གནམ་ལྕགས།
དེ་རིང་ཞོགས་པར་ཉིན་འགའི་སྔོན་བཀླགས་པའི་བདེ་ཆེན་སྒྲོལ་མའི་སྙན་ངག་གསེར་མདོག་གི་གངྒ་ཞེས་པའི་ཁྱད་དུ་འཕགས་པའི་སྙན་ངག་དེ་བསྐྱར་དུ་ཀློག་ཏུ་ཡོང་བ་ཡིན། དེ་རིང་ང་ཆེད་དུ་འདིའི་སྐོར་ལ་བསམ་ཚུལ་ཐུང་ངུ་ཞིག་འབུལ་བའི་ཆེད་དུ་ཡོང་བ་ཡིན། ངས་གོང་གི་སྙན་ངག་ཐུང་ངུ་འདི་ལ་ཕྲན་དཔྱད་མ་བྲིས་གོང་སྤོབས་པ་མཐའ་ཡས་དང་རས་པ་ཟུང་གི་བཀླགས་བྱང་ཡང་ཞིབ་ཚགས་ཀྱིས་བཀླགས་པ་ཡིན། ངས་ཁོང་གཉིས་ཀྱི་བཀླགས་བྱང་གི་རོལ་མྱོང་དེ་དང་བདེ་ཆེན་སྒྲོལ་མའི་གསེར་མདོག་གི་གངྒའི་ཁྱད་ཆོས་གཉིས་བསྡུར་ནས་དཔྱད་པ་ཅུང་ཟད་བྱས་ཡོད། འདི་རང་ཉིད་ཀྱིས་ལོ་ངོ་ཉི་ཤུ་མ་ཟིན་ཙམ་ལ་སྙན་ངག་བཀླགས་པ་དང་བྲིས་པའི་ཉམས་མྱོང་ཞིག་ཀྱང་ཡིན་ཟེར་ཆོག
བཀླགས་བྱང་གཉིས་ཀྱིས་སྙན་ངག་འདི་ལ་ལྟ་སྟངས་དང་གཞན།
སྤོབས་པ་མཐའ་ཡས། ཆུ་མོ་གངྒའི་འབྱུང་ཁུངས་དང་དེའི་ཕུན་སུམ་ཚོགས་པའི་ཁྱད་ཆོས། ད་དུང་དེའི་དྭངས་གཙང་གི་ཁ་དོག དེ་ནས་རིམ་གྱིས་གངྒའི་དར་རྒུད་ཀྱི་རྣམ་པ་དེ་ཆེས་དྭངས་གཙང་གི་ཁམས་ལ་ནག་ནོག་གི་ལྷད་དང་བཅས་ཏེ་མཐར་ཐུག་མི་དང་རང་བྱུང་གི་གཤེད་མར་གྱུར་བའི་བར་དུ་ཚིག་དོན་གསལ་བའི་སྒོས་བརྗོད་ཡོད་པ་དེས་བདེ་ཆེན་སྒྲོལ་མའི་སྙན་ངག་གི་ངོས་གཞན་ཞིག་སྟེ། ཁ་གསལ་བོས་བརྗོད་ན་ལྡོག་ཕྱོགས་ཀྱི་རྣམ་པ་ཞིག་གིས་ཁྱད་དུ་འཕགས་པའི་སྙན་ངག་འདི་ལ་རམས་འདེགས་ཕུན་སུམ་ཚོགས་པ་ཞིག་གནང་ཡོད། ཡང་སྤོབས་པ་མཐའ་ཡས་ལགས་ཀྱིས། ཆུ་མོ་གངྒའི་རླབས་ཆེ་བའི་རང་བྱུང་གི་བྱ་གཞག་ཐམས་ཅད་མཇུག་བསྡུས་ནས་མཐར་རྒྱ་མཚོ་ལ་འདྲེས་པར་གྱུར་བ་དེས་རང་གི་ངོ་བོ་དང་ནུས་པ་སོགས་མིང་གི་ལྷག་མར་གྱུར་ཚུལ་དེ་བོད་མི་རིགས་ཀྱི་རྣམ་པར་སྦྱར་བ་ནི་དངོས་ཡོད་ཀྱི་གཏམ་རྒྱུད་ཅིག་ཏུ་གྱུར་ཡོད་པ་འདིས་ཁྱད་དུ་འཕགས་པའི་སྙན་ངག་འདི་ལ་དེ་དང་མཚུངས་པའི་བཀླགས་བྱང་ཞིག་གིས་བརྒྱན་པར་བྱས་འདུག མདོར་བསྡུས་ཏེ་བཤད་ན། ཁོང་གི་བཀླགས་བྱང་འདིས་མཐར་ཐུག་གི་སྨོན་འདུན་ཉག་ཅིག་བཏོན་པ་ནི་ཆུ་མོ་གངྒ་ལ་བསྐྱར་དུ་ཆེས་དྭངས་གཙང་གི་རང་བཞིན་དེ་འབྱུང་ཐུབ་མིན་གྱི་དྲི་བ་དེ་དང་དེ་ཡི་ཤུགས་ན་རང་ཉིད་དང་རང་ཉིད་ཀྱིས་རིགས་རྒྱུད་ལ་ལྷད་མེད་པའི་སེམས་ཁྲལ་ཞིག་གནང་གིན་པ་དེ་རེད།
རས་པ། སྙན་ངག་འདིས་དེང་གི་དུས་ན་ཁོར་ཡུག་སྲུང་སྐྱོབས་ཞེས་པའི་གནད་དོན་དེ་གླེང་གི་ཡོད་ནའང་འདྲ། རྩོམ་པ་པོས་མིའི་རིགས་ཀྱིས་ཆུ་མོ་འདི་ལ་བརྩི་མཐོང་དང་གཞལ་མེད་ཀྱི་རིན་ཐང་ཞིག་འཇོག་པའི་ལོ་རྒྱུས་ཤིག་བརྗོད་ཀྱི་ཡོད་ནའང་འདྲ། གང་ལྟར་གངྒའི་འགྲམ་གྱི་བཀོད་པ་ཞིབ་འབྲི་བྱས་པ་ལེགས་པའི་བསམ་ཚུལ་བཏོན་ཡོད་ལ། ཡང་མུ་མཐུད་དུ་བརྗོད་དོན། སྙན་ངག་འདིས་ཆུ་མོ་འདི་ལ་ཕྱིར་རྟོག་དང་རྗེས་དཔག་གིས་རིན་ཐང་གཞལ་བར་བརྩོན་འདུག་ཅེས་པ་དེ་རེད། དེ་ལྟར་ན་གོང་གི་སྤོབས་པ་མཐའ་ཡས་དང་རས་པ་གཉིས་ཀྱི་བཀླགས་བྱང་གི་ངོས་ནས་སྙན་ངག་འདི་དང་འདིའི་ཁྱད་ཆོས་ཅི་ཞིག་མཐོང་གི་འདུག་ཅེ་ན། སྙན་ངག་འདིའི་བརྗོད་བྱར་བདམས་པའི་ཆུ་མོ་གངྒ་ནི་མིའི་རིགས་ཀྱི་རིན་ཐང་ལྡན་པའི་ནོར་བུ་ཞིག་ཏུ་གྱུར་ཡོད་ནའང་དེའི་རིན་ཐང་ད་དུང་མངོན་འགྱུར་མ་ཐུབ་པ་ལྟ་བུའི་རྣམ་པ་ཞིག་མངོན་འདུག བདག་ལ་འདིའི་ཐད་དུ་ཁྱད་མཚར་བའི་སྣང་ཚུལ་གཞན་ཞིག་ཡོད་དེ། སྙན་ངག་འདི་ཆུ་མོ་གངྒའི་ཁྱད་ཆོས་ཤིག་དང་སྦྱར་ནས་བྲིས་འདུག་པ་དང༌། རྩོམ་པ་པོ་ཁོས་ཆུ་མོ་གངྒའི་འབྱུང་ཁུངས་འཚོལ་བ་མ་ཡིན་པར་ཆུ་མོ་གངྒའི་གདོང་ཐད་ཀྱི་ཁ་དོག་དང་(དེ་ནི་དུས་ཚོད་ཅིག་མཚོན་པ་ཡིན། )དེ་ལས་བྱུང་བའི་ཚོར་བ་ཞིག་ཡི་གེར་ཕབ་པ་དེ་རེད་ལ། དེ་དང་བསྡོངས་ནས་བདག་གི་སེམས་པའང་བཞུར་སོང་ན་སྙམ་པའི་སྒྱུ་འཕྲུལ་གྱི་རྣམ་པ་ཞིག་རྟོག་བཟོ་བྱས་པ་དེ་རེད། ད་དུང་ཡང་དེའི་ཐུན་མོང་མ་ཡིན་པའི་ཁྱད་ཆོས་གཞན་ཞིག་ནི་ཕར་ཕར་འགྲོ་བ་དང་ཚུར་ཚུར་འོང་བའི་ཤིང་གྲུ་ཆུང་ཆུང་འགའ་མཐོང་སྣང་དུ་བཀོད་པ་དེ་ཡིན་ལ། རང་རེའི་སྙན་ངག་གི་མཛེས་དཔྱོད་སེམས་ཁམས་སུ་ཡར་ཀླུང་གཙང་བོ་དང་དེ་སྒྲོལ་བྱེད་ཀྱི་ཀོ་གྲུ་མ་གཏོགས་སྙན་ངག་འདིའི་ཁྲོད་ཀྱི་ཤིང་གྲུ་དེ་ཡོང་མི་ཐུབ་པ་ཡིན། འདིས་ནི་དུས་ཚོད་ཅིག་དང་གནས་སྐབས་ཤིག་མཚོན་གྱི་ཡོད་པར་མཐོང་ཞིང༌། མཐར་ཐུག་གི་རེ་སྒུག་ཅིག་ཀྱང་མངོན་པར་མཚོན་ཡོད་པ་འདྲ།
སྒྱུ་འཕྲུལ་གྱི་སེམས་པ་ཞིག་གངྒར་འཐིམ་པ།
སྙན་ངག་འདིའི་ཁ་བྱང་དང་དེའི་རྩ་བའི་སྤྱི་ཁོག་བསྒྲིགས་སྟངས་ཚང་མའི་ཐད་ལ་ཐུན་མོང་མ་ཡིན་པའི་ཁྱད་ཆོས་ཕུན་སུམ་ཚོགས་པ་ཞིག་མངོན་ཡོད་པར་མཐོང་ཞིང༌། རང་རེའི་སྤྱི་ཚོགས་ཁྲོད་ཚིགས་སུ་བཅད་ཚད་སྲོལ་རྒྱུན་སྙན་ངག་དང་ཚིག་གྲུབ་ཅིག་བཟོས་ཚད་རང་མོས་སྙན་ངག་ཏུ་རློམ་པའི་དཔུང་ཁག་དང་གཏན་ནས་མི་འདྲ་བར། དུས་ཚོད་ཅིག་བདམས་ནས་གངྒའི་སྣང་ཚུལ་བྲིས་པ་དང་དེའི་ཁྱད་ཆོས་ཀྱིས་རང་གི་སེམས་ཁམས་ལ་ལྷད་མེད་པའི་སྒྱུ་རྩལ་གྱི་གཟུགས་རིས་དངོས་ཤིག་བསྐྲུན་ཅི་ཐུབ་བྱས་ཡོད། རྣམ་པ་དེས་ད་གཟོད་བཙན་བྱོལ་ཁྲོད་ཀྱི་སྙན་ངག་ལ་གོམས་འདྲིས་མེད་པའི་རྩོམ་པ་པོ་རྫུན་མ་དག་ལ་འགྲམ་ལྕག་ཅིག་གཞུས་པར་མཐོང༌། ད་དུང་རྩོམ་པ་པོ་ཁོང་གི་སེམས་ཁམས་དེ་གསེར་མདོག་ལྡན་པའི་ཆུ་མོ་གངྒའི་གཞུང་དང་འདྲེས་པར་བྱས་ཏེ་ཆེས་ཐག་རིང་ངམ་གང་ཞིག་ཏུ་བཞུར་སོང་ན་སྙམ་པའི་སྣང་ཚུལ་བཞེངས་འདུག་ལ། འདི་དང་འདི་ལྟ་བུའི་ཚིག་གི་སྒྱུ་རྩལ་རེ་རེ་བཀླགས་ཚེ། ཀློག་པ་པོ་རང་ཉིད་ཀྱི་སེམས་ཁམས་ལའང་རང་བཞིན་གྱིས་སྐྱོ་བ་ཞིག་སྟེར་བར་བྱེད། འདི་ནི་བདག་ལ་མཚོན་ན་བཙན་བྱོལ་ཁྲོད་ཀྱི་ཆེས་ཁྱད་དུ་འཕགས་པའི་སྙན་ངག་བཀླགས་པའི་གྲས་ཀྱི་གཅིག་ཡིན།
སྙན་ངག་འདིའི་མགོ་བསླངས་པ་ནས་མཇུག་བསྡུས་པའི་བར་དུ་ཆེས་ཕུན་སུམ་ཚོགས་པའི་ཚད་ཐིག་ཅིག་གི་སྒང་ནས་བྲིས་འདུག་ལ། འདིའི་བརྗོད་བྱ་དང་རྗོད་བྱེད་གཉིས་ནི་ཆུ་དང་འོ་མ་བཞིན་འདྲེས་པ་སོགས་ཀྱིས་སྙན་ངག་པ་ཁོང་གི་བསམ་བློའི་སྨིན་ཚད་ཅིག་ཀྱང་ང་ཚོས་གཞལ་ཐུབ་པ་ཡིན། གོང་དུ་སྤོབས་པ་མཐའ་ཡས་ལགས་དང་རས་པ་ལགས་གཉིས་ཀྱིས་སྙན་ངག་འདི་ལ་དངོས་ཡོད་ཀྱི་འཚོ་བ་ཞིག་གིས་བཀླགས་འདུག་པ་དང༌། བདག་གིས་སྙན་ངག་ཐུང་ངུ་འདི་བསྡུས་བརྗོད་ཅིག་དང་ཡང་ན་སྒྱུ་འཕྲུལ་ཞིག་གི་ངོས་ནས་བཀླགས་པ་ཡིན། དེ་ནི་ང་ཚོའི་མི་གསུམ་གྱི་ལྟ་སྟངས་མི་འདྲ་ས་གཅིག་བུ་དེ་རེད།
འདི་ནི་བཙན་བྱོལ་སྙན་ངག་གི་བསྒྲགས་གཏམ་ཞིག་གོ།
ངས་འདི་ལྟར་བཤད་པ་ལ་སྤོབས་པ་རྒྱས་བྱུང༌། ངས་འདི་ལྟར་མཐོང་བ་ལའང་སྤོབས་པ་རྒྱས་བྱུང༌། འདི་ནི་ཡུན་རིང་སྒུག་པའི་རྗེས་ཀྱི་སྙན་ངག་གི་བསྒྲགས་གཏམ་ཞིག་སྟེ། ལོ་ངོ་ཉི་ཤུའི་རྩོམ་རིག་གི་ཞིང་སར་འཁྲུངས་པའི་གསེར་མདོག་གི་མེ་ཏོག་ཅིག་རེད། སྙན་ངག་འདིས་ད་གཟོད་རང་རེའི་སྙན་ངག་གསར་རྩོམ་གྱི་ཉེན་ཁ་ལྡོག་པར་མཐོང་ལ། སྙན་ངག་གསར་བར་འཁྲུལ་བའི་རྨི་ལམ་ཞིག་ཀྱང་མཇུག་རྗོགས་པར་བྱས་ཡོད། གལ་སྲིད་ཀློག་མཁན་ཁྱོད་མི་རློམ་ན། ཁྱོད་ཀྱིས་གསེར་མདོག་གི་གངྒ་དང་དེའི་དངོས་ཤུགས་བརྒྱུད་གསུམ་གྱི་ཚོར་བ་རེ་རེ། ད་དུང་དེའི་ཁྱད་དུ་འཕགས་པའི་སྒྱུ་རྩལ་གྱི་བྲོ་བ་སོགས་མྱངས་རྗེས་ལམ་ལ་ཞུགས་པར་མཛོད་དང༌། རང་གི་རྐང་འོག་གི་ལམ་བུ་དེར་ཀྱག་ཀྱོག་དང་འབའ་འབུར་ཅི་ཙམ་ཡོད་པ་དེས་གསལ་བཤད་ཐིང་བོ་ཞིག་གནང་ཡོང༌། དེའི་སྟབས་ཀྱིས་ངས་སྙན་ངག་ཐུང་ངུ་འདི་ནི་བཙན་བྱོལ་ཁྲོད་ཀྱི་དེང་རབས་སྙན་ངག་གི་བསྒྲགས་གཏམ་ཞིག་ཏུ་ངོས་འཛིན་བྱས་པ་ཡིན། འདིས་ནི་ཁྱོད་ལ་མཁོ་བའི་ཆབ་སྲིད་ཀྱི་མདུང་མོ་དེ་དོར་ཟིན་པ་དང༌། ཡང་ན་ཆོས་ལུགས་ཀྱི་འདུ་ཤེས་དེ་ཡང་བོར་ཡོད། གལ་སྲིད་ཀློག་མཁན་ཁྱོད་ཀྱིས་བརྗོད་དུ་མེད་པའི་ཆབ་སྲིད་དང་ཆོས་ལུགས་ཀྱི་གདོང་འབག་ཅིག་གོན་ཡོད་ན། སྙན་ངག་འདི་ནི་ཁྱོད་ལ་ཅིས་ཀྱང་མི་མཁོ་བའི་གད་སྙིགས་ཀྱི་དོང་ལ་སྐྱུར་བས་ཆོག
གང་ལྟར་དེང་རབས་རྩོམ་རིག་གི་བསྒྲགས་གཏམ་ཞིག་འདི་ལྟར་སྤོབས་པ་དང་སྙིང་སྟོབས་ཀྱིས་བསྒྲགས་བྱུང༌། དེ་ནི་གསེར་མདོག་གི་གངྒ་སྟེ་སྒྱུ་རྩལ་གྱི་དབྱངས་ཡིག་གོ།
ཨེ་མ་ཧོ།
གངས་ཅན་བོད་པའི་ལྷ་རྒྱལ་ལོ། །
ན་མོ་གུ་རུ་བུདྡྷ་ཛྙྰ་ན་ཡེ། །
རྒྱལ་བས་ལུང་བསྟན་རྒྱལ་བས་རྗེས་སུ་བཟུང་། །
རྒྱལ་བསྟན་ཀུན་ཚང་བོད་ཡུལ་དམ་ཆོས་གླིང་། །
རྒྱལ་ཀུན་ཐུགས་ཀྱི་བསྟན་པ་དར་བའི་ཞིང་། །
རྒྱལ་སྲས་འཕགས་པའི་གདན་ས་ཨེ་མ་ཧོ། །
དབུས་གཙང་སྐུ་རྟེན་བསྟན་འཛིན་བཀྲ་ལམ་མེ། །
ཨ་མདོར་གསུང་བསྟན་དམ་ཆོས་སྙན་ལྷང་ངེ་། །
ཁམས་པར་ཐུགས་བསྟན་ཉམས་རྟོགས་བདེ་གསལ་ལེ། །
ཆོལ་གསུམ་ཆོས་ཀྱི་གདན་ས་ཨེ་མ་ཧོ། །
ཡབ་མེས་ཡང་མྱེ་འཇའ་ལུས་འཕོ་བ་གཤེགས། །
ཕ་མེས་བུ་ཚར་བྱང་ཆུབ་སེམས་ཀྱིས་ཕྱུག །
དྲང་བདེན་སྒྱུ་མའི་ལུས་ལ་སྙིང་པོར་ལེན། །
འདི་ཕྱིའི་དོན་སྒྲུབ་དལ་འབྱོར་ཨེ་མ་ཧོ། །
ཕ་མར་བྱམས་བརྩེ་ཆེན་པོས་གཅེས་པར་སྐྱོང་། །
ཉམ་ཐག་འགྲོ་བར་ཕན་བདེས་ཐབས་ལམ་འབད། །
རང་ལས་གཞན་དོན་སེམས་པའི་གངས་ཅན་པ། །
ལྷག་བསམ་དཀར་པོའི་བོད་རིགས་ཨེ་མ་ཧོ། །
ན་ཆུང་བུ་མོ་མཛེས་མཛངས་ལྷ་ལས་ལྷག །
བུ་ཆུང་རིག་པའི་རྣམ་དཔྱོད་མཁའ་ལས་ཡངས། །
བཙུན་ཆུང་གཟུངས་སྤོབས་བློ་གྲོས་མཚུངས་ཟླ་བྲལ། །
བོད་རིགས་སྤུན་ཟླའི་དམ་ཚིག་ཨེ་མ་ཧོ། །
གངས་ཅན་མཁས་པ་འཛམ་གླིང་མཛེས་པའི་རྒྱན། །
གངས་ཅན་བཙུན་པ་ལྷར་བཅས་འགྲོ་བའི་སྐྱབས། །
གངས་ཅན་གྲུབ་ཆེན་མ་ལུས་་ཕན་བདེའི་གཞི། །
ཞི་བདེའི་གདན་ས་དམ་པ་ཨེ་མ་ཧོ། །
ཕྱི་རོལ་གངས་དཀར་རི་བོའི་ཕྲེང་བས་བསྐོར། །
ནང་ལྟར་ལྷག་བསམ་ཟླ་བའི་བདུད་རྩི་འཇོ། །
གསང་ཆེན་བླ་མེད་རྣལ་འབྱོར་གངས་ཅན་པ། །
རྨད་བྱུང་བསམ་བཟང་གདན་ས་ཨེ་མ་ཧོ། །
བོན་གཤེན་བདེན་པའི་ལོ་རྒྱུས་ཁྲི་ལོར་གནས། །
ནང་ཆོས་འདྲེན་པའི་ཡོན་ཏན་བརྗོད་ལས་འདས། །
མི་ཆོས་གཙང་མས་གང་བའི་གངས་ཅན་ལྗོངས། །
ཡ་རབས་གདན་ས་ཕུལ་བྱུང་ཨེ་མ་ཧོ། །
མཁས་གྲུབ་རིག་འཛིན་བྱེ་བའི་འབྱུང་གནས་ཆེ། །
སྒྲུབ་བརྒྱུད་ཤིང་རྟའི་བཤད་སྒྲུབ་སྤེལ་བའི་གནས། །
གོ་ལའི་སྲོག་གི་སྙིང་པོ་གངས་ཅན་ལྗོངས། །
སྣོད་བཅུད་དག་པའི་གདན་ས་ཨེ་མ་ཧོ། །
བླ་མ་དམ་པ་སྤྱན་རས་གཟིགས་ཀྱིས་མཛད། །
སློབ་མ་རྣམ་དག་སོར་བྱང་སྔགས་སྡོམ་ཅན། །
ཆོས་སྲིད་ཡང་དག་བདེན་གཉིས་ལམ་བཟང་འབད། །
རྗེ་འབངས་དགའ་བའི་གདན་ས་ཨེ་མ་ཧོ། །
ཟས་མཆོག་རྒྱལ་པོ་སྦྲང་དཀར་རྩམ་པ་རོལ། །
གོས་བཟང་རས་ཕྲུག་ཐེར་མའི་ལྭ་བ་གྱོན། །
རྒྱན་མཆོག་དྲང་བདེན་ངོ་ཚ་ཁྲེལ་ཡོད་མཁན། །
གངས་ཅན་བོད་ཀྱི་ལ་རྒྱ་ཨེ་མ་ཧོ། །
ཞིང་པས་འབྲུ་རིགས་སྣ་ཚོགས་འབྲས་བུ་འཛིན། །
འབྲོག་པས་དཀར་གསུམ་བདུད་རྩིའི་ཞིམ་མངར་སྐྱོང་། །
གྲོང་པས་བདེན་པའི་ཚོང་ལས་དཔལ་འབྱོར་སྤེལ། །
གངས་ཅན་བོད་པའི་བསོད་ནམས་ཨེ་མ་ཧོ། །
དགོན་པའི་གདན་ས་གྲྭ་བཙུན་དམ་པས་གང་། །
དབེན་པའི་རི་ཁྲོད་བྱ་གཏོང་བླ་མས་གང། །
ཞིང་འབྲོག་གྲོང་པར་འཕགས་པའི་དགེ་འདུན་གང་། །
ཡང་དག་དགེ་བསྙེན་བོད་རིགས་ཨེ་མ་ཧོ། །
སོ་ཐར་ངེས་འབྱུང་རྣལ་མས་ཉོན་མོངས་བཅོམ། །
བྱང་སེམས་སྙིང་རྗེ་ཆེན་པོས་གཞན་དོན་མཛད། །
གསང་ཆེན་བསྟན་པའི་བཀའ་བབས་གངས་ཅན་པའི། །
བསླབ་གསུམ་བརྩོན་པའི་གོ་ཆ་ཨེ་མ་ཧོ། །
མུ་སྟེགས་ལྟ་བ་སྙིགས་མའི་དྲི་མ་གོས། །
རང་དོན་སྒོམ་པ་ཞེན་པའི་སླད་མ་ཞུགས། །
སྤྱོད་པ་ངོ་ཚ་ཁྲེལ་མེད་གཞི་མི་སྲིད། །
ཟབ་རྒྱས་འབྲས་བུ་ཐོབ་པར་ཨེ་མ་ཧོ། །
ཆོས་སྐུའི་དགོངས་པ་གཏད་སའི་གཞི་མ་མཆོག །
ལོངས་སྐུའི་ཞིང་མཆོག་སྦྱོང་བའི་ལམ་བཟང་མཆོག །
སྤྲུལ་སྐུ་སྨིན་གྲོལ་ཕྲིན་ལས་སྤེལ་གནས་མཆོག །
མཆོག་གསུམ་དམ་པའི་གདན་ས་ཨེ་མ་ཧོ། །
དད་གུས་བཅོས་མིན་འཁྲུངས་བའི་གངས་ཅན་བོད། །
ཐོས་བསམ་སྒོམ་པར་བརྩོན་པའི་གངས་ཅན་བོད། །
སྟོང་ཉིད་སྙིང་རྗེ་ལྡན་པའི་གངས་ཅན་བོད། །
ཐབས་ཤེས་ཀུན་ལྡན་བོད་རིགས་ཨེ་མ་ཧོ། །
དགྲ་ལ་སྙིང་རྗེ་སྒོམ་པའི་གངས་ཅན་བོད། །
གཉེན་ལ་བྱམས་བརྩེ་གནང་བའི་གངས་ཅན་བོད། །
བདག་ལས་གཞན་གཅེས་མཛད་པའི་གངས་ཅན་བོད། །
མི་རིགས་ཀུན་ལས་ཁྱད་འཕགས་ཨེ་མ་ཧོ། །
མི་རིགས་གཞན་ལས་ཁྱད་འཕགས་འཛུམ་མུལ་ལེ །
ཡང་དག་ཆོས་ལ་བརྩོན་དུས་ལྷོད་ཆགས་སེ། །
བཟང་ངན་སྐྱིད་སྡུག་ཐེག་པས་དགའ་ལྷང་ངེ་། །
འཛམ་གླིང་ཡ་རབས་དཔའ་བོ་ཨེ་མ་ཧོ། །
སྤྲེལ་སྲིན་རྒྱུད་པའི་མི་རིགས་གངས་ཅན་བོད། །
བྱང་སེམས་སྐྱེ་རྒྱུད་མ་ཆད་ཁ་བ་ཅན། །
རྗེ་འབངས་དམ་ཚིག་མ་རལ་རྡོ་རྗེའི་ལུགས། །
བཅུ་ཕྲག་རིག་པའི་དབང་ཕྱུག་ཨེ་མ་ཧོ། །
ལྟས་ངན་གཡང་དུ་མཐོང་བའི་གངས་ཅན་བོད། །
རྐྱེན་ངན་གྲོགས་སུ་སྒོམ་པའི་གངས་ཅན་བོད། །
རྟེན་འབྲེལ་རྒྱུ་འབྲས་འདོད་པའི་གངས་ཅན་བོད། །
བསླུ་མེད་གཏན་གྱི་བདེ་བ་ཨེ་མ་ཧོ། །
སྒོ་གསུམ་ལོངས་སྤྱོད་ཚོགས་འཁོར་རྒྱན་ཏུ་རོལ། །
ཐེག་ཆེན་སྒྲ་དབྱངས་འཇིག་རྟེན་དཔལ་དུ་སྒྲོག །
དཔའ་བོ་དཔའ་མོས་ཆོས་ཀྱི་བསླབ་བྱར་བརྩོན།།
སྣང་སྲིད་ཕན་བདེའི་ལ་རྒྱ་ཨེ་མ་ཧོ། །
ཞེས་པའང་༢༠༠༩ ༡༡ ༤་ཉིན་དྲ་གྲོགས་ཞིག་གི་བཤད་པ་མཐོང་བ་ལ་བརྟེན་ནས་ཅི་དྲན་དུ་རྟེན་འབྲེལ་ཉེས་སེལ་གྱི་ཚུལ་དུ་ཤྲྰི་སྨྱོན་པས་ཐོལ་བྱུང་དུ་སྤེལ་བས་གངས་ལྗོངས་སྐྱིད་པའི་ཉི་མ་རྟག་ཏུ་འཆར་བའི་རྒྱུ་རུ་གྱུར་ཅིག ཤྲྰི་སརྦ་བི་ཛ་ཡནྟུ།། །།
ཤིན་ཏུ་ལེགས། ང་ཚོ་དགོས་པའང་དེ་ཡིན་ལ། ང་ཚོས་འབད་དགོས་པའང་དེ་ཡིན། ཁྱེད་རྣམས་ལ་ཐུགས་རྗེ་ཆེ་ཞུ་བཞིན་ཡོད།
རྩོམ་པ་པོ་གནམ་ལྕགས་ཀྱི་བཤད་ཡམ་ནི། རང་གི་མགོ་བོར་མགོ་ལས་རྨ་ཆེ་བ་བཟོ་ཡེ་གནམ་ལྕགས་རང་རེད་འདུག མཆན་བུ་བ་དཔལ་དགྱེས་པ་རྡོ་རྗེའི་རང་བཞིན་བརྒྱན་པའི་ཚིག་རྒྱན་ནི་རྨད་དུ་བྱུང་བ་ཞིག་རེད།
ཀརྨ་རྡོ་རྗེ་ཡིས་ག་རེ་བཤད་ཀི་ཡོད་མེད་མགོ་ཚེས་མ་སོང་། དོན་དམ་ག་རེ་བཤད་འདོད་ཀྱི་ཡོད་ན་དེ་ལྟར་གསལ་བོ་མི་བཤད་པར་རྐང་མགོའི་ལྷམ་དང་མགོ་ཡི་ཞྭ་མོའི་དཔེ་ལྟར་སོང་འདུག་པས། རྗེས་ཕྱོགས་ག་རེའི་སྐོར་ནས་གླེང་འདོད་ན་དེ་ལྟར་དུ་གསལ་བོར་གསུང་རོགས།
སྙན་ངག་དེ་འདྲ་ཞིག ད་བར་དུ་གོ་ནི་མེད་ར། མཇལ་ནི་ཡང་མེད།
འདི་བ་ཚང་འ། གཅིག་ཐོངས་ང་། བལྟ་ར།།།
བཀླགས་ཟིན།
གནམ་ལྕགས་ལགས། དགོངས་དག གཞིས་བྱེས་དབྱེ་འབྱེད་ཀྱི་ཚིག་དེས་ང་ལ་མི་བདེ་བ་ཞིག་བྱུང་ཙང་་བྲིས་པ་ཡིན། ཐུགས་བདེན། བཟོད་གསོལ་ཞུ།
གནའ་བོའི་གྲོང་ཁྱེར་ཝཱ་ར་ཎཱ་སིའི་རྒྱུད་དུ་ལྷུང་ལྷུང་དུ་རྒྱུ་བའི་ཆུ་མོ་གངྒ་དེ་ནི་ཧིན་དུའི་ཆོས་ལུགས་ལ་དད་པ་བྱེད་མཁན་ཚོས་ཧ་ཅང་རྩ་ཆེར་བརྩི་ཞིང་ཉིན་ལྟར་ཕྱི་དྲོ་ཆུ་ཚོད་བདུན་པ་ཙམ་ནས་གངྒཱཨརྟི་ཞེས་པའི་མར་མེའི་གསོལ་མཆོད་བྱེད་ཀྱི་ཡོད། དེར་རྒྱ་གར་བ་དང་ཕྱི་རྒྱལ་བ་མང་པོ་ལྟད་མོ་བལྟ་བར་ཡོང་མཁན་ཧ་ཅང་མང་པོ་ཡོད།
སྙན་ངག་གི་སྒྲོ་བཏགས་དང༌། སྙན་ངག་མཁན་གྱི་རྣམ་རྟོག་ལ་ཚད་འཛིན་མེད་ཀྱང༌། དངོས་སུ་ཡོད་པ་ནི་གྲུ་པ་དང༌། ལོ་ངོ་ཁྲི་ཁྲག་གི་བར་དུ་མ་ཤི་བར་གནས་པའི་དུར་སའི་མེ། དེའི་གཡས་གཡོན་དུ་ཤིང་དུམ་ཚིག་རོ། ཆུ་ཕ་རིའི་ངོས་སུ་གླང་རོ་དང༌། བ་རོ། ཁྱི་རོ་སོགས་འདྲ་མིན་མཐོང་རྒྱུ་འདུག
ཁོ་བོའི་གྲོགས་པོ་ཞིག་གི་ལག་ཏུ་འདམ་བག་བགོས་ནས་གངྒའི་ནང་ལག་པ་ཆུ་བཤལ་གཏོང་བཞིན་པའི་སྐབས། ཐིག་ལེས་ཁེངས་པའི་འགྱིག་ཤུབས་ཤིག་ནར་གྱི་ལིར་འཁྱེར་ནས་ཡོང་གི་འདུག ཧི་ཧི་ཧི།
ད་དུང་ཞུ་རྒྱུ་ཞིག་ལ་ཆུ་མོ་གངྒའི་ནང་དུ་ཡོད་པའི་ཉ་dolphin ཚང་མ་ལོང་བ་ཡིན་པར་གྲགས།
གང་ལྟར་དད་པ་ཅན་ཚོས་ཆུ་རང་ཉིད་ཀྱིས་ངོམས་པར་བཏུང་ནས། ནང་མིའི་ཆེད་དུ་འགྱིག་དམ་བརྒྱངས་ནས་འཁྱེར་འགྲོ་མཁན་འདུག
རྒྱ་གར་གྱི་སྲིད་དོན་པ་དང་འཛིན་སྐྱོང་པ་ཚོས་ཆུ་མོ་གངྒ་གཙང་བཟོའི་ཆེད་དུ་ལས་གཞི་བཀོད་སྒྲིག་བྱ་ཁུལ་གྱིས་ཧིན་སྒོར་མང་པོ་ལྐོག་ཟས་གཏོང་བཞིན་ཡོད།
གནམ་ལྕགས་གནམ་གིས་ཧྲུང་རྒྱུ་བོ།
ད་བར་བཙན་བྱོལ་བོད་མིའི་སྤྱི་ཚོགས་ནང་། ཚིགས་བཅད་འཆལ་ལ་འཆོལ་ལེ་དང་ཚིག་དུམ་ཐ་ན་ཐན་ནེ། རང་མོས་ཡ་མ་ཟུང་རེ་འབྲི་མཁན་ཡོད་པ་ཤེས།
བདེ་ཆེན་སྒྲོལ་མ་ཟེར་བའི་ཕོ་ལུས་མོ་མགོ་དེས་སྙན་ངག་དེ་མོ་ཉམས་ཅན་ཞིག་བྲིས་ཡོད་་ན། ཉིད་ནས་འདིར་བཀོད་དང་ངས་ཀྱང་སྦི་རག་འཐུང་ཞོར་རོལ་མྱོང་བྱེད་ན་འདོད། ཨ་པ་ལོ་ལོ། ཁྱེད་ག་ཚང་གིས་ཚེགས་ཀ་གཅིག་མ་འཛེམས་རོགས།།