བཀའ་ཁྲི་འོས་བསྡུར།

འཇམ་དབྱངས་རྡོ་རྗེ་ལྕགས་རི་ཤར།
(རྩོམ་འབྲི་བས་རེ་བསྐུལ་ལྟར་དབྱིན་ཡིག་གི་མ་ཡིག་ནས་བོད་འགྱུར་བྱས་པ་ཡིན།)

ང་རང་ནི་ཆབ་སྲིད་པ་ཞིག་མིན་ལ། རྩོམ་པ་པོ་ཞིག་ཀྱང་མིན། ཡིན་ནའང་།
སེམས་འཁུར་ཡོད་མཁན་གྱི་མི་སེར་ཞིག་ཡིན་པས།
དངོས་ཤུགས་རྒྱུད་གསུམ་ནས་བོད་ཀྱི་རྩ་དོན་ཆེད་དུ་འདས་པའི་ལོ་བཞི་བཅུ་ཙམ་ལས་ཀ་བྱས་ཡོད།
དེང་སང་གི་བཀའ་བློན་ཁྲི་པའི་འོས་བསྡུར་གྱི་ཁ་ཕྱོགས་ལ་བསམས་ན།
ཁ་བཙུམས་ནས་སྡོད་མི་ཐུབ་པའི་གནད་འགག་ཅིག་ལ་ཐུག་གི་ཡོད་པ་སོང་ཙང་།
གཤམ་གྱི་བསམ་ཚུལ་འདིས།
ས་ཕྱོགས་གང་ཞིག་ན་མི་སུ་ཞིག་ལ་ཐུགས་ཕན་གསོལ་བའི་རེ་འདུན་དང་བཅས་གསལ་བཤད་དུ་བྲིས་པ་ལགས།

བཀའ་བློན་ཁྲི་པའི་འོས་བསྡུར་གྱི་ལུགས་སྲོལ་འདི་ལོ་གྲངས་བཅུ་ཙམ་ཕྱིན་ཡོད་པའི་ནང་དུ་སྟབས་ལེགས་པ་ཞིག་ལ།
ཟམ་གདོང་རིན་པོ་ཆེ་ལྟ་བུ། བཙན་བྱོལ་གཞུང་གི་འཛིན་སྐྱོང་གི་ལམ་སྲོལ་མང་པོ།
ཚད་གཞི་ཡོད་པའི་ཁྲིམས་སྲོལ་བསྒྲིགས་པ་དང་ཆབས་ཅིག་ཏུ། གནའ་སྲོལ་དང་།
རྟིང་ཟབ་པའི་ལོ་རྒྱུས་ཀྱི་བྱ་གཞག
གནས་ཡུལ་རྒྱལ་ཁབ་སོགས་ཕྱོགས་ཡོངས་ནས་གཟིགས་ཐུབ་མཁན་ཞིག་བྱུང་བ་རེད།
ས་གནས་ས་ཐོག་ལ་ཁྲིམས་ལུགས་དབང་ཚད་མེད་པ་དང་གཞུང་ཞིག་འཛིན་སྐྱོང་བྱེད་པ་ལ་དགོས་ངེས་ཀྱི་ཡན་ལག་སྡེ་ཚན་ཆ་ཚང་ཞིག་མེད་པའི་གནས་སྟངས་འདི་འདྲའི་འོག་ལ།
ལས་འགན་འདི་དེ་བས་ཀྱང་དཀའ་རྙོག་ཆེ་རུ་ཆགས་ཡོད།
༸སྐྱབས་མགོན་རིན་པོ་ཆེ་ལ་མི་དམངས་ཀྱི་དད་པ་དང་།
ལོ་རྒྱུས་ཀྱི་ཐོག་བོད་རང་བཙན་ཡིན་པའི་ཡིད་ཆེས། ལམ་དབུ་མའི་ནུས་པ་ལ་བློ་གཏོད་དང་།
ང་ཚོའི་བོད་དུ་ལུས་པའི་སྤུན་ཟླ་ཚོའི་ནུས་སྟོབས་ལ་གདེང་འཇོག་དང་།
བདེན་པ་ལ་བློ་བཅོས་བ་ལ་སོགས་པའི་མཐུས་ཀྱིས་ངེད་ཚོའི་ལས་འགུལ་འདི་རྡོག་རྩ་གཅིག་ཏུ་བསྒྲིལ་ནས་ཡོད་པ་རེད།
བཀའ་ཁྲི་གསར་པས་ནུས་པ་འདི་དག་ཤུགས་ཆེ་རུ་བཏང་ནས།
མངོན་འདོད་འདི་དག་མདུན་ནས་མདུན་དུ་དྲངས་ནས་རྒྱུད་རིམ་ལྡན་པའི་མཇུག་འབྲས་ཅིག་སྨིན་ཐུབ་པ་དགོས་ཀྱི་ཡོད་པ་རེད།
དེ་འདྲ་སོང་ཙང་། ངེད་ཚོ་ལ་སྲོལ་རྒྱུན་དང་། ཆབ་སྲིད།
འཛིན་སྐྱོང་སོགས་ཀྱི་ཉམས་མྱོང་གི་ན་ཚད་སྨིན་པ་ཞིག་དགོས་ཀྱི་ཡོད་པས།
དངོས་གནས་སྤྱི་ཚོགས་ནང་གི་འབྲེལ་ཡོད་ལས་གནས་ཁག་ལ་ཞུགས་ནས་ཆ་རྐྱེན་འདི་དག་བསགས་ན་མ་གཏོགས།
འཛམ་གླིང་སྟེང་གི་མཐོ་རིམ་སློབ་གྲྭ་ཡག་ཤོས་ནས་ལག་ཁྱེར་གང་ཞིག་གིས་ཆ་རྐྱེན་འདི་དག་བསྐོང་མི་ཐུབ།
།

མཁས་དབང་ཟམ་གདོང་རིན་པོ་ཆེས་གྱེས་ཐོན་གསུང་བཤད་ཁག་གི་ནང་དུ་གསུངས་པའི་ནང་དུ།
ཐོག་མ་ནས་རང་ཉིད་ཀྱིས་མི་འཇོན་པར་ཁས་ལེན་བྱས་ཟིན་ནའང་།
ཁོང་གི་འདོད་མོས་མེད་བཞིན་དུ།
མི་མང་གིས་འོས་འདེམས་བྱས་ནས་ཁོང་གིས་བཀའ་ཁྲིའི་ལས་འགན་འདི་ལེན་དགོས་བྱུང་ཡོད་པ་གསུངས་ཡོད་པ་རེད།
དེ་འདྲ་སོང་ཙང་།
འཐུས་ཤོར་ཡོད་ཚད་ཀྱི་སྐྱོན་དཀྲིས་ས་མི་མང་རང་ལ་བབས་ཀྱི་ཡོད་པ་དང་མ་ཟད་།
ལྷག་པར་དུ་སྤྱི་འཐུས་ནང་དུ་སྲིད་ཇུས་གཏན་འབེབས་བྱེད་མཁན་གྱི་མི་མང་གི་འཐུས་མི་ཚོ་ལ་བབས་ཀྱི་ཡོད།
བཀའ་བློན་ཁྲི་པའི་འོས་བསྡུར་ནང་དུ་མི་རབས་གསར་པ་ཞིག་སླེབས་ཡོང་དུས།
ངེད་ཚོའི་བཀའ་ཁྲི་ལ་འོས་ངེས་ཞིང་འཇོན་ནུས་ལྡན་ལ་དགོངས་ལོ་བགྲེས་པའི་འོས་མི་འགའ་ཤས་སྐབས་འདིའི་བཀའ་ཁྲི་འོས་བསྡུར་ནང་དུ་ཞུགས་ཀྱི་མེད་པ་རེད།
མི་རབས་གསར་པ་ནི། རང་ཉིད་མ་གཏོགས་འཇོན་པོ་མེད་པ།
གཞན་ཐམས་ཅད་བེད་སྤྱོད་མེད་པ་བཤད་ཐུབ་པའི་མི་རབས་ཅིག་རེད། རྗེ་བཙུན་མི་ལས་
“དམའ་ས་བཟུང་ན་མཐོ་ལ་སླེབས།”གསུངས་པ་རེད།
མི་ལ་རས་པ་ནི་དུས་དང་མི་འཚམས་པར་ངེད་ཚོའི་སྤྱི་ཚོགས་འདི་བསམ་བློའི་མདུན་མཆོངས་ཆེན་པོ་ཞིག་བརྒྱབས་ཟིན་པ་མིན་ནམ།
འགའ་ཤས་ཀྱིས་རང་ཉིད་ཀྱི་འོས་གཞི་སྤྱི་འཐུས་གྲོས་ཚོགས་ནང་དུ་བསྒྲགས་པ་དང་།
བཀའ་ཁྲི་དང་སྤྱི་འཐུས་སུ་འོས་གཞིར་ལོངས་འདོད་ཡོད་མཁན་ཁ་ཤས་ཀྱིས་བོད་གཞུང་གི་འགྲོ་སོང་ཐོག་ནས་ཕེབས་པ་དང་གལ་ཆེན་གྱི་ཚོགས་འདུ་ལ་ཞུགས་ཕེབས་སྐབས།
bylakuppe་བོད་རྒྱལ་ཡོངས་ཚོགས་ཆེན་གྱི་ནང་དུ་གསལ་བསྒྲགས་བྱས་ཡོད་པ་རེད།
འགོ་ཁྲིད་དུ་སླེབས་སྲིད་པའི་མི་འདི་དག་
དྲང་ཚུགས་བརྟེན་པོ་གང་འདྲ་སུ་ཡོང་གི་རེད་དམ།

ང་ཚོའི་གྲོགས་པོ་འགའ་ཤས་ཀྱིས་འདི་ནི་ཡར་ཐོན་ཅན་གྱི་མང་གཙོ་ཡིན་པའི་དཔང་རྟགས་རེད་ཟེར།
ཕྱོགས་ཡག་པ་ཞིག་ནས་བལྟས་ན། མཁས་དབང་ཟམ་གདོང་ལྟ་བུ་མིན་པ།
བྱ་སྤྱོད་འདི་དག་གིས་བཀའ་ཁྲི་གསར་པས་བཙན་བྱོལ་གཞུང་གི་སྲིད་ཇུས་ཇི་འདྲ་གཞི་བཟོས་ཡོད་པ་དེའི་ལེགས་ཉེས་ཆ་ཚང་གི་འགན་ལེན་བྱེད་དགོས་པ་ཡོང་གི་རེད།
ཡ་མཚན་པ་ཞིག་ལ། བཀའ་ཁྲི་དེའི་ལོ་དུས་རྫོགས་པའི་སྐབས།
༸སྐྱབས་མགོན་རིན་པོ་ཆེ་དགོངས་ལོ་བརྒྱད་བཅུ་ལ་ཕེབས་ཀྱི་ཡོད་པ་དང་།
བོད་ལུགས་ལྟར་ན་དགོངས་ལོ་བརྒྱད་བཅུ་གྱ་གཅིག་ལ་ཕེབས་ཀྱི་ཡོད་པ་རེད། དེ་འདྲ་སོང་ཙང་།
དྲི་བ་ཆེན་པོ་ཞིག་སླེབས་ཀྱི་ཡོད་པ་ནི། ངེད་ཚོས་བཀའ་ཁྲི་ལ་སྐྱོན་འཛུགས་བྱེད་རེས་དང་།
སྦྱོང་བརྡར་སྤྲོད་རྒྱུའི་དུས་ཚོད་འདང་ངེས་ཤིག་ཡོད་ཀྱི་རེད་དམ།
ངེད་ཚོ་བཙན་བྱོལ་དུ་ཕེབས་ནས་མང་གཙོ་སྦྱོང་བརྡར་བྱེད་པར་ཡོང་བ་རེད་དམ།
ངེད་ཚོར་ས་གནས་ས་ཁུལ་མེད་པར་མང་གཙོ་ཡང་དག་པ་ཞིག་འཛིན་སྐྱོང་བྱེད་ཐུབ་ཀྱི་ཡོད་པ་འཛམ་གླིང་ལ་བསྟན་པ་ཡོང་བ་རེད་དམ།
གནད་དོན་ཡག་པ་ཞིག་ཡོང་བའི་ཆེད་དུ་བོད་ནང་དུ་བཞུགས་པའི་སྤུན་ཟླ་ཚོས་ཉིན་མཚན་མེད་པར་ངེད་ཚོ་ལ་ཁ་ཕྱོགས་ནས་བལྟ་བཞིན་ཡོད་པ་དང་།
། ཁོང་ཚོ་ལ་མཚོན་ན།
༸གོང་ས་མཆོག་གི་ཉིན་མ་རེ་རེའི་སྐུ་ཚེ་ཕེབས་འགྲོ་གི་ཡོད་པ་ནི་བཟོད་དཀའ་བ་ཞིག་རེད།

གྲགས་ཆེ་བའི་དམངས་སྒྲུང་འདི་འདྲ་ཞིག་ཡོད་པ་རེད།
གཡག་གིས་རང་གི་གྲོགས་པོ་མ་ཧེ་ནས་སྤུ་གཡར་ཏེ་བོད་ནས་ཚ་འཁྱེར་ནས་ཕྱིར་སླེབས་ཡོང་བའི་ཁས་ལེན་བྱས་ཀྱང་།
བོད་ནས་གཡག་ཕྱིར་ནམ་ཡང་ཡོང་མེད་པའི་སྒྲུང་ལྟ་བུ།
བོད་ནང་གི་བོད་མི་ཚོས་ངེད་ཚོ་ལ་རེ་བལྟས་བྱེད་ཀྱི་ཡོད་པའི་གནས་སྟངས་འདིའང་སྒྲུང་འདི་ལྟ་བུ་ཞིག་ཆགས་ཉེས་མིན་འདུག་གམ།

ང་རང་སྒེར་གྱི་ངོས་ནས།
མཁས་དབང་ཟམ་གདོང་རིན་པོ་ཆེའི་སྲིད་ཇུས་ཁ་ཤས་ལ་མོས་མཐུན་མེད་ཀྱང་།
འཇམ་དབྱངས་ནོར་བུའི་དཔྱད་རྩོམ་ནང་དུ་བྲིས་པ་ལྟར་ཁོང་ལ་དགེ་རྒན་བྱེད་པའི་ཉམས་མྱོང་མ་གཏོགས་ཡོད་མ་རེད་ཟེར་ན་ཆེས་བཤད་སྟངས་ལས་སླ་དྲགས་པ་རེད།
བླ་ཆེན་གཞན་དག་མང་པོ་དང་མི་འདྲ་བ།
ཁོང་ནང་ཆོས་ཀྱི་ལྟེ་གནས་ཤིག་ཏུ་སྟབས་བདེ་བའི་ཐོག་ནས་མི་ཚེ་བསྐྱེལ་ཆོག་ཀྱང་།
ཁོང་གིས་ལོ་རྒྱུས་ཀྱི་དུས་སྐབས་ཉག་ཕྲ་བའི་སྐབས་སུ་༸གོང་ས་མཆོག་གི་ཕྱག་རོགས་དང་སྤྱི་ཚོགས་ལ་ཞབས་ཞུ་རྒྱུའི་དཀའ་ཚེགས་དང་དུ་བླངས་བ་རེད།

ཁོང་གིས་བོད་པའི་སྤྱི་ཚོགས་ནང་དུ་སློབ་ཁྲིད་བྱས་ནས་གཞོན་སྐྱེས་བརྒྱ་ཕྲག་མང་པོའི་མི་ཚེའི་འགྲོ་ལམ་བཟོས་བ་རེད།
ཁོང་ལ་བསྟོད་བསྔགས་འདི་འོས་པ་ཞིག་རེད། ད་སྐབས་ཁོང་ཐོན་འགྲོ་གི་ཡོད་པ་རེད།
སྔོན་མའི་བཀའ་ཁྲི་ནང་བཞིན་ངེད་ཚོས་ཁོང་སྐྱིད་པོ་མེད་བཞིན་དུ་ཐོན་འགྲོ་བའི་གནས་སྟངས་དེ་ཆགས་འདོད་མེད་པ་རེད།
མཐའ་ན།
རྒྱ་མི་ཡིས་མི་གྲངས་ས་ཡ་མང་པོ་བསད་པའི་འགན་ལེན་ཡོད་པའི་སྔོན་མའི་འགོ་ཁྲིད་མའོ་ཀྲང་ཞི་སོགས་ལ་འཚོ་གནས་ཀྱི་སྐབས་སུ་གུས་བརྩི་བྱས་ཡོད་པ་རེད།

ངེད་བོད་པ་ཚོས་ད་ནི་ཕྱིར་བལྟས་ནས་ངེད་ཚོའི་ལས་འགུལ་ལ་བསྐྱར་ཞིབ་བྱེད་དགོས་པ་རེད།
ངེད་ཚོས་ལས་རྒྱུ་འབྲས་ནི་དད་པའི་གཞི་རྩ་ཞིག་ལ་ངོས་འཛིན་བྱེད་ཀྱི་ཡོད།
ཡིན་ནའང་ངེད་ཚོས་དྲང་པོ་བདེན་པའི་ཐོག་བྱས་ནས་སྤྱི་ཚོགས་ནང་དུ་ཕྱག་ལས་གནང་མཁན་གྱི་བཀའ་ཁྲི་དཔེར་ན།
ཀུན་བདེ་གླིང་། ཕྲ་རིང་། འཇུ་ཆེན་ཐུབ་བསྟན། བསོད་ནམས་སྟོབས་རྒྱས།
བཀྲས་མཐོང་བསྟན་འཛིན་རྣམ་རྒྱལ་སོགས་ཀྱི་ཞབས་འདེགས་ལ་དགའ་མགུ་ཡིད་རངས་ཞུ་ཤེས་ཀྱི་འདུག་གམ།
ད་ནི་ངེད་ཚོས་བྱབ་ཆུང་གི་བསམ་བློ་གཏོང་སྟངས་དེ་གཡུག་ནས་ལས་རྒྱུ་འབྲས་མི་བརྩི་མཁན་རྒྱ་མི་ལས་ཅུང་གྲགས་ཙམ་བྱེད་དགོས་ཀྱི་འདུག
ག
དུས་སྐབས་ཉག་ཕྲ་བའི་སྐབས་སུ་སྤྱི་ཚོགས་ལ་ཞབས་འདེགས་བསྒྲུགས་མཁན་ལ་བརྩི་མཐོང་དང་ཆེ་འཇོག་བྱེད་ཤེས་པ་བྱེད་དགོས་ཀྱི་འདུག
དེ་དག་གི་ནང་དུ་ཤེས་ལྡན་པ་འཇམ་དབྱངས་ནོར་བུ་དང་། ལྷ་བཟང་ཚེ་རིང་ཚུད་ཀྱི་ཡོད་པ་རེད།
རྡ་རམ་ས་ལ་དཀའ་ངལ་ཆེ་བའི་སྐབས་སུ་ཁོང་ཚོའི་གློད་གཏོང་དང་ཞབས་འདེགས་ལ་བརྩི་མེད་དང་སྣང་མེད་ལས་སླ་བོ་བྱེད་ཐུབ་ཀྱི་མ་རེད།

༸གོང་ས་མཆོག་གི་དུས་དང་གནས་སྐབས་དང་འཚམས་པའི་དགོངས་བཞེད་ལ་གཞིགས་ནས་སྐབས་སྔོན་མའི་བཀའ་ཤག་གིས་རྒྱ་ནག་གཞུང་དང་འབྲེལ་བ་བྱེད་ཕྱོགས་ཀྱི་སྲིད་ཇུས་རྒྱུན་འཛིན་བྱས་ནས།
རྒྱ་ནག་གིས་རྩེད་མོ་ནང་བཞིན་རྩེད་ཀྱིན་ཡོད་ནའང་ཉེ་ཆར་(བོད་མི་ཡོངས་ལ་མིང་དོན་མཚུངས་བའི་རང་སྐྱོང་ཐོབ་ཐབས་ཀྱི་བསམ་འཆར)
) རྒྱ་ནག་ལ་སྤྲོད་ནས། རྒྱ་ནག་རྩེད་ཐང་གི་ཟུར་གདོང་དུ་བཀར་ཡོད་པ་རེད།
ད་སྐབས་རྒྱ་ནག་གི་འདེམས་ཀ་ལ། ཡང་ན་རྩེད་མོ་འདི་ཕྱིར་བཤོལ་བྱ་རྒྱུ་དང་།
ཡང་ན་རྩེད་མོ་འདི་གཡུག་ནས་གསར་པ་ཞིག་གཞི་ནས་འགོ་འཛུགས་བྱ་རྒྱུ་དེ་རེད། ངས་བསམ་པར།
ཁོང་ཚོས་རྡ་རམ་ས་ལའི་འགོ་ཁྲིད་ཆ་ཚང་བ་ཞིག་བརྗེས་ནས་སྲིད་ཇུས་ཀྱི་རྒྱུད་རིམ་གཅོད་འདོད་ཡོད་པ་རེད།
ཉེར་ཆར་སྤྱི་འཐུས་ལྷན་ཁང་དུ།
སྤྱི་འཐུས་ཁ་ཤས་ཀྱི་སྤྱོད་ལམ་ལ་བརྟེན་ནས་མི་མང་ཚོས་སྤྱི་འཐུས་ཚོ་ལའང་འགྱུར་བ་གཏོང་དགོས་ཀྱི་ཡོད་པ་ཤེས་ཡོད་པ་རེད།
ངས་འོས་བླུག་མཁན་ཚོས་དེ་ལྟར་བཤད་ཀྱིན་ཡོད་པ་ཐོས་བྱུང་།
ངེད་ཚོས་དྲན་གསོ་དགོས་པ་ཞིག་ལ།
སྤྱི་འཐུས་ལྷན་ཁང་ནང་དུ་སྤྱི་འཐུས་ཡག་པོ་མང་པོ་ཡོད་པ་སོང་ཙང་།
ཚོགས་དུས་དེ་གའི་ནང་དུ་ལྷན་ཚོགས་ཀྱི་རྒྱུད་རིམ་བསྐྱོད་ཐུབ་པ་བྱུང་ཡོད་པ་རེད།
ང་ཚོ་མི་མང་གི་དཀྱིས་ལ།
དེང་སང་ཆབ་སྲིད་དང་མང་གཙོའི་སྐོར་ལ་དོ་སྣང་སླེབས་པ་འདི་ནི་སེམས་ཤུགས་འཕེལ་བའི་དོན་གནད་ཅིག་རེད།
འོས་བསྡུར་གྱི་རྗེས་སུའང་དེ་ལྟར་མུས་མཐུད་ནས་གནས་ཐུབ་པའི་རེ་བ་ཡོད།
སྤྱི་འཐུས་ཡོད་ཚད་ཕྱོགས་གཅིག་ཏུ་སྤུངས་ནས་བེད་མེད་རེད་ཟེར་གྱིན་སྡོད་ན་བྱབ་ཆུང་རེད་ལ།
ཚང་མ་བསྡེབས་གཅིག་ཏུ་བརྗེ་ན་ཉེན་ཁ་ཚ་བོ་རེད།
ད་ནི་སྔོན་འགྲོ་འོས་ཤོག་འཕེན་ཟིན་པ་དང་། དངོས་གཞིའི་འོས་བསྡུར་ཕྱི་ལོ་༢༠༡༡
ཟླ་བ་༣་པའི་ནང་དུ་ཡིན་པས་ཟླ་བ་ལྔ་ཙམ་མ་གཏོགས་མེད་པ་རེད།
དེ་འདྲ་སོང་ཙང་མི་མང་ལ་རང་ཆེ་རང་བསྟོད་ཀྱིས་མི་མང་གི་བློ་ཁ་བསྒྱུར་མཁན་ལ་ཁ་མ་གཡེང་ནས།
འདས་ཟིན་པའི་ཉམས་མྱོང་དང་།
༸གོང་ས་མཆོག་གི་རྗེས་འཇུག་ཁུངས་དག་བདེན་དཔང་ཡོད་མཁན་ཞིག་བཅས་ཉམས་མྱོང་ཡོད་མཁན་ཞིག་ལ་འོས་འཕེན་རྒྱུ་ལ་བསམ་བློ་གཏང་རྒྱུ་གལ་འགངས་ཆེན་པོ་རེད།

ང་ཚོས་མཐོང་གིན་ཡོད་པ་ཞིག་ནི་འབུར་དུ་ཐོན་བཞིན་པའི་མང་གཙོའི་ནང་དུ་དར་སྲོལ་གསར་པ་ཞིག་ཀྱང་ཡོང་གི་ཡོད་པ་རེད།
དེ་ནི་གང་ཡང་ཡོང་སྲིད་པ་ཞིག་དང་།
རྒྱ་གར་གྱི་འོས་བསྡུར་ལྟར་སྒོར་མོའི་ནུས་པའང་མང་གཙོའི་ཆ་ཤས་བསྒྲུབ་ཆེད་དུ་སླེབས་ཡོང་གི་ཡོད་པ་རེད།

རྒྱ་གར་གྱིས་དེ་ལྟར་བྱེད་ཐུབ་ཀྱི་རེད། ཡིན་ནའང་ང་ཚོས་དེ་འདྲ་བྱེད་ལོང་མེད་པ་རེད།
ད་ལྟ་ང་ཚོའི་སྤྱི་འཐུས་ཚོས་དགོངས་པ་རྒྱ་ཆེན་པ་བཞེས་ནས།
བཀའ་བློན་ཁྲི་བའི་འོས་མི་ཡིས་བཙན་བྱོལ་གཞུང་ལ་ཉུང་མཐའ་ཡང་ལོ་ཁ་ཤས་གཞུང་ཞབས་བསྒྲུབ་ཡོད་དགོས་པའི་ཁྲིམས་ཤིག་བཟོ་དགོས་ཀྱི་ཡོད།
མཐའ་ན་རྒྱ་གར་གྱི་སྲིད་བློན་ཡིན་ནའང་ཉུང་མཐའ་ལ་གྲོས་ཚོགས་སུ་ཟླ་བ་དྲུག་སྡོད་ཡོད་དགོས་པ་རེད།
།
ཨ་རིའི་སྲིད་འཛིན་ཚོ་སྲིད་འཛིན་ལ་འདེམས་ཐོན་བྱུང་སྐབས་ཡང་ན་མངའ་སྡེའི་བློན་ཆེན་ཡིན་པ་དང་།
ཡོང་ན་གྲོས་ཚོགས་གོང་མའི་ཚོགས་མི་ཡིན་པ་རེད།
ང་ཚོའི་བརྟེན་ལྷིང་མེད་པའི་སྤྱི་ཚོགས་ནང་དུ་དེང་སང་གི་འགྲོ་ཕྱོགས་ཤིག་ལ།
མི་ཚེ་གང་ཚང་ཞབས་ཞུ་བསྒྲུབ་མཁན་ཚོ་ལ་སེམས་ཤུགས་བཅག་ནས། གློ་བུར་དུ།
མཐོ་སློབ་ནས་གསར་དུ་སློབ་ཐོན་པ་ཞིག་གི་གང་འདོད་ཀྱིས་
“ང་ཚོ་ཡང་བསྐྱར་འགོ་ནས་བྱེད་དོ།”ཞེས་ཁོང་ཚོ་ལ་ལབ་ཀྱི་རེད།
The writer is an editorial consultant to the Radio Free Asia and Co-Chair of
International Tibet support Network (ITSN).