བསྟན་འཛིན།
འདིར་བསམ་ཚུལ་དང་དོན་དངོས་སྐོར་ལ་རྩོམ་ཡིག་གཅིག་མཐོང་བྱུང་། རྩོམ་དེའི་འོག་ལ་བསམ་ཚུལ་ཤོད་མཁན་ཡང་མང་པོ་འདུག འདི་ནི་དངོས་གནས་ཕན་པ་ཡོད་པའི་རྩོམ་གཞི་ཞིག་རེད་སྙམ་ནས་འདིར་དྭོགས་པ་ཁ་ཤས་བཀོད་ཡོད་པའི་ཁྱེད་རྣམ་པའི་བཀའ་སློབ་ཡོད་པ་ཞུ།
བོད་ཀྱི་ལོ་རྒྱུས་ནང་གླང་དར་མ་ཡི་མགོ་ལ་རྭ་ཅོ་ཡོད་ཟེར། འདི་བསམ་ཚུལ་རས་དོན་དངོས་རས།
བོད་མིའི་བཤད་སྲོལ་ལ་མི་ཤི་སོང་ན་རྣམ་ཤེས་ད་དུང་གནས་ནས་ལུས་གཞན་བསྒྲུབ་པར་བྱེད་ཟེར། འདི་ལ་སྐྱེ་བ་ཟེར་ཞིང་མི་མང་ཆེ་བས་ཡིད་ཆེས་བྱེད་བཞིན་འདུག འདི་བསམ་ཚུལ་རས་དོན་དངོས་རས།
ད་དུང་བོད་མིའི་ངག་རྒྱུན་ལ་ཤམ་བྷ་ལ་ཟེར་བའི་རྒྱལ་ཁབ་ཤིག་ཡོད་ཅིང་། རྣམ་ཤེས་དག་པ་དང་རྟོགས་པ་མཐོ་བ་རྣམས་དེར་སྐྱེས་ཐུབ་ཟེར་ནས་དུས་འཁོར་དབང་ཆེན་སོགས་ཞུ། འདི་བསམ་ཚུལ་ལ་གཏོགས་སམ་ཡང་ན་དོན་དངོས་ལ་གཏོགས།
དོན་དུ་དོན་དངོས་ཟེར་བ་ཞིག་ཡོད་ནི་མ་རེད། ཡིན་ནའང་དེང་སངས་མང་མང་གིས་ཐག་བཅད་པ་ལ་ལོlawའམ་ཁྲིམས་སམ་གནས་ལུགས་སམ་དོན་དངོས་ཟེར་ནི་རེད། འཇིགས་རྟེན་གྱི་དཀར་ནག་གི་དབྱེ་བ་ཡོད་ཚད་འདི་རྟེན་ནས་འབྱེད་གོ་ནི་རེད། ༡ གླ་དར་མགོ་ན་ར་ཅོ་ཡོད་ཟེར་བ་འདི་ཡང་བོད་མྱི་མང་ཆེ་བས་ར་ཡོད་བསམ་ནི་རེད། ར་ཅོ་ཡོད་བསམ་ནས་བསད་ནི་རེད། དེང་སང་ད་རུང་ར་བོད་མྱི་མང་ཆེ་བས་ར་ཅོ་ཡོད་བསམ་གི་ཡོད་ནི་རེད། དེར་རྟེན་གླང་དར་ལ་ར་ཅོ་ཡོད་པ་དོན་དངོས་ཡིན་རྒྱུ་རེད། ༢ རྣམ་ཤེས་ཡང་མི་མང་ཆེ་བས་ཡིད་ཆེས་བྱེད་བཞིན་འདུག་ན་དེ་ཡང་དོན་དངོས་རེད་ཟེར་དགོས། ༣ ཤམ་བྷ་ལ་ཟེར་བ་འདི་བོད་མིའི་ངག་རྒྱུན་ཙམ་མ་རེད། ཡི་ཤུ་དང་ཁ་ཆེ། ཇོའུ་སོགས་མང་ཆེ་བས་ཡོད་པར་ཡིད་ཆེས་བྱེད་བཞིན་ཡོད་པས་དོན་དངོས་རེད།
ཆོས་ལུགས་སོགས་རྒྱལ་མཚམས་གང་ཡང་མེད་པར་གོང་གི་དྲི་བ་དེའི་དོན་གསལ་བོར་བཤད་ན། འདི་ལྟར་ཡིན། ང་ཚོར་གང་སྣང་བ་ཐམས་ཅད། སོ་སོའི་སེམས་ལ་ཇི་ལྟར་ཤར་བ་བཞིན་ཐག་བཅད་དེ་བཤད་པ་ཙམ་ལས། དངོས་དོན་ནམ་བདེན་གྲུབ་ཟེར་བ་ཞིག་ཡོད་ནི་མ་རེད། དཔེར་ན་ཤོག་བུ་འདི་དཀར་པོ་རེད་དམ་ཞེས་དྲིས་ན། དྲི་བ་འདིའི་རྒྱུ་མཚན་ཁྱོད་ཀྱི་སེམས་ལ་ཤོག་བུ་འདི་དཀར་པོ་ཞིག་ཤར་གྱི་ཡོད་དམ་ཞེས་དྲིས་པ་ཡིན་ལ། ལན་འདེབས་མཁན་གྱིས་ཀྱང་། དེ་དཀར་པོ་རེད་ཅེས་ལན་བཏབ་ཚེ། དོན་ལ་ངའི་སེམས་ལ་དེ་དཀར་པོ་ཤར་ཞེས་ལན་འདེབས་ཀྱིན་ཡོད་པ་རེད། དེས་ན་གླང་དར་མའི་མགོའི་རྭ་དང་། ཤམྦྷ་ལ་སོགས་ཀྱང་མང་ཕྱོགས་ཀྱི་སེམས་ལ་ཡོད་པར་འཆར་ནས་ཡོད་པ་རེད་ཅེས་བཤད་ཀྱིན་ཡོད། དེར་བརྟེན་ཡོད་ཚད་བསམ་ཚུལ་ཙམ་ཡིན་པས། ཇི་སྲིད་བསམ་ཚུལ་མ་མཐུན་པ་དེ་སྲིད་དུ་རྩོད་པ་བྱེད་ཀྱིན་ཡོད་ལ། ཁ་མཐུན་མཁན་ཅི་ཙམ་མང་དུ་སོང་བ་དེ་ཙམ་གྱིས་དོན་དེ་གལ་ཆེན་དང་། དོན་ཆེན་དུ་བརྩི་བཞིན་ཡོད། དེས་རྒྱུ་མཚན་གྱིས། ཁ་མི་མཐུན་པ་དེ་ལོག་ལྟ་དང་། འཁྲུལ་བར་ངོས་འཛིན་བྱེ ད་ཀྱིན་ཡོད། མུ་འགོད།
འདི་ལ་དམིགས་ནས་དཔལ་ཏེ་ལོ་བས་ཕྱག་ཆེན་གངྒྰ་མ་ལས། བློ་ཡི་ཆོས་ཀྱིས་བློ་འདས་དོན་མི་མཐོང་། །བྱས་པའི་ཆོས་ཀྱིས་བྱར་མེད་དོན་མ་སླེབ། །བློ་འདས་བྱར་མེད་དོན་དེ་ཐོབ་འདོད་ན། །རང་སེམས་རྩད་ཆོད་རིག་པ་གཅེར་བུར་ཞོག །ཅེས་གསུངས།
ཟབ་ཞི་སྤྲས་བྲལ་འོད་གསལ་འདུས་མ་བྱས། །
བདུད་ཙི་ལྟ་བུའི་ཆོས་ཤིག་ཉིད་ཀྱིས་བསྟན། །
ཇི་ལྟར་བསམ་རུང་གོ་བར་མི་ནུས་པས། །
མུ་མེད་ནགས་ཀྱི་འདབས་ལ་གནས་པར་བྱ། །
ཕྱག་ཆེན་ལས། སེམས་ནི་རི་མོ་མཁན་དང་འདྲ།།འདི་དག་ཐམས་ཅད་སེམས་ཀྱིས་བྱས།།
དམར་ནག་གཡུལ་ཁ་བཙན་པའི་གོད་ཆགས་ཁྲོད།།
ཁ་བའི་མེ་ཏོག་ལྷོ་ཕྱོགས་དྲོད་ཀྱིས་བཞུས།།
མི་ཆུའི་རྫིང་བུ་བསྐྱིལ་བའི་མཁུར་ངོས་ནས།།
ཡུལ་གྱར་བོད་མིའི་ལས་དབང་མཐུར་དུ་འགྲིལ།།
བསམ་གཞིགས་རེ་དོགས་མོད་པའི་རྡོག་སྣེ་ནས།།
ཐམས་ཅད་སེམས་དོན་གླེང་བའི་རྐང་རྗེས་འཐུ།།
བྱ་མེད་ལས་ལ་དོན་མེད་འགྱུར་བའི་ཚེ།།
འཇིག་རྟེན་བདེན་པ་མེད་པའི་ངེས་ཤེས་རྙེད།།
ཁོ་རེ་མིའུ་ཕྲུག
ཁྱོད་ཁ་བདེ་པོ་ཞེའུ་གཅིག་འདུག བོད་མིར་མཐོང་ཆུང་བྱེད་པའི་སྙན་རྩོམ་ཐུང་ཐུང་ཞིག་བྲིས་ནས་མཁས་ངོམས་བྱེད་པ་འདི། ཁྱོད་ཕ་ཤ་བཟས་ནས་དགྲ་ལ་དཔའ་ངོམས་པའི་ཚུལ་ལས་མ་འདས།
ཡུལགྱར་བོད་མི་ཟེར་བ་འདིར་འཛམ་གླིང་མི་དམངས་ཚང་མ་དོ་སྣང་བྱེད་དགོས་ས་ཞིག་ཆགས་ཡོད། དེས་བོད་མིའི་སྡུག་བསྔལ་ཐམས་ཅད་འཛམ་གླིང་གི་གར་བསྟེགས་ཐོག་བརྗེན་པར་བསྟོན་ཡོད། རྒྱ་གུང་ཁྲན་གྱིས་མཛེས་མཛེས་མཁས་མཁས་གང་བྱས་ཀྱང་། ཁོ་ཚོའི་བརྫུན་དེ་དམར་བརྗེན་ལ་བཏོན་ཡོད།
ད་ལྟ་རྒྱ་བོད་གཉིས་ཀྱི་རྒྱལ་ཕམ་དེ་ཐག་གཅོད་བྱ་རྒྱུ་སྔ་དྲག་ལེ་རེད། བྱས་གཙང་བདུད་ཕྲུག་ཁྱོད་ཁྲེལ་བགད་དེ་ལོ་ཁ་ཤས་ཕྱིར་མ་བཏོན་ན་བཟང་། ཕ་རོ་བཟའ་རྒྱ་ཁྱོད་ནི་དགྲ་དང་གཉེན་མི་ཤེས་མཁན་གྱི་བྱིས་ཕྲུག་ངོ་མ་རེད། བོད་པའི་གཏམ་དཔེར། སྤྱང་ཕྲུག་གསོས་ནས་སྒོ་ཁྱི་མི་ཉན་ཟེར་བ་ཅིས་མ་བདེན།
ཕྲུ་གུའི་དྲི་བ་འདི་ལ་ལན་ཡག་པོ་ཞིག་མི་འབབ་ཀྱང་། ཐུང་ཐུང་ཞིག་སྤྲོད་ཆོག གླང་དར་ལ་ར་ཡོད་ཟེར་བ་སྒྲོ་འདོགས་ཆེད་བཟོ་བྱས་པ་ལས་བསམ་ཚུལ་དང་དོན་དངོས་མ་རེད། ཤམ་བྷ་ལ་དང་བདེ་བ་ཅན་ནི་ཆེས་ཀློག་གྱུར་གྱི་ཆོས་ཡིན་པས། དེ་ཤེས་འདོད་ན་སྟུ་སྤངས་ནས་ཆོས་སྦྱངས་དགོས་དང་། ལན་མ་ནོར་བ་དེ་དགོས་ན་ཁྱེད་རང་གིས་ཉམས་ལེན་གྱི་ཐོག་ནས་ཐག་གཅོད་དགོས། དེ་མིན་ང་ལ་ཡིད་ཆེས་ཡོད་ན་བདེ་བ་ཅན་དང་ཤམ་བྷ་འདུག
སེམས་ཆུང་འདི་སེམས་ཆུང་ཡང་བློ་ཁོག་ཆེ་ཙམ་འདུག རྒྱུན་ལྡན་བསྟན་དགྲ་དང་། གསང་ཉུལ་བ། ཕ་རོ་ཟ་རྒྱུ་སོགས་དམོད་ཚིགས་ལ་ཧ་ཅང་མཁས་པས་ཆེན་པོའི་གྲལ་དུ་འགྲིམས་མྱོང་བའི་ལས་བྱེད་པ་ཞིག་ཡིན་པ་འདྲ། དེས་ན་ངས་སླར་ཡང་རྣ་བར་བཟན་པའི་སྙན་ཚིགས་ཞིག་འབུལ་འདོད་བྱུང་།
སྒྲོ་བཏགས་ཟློས་གར་མོད་པའི་ནགས་ཁྲོད་ནས།།
ཤ་གཟན་སྟག་མོའི་གདོང་རིས་འཛུམ་གྱིས་བསུ།།
རྡོག་ཕྲེས་རིན་ཐང་དབེན་པའི་ཁུག་སོ་ནས།།
བདེན་ཡོད་རང་མཁར་སྙེག་སའི་བགྲོད་ལམ་མེད།།
གངས་འདབ་རླུང་གིས་ཁྱེར་བའི་ཆར་སྨག་ཁྲོད།།
ཤ་ཕ་དཔང་དུ་ལེན་པའི་སྙིང་སྟོབས་མངའ།།
བསམ་གཞིག་རེ་དོགས་མོད་པའི་རྨི་ལམ་ནང་།།
རང་གི་བུ་རྒྱུད་ལ་ཡང་དོགས་ཞེན་ཟབ།།
རྨོངས་ཞེན་རྡུལ་གྱིས་ཟོས་པའི་ཆུ་ངོགས་ནས།།
གདུང་ཡུས་འདྲེས་མའི་སྐྱོ་གླུ་གྱེན་དུ་གྱེར།།
དྲན་ཤེས་རླུང་གིས་བསྐྱོམས་པའི་ཁོར་ཡུག་ཏུ།།
སེམས་ཆུང་སེམས་ཁྲལ་ཆེ་བའི་བྱ་དངོས་ཞིག།
ངོ་གནོང་སེམས་ལ་བརྡོལ་བའི་ཚིག་གི་མདར།།
སྙིང་ཁྲག་དམར་པོའི་རླབས་འཕྲེང་྄མ་གཡོ་བ།།
དལ་གཅིག་དྲན་པའི་བརྟུལ་ཞུགས་ལྷོད་མཛོད་དང་།།
གནས་ལུགས་རྟོགས་སད་རྙེད་པའི་གཏམ་ཞིག་འདྲི།།
སྔོ་ལྗང་གཡུ་ལོ་བཞད་པའི་གངས་འདབས་དེར།།
རང་རིགས་སྲོག་ལ་བརྔམ་པའི་གདུག་འདྲེའི་དཔུང་།།
བཙན་དབང་སྐར་ལྔའི་དར་དམར་བསྒྲོན་བྱས་ནས།།
མི་ལོ་ལྔ་བཅུ་བརྒལ་བར་མ་ཚོར་རམ།།
སྒང་དྲུག་ཆུ་བོ་རྒྱུ་བའི་འབབ་སྟེགས་ནས།།
ཤར་རླུང་སྐྱུར་མོ་ལྡང་བའི་གཏན་ཚིགས་ཀྱིས།།
རང་སའི་གཏེར་ཁ་བསྲུང་བའི་གཡུལ་ངོ་དེར།།
ཚེ་སྲོག་ཤོར་བའི་ཕམ་ཁ་མ་ཚོར་རམ།།
གཡོ་སྒྱུའི་ཟློས་གར་རོལ་པའི་གར་སྟེགས་ནས།།
གདུག་རྩུབ་བརྫུན་གྱིས་གདོང་རིས་མཐོང་བའི་མོད།།
ཞི་དང་རྟེན་འབྱུང་བདག་པོ་གཤེས་གཉེན་ཡང་།།
གཞན་ཡུལ་དབང་མེད་འགྲིམས་འདི་མི་ཤེས་སམ།།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་།།
ལ་རྒྱ་ཁ་ནས་སྒྲོག་པའི་སྐྱེ་བོ་དག།
ཕམ་ཁའི་ཚོར་རྟོག་སྙིང་ལ་མེད་པའི་ཕྱིར།།
རྒྱ་བོད་རྒྱལ་ཕམ་མེད་ཞེས་དཔའ་གཏམ་འདི།།
རྣ་བར་ཐོས་ཚེ་ཁྲེལ་བགད་མི་ཤོར་རམ།།
མིའུ་ཕྲུག་ལ།
སེར་པོ་སྐྱག་ཁུང་འདྲ་བའི་ཁ་ནང་ན།།
ནག་པོ་བོང་མཇེ་འདྲ་བའི་ལྕེ་ཆེན་ཞིག།
ཆུང་ཆུང་བྱེའུ་ཀླད་འདྲ་བའི་མགོ་ནང་།།
མི་ཤེས་ཁ་ཚོད་མཐོ་བའི་ཀླད་རུལ་ཞིག།
བསམ་གཞིགས་རེ་དོགས་ཆེ་བའི་མིའུ་ཕྲུག་གི།།
འབར་བའི་རེ་བ་དམར་པོས་ཟུངས་ཁྲག་སྐམ།།
རྩེ་བརྒྱ་དོགས་པའི་འཁོར་ལོས་སྙིང་ཁམས་འཀྲུགས།།
བསླུ་མེད་བདེན་པའི་ཆོས་ལ་ལོག་ལྟ་ཤར།།
ཆེན་པོའི་སྲིད་ཀྱང་ནམ་ཞིག་འཐོར་ནས་འགྲོ།།
མཛེས་པའི་དཔལ་རྣམས་རྟག་ཏུ་ཡལ་བ་མཐོང་།།
དྲག་པོའི་མཚོན་ལ་བརྟེན་པའིརྒྱ་དམར་གྱང།།
ནམ་ཞིག་བརླག་པར་འགྱུར་བའི་ཡིད་ཆེས་བྱོས།།
གོང་དུ་་་་་སྟག་སྨྱོན་གྱིས་ཕྲུག་གུའི་དྲི་བ་འདི་ལ་ཞེས་ཕྲུག་གུའི་དྲི་བ་ལ་སྨྱོན་པའི་ལན་ཞིག་གནང་འདུག་པས་རིགས་པའི་རོལ་རྩེད་ཅུང་ཟད་ཞིག་གིས་སྨྱོན་པ་འདིའི་སེམས་ཁམས་གསོ་བར་འདོད། ཁོ་ན་རེ། གླང་དར་ལ་ར་ཡོད་ཟེར་བ་སྒྲོ་འདོགས་ཆེད་བཟོ་བྱས་པ་ལས་བསམ་ཚུལ་དང་དོན་དངོས་མ་རེད། ཞེས་ཟེར། འོ་ན་སྒྲོ་འདོགས་དང་ཆེད་བཟོ་བྱས་པ་ཆོས་ཅན། ཁྱོད་ཡིན་ན་བསམ་ཚུལ་དང་དོན་དངོས་མ་ཡིན་པས་ཁྱབ་པ་ཐལ། རྟགས་ཁས་བླངས་པའི་ཕྱིར། འདོད་ན་ཚན་རིགས་ཀྱི་གྲུབ་དོན་ཏུ་གྱུར་པའི་གསར་བྱུང་གི་དངོས་པོ་འདི་རྣམས་ཆོས་ཅན། དོན་དངོས་མ་ཡིན་པ་ཐལ། ཆེད་བཟོ་བྱས་པ་ཡིན་པའི་ཕྱིར། རྟགས་ཁེལ། ཡང་ཁོ་ན་རེ་ཤམ་བྷ་ལ་དང་བདེ་བ་ཅན་ནི་ཆེས་ཀློག་གྱུར་གྱི་ཆོས་ཡིན་པས། ཟེར་བ་ལ་དེས་ན་ཤམ་བྷ་ལ་དང་བདེ་བ་ཅན་ཆོས་ཅན། ཆེས་ལྐོག་གྱུར་མ་ཡིན་པ་ཐལ། མངོན་གྱུར་ཡིན་པའི་ཕྱིར། དེ་ཐལ་སོ་སོར་སྐྱེ་བོ་རྣམས་ཀྱིས་ཀྱང་མངོན་སུམ་དུ་གཞལ་ཐུབ་པའི་ཕྱིར། མ་གྲུབ་ན་དེ་ཐལ་སོ་སོར་སྐྱེ་བོ་རྣམས་གནས་དེ་ལ་སྐྱེ་བ་ཡོད་པའི་ཕྱིར།་ཁྱབ་པ་ཁེལ། འཁོར་གསུམ། ད་དུང་ཁོས་་དེ་ཤེས་འདོད་ན་སྟུ་སྤངས་ནས་ཆོས་སྦྱངས་དགོས་ཟེར། འོ་ན་ཆོས་སྦྱོང་པར་སྟུ་སྤངས་དགོས་པས་ཁྱབ་པ་ཐལ། ཁས་བླངས་པའི་ཕྱིར། འདོད་ན་སློབ་དཔོན་ཆེན་པོ་པདྨ་སམྦྷ་དང་། མཁས་པ་ཆེན་པོ་སྡེ་སྲིད་སངས་རྒྱམ་སོགས་ཆོས་ཅན། ཆོས་མ་སྦྱོང་བ་ཐལ། སྟུ་མ་སྤངས་ཕྱིར། ཐལ་འགྱུར་ཡང་དག་གོ
ཤམ་བྷ་ལ་ལ་གནམ་གྲུ་འཛིན་བྱང་ཉོས་ནས་འགྲོ་རྒྱུ་ཡོད་པའི་ཉིན་དེར་ཤམ་བྷ་ལ་དོན་དངོས་སུ་གྱུར་བ་རེད། དེ་བར་དུ་བསམ་ཚུལ་རེད།
མཚན་ཉིད་རིག་པའི་གཞུང་ན་དོན་དངོས་ཟེར་བ་འདི་ལ་འགྲེལ་བཤད་རིམ་པ་མང་པོ་དང་རྙོག་དྲ་ཚ་བོ་ཞིག་རྒྱག་རྒྱུ་ཡོད་ཀྱི་རེད། ཡིན་ན་ཡང་སྤྱིར་བཏང་དོན་དངོས་ཞེས་དུས་དབང་བོ་རྣམ་ལྔ་ཚང་བ་རྣམས་ཀྱི་ཐུན་མོང་སྤྱོད་ཡུལ་དུ་གྱུར་བའི་དོན་དག་རྣམས་ལ་གོ་ཡི་ཡོད་པ་འདྲ། དེ་ཡང་གང་ཟག་གི་རྟོགས་པ་མཐོ་དམན་དང་དགའ་མ་དགའ། ཡིད་ཆེས་ཡོད་མེད་ལ་འབྲེལ་བ་ཅི་ཡང་མེད་ཅིང་། གང་ཟག་གི་བློ་ལ་མ་ལྟོས་པར་གནས་པ་ཞིག་ལ་གོ་ཡི་ཡོད། དཔེར་ན། བོད་གངས་ཅན་ཞེས་པའི་རྒྱལ་ཁམས་དེ་ད་ལྟ་རྒྱ་འོག་ཏུ་ཡོད་པ་དེ་ང་ཚོ་བོད་པ་རྣམས་མི་དགའ་བ་དང་ཡིད་ཆེས་འདོད་ཀྱང་མེད་མོད། དེ་ནི་དོན་དངོས་ཤིག་རེད། འཛམ་བུ་གླིང་གི་མི་ཡོངས་ལ་དོན་དངོས་ཤིག་རེད། དེ་དོན་དངོས་ཡིན་པ་དེ་སྟུ་སྤངས་ནས་ཤེས་དགོས་པ་ཞིག་མ་རེད།སྟུ་སྤངས་ནས་དོན་དངོས་སུ་འགྱུར་དགོས་པ་ཞིག་ཡིན་ཚེ་དོན་དངོས་ཀྱི་རིམ་པ་གཞན་པ་ཞིག་ཡིན་རྒྱུ་རེད། ད་ལྟ་ང་ཚོས་གྲོས་བསྡུར་བྱེད་བཞིན་པའི་དོན་དངོས་ཀྱི་རིམ་པ་འདི་ཡིན་རྒྱུ་མ་རེད།
ཤམ་བྷ་ལ་ཆོས་ཅན། ཁྱོད་ཡོད་པར་ཐལ། ཁྱོད་ཡོད་ཚུལ་ལུང་དང་ལམ་ཡིག་རྣམ་དག་གིས་གྲུབ་པའི་ཕྱིར། དང་པོ་དེར་ཐལ། སྟོན་པས་དུས་འཁོར་རྩ་རྒྱུད་དང་ཆོས་རྒྱལ་ཟླ་བཟང་གིས་དེའི་འགྲེལ་བ་དྲི་མེད་འོད་གསུངས་པའི་ཕྱིར། གཉིས་པ་དེར་ཐལ། སྡེ་སྲིད་ཀྱི་ཤམ་བྷ་ལའི་ལམ་ཡིག་ཆེན་མོ་དང་པཎ་ཆེན་དཔལ་ལྡན་ཡེ་ཤེས་ཀྱི་ལམ་ཡིག་སོགས་ཡོད་པའི་ཕྱིར།
ཡང་བོད་པའི་གྲྭ་ལོག་སྙན་ངག་པ་ཅིག་གིས་ཤམ་བྷ་ལ་གངས་ཏེ་སི་རེད་ཟེར་ནས་ཐག་བཅད་ཡོད་ཚོད་གོ་མྱོང་། དེ་ཡིན་ན་དོན་དངོས་ཡིན་མིན་མཐོང་ཆོག་ཆོག་རེད།
གལ་ཏེ་ཤམ་བྷ་ལ་གང་དུ་ཡོད་མེད་ཤེས་འདོད་ན་མཁས་དབང་ཧོར་འཇིགས་ལ་དྲིས།
དྲ་གྲོགས་འདི་ཚོའི་གྲས་ན་དེ་ཤེས་མཁན་ཞིག་ཡོད་རྒྱུ་མ་རེད།
ཁོ་ཚོ་ཆོས་མི་ཤེས་མཁན་གྱི་ཀླད་སྟོང་ཤ་སྟག་རེད།