རིགས་གྲོལ།
རེ་བ་བཟང་ས་ཞིག་གི་སྣེ་མོ་ལ་འཇུས་ཏེ།
ལྗིད་ཏིག་གི་ཁུར་པོ་དེ་ལྟར་ཕྲག་ཏུ་བླངས་པའི་ཁྱོད།
ཉིན་གྲངས་རེ་རེ་བཞིན་ཐོ་ཡིག་ཏུ་འགོད་ཀྱིན།
རྐང་ཐང་མར་མདུན་དུ་སྐྱོད་དུས།
དགའ་སྡུག་གི་སེམས་གཏམ་རེ་རེ་བཞིན་དྲ་ངོས་སུ་བཤད་མྱོང་།
སྐབས་ལ་ལར། ཁ་བརྡ་ཞིག་གི་ཁྲོད་ནས།
ཁྱེད་རང་དགོད་མྱོང་ཞིང་།
སྙན་ངག་གི་སེང་ནས་ངུ་མྱོང་བའང་ཉུང་ཉུང་དེ་བས་མིན།
འོན་ཀྱང་། རྐང་ཟུང་གི་འགྱུ་བའི་རུས་ཚིགས་ན།
དྲང་བདེན་ཟེར་བའི་རྩ་དཀྱུས་ཤིག་ནར་གྱིས་རྒྱུག་པས།
ཁྱོད་ཀྱིས་གོམ་པ་གང་དལ་དུ་གཏོང་མ་མྱོང་།
ཁྱོད་ཀྱིས་བཞག་པའི་རྐང་རྗེས་རེ་རེ་ནི།
རང་ཉིད་ཀྱི་ལོ་རྒྱུས་རིང་མོ་ཞིག་གི་རྒྱུ་ཆ་ཡིན་ནམ།
ཡང་ན། རྩ་རྐྱང་རུས་རྐྱང་གི་འཇིག་རྟེན་འདིར་རྒོལ་ཕྱིར་ཡིན།
མིན། རྐང་རྗེས་དེ་དག་ནི་ལ་རྒྱ་དང་།
དུངས་བ་ཞིག་གི་རི་མོ་ཡིན་པས།
ཁྱོད་ཀྱིས་ང་ཚོར་བཞག་པའི་སྡོམ་ཚིག་ནན་མོ་ཞིག་ཡིན་ངེས།
གང་ལྟར། ཁྱོད་ཀྱིས་འཇིག་རྟེན་འདིའི་གྲུ་ཟུར་ཞིག་ཏུ།
དགོད་སྒྲ་དང་ངུ་ངག་མཐའ་དག་རྒྱབ་ཏུ་བསྐྱུར་ནས།
ཕྱི་མ་དང་ད་ལྟ་གང་ཞིག་གི་སྒོ་དྲུང་ན་ཡོད་མི་ཤེས་པར།
ཁུ་སིམ་སིམ་ངང་དེ་ལྟར་བུད་སོང་།
༢༠༡༣།༠༨།༠༧ ཉིན།
དྲ་གྲོགས་ཤིག་དེ་ལྟར་སོང་བར་དེ་ལྟར་ཕམ་དགོས་ན། ཡོ་རོབ་སོགས་སུ་འབྱོར་རྗེས་བཟའ་ཚང་ཁ་བྲལ་དུ་གྱུར་བ་དང་གྲོགས་པོས་བརྩེ་བ་ཆུང་དུ་འགྲོ་བ་གྲོགས་པོ་བརྗེད་པ་འདི་དག་གི་སེམས་པ་དེ་དག་ངོ་མ་སྙིང་མ་རྗེ། ཡིན་ཡང་དུང་བ་ནི་དུང་བ་རང་ཡིན་པས་ངོ་མ་ངོ་ཟློག་དཀའ་ཡ་་་ཁག་མེད་ཀི