སྤྱི་ལོ་༢༠༡༣ ལོའི་ཟླ་༡༠ ཚེས་༢༨ སྟེ། རེས་གཟའ་ཟླ་བའི་པེ་ཅིང་གི་ཕྱི་དྲོའི་ཆུ་ཚོད་༡༢ གཡོལ་ཙམ་ལ། པེ་ཅིང་གི་གནམ་བདེ་སྒོ་མོ་ཆེའི་མདུན་དུ་མེ་རླབས་དྲག་པོ་དགུང་དུ་འཕྱུར་བ་ཞིག་བྱུང་འདུག་པ་དང་། དུས་མཚམས་སུ་ཉེན་རྟོག་པ་དང་དམག་མིས་ཐང་ཆེན་ཡོངས་སུ་བསྐོར་ཡོད་འདུག
སྤྱི་ལོ་༢༠༡༡ ལོར་གནམ་སྡེ་སྒོ་མོ་ཆེའི་ཐང་དུ་རང་བསྲེག་དོན་རྐྱེན་ཞིག་བྱུང་བ་དེ་རྒྱ་ནག་གི་གསར་འགྱུར་བརྒྱུད་ལམ་གང་དུ་ཡང་ཐོན་མེད།
ཕྱི་རོལ་གྱི་མི་རྣམས་ཀྱིས་ཐེངས་འདིའི་དོན་རྐྱེན་ངོ་མ་ཅི་ཡིན་ད་དུང་གསལ་བོ་ཞིག་ཤེས་མེད། ཨ་རིའི་སི་ཨེན་ཨེན་བརྙན་འཕྲིན་ཁང་གིས་རྒྱ་ནག་གི་ཀྲུང་དབྱང་དབུས་བརྙན་འཕྲིན་ཁང་གིས་སྤེལ་བའི་གསར་འགྱུར་ལུང་འདྲེན་བྱས་པ་ལྟར་ན། དེ་རླངས་འཁོར་བརྡབ་སྐྱོན་གྱི་དོན་རྐྱེན་ཞིག་ཡིན་པ་དང་། རླངས་འཁོར་ཞིག་ཅང་སུའུ་ཟམ་ཆེན་གི་ཟུར་ངོས་ཤིག་ཏུ་གདོང་གཏུགས་བརྒྱབ་རྗེས་མེར་ཟིན་ཡོད་ལུགས་བཤད་འདུག
གོང་གི་འབྱུང་ཁུངས་ལྟར་ན། དོན་རྐྱེན་འདིའི་ནང་དུ། རླངས་འཁོར་ཁ་ལོ་བ་དང་། རླངས་འཁོར་ནང་གི་མི་གཞན་པ་གཉིས་ཀ་གྲོངས་ཡོད་འདུག་པ་དང་། དེ་མིན་གྱི་རྒྱ་རིགས་ཕོ་ཞིག་དང་། ཧྥི་ལི་པིན་གྱི་བུད་མེད་གཅིག་བཅས་ཡུལ་སྐོར་སྤྲོ་འཆམ་པ་གཉིས་འདས་གྲོངས་སུ་སོང་ཡོད་འདུག གཞན་མི་གྲངས་༣༠ ལྷག་ལ་རྨས་སྐྱོན་ཐེབས་ཡོད་པར་བཤད།
སྤྱི་ལོ་༢༠༠༩ ལོའི་ཟླ་གཉིས་པའི་ནང་དུ་ཡང་ས་འདི་གར་མི་གསུམ་གྱིས་རླངས་འཁོར་བསྐོར་ནས་མེར་བསྲེག་གཏོང་ཐབས་བྱས་ཡོད་པ་དང་། དེ་དག་ལས་མི་གཉིས་ནི་རྒྱ་ནག་གཞུང་ལ་གྱོད་གཏུགས་བྱེད་མཁན་རེད།
ཉེ་བའི་ཆར་རྒྱ་གཞུང་གིས་ཁྲུང་ཆིན་འགོ་གཙོ་པའོ་ཞི་ལེ་ཡི་གཏུགས་བཤེར་གྱོད་དོན་ཡོངས་རྫོགས་ལ་ངོས་ལེན་མེད་པར་བསྒྲགས་ནས། པའོ་ཞི་ལེ་ལ་ཁྲིམས་ཆད་གང་བཅད་པ་ཚང་མ་ལག་བསྟར་བྱེད་རྒྱུ་ཡིན་ལུགས་བསྒྲགས་ཡོད་ཅིང་། པའོ་ཞི་ལེ་ལ་རྒྱབ་སྐྱོར་བྱེད་མཁན་གྱི་ཤོག་ཁག་ད་དུང་ཤུགས་ཆེན་པོ་ཡོད་པས། ཆབ་སྲིད་དབྱེ་ཞིབ་པ་ཚོས་ཐེངས་འདིའི་དོན་རྐྱེན་འདིའི་ནད་ཀྱི་རྩ་བ་ཧ་ཅང་ཛ་དྲག་ཡིན་སྲིད་པའི་འགྲེལ་བརྗོད་བྱེད་ཀྱིན་ཡོད་པ་རེད།
ད་རྟེན་འབྲེལ་ཡག་པོ་དེ་ཙམ་མ་རེད། ང་ཚོ་དབུ་མའི་ལམ་གྱི་རྗེས་བྲངས་ཚོས་ལམ་སེང་རྒོལ་རྡུང་གཏོང་དགོས།
འཛམ་གླིང་གསར་འགྱུར་སྡེ་ཚན་ནས་རླུང་འཁོར་གདོང་ཐུག་རྒྱབ་པ་རེད་ཟེར། འོན་ཀྱང་དོན་དངོས་གང་ཡིན་གསལ་ཁ་མི་འདུག གསར་འགྱུར་གསང་བ་བྱེད་རྒྱུ་རྒྱ་ནག་གི་གཤིས་ཀ་རེད།།
པེ་ཅིན་ནས་མཆེད་པའི་མེ་སྟག་རེད་མི་འདུག པེ་ཅིན་ནས་མཆེད་པའི་མེ་ལྕེ་རེད་བྱ། ངོ་དེབ་ན་པར་མང་བོ་འདུག ད་དུང་གནམ་ཐང་གི་གས་གཏོར་རེད་ཟེར་། པར་ཞེད་སྣང་ཚ་བོ་དེ་འདྲ་འདུག
བདེན་མིན་མི་ཤེས།
ཀློང་ཆུང་ལགས། ཁྱོད་དགའ་བ་སྔ་དྲག་འདུག ཁྱོད་ཀྱིས་མདུང་ཁ་ནང་ལ་སྐོར་བ་མ་གཏོགས་ག་རེ་ཤེས་ཀྱི་ཡོད་དམ།
རླངས་འཁོར་གདོང་ཐུག་བརྒྱབ་པ་རེད་ཟེར་བ་ཙམ་གྱིས། གནས་ཚུལ་འདི་ཆབ་སྲིད་དང་འབྲེལ་བ་ཡོད་པ་གསལ་པོར་རྟོགས་སོང་། ཨ་རྒྱུ་མཚན་གང་ཡོད་ཨས།
དང་པོ། པེ་ཅིང་གི་ཟ་ཁང་ནང་ལ་སྣུམ་རྔོས་རྒྱག་གྲབས་ཡོད་པའི་ཁྱི་དེ་ཚོས་ཀྱང་ཤེས་གསལ་རེད། གནམ་སྡེ་སྒོ་མོའི་ཉེ་སར་རླངས་འཁོར་ཕར་ཞོག རྐང་འཁོར་ཙམ་འགྲོ་ས་མེད། མི་ཕྱིན་ན་བསྔོག་བཤེར་དང་མནར་གཅོད་ཚད་མེད་མྱོང་དགོས། དེར་རྟེན། རླངས་འཁོར་གཅིག་མ་ཟད་གཉིས་ཐར་བ་དེ་འདྲས་ཇི་འདྲ་རེད རྩ་བ་ནས་མྱོང་མ་སྲིད་པའི་གནས་ཚུལ་ཞིག་རེད།
གཉིས། གནམ་སྡེའི་སྒོར་མོའི་ཉེ་སར་རླངས་འཁོར་མགྱོགས་པོ་འདི་འདྲ་འགྲོ་ས་མེད་པར། མེ་ལྕེ་འབར་དགོས་པའི་གདོང་ཐུག་འདི་འདྲ་རྒྱག་ཐབས་བྲལ། ཨ་རིར་མགྱོགས་ལམ་སྟེང་ཉིན་རེ་རླངས་འཁོར་སྟོང་ཕྲག་རྡུང་ཁ་རྒྱག་རུང་མེ་འབར་བ་ཤིན་དུ་ནས་མྱུང་ཤས་རེད། ལྷག་པར་དུ་མགྱོགས་ཚད་དལ་བའི་རླངས་འཁོར་རྡུང་ཁ་བརྒྱབ་ན་མེ་འབར་བ་ནི་ཡོང་མི་སྲིད་པ་རེད།
ད་འདོད་པ་འཁེངས་སོང་ངམ།
པེ་ཅིན་གྱི་མེ་ལྕེའི་གསར་འགྱུར་ལ་ཁ་སྣོན་རེ་ཟུང་།
༡། མོ་ཊ་གདོང་ཐུག་དེ་འདྲ་མིན་པ་རྒྱ་ཡིག་གི་གསར་འགྱུར་ནང་ན་གསལ། མོ་ཊ་ཞིག་གནམ་བདེ་སྒོ་མོ་ཆེ་དང་དེའི་མདུན་གྱི་ཐང་ཆེན་གཉིས་ཀྱི་བར་ན་ཟམ་པ་དུ་མ་ཞིག་ཡོད་པ་རེད། མོ་ཊ་དེ་ལམ་ནང་ནས་མི་ཚོགས་ཀྱི་གཤགས་ནས་ཟམ་པའི་ལན་ཀན་ལ་བརྡབས་ཏེ་གས་ཏེ་མེ་འབར་འདུག ལམ་འགྲོ་རྣམས་ཀྱིས་འགད་སྒྲ་ཆེན་པོ་ཞིག་ཀྱང་ཐོས་པས་རླངས་འཁོར་དེའི་ནང་ལ་འགད་རྫས་ཡོད་པར་སྙམ་བཞིན་ཡོད།
༢། གནམ་བདེ་སྒོ་མོ་ཐང་ཆེན་གྱི་ལམ་འགྲོ་བ་རྣམས་ཀྱིས་པར་དུ་བརྒྱབ་པ་རྣམས་དྲ་རྒྱའི་ཐོག་ནས་གཞུང་གིས་བསུབ་བཞིན་ཡོད་པ་དང་། རྒྱ་གཞུང་གི་བརྙན་འཕྲིན་གསར་གྱི་སྐབས་སུ་ཡང་དེའི་སྐོར་ལ་ཡིག་ཐོག་གི་གསར་འགྱུར་མདོར་བསྡུས་ཤིག་མ་གཏོགས་པར་རིས་གཏོང་གི་མི་འདུག་ཟེར
༣། མོ་ཊའི་ཨང་རྟགས་དེ་ཞིན་ཅང་གི་ཨང་གྲངས་ཤིག་ཡིན་ཚུལ་ཡང་བརྗོད་ཀྱི་འདུག
ངོ་མ་བསམ་ཡུལ་ལས་འདས་པའི་དོན་རྐྱེན་རེད། རྒྱ་ནག་གི་ཁ་ཕྱོགས་ལ་འགྱུར་བ་ཆེན་པོ་ཞིག་འགྲོ་མི་སྲིད་པ་མིན།
དྲྭ་གྲོགས་ཚོས་ཟིན་ཐོར་འགོད་རོགས། ངས་ཀྱང་ཁ་སང་ནས་ཉིན་ཐོའི་སྟེང་དུ་བྲིས་ཟིན་པ་ཡིན།
རླངས་འཁོར་འབར་གས་བྱུང་བ་འདི་ཤིན་ཅང་གི་མི་གཉིས་ཀྱིས་བཟོས་བ་ཡིན་ཚུལ་བརྗོད་ཀྱིན་འདུག
དང་པོར་ཁོང་ཚང་གིས་གནས་ཚུལ་ཆུང་རུ་གཏོང་ཆེད་རླངས་འཁོར་རྡུང་ཐུག་བརྒྱབས་ནས་འབར་གས་བྱུང་བར་འགྲེལ་བཤད་རྒྱག་གི་རེད། རིམ་པས་གནས་ཚུལ་ཛ་དྲག་ཆགས་དུས་འདི་གཞན་གྱི་བཀོད་ཇུས་འོག་གཏོར་རྒོལ་བཏང་བར་ངེས་འཛིན་བྱེད་ཀྱི་ཡོད་པ་ཁོང་ཚང་གི་འགྲོ་སྟངས་རེད། མ་ཟད། རྒྱ་རིགས་མ་ཡིན་པའི་མི་རིགས་གཞན་ཞིག་གི་མགོར་བཙན་འགེད་བྱེད་ཀི་རེད།
གནམ་བདེ་རོ་ཐང་ཆེན་མོ་ནས། ཉམ་ཆུང་ཚོའི་ཚེ་སྲོག་འདི་ལྟར་ཡང་ཡང་གཞུད་སོང་བ་དང་། གཞུད་བཞིན་པའི་བདེ་རྩ་ལ་བདེན་དོན་གྱིས་ཡར་ལང་བྱེད་པའི་དཔའ་བོ་ཚང་མར་གདུང་སེམས་ཡོད། དབའ་པོ་ཁོ་ཚོ་གཞུད་ཤུལ་ན། མི་མང་གི་རྒྱབ་ལང་དང་། བདེན་པའི་བདེ་རྩ་ལ་ཤི་འཐབ་རོ་འཐབ་བྱེད་པའི་དཔའ་བོ་སྔར་ལས་མང་བ། སྔོན་ལས་རྒྱས་བ། དམར་པོའི་གཞུང་ཁ་ཐང་ལ་སྒོར་བའི་ཀི་ཀི་བསྭོ་བསྭོ་དམངས་རྒྱལ་ལོ།
གང་ལྟར། རྒྱ་ནག་གི་ཁྲག་ཐང་ཆེན་པོ་དེ་དང་། སྡིག་དཔོན་མའོ་ཡི་འདྲ་པར་གྱི་མདུན་ནས་དེ་འདྲའི་དོན་རྐྱེན་མུ་མཐུད་དུ་ཡོང་བར་སྨོན།
ཡ་ལ་འདི་སྤྲུལ་སྐུ་བསྟན་བདེ་ལེགས་ལྟ་བུ་བོད་མི་ཞིག་ལ་མ་རེག་པར་ཤོག།
ང་དེ་རིང་འདི་ནང་ཡར་འཇུག་རོགས་གནང་
དངོས་གནས་དཔའ་རྟགས་སྟོན་འདུག རླབས་ཆེན་རེད། དོན་དེ་སྒྲུབ་མཁན་བོད་པ་མིན་གསལ་པོ་རེད། བོད་པ་ལ་དགྲ་སྙིང་འཇོམས་པའི་བློ་ཁོག་གི་ཐབས་བྱུས་དེ་འདྲ་མེད། མེད་ནས་ཡུན་རིང་འགྱང་ཟིན་པས་སླར་གསོ་གློར་བུར་དུ་བྱེད་མི་ཐུབ།
མ་རིག་པའི་བུ་ཆོས་མེད་པ་ཡིན་མདོག་བྱས་ནས་འོང་པ་རེད། ད་ལྟ་ཁ་ཆེ་ཡིན་མདོག་འདྲ་བྱེད་ཀྱིན་འདུག་རྒྱ་ནག་གི་གཞུང་ཚབ་ཙམ་ཡང་མེད་སར་ནས་སྐྱེ་བཞག་པ་མིན་པར། གཞུང་ཚབ་ཀྱི་ཁྱི་ཁང་ནང་ན་ཉལ་བསྡད་པ་ཡིན་བགྱིད་རེད་ལོས་ཡིན།