དྲ་འབུ་ལས་འཕྲོས་པའི་ཧམ་བཤད་དང་གནས་ལུགས།

བློ་བཟང་བཟོད་པ།

དེ་རིང་ངས་ཨ་རིག་འགྱུར་མེད་ཀྱིས་གཙོ་གཉེར་བྱས་པའི་དྲི་བ་ཕྱོགས་བསྒྲིགས། གསང་མིང་འོག་གི་འཇབ་རྒོལ་བ་དང་རྨས་མ་ཚོ་ཟེར་བའི་དུམ་བུ་དེ་བཀླགས་པ་ཡིན། གོ་སྐབས་འདི་དང་བསྟུན་ནས་ཡུན་རིང་པོ་ཞིག་ལ་བཤད་དགོས་བཤད་དགོས་བསམ་ཡང་སྐབས་རེ་ལེ་ལོ་དང་། སྐབས་རེ་དུས་ཚོད་མེད་པའི་དབང་གིས་ལྷག་སོང་བ་ཞིག་དེ་རིང་བཤད་རྒྱུ་ཡིན། ང་ནི་བོད་ཀྱི་བང་ཆེན་དང་ཁ་བར ྡ་གཉིས་ལ་མང་པོ་འགྲོ་གི་མེད། དུས་བབ་ནང་དུ་རང་གི་ཟིན་བྲིས་ཡོད་པས་དུས་ཚོད་གང་ཡོད་ལ་ཡོང་གི་ཡོད། དེར་མ་ཟད་སྐབས་རེ་ཚོར་ཤུགས་དྲག་པོས་གཞན་ལ་རྒྱབ་སྐྱོར་བྱེད་ཀྱི་ཡོད་ལ་སྐབས་རེ་གཞན་ལ་ངོ་རྒོལ་བྱེད་ཀྱི་ཡོད། དངོས་མིང་བཀོལ་གྱི་ཡོད་ལ་གསང་མིང་ཡང་བཀོལ་གྱི་ཡོད། འདི་ནི་འགྲོ་བ་མི་ཞིག་གི་ཀུན་སྤྱོད་ཀྱི་གཤིས་ཀ་ལོས་ཡིན། ངའི་རང་གཤིས་ནི་དྲ ་འབུ་ཟེར་བའི་སྐད་ཆ་འདི་ལ་ངོས་ལེན་གཏན་ནས་མེད་མཁན་ཞིག་ཡིན། དེའི་ཆེད་དུ་གྲོགས་པོ་མཁས་པ་ཁག་ཅིག་དང་རྩོད་བརྒྱབ་ནས་རྒྱལ་ཁ་ཡང་ལེན་མྱོང་། གང་ཡིན་ཟེར་ན་ཞིབ་མོ་རྣམ་འཐག་གིས་བསམ་བློ་བཏང་ན་དྲ་འབུ་ཟེར་བ་དེ་དོན་ལ་མ་གྲུབ་པ་ཞིག་རེད། གསང་མིང་འོག་གི་མཆན་འདེབས་མཁན་ཚོ་དྲ་འབུ་ཡིན་ན་དངོས་མིང་འོག་གི་རྙོག་དྲ་སློང་བའི་ཟིན་བྲིས་པ་སྐོར་ཞིག་དྲ་ས ྐྱག་ཡིན་ངེས། གང་ཡིན་ཟེར་ན་འབུ་ནི་མང་ཤོས་སྐྱག་པ་ལ་འཁོར་གྱི་ཡོད་པས་རེད། སྔོན་མ་ངའི་ཟིན་བྲིས་འབྲི་ཉེས་ཤིག་གིས་མི་ཞིག་ལ་ཕོག་ཐུག་སོང་བས་ཁོས་གསང་མིང་འོག་ནས་ང་བདའ་འདེད་བྱས་བྱུང་། སྡུག་རུ་ངན་ཚད་ལབ་སོང་། ཐེངས་ཁ་ཤས་ལ་བསུབ་པ་ཡིན་ཏེ་ཡང་ཡང་སླེབས་པས་བསུབ་ཐབས་མི་འདུག རེད། ཁོ་ལ་ཅི་ཁག སེམས་ཚོར་ཡོད་པའི་མི་རེད། ངས་ཟིན་བྲིས་དེའི་ན ང་བོད་ཀྱི་མཛངས་མ་བཤད་ས་ནས་མི་ཁག་ཅིག་ལ་ཁ་གཏད་གཅོག་ཆེད་ཆོལ་ཁའི་ཕྱོགས་ནས་སེམས་ལ་མི་འཕྲོད་པ་ཞིག་འབྲི་ཤོར་ཡོད་པས་རེད། དེར་བརྟེན་ངས་དགོངས་དག་ཞུས་པ་ཡིན། ཁོས་ཀྱང་རྗེས་ཕྱོགས་དེ་འདྲ་བྱས་ན་ཡང་བསྐྱར་ཡོང་རྒྱུ་ཡིན་པའི་ཐ་ཚིགས་བསྒྲགས་རྗེས་བུད་སོང་། དེ་ནས་ངས་ཀྱང་ཟིན་བྲིས་ཏེ་ཧྲིལ་པོ་བསུབ་པ་ཡིན། དེ་ན་ནིང་གི་ལོ་རེད། ངས་འདིར་བཤད་འདོད་ པ་ནི་ངས་མི་དེ་སེམས་ཚོར་ཡོད་མཁན་ཞིག་ཏུ་ངོས་འཛིན་གྱི་ཡོད་པས་ཁག་མེད་པར་ངོས་འཛིན་བྱེད་པ་ལས་དྲ་འབུ་ཟེར་བའི་མིང་འདི་བཀོལ་གྱི་མེད་ཟེར་བ་དེ་ཡིན། ད་ནི་སྤྲོས་པ་བསྐྱུངས་ཏེ་སྐབས་ཀྱི་དོན་ལ་འཇུག་ན། དེ་རིང་བོད་ཀྱི་དུས་བབ་ཏུ་ཨ་རིག་འགྱུར་མེད་ཀྱིས་དཀའ་ལས་བརྒྱབ་ཏེ་དྲི་བ་ཁག་ཅིག་དྲིས་འདུག་པ་འདིས་དོན་མང་པོ་ཞིག་གསལ་བོར་མཚོན་ཐུབ་ཀྱི་འདུག་པས། འདིར་དྲི་བ་ཞུ་ཡུལ་དང་དྲིས་ལན་གནང་མཁན་དེ་དག་གི་ནང་ནས་འགའ་ཞིག་དཔེ་མཚོན་དུ་བཞག་ཏེ་དངོས་ཡོད་གནས་ཚུལ་སྐོར་ཞིག་གླེང་རྒྱུ་ཡིན་ལ། བདེན་དོན་གླེང ་ས་ནས་མི་འགའ་ཞིག་ལ་ཕོག་ཐུག་སོང་ན་དང་པོ་ནས་དགོངས་དག་ཞུ་རྒྱུ་ཡིན། ཐོག་མར་སྐུ་ཞབས་རྡོ་རྗེ་དབང་ཕྱུག་གིས། (དངོས་མིང་མི་གསལ་བའི་གསང་མིང་ཅན་ཁོ་ན་ལས། དངོས་མིང་སྤྱོད་མཁན་ཚོས་གཞི་མེད་སྐྱོན་བརྗོད་དང་སྒྲོ་འདོགས་བྱེད་ཀྱི་མེད་པ་དེ་འདྲ་མ་རེད། མང་ཉུང་གི་ཁྱད་པར་ཙམ་རེད། གཞི་མེད་སྐྱོན་འཛུགས་ཀྱི་ལས་ཀ་དེ་ཕྱོགས་གཉིས་ཀ་ནས་ཡོང་གི་ཡོད་པར་ངོས་འཛིན་བྱེད་ཀྱི་ཡོད།) ཅེས་གསུངས་པ་ནི་ཇི་འདྲའི་གནས་ལུགས་དང་ཉེ་བའི་སྐད་ཆ་ཞིག་རེད། བློ་ཕངས་པ་ཞིག་ལ་སྐུ་ཞབས་རྡོ་རྗེ་དབང་ཕྱུག་ལ་པོད་ཁུག་ཡོད་དུས་ང་ལ་བོད་ཡིག་ཤར་ཐུབ་པའི་གློག་ཀླད་མེད་སྟབས། ཁོང་གི་ཟིན་བྲིས་དེ་ངའི་གྲོགས་པོ་ཞིག་གི་ནང་ནས་མཐོང་བ་ཙམ་ལས་ཞིབ་ཏུ་ཀློག་རྒྱུ་མ་བྱུང་། ཕྱིས་སུ་ཁོང་གི་ཟིན་བྲིས་སྒོ་བརྒྱབ་འདུག དེར་བརྟེན་ཁོང་ལ་མི་ཁག་ཅིག་གིས་ས ུན་པོ་བཟོས་རབས་ཤིག་གླེང་རྒྱུ་ཡོད་པ་དེའི་ལན་ཁག་སུ་ཡོད་པར་བརྗོད་མི་ཐུབ་ཀྱང་། ཁོང་གིས་དེ་རིང་གི་བཤད་ཚུལ་འདིས་ཕྱོགས་གཉིས་ལ་འགན་ཁུར་ཡོད་པ་གསལ་བོར་བསྟན་འདུག དེར་བརྟེན་སྐུ་ཞབས་ཁོང་བློ་གཟུ་བོར་གནས་པ་ཞིག་ཡིན་པ་ར་འཕྲོད་གསལ་བོ་བྱུང་འདུག དེ་ནི་ཧ་ཅང་གལ་ཆེན་པོ་རེད། མ་མཐའ་ཡང་ཁོང་སྐྱག་རྫུན་ཤོད་རྒྱུ་དང་རང་ཉེས་གཞན་འགེལ་བྱེད་རྒྱུར་མ ི་དགའ་བའི་མི་ཡ་རབ་ཅིག་ཡིན་པ་སྐད་ཆ་འདིས་མཚོན་གྱི་འདུག གཉིས་པ་དེ་སྒོམ་སྡེ་ལྷ་རམས་པའི་སྐད་ཆ་རེད། མ་གཞི་སྒོམ་སྡེ་ལྷ་རམས་པ་འདི་དགེ་བཤེས་མཁས་པ་ཞིག་ཡིན་པར་ངས་བརྩི་བཀུར་ཞུ་གི་ཡོད། ང་ཚོ་དགེ་བཤེས་ཚོ་ནང་ཚགས་ཀྱང་ཡིན་པས་དགེ་བཤེས་ཀྱི་ལ་རྒྱ་ལོས་ཡོད། འོན་ཀྱང་ཁོང་གིས་དེ་རིང་གི་དྲིས་ལན་དུ་(འདིའི་རིགས་ཀྱིས་མི་སྒེར་ཞིག་ལ་གཞི་མེད་སྐྱོན་འཛུགས་བྱས་པ་ཙམ་མ་ཟད།
བོད་མིའི་ཚོགས་པ་སྤྱིའི་ཁྲོད་དུ་ནང་ཁུལ་ལ་ཆོལ་ཁ་དང་ཆོས་ལུགས་སོགས་ཀྱི་ཐོག་ལ་དབྱེན་སྦྱོར་དཀྲུག་ཤིང་ཚབས་ཆེན་པོ་བཟོས ཏེ།)ཞེས་གསུངས་འདུག་པ་འདི་ལ་མོས་མཐུན་ཞུ་གི་མེད། རྒན་ལགས་དགོངས་པ་མ་ཚོམས་དང་། རྒན་ཁྱེད་ཀྱིས་རྣམ་གྲོལ་གླིང་གི་ཕྱག་མཛོད་བླ་མ་ཀུན་བཟང་གིས་བུ་ཕྲུག་རྒྱ་ལ་བཙོང་ཚུལ་ཞིག་བཤད་སོང་ང་། ཁྱེད་ཀྱིས་གཏེར་ཆེན་པདྨ་གླིང་གཏེར་རྫུན་རེད་ཅེས་གསུངས་སོང་ང་། ཁྱེད་ཀྱི་ཚིག་མཛོད་དུ་བོད་ཀྱི་ཆོས་བརྒྱུད་ད་ཡོད་སྐོར་ཞིག་ལྟ་ལོག་མུ་སྟེགས་པའི་ལྟ་སྤྱོད་ཅན་རེད་ཅེས་གསུངས་འདུག་ག འོ་ན་འདི་ཚོས་མི་སྒེར་པ་དང་ཆོལ་ཁ་ཆོས་ལུགས་པར་ལ་དབྱེན ་སྦྱོར་དཀྲུགས་ཤིང་བྱེད་ཀྱི་མ་རེད་དམ། ད་དུང་(དྲ་འབུ་འདི་རིགས་ནི་གྲི་དང་མེ་མདའ་མེད་ཙམ་མ་གཏོགས་འཇིགས་སྐུལ་རིང་ལུགས་པ་རང་རེད།)རེད་ཅེས་གསུངས་པ་ཡང་གནས་ལུགས་ཡིན་པར་མཐོང་སྟེ། རྒན་ཁྱེད་ཀྱིས་སྔོན་མ་ཚུལ་ཁྲིམས་མཐར་ཕྱིན་ལ་འཇིགས་སྐུལ་དྲག་པོ་གནང་བ་མིན་ནམ། དེ་རིང་ང་ཁྱེད་ཀྱི་ཟིན་བྲིས་ནང་དུ་ཉུལ་བར་སོང་ཡང་དེ་རིང་ཁྱེད་ཀྱིས་བསུབ་འདུག་མོད། སྔོན་མ་ཁྱེད་ཀྱི་ཟིན་བྲིས་ཨ་མའི་ནང་ནས་འཇིགས་སྐུལ་གནང་ཡོད་པ་ངས་དངོས་སུ་མཐོང་བར་མ་ཟད་འཇིགས་སྐུལ་དེའི་ངོ་བཤུས་དེ་རིང་ད་དུང་ཁྱེད་ཀྱི་ཟིན་བྲིས་སུ་མཐོང་རྒྱུ་འདུག་པ་འདི་རེད།
༼ཚུལ་ཁྲིམས་མཐར་ཕྱིན་ཟེར་བའི་མི་འདི་སུ་ཡིན་ཤེས་མཁན་ཡོད་དམ།༽ དྲ་གྲོགས་རྣམ་པ་ཚོའི་ཁྲོད་ན་ཚུལ་ཁྲིམས་མཐར་ཕྱིན་ཟེར་བའི་མི་འདི་སུ་ཡིན་ཤེས་མཁན་དང་། ད་དུང་གལ་སྲིད་ཁོའི་སྡོད་གནས་དང་ཁ་བྱང་ཁང་མིག་གི་ཨང་གྲངས་སོགས་གསལ་པོ་མཁྱེན་མཁན་ཡོད་ན་ངེས་པར་འདི་རུ་མཆན་བུ་འཇོག་རོགས། དཀོན་མཆོག་གསུམ་ལྟད་མོ་ལྟོས་ཤིག མི་འུ་ཐུག་ན་ལས་ཀ་གང་ཡང་བྱེད་སྲིད་ཀྱི་རེད་དཱ། འདོན་སྤེལ།:
༢༠༡༠/༠༣/༠༣༽ འབྲེལ་ཐག་འདིའི་ཐོག་ལ་གཟིགས་དང་།
http://www.tibettimes.net/blogs.php?id=228&post_id=9414 རྒན་ལགས། ཁྱེད་ཀྱིས་མི་གཞན་ལ་འདི་ལྟར་འཇིགས་སྐུལ་གནང་ནས་ད་དུང་གཞན་ལ་འཇིགས་སྐུལ་བའི་མིང་འདོགས་དོན་ཅི་ཡིན་ནམ། འདི་ལྟར་བྱས་ན་མ་འོངས་པར་ཡང་བསྐྱར་ཁྱེད་ལ་དགྲ་མང་རུ་མི་འགྲོའམ། སྤྱོད་འཇུག་ལས། ས་སྟེང་འདི་དག་ཀོས་གཡོག་ན།། དེ་རྙེད་ཀོ་བས་ག་ལ་ལངས།། ལྷྭམ་མཐིལ་ཙམ་གྱི་གོ་བས་ན།། ས་སྟེང་གོ་བས་གཡོག་དང་མཚུངས།། ཞེས་ག སུངས་པ་དེ་ཁྱེད་དགེ་བཤེས་ཤིག་གིས་གཟིགས་ལོས་ཡོད། ད་དུང་ཁྱེད་ཀྱིས་(འདི་དག་ལ་བསྟུན་མཁས་དང་བསམ་ཤེས་ compromise ནམ་ཡང་བྱེད་མི་རུང་།)གསུངས་འདུག ཁྱེད་ཀྱིས་ཁོང་ཚོ་ལ་བསམ་ཤེས་དང་བརྟུན་མཁས་མ་གནང་ན་ཁོང་ཚོས་ཀྱང་ཁྱེད་ལ་བསམ་ཤེས་དང་བརྟུན་མཁས་གནང་གི་མ་རེད། འདི་བཟོད་པ་སྒོམ་སྟངས་དང་རྙོག་དྲ་ཉུང་རུ་གཏོང་བའི་ཐབས་ཤེས་ཤིག་རེད་དམ། དྲག་ལས་ལ་བརྟེན་ནས་དོན་དག་གང་ཡང་ཐག་ཆོད་རྒྱུ་ཨེ་ཡོད།
གསུམ་པ་དེ་ལྷ་ཆབ་སྦྱིན་པའི་སྐད་ཆ་རེད། མ་གཞི་ལྷ་ཆབ་ཀྱིས་ཡག་པོ་གསུངས་འདུག འོན་ཀྱང་ཁོང་གིས་(ཡིན་ནའང་ད་ལྟའི་རང་རེའི་ཟིན་བྲིས་པའི་སྡེ་དང་མཆན་འདེབས་པའི་སྡེ་ལ་གཞིགས་ཏེ་ང་རྦད་དེ་དེའི་རིགས་ལ་ཡིད་སུན་ཡོད།)ཟེར་བ་ནི་ཧ་ཅང་ཐལ་མ་ཆེས་སམ། ངས་ན་ནིང་ཁྱེད་དང་མི་ཞིག་ལ་རྙོག་དྲ་བྱུང་སྐབས་ཁྱེད་ལ་རྒྱབ་སྐྱོར་བྱས་པ་ཡིན། འོན་ཀྱང་མི་དེས་ཁྱེད་ཀྱི་ནམ
་རྒྱུན་བྲིས་པའི་ཟིན་བྲིས་རྙིང་པ་ཚོའི་ནང་གི་ཚིག་ངན་རྣམས་ཕྱོགས་བསྡུས་བྱས་ནས་བསྟན་སོང་བས། དེ་ནས་ངས་ཀྱང་ལབ་རྒྱུ་ཅི་ཡང་རག་མ་སོང་། དེ་རིང་ཕྱིར་ཁྱེད་ཀྱི་ཟིན་བྲིས་ལ་ཉུལ་བ་ཡིན། དེ་ཚོ་ད་དུང་མཐོང་རྒྱུ་འདུག་པ་འདི་རེད། “དོལ་ཚོགས་ཀྱི་ཁོངས་མི།” “ཉུལ་མ།” “རྒྱ་གཞུང་གི་རྒྱུག་ཁྱི།” “ལྐུགས་པ།” “དྲ་འབུ།” “ཁྱི།” “གོ་བ་མེད་པའི་གླང་རྒན།” “ཐ་ཤལ་དང་སྐྱུགས་བྲོ་བ།” “སྐྱག་ལབ་རྒྱག་མཁན།” “གཡོ་རྒྱུས་ཁེངས་པའི་ཝ་མོ།” “རང་གིས་སྟུག་དྲི་བཏང་སྟེ་གཞན་ལ་སྣོམ་མཁན།”
“ན་ཚ་སྡུག་ཅག་གིས་ཟིན་མཁན།” “གདོང་འབག་གྱོན་པའི་དཔྱད་བརྗོད་པ།” “བྱི་ལིའི་སྟུག་པ་སྦས་སྟངས་ཀྱི་དཔོན་ངན།” “སྟུ་ཐུག་པའི་སྐད་ཆ།” “ཁྱི་རྐུབ་ཁྱི་མོས་ལྡག་སྟངས་ཀྱི་རྣམ་པ་ཅན།” “རང་ཚུགས་མེད་པ།” “ཕྱོགས་རིས་ཀྱིས་འཚོས་ནས་ཡོད་པ།” “ཁྱི་རྒན་གྱི་མདུན་ནས་རུས་ཀོག་འཕྲོག་པ་ལྟ་བུ།” “དོལ་འདྲེ་ཚོགས་པ་ལྟ་བུ་ཞིག་གི་སྒྲོ་ལོ་སྔོན་མོས་གྲོད་ཁོག་སྦྱངས་ཡོད་པ།” “མཆུ་ལི་མེར་བའི་མུན་པ་སྐྱབས་བསྟེན་གྱི་བྱི་བ་དག” འབྲེལ་ཐག་འདིའི་ཐོག་ལ་གཟིགས་དང་། http://www.tibettimes.net/blogs.php?id=74&post_id=3728 འོ་ན་རང་གིས་དུས་རྒྱུན་ཀུན་སྤྱོད་འདི་འདྲ་ཁྱེར་བཞིན་ད་དུང་གཞན་ལ་དྲ་འབུ་དང་། སྐྱུགས་མེད་ལངས་རབས་བཤད་ན་དེ་བློ་གཟུ་བོར་གནས་པའི་སྐད་ཆ་ཞིག་གཏན་ནས་མ་རེད་ལགས། བཞི་པ་དེ་ཁང་གསར་རྡོ་རྗེའི་སྐད་ཆ་རེད། མ་གཞི་ཁོང་ནི་ང་རང་ཆེས་དགའ་སའི་དུས་བབ་ནང་གི་ཟིན་བྲིས་པ་ཞིག་ཡིན། ཁོང་གིས་(དེ་བཞིན་ངས་ལོ་རྒྱུས་ཀྱི་དེབ་ཆེན་ཞིག་བརྩམས་ཏེ་དེའི་ནང་ཆོལ་ཁ་དང་ཆོས་ལུགས་ཀྱི་ཆགས་སྡང་ཕྱོགས་རིས་བཏོན་ཡོད་ན། ནམ་རྒྱུན་གྱི་ངའི་བསམ་སྤྱོད་དེ་ཚོ་ཡང་བཤད་དགོས་རེད། དེ་ནི་མི་གཅིག་གི་སྐད་ཆ་དང་ལག་ལེན་མཐུན་མིན་དང་། རང་གིས་བྲིས་པའི་དེབ་དང་རང་གི་བྱ་སྤྱོད་ཀྱི་གནད་དོན་རེད།)
ཅེས་གསུངས་པ་འདི་ལས་སྣང་བར་འགྲོ་བའི་སྐད་ཆ་ཞིག་ཡོང་དཀའ། དེ་དཔེ་མཚོན་གཅིག་གི་ཐོག་ནས་ཞུས་ན། སྔོན་ཧོར་གཙང་འཇིགས་མེད་ཀྱིས་མདོ་སྨད་ལོ་རྒྱུས་ཆེན་མོ་ལེགས་གྲུབ་བྱུང་བའི་སྐད་ཆ་སླེབས་སྐབས་དྲ་གྲོགས་བརྒྱ་ཆའི་དགུ་བཅུ་གོ་དགུས་ཁོང་ལ་བཀྲ་ཤིས་བདེ་ལེགས་དང་། མཚམས་འདྲི་ཐུགས་རྗེ་ཆེ་ཞུ་བཅས་བྱས་པ་རེད། འོན་ཀྱང་ཕྱིས་སུ་དེའི་ནང་ཆོས་ལུགས་ཀྱི་ས ྐོར་ལ་སྐད་ཆ་ཡག་པོ་གསུངས་མེད་ཚུལ་ཞིག་སླེབས་སྐབས་དྲ་རྒྱ་ཁག་གི་ཐོག་ནས་གླེང་ཕྱོགས་འགྱུར་ཏེ་ཁོང་ལ་སྐྱོན་བརྗོད་བྱེད་མཁན་གང་མང་བྱུང་བ་ལྟ་བུ་རེད། རྒན་སྒོམ་སྡེའི་ཚིག་མཛོད་ལ་རྙོག་གླེང་བྱུང་གི་འདུག་པ་ཡང་དེ་དང་གཅིག་མཚུངས་རེད། ཉེ་སྔོན་ཧོར་གཙང་འཇིགས་མེད་ཀྱིས་དུས་བབ་ནང་དུ་ཟིན་བྲིས་ཤིག་ཉར་རྩིས་བྱས་དུས་ང་དགའ་བོ་མ་བྱུང་། གང་ཡིན་ཟེར་ན་ ཁོང་ལ་དགྲ་མང་བས་ཟིན་བྲིས་ཡག་པོ་ཞིག་སྤེལ་དུ་འཇུག་གི་མ་རེད་ལ། དེ་ནས་ཁོང་གི་མི་གཞི་སོགས་ལ་སྐྱོན་བརྗོད་ཚད་མེད་བྱས་ན་སྐྱིད་པོ་ཡང་མི་འདུག བོད་མི་མང་སྤྱི་འཐུས་ཟུར་བ་ཞིག་གི་མཚན་མཐོང་ལ་སྲུང་སྐྱོབ་བྱེད་རྒྱུ་དེ་ང་ཚོའི་ལས་འགན་རེད། ངས་དེ་རིང་འདི་ནས་དོན་གྱི་གནས་ལུགས་དམར་རྗེན་མར་བཤད་ན། དྲ་རྒྱའི་རིགས་པ་ལ་མཐའ་མེད་པས་དྲ་དཔོན་གྱིས་དྲ་རྒྱ་མེད་པ་བྱས་ན་མ་གཏོགས་མི་སུ་ཡང་འགོག་ཐུབ་རྒྱུ་མ་རེད་ལ། ཟིན་བྲིས་པ་ཚོས་ཀྱང་རང་ལ་ཟིན་བྲིས་མེད་པར་བྱས་ན་མ་གཏོགས་འགོག་ཐུབ་རྒྱུ་མ་རེད། འོ་ན་ཇི་ལྟར་བྱེད་དགོས་ཟེར་ན། དང་པོ་དེ་ཟིན་བྲིས་པ་ཚོའི་རང་གི་ཀུན་སྤྱོད་ལ་ཚོད་འཛིན་ཡག་པོ་ཞིག་བྱེད་རྒྱུ་དེ་ཨང་དང་པོའི་ནང་གི་དང་པོ་རེད། གལ་ཏེ་རང་ཉིད་བཤད་ཕོད་པ་དང་བསྒྲུབ་ཕོད་པ་ཡིན་མདོག་གིས་ཡར་བཤད་མར་བཤད་བྱེད་དྲག་ན་ངོ་རྒོལ་བྱེད་མཁན་ཡོད་ད་ཡོད། ཁྱོད་ཀྱིས་ཁྱི་ཞིག་ལ་དབྱུག་པ་ཕྱར་ནས་རྫིག་རྫིག་བྱོས་དང་ཁྱི་དེས་ཚུར་རྣམ་འགྱུར་ག་རེ་བ སྟན་གྱི་འདུག འདི་འཇིག་རྟེན་གྱི་གནས་ལུགས་རེད། སེམས་ཚོར་ཡོད་པའི་མི་ཤིག་ཡིན་ཕྱིན་ཁག་ཅི་ཡོད། ཁྱད་པར་དུ་རང་གི་ཟིན་བྲིས་སུ་ཆོལ་ཁ་དང་ཆོས་ལུགས་ཀྱི་ནད་རོ་མང་པོ་ཐོན་ན་ངོ་རྒོལ་བྱེད་མཁན་གང་མང་པོ་ལོས་ཡོང་། གཉིས་པ་དེ་མི་ཞིག་གིས་གསང་མིང་འོག་ནས་ཚུར་རྒོལ་བྱས་ན་ཡང་མིན་ན་ལན་གང་ཡང་མ་བརྒྱབ་པར་གཡུག་ཞོགས། དེ་ལྟར་བྱས་ན་ཐང་ཆད་འགྲོ་གི་རེད། ཡང་མིན་ན་རང་ལ་བདེན་པ་ཡོད་མེད་གང་ལྟར་ཡང་ཁོང་ལ་ཕོག་ཐུག་སོང་བ་དེར་དགོངས་དག་ཞུས། དགོངས་དག་ཞུས་ན་མིའི་སེམས་དགའ་ནས་ཕྱིན་ཆད་རྒོལ་གྱི་མ་རེད། དེ་མ་གཏོགས་དང་པོ་རང་གིས་ཕོག་ཐུག་གཅིག་བཟོས། དེ་ནས་ད་དུང་ཕར་ད ྲ་འབུ་དང་དོལ་ཚོགས་སྡུག་ཅག་ཟེར་ན་སྡུག་རུ་སྡུག་རུ་འགྲོ་རྒྱུ་མ་གཏོགས་མེད་པ་སྨྲོས་ཅི་དགོས།
གྲོགས་པོ་ཚོ། འཇིག་རྟེན་དང་འཇིག་རྟེན་ལས་འདས་པའི་བདེ་སྐྱིད་གང་དགོས་རུང་ཐབས་ཡག་པོ་བརྟེན་ཤེས་ན་བདེ་བླགས་ཏུ་འགྲུབ་ངེས་ལ། ཐབས་ཡག་པོ་བརྟེན་མ་ཤེས་ན་ཇེ་སྡུག་དང་ཇེ་ངན་དུ་འགྲོ་རྒྱུ་མ་གཏོགས་མེད་པས། ཐོག་མར་གཞན་ལ་འཛུབ་མོ་མི་འཛུག་པར་རང་ཉིད་ལ་འཛུབ་མོ་འཛུག་རྒྱུ་དེ་ཐབས་ཀྱི་ནང་གི་ཐབས་མཆོག་རེད། ཐུགས་རྗེ་ཆེ། རྒན་སྒོམ་སྡེ་དང་རྒན་ལྷ་ཆབ་གཉིས་ཀྱི་ཐུགས་ལ་མ་འཕྲོད་ན་དགོངས་དག་ཞུ། སྨྱོན་པ་མདོ་མེད་ཅིག་གི་སྐད་ཆ་ལ་བརྩི་རོགས་ཞུ།