རེས་གཟའ་ཟླ་བའི་ཕྱི་དྲོའི་མཚམས་སུ་པེ་ཅིང་གྲོང་ཁྱེར་གྱི་སྲང་ལམ་ཁག་ཅིག་ནས་བོའུ་སྐད་བསྟུད་མར་གྲགས་འདུག་པ་དང་། རྒྱ་ཡིག་གི་དྲ་རྒྱ་ཁག་ཅིག་ཏུ་དེའི་བྲག་ཅ་ད་ལྟ་ད་དུང་ཡང་འཁོར་འདུག་སྐད།
www.wantchinatimes.com ཟེར་བའི་དྲ་གནས་འདིར་གནས་ཚུལ་སྤེལ་བ་ལྟར་ན། ཐེངས་འདིའི་ལས་འགུལ་ནི་པེ་ཅིང་གྲོང་ཁྱེར་གྱི་མི་བཞི་ལ་ཁ་གཏད་གཅོག་ཆེད་དུ་ཡིན་ལུགས་ཀྱི་བཤད་ཡམས་ཤིག་ཁྱབ་བཞིན་ཡོད་པ་སྟེ། མི་བཞི་བོ་དེ་དག་ནི། པའོ་ཞི་ལེ་དང་། ཀྲོའུ་ཡོང་ཁང་། ཅཱ་ཆིན་ལིན། ཀྲིང་ཆིན་ཧོང་བཅས་ཡིན་པ་རེད། ཁོང་ཚོ་བཞི་ལས་ཅཱ་ཆིན་ལིན་དང་། ཀྲོའུ་ཡོང་ཁང་གཉིས་ནི་རྒྱལ་ཡོངས་སྲིད་གྲོས་ཀྱི་ཚོགས་མི་དང་། ཀྲིང་ཆིན་ཧོང་ནི་སྲིད་གྲོས་ཀྱི་ཚོགས་མི་ཟུར་པ་རེད། ཁོང་ཚོས་ཐེངས་འདིའི་རྒྱ་ནག་གི་དཔོན་པོ་འཕོ་འགྱུར་འགྲོ་བའི་གནས་སྐབས་འདིར། པའོ་ཞི་ལེ་ལ་སྲིད་གྲོས་ཀྱི་ཚོགས་གཙོའི་གོ་གནས་ཐོབ་ཆེན་དཔུང་སྒྲིག་གིས། ཝིན་ཅ་པའོ་ལ་ཁ་གཏད་བྱེད་པའི་ཁ་བྲལ་རིང་ལུགས་པར་ངོས་འཛིན་བྱེད་ཀྱིན་ཡོད་ལུགས་ཀྱི་བཤད་ཡམས་དེ་ད་ཆ་རྒྱ་ནག་ཁྱོན་ཡོངས་སུ་ཁྱབ་བཞིན་ཡོད་པ་རེད།
ད་ཆ་པེ་ཅིང་གི་རྒྱལ་སྤྱིའི་གནམ་ཐང་ཁག་གི་ཕྱིར་བསྐྱོད་ས་ཚིགས་ཁག་ཏུ་རླངས་འཁོར་བཀག་ཆོག་གི་མེད་པ་དང་། དུས་ངེས་མེད་དུ་དམག་མི་དང་དྲག་ཆས་ཉེན་རྟོག་པ་ཚོ་འགྲོ་བསྐྱོད་བྱེད་ཆོག་ཆོག་བཟོས་ནས་འདུག་ཟེར་བ་དང་། དེ་ནི་རྒྱ་དམར་སྲིད་གཞུང་གིས་གསར་འགོད་པ་གྲགས་ཅན་རིགས་རྒྱ་ནག་ནས་ཕྱིར་ཐོན་རྒྱུར་བཀག་འགོག་བྱེད་ཆེད་ཡིན་ལུགས་བསྒྲགས་འདུག་ཟེར། དོན་དངོས་ཐོག་ནས་བཤད་ན། པའོ་ཞི་ལེ་ཡིས་ཉེས་མེད་ཉེས་འཛུགས་ཀྱིས་ཁྲོང་ཆིན་ཞིང་ཆེན་གྱི་ཚོང་པ་ཆེན་པོ་མང་པོ་ཞིག་གི་རྒྱུ་ནོར་འཕྲོག་རྗེས་དང་། རང་གི་ལག་གཡས་པ་ལྟ་བུའི་ལས་རོགས་ཝང་ལི་ཇོན་ཁུ་སིམ་མེར་ཨ་རིའི་གཞུང་ཚབ་ཁང་དུ་འཛུལ་ནས་སྐྱབས་བཅོལ་ཞུས་པ་ནས་བཟུང་། པའོ་ཞི་ལེ་ཡི་གྲིབ་ནག་འོག་ཡོད་པའི་ཚོང་པ་ཆེན་པོ་མང་པོ་ཞིག་རྒྱ་ནག་ནས་ཕྱིར་འབྲོ་བཞིན་ཡོད་པ་དང་། རྒྱ་ནག་རྒྱལ་ཡོངས་སྲིད་གྲོས་ཀྱི་ཚོགས་གཙོར་རེ་བ་རྒྱག་གིན་པའི་པའོ་ཞི་ལེ་དང་ཁོའི་ཁ་གཏད་དག་གི་དབར་དུ་ཁྱོད་ཤི་ང་གསོན་གྱི་འཐབ་རྩོད་བྱུང་དང་འབྱུང་བཞིན་ཡོད་པ་རེད།
རྒྱ་ནག་གིས་དཔོན་རིགས་འཕོ་འགྱུར་གྱི་བརྒྱུད་རིམ་འདིའི་བར་དུ་འབྱུང་སྲིད་པའམ། ཡང་ན་བྱུང་དང་འབྱུང་བཞིན་པའི་རྙོག་དྲ་འདི་དག་མང་གཙོ་དོན་གཉེར་ཅན་དང་། ཧྥ་ལུང་ཀོང་། དེ་བཞིན་རྒྱ་དམར་སྲིད་གཞུང་ལ་འདོད་མོས་མེད་པའི་རྒྱ་རིགས་སྤྱི་དང་། ཁྱད་པར་དུ་ཡང་བོད་དང་ཤར་ཏུར་ཀི་སི་ཐན། སོག་པོ་བཅས་ནས་ངོ་རྒོལ་ཡོང་བར་དོགས་ནས། གྲངས་ཉུང་མི་རིགས་ཁག་གི་ས་གནས་སུ་དམག་མི་འབོར་ཆེན་འགྲེམ་འཇོག་གིས་ངོ་རྒོལ་ལ་གཉའ་གནོན་དང་། གྲངས་ཉུང་མི་རིགས་ཁག་གི་འཐབ་རྩོད་འདི་རྒྱ་མི་རིགས་ཀྱི་ཞེ་འཁོན་དུ་འགྱུར་ཐབས་ལ་བརྩོན་ནས་མི་མང་གི་བསམ་བློ་ཏང་ལ་འཁོར་ཐབས་བྱེད་ཀྱིན་པ་མ་ཟད། ཕྱོགས་གཞན་ཞིག་ནས་གྲངས་ཉུང་མི་རིགས་ཁག་ལ་ཡ་ང་སྙིང་རྗེ་མེད་པར་གཉའ་གནོན་བཏང་ནས་རྒྱ་མི་རིགས་ལ་ཡང་སྡོད་ཚུགས་དགོས་པའི་ཉེན་བརྡ་གཏོང་གིན་ཡོད་པ་རེད།
རྒྱ་ནག་དཔོན་རིགས་ཚོའི་སྐོར་ལ་གནས་ཚུལ་ཡག་ཉེས་མང་ཙམ་སྤེལ་ཐུབ་ན་དགེ་མཚན་ཆེ་བར་ཡོང་ངེས་ལགས།
རྒྱ་ནག་དཔོན་རིགས་དབར་ལ་ནམ་ཡང་འཁྲུག་རྩོད་ཤོར་མི་སྲིད། རྒྱུ་མཚན་ནི་རྒྱ་དེ་དངུལ་དང་སྒེར་གྱི་ཐོབ་ཐང་བློས་གཏོང་བའི་སྙིང་སྟོབས་མེད་པ་དང་། ཚང་མ་གནས་སྐབས་ཀྱི་ཁེ་ཕན་ཁོ་ན་འཇུས་ནས་སྡོད་མཁན་ཤ་སྟག་ཡིན་སྟབས། རང་སྲོག་དང་། རང་གི་ཁེ་ཕན་ལྟ་ཅི། ལྟོ་དུས་གཅིག་ཀྱང་བློས་གཏོང་མི་ཐུབ་པས། འོག་ནས་གོང་ལ་ཁ་གཏད་འཇོག་པའི་སྙིང་སྟོབས་དེ་ཚོར་མེད།
ངས་དཔེ་ཞིག་སྤྲོད་ཆོག། སྔོན་མ་ཨ་རིས་ཡུ་ཀོ་སི་ལ་པུ་ཟེར་བའི་རྒྱལ་ཁབ་དེའི་རྒྱ་ནག་གཞུང་ཚབ་ལ་གནམ་གྲུས་སྦོམ་ཞུས། དེ་ལ་ཅང་ཙེ་མིང་གིས་ཡ་ལན་སྤྲོད་མ་ནུས་པར་སྡོད་སྐབས། དམར་ཤོག་ངར་མ་ང་ཡིན་ཁོ་ཡིན་ཟེར་མཁན། འོ་དེའི་ནང་ལ་སྦོ་ཤི་ལང་ཁོང་ཚོ་ཡོད། ཁོང་ཚོས་གསར་འགྱུར་ནང་ལ་འཕྲལ་མ་ཉིད་དུ་རྒྱ་ནག་དམག་གིས་དེ་ལ་ཡ་ལན་སྤྲོད་དགོས་པའི་ལྟ་བ་བཏོན་པ་དང་། ཁོང་ཚོས་ཏང་གི་མགོ་པ་ཚོར་ཡི་གེ་བྲིས་ནས་ཡ་ལན་སྤྲོད་དགོས་པའི་འབོད་སྐུལ་ཤུགས་ཆེ་བྱས། གལ་ཏེ་དེ་ལྟར་མ་བྱུང་ན། མགོ་པ་ཚོར་ཁ་གཏད་བཅོག་གི་ཡིན་པའི་རྣམ་འགྱུར་བཏོན་ནས། ཉིན་གཅིག་ལ་ཟིང་ཆ་ཡོང་གྲབས་བྱེད་སྐབས། ཅང་གིས། ཡི་གེ་དེའི་ནང་ལ་མིང་རྟགས་འགོད་མཁན་ཚོར། འགྲིགས་ཀྱི་རེད། ངོ་རྒོལ་བྱོས། རང་མོས་རེད། དང་པོ་ཏང་གི་འགན་འཁུར་དང་གོ་གནས་དེ་ཚོ་ཚུར་རྩིས་སྤྲོད་བྱེད། རྒྱུ་མཚན་ནི་ཁྱེད་ཚོའི་གོ་གནས་དེ་ངས་སྤྲད་པ་ཡིན་ཟེར།
དེའི་ལན་ལ། དམར་ཤོག་ལོ་གཞོན་ངར་མ་ཚང་མས། གཅིག་རྗེས་གཉིས་མཐུད་ཀྱིས་ཁ་པར་བཏང་ཡི་གེ་བཏང་ནས། ཅང་ལ་དགོངས་དག་ཞུས། སང་ཉིན་རང་ལ། ཁོང་ཚོས་ནོར་འདུག་ཟེར་ནས། ཚང་མ་ཞི་མི་ལྟ་བུར་འགྱུར་སོང་བ་རེད། ལྟོས་དང་ཁ་མདོག་འདི་རེད།
སྔོན་མ་ཧུ་ཡོ་པང་དང་ཀྲའོ་ཙི་ཡང་གོ་གནས་ཕབ་པའི་རྗེས་ལ་ཐོག་མ་ཁོང་གཉིས་ཀྱི་རྒྱབ་ལ་ཡོད་པའི་རྒྱ་དཔོན་དང་དམག་དཔོན་དེ་ཚོས་གཅིག་བྱེད་རྒྱུ་ཡོད་མདོག་མདོག་བྱས་སོང་། རྗེས་མ་ཀྲའོ་ཙེ་ཡང་བཟང་བཙོན་ལ་བཅུག་རྗེས། ཁོང་ཚོའི་རྒྱབ་ཀྱི་མི་ཚང་མ་གཅིག་རྗེས་གཉིས་མཐུད་ཀྱིས་ཏེང་ལ་མགོ་བཏགས་ནས། ངོ་རྒོལ་བྱེད་མཁན་གཅིག་ཀྱང་བྱུང་མ་སོང་།
རྗེས་སུ་རྒྱའི་སྲིད་དོན་མཁས་པ་ཚོས། རྒྱ་ནག་གི་ཆབ་སྲིད་ནང་ལ། ཤོག་ཁག་ཟེར་བ་དེ་མེད་ལ། རྒྱབ་རྩ་ཟེར་བ་འདི་རྩ་བ་ནས་ཡོང་ཐབས་མེད། ཚང་མ་རང་གི་ལྟོ་གོས་སྒྲུབ་མཁན་ཤ་སྟག་རེད། དེ་ཤེས་པ་དགོས་ཟེར་སྐབས། ངོ་མ་སྐད་ཆ་འདི་བདེན་པར་མཐོང་སོང་།
ད་ལྟ་ཁ་རྒྱག་པ་ཤོད་མཁན་ཝན་ཅ་པའོ་ཟེར་བ་དེ་སྔོན་མ་ཀྲའོ་ཙེ་ཡང་གི་དྲུང་ཡིག་རེད། ཀྲའོ་དེ་རིང་བཟུང་བའི་ཉིན་མོར། ཁོས་ཆབ་སྲིད་ཅུས་ལ་མགོ་བོ་བཏགས་ནས། ཀྲའོ་ཙེ་ཡང་གི་སྲིད་བྱུས་ལ་སྔོན་མ་ནས་ནོར་འཁྲུལ་ཡོད་པ་དང་། ཁོ་དེ་དག་ཐེར་འདོན་བྱ་རྩིས་ཡོད་ལུགས་བཤད་ནས། རྗེས་མ་མགོ་ཁྲིད་ལ་སླེབས་པ་རེད། ལྟོས་དང་སྟག་ཕྲུག་ངར་མ་འདི་ཚོ་རེད།
རྒྱ་ནག་དམར་ཤོག་པའི་འགོ་ཁྲོད་ཚོས་སྡུག་མྱོང་བཞིན་འདུག་འཛམ་གླིང་འདིར་རང་དབང་དང་དམངས་གཙོའི་ཕྱོགས་ལ་འགྲོ་དུས་རང་ལྟ་འཁྱོགས་འཛིན་ཅན་གྱི་དཔོན་ངན་དག་མིག་གིས་རྒྱང་ལ་གཟིགས།
པེ་ཅིང་སྲང་ལམ་ལ་གནས་ཚུལ་གསར་བ་བྱུང་ཡོད་མེད་བཤད་དཀའ། དེང་སྐབས་ཤིན་ཅང་དང་བོད་པར་དོགས་ཟོན་གྱིས་ག་ས་གང་དུ་ཉེན་རྟོག་པས་གང་ཡོད་པ་མངོན་གསལ་རེད།
གང་ལྟར་ཡང་། རྒྱ་ཡི་དཔོན་རིགས་ནང་ནས་ཧུ་ཡོ་པང་དང་། དེང་གི་ཝིན་ཅའོ་པོ་གཉིས་ལ་ག་ཚོད་ཐུབ་ཐུབ་རྒྱབ་སྐྱོར་བྱས་ནས། རྒྱ་གཞུང་འཁྲེགས་འཛིན་པ་ལ་ངོ་རྒོལ་མཐར་ཕྱིན་བྱེད་དགོས་པའི་དུས་གཅིག་ཤར་ཟིན་པ་རེད་སྙམ་ལགས།
ཞི་ལེ་དང་མཉམ་དུ་ལྐོག་ཟ་རུལ་སོང་བྱེད་མཁན་་ཝང་ལི་ཇོན་གྱིས་གསང་བའི་བརྙན་འཁོར་དང་ཡིག་ཆ་མང་པོ་ཞིག་ཨ་རི་ལ་སྤྲད་པའི་གནས་ཚུལ་འདུག ད་ཆ་དཔོན་རིགས་ནང་ཁུལ་གྱི་འགལ་བ་ཛ་དྲག་ཆགས་ཡོད་ཚོད་འདུག འདི་ང་ཚོར་མཚོན་ན་འཕྲིན་བཟང་ཅེས་ཀྱང་རེད།
ཞི་ལེ་དང་མཉམ་དུ་ལྐོག་ཟ་རུལ་སོང་བྱེད་མཁན་་ཝང་ལི་ཇོན་གྱིས་གསང་བའི་བརྙན་འཁོར་དང་ཡིག་ཆ་མང་པོ་ཞིག་ཨ་རི་ལ་སྤྲད་པའི་གནས་ཚུལ་འདུག ད་ཆ་དཔོན་རིགས་ནང་ཁུལ་གྱི་འགལ་བ་ཛ་དྲག་ཆགས་ཡོད་ཚོད་འདུག འདི་ང་ཚོར་མཚོན་ན་འཕྲིན་བཟང་ཅེས་ཀྱང་རེད་འདོད།
རྒྱ་དམར་ཁུག་རྟ་ཁ་རྡ་ཁུག་རྟ་ཤར་ཕྱོགས་ཁུག་རྟ་གསུམ་དོན་གཅིག
དངོས་ནས་གསར་འགྱུར་རེད།
འདི་ལྟ་བུའི་གསར་འགྱུར་མང་པོ་སྤེལ་ཐུབ་ན་དཔེ་མི་སྲིད་ཡག་པོ་འདུག ང་ཚོ་ལ་དགོས་ཡང་དེ་རེད། ནམ་རྒྱུན་ནས་རང་གཞུང་ལ་སྐྱོན་བརྗོད་བྱེད་བཞིན་པའི་རྩོམ་ཡིག་རྐྱང་སྤེལ་ན་ཧ་ཅང་ཡག་པོ་མི་འདུག ཤར་ཕྱོགས་ཁུག་རྟའི་ཁ་ལ་རྡོ་ཡིས་རྒྱོབས།
རྒྱ་ནག་ཁྲོང་ཆིན་གྱི་ཉེན་རྟོག་དཔོན་ཆེན་བང་ལིས་ཅོན་ཁྲོང་ཆིན་གནས་སྡོད་ཨ་རིའ་གཞུང་ཚབ་ཁང་ལ་ཆབ་སྲིད་སྐྱབས་བཅོལ་དུ་ཡོང་ནས་ཨ་གཞུང་གིས་ངེས་ལེན་མ་བྱས་པ་རེད། དེ་ནི་ཞི་ཅིན་ཕེན་ཨ་རིར་ཡོང་ལ་ཉེས་བའི་སྐབས་ཡིན་པས་ཨ་རི་ཞི་ཅིན་ཕེན་ལ་སྐྲག་པ་རེད་ཟེར་ཡང་མི་ཆོག་པ་མེད། ཁྲོང་ཆིན་གྲོང་ཁྱེར་སྤྱི་ཁྱབ་(ཧྲི་ཀྲང་)རྒྱ་དཔོན་པོ་ཡེ་པོའི་བུ་པོ་ཞིས་ལེ་གོ་གནས་ཕབས་པ་ནས་པེ་ཅིན་དྲག་ཆས་ཉེན་རྟོག་དམག་གི་མགོ་དཔོན་(བོད་ལ་ཧ་ཅང་མི་དགའ་མཁན་)ཀྲིག་ཡོན་ཁང་གིས་ཅང་ལ་རྒྱབ་གཏད་ནས་ཧོས་ཅིན་ཐོ་དང་བིན་ཅ་པོ་སོགས་ལ་ཁ་གཏད་སྔོན་ལྐོག་གཉིས་ནས་གཅོད་ཀྱིན་ཡོད། འདི་གཙོ་ཆེ་བ་ཧོས་དང་ཅང་བར་དུ་བྱུང་བའི་ནད་རྙིང་གོ་གནས་འཕྲོག་རྩོད་ཀྱི་ཆེད་ཁོ་ན་རེད། ཉིན་ཁ་ཤས་ཀྱི་སྔོན་ནས་པེ་ཅིན་ལ་བོས་སྐད་མཚམས་མ་ཆད་པར་གྲགས་བྱུང་ཟེར་མཁན་པེ་ཅིན་པ་མང་པོ་འདུག
གཡོ་འགུལ་འདི་ནི་གཡོ་འགུལ་ངོ་མ་ཞིག་ཏུ་འགྱུར་སྲིད། གནས་ཚུལ་ཤེས་མཁན་ཚོས་འདིའི་སྐོར་ལ་མཆན་རེ་འདེབས་ཐུབ་ན་དགེ་མཚན་ཆེ་ཞིང་། དེ་ལས་རྒྱ་ཡིག་ཤེས་མཁན་ཚོ་རྒྱ་ཡིག་གི་དྲ་རྒྱ་ཁག་ཉུལ་ནས་གནས་ཚུལ་རེ་སྤྲོད་པར་སྐྱབས་འཇུག་ཞུ།
སྡུག་ལུང་དེ་ལ་མེ་མདའི་གྲགས་ཆར་བར་མེད་དུ་བབས་པར་ཤོག་ད་ལྟ་བར་དུ་འུ་བོད་པ་ཚང་ལ་མེ་དམའ་ཕངས་པའི་ལས་འབྲས་འཁོར་བར་ཤོག ཀི་ཀི་སོ་ལྷ་རྒྱལ་ལོ།་བོད་ཁམས་སྐྱོང་བའི་རྒྱལ་ཆེའི་སྲུང་མ་རྣམས། །ཉམས་ཐག་བོད་འབང་སྐྱོང་བའི་དུས་ལ་འབབ།
སྔོན་གྱི་ཞལ་བཞེས་དམ་བཅའ་ཇི་ལྟར་ཡང་། ད་ལྟ་དགུན་ཆང་གསེར་སྐྱེམ་ཕུལ་ལ་དེ། མ་གཡེང་མ་གཡེང་ཐུགས་དམ་སྙིང་པོར་དགོངས།་་
རྒྱ་ནག་ནང་འགྱུར་ལྡོག་དང་གལ་ཆེའི་གསར་གནས་ཁག་བོད་སྒྱུར་བྱས་ནས་བཀོད་པ་མཐོང་ཡག་མི་འདུག དངོས་གནས་བྱས་ན་འདི་ཚོ་དུས་བབ་ཐོག་བཀོད་ན་གལ་ཆེན་དུ་མཐོང༌།
རྒྱ་ཆེ་བའི་དྲ་གྲོགས་རྣམ་པ་ལགས། རྩོམ་ཡིག་འདི་ལས་གནས་ཚུལ་གསལ་ཐག་ཆོད་པ་ཤེས་ཐུབ་ཀྱི་མི་འདུག དེར་བརྟེན་དྲ་གྲོགས་ཤེས་ཚད་དང་ལྡན་པ་ཞིག་གིས་གནས་ཚུལ་ཁུང་ལུང་དང་ལྡན་པའི་ཐོག་ནས་བོད་སྒྱུར་རམ། ཡང་ན་ཕྱོགས་བསྡུས་བྱས་ཏེ་དྲ་ཚིགས་འདིར་བཀོད་གལ་ཆེན་པོ་ཞིག་རེད།
ཀྲོས་ཡུང་ཁང་ལ་གནས་ཚུལ་ཞིག་ཡོད་པ་རེད་ཟེར་གྱིན་ཡོད་པར་རེད་དེ། དེ་རིང་གི་གསར་འགྱུར་མཉམ་སྒྲོག་ནང་དུ་ངོ་མདོག་བསྟན་བྱུང་བས། གནས་ཚུལ་ཛ་དྲག་པོ་བྱུང་ཡོད་ཚོད་མི་འདུག
ད་ལན་པེ་ཅིན་ནས་བོའུ་སྐད་ཅིག་གྲགས་ཡོད་མེད་བཤད་ཚོད་མི་ཐིག་ཀྱང་། གོ་གནས་འཕྲོག་རྩོད་ཀྱི་མེ་ལྕེ་པེ་ཅིན་ནས་མཆེད་ཀྱིན་ཡོད་པས་སྔ་ཕྱི་མ་གཏོགས་འུ་ཚོས་དུ་བ་མཐོང་ངེས་རེད། ཡིན་ནའང་ཉི་མ་དེར་གྲ་སྒྲིག་ཅི་ཞིག་ཡོད་དགོས་པ་དེ་རང་ཕྱོགས་ཀྱི་འོས་འགན་ཡིན་པ་ལས། ཆོད་མེད་པའི་ནང་ཚགས་ནས་མཚང་འདྲི་རེས་བྱས་ནས་འདུག་རན་ཡིན་མིན་སོམས་དང་། སེམས་ཡོད་མཁན་གྱི་སྤུན་ཟླ་གང་མང་ཞིག་གིས་བདེན་དོན་ཁོ་ན་བསྣམས་བཞིན་འུ་ཚོའི་ཆེད་མེ་ལྕེའི་ཀློང་དུ་ཆས་སོང་།