དྲི་མེད་ལྷག་བསམ་ལ་ཕུལ་བའི་སྙིང་གཏམ་སྙིང་གི་ཚིལ་ལུ།

Comments (5) on “དྲི་མེད་ལྷག་བསམ་ལ་ཕུལ་བའི་སྙིང་གཏམ་སྙིང་གི་ཚིལ་ལུ།”

1. དྲི་མེད་ལྷག་བསམ་ལ་བྲིས་པའི། །
   དྲུང་ཡིག་མེད་པའི་ཨེ་མ་ཧོས། །
   དེ་རིང་འདི་རུ་མཐོང་དུས་ངས། །
   དོན་མེད་དབྱངས་ད་བྲིས་ཐལ་ཤོར། །

2. དྲི་མེད་ལྷག་བསམ་འདི་མིང་དོན་མཚུངས་པའི་མཁས་པ་དགའ་ས་ཞིག་རེད། ཨེ་མ་ཧོས་བསྟོད་པ་དེ་དོན་ལ་གནས་པ་ཞིག་འདུག །

3. དྲི་མེད་ལྷག་བསམ་ཕྱུག་པའི་མཁས་དབང་ལ།།
   དྲུ་གུ་སྒྲིལ་འདྲར་དུང་བའི་སྤྲིངས་ཡིག་ཅིག།
   དྲེ་བོ་དྲེགས་པའི་རྗེས་སུ་མ་རྒྱུགས་པར།།
   དྲོ་འཇམ་སྙན་ངག་དབྱངས་གསལ་ཡི་ག་འོང་།།

   ཀརྡོ་གཉེར་ཕྱག་པ་དེ་ཀར་ནག་དྲི།།
   གཞན་སྨད་སྡང་ཞུགས་ཁྭ་ཏས་འཁོན་ཚིག་དྲུ།།
   ཨེ་མ་ཧོ་ལར་འགྲན་པའི་མིག་སེར་དྲེ།།
   མགོ་རུལ་སྣ་ཡིས་མ་ཚོར་དྲི་ངན་དྲོ།།

4. ༄། །དགྱེས་པ་རྡོ་རྗེ་ལ་ཕུལ་བའི་ཀ་ཕྲེང་ཨ་ཝ་དྷུ་ཏིའི་ཆིག་ལབ། །
   ཀི་སྒྲས་གནམ་ས་འགེང་བའི་རྨི་ལམ་གྱི་དབང་ཕྱུག །
   ཁུ་ཚུར་མཐའ་ལ་ཕྱར་བའི་འཇིགས་བསྐུལ་ཙམ་མིན་པར། །
   གུ་གུལ་བདུག་པར་མཚུངས་པའི་གེགས་སེལ་གྱི་ཞལ་གདམས། །
   ངུ་མ་དགོད་ཀྱིས་སོར་བཅུའི་སྙིམ་པ་ལ་འཛིན་ནོ། །
   ཅི་ཡང་རུང་བའི་མི་ཚེ་སྐད་ཅིག་མའི་ནང་དུ། །
   ཆུ་བུར་ལྟ་བུའི་རྣམ་རྟོག་གློ་བུར་དུ་རྡོལ་བ། །
   ཇི་སྙེད་འཕྱར་ལ་དགའ་བ་བློ་ཆུང་གི་ངང་ཚུལ། །
   ཉུང་ཟད་དྲ་བར་སྤེལ་བ་ཆོས་དབྱིངས་སུ་རོལ་ཅིག །
   ཏིང་འཛིན་སྦྱོར་སྒྲོལ་རྒྱལ་བཀའ་ཚད་མ་རུ་བཞག་ན། །
   ཐི་བྱ་ཚང་དུ་འཇུག་བཞིན་རེ་དོག་རང་མེད་མོད། །
   དུ་ཁས་གཟིར་བའི་སྐྱེ་འགྲོའི་བདེ་ཐབས་སུ་བཞེད་ན། །
   ནུ་བོས་དཀར་ཟས་འགོག་པའི་ལུང་རིགས་རྣམས་སྐྱུང་ཆོག །
   པི་ཝང་ལྷ་མོ་དཀར་ཟས་ཕུལ་པ་ལ་སྤྲོ་མོད། །
   ཕུར་བའི་ལྷ་ཚོགས་དམར་མཆོད་བཞེས་པ་ལ་མཉེས་པས། །
   བུ་ངས་རྩ་གསུམ་དགྱེས་པའི་མཆོད་སྤྲིན་ཞིག་མ་རྙེད། །
   མུ་མཐའ་མེད་པའི་ཀློང་ཆེན་ཡངས་པ་ལ་དགའ་འོ། །
   ཙི་ཙིའི་རྐུ་སེམས་བྱི་ལའི་གསོད་སེམས་གྱི་ཕུག་འདུན། །
   ཚུར་མཐོང་འགྲོ་བའི་ལྷན་སྐྱེས་ལས་སྣང་དུ་བཞེད་དེ། །
   འཛུལ་ས་འཛུག་ས་འཚོལ་བའི་ཁེ་ཕན་གྱི་ལྟ་གྲུབ། །
   ཝུ་བའི་གྲོང་གི་བྱིས་པའི་གཏན་སྲིད་དེ་མིན་ནམ། །
   ཞི་བ་ཆེན་པོའི་མདོ་སྔགས་ཟུང་འཇུག་གི་གསུང་རབ། །
   ཟུར་དུ་བཞག་ནས་རང་འདོད་ལྟ་གྲུབ་ཞིག་སྤེལ་དུས། །
   འུ་ཐུག་ཐབས་ཟད་བདེན་པའི་ངུ་སྐད་ཅིག་ཤོར་བ། །
   ཡུལ་གྱལ་དྭ་ཕྲུག་འཆི་ཁའི་སྐད་འབོད་དུ་འགྱུར་ཉེ། །
   རི་བོ་གང་བའི་རི་དྭགས་སྙིང་དབུས་ན་རྩིས་ཆེ། །
   ལུང་པ་ཁྱབ་པའི་རྟ་ཕྱུག་གཅེས་ཕྲུག་དང་ཁྱད་མེད། །
   ཤུལ་ལུས་རྩ་ཆེའི་སྐྱེ་དངོས་སྲུང་བ་ལ་དགའ་མོད། །
   སུ་དག་རྒྱལ་གསུང་དགོངས་པ་ལོག་འགྲེལ་དེས་སུན་བྱུང་། །
   ཧི་མ་ལ་ཡི་མཁས་གྲུབ་ཐམས་ཅད་ལ་གུས་ཤིང་། །
   ཨིན་ཇིའི་ཡུལ་གྱི་རྨི་ལམ་དབང་ཕྱུག་ལ་དུང་པས། །
   ཨེ་མ་ད་ནི་བསམ་མི་ཁྱབ་པ་ལ་དམིགས་དེ། །
   ཧུ་སྒྲ་འདོན་པའི་ཞིབ་བཤད་ཆུ་ཀླུང་དུ་སྐྱེལ་ལོ། །ཅེས་པའང་དཔལ་དགྱེས་པ་རྡོ་རྗེའི་ཕན་པ་ལྷུར་ལེན་པའི་གླུ་དབྱངས་མཐོང་བའི་མོད་དཀར་ཟས་ལ་དགའ་ཞིང་།དཀར་ཟས་ལ་རོལ་བའི་རྒྱལ་ཁམས་པ་དྲི་མེད་མིང་གིས་ཤར་མར་བྲིས་ཏེ་ཕུལ། །

5. #3 པདྨ ་ལགས་ཀྱིས་སྤེལ་དོན།:
   November 29th, 2015 at 4:14 pm
   དྲི་མེད་ལྷག་བསམ་ཕྱུག་པའི་མཁས་དབང་ལ།།
   དྲུ་གུ་སྒྲིལ་འདྲར་དུང་བའི་སྤྲིངས་ཡིག་ཅིག།
   དྲེ་བོ་དྲེགས་པའི་རྗེས་སུ་མ་རྒྱུགས་པར།།
   དྲོ་འཇམ་སྙན་ངག་དབྱངས་གསལ་ཡི་ག་འོང་།།

   ཀརྡོ་གཉེར་ཕྱག་པ་དེ་ཀར་ནག་དྲི།།
   གཞན་སྨད་སྡང་ཞུགས་ཁྭ་ཏས་འཁོན་ཚིག་དྲུ།།
   ཨེ་མ་ཧོ་ལར་འགྲན་པའི་མིག་སེར་དྲེ།།
   མགོ་རུལ་སྣ་ཡིས་མ་ཚོར་དྲི་ངན་དྲོ།། ་་་་་་་་་་་་་་ ཟེར།
   ཧཧཧཧཧཧཧ། ཧོཧོཧོ།། །།