ཉེ་ལམ། སྐབས་བཞི་བའི་རྒྱ་སྐད་ཀྱི་གཞོན་སྐྱེས་བརྙན་པར་གླེང་སྟེགས་པེ་ཅིང་དུ་མཇུག་བསྡུས་ཡོད་ལ། བོད་ ཀྱི་གློག་བརྙན་འཁྲབ་ཁྲིད་པ་པདྨ་ཚེ་བརྟན་ལགས་དང་ཐའེ་ཝན་གྱི་འཁྲབ་ཁྲིད་པ་ཏའེ་ ལི་རེན་ལགས་གཉིས་ལ་མཉམ་དུ་པེ་ཅིང་འཆར་གཞི་ཞེས་པའི་མ་དངུལ་བསྡུ་བའི་ཚོགས་ འདུའི་ཕུལ་བྱུང་ལས་གཞིའི་བྱ་དགའ་ཐོབ་པ་རེད།
ཤེས་གསལ་བྱུང་བ་ལྟར་ན། སྐབས་བཞི་པའི་རྒྱ་སྐད་ཀྱི་གཞོན་སྐྱེས་བརྙན་པར་གླེང་སྟེགས་ཀྱི་བྱེད་སྒོ་གཙོ་བོ་གསུམ་སྟེ་མཐོ་རིམ་ཚོགས་འདུ་དང་། པེ་ཅིང་འཆར་གཞི་ཞེས་པའི་མ་དངུལ་བསྡུ་བའི་ཚོགས་འདུ། གཞོན་སྐྱེས་བརྙན་པར་བ་བཅས་ལ་གཟིགས་མཁན་ཧ་ཅང་མང་པོ་ཡོད་པ་རེད། ཐོག་མའི་འགྲན་བསྡུར་དུ་ཞུགས་པའི་གློག་བརྙན་༨༠ལྷག་ཡོད་པའི་ནང་། མཐའ་ མཇུག་རྒྱལ་ནང་དང་། ཞང་ཀང་།ཐའེ་ཝན་བཅས་པའི་གློག་བརྙན་༡༢་ཆེས་མཐའ་མཇུག་གི་གློག་བརྙན་ལས་གཞིའི་ ནང་དུ་བདམས་པ་རེད། རྒྱལ་ནང་གི་བོད་ཀྱི་འཁྲབ་ཁྲིད་པ་པདྨ་ཚེ་བརྟན་ལགས་ཀྱི་གློག་བརྙན 《རྟག་བརྟན་གྱི་ཉིན་མོ》ཞེས་པ་དང་ཐའེ་ཝན་གྱི་འཁྲབ་ཁྲིད་པ་ཏའི་ལི་རེན་ལགས་ཀྱི་གློག་བརྙན《ཙོག་པུར་སྡོད་པ》ཞེས་པ་གཉིས་ལ་ཆེས་མཐའ་མཇུག་གི་ཕུལ་བྱུང་ལས་གཞིའི་བྱ་དགའ་ཐོབ་ཅིང་། དཔྱད་འདེམས་པ་ལི་ཀང་ལགས་ཀྱིས་དེའི་སྐོར་ལ་འདི་ལྟར། ལས་གཞིའི་བྱ་དགའ་ཐོབ་པའི་གློག་བརྙན་༡༢ནང་། དེ་གཉིས་ནི་ཚོང་ལས་གློག་བརྙན་དང་ཐག་ཉེ་ཞིང་སྣ་འཛོམས་རང་བཞིན་གྱི་རིན་ཐང་ཡང་ཆེས་མཐོ་བའི་གློག་བརྙན་གཉིས་རེད་ཅེས་ལབ་བྱུང་།
གློག་བརྙན་དེ་བལྟ་ཐབས་རེ་འེ་ཡོད་ཀི།་་སྐད་ཡིག་བོད་དང་རྒྱ་སྐད་གཉིས་ཀྱི་ཐོག་ཏུ་ཡོད་དམ།
བྱ་དགའ་ཐོབ་ནོ་བཀྲ་ཤིས་བདེ་ལེགས་ཡོད་འོན་ནང་དོན་ཕྱོགས་ནས་ང་ཚོ་བོད་པ་ཚང་ལ་མི་བཟང་རྒྱུ་རེ་མིན་པའི་རེ་ཡོད།་་
ངས་ར་ད་སོ་མ་གསར་འགྱུར་དེ་མཐོང་བ་ཡིན་ལགས།
བོད་སྐད་གློག་རྙན་ལ་རྒྱ་སྐད་དགའ་རྟགས་ཐོབ་པ་རེད་ཟེར་ན་བྲོ་བ་ཞིམ་པོ་ཞིག་མེད་གི།
ཨ་ཁུ།