྱས་གཏོང་རྒྱུའི་ཆ་རྐྱེན་ཡོངས་སུ་རྫོགས་པ་ཚང་བ་དེ་ཚོས་རང་གི་ཕྲུ་གུ་བཟོ་རྒྱུར་མི་དགའ་བ་ཇི་ཙམ་ཡོད་མེ་བརྟག་ཞིབ་གནང་མྱོང་ངམ། བོང་རིགས་ན་གཞོན་སྐྱ་བོ་ནང་ཆང་ས་མི་རྒྱག་པ་ཇི་ཙམ་འདུག གཉེན་སྒྲིག་རྗེས་ནས་ཕྲུ་གུ་མ་བཟོས་པ་ཇི་ཙམ་འདུག ཡང་ན་ཕྲུ་གུ་གཅིག་ཙམ་མ་གཏོགས་མེད་པ་ཇི་ཙམ་འདུག མི་རིགས་བསམ་ན་ཁྱེད་རང་ཕྲུ་གུ་ ༡༢ བཟོས་དང་། ཕལ་ཆེ་བ་དེ་འཁྱིམ་ཚང་བསྐྱོང་རྒྱུ་དེ་ཨང་དང་པོ་མ་གཏོགས་བོད་མི་རིགས་ཨང་དང་པོར་རྩིས་མྱོང་མཁན་ཡོད་དམ། སྐད་བཅོར་རྒྱག་དགོས་ན་དང་ཐོག་ཐོབ་འཐང་ཡོད་མཁན་ཚོར་རྒྱོབ། མི་རེ་ངོ་རེ་ནས་མ་མཐར་ཕྲུ་གུ་དྲུག་རེ་འབོད་བསྐུལ་ཞུས་དང་ཧ་གོ་ཡོང། དོན་མེད་བསྐྱོན་བརྗོད་མ་བྱེད་ན་བཟང་།

    སྤྱི་ཚོགས་འཕེལ་རྒྱས་ལ་ཇི་ལྟར་གནོད། སྤྱི་ཚོགས་འཕེལ་རྒྱས་ཟེར་ན་ངོ་བོ་གང་འདྲ་ཞིག་ལ་འཛིན་དགོས། རྒྱ་ནག་པོ་ནང་བཞིན་དངུལ་བྱུང་ན་ཡོད་ཚད་རྡོ་བརྫི་གཏོང་ནས་འགྲོ་མཁན་ཞིག་དགོས་སམ། རྒྱལ་ཁབ་གྱི་ཁེ་ཕན་ཆེད་ཡོད་ཚད་ལ་གོ་སྐོར་གཏོང་མཁན་ཞིག་དགོས་སམ། དེ་དག་ནི་ཆོས་མེད་རིང་ལུགས་པ་ཚོས་ཀྱང་ནག་ཉེ་ལ་རྩི་བཞིན་ཡོད། འཛམ་གླེང་ནང་སྤྱི་ཚོགས་འཕེལ་རྒྱས་ཆེན་པོ་ཡོད་པའི་ནང་། འགྲོ་བ་མིའི་ཐོབ་འཐང་ཚོགས་པ། དུད་འགྲོ་བསྲུང་སྐྱོབས་ཚོགས་པ། ལྐོག་ས་རུལ་བསྲུང་བ་་ཚོར་ངོ་རྒོལ་ཚོགས་པ། སེམས་ནད་ཅན་ལ་སེམས་ཁམས་ཨེམ་རྗེ། ཉམས་ཐག་རོགས་བསྐྱོར་ཚོགས་པ་སོགས་ཇི་ཙམ་འདུག་ དེ་ཚོ་ཆོས་དང་གལ་འདུག་གམ། ཡང་ན་དེ་དག་མི་དགོས་པ་ཡིན་ནམ། བསམ་བློ་གཏོང་། སློབ་སྦྱོང་བྱེད། ཕྱི་ཁག་ལ་མང་ཙམ་བལྟ་ཐུབ་པ་གྱིས་དང་ཕན་ཐོག་ཡོད།

18. བླ་མ་གྲྭ་པས་བོད་ཀྱི་བདེན་དོན་ཤ་ཞེན་སྙིང་ནས་ཡོད་ན་སྡོམ་དམ་ཚིག་སྲུང་བསླབ་པ་སློབ་གཉེར་བྱེད་དེ་བོད་རྒྱུད་སངས་རྒྱས་ཀྱི་བསྟན་པ་འཛམ་གླིང་ཡོངས་ཀྱི་སྤྱི་ནོར་དུ་གྱུར་པ་འདི་མ་ཉམས་པར་རྒྱུན་འཛིན་བྱེད་དགོས་པ་ལས། གཟན་འཕྲག་ཏུ་འཕེན། སྟོད་གོས་ལ་ཁྲག་རིས་བྲི། དཔུང་པ་གནམ་ལ་འཕྱར། གྲེ་བ་འགག་འགག་བར་དུ་སྐད་ངར་བྱེད་བཞིན་དུས་དུས་སུ་སྲང་ལམ་མྱུལ་ནས་ངས་སྲིད་བྱེད་འདོགས་དང་འཇོན་འདོགས་བྱེད། ཧ་ལམ་གྲྭ་པ་ཨ་ནེ་མེད་ན་བོད་དོན་རྩོད་མཁན་མེད་པའི་ཟོལ་འདྲ་བཤད་ཅིང་སེམས་བསྡད་མཁན་བློ་བཟང་ཁྱོད་དང་ཁྱོད་འདྲ་བའི་མི་བུ་དག་ལ་ནི། ངས་ཅི་དགོས་ཤེས་ལ་འདི་དགོས་མི་ཤེས་པའི་མིའི་ལུས་ལ་བ་ལང་གི་རྣམ་ཤེས་ཞུགས་པ་ཞིག་རེད་ཟེར་ན་ཐལ་དྲགས་མེད། ཧ་ཧ་་་་་