བསམ་གླིང་ཚེ་རིང་ལྷ་མོ།
ཨ་སྔོན་ནམ་མཁའ་ཆུ་འཛིན་དགའ་མ་ལ།།
ཡོངས་སུ་ཆགས་པ་སྐབས་ཤིག་དོར་བར་མཛོད།།
དབེན་པའི་ཡིད་ལ་ཅུང་ཟད་ངལ་གསོའི་བཅུད།།
མཛེས་ལྗོངས་ལོངས་སྤྱོད་སྐལ་བཟང་གནང་བ་སྩོལད།།
སྤྲིན་དཀར་ཚོམས་བུས་མཐའ་བཞིའི་རི་བོ་མྱུལ།།
སྔོ་སངས་ནམ་མཁར་སྤྲིན་དཀར་ཐར་ཐོར་འགྱིང་།།
ཡུན་རིང་ཆར་ཆུས་བཀྲུས་པའི་ལྗོན་པའི་ཚོགས།།
དགའ་བདེས་བསུས་པའི་གཡུ་རལ་ཅི་ཡང་གསིག།
ལྷུན་སྟུག་རྩེ་མོའི་རྦ་རླབས་འཁྲུག་པའི་དབུས།།
བྱང་ཤར་རི་རྒྱུད་ཁ་བའི་དར་དཀར་སྒྲོན།།
ཡིད་འདི་གངས་ལྗོངས་དྲན་པས་མནར་བ་ལ།།
བཞུད་ཁའི་ཉི་འོད་དེས་ཀྱང་གསལ་འདེབས་བྱེད།།
དབེན་པར་གནས་པའི་ཕྱི་དྲོའི་ལོ་ལྗང་ཚོགས།།
རང་མལ་གནས་སུ་གཟིམ་པར་བྲེལ་ན་ཡང།།
གཉིས་སྐྱེས་ཚོགས་རྣམས་ཆང་གིས་བཟི་བ་བཞིན།།
རང་རང་གྲེ་འགྱུར་ཅི་ཡང་ངོམས་ཤིང་མཆིས།།
མཚམས་སྤྲིན་དམར་པོ་ནུབ་མཁའི་ཕང་བར་མཛེས།།
སྤང་ལྗོངས་སྣུམ་པོ་དར་གོས་བཀྲམ་པ་ལྟའི།།
ཆར་རྗེས་ཕྱི་དྲོའི་མཐའ་ཡས་མཛེས་ལྗོངས་ནི།།
ལྟ་བས་མི་ངོམས་སུམ་རྩེན་གཉིས་པ་བཞིན།།
རྒྱང་རིང་མཛེས་ལྗོངས་ངོམས་མེད་ལོངས་སྤྱོད་པའི།།
བདག་གི་ཡིད་ནི་རྐུན་པོས་འཁྱེར་བ་བཞིན།།
ལག་པས་འགྲམ་པ་བཏེགས་ནས་ཅེར་བ་ནི།།
མཛའ་བོའི་གྲིབ་གཟུགས་མངོན་ལ་རེ་དང་མཚུངས།།
རྩྭ་ལྗང་ནེ་ཙོའི་གཤོག་པ་བརྐྱངས་པ་ལ།།
ཟིལ་པ་མུ་ཏིག་དོག་པ་མཚར་དུ་དངར།།
དལ་བུར་འགྲོ་བའི་གོམ་སྟབས་གཡོས་གྱུར་ཀྱང་།།
བརྫི་བར་དོགས་ནས་ཡིད་ལ་ཕངས་སེམས་བྱིན།།
གཡའ་དྭངས་ནམ་མཁའ་ཁྱེད་ཉིད་དལ་བར་མཛོད།།
ཡུན་རིང་སྒྲིབ་པའི་རྒྱང་རིང་ལྷུན་པོའི་བརྗིད།།
ལོངས་སུ་སྤྱོད་པར་སྤྲོ་བའི་འདྲེན་བྱེད་ལའང་།།
སར་པ་གསར་པའི་མཛེས་རྒྱན་སྤྲོ་རིགས་སོ།།
བསིལ་བའི་དྲི་བཞོན་ཅོ་འདྲི་བདག་གི་ཡིད།།
ན་བུན་ཚོགས་ཀྱིས་བཏེགས་ནས་དལ་བུར་འགྱིང།།
དངས་གཙང་མཁའ་དབུགས་གསར་པས་ཡིད་ཁམས་མྱུལ།།
སྙན་འཇེབས་གསང་གཏམ་ཡིད་ངོར་ལྷང་ལྷང་གྲག།
སྐྱེ་བོའི་ཚོགས་རྣམས་གོམ་སྒྲ་རིམ་བཞིན་ཡལ།།
དབེན་འཇགས་རི་ཚོགས་མུན་པའི་ཀློང་དུ་གཟིམ།།
ཕྱི་དྲོའི་འཁྱམ་འགྲོས་དལ་བུར་བསྐྱོད་པས་ཀྱང།།
རང་བྱུང་ཁམས་ཀྱིས་སྤྲོ་སྣང་དཔག་མེད་བྱིན།།
ཡིད་འོང་ཕྱི་རོའི་མཛེས་ལྗོངས་ལ། །
སྔགས་པའི་སྙན་ཚིག་དུང་གི་སྒྲས། །
མི་ཆུང་ཞིག་གི་རྣ་བའི་དབང་། །
ཡོངས་སུ་འཕྲོག་ཐལ་མཛེས་མ་ལགས། །
སྙན་ཚིག་དྲི་ཟའི་པི་ཝང་ལ།།
ཆཌ་པའི་རི་དྭགས་ང་ཡི་སེམས།།
གཟུཌ་ཀྱི་མཛེས་པའི་ཁྱད་པར་ལ།།
ཡུད་ཙམ་རོལ་བའི་འདུན་པ་གཡོ།།
ཨེ་མ་ཧོ།
ཕྱི་དྲོའི་མཛེས་ལྗོངས་ཡངས་པའི་དཀྱིལ་འཁོར་ཆེ། །
ཚེ་སྲོག་ཞི་བསིལ་ཟླ་བའི་བདེ་བ་ཆེ། །
གསང་ཆེན་སེམས་གནས་མཁྱེན་བརྩེ་ནུས་པ་ཆེ། །
ཆེ་ཆོས་ཀུན་རྫོགས་ཏིང་འཛིན་རྟག་རོལ་ཤོག །
ཤྲྰིས་སོ། །
ཨེ་མ་ཧོ། །ནུབ་ཁའི་ཉི་མ་དམར་པོས་ཁྲག་བྱུག་པའི། །གསར་སྐྱེས་མེ་ཏོག་བཞད་པའི་ས་འཛིན་ནི། །ཁེར་རྐྱང་མཛེས་མའི་ཡིད་ཕྲོག་ཆོམ་པོ་དེ། །གཉིས་སྦྱོར་དུས་སྟོན་འབོད་པའི་གཡབ་མོ་ཉིད། །འདུ་འབྲལ་རྦ་རླབས་སྐྱེན་པའི་འཁོར་མཚོ་རུ། །ཀུན་འབྱུང་ལས་ཉོན་ཆུསྲིན་རྩེན་པ་རུ། །དགའ་ཞིང་ཨ་འཐས་ཕུང་པོའི་མཆོད་སྤྱིན་ལ། །བསམ་ཞིང་བྲེད་པ་གནས་བརྟན་རྒན་པོའི་གཤིས། །ཡིད་བརྟན་མི་ཕེར་སྣ་ཚོགས་སྣང་བ་ཀུན། །ཞེན་མེད་རང་གྲོལ་སྒྱུ་མའི་ལྟད་མོ་བཞིན། །ཆོས་ཉིད་རྒྱན་གྱི་འཁོར་ལོར་རྟག་རོལ་པའི། །རྒྱ་གྲོལ་ནམ་མཁའི་རྣལ་འབྱོར་གར་ཡང་བདེ། །ཞེས་རྨི་ལམ་དབང་ཕྱུག་དང་བསམ་གླིང་ལྷ་མོ་ལ་འཚམ་འདྲིའི་ཤིས་ཚིགས་ཏུ་དྲི་མེད་ལྷག་བསམ་གྱིས་སོ། །
རང་བྱུང་ཁམས་འདི་ཁྱོད་ཀྱི་ཡུམ་ཆེན་སྟེ༎
ཁྱོད་ནི་རང་བྱུང་ཁམས་ཀྱི་གཅེས་ཕྲུག་ཉིད༎
མ་པང་བུ་འཇུག་ཕྱི་དྲོའི་ཁམས་བསང་དེ༎
མ་བུ་ལྷན་འཛོམ་དགའ་བའི་དུས་སྟོན་ཡིན༎
མཚམས་སྤྲིན་དམར་པོའི་ཤམ་བུའི་ཐུ་བ་ཡིས༎
ནུབ་ཕྱོགས་ས་འཛིན་ནུ་འབུར་བཀབ་པ་ཡི༎
རང་བྱུང་རི་ཡི་བུ་མོའི་མཛེས་སྡུག་དེས༎
ཉིན་བྱེད་གཞོན་ནུ་དགའ་བའི་མལ་དུ་དྲངས༎
བྱང་ཕྱོགས་གངས་རི་རྒན་པོའི་བཞིན་རས་ལ༎
ཆགས་པའི་དམར་མདངས་ཅི་ཡང་རྒྱས་བཞིན་དུ༎
ནུབ་རི་བུ་མོའི་རུམ་ན་ངལ་གསོ་བའི༎
ཉིན་བྱེད་གཞོན་ནུའི་དཔལ་ལ་ཕྲག་དོག་བྱེད༎
སྨུག་ཞགས་ལང་ལོང་འཁྲིགས་པའི་ཡོལ་བའི་འོག །
རྡེ་ར་རྡུན་གྱི་གྲོང་ཁྱེར་ཆེན་པོ་ཡང་༎
རྙིང་ཞིང་རལ་བའི་ཉལ་ཐུལ་སྲབ་མོའི་འོག །
ཁྱིམ་མེད་གྲོང་མཐའི་སྤྲང་པོ་ཉལ་བ་བཞིན༎
རང་བྱུང་འབྱུང་ཁམས་ཆེན་དགའ་བའི་མཛའ་གྲོགས་ལ༎
མི་ཕྱེད་དུང་བས་འཁྱུད་པའི་དཔྱོད་ལྡན་མ༎
སྙན་ངག་ལྟ་བུའི་བུ་མོ་ཁྱོད་ཉིད་ཀྱིས༎
བུ་མོ་ལྟ་བུའི་སྙན་ངག་ཡིད་ལ་འཇེབ༎
རང་བྱུང་འབྱུང་ཁམས་དགའ་བའི་མཛའ་གྲོགས་ལ༎
མི་ཕྱེད་དུང་བས་འཁྱུད་པའི་དཔྱོད་ལྡན་མ༎
སྙན་ངག་ལྟ་བུའི་བུ་མོ་ཁྱོད་ཉིད་ཀྱིས༎
བུ་མོ་ལྟ་བུའི་སྙན་ངག་ཡིད་ལ་འཇེབ༎
འདི་ཤོ་ལོ་ཀ་ཐ་མའི་ཆད་ལྷག་བསལ་བ་ཡིན་ལགས།
མཛེས་མཛེས་རང་བྱུང་ཁམས་ཀྱི་ཁོར་ཡུག་དང་།།
ལྷུང་ལྷུང་སྙན་པའི་ཆབ་རྒྱུན་སྒྲ་དབྱངས་བཞིན།།
དྲ་གྲོགས་དུང་ཟླ་དཀར་པོའི་ཚོགས་རྣམས་ཀྱིས།།
བདག་ཡིད་མུན་པའི་ཀློང་ནས་འདྲེན་དང་མཚུངས།།
རྩོམ་རིག་མཛའ་གྲོགས་ཞལ་རས་དཀར་གསལ་ངོགས།།
དོན་གཉེར་བུང་བའི་མགྲིན་སྒྲ་རྣ་བའི་དཔྱིད།།
ཁ་མཚར་རྩེད་རྒོད་སྨྱུག་གུའི་གར་སྟབས་ནི།།
རང་དབང་ལྡུམ་རའི་ལེགས་སྐྱེས་ཅི་ལ་མིན།།
བསམ་ཡས་ཆོས་མཆེད་ལ་ཕུལ་བ་གང་ཤར་སྒྱུ་འཕྲུལ་རོལ་མོ། །
ཨེ་མ་ཧོ། །
དབང་ཆེན་དུས་ཀྱི་འཕོ་འགྱུར་ནུབ་རི་ལ་ཉེ་ཡང་། །
བདེ་ཆེན་གཏན་གྱི་བདེ་བ་བགྲེས་རྒུད་དང་བྲལ་བས། །
གཉིས་སྦྱོར་ཚོར་བའི་གནས་ལ་ཞེན་ཆགས་རང་མི་དགོས། །
རང་རིག་ནམ་མཁའི་རྣལ་འབྱོར་གུ་ཡངས་ལ་བཞུགས་སོ། །
བསམ་ཡས་སྒྱུ་འཕྲུལ་དྲ་བའི་རི་ཤན་གྱི་གླིང་ཀར། །
ཚེ་རིང་ཉི་མ་སྐྱིད་པའི་ལོངས་སྤྱོད་ཅིག་ཡོད་སྐད། །
ལྷ་དང་ལྷ་མོ་རྩེན་པའི་ལྔ་ཕུང་གི་འཇའ་ལུས། །
སྣང་སྲིད་དག་པ་རབ་འབྱམས་རང་རིག་གི་རྣམ་རོལ། །
འདུ་ཤེས་མི་རྟག་འཇིག་པའི་འཁོར་བ་ལ་མི་ཞེན། །
དངོས་ཆོས་ལས་ཀྱི་ཕྱག་རྒྱའི་བདེ་བ་ལ་མི་ཆགས། །
ཕྱོགས་ཞེན་གྲུབ་མཐའི་འཛིན་མཚམས་ལུང་རིགས་ལ་མི་སྡང་། །
མ་རིག་རྨོངས་པ་སངས་པའི་རིག་འཛིན་ལ་འདུད་དོ། །
རྒྱ་ཆད་ཕྱོགས་ལྷུང་བྲལ་བའི་དྲི་མེད་ཀྱི་ལྷག་བསམ། །
བསྟན་དང་འགྲོ་བའི་དོན་ལ་ཞབས་བརྟན་དུ་གསོལ་ན། །
གང་བསམ་ལྷུན་གྲུབ་འབྱུང་གནས་ཡིད་བཞིན་གྱི་ནོར་བུ། །
ཞི་བདེ་རང་དབང་འབྱོར་བའི་དངོས་གྲུབ་འདི་ཨ་ཧོ། །
ཞེས་པ་འདི་ཡང་གང་ཤར་རྩོལ་མེད་དུ་དཔའ་བོ་དྲི་མེད་ལྷག་བསམ་དང་དཔའ་མོ་ཚེ་རིང་ལྷ་མོ་ལ་ཤྲྰིས་སྨྱོ་གཏམ་གླུ་རུ་བླངས་པ་དགེའོ། །
བསམ་གླིང་ལྷ་མོས་གཙོ་བྱས་གངས་ཅན་པའི།
བློ་གསལ་བུང་བའི་ཚོགས་ཀྱི་སྙན་དངགས་པས།
གངས་ཅན་སྐད་ཀྱི་་སྐྱེད་ཚལ་དོ་ར་ཆེར།
སྣ་ཚོགས་སྙན་ཚིག་རྩེན་པས་ཡིད་དབང་འཕྲོག།
དུས་མེད་པས་ཚིག་གཅིག་ལ་དཔྱད་པར་བྱ་སྟེ། རྦ་རླབས་པ་ཞེས་པ་དབའ་རླབས་ཞེས་པ་ད་སྔོན་འཇུག་ད་དེ་ཉིད་ར་དང་ས་རུ་འབོད་པ་ལས་བྱུང་བར་སེམས། བོད་ཀྱི་ཡི་གེ་བྱེད་པོ་དག་ལ་གས་ལ་ད་ལོག་འབྲི་བར་མ་མཛད་ཅེས་ཞུ་བ་ཡོད། འདི་ཡིས་བོད་ཡིག་ཀློག་ལེགས་པར་མ་ཤེས་པ་རྣམས་ལ་དཀའ་ངལ་དང་། བོད་དུ་བདག་གི་སློབ་དཔོན་གྱི་ཞལ་སྔ་ནས་བསྡུས་ཡིག་དེ་དག་དག་ཡིག་གི་དགྲ་ཡིན་ཞེས་གསུངས་པ་དྲན་ནོ།།
རང་བྱུང་མཛེས་སྡུག་བུ་མོའི་བཞིན་རས་དང་།།
བསམ་གླིང་འཇོལ་མོའི་སྙན་པའི་འགྱུར་ཁུག་གིས།།
ངག་གི་རོལ་མཚོའི་རྦ་ཀློང་དཀྲུག་པ་ན།།
གླིང་འདི་གླིང་གཞན་ལས་ཀྱང་མཛེས་པར་བྱས།།
ཚེ་ཡི་ཚེ་ཐག་ངེས་པ་མ་མཆིས་ཀྱང་།།
རིང་ནས་རིང་དུ་གསོན་པའི་རེ་བ་ཡིས།།
ལྷ་ཡི་ལྷ་མཆོག་ཞབས་ལ་ཕྱག་བྱས་ཏེ།།
མོ་རབ་མོ་མཆོག་ཁྱེད་ཀྱི་དོན་འགྲུབ་ཤོག།
ཁ་བརྡ་ཚང་། ངའི་མིང་གཉིས་སླེབས་འདུག གོང་གི་མཆན། (༩)པ་དྲི་མེད་ལྷག་བསམ་ཟེར་བ་དེ་ང་མིན། མཆན་(༤)འདེབས་མཁན་དེ་ཡིན། སྔོན་ཆད་ཀརྨ་པ་ལ་སྐྱོན་བརྗོད་ཛ་དྲག་གནང་བའི་མཆན་གཅིག་ཡང་ངའི་མིང་གཞན་གྱིས་སྤྱད་པ་རེད། ང་ནི་ཁ་བརྡ་ལ་མཆན་ཆུང་མང་པོ་འདེབས་མཁན་ཞིག་ཡིན་པས་ཀ་བརྡའི་གློག་ཀླད་ཀྱི་གསང་བརྡ་ལ་གཟིགས་དང་ཤེས་ངེས་ཡིན།
ཕྱི་ལོགས་མྱུག་གསར་མཛེས་ལྗོངས་ཀྱིས། །
ནང་ལོགས་བདེ་ཉམས་གཏུ་མོ་འབར། །
སྙན་སྙན་དབྱངས་ཀྱི་ལེགས་སྐྱེས།།
ལྷང་ལྷང་ཡིད་ལ་སིམ་དུས།།
དྲ་རྒྱ་དུང་ཟླའི་ཞལ་ལ།།
ཡང་ཡང་ལྟ་བར་ཐལ་སོང།།
དྲི་མེད་ལྷག་བསམ་ལགས་ལ་ཞུ་བ།
འདི་ནས་ཁྱེད་རང་གིས་གསལ་བཤད་གནང་དོན་བཞིན། གློག་ཀླད་ཀྱི་གསང་བརྡའི་གནས་ཚུལ་ལ་རྒྱུས་ལོན་ཞུས་པ་ཡིན། ཁྱེད་རང་གི་མིང་འདི་སྤྱད་པའི་མཆན་བུ་ཨང་ ༩༽ པ་དེ་ནམ་རྒྱུན་ཁྱེད་རང་གིས་མཆན་སྤེལ་སའི་རྒྱལ་ཁོངས་དེ་ནས་སྤེལ་བ་ཞིག་རེད་མི་འདུག་སྟབས། གནས་སྐབས་རིང་མིང་གཅིག་ཅིང་། གློག་འཕྲིན་ཁ་བྱང་དང་གཏོང་སའི་ས་གནས་མི་གཅིག་པའི་མཆན་བུ་གཞན་དེ་བཀག་ཡོད།
ཡིན་ནའང་། འདི་ནས་ཁྱེད་རང་གཉིས་གང་རུང་གི་མིང་གི་སྔ་རྗེས་སུ་རྣམ་གསལ་གྱི་དབྱེ་ཚིག་ཅིག་འགོད་གནང་ཡོང་བའི་རེ་བ་བྱེད་ཀྱིན་ཡོད། སྔར་ཡང་དྲ་ངོས་འདིར་ཆོས་འཕེལ་ཞུ་བ་གཉིས་སླེབས་པར། རྗེས་མ་དེར་མིང་ལ་འགྱུར་བ་གཏོང་བའི་རེ་སྐུལ་ཞུས་དོན་བཞིན། ངོས་ལེན་གནང་སྟེ། ད་ཆ་གཅིག་གིས་ཆོས་འཕེལ་དང་། གཅིག་གིས་དཀོན་མཆོག་ཆོས་འཕེལ་ཞེས་འགྱུར་བ་བཏང་ནས་མཆན་བུ་མུ་མཐུད་སྤེལ་མུས་སུ་ཡོད།
ཉི་མའི་ཆང་གིས་བཟི་བའི་མེ་ཏོག་ལྡེམ།།
ལྡེམ་ལྡེམ་རླུང་གིས་བསྐྱོད་པའི་འཁྲི་ཤིང་ལ།།
དཔྱིད་ཀྱི་ཕོ་ཉས་གཏམ་བཟང་སྒྲོག་པའི་ཚེ།།
ཕ་ས་མཛེས་བའི་རི་ལུང་ཡིད་ལ་འཁོར།།
བསིལ་རླུང་འཇམ་པོའི་ལག་པ་ཡིས། །
དར་བུར་བསྐྱོད་པའི་འདམ་མའི་ཚོགས། །
བར་གསེང་དག་ན་ཅི་དགའ་རུ། །
རྩེན་པའི་རི་སྐྱེས་མང་སྙམ་ཤར། །
ཁ་བརྡ་ཚང་། ཐུགས་རྗེ་ཆེ། ངའི་མཆན་ཡིན་ན་་་lhakbsam@yahoo.cn འདི་བཏང་ཡོད་ངེས་ཡིན། སྔོན་ངའི་ཀརྨ་པ་རྣམ་གཉིས་སྐོར་ལ་མཆན་ཞིག་བཏབ་པ་ཡིན། དེ་ལས་ཕྲོས་ཏེ་ངའི་མིང་གི་སྟེང་ནས་ཀརྨ་པ་སྐྱོན་བརྗོད་མང་པོ་ཞིག་བཏང་བྱུང་།གསལ་བཤད་ཅིག་བྱེད་བསམ་ནའང་མཆན་སྒོ་བརྒྱབ་པས་བྱ་ཐབས་མ་བྱུང་། ད་རེས་དྲྭ་བས་གཟིགས་རྟོགས་བྱུང་བར་བཀའ་དྲིན་ཆེ། སྤྱིར་བདག་རང་གི་མིང་ལ་རེ་དོགས་དེ་ཙམ་མེད་ཀྱང་། ཕ་རོལ་པོ་ལ་ཞེ་སྡང་བསྐྱེད་པ་དང་། གནོད་པ་ཤུགས་ཆེན་བཟོ་བའི་མཆན་འབྲི་འདོད་མེད་པས་སོ། །ངའི་མིང་དང་པོར་དྲ་ཐོག་ཏུ་སླེབས་པ་ཡིན་པས་དེ་ཀ་རང་ཏུ་འཇོག་པ་དང་། མཆན་གཞན་འགོད་མཁན་ཁོ་རང་ཐུགས་མཉེས་པའི་མཚན་ཞིག་འགོད་རོགས་ཞུ། །
དྲ་གྲོགས་དྲི་མེད་ལྷག་བསམ་ལགས་ཀྱིས་གསལ་བཤད་གནང་བར་ཐུགས་རྗེ་ཆེ། ཉིད་སུ་ཇའི་འཛིན་གྲོགས་ལྷག་བསམ་ལགས་ནི་ཨེ་ཡིན།
དྲ་རྒྱའི་ཞིང་ཁམས་མཛེས་རྩལ་པིར་གྱིས་བཞེངས།།
ཁ་དོག་སྣ་ལྔའི་ཚོན་གྱིས་ལེགས་བཀུས་ཤིང།།
དཔྱོད་ལྡན་བུང་བའི་ཚོགས་རྣམས་དར་ལྡིར་གླུ།
ེལེན་པའི་སྐལ་བཟང་འདི་ཀོ་ཨེ་མ་མཚར།།