ནམ་མཁའ།
དེང་སང་འཛམ་གླིང་སྟེང་གསར་འགྱུར་ལས་ཁུང་དང་གསར་འགོད་པ་ཚོས་ཕན་ཚུན་བར་འགྲན་བསྡུར་གྱིས་གནས་ཚུལ་གསར་བ་གང་མགྱོགས་དང་ཚ་བོ་བཟོ་ཐབས་ལ་འབད་བཞིན་ཡོད།
ཡིན་དང་ཡིན་དེང་སང་འཛམ་གླིང་འདི་འཕྲུལ་ཆས་ཀྱི་འཇིག་རྟེན་ཞིག་ཡིན་སྟབས།འཛམ་གླིང་ཆུང་རུ་འགྲོ་བ་ལྟ་བུ་ཞིག་ཏུ་གྱུར་ཡོད། ཁོང་ཚོའི་ལས་ཀའི་ངོ་བོ་དེ་ཡང་ཚོང་ལས་ལྟ་བུ་ཞིག་ཏུ་གྱུར་ནས་སུས་ཚོང་འགྲེམས་ཆེ་བ་དང་བལྟ་མཁན་དང་ཀློག་མཁན་ཉན་མཁན་མང་པོ་ཡོད་མེད་ཀྱི་དབང་གིས་འགྲན་བསྡུར་རང་བཞིན་གྱིས་སླེབས་ཡོད།
ང་ཚོའི་བཙན་བྱོལ་གཞུང་ན་ཡང་གསར་འགྱུར་འགོད་མཁན་མང་པོ་ཞིག་ཡོད། གསར་ཤོག་དང་རླུང་འཕྲིན་བརྙན་འཕྲིན་གསར་འགོད་པ་སོགས་མང་པོ་ཡོད་མོད།འོན་ཀྱང་དཔེར་ན་བྱང་ཨ་རི་ནས་བཟུང་རྡ་སའི་རི་སྒང་ཆུང་ཆུང་དེའི་བར་མང་པོ་ཞིག་ཡོད་པས་དེའི་ནང་ནས་གསར་འགྱུར་ལས་ཁུང་དང་།གསར་འགོད་པ་ཚོས་ཕྱི་ལོགས་སུ་སོང་སྟེ།མི་དཀྱུས་མ་དང་འགོ་ཁྲིད་མཐོ་དམན་སོགས་ཀྱི་ཁྱད་པར་མེད་བཅར་འདྲི་བྱས་ཏེ་བསམ་ཚུལ་བསྡུ་ལེན་བྱེད་མཁན་ག་ཚོད་ཞིག་ཡོད་དམ།
དཔེར་ན་ཀུན་གླེང་དང་རང་དབང་རླུང་འཕྲིན་ནོར་ཝེ་སོགས་ཀྱི་བོད་ཀྱི་གསར་འགོད་པ་ཚོས་ཁ་སང་དེ་རིང་གི་བོད་ཀྱི་གནས་སྟངས་དངོས་མ་དག་ཨ་རིའི་མི་དཀྱུས་མ་མགོ་སེར་ཚོར་མེ་བསྲེགས་ཀྱི་འདྲ་པར་བསྟན་ཏེ། ཁོང་ཚོར་བསམ་ཚུལ་ག་རེ་ཡོད་མེད་སོགས་ཀྱི་དྲི་བ་ཙམ་ཡང་གོ་ཐོས་མེད་དོན་ཅི་ཡིན་ནམ།གསར་འགོད་པ་ཆ་ཚང་ལས་ཁུང་ནང་དུ་འཛུལ་ནས་དྲ་ཐོག་ན་ག་རེ་ཡོད་མེད་བཙལ་ནས་གསར་འགྱུར་འགོད་པ་འདི་ནི་བོད་ཀྱི་གནད་དོན་ཕྱི་ལོགས་སུ་ཁྱབ་བསྒྲགས་སུ་འགྲོ་མི་ཐུབ་པའི་རྒྱུ་རྐྱེན་གཙོ་བོ་ཞིག་རེད་འདོད། ནུབ་ཕྱོགས་པ་ཚོས་གསར་འགྱུར་ལས་ཁུང་ནང་རྩོམ་སྒྲིགས་པ་ལྟ་བུ་ཉུང་ཤས་ཞིག་མ་གཏོགས་མི་སྡོད་པར་ཕྱི་ལོགས་ནས་གསར་འགྱུར་བསྡུ་སྒྲིགས་བྱེད་ཀྱི་ཡོད་པ་གསལ་བོ་རེད།
ང་ཚོའི་བོད་ཀྱི་གསར་འགོད་པ་ཚོས་བཅར་འདྲི་ཙམ་བྱེད་ཚེ་ཡང་།ཁོང་ཚོའི་ལས་ཁུང་ནང་ཁུལ་གྱི་མི་དང་ཁོང་ཚོའི་ངོ་ཤེས་ཙམ་མ་གཏོགས་བྱེད་ཀྱི་མེད་པ་འདི་ནི་ཅི་འདྲའི་དགོད་བྲོ་བ་ཞིག་རེད།
ཀུན་གླེང་དང་རང་དབང་རླུང་འཕྲིན་ཆ་ཚང་གིས་ཁོང་ཚོའི་ལས་ཁུང་དང་རྡ་སའི་ཚོགས་གཙོ་ལྟ་བུ་སོགས་ལ་བཅར་འདྲི་རེ་བྱེད་ཀྱི་འདུག་མོད།དེ་ཡང་དྲི་བ་དང་གསལ་བྱེད་གཉིས་ཀྱི་གང་ཡིན་མི་ཤེས་བར་བཅར་འདྲི་བྱེད་ཀྱི་ཡོད་པས་སྐབས་རེ་བཅར་འདྲི་བྱེད་ཡུལ་གྱི་མི་དེས་མགོ་བོ་འཐོམ་སྟེ་ལན་འདེབས་མ་ཤེས་བར་འདུག
ཕྱོགས་གཞན་ཞིག་ནས་བཤད་ན།དེང་སང་བོད་པ་ནང་ཁུལ་ལས་ཕྱི་ལོགས་ཀྱི་མི་རིགས་དཀྱུས་མ་སོགས་ལ་རང་ལུས་མེ་བསྲེགས་ཀྱི་འདྲ་པར་སོགས་དངོས་སུ་བསྟན་སྟེ་དྲི་བ་དྲིས་ཚེ།ཁོང་ཚོའི་སེམས་གཏིང་ནས་བོད་དོན་ལ་རྒྱབ་སྐྱོར་བྱེད་འདོད་ཡོད་མེད་ཤེས་སྲིད་ལ།མ་ཟད་ཁྱབ་བསྒྲགས་ཡང་ཆེན་པོ་འགྲོ་སྲིད།ཡིན་ཡང་ཐབས་སྐྱོ་བ་ཞིག་ལ་བོད་ཀྱི་ཕྱི་ལོགས་ཀྱི་གསར་འགོད་པ་ཚོ་ཡང་རང་དབང་མེད་པ་བཞིན་ནམ་ཡིན་ཡང་དྲ་ཐོག་ནས་གདོང་པ་ལག་པས་སྐྱོར་ཏེ།གསར་འགྱུར་བསྡུ་སྒྲིགས་བྱེད་པ་འདི་ནི་ཅི་འདྲའི་ཐབས་སྐྱོ་བ་ཞིག་རེད།
ཁོང་ཚོ་ཕྱི་ལོགས་སུ་སོང་སྟེ་གསར་འགྱུར་བསྡུ་སྒྲིགས་ཀྱི་གོ་སྐབས་ནི་༧གོང་ས༧་མཆོག་ཨ་རི་དང་ཡོ་རུབ་སོགས་ལ་ཕེབས་ཚེ་ཁོང་ཚོ་ཡང་ཕྱི་རུ་ཕྱིན་སྟེ་གསར་འགྱུར་འདྲ་བཤད་ཁུལ་འདུག
འདི་ནི་ལོ་གཅིག་ལ་ཐེངས་ག་ཚོད་གཅིག་རེད།དེ་ཡང་ཕྱི་རྒྱལ་གྱི་མི་རིགས་ལ་བཅར་འདྲི་བྱེད་ཐུབ་ན་ཤིན་ཏུ་ལེགས་སྙམ།
ཁོང་ཚོས་གསར་འགྱུར་གཅིག་ཉི་མ་འགའ་བཤད་དགོས་བས་རྒྱུ་མཚན་ཡང་གསར་འགྱུར་བསྡུ་སྒྲིགས་བྱེད་མ་ཐུབ་པས་སྐྱོན་རེད་འདོད།གལ་སྲིད་གསར་འགྱུར་གཅིག་ཉི་མ་འགའ་བཤད་ཚེ་དེའི་གནས་ཚུལ་གསར་འགྱུར་ཟེར་བའི་མིང་ཚིག་ནང་འདིའི་ནང་ནས་ཕྱི་ལ་ཕྱིན་ཚར་བ་རེད། དེ་ནི་གསར་འགྱུར་མ་རེད་འདོད།
ཀུན་གླེང་དང་རང་དབང་རླུང་འཕྲིན་ཁང་སོགས་གསར་ཤོག་མ་ཡིན་པའི་ལས་ཁུང་གི་གསར་འགོད་པ་ཚོས་རང་དབང་གླེང་མོལ་གྱི་བཅར་འདྲི་བྱེད་ཡུལ་གཏན་འཁེལ་བྱས་བ་ལྟ་བུ་ཞིག་རེད། གལ་སྲིད་ད་རུང་ཡང་འདི་ལྟར་གསར་འགྱུར་གྱི་གནས་ཚུལ་བསྡུ་སྒྲིགས་བྱས་ཚེ།ཁ་སང་དེ་རིང་བོད་ཀྱི་གནས་སྟངས་ལ་འགྱུར་བ་ཕྱིན་མེད་པ་བཞིན།བོད་དོན་ཁྱབ་བསྒྲགས་ཡང་འགྲོ་མི་སྲིད་པ་རེད།
ང་ཚོ་ཆ་ཚང་གིས་ཤེས་གསལ་ལ་བོད་ནང་གི་རང་ལུས་མེ་བསྲེགས་ཀྱི་གནས་ཚུལ་བོད་མི་རིགས་ཁོ་ནའི་ནང་ཁུལ་གྱི་གསར་འགྱུར་དུ་གྱུར་ཡོད་པ་གསལ་བོ་རེད། ཨ་རི་ལྟ་བུ་རང་དབང་ལུང་པ་ནས་མི་རིགས་འདྲ་མིན་ལ་འདྲ་པར་དངོས་སུ་བསྟེན་ཏེ་བཅར་འདྲི་བྱེད་མ་ཐུབ་པའི་རྒྱུ་མཚན་ཅི་ཡིན་ནམ།ཁོང་ཚོས་དབྱིན་ཡིག་ཡག་པོ་ཤེས་ཀྱི་ཡོད་པ་རེད་འདོད།
མི་རིགས་འདྲ་མིན་ལ་བཅར་འདྲི་བྱས་རྗེས་དེས་ག་རེ་བཤད་པ་བོད་སྐད་ཐོག་བསྒྱུར་ཏེ་གསར་འགྱུར་སྒྲོགས་སྦྱངས་བྱས་ཚེ། བོད་དོན་ལ་ནུས་པ་དང་ཁྱབ་བསྒྲགས་ཆེན་པོ་འགྲོ་བ་ཐེ་ཚོམ་ག་ལ་དགོས།
འདི་ལྟར་བྱས་ཚེ་ཨ་རིའི་ཁྲིམས་དང་འགལ་ཡོད་ཀྱི་མ་རེད། འོན་ཀྱང་གསར་འགྱུར་ལས་ཁུང་གི་འགོ་ཁྲི་ཚོ་ཡང་འཕྲུལ་ཆས་ཀྱི་མི་བཞིན་མཛུབ་མོས་མནན་ཚེ་འགུལ་བསྐྱོད་བྱེད་པ་གཅིག་མཚུངས་སུ་གྱུར་འདུག་སྙམ། བསམ་བློ་བཏང་སྟེ་གསར་འགྱུར་ཚ་བོ་དང་འབྲེལ་བོད་དོན་ཁྱབ་བསྒྲགས་སུ་ག་འདྲ་བྱས་ཏེ་གཏོང་ཕྱོགས་བསམ་བློ་ཙམ་ཡང་མི་འཁོར་བ་འདི་ནི་ཅི་ཞིག་ཡིན་ནམ།གང་ལྟར་ཕྱི་ལོགས་སུ་སོང་སྟེ་སྲང་ལམ་ནས་མི་རིགས་གཞན་ཚོར་བཅར་འདྲི་བྱེད་ཐུབ་པའི་རེ་བ་ཡོད།
༢༧/༡༠/༢༠༡༢ལ་བྲིས།
ཁྱེད་ཀྱི་བསམ་ཚུལ་དེ་འཐད་པ་ཡོད།དྲ་ཐོག་གི་གསར་འགྱུར་ཁོ་ན་ལས་མི་རིག་གཞན་ལ་བཅར་འདྲི་དང་གླེང་མོལ་བྱེད་ཐུབ་ན་ལེགས་སྙམ་མོ།
བདེན་པ་རེད། འདི་ལྟར་བྱེད་ཐུབ་ན་དགེ་མཚན་ལོས་ཡོད་འདོད། འོན་ཀྱང་འུ་ཅག་གི་གསར་འགོད་པ་དག་གིས་བོད་ནང་ཁུལ་དུ་བྱུང་བའི་གསར་འགྱུར་ཞིག་ཡིན་ན་ཚང་མས་ཧམ་འཕྲོག་བྱས་ཏེ་རང་གི་མིང་གི་ཐོག་ནས་རླུང་འཕྲིན་བརྙན་འཕྲིན་སོགས་བརྒྱུད་ནས་བོད་པ་ནང་ཁུལ་དུ་རྒྱང་སྒྲོགས་བྱེད་པ་ལས་གཞན་ཨེ་ཡོད་སྙམ།
བོད་ཀྱི་གསར་འགོད་པ་ཚོ་བཤད་ན་དགའ་ནི་མ་རེད་ར།དྲང་མོ་བཤད་ན་དབྱིན་ཅི་ཡག་པོ་ཞིག་མ་ཤེས་དུས་ཨ་རིའི་སྲང་ལམ་ནས་མི་རིགས་གཞན་ལ་བཅར་འདྲིའི་ནུས་པ་ཞིག་གང་ན་ཡོད།གོང་གི་བཤད་པ་དེ་གནས་ལུགས་འདུག་ནང་ཁུལ་ཁོ་ན་བཅར་འདྲི་བྱས་ན་ཁྱབ་བསྒྲགས་འགྲོ་ཐུབ་མེད།ངོ་མ་པར་བསྟན་ཏེ་སྐད་ཆ་འདྲི་ཡ་དུས་སླེབས་འདུག ཡིན་ཡང་སྲང་ལམ་ནས་ཡར་སྒྲིགས་མཁན་ཚོ་གསར་འགོད་ཀྱི་ཉམས་མྱོངས་མེད་པའི་རྟགས་གསལ་བོ་ཤར་ཡོད།ཡིན་ཡང་ང་རྒྱལ་གྱི་ལྒང་བུས་གནམ་ལ་འཕུར་ཁད་ཡོད།
གོང་གི་བསམས་ཚུལ་ལྡན་པ་རེད། བོད་གྱི་གསར་འགོད་པ་ཚོ་ཆ་རྐྱེན་ཚང་མེད་པ་གསལ་པོ་རེད། ལྷག་པར་དུ་ཨ་རི་རླུང་འཕྲིན་ཁང་དང་ཨ་ཤ་ཡ་རླུང་འཕྲིན་ཁང་གཉིས་ཀྱི་དྲིལ་བསྒྲིགས་བ་ཚོ་དེ་ལས་ཀྱང་ཆ་རྐྱེན་ཚང་མེད་པ་ཚང་མ་རང་གི་ནང་མི་དང་སྤུན་ཉེ་སྐྱང་རེད། རྣམ་རྒྱུན་ཁོང་ཚོས་ཁ་ནང་དུ་ཁོང་ཚོ་ནི་གསར་འགོད་པ་ཡིན་ཟེར་གྱིན་ཡོད་མོད། འོན་ཀྱང་མི་རིགས་གཞན་གྱི་གསར་འགོད་གནང་བཞིན་ལས་ག་འཇོན་གྱི་མེད་པ། ཨ་རི་རླུང་འཕྲིན་ཁང་དང་ཨ་ཤ་ཡ་རླུང་འཕྲིན་གཉིས་ཀྱི་ལས་བྱེད་རྣམས་དྲ་རྒྱ་ཡི་ནང་གི་དྲིལ་བསྒྲགས་པ་རེད་མ་གཏོགས་གསར་འགོད་གང་ཡང་མ་རེད། དྲ་རྒྱའི་ནང་དུ་གསར་འགོད་པ་ཞིག་དགོས་དོན་མི་འདུག། ལས་ཁུང་གཉིས་ལ་ལས་བྱེད་བདུན་བཅུ་ཙམ་ཡོད་ཚོལ་འདུག་ཚང་མ་རང་གི་ནང་མི་རྐྱང་རེད། ལོ་རེ་ལ་ཨ་རི་གཞུང་གི་བཙལ་བྱོལ་གཞུང་ལ་ཨ་སྒོར་ས་ཡ་བཅུ་དྲུག་ཙམ་གནང་གི་ཡོད་པ་རེད་དེས་ནང་ནས་ས་ཡ་བདུན་ཙམ་རླུང་འཕྲིན་ཁང་གཉིས་ཀྱི་འགྲོ་གྲོན་རེད། དེ་ནས་ས་ཡ་བདུན་ཙམ་ལོ་ལྟར་ཨ་རི་ནང་དུ་བོད་པའི་སློབ་ཕྲུག་བཅུ་དྲུག་ནས་བཅུ་བདུན་བར་གྱི་སློབ་ཕྲུག་གི་འགྲོ་གྲོན་རེད། དེ་ནས་ལྷག་མ་རྣམས་བཙན་བྱོལ་བོད་གཞུང་ལ་རེག་གི་ཡོད་པ་རེད་། དེ་ནི་ང་ཚོའི་ཚང་ཤེས་པའི་ཨ་རི་གཞུང་གི་བོད་མི་བཙན་བྱོལ་བ་རྣམས་ལ་ལོ་རེ་རེ་ཨ་སྒོར་ས་ཡ་གཉིས་ཀྱི་རོགས་རམ་རེད།
དྲ་གྲོགས་ནམ་མཁའི་གསུང་ནང་བཞིན་རེད་ ང་ཚོ་བོད་གྱི་གསར་འགོད་པ་དེ་ཚོའི་གཞན་ནས་གསར་འགྱུར་བསྡུ་རུབ་བྱེད་རྒྱུ་ཕར་ཞོག། གཞན་གྱི་བསྒྲགས་ཚར་པའི་རྗེ་བཟློའི་ཀྱང་ཐུབ་གི་མི་འདུག་སེམས་ཕམ་པ་ཞིག་ལ།
དྲ་གྲོགས་ནམ་མཁའི་གསུང་ནང་བཞིན་རེད་ ང་ཚོ་བོད་གྱི་གསར་འགོད་པ་དེ་ཚོའི་གཞན་ནས་གསར་འགྱུར་བསྡུ་རུབ་བྱེད་རྒྱུ་ཕར་ཞོག། གཞན་གྱི་བསྒྲགས་ཚར་པའི་རྗེས་བཟློས་ཀྱང་ཐུབ་གི་མི་འདུག་སེམས་ཕམ་པ་ཞིག་ལ།
བོད་སྐད་གསར་འགྱུར་ཨ་རིའི་གློག་འཕྲིན་ཁང་དང་ཨེ་ཤ་ཡ་རང་དབང་གསར་ཁང་འདི་གཉིས་ནང་བཞུགས་མཁན་གསར་འགོད་འདི་ཚོའི་ག་དུས་ཡིན་ན་བསྐྱར་བཟློས་དང་མི་དམངས་ལ་ཕན་ཐོག་མེད་པའི་འགྲོ་གླིང་མ་གཏོགས་གང་ཡང་ཡོད་མ་རེད་དེ་མ་བྱས་རང་བྱས་རེད་གང་ཡིན་ཟེར་ན་ཁོ་ཚོ་་ལས་ཀ་གསར་འགྱུར་བསྡུ་སྒྲིགས་བྱེད་ཐུབ་ཀྱི་ཡོད་མ་རེད། ཁོང་ཚོ་བོད་མི་དམངས་ལ་ཕན་སེམས་བྱས་ནས་ལས་ཀ་བྱེད་གི་ཡོད་མ་རེད་སོ་སོ་རྒྱག་པ་ཆགས་ཡག་ཆེད་དུ་རེད་ཁོ་ཚོ་སྒེར་སེམས་མ་གཏོགས་སྤྱི་སེམས་རྩ་བ་ནི་ཡོད་མ་རེད།