དོལ་སྨྱོན།
བུ་ག་མང་བའི་སེམས་པ་འདི་ཉིད་འཁྱགས་རོམ་གཏིང་གི་ཆུ་ལས་གྲང་། །
བསམ་གཞིག་སྐྱེན་པའི་ཚོར་བ་འདི་ཉིད་ཉམ་ཐག་ནད་ཀྱི་ཟུག་ལས་ལྕི། །
བདེ་དྲོད་བྲལ་བའི་ལོ་ཟླ་འདི་ཉིད་ངམ་གནག་རྒྱ་མཚོའི་གཏིང་ལས་རིང་། །
ཡོད་ཚད་ཁྱོད་ལ་ཤོར་བའི་ཉིན་ནས་ང་ཡི་འཇིག་རྟེན་གྲང་ཤུར་ཤུར། །
དམར་པོ་དབུགས་ཀྱི་རྒྱུ་བའི་རྩེ་ན་དྲན་པའི་ན་ཟུག་རླབས་ལྟར་གཡོ། །
དྭངས་གཙང་སེམས་ཀྱི་གྲུ་ཁའི་དཀྱིལ་ན་གདུང་བའི་རྨ་ཁ་རྡོ་ལྟར་སྲ། །
ལོ་དང་ཟླ་བ་ཉིན་ཞག་ཁྲོད་ན་རེ་བའི་ཁུར་པོ་རི་ལས་ཆེ། །
ལྷིང་འཇགས་བྲལ་བའི་འཁོར་ཡུག་འདི་ན་ཁེར་རྐྱང་སེམས་པ་ཆུ་ལས་གྲང་། །
ལ་ལུང་རྒྱབ་ཀྱི་ཡུལ་གྲུ་ཞིག་ན་སྙིང་སྡུག་ཞལ་རས་མཛེས་ཤིང་འཛུམ། །
དམར་ཆུང་སེམས་ཀྱི་ཟུངས་ཁྲག་དཀྱིལ་ན་དྲན་པའི་ན་ཟུག་མེ་ལྟར་མཆེད། །
ལས་དབང་བཙན་པོའི་བཀོད་སྒྲིག་འོག་ན་མིག་ཆུའི་ཐིགས་པས་མཁུར་ཚོས་བརླན། །
དབུགས་རེའི་རྩེ་ན་དབུགས་རྔ་བསྣན་ཏེ་སྡུག་གི་ཁུར་པོས་ཉིན་ཞག་སྤུར། །
ང་ཡི་འཇིག་རྟེན་དམར་པོའི་ནང་དུ་ཁྱོད་ནི་འཇིམ་སྐུ་ཆུང་ཆུང་ཞིག།།
ང་ཡི་གྲུ་གསུམ་སྙིང་གི་དཀྱིལ་ན་ཁྱོད་ནི་རྒྱ་སེ་མེ་ཏོག་ཅིག།།
ང་ཡི་རེ་བའི་མིག་ཟུང་ཁྲོད་ན་ཁྱོད་ནི་ཕྱེ་ལེབ་ཆུང་ངུ་ཞིག།།
ང་ཡི་མི་ཚེའི་ཀྱོག་མཚམས་འདི་ན་ཁྱོད་ནི་དྲན་པའི་རྡོ་རིང་ཞིག།།
ལོ་ངོ་འདི་ནི་སྙིང་སྡུག་དྲན་པའི་ཁེར་རྐྱང་སེམས་པ་གྲང་མོ་ཞིག།།
ཟླ་བ་འདི་ནི་བཞུད་པར་དཀའ་བའི་ངམ་གནག་མཚན་ལྗོངས་རིང་མོ་ཞིག།།
ཆུ་ཚོད་འདི་ནི་ཡོད་ཚད་ཤོར་བའི་གཞུང་ལམ་ཟུར་གྱི་སྤྲང་པོ་ཞིག།།
སྐར་ཆ་འདི་ནི་གདུང་བས་མནར་བའི་ཉམ་ཐག་ནད་ཀྱི་ཟུག་རྔུ་ཞིག།།
མཐོང་སྣང་ཡོད་ཚད་ཁྱོད་ཀྱིས་ཁྱབ་དུས་ང་ནི་དག་སྣང་ཕྱོགས་མེད་ཅིག།།
འཆར་སྒོ་ཡོད་ཚད་ཁྱོད་ལ་ཐིམ་དུས་ང་ནི་བསམ་གཏན་མཁན་པོ་ཞིག།།
འདུན་པ་ཡོད་ཚད་ཁྱོད་ལ་ཤོར་དུས་ང་ནི་བྱང་སེམས་རྣམ་དག་ཅིག།།
རེ་ལྟོས་ཡོད་ཚད་ཁྱོད་ལ་བཅོལ་དུས་ང་ནི་བསམ་མེད་སྨྱོན་པ་ཞིག།།
རེ་བའི་རི་མོ་སེམས་སུ་བྲིས་ཀྱང་སེམས་ཀྱི་གཏིང་ན་གཅོང་ནད་ཅིག །
དུང་བའི་མིག་ཟུང་ཁྱོད་ལ་གཏད་ཀྱང་མཁུར་ཚོས་མཆི་མས་བརླན་རོགས་ཤིག།།
བརྩེ་བའི་མདའ་མོ་ཁྱོད་ལ་འཕངས་ཀྱང་སྡུག་གི་ཁུར་པོའི་སྣོན་མ་ཞིག།།
ཡོད་ཚད་ཁྱོད་ཀྱི་ཕྱོགས་སུ་ཕུལ་ཀྱང་ཁྱོད་ཀྱི་འཇིག་རྟེན་གཞན་པ་ཞིག།།
5.12.2010
སྙན་མོ་ཞིག་བྲིས་འདུག ཐུགས་རྗེ་ཆེ།
དམར་པོའི་སྙིང་དེ་གང་འདྲ་ཡོད་མེད་ང་ཡིས་ཆ་འཚལ་ཡང་།
དམར་པོའི་སྙིང་ཆུང་རྐུ་བའི་མཛེས་མ་དེ་ཡིས་ང་ཡི་སྙིང་ལ་རྨ་ཁ་བཟོས།
ཁྲ་ཆུང་མིག་གིས་མཐོང་ཐེངས་རེ་ལ་དམར་པོའི་སྙིང་དེ་ལང་ལང་ལྡང་།
ལང་འཚོའི་སྐེད་པ་ཕྲ་མོ་དེ་ཡིས་ང་ཡི་སེམས་པ་མྱོས་པར་བྱས།
ཕྱི་ཡི་ཤ་མདོག་མཛེས་པ་དེ་ཡིས་ང་ཡི་སེམས་ཁམས་ཡོངས་སུྲབསླུས།
བུ་ཆུང་ཀླད་མེད་ང་ཡི་ཡོད་ཚད་ཁོ་མོའི་ཆེད་དུ་བཏང་ན་ཡང་།
ཁོ་མོར་ངོ་ཚ་མེད་པའམ་གུས་རང་འཇོན་སྟངས་མེད་ན་ཐང་།
མ་ཧེ་འདྲ་བའི་ནག་པོ་མཇེ་རིང་ནང་དུ་འཁྲིད་དུས་དམར་ཆུང་སྙིང་ལ་ན་ཚ་སྡང་།
ངོ་མ་འདི་འདྲ་ཞིག་ཡིན་ན་དོལ་སྨྱོན་ཁྱོད་ལ་ཁག་མི་འདུག
ཚིག་དོན་གཉིས་ཀྱིས་ང་བཀུག་སོང་། ཁྱོད་དང་རྗེས་མཐུན་དུ་གདུང་སེམས་སྐྱེད་པར་བྱའོ།།
ཅན་བཟོད་རྒྱམ་ལགས། དོལ་སྨྱོན་ཞེས་པ་གང་རེད། སོ་སོའི་སེམས་ཀྱི་འཆར་སྣང་བྲིས་པར་དོལ་སྨྱོན་གསུངས་པར་འབྲེལ་བ་ཨེ་ཡོད།
གྲོགས་པོ་དག་དེ་རང་ནས་བཟུང་ང་ཡང་ཁོམ་སྐབས་ནམ་ཡོད་དྲྭ་ཐོག་ལ་ཡང་གི་ཡིན་གུས་མོས་བོད་ཡིག་གི་དག་ཆ་དེ་ཙམ་མེད་པའི་རོག་པ་བྱེད་རོག་གུས་མོས་ཀྱང་གོ་སྐབས་འདི་བཟུང་ནས་རང་ཉིད་ཀྱི་བོད་ཡིག་ཡར་རྒྱུས་དང་ཁྱེད་ཅགས་ཚོ་དང་ཁ་བཏའ་ཞིག་བྱེད་བསམ་ནས་འདིར་ཡོང་བ་ཡིན། ང་ལ་རོག་པ་མང་ཚམ་གནང་སྐྱོང་ཡོང་བར་ཞུ་
ཁ་བརྡ་དྲྭ་བ་འདི་བངག་གི་དོ་སྣང་ཆེ་ཤོས་བྱེད་ས་ཞིག་ཡིན་ཀྱང་དེ་རང་མ་སྟོག་མཆན་འདེབ་ཤེས་མ་སོང་དེ་རིང་གྲོགས་པོ་ཞིག་གི་ལམ་སྟོན་ལ་བསྟེན་བོད་ཡིག་འབྲི་ཤེས་སོང་།
་
ལྷ་མོ་ཁ་བརྡ་དྲ་བར་གསར་དུ་ཞུགས་པར་དགའ་བསུ་ཞུ། ཡིག་ནོར་ནི་སུ་ལའངས་ཤོར་གི་རེད། གཙོ་བོ་དགོངས་པ་དཀྱེལ་ཡངས་ཀྱིས་རང་གི་བསམ་ཚུལ་ཤར་མར་གསུང་དང་། ག་ལེར་ཕྱོགས་གང་ཐད་ནས་ཡར་རྒྱས་སུ་འགྲོ་གི་རེད།
xxxxxxxxxxxxxxxx
དོལ་སྨྱོན་གྱིས་སྙན་པོ་ཞིག་བྲིས་འདུག
ལྷ་མོ་ཡང་བྲེལ་འཚུབ་ལང་ནས་གཅིག་ཤོད་འདོད་ཡོད་ས་རེད།
ལྷ་མོ་ཁྱེད་རང་གིས་གང་སེམས་ལ་གང་མྱོང་པ་རྣམས་བྲིས་ན་མཆན་འགོད་ལྷ་ཕོ་རྣམས་ཀྱི་ཡིད་སེམས་གཏིང་ནས་འགུག་ཐུབ།
མྱོང་ནས་བྲིས་པ་དང་གསན་ནས་བྲིས་པ་གཉིས་ལ་ཁྱད་པར་ཆེན་པོ་ཡོད་པ་དགེ་ཆོས་ཀྱིས་བཤད་ཡོད་རེད་ཅེས་གོ་མྱོང།
ནང་པ། མཐོང་སྣང་ཡོད་ཚད་ཁྱོད་ཀྱིས་ཁྱབ་དུས་ང་ནི་དག་སྣང་ཕྱོགས་མེད་ཅིག །
ཐེག་ཆུང་། འཆར་སྒོ་ཡོད་ཚད་ཁྱོད་ལ་ཐིམ་དུས་ང་ནི་བསམ་གཏན་མཁན་པོ་ཞིག །
ཐེག་ཆེན། འདུན་པ་ཡོད་ཚད་ཁྱོད་ལ་ཤོར་དུས་ང་ནི་བྱང་སེམས་རྣམ་དག་ཅིག །
གསང་སྔགས། རེ་ལྟོས་ཡོད་ཚད་ཁྱོད་ལ་བཅོལ་དུས་ང་ནི་བྱ་བྲལ་རྣལ་འབྱོར་ཞིག །
ཡོད་ཚད་མཁོ་ཚད་གཞན་ལ་ཤོར་བས་ཁྱོད་ནི་སྤྲང་འཁྱམ་ངོ་མ་ཞིག།
དྲན་ཚད་བསམ་ཚད་ཁ་ནས་ཐོན་པའི་ཁྱོད་ནི་སྒོམ་མེད་དྲང་སྲོང་ཞིག།
སྣང་བའི་འཆར་སྒོ་ཆགས་པས་འཁེངས་པས་ཁྱོད་ནི་འདོད་པ་གཟུགས་གྲུབ་ཅིག།
བཤད་ཚད་བྲིས་ཚད་སྙན་མོའི་དཔལ་ལྡན་ཁྱོད་ནི་སྔོན་མེད་སྙན་ངག་མཁན།།
དུང་བའི་སེམས་པ་གཞན་ལ་བཅོལ་ཀྱང་དོན་མེད་སྡུག་གི་གཞི་མ་ཙམ།།
རེ་བའི་ཕྱི་ཐག་གྲོགས་མོར་འབྲེལ་འདི་ལུས་མེད་སྙིང་ལ་ཞུགས་ལས་སྐྱོ།།
བརྩེ་རོགས་ཤོར་བའི་ཁེར་རྐྱང་རྩེ་སེམས་འཇིག་རྟེན་འདི་ན་ཆེས་མི་མཛེས།།
ཕན་ཚུན་མཛའ་མཐུན་མེ་ཏོག་བཞད་ན་དགའ་སྐྱིད་བུང་བའི་གླུ་དབྱངས་ལེན།།
ཤིན་ཏུ་བདེ་འོ་འདོད་ལྡན་མི་རྣམས་འདོད་པའི་བདེ་བར་རོལ་བ་བདེ།།
རབ་ཏུ་མཛེས་སོ་མཛའ་མཐུན་གྲོགས་ལ་མཛའ་བརྩེའི་རི་བོ་བཀྲ་བ་མཛེས།།
ཀུན་ཏུ་ཤིས་སོ་ཆགས་ལྡན་བུ་ལ་ཆགས་པའི་དངོས་གྲུབ་ཐོབ་པ་ཤིས།།
ལྡོག་ཏུ་མེད་དོ་སྔོན་བསགས་ལས་ལ་སྔོན་ནས་ཞུགས་ཟིན་བསླུ་བ་མེད།།
ཤིན་ཏུ་བདེན་ནོ་ཆགས་པའི་ཟུགས་ངུ་གཅོང་ནད་ཀུན་གྱི་གཞི་མ་ལགས།།
གཟབ་པར་འཚལ་ལོ་འདོད་པས་མྱོས་ན་འཇིག་རྟེན་འདི་ཀུན་གད་མོས་འགེངས།།
བདེ་བར་ངེས་སོ་གྲོགས་མོའི་དྲུང་དུ་འདོད་པའི་མཐེ་བོང་གྱེན་དུ་སློངས།།
ཞི་བ་སྲིད་དོ་ཆགས་པའི་མེ་ལྕེ་མཛའ་མོའི་ཆུ་ཡི་དཀྱིལ་འཁོར་དུ།།
ལ་སྟོད་བུ་ལ་ཞུ་རྒྱུ།
དགེ་ཆོས་ཀྱིས།
དཀའ་བའི་གཞུང་བཤད་བྲམ་ཟེ་རྒན་པོས་བྱས།།
མྱོང་བ་དམར་ཁྲིད་ཁ་ཆེའི་བུ་མོས་བཏབ།།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
མི་ཕམ་བཙུན་པས་གསན་ནས་བྲིས་པ་དང།།
དགེ་ཆོས་སྨྱོན་པས་མྱོང་ནས་བྲིས་པ་གཉིས།།
བྱིན་བརླབས་གནད་ཀྱི་ཚན་ཁ་མི་འདྲ་བ།།
འདོད་ལྡན་སྐྱེས་བུས་ལག་ཏུ་བླང་ན་ཤེས།།
འདི་འདྲ་ཞིག་ཡོད་སྣང་འཆར་སོང་། ཡིན་ནའང་ད་སྐབས་དེབ་དེ་ལག་ཏུ་མ་ཐོབ་པས་ནོར་བ་ཡོད་ན་དགོངས་དག་ཞུ།།
མ་ལས་མ་སྤྱོད་ལམ་ཁ་བསྟན་པ་ལས། ཐོས་བ་སྤྱེད་བས་ལས་ངན་བསྲགས་པ་སྡུག།
སྙན་མོ་ཞིག་བྲིས་འདུག སྙན་ངག་འདི་རིགས་ལ་ང་ཧ་ཅང་གི་དགའ་བོ་ཡོད། འོན་ཀྱང་ཞིབ་འབྲི་དེ་ཙམ་ཞིག་ཐོན་ཐུབ་མི་འདུག་སྙམ་པའི་ཚོར་བ་བྱུང་།
དྲ་གྲོགས་ཚོ། ཁ་བརྡའི་དྲ་ཐོག་ཏུ་རྩོམ་ཡིག་སྐུར་སྟངས་ཐད་ལམ་སྟོན་ཞིག་གནང་རོགས། ངས་ཀྱང་སེམས་ཚོར་རེ་བྲིས་ནས་ཀློག་མཁན་རྣམས་ལ་ལེགས་སྐྱེས་ཞིག་འབུལ་ཐུབ་པའི་རེ་བ་ཤིན་ཏུ་ཆེ།
འབའ་སྲས་ལགས། ཁ་བརྡ་ཚང་ལ་རྩོམ་སྐུར་ས་འདི་ཡིན།
Khabdha editor
http://www.khabdha.org
info@khabdha.org
khabdha@gmail.com
འབའ་སྲས་ལགས། དྲྭ་རྒྱའི་མདུན་ཕྱོགས་ན་ཁ་བརྡ་ལ་འཇུག་ཚུལ་ཞེས་པ་དེ་གནོན་ནས་གཟིགས་དང་དེའི་ནང་དུ་འགྲེལ་བཤད་ཡོད་པ་འདྲ། ཡིན་ནའང་ངས་ལན་གྲངས་མང་པོར་ཐབས་ཤེས་བཏང་ཡང་འཇུག་ཐུབ་མ་སོང་། ཁོ་རང་ཚོར་རྒྱུས་མངའ་མེད་པའི་མི་གསར་འཛུགས་ལ་དགག་བྱ་ཆེ་བ་འདྲ་བསམ་བྱུང་།
དབང་འདུས་ལགས། ཐུགས་རྗེ་ཆེ། ཚོད་ལྟ་ཞིག་བྱེད་ཆོག
བརྩེ་ལྡན་བུ་ལ་བརྩེ་བས་གདུང་ཚུལ་སྙན་གྱི་དབང་པོར་སོན་མ་ཐག།
བྱམས་དང་བརྩེ་བ་ཕན་བདེའི་གཞི་ཞེས་རླུང་ལྟར་གྲགས་ལའང་ཐེ་ཚོམ་གཡོ།།
སྲས་བཅས་རྒྱལ་ཀུན་རྩེ་བའི་མཚོ་ལས་མཁྱེན་རྟོགས་པད་དཀར་བཞད་དོ་ཞེས།།
ཡོངས་སུ་གྲགས་པའི་དོན་འདི་ལ་འང་རང་སེམས་གྱ་གྱུའི་རླབས་ཕྲེང་གཡོ།།
གྲོགས་པོ་དག་ཕེབས་རོགས་གནང་།
བརྩེ་དུང་གི་བསྐྱེད་ཚལ་འདི།
སྙིང་གཏམ་གྱི་གླུ་དབྱངས་སྒྲོགས་བཞིན།
ལྷན་ཅིག་ཏུ།
བརྩེ་ལྡན་བུ་ལ་བརྩེ་བས་གདུང་ཚུལ་སྙན་གྱི་དབང་པོར་སོན་མ་ཐག།
བྱམས་དང་བརྩེ་བ་ཕན་བདེའི་གཞི་ཞེས་རླུང་ལྟར་གྲགས་ལའང་ཐེ་ཚོམ་གཡོ།།
སྲས་བཅས་རྒྱལ་ཀུན་བྱམས་བརྩེའི་མཚོ་ལས་མཁྱེན་རྟོགས་པད་དཀར་བཞད་དོ་ཞེས།།
ཡོངས་སུ་གྲགས་མོད་དེ་ལྟ་ནའང་རང་སེམས་གྱ་གྱུའི་རླབས་ཕྲེང་གཡོ།།
གྲོགས་པོ་དག་མགྱོགས་པོར་ཕེབས་དང་།
བརྩེ་དུང་གི་བསྐྱེད་ཚལ་འདིར།
གུ་ཡང་གི་སྙིང་གཏམ་དང་།
ལྷིང་འཇགས་ཀྱི་བདེ་དྲོད་ལ།
གཏན་དུ་རོལ།
དབང་འདུས་ལགས་ནས་དགེ་ཆོས་ཀྱི་འདོད་པའི་བསྟན་བཅོས་གཟིགས་མྱོང་བར་མ་ཟད་ཐུགས་ལ་ལེགས་པོ་ཞིག་ངེས་འདུག་པས་གསལ་བཤད་གནང་བར་ཐུགས་རྗེ་ཆེ།
ངོ་མ་ཁྱེད་ལ་དེ་ཡི་སྐོར་རྒྱུས་མངའ་ཆེ་ཙམ་ཡོད་ན་ད་དུང་དགེ་ཆོས་འདོད་བསྟན་དེ་ཡི་རྩ་བ་མདོར་བསྡུས་བློར་འཟུང་སླ་བ་ཞིག་འབྲི་ཐུབ་ན་དེ་བས་ཀྱང་ལེགས།
གཅིག་བྱས་ན་ཁྱེད་ཉིད་མོ་འགུག་དམ་མོ་རིགས་དབང་དུ་འདུ་བའི་ཆོ་གར་མཁས་པ་ཞིག་ཡིན་ཚོད་འདུག་པས་དེ་བས་ཀྱང་འབྲི་རྒྱུའི་གོ་སྐབས་བཟང་པོ་ཞིག་ཡོད་པས་དེ་ལུགས་ཐུགས་འཇགས་གནང་རོགས།
དགེ་འདུན་ཆོས་འཕེལ་གྱི་འདོད་པའི་བསྟན་བཅོས་ནང་དུ། སྟོན་པ་གཤེན་རབ་མི་བོ་དང། སྟོན་པ་ཤཱཀྱ་ཐུབ་པ་་་་གཉིས་ཀྱང་ཁོང་གི་གྲོགས་པོར་བཞག་ཡོད་པས། དགེ་འདུན་ཆོས་འཕེལ་གྱིས་མ་བྱས་པ་ཅི་ཡོད། དེས་ན་་་་ལྷ་མོ་་་་་ལགས་ལ་རོགས་པ་ག་རེ་དགོས་ནའང་དྲྭ་གྲོགས་ཚོའི་སེམས་ཤུགས་མ་ཆག་རོགས།
ལ་སྟོད་བུ་ལགས་ལ་འབུལ་རྒྱུ།
རྩོམ་པོ་པོ་ནི་དགེ་འདུན་ཆོས་འཕེལ་ཡིན།།
རྩོམ་པའི་ཡུལ་ནི་གྲོང་ཁྱེར་བཅོམ་ལག་ཡིན།།
དཀའ་བའི་གཞུང་བཤད་བྲམ་ཟེ་རྒན་པོས་བྱས།།
མྱོང་བ་དམར་ཁྲིད་ཁ་ཆེའི་བུ་མོས་བཏབ།།
འདོད་པའི་མི་ལ་འདོད་པ་སྟེར་བ་ལ།།
དགེ་བ་མེད་ཀྱང་སྡིག་པ་ག་ལ་ཡོད།།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
ཕྱི་རོལ་བརྫུ་ཡི་ཁྱད་པར་མ་གཏོགས་པ།།
མདོར་ན་ཐམས་ཅད་འདི་ལ་དགའ་བར་ངེས།།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
གལ་ཏེ་འཁྲིག་པའི་འབྲེལ་བས་མ་བསྡུས་ན།།
ཕོ་མོའི་རིགས་ནི་འདི་ལྟར་ཐ་དད་པས།།
འཇིག་རྟེན་ཁམས་སུ་སྡེ་གཉིས་ཆད་གྱུར་ཏེ།།
རྟག་ཏུ་གཡུལ་དང་རྩོད་པས་གནས་པར་ངེས།། འདི་འདོད་པའི་བསྟན་བཅོས་ལས་ཡིན་མིན་མ་དྲན།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
ཡང་དགེ་ཆོས་གསུང་གཞན་དུ།
བྱིས་པའི་དུས་ནས་རྒས་ཤིང་ཁོག་གི་བར།།
སེམས་ཀྱི་འཁྱེར་སོ་ཅི་ཙམ་བརྗེས་གྱུར་པ།།
རང་གིས་མྱོང་བས་བརྟགས་ན་ཤེས་ནུས་པས།།
ད་ལྟའི་འཆར་སྒོ་འདི་ལ་ཡིད་བརྟན་མེད།། རྩོམ་འདི་རིན་ཐང་ཆེན་པོ་མཐོང་།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
མཁོ་ཚད་བཟང་ཚད་སེམས་ཀྱི་འཆར་སྒོ་ཀུན།།
གུད་དུ་ཕྱེ་ནས་ཚད་མར་འདོད་པ་དེས།།
སྒྱུ་མའི་གྲོང་ཁྱེར་ཞིག་པའི་ཐང་སྟོང་དུ།།
མིག་འཁྲུལ་ནོར་བུའི་ཕུང་པོ་སླར་ཡང་རྙེད།། འདི་རྩོམ་རྙོགས་ཟིང་སློང་བྱེད་ཅིག་ཡིན།།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
དུས་གསུམ་རྒྱལ་བ་ཀུན་གྱི་ཕྲིན་ལས་གཟུགས།།
ཐར་འདོད་སྐྱེ་དགུ་ཡོངས་ཀྱི་དཔུང་དང་གཉེན།།
ཉམ་ཐག་འགྲོ་བ་ཀུན་ལ་བརྩེ་བའི་མ།།
རྗེ་བཙུན་སྒྲོལ་མའི་ཞབས་ལ་གསོལ་བ་འདེབས།། ཧ་ཅང་སྙན་པོ་འདུག
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
ཕྱུག་པོ་ཕྱུག་པོའི་ས་ནས་སྡུག་གཏམ་བྱེད།།
དབུལ་པོ་དབུལ་པོའི་ས་ནས་སྨྲ་ངག་འདོན།།
མི་རེའི་སེམས་ན་སྡུག་བསྔལ་ཁུར་པོ་རེ།།
འཁོར་བའི་གནས་ལ་བདེ་བའི་སྐབས་མ་མཆིས།། སེམས་ལ་ཕན་ངེས་ཤིག་འདུག
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
བཟང་ངན་གཙང་གཙོག་རང་གི་རང་འདོད་ཙམ།།
རང་འདོད་བྱ་བ་རྟག་ཏུ་བརྗེ་ནས་འགྲོ།།
དེ་ལ་རྩོད་ཤག་འགྱེད་པ་ཐང་རེ་ཆད།།
དེ་ཡི་རྒྱུ་མཚན་འཚོལ་བ་ཉོན་རེ་མོངས།།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
དགེ་སློང་རྣམས་ཀྱིས་རྨད་ཀྱང་མི་རུང་མེད།།
སྔགས་པ་རྣམས་ཀྱིས་སྟོད་ཀྱང་མི་ཆོག་མེད།།
རྒན་པོ་ཀླུ་རྒྱལ་འབུམ་ལ་དོན་ཆུང་དང་།།
བྱི་ལི་བསོད་ནམས་ཐར་ལ་དོན་ཆེན་ཡིན།། འདི་འདོད་བསྟན་ཡིན།།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
མོ་འགུགས་འདོད་ན་དེ་ལ་རྒྱུ་གསུམ་སྟེ།།
ཐབས་དང་རྫས་དང་སྔགས་ཀྱི་ནུས་པའོ།།
དེ་སྟེང་སྒོར་མ་ཡོད་ན་མཆོག་གྱུར་ཡིན།།
ཕོ་འགུགས་རྒྱུ་འང་དེ་དང་གཅིག་མཚུངས་ལགས།། འདི་ནི་སྨྱོན་པས་སོ།།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
གོང་གི་དགེ་ཆོས་མཆོག་གི་གསུང་རྣམས་རྒྱ་དགུ་བཅུ་ནོར་མེད། བློར་བཟུང་ཡང་རྗེས་སོར་དཔེ་རྙེད་སྐབས་བཟོ་ཆོས་ཆེན་པོ་གཏོང་མི་དགོས་ངེས་ཅན་ཡིན། ཡིན་ནའང་བློར་བྲིས་པ་རྣམས་ལ་གོང་འོག་ནོར་བ་དང་ཚིག་ནོར་བ་སོགས་ཡོང་བ་ཟློག་ཐབས་མི་འདུག
དབང་འདུས་ལགས་ནས་ཡག་པོ་ཞིག་བྲིས་པར་ཐུགས་རྗེ་ཆེ།
ཁྱེད་ནི་མོ་འགུག་ཕོ་འགུག་ལ་བྱང་ཆུབ་པའི་དགེ་ཆོས་ཀྱི་སྐུ་གསུང་ཐུགས་སྤྲུལ་ཞིག་ནི་གཏན་གཏན་རེད་འདུག
ད་དུང་དེང་རབས་དང་མཐུན་པའི་གནས་ཚུལ་འདྲ་བྲིས་ན་ཡག་པོ་འདུག
བརྕེ་དུང་ཟེར་བའི་དུག་མདའ་འདིས།།
སྨན་པ་དོལ་སྨྱོན་རྨས་བཞག་འདུག །
མཛེས་མ་ཟེར་བའི་འདོད་ཡོན་འདི། །
འདོད་ལྡན་དགའ་དང་སྐྱོ་བའི་གཞི།།
རྗེ་ཙོང་ཁ་པས།
སྤྱད་པས་མི་ངོམས་སྡུག་བསྔལ་གྱི་སྒོ།།
ཡིད་བརྟན་མི་རུང་སྲིད་པའི་ཕུན་ཚོགས་ཀྱི།།
ཉེས་དམིགས་རིག་པའི་ཐར་བའི་བདེ་བ་ལ།།
དོན་གཉེར་ཆེན་པོ་སྐྱེ་བར་བྱིན་གྱིས་རློབས།། ཞེས་པ་ལྟ་བུའི་རིགས་བློ་སྦྱོང་ཕྲན་བུ་རེ་མ་བྱས་ན་དུས་ཚོད་འདི་འདྲའི་སྐབས་ལ་ཚོར་གདུང་གིས་གནར་ནས་སྨྱོན་པ་ཡང་ཆགས་སྲིད་པ་རེད། དཔེར་ན། གྲྭ་ལོག་ཚེ་བརྟན་རྡོ་རྗེ་ལྟ་བུ་རེད།
བསམ་པ་ཙམ་གྱིས་ལུས་ལ་ཚ་བརླབས་ཕྱུར།།
ལོངས་སུ་སྤྱོད་ན་རྟོག་ཚོགས་འགག་བྱེད་ཅིང།།
ཉམས་སུ་མྱོང་རྗེས་གཉིད་ཀྱི་མགྲོན་བསུ་བའི།།
ན་ཆུང་དགའ་མའི་རེག་བྱ་ཨེ་མ་ཧོ།།
ཡིད་ལ་ཡུན་རིང་ཉལ་བ་ཆགས་པའི་བློ།།
མྱོང་བ་ཙམ་གྱིས་རེ་ཞིག་ཞི་བྱེད་ཅིང།།
རང་ཙམ་མིན་པར་གཞན་ལའང་བདེ་སྟེར་བའི།།
དགའ་མའི་ལོངས་སྤྱོད་སྲིད་པའི་ཕུན་ཚོགས་དངོས།།
སེམས་ལ་ཆགས་པའི་མེ་ལྕེ་མཆེད་བཞིན་དུ།།
ཚུལ་ཁྲིམས་གོས་ཀྱིས་རང་ལུས་གཡོག་པ་ལས།།
སྲིད་པའི་བགོ་སྒལ་འཁྲིག་པའི་བདེ་བ་ལ།།
བག་ཡང་ལོངས་སུ་སྤྱོད་ན་ལུས་སེམས་བདེ།།
བསམ་པ་ཙམ་གྱིས་ལུས་ལ་ཚ་བརླབས་ཕྱུར།།
ལོངས་སུ་སྤྱོད་ན་རྟོག་ཚོགས་འགག་བྱེད་ཅིང།།
ཉམས་སུ་མྱོང་རྗེས་གཉིད་ཀྱི་མགྲོན་བསུ་བའི།།
ན་ཆུང་དགའ་མའི་རེག་བྱ་ཨེ་མ་ཧོ།།
ཡིད་ལ་ཡུན་རིང་ཉལ་བ་ཆགས་པའི་བློ།།
མྱོང་བ་ཙམ་གྱིས་རེ་ཞིག་ཞི་བྱེད་ཅིང།།
རང་ཙམ་མིན་པར་གཞན་ལའང་བདེ་སྟེར་བའི།།
དགའ་མའི་ལོངས་སྤྱོད་སྲིད་པའི་ཕུན་ཚོགས་དངོས།།
སེམས་ལ་ཆགས་པའི་མེ་ལྕེ་མཆེད་བཞིན་དུ།།
ཚུལ་ཁྲིམས་གོས་ཀྱིས་རང་ལུས་གཡོགས་པ་ལས།།
སྲིད་པའི་བགོ་སྐལ་འཁྲིག་པའི་བདེ་བ་ལ།།
བག་ཡང་ལོངས་སུ་སྤྱོད་ན་ལུས་སེམས་བདེ།།
རྨ་ཁ་མིག་གིས་མཐོང་རྒྱུ་ཡོད་གི།
ན་ཟུག་རྣ་བས་གོ་རྒྱུ་ཡོད་གི།
སེམས་ཚོར་སེམས་ཀྱིས་མྱང་རྒྱུ་ཡོད་གི།
སེམས་ལ་རི་མོ་འཆར་རྒྱུ་ཡོད་གི།
སྙན་ངག་འདི་དག་གི་ང་བཟུ་སོང་ངོ་མ་བཟུ་སོང་།དྲ་གྲོགས་འཚོ་དེ་འདྲ་རེད་དམ།
དོལ་སྨྱོན་གྱིས་བརྩམས་དེ་སྙན་པ་ལ། སྙན་ངག་ཅེས་པ་དེ་རེད་འདུག ཚིག་དོན་གཉིས་ཀ་ཕུན་སུམ་ཚོགས་པར་གདའ།