རྔ་བ་ཀུན་བཟང་།
ཁྱེད་ཅག་གི་འཚོ་བའི་ཁྲོད་ན་བུད་མེད་མཐོང་བ་ཇེ་ཉུང་ནས་ཇེ་ཉུང་དུ་འགྲོ་བ་འདི་ཅི་ཡིན་ནམ། སྐྱེས་པ་ལ་ལ་ཞིག་ལ་ཚེ་གཅིག་གི་གཏན་གྲོགས་ཙམ་ཡང་མེད་པར་ཁེར་འགྲོ་ཁེར་འདུག་གི་འཚོ་བ་སྐྱེ་དོན་ཅི་ཡིན་ནམ། ཡང་བུད་མེད་ལ་ལ་ཞིག་སྐྱེས་པ་རྣམས་མཐོང་མ་ཐག་འཇིགས་སྣང་དང་སྐྲག་སྣང་གི་རྣམ་པ་ཡོང་དོན་ཅི་ཡིན་ནམ།
དེ་ལྟར་འདད་ཞིག་བརྒྱབ་ན ། དོན་ངོ་མ་བུད་མེད་ལ་ཅི་ཞིག་མཁོ་བ་ཁྱེད་ཅག་གི་ད་བར་དུ་ཤེས་མེད་ལ། ད་དུང་ཡང་སྔར་བཞིན་འགྲོ་དང་འགྲོ་བཞིན་འདུག། སྔར་ཀྱི་རྐང་ལམ་ཐོག་ནས་ཨུ་ཚུགས་དང་ཨུ་ཚུགས་ཀྱི་སྐྲུན་པའི་ཁ་དོག་མེད་པའི་འཚོ་བ་ཞིག་ལ་མགོ་འཁོར། ལྟོས་དང་། བུད་མེད་རྣམས་ཀྱི་ངལ་དུབ་དང་ཁྱིམ་ཚང་གི་དཀའ་ཁག་རྒྱབ་གང་ཁུང་འོང་སྟེ་རང་ཁྱིམ་གྱི་སྒོ་དྲུང་དུ་དབོག་ས་མེད་ལ། རང་ཉིད་ལ་དབང་བའི་འཇིག་རྟེན་ཆུང་ཆུང་འདི་ནས། ཅི་ཞིག་ལས་པའམ། ཅི་ལྟར་འཚོ་བའམ། གང་ན་འགྲོ་ཡང་མི་ཆོག་པའི་གཏན་ཚིགས་རིམ་པ་དགུ་ཡི་བཙན་འོག་ནས་སྐྱེས་པ་ཞིག་ལ་བརྩེ་དུང་ངོ་མ་ཞིག་བསྐྲུན་ཐུབ་བམ། དེ་ལྟ་བའི་འཚོ་བ་ཞིག་དོན་ངོ་མ་སུ་ལ་མཁོ། སུ་ཡི་བཟོད་། སུ་ཞིག་གི་འདོད།
ཡང་ཅིག་བཤད་ན། ཁྱིམ་ཚང་ནི་སྐྱེས་པ་དང་བུད་མེད་གཉིས་ཀྱི་ཆེས་བདེ་སྐྱིད་ལྡན་པའི་འཚོ་གནས་དང་པོ་ཡིན་ཟེར་ན་ཆོག། བྱིས་པ་ནི་ཁོང་གཉིས་ཀྱི་བརྩེ་དུང་གི་ས་བོན་ཆེས་ཐོག་མ་དེ་ཡིན། འོན་ཀྱང་། བུད་མེད་ཞིག་ལ་བྱིས་པ་ཡོད་ནས་བཟུང་། བུད་མེད་ནི་ཁྱིམ་ཚང་ཞིག་གཡོག་མོ་ལ་འགྱུར་བ་མ་ཟད་། སྐྱེས་པ་ཡི་མིག་གཟུང་ལ་ཧ་ཅང་ནུས་མེད་དང་། ཅི་ཡང་བཤད་ཆོག་པ། ཅི་ཞིག་ལས་ཆོག། ། ཅི་ལྟར་འགག་ཆོག་པ། ཅི་འདོད་གསུབ་ཀྱང་ཆོག་པའི་ཚོར་མེད་ཀྱི་བེམ་པོ་ཞིག་ལ་ངོས་འཛིན་བྱེད། ཀྱེ་མ། བྱ་སྤྱོད་དེ་དག་གི་ཁྲོད་ན་དོན་ངོ་མ་བུད་མེད་རྣམས་ལ་བདེ་སྐྱིད་ཡོད་དམ། དགའ་སྐྱོད་ཡོད་དམ། དགོད་སྒྲོ་ཡོད་དམ། རྨི་ལམ་ཡོད་དམ། བསམ་གཞིགས་ཡོད་དམ། ངས་བལྟས་ན་གཏན་ནས་མེད། བདེ་སྐྱིད་ལས་སྡུག་བསྔལ་མང་། དགོད་སྒྲོ་ལས་མིག་ཆུ་མང་། བསམ་གཞིགས་ལས་གཅར་རྡུང་མང་། རྨི་ལམ་ལས་འཇིགས་སྣང་མང།
དེ་ཕྱིར། དོན་ངོ་མ་བུད་མེད་ལ་ཅི་ཞིག་མཁོ། མཛེས་རྟོག་གི་རྣམ་རིག་ཅི་ཡང་དགོས་དོན་མེད། དྲན་གདུང་གིས་མཆི་མ་ཡིན་ཟེར་བཏང་དགོས་མེད། ཐ་སྙད་ལ་སྒྲོས་ཉམས་ཀྱི་ཚིག་སྐམ་ཡང་བཤད་དགོས་མེད། ཨུ་ཚུགས་ཅན་གྱི་སྙན་ངག་གི་སྟོན་གླུ་འབྲིས་དགོས་མེད། གཏན་འཁེལ་མེད་པའི་ཚོར་ཤུགས་ཀྱི་བཟི་གཏམ་ཉན་འདོད་མེད། དམའ་འབེབ་དང་ཁ་མཆུ་རིགས་ཡང་དགོས་པ་མེད། ཐོབ་ཐང་དང་གོ་གནས་ཅན་དེ་བས་ཀྱང་དགོས་དོན་མེད། དགའ་དུས་གསོལ་འདོད་ཅིང་། སྡུག་དུས་གསད་འདོད་པའི་ཆགས་སྡང་ཅན་གྱི་རིགས་ལ་ང་ཚོ་བུད་མེད་རྣམས་ཧ་ཅང་སྐྲག་གིན།
བུད་མེད་ལ་རང་ཉིད་ལ་དབང་བའི་འཇིག་རྟེན་རེ་ཡོད ། མ་ཟད་འཇིག་རྟེན་འདི་ན་རྨི་ལམ་ཡོད། དགོད་སྒྲོ་ཡོད། ཕུགས་བསམ་ཡོད། རེ་བ་ཡོད། བདེ་སྐྱིད་ཡོད ། ང་ཚོའི་མར་ལོ་གྲུ་བཞིའི་ཞིམ་མངར་རོལ་ས་དང་དགའ་སྐྱིད་དབྱངས་ཀྱི་ཞིང་ཁམས་ལ་དགོད་སྒྲའི་རྟ་ཕོ་ཞོན་སའི་ཐང་ཆེན་འདི་ནས། གཏན་ཚིགས་མེད་པའི་འགག་སྒྲ་ཡི་བཟི་གཏམ་བཤད་དོན་ཅི་ཡིན་ནམ། རེ་སྨོན་ཡོད་ཚད་ཀྱི་གཞུང་རྟ་སྨིན་ས་དང་ཡལ་འདབ་རྒྱས་ས་འདི་ནས། ཁྱི་སྨྱོན་གྱིས་སོ་རྒྱབ་པ་ལྟ་བུའི་ས་བོན་ཡོད་ཚད་ཀྱི་རྩ་བ་གཅད་དོན་ཅི་ཡིན་ནམ། མདོར་ན། ཁྱེད་ཅག་ལ་བུད་མོད་མཁོ་ཡང་། བུད་མེད་ལ་ཅི་ཞིག་མཁོ་བའི་ཁྱིམ་གཞི་ངོ་མ་ཞིག་ཁྱེད་ཅག་ནམ་ཡང་བསྐྲུན་དཀའ།
རྔ་བ་ཀུན་བཟང་། ༢༠༢༠།༡།༣།
རྔ་པ་ཀུན་བཟང་། བུད་མེད་ཀྱི་སྐོར་མདོ་སྟོད་སྨད་ཀྱི་མི་ལ་སློབ་གསོ་མང་ཙམ་རྒྱོབས། དབུས་གཙང་པ་ལ་དེ་འདྲའི་དཀའ་ངལ་མེད།
བོད་ནང་གི་སྤྱི་ཚོགས་སློབ་གསོ་བ་དེ་ཚོས་བུ་མེད་ཀྱི་སྐྱོན་སྦྱོད་པ་ལས་བུ་མེད་ཀྱི་ཐོབ་ཐང་ཚེད་ཧ་ཅང་དམའ་བོ་ཡིན་པ་སུ་གཅིག་གི་གསུངས་ཀི་མི་འདུག
མི་རབས་གསར་བ་ཚོ་མ་འདྲ་ཆག་ཡོད་རྒྱུ་རེད།
སྔག་པ་ཚོས་བུ་མོ་ཚོ་བེབ་སྤྱོད་གཞན་ཞིག་ལ་བཏོང་གི་འདུག་བསམ།
བུད་མེད་ལ་གང་ཞིག་མི་མཁོ་དག་བསྟན་འདུག མུ་མཐུད་དུ་་་
ཀློག་པ་པོ་ཡོངས་ལ་བཀའ་དྲིན་ཆེ། གཙོ་བོ་དེ་ངས་ ཞེས་པའི་རྩམ་སྒྲུང་ཞིག་ཀློག་པའི་མྱོང་བ་ཐུང་ཐུང་ཞིག་ཡིན།
ཀློག་པ་པོ་ཡོངས་ལ་བཀའ་དྲིན་ཆེ། གཙོ་བོ་དེ་ངས་ ལོ་དེ་ལ་ཞེས་པའི་རྩམ་སྒྲུང་ཞིག་ཀློག་པའི་མྱོང་བ་ཐུང་ཐུང་ཞིག་ཡིན།
བཙན་བྱོལ་བོད་པའི་བུད་མེད་རྣམས་ལ་བོད་པའི་སྤྱི་ཚོགས་ནང་དུ་ཐོབ་ཐང་ཡག་པོ་ཡོད་རེད་ཟེར་ནས་བོད་ཀྱི་བུད་མེད་ལྷན་ཚོགས་ཀྱིས་བཤད་སོང། ངས་ལྟས་ན་བོད་ཀྱི་བུད་མེད་རྣམས་གཅིག་ནས་རང་ཉིད་ཀྱིས་རང་ཉིད་ཀྱི་སེམས་དཔང་མི་བསྟོད་པར་གཉའ་ཞུམ་བྱེད་པ་དང། གཉིས་ནས་བོད་ཀྱི་ཆོས་ལུགས་ཀྱི་གདམས་པ་རྣམས་ནས་བུད་མེད་ལ་མཐོང་ཆུང་བྱེད་པ་མང་པོ་ཡོད་རེད། དེའི་རྐྱེན་གྱིས་བོད་པའི་བུད་མེད་རྣམས་ལའང་མཐོང་ཆུང་དང་ཁྱད་གསོད་གཉའ་གནོན་བྱས་དང་བྱེད་པ་ད་ལྟའང་བོད་སྟོད་སྨད་ཡོངས་ལ་ཡོད་བཞིན་རེད། གཏམ་དྲང་པོར་བཤད་དགོས་པ་རེད། ནང་ཆོས་ལ་དད་ཁུལ་གྱིས་ནང་ཆོས་ནས་བུད་མེད་ལ་དམའ་འབེབས་མི་བྱེད་ཚུལ། བུད་མེད་ལ་ཐོབ་ཐང་ཡོད་ཚུལ་མང་པོ་བཤད་ཀྱི་རེད། ཡིན་ནའང་བདེན་པ་མ་རེད། སྨོན་ལམ་གྱི་ཚིག་ནང་དུའང་བྲན་དང་བུད་མེད་དམག་དཔོན་གཤན་པ་དང་་་་སོགས་ཀྱི་ལུས་མི་ལེན་པའི་སྨོན་ལམ་མཐོང། དེ་བཞིན་མགོན་ཁང་སོགས་སུ་བུད་མེད་འགྲོ་མི་ཆོག་པའི་དགོན་སྡེ་མང་པོ་ཡོད་རེད། གང་ལྟར་ཕོ་མོ་འདྲ་མཉམ་ཡོད་པ་མ་རེད།
བུད་མེད་ལ་མཁོ་བ་མཇེ་རེད་ཡ།
བུད་མེད་ལ་དོན་ངོ་མ་མཇེ་ཞིག་མཁོ།
བུད་མེད་ནི་མེད་དུ་མི་རུང་བ་ཡིན།