བཟོད་པའི་མན་ངག

Comments (16) on “བཟོད་པའི་མན་ངག”

1. སློབ་དཔོན་འཇིགས་མེད་བློ་གྲོས་རྒྱལ་མཚན་ལེགས། དགོངས་ཟན་ཟོས་པའི་རྗེས་སུ། ངལ་གསོ་ལྟ་བུར་ཁ་བརྡ་ལ་བལྟས་པས། ཉིད་ཀྱི་བཟོད་པའི་སྐོར་ལ་བྲིས་པ་བཀླགས། གཞུང་ཆེན་མོ་ནས་གསུངས་པ་བཞིན་དུ་སྣང་། ཚིག་གི་དག་ཆ་ལ་ཕལ་ཆེ་བ་རྨ་མེད་པ་ལྟ་བུ་ལགས། འོན་ཀྱང་མིང་མཐའ་བ་ཡོད་དགོས་པར་པ་ཡོད་པ་དང་འོང་བ་ལ་ཡོང་བ་ཞེས་པ་རང་རེའི་ཕལ་སྐད་དུ་མ་གཏོགས ཆོས་སྐད་དུ་མི་འོང་བས་གཞུང་ཆེན་ལྟ་བུ་གསུང་བ་དང་། བོད་སྤྱིའི་སྐད་ལ་འོང་ཞེས་འདོན་པ་དང་འབྲི་བར་མཛད་ན་དོན་ཆེ་འོ་ཞེས་བསམས། མཆོག་སྤྲུལ་ནམ་མཁའི་ནོར་བུ་ས་གསུངས་པ་ལྟར་ན། ཁམས་ཡུལ་དུ་འོང་མ་གཏོགས་ཡོང་ཞེས་མེད་པ་ཡིན་གསུངས། གཤམ་གསལ་གྱི་བརྗོད་པ་ན། སླ་ཞེས་པ་དཀའ་བའི་ལྡོག་ཕྱོགས་སླ་ཡིན་པར་སྙམ་སྟེ། གཞན་དག་གིས་ཀྱང་བྲིས་པ་མཐོང་ནས་བསལ་ཐབས་བྱས་པ་ཡིན། འདི་ཉིད་ཀྱི་བཀའ་འགྱུར་དཔེ་ཆ་ན། བླ་ཞེས་ཡོད་ངེས། སྤྱོད་འཇུག་ལེའུ་༦ ཚིགས་ ༥༦ན།
   ༹བདག་ནི་དེང་ཉིད་ཤི་ཡང་བླའི།
   ལོག་འཚོས་ཡུན་རིང་གསོན་མི་རུང་།
   ཞེས་པ་ཡོད་པའི་བླ་ལྟ་བུའོ།།
   དེ་ལ་བཅོམ་ལྡན་འདས་ཀྱིས། འདོད་ཆགས་ཀྱི་ཕུང་པོ་རི་རབ་ཙམ་ཡང་སླ་ཡིས། ཞེ་སྡང་ནི་སྐད་ཅིག་གཅིག་ཀྱང་དེ་ལྟ་མ་ཡིན་ནོ།།

2. ངོ་མ་གཏིང་ཟབ་པོ་རེད། ཡག་པོ་འདུག་བརྗོད་བྱ་ནི་ཤིན་ཏུ་ཟབ་ཞིང་སྐད་ཅིག་གིས་ཞེ་སྡང་
   བྱམས་པའི་ངོ་བོར་བསྒྱུར་ཐུབ་ཐག་ཆོད་རེད།

3. གཏི་མུག་གིས་སྲོག་བཅད་པའི་རྣམ་སྨིན་དམྱལ་བར་སྐྱེ་བར་གསུངས་སོ།། ཞེས་པ་འདི། ཞེ་སྡང་གིས་དམྱལ་བར་གསུངས་ཟིན་པས། འདིར་གཏི་མུག་གིས་སྲོག་བཅད་པའི་རྣམ་སྨིན་”དམྱལ་བར”ཚབ་ཏུ་”དུད་འགྲོར་”གསུངས་འདོད་པ་མིན་ནམ།

4. ཞེ་སྡང་ལྟ་བུའི་སྡིག་པ་མེད།།བཟོད་པ་ལྟ་བུའི་དཀའ་ཐུབ་མེད།།ཅེས་སྤྱོད་འཇུག་དང་དབུ་མ་འཇུག་པ་སོགས་ན་བཟོད་པ་སྒོམ་པའི་ཕན་ཡོན་དང་མ་སྒོམ་པའི་ཉེས་དམིགས་སོགས་མང་དུ་གསུངས་ཤིང་། ཉོན་མོངས་ཐམས་ཅད་ཀྱང་རྩ་བ་གཏི་མིག་བདེན་འཛིན་ལ་ཐུག་འདུག་པས་རྟེན་ནས་འབྱུང་བའི་དོན་ལ་བསམ་པ་གལ་ཆེ་སྟེ། དབུ་མ་བཞི་བརྒྱ་བ་ལས། དེའི་ཕྱིར་ཉོན་མོངས་ཐམས་ཅད་ཀྱང་།།གཏི་མིག་བཅོམ་པས་བཅོམ་པར་འགྱུར།།རྟེན་ཅིང་འབྲེལ་བར་འབྱུང་བ་ནི།།མཐོང་ན་གཏི་མིག་འབྱུང་མི་འགྱུར།།ཞེས་པ་ལྟར་རང་དབང་བའམ་ཚུགས་ཐུབ་ཏུ་གྲུབ་པ་གང་ཡང་མེད་པར་ཕན་ཚུན་རྟེན་ནས་གྲུབ་པའི་ཆོས་ཉིད་ལ་དཔྱོད་པ་ནི་ལེགས་ཚོགས་ཐམས་ཅད་ཀྱི་སྒོའོ།།

5. ཁ་བརྡ་དྲ་བ་ཚང་ལགས། གཟིགས་དང་ཨ་མདོ་བ་ཚངས་དབྱངས་ཟེར་བ་འདི་ཁ་བརྡ་དྲ་བའི་དྲ་བདག་ཅིག་གིས་སྐྱེ་བོ་སྒེར་མི་དང་ཆོལ་ཁ་ཆོས་ལུགས་ལ་ངན་སྨད་བྱས་པ་འདི་བསུབས་དགོས། མ་བསུབ་ཚེ། ཁ་བརྡ་རང་གི་འགྲིག་ཁྲིམས་ལས། ཀློག་མཁན་ཚོས་ང་ཚོའི་རྩོམ་རིགས་ལ་དཔྱད་ཞིབ་དང་མཆན་འབྲི་བ། ཐ་ན་དགག་ལན་ཡང་གནང་རྒྱུ་ལ་ང་ཚོས་དགའ་བསུ་ཞུ་བ་ཡིན། ཡིན་ན་ཡང་། སྐྱེ་བོ་སྒེར་པ་ལ་དམོད་ཚིག་དང་འཐབ་འཛིང་བྱེད་པ། དེ་མིན་གྱི་མི་རིགས་པའི་གནས་ཚུལ་འཁོད་པའི་མཆན་རྣམས་ལ་ནི་འདི་ནས་དགའ་བསུ་མི་ཞུ་ལ། ཐ་ན་མཆན་དེ་ཚོ་འགོག་རྒྱུའི་ལམ་ཁ་ཡང་བསྟེན་སྲིད། ཡང་སྐྱེ་བོ་གཞན་གྱི་མིང་དང་གློག་འཕྲིན་ཁ་བྱང་སྤྱད་ནས་མཆན་བྲིས་ཚེ་འགོད་རྒྱུ་མིན། ང་ཚོའི་མཆན་འབྲི་བའི་ཁྲིམས་འདི་ལ་མི་བརྩི་མཁན་རྣམས་ནི་རྩ་འགོག་བྱེད་རྒྱུའི་ལམ་ཁ་བསྟེན་སྲིད་པ་ཡིན། མཆན་འབྲི་སྐབས་གཅིག་གྱུར་གསང་རྟགས་ཅན་གྱི་བོད་ཡིག་གི་ཡིག་གཟུགས་བཀོལ་རོགས། ཁྱེད་ཀྱིས་མིང་དང་གློག་འཕྲིན་ཁ་བྱང་རང་འཇགས་སུ་སྤྱད་ཚེ། ཁྱེད་ཀྱི་མཆན་བུ་ཐོག་མ་ལ་དག་མཆན་ཐོབ་རྗེས། མཆན་བུ་རྗེས་མ་རྣམས་དག་མཆན་ལ་སྒུག་མི་དགོས་པར་རང་བཞིན་གྱིས་དྲ་དེབ་ཏུ་འཁོད་འགྲོ་བ་བཅས་དགོངས་འཇགས་ཞུ། ཞེས་པ་ལ་ཡང་སྐྱར་དགོངས་པ་བཞེས་རོགས།

6. སློབ་དཔོན་འཇིགས་མེད་བློ་གྲོས་རྒྱལ་མཚན་ལགས། ཉིད་ཀྱིས་བྲིས་པའི་བཟོད་པའི་མན་ངག་ཞེས་པ་འདི་ནི་དེང་དུས་ཀྱི་ཁོར་ཡུག་འདིར་མཁོ་བའི་མན་ངག་ཆིག་ཆོག་ཞིག་ཏུ་སྣང་བས་ཐུགས་རྗེ་ཆེ་ཞུ། བཟོད་པ་དང་ཆོག་ཤས་མེད་པའི་རྐྱེན་གྱིས་ཉེ་ཆར་རྒ་རྡ་ཧྥིས་སོགས་ཀྱིས་མྱང་དང་མྱོང་བཞིན་པའི་སྡུག་བསྔལ་གྱིས་དཔག་ཐུབ་ཀྱང་དེ་ལྟར་རང་ཐོག་ཏུ་སེམས་མཁན་དཀོན།
   ལུང་གི་གཞུ་ལ་རིགས་པའི་མདའ་སྦྱར་བའི། ཐོལ་བྱུང་བཟོད་པའི་མན་ངག་རྩོམ་ཐུང་འདི། རྒྱལ་དང་དེ་སྲས་འཔགས་པའི་གདམས་ངག་གནད། གཅིག་ཏུ་དྲིལ་བའི་སྙིང་པོ་འདི་ཁོ་ན།

7. དུས་ཚོད་འདི་ལས་སློབ་དཔོན་ཆེན་པོས་བཟོད་པའི་ལུང། ་ཞེ་སྡང་གི་སྡུག་རྩུབ་དང་ཉེས་རྨིགས་གསུང་པ་དེ་དངོས་གནས་་ལུང་བསྟན་རེད།

8. ལམ་གྱི་བདེན་པས་ཀུན་འབྱུང་སྤངས་པའི་རྗེས་སུ། སྡུག་བསྔལ་རྒྱུ་དང་བཅས་པ་སྤངས་ཏེ་འགོག་པ་མངོན་དུ་བྱས་པ་ཡིན་ན། འགོག་པའི་སྔ་རོལ་ཏུ་འགོག་པ་མངོན་དུ་བྱས་པ་ཡིན་པས། བདེན་བཞིའི་གོ་རིམ་སྔར་མེད་པ་འདི་འདྲ་ཞིག་ག་ནས་བྱུང་། རིན་པོ་ཆེ་ལགས་ལན་ཞིག་གནང་དང་།
   (ལམ་གྱི་བདེན་པ་ལ་བརྟེན་ ནས་ཀུན་ནས་འབྱུང་པ་སྤངས་པ་ཡིན་ཞིང་། དེ་ལ་བརྟེན་ནས་སྡུག་བསྔལ་བདེན་པ་རྒྱུ་འབྲས་དང་བཅས་པ་ཟད་ནས་འགོག་པའི་བདེན་པ་ མངོན་དུ་གྱུར་པ་ཡིན་ནོ།།)

9. ཁྱོད་ཀྱིས་ཆོས་བཤད་ནས་ཅི་ཞིག་བྱེད་བཞིན་ཡོད་པ་མ་ཤེས་ཀྱང་། བལྟས་ཚོད་དུ་རྒྱ་ནག་གི་སྒྱུ་རྩལ་བ་ཆེན་མོ་ཨན་ཝེ་ཝེ་ལ་ཅུང་ཟད་འདྲ་བོ་འདུག བསོད་ནམས་རེད བསོད་ནམས་རེད

10. ཆོས་དོན་རང་ལ་སྐོར་དགོས་པ་ལས་གཞན་འཇོམ་གྱི་ཐོ་བ་དེ་བས་མིན།
    བཟོད་པ་རང་གི་བཟོད་དགོས་པ་ལས་གཞན་གྱིས་སྒོམ་ཚུལ་མེད།
    རྣམ་ཀུན་ཁ་ནང་དུ་སྐོར་ནས་བཤད་རྒྱུ་གལ་ཆེ་བ་ལས་ཕྱི་ལ་བཤད་པ་དགོས་མེད་དུ་སྣང་།

11. འཕགས་པའི་དགེ་བསྙེན་དྷརྨྰ་ཏ། །རལ་བའི་ཐོད་བཅིངས་གླེགས་བམ་ཁུར། །སྣང་བ་མཐའ་ཡས་མདུན་ན་བཞུགས། །རྔ་ཡབ་བུམ་པ་འཛིན་ཕྱག་འཚལ། །སློབ་དཔོན་སྐུ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། ། ཞེས་མཆོད་བརྗོད་སྔོན་དུ་སོང་ནས་སྤྱི་སྒེར་སུ་ཞིག་ཡིན་ཡང་ཐབས་སྙིང་རྗེ་དང་ཤེས་རབ་བློ་ཡོད་མེད་དང་སྟན་འགྲོ་ལ་ཕན་ཐོག་ཡོད་མེད་ལ་བླ་མ་དང་སྤྲུལ་སྐུ། སྐྱབས་རྗེ་ཞེས་བརྗོད་དགོས་པ་ལས་རྒྱུ་ནོར་དཔུང་ཤུགས། རང་དགར་ཕྱོགས་ཞེན་ལ་བླ་སྤྲུལ་ཡིན་པ་འདོད་པ་བསྟན་བཤིག་ལས་བསྟན་འཛིན་མ་ཡིན་པར་ཤེས་དགོས། མིང་ལ་བསྟན་འཛིན་བརྗོད་ཀྱ་དོན་ལ་བསྟན་བཤིག་དུ་མ་ཡོད་པར་མངོན་གསལ་རེད། མིང་ལ་ཚོང་པ་རྒྱག་པ་ཞེས་ངན་སྨོད་བྱས་ཀྱང་དོན་ལ་བོད་རང་གི་ཆོས་དང་རིག་གཞུང་ལ་ཕན་ཐོག་ག་འདྲ་གནང་ཡོད་མངོན་སུམ་ལ་སུ་ཞིག་སྡང་། ཁ་བརྡ་དྲ་བ་འདི་ཕུལ་བྱུང་གི་འདུ་འཛོམ་དང་གླེང་སྟེགས་ཞིག་ཡིན་ཀྱང་། རང་སྣང་གང་ཤར་རྫུན་དང་གཡོ་སྒྱུ། སྒྲོ་འདོགས་བསྐུར་འདེབས། ཞེན་འཁོན་བརྩོད་སའི་དྲ་བ་ཞིག་མིན་པར་ཤེས་དགོས།

12. ལེའུ་བརྒྱད་པ།
    རྒྱལ་ཞེན་སེངྒེའི་དར་ཆེན་ཕྲག་ཏུ་ཁུར།།ཤི་གསོན་བོད་མིའི་བདེན་དོན་སྙིང་ལ་བཅང༌།།
    http://lightof-wisdom.blogspot.com/2011/03/mike-new-york-new-jersey-pennsylvania.html

13. དེ་བས་སྤྱོད་འཇུག་ལས། གལ་ཏེ་བཅོས་སུ་ཡོད་ན་ནི།། དེ་ལ་མི་དགར་ཅི་ཞིག་ཡོད།། གལ་ཏེ་བཅོས་སུ་མེད་ན་ནི།། མི་དགའ་བྱས་ཀྱང་དེས་ཅི་ཕན།།
    ཚིག་རྐང་མཐའ་མ་འདི་རང་བཟོ་རེད་འདུག བཅའ་ཐུབ་ན་ལྷ་རབ་རེད།

    ལ་དྭགས་པ་རྒད་པོ་དེས་ལབ་ལྡོབ་ཅི་ཡང་འབྱིན།
    སྔོན་གྱི་བཀའ་བསྟན་འགྱུར་ཆ་ཚང་བོད་དབུས་གཙང་གི་སྐད་དུ་ཡོད་ཅེས་འབྲུག་གདན་ས་ཐར་པ་གླིང་གི་གདན་འཛིན་བླ་མ་བསྟན་འཛིན་འོད་ཟེར་མཆོག་ནས་གསུངས་པས། དབུས་གཙང་གི་ཡུལ་སྐད་དེ་ལ་དེ་བཞིན་བསྟུན་དགོས་ཨ་ཡོད།
    གང་ལྟར་སྐད་ཡིག་དེའང་རྟག་བརྟན་ཐེར་ཟུག་རིགས་ཤིག་ནི་མ་རེད།
    ཁྱོད་ཀྱིས་དངོས་པོ་བདེན་པར་མ་གྲུབ་ཏུ་འདོད་ཅིང་སྐད་ཡིག་དང་བསྟན་བཅོས་འདི་རྟག་པ་ཉིད་དུ་འདོད་ཡོད་དམ། ཇི་འདྲའི་རྟག་འཛིན་ཆེ་བ་ལ་དཔེ་རེད

14. དོན་གོ་རྣ་བ་གཏོད་ལ་ཉོན།
    དེ་བས་སྤྱོད་འཇུག་ལས། གལ་ཏེ་བཅོས་སུ་ཡོད་ན་ནི།། དེ་ལ་མི་དགར་ཅི་ཞིག་ཡོད།། གལ་ཏེ་བཅོས་སུ་མེད་ན་ནི།། མི་དགའ་བྱས་ཀྱང་དེས་ཅི་ཕན།།
    ཚིག་རྐང་མཐའ་མ་འདི་རང་བཟོ་རེད་འདུག བཅའ་ཐུབ་ན་ལྷ་རབ་རེད།
    ལ་དྭགས་པ་རྒད་པོ་དེས་ལབ་ལྡོབ་ཅི་ཡང་འབྱིན།
    ཚིག་ཙམ་ལ་མི་འདྲ་བ་བྱུང་ཡང་དོན་ལ་འགལ་མ་མཆིས། བཅའ་ཐུབ་ན་ཞེས་པའི་བཅའ་ཡི་ད་ལྟ་འདས་མ་འོངས་བསྐུལ་ཚིག་བཅས་ཤེས་འདིར་འབྲི་གྲོགས། དྲ་གྲོགས་གཞོན་ནུ་དག་ལ་ཕན་ངེས། མ་ཤེས་ན་གཞུང་དཔེ་དག་ཀློག་དགོས། ལ་དྭགས་པ་རྒད་པོ་ལ་བོད་སྤྱིའི་སྐད་ཀྱི་དག་ཆ་སྲུང་བ་ལ་གཞོན་ནུའི་ཚུལ་འཛིན་པའི་དགོས་པ་ཁྱད་པར་ཅན་ཡོད།། ཡི་གེ་དག་ཆ་ཤེས་ན། འདི་དང་འདི་ལ་འདྲ་ཞེས་བསྟན་དགོས། མ་ཤེས་ན་ཁོ་བོ་བཞིན་ཁ་བཙུམས་ན་ལེགས་སོ། །ལ་དྭགས་པ་རྒད་པོའི་མན་ངག་ཡིན།

15. མདོ་སྡེ་བསྐལ་བཟང་ལས། དེ་བཞིན་གཤེགས་པ་དུས་ཆེན་རྒྱལ་པོ་ནི།།སྙན་ངག་མཁན་ཚེ་བདེ་གཤེགས་རྩ་མཆོག་ལ།།ཚིགས་སུ་བཅད་པ་གཅིག་གིས་བསྟོད་ནས་ཀྱང་།།དང་པོར་བྱང་ཆུབ་མཆོག་ཏུ་སེམས་བསྐྱེད་དོ།།ཞེས་པ་ལྟར་དངོས་པོ་ཆུང་ཆུང་ཞིག་གིས་དོན་ཆེན་འགྲུབ་དགོས་ན་ཐོག་མའི་ཀུན་སློང་དེ་གལ་ཆེན་པོ་རེད། དེའི་ཁྲོད་ནས་འཇིག་རྟེན་གྱི་བྱ་བ་ལ་འགལ་འཛོལ་མི་ཡོང་བའི་ཕྱིར། རྫ་དཔལ་སྤྲུལ་རིན་པོ་ཆེས། སྐད་ཆ་གྲོགས་དང་བསྟུན། གོས་ཡུལ་དང་བསྟུན། སེམས་ཆོས་དང་བསྟུན། ཞེས་པ་དེ་རེད།

16. གཡང་སྐྱིད་ཀྱིས།
    འདི་ནི་བཟོད་པའི་ཉམས་ལེན་མེད་པའི་རྟགས། །
    འདི་ནི་ཁ་བཤད་འབའ་ཞིག་ཡིན་པའི་རྟགས། །
    འདི་ནི་ཁ་བཤད་ལག་ལེན་འགལ་བའི་རྟགས། །
    འདི་ནི་བཤད་ཚད་དོན་གྱིས་སྟོང་པའི་རྟགས། །
    ཞེས་པའི་སྐད་ཆ་འདི་ལས་འཕྲོས་ཏེ་ཅུང་ཟད་བཤད་ན། ཉེ་སྔོན་སློབ་དཔོན་འཇིགས་མེད་ལགས་ཀྱིས་ཁ་བརྡ་ལ་གྱེས་ཕྱག་ཕུལ་བ་དེས་སྣང་ཚུལ་དེ་འདྲ་ཞིག་བསྟན་མོད། ཁ་བཤད་འབའ་ཞིག་ཨེ་ཡིན་བསམ། ཁ་བརྡ་དྲ་བ་འདི་རིག་གཞུང་དང་རྩོམ་ཡིག་འབྲི་སྦྱོང་གི་རྩེད་ར་ཞིག་ཡིན་པ་ལས་དོན་མེད་དུ་མི་ལ་ཀླན་ཀ་འཚོལ་བ་དང་ཟུར་ཟ་བྱེད་ས་ཞིག་མ་རེད། བྱང་ཆུབ་སེམས་དཔའ་ཞིག་ཡིན་པའི་བཏང་ནའང་ཁྲོ་བ་ལོས་ཡོད། འཇིག་རྟེན་ཁ་དཔེར། མི་སྐྱོན་མེད་འཛམ་བུ་གླིང་ན་མེད།།ཤིང་མཛེར་མེད་རྒྱ་རྫོང་ནགས་ན་མེད།།ཅེས་པ་ལྟར་རེད། དོན་མེད་དུ་མི་ལ་བརྙས་སྨོད་བྱེད་ན་མི་སུ་ཞིག་ཡིན་རུང་ཁོང་ཁྲོ་ལངས་གི་རེད། བྱང་ཆུབ་སེམས་དཔའ་ཡིན་མིན་དང་སྤྲུལ་སྐུ་ཡིན་མིན་གཙོ་བོ་མ་རེད། དེ་ནི་བྱང་ཆུབ་སེམས་དཔའ་དང་སྤྲུལ་སྐུ་ནང་ཕན་ཚུན་བར་གྱི་གླེང་གཞི་ཞིག་རེད། ང་ཚོས་དེ་ལ་ཇུས་གཏོགས་བྱེད་དགོས་མེད་ག །བཅོམ་ལྡན་འདས་ཀྱིས། གང་ཟག་ལ་མི་རྟོན་ཆོས་ལ་རྟོན་ཞེས་པ་ལྟར་སེམས་ཅན་ཐམས་ཅད་ཀྱི་རྒྱུད་ན་བྱང་ཆུབ་སེམས་ཀྱི་ས་བོན་ཡོད་པར་གསུངས་ཡོད་པ་རེད། གནས་སྐབས་ཉོན་མོངས་དུག་གསུམ་གྱི་དབང་གིས་འཁོར་བར་འཕྱན་མོད། འཇིག་རྟེན་གྱི་མི་སུ་ཞིག་ཡིན་རུང་རང་གི་ཕ་མ་ལ་བརྩེ་བ་མེད་མཁན་ཞིག་ཡོད་པ་མ་རེད། བྱང་ཆུབ་སེམས་ཀྱི་ས་བོན་ངོ་མ་དེ་འདི་རེད། དེ་ནི་དམིགས་པའི་ཆ་ནས་ཕྱོགས་རེས་བ་ཞིག་ཡིན་མོད་རིམ་གྱིས་དམིགས་པ་ཁ་སྤོས་ནས་ཚེ་འདིའི་ཕ་མས་རང་ལ་དྲིན་ཆེ་བ་ལྟར་སེམས་ཅན་ཐམས་ཅད་ཀྱང་དེ་དང་མཚུངས། རྒྱུ་མཚན་ནི་སྐྱེ་བ་ཐོག་མེད་པ་ནས་ལུས་འདི་མ་བླངས་མ་བྱ་བ་ཞིག་གཅིག་ཀྱང་འཇོག་མི་ཐུབ་ལ་དེ་ཡང་gene་ཞེས་པའི་ཕ་མའི་རིགས་རྫས་ས་བོན་ལ་ངེས་བར་ལྟོས་དགོས་པའི་ཕྱིར་རོ།། རྒྱུ་འབྲས་མན་ངག་བདུན་ལྟར་སེམས་ཅན་ཐམས་ཅད་མར་ཤེས། དྲིན་དྲན། དྲིན་གཟོ། ཡིད་འོང་གི་བྱམས་པ། སྙིང་རྗེ། ལྷག་བསམ། སེམས་བསྐྱེད་སོགས་རྒྱུ་འབྲས་ཀྱི་གོ་རིམ་མ་འཆོལ་བར་འབྱུང་ངེས་རེད། ཐེག་དམན་ལྟར་ན་རྣམ་གསུམ་དག་པའི་ཤ་གནང་ཡོད་ཀྱང་ཐེག་ཆེན་ལྟར་ན་དེ་ཡང་སྤོང་དགོས་པའི་རྒྱུ་མཚན་དེ་ལ་ཐུག །སྙིང་རྗེའི་གོམས་པ་རིམ་གྱིས་འཕེལ་ཏེ་མཐར་སངས་རྒྱས་པ་ན་སེམས་ཅན་ཐམས་ཅད་ལ་ཉེ་རིང་མེད་པའི་སྟོན་པ་ཞིག་ཏུ་འགྱུར་ངེས་རེད། དེས་ན། མཁས་པ་ཡོན་ཏན་དཔག་མེད་ཀྱང་།།གཞན་གྱི་ཡོན་ཏན་ཆུང་ངུའང་ལེན།།ཞེས་པ་ལྟར་བཟོད་པ་དང་སྙིང་རྗེའི་གཏམ་སོགས་སྐྱེ་བོ་སུ་ཞིག་གིས་ཁ་ནས་སྒྲོག་ཀྱང་དེ་ལ་སྟོན་པའི་འདུ་ཤེས་དང་བྱང་ཆུབ་སེམས་དཔའི་འདུ་ཤེས་བསྐྱེད་དགོས་པ་བཅོམ་ལྡན་འདས་ཀྱི་བཀའ་རེད། །

Comments are closed.