གཞུང་པ་ཚེ་དབང་བསོད་ནམས།
དཀའ་ལས་མེད་པའི་རང་བཙན།།
ཁ་རྩོད་མང་བའི་དབུ་མ།།
ག་དུས་ཡིན་ནའང་རང་སྐྱོང་།།
ང་ཚོ་བོད་མིའི་འཐབ་རྩོད།།
ཅ་ཅོ་འར་འུར་མང་ནས།།
ཆ་འཇོག་གཏན་འཁེལ་མ་ཐུབ།།
ཇ་ཆང་བདེ་སྐྱིད་ངོམས་ནས།།
ཉ་དང་ཉུང་མ་ནོར་ཡོང་།།
ལྟ་བ་ལངས་ཕྱོགས་མ་ཐུབ།།
ཐ་མ་རང་སྐྱོང་བབས་སོང་།།
ད་ལྟ་རང་དབང་ཡོད་དུས།།
ན་རྒྱུ་ཚ་རྒྱུ་མ་ཤོད།།
པ་ཅོག་མགོ་ལ་གྱོན་ནས།།
ཕ་ཡུལ་དགྲ་ལག་བཅུག་འདུག །
བུ་རབས་ཚ་བརྒྱུད་ཡོད་ན།།
མ་བརྗེད་ཕ་ཡུལ་ལེན་ཤོག །
རྩ་བ་རྒྱལ་ཁབ་རང་བཙན།།
ཚ་གྲང་ཚོར་ནས་རྩོད་དང་།།
འཛམ་གླིང་ས་རྩོད་མང་བ།།
ཝ་ལེར་སོམས་དང་ས་བདག །
ཞང་ཞུང་བོད་ཀྱི་ས་ཆ།།
ཟ་ཧོར་བོད་ཀྱི་ལོ་རྒྱུས།།
འ་ར་འུར་རེ་ཆེ་ནས།།
ཡ་རབས་ལོ་རྒྱུས་བོར་འདུག །
ར་བ་གངས་རི་དཀར་པོ།།
ལ་ལུང་རྩ་ཆུ་འཛོམས་ནས།།
ཤ་བ་ཁ་ཤའི་འཚོ་གནས།།
ས་ཆ་འདི་ལས་མེད་དོ།།
ཧམ་པ་ཆེ་ཙམ་བྱས་ན།།
ཨ་རིའི་ཌོ་ལོར་ཐོབ་ཡོང་།།
རང་བཙན་དབུ་མ་བོད་སྐྱོབ་ཐབས་ལམ་རེད། །
ཐབས་ལམ་མི་འདྲ་ཁ་ཁ་སོ་སོ་རེད། །
གཅིག་གིས་གཅིག་ལ་སྐྱོན་བལྟས་ན། །
དགྲ་དགྱ་ནག་དགའ་ནོ་ཁོ་ཐག་རེད། །
དེས་མི་ཚད་ཐབས་ཤེས་གང་ཡོད་ཀྱིས། །
ནང་དཀྲུག་རྒྱའི་རེ་ངན་བཅང་གི་རེད། །
རང་རིགས་ཀྱི་ཕུ་ནུ་མིང་སྲིང་ཚོས། །
བློ་གཅིག་གིས་མཐུན་སྒྲིལ་བྱས་བྱས་ན། །
དགྲ་དགྱ་ལས་རྣམ་པར་རྒྱལ་ངེས་རེད། །
དེ་མ་བྱས་ཕྱོགས་ཕྱོགས་འཐེན་འཐེན་ན། །
མཐུན་ལམ་གྱི་གསེར་གྱི་ཐག་པ་དེ། །
གཅོད་མ་དགོས་རང་ཆད་བྱེད་ན་ཐང་། །
དབུ་མ་བླ་མའི་བཀའ་རེད།
རང་བཙན་བྱུང་བའི་རྒྱུན་རེད།
རང་ཐག་རང་གཅོད་ཁྲིམས་རེད།
གདམ་ག་བོད་མིའི་ལག་རེད།
དབུ་རང་འགལ་བའི་སྣང་ཚུལ།།
སྒེར་འཁོན་ཞེ་ནས་ཡོང་བ།།
ཨོ་ལོ་ལོ་གསུམ་ཚུན་གྱིས།།
ཡིད་ལ་ཝ་ལེར་ཝ་ལེར།།
དཀའ་ལས་མ་བརྒྱབ་པའི་རང་བཙན། །
ཁ་རྩོད་མ་བརྒྱབ་པའི་དབུས་ལམ། །
ག་དུས་ག་འདྲ་ཟེ་བོད་དོན་འདི། །
ང་ཚོའི་ནམ་ཡང་དེ་བསྒྲུབ་ཐུབ་བམ། །