དོན་དངོས་སུ་ཋམ་(Trump)སུ་ཡིན་ནམ། (༢)

བཞག་ལྡོམ་ལྗང་ལོ།

ཁྲིམས་འགལ་བྱས་པ།

དང་པོ། ཋམ་གྱིས་བཤན་ན་ཁོ་ནི་ཧ་ཅང་ཚོང་ལས་རིག་པའི་གནས་ལ་མཁས་ཤིང་སུ་ཞིག་གིས་ཁོ་བོའི་ཚོང་ལས་ཀྱི་གསང་བའི་རིག་པ་བསླབ་ན། མི་བུ་དེ་ནི་མི་རིང་བར་རང་ཉིད་ལྟ་བུ་འབྱོར་བ་ལྡན་པའི་ཕྱུག་པོ་ཞིག་དུ་འགྱུར་ངེས་ཡིན་ཟེར།སྤྱི་ལོ་གཉིས་སྟོང་ལྔའི་ལོར་མཐོ་སློབ་ཁང་རྫུན་མའམ་སློབ་ཁྲིད་ཐོབ་ཐང་ལག་ཁྱེར Education License མེད་པའི་Trump University ཟེར་བའི་དྲ་བ་ཞིག་སྒོ་འབྱེད་བྱས་དེ་སློབ་མ་གང་མང་ཞིག་གི་ལག་ནས་སློབ་ཡོན་འབོར་ཆེན་བསྡུ་ལེན་བྱས་མོད་ཀྱང་། དོན་དངོས་སུ་ཋམ་གྱི་སློབ་ཆེན་རྫུན་མ་དེར་སློབ་ཚན་Curriculum དང་སློབ་ཁྲིད་ཀྱི་ཐབས་ལམ་སོགས་གང་ཡང་མེད་པས། སློམ་མ་ཚོས་ཋམ་གྱིས་ཁོ་ཚོ་ལ་འགོ་བསྐོར་བཏང་སོང་ཞེས་སློབ་ཡོན་སྦྱིན་ཚར་བ་རྣམས་ཕྱིར་སྤྲོད་དགོས་པ་ཁྲིམས་ཁང་དུ་གྱོད་གཏུགས་བྱས་པ་མ་ཟད། ཨ་རིའི་ཁྲིམས་ལུགས་ལྟར་ན་སློབ་ཁྲིད་ཐོབ་ཐང་ལག་ཁྱེར་མེད་པའི་སློབ་གྲྭ་ནི་ཁྲིམས་འགལ་ཡིན་པས་སློབ་ཆེན་རྫུན་མ་དེ་སྤྱི་ལོ་གཉིས་སྟོང་བཅུ་ལོ་སྒོ་བརྒྱབ་འདུག རྗེས་སུ་གཉིས་སྟོང་བཅུ་དྲུག་ལོ་མཇུག་ཙམ་དུ་སློབ་མ་སོགས་ཀྱིས་ཁྲིམས་གཏུགས་སྣ་ཚོགས་བྱས་པར་བརྟེན་ཁོའི་ཨ་སྒོར་ས་ཡ་$25 སྤྲད་རྒྱུ་ཁས་ལེན་བྱས་འདུག གལ་སྲིད་དེའི་བསྐོར་ནས་ཤེས་འདོད་ན་དྲ་ཚིགས་འདིའི་ནང་ན་གསལ་བོ་འདུག: https://www.nationalreview.com/corner/trump-university-scam/
https://www.theatlantic.com/business/archive/2014/03/the-art-of-the-upsell-how-donald-trump-profits-from-free-seminars/284450/ 

ཐེབས་རྩ་ཁང།

གཉིས་པ། ཐེབས་རྩ་ཁང་གང་ཞིག་ཡིན་ཡང་དེའི་དམིགས་ཡུལ་གྱི་ཆེད་དུ་ཞལ་འདེབས་བསླངས་བའི་དངུལ་རྣམས་ཐེབས་རྩ་ཁང་དེའི་ཆེད་དུ་གཏོང་དགོས་པ་ལས་གང་ཟག་སྒེར་བའི་ཆེད་དུ་གཏོང་མི་ཉན་ཞིང། གལ་སྲིད་ཐེབས་རྩ་ཁང་དེའི་དངུལ་སྒེར་བའི་ཆེད་དུ་བཏང་བ་ཡིན་ན་ཁྲིམས་དང་འགལ་བ་ཡིན་མོད་ཀྱང་། ཋམ་གྱི་ཐེབས་རྩ་ཁང་གི་དངུལ་དག་ཁོའི་ཡིན་ཁུལ་ཀྱིས་རང་ཉིད་ཁོ་ནའི་ལས་དོན་འདྲ་མིན་ཀྱི་ཆེད་དུ་བཏང་ཡོད་འདུག དཔེར་ན། ཋམ་གྱི་མཐོ་སློབ་ཁང་རྫུན་མ་དེ་ཁྲིམས་ཁང་ནས་ཞིབ་འཇུག་བྱེད་ཀྱིན་པའི་སྐབས། ཋམ་གྱིས་རང་ཉིད་སྲུང་སྐྱོབ་ཆེད་ཁོའང་ཐེབས་རྩ་ཁང་ནས་ཨ་སྒོར་ཁྲི་༢༥ ནས་འབུམ་༢༥༨ཙམ་བཏང་ཡོད་འདུག མཐའ་མ་ཁོའི་ཐེབས་རྩ་ཁང་ནས་ཁྲིམས་འགལ་རིགས་འདྲ་མིན་སྣ་ཚོགས་བྱས་བ་མང་དྲགས་པའི་རྐྱེན་ཀྱིས། གཉིས་སྟོང་བཅོ་བརྒྱད་ལོ་སྒོ་མི་རྒྱག་ཐབས་མེད་བྱུང་འདུག དེའི་བསྐོར་ནས་ཤེས་འདོད་ན་དྲ་ཚིགས་འདིའི་ནང་ན་གསལ་བོ་བཤད་ཀྱི་འདུག་:https://www.nytimes.com/2016/09/07/us/politics/donald-trump-pam-bondi.html

ཁྲིམས་མཐུན་ཡིག་ཆ་མེད་པའི་ངལ་རྩོལ་བ།

གསུམ་པ། གཉིས་སྟོང་བཅུ་དྲུག་ལོ་ཨ་རིའི་སྲིད་འཛིན་འགྲན་རྩོད་ནང་དུ་ཋམ་ཞུགས་སྐབས། ཋམ་གང་དུ་སོང་ཡང་ཁོས་དུས་རྒྱུན་དུ་ཨ་རིའི་གླིང་ཕྲན་སོགས་རྒྱལ་ཁབ་གཞན་ནས་ཡོང་བའི་སྐྱབས་བཅོལ་བ་དང་། ཁྲིམས་མཐུན་ཡིག་ཆ་མེད་པའི་ངལ་རྩོལ་བས་ཨ་རིའི་མི་མང་གི་བྱ་བ་འཕྲོག་གིན་ཡོད་པ་དང་། ལྷག་པར་ཨ་རིའི་ཁྱིམ་མཚེས་རྒྱལ་ཁབ་Mexico དང་རྒྱལ་ཁབ་གཞན་ནས་རྒྱུ་རྐྱེན་འདྲ་མིན་ལ་བརྟེན་ཏེ་ཡོང་བའི་ངལ་རྩོལ་བ་དག་ནི་བཙན་གཡེམ་བྱེད་མཁན་དང་། ཉལ་ཐ་སོགས་ཁྲིམས་འགལ་སྣ་ཚོགས་བྱེད་མཁན་ཡིན་ཚུལ་ཀྱིས་འཆལ་གཏམ་ཁ་ནས་མཎི་འདོན་པ་བཞིན་སྒྲོག་གིན་ཡོད་པ་ཀུན་ཀྱིས་ཤེས་གསལ་རེད། འོན་ཀྱང་། སྤྱི་ལོ་༡༩༨༠ ལོར་ཋམ་རང་ཉིད་ཀྱིས་ཨ་རིའི་ནེའུ་ཡོག་གྲོང་ཁྱེར་ནས་Trump Tower འཛུགས་བསྐྲུན་བྱེད་སྐབས། ཁོས་ཁྲིམས་མཐུན་ཡིག་ཆ་མེད་པའི་Polish Workers ངལ་རྩོལ་བ་200 ཙམ་གླས་དེ། ངལ་རྩོལ་བ་དག་ལ་མགོ་སྲུང་སྐྱོབ་བྱེད་པའི་ཞྭ་helmet སོགས་གང་ཡང་མ་སྦྱིན་ཞིང་ཧ་ཅང་དཀའ་བའི་ལས་ཀ་བྱེད་དུ་བཅུག ངལ་རྩོལ་བ་རྣམས་ལ་ཆུ་ཚོད་རེ་ལ་ཨ་སྒོར་ལྔ་$5 རེ་སྤྲོད་པ་ཁས་ལེན་བྱས་འདུག་ཀྱང་། ཁོས་དུས་ལྟར་གླ་ཆ་མ་སྤྲད་པ་མ་ཟད། ངལ་རྩོལ་བས་ལས་གླ་སྦྱིན་རོགས་ཞེས་ཞུ་བ་བྱས་སྐབས། ཋམ་གྱིས་ཁྱེད་ཚོ་ནི་ཁྲིམས་མཐུན་གྱི་ཡིག་ཆ་མེད་པའི་ངལ་རྩོལ་བ་ཡིན་པས་འཆལ་གཏམ་འདྲ་མིན་བཤད་ན་ཁྱེད་ཚོ་རང་ཡུལ་ལ་ཕྱིར་གཏོང་རྒྱུ་ཡིན་ཞེས་འཇིགས་སྣང་ཡང་ཡང་བསྐུལ་འདུག་པ་མ་ཟད། ཨ་རིའི་མི་སེར་ཡིན་པའི་ཁང་པའི་རིགས་ཀྱི་ཆེད་ལས་བ་ཚོའང་ཁོས་གཞི་མེད་སྐྱོན་བརྗོད་འདྲ་མིན་བྱས་ཏེ་་གླ་ཆ་མི་སྤྲད་པའི་བསྐོར་དྲ་ཚིགས་འདིའི་ནང་ན་འདུག: https://www.thedailybeast.com/trump-tower-was-built-on-undocumented-polish-immigrants-backs
ཉེ་བའི་ཆར་ཡིན་ན་ཡང་། ནེའུ་ཡོག་གི་Trump Tower དང ཨ་རིའི་མངའ་སྡེ་Florida ན་ཡོད་པའི་མགྲོན་ཁང་Mar-a-Lago Club ནང་གི་ཞབས་ཞུ་བ་ཧ་ཅང་མང་པོ་ཞིག་ཨ་རིའི་ཁྱིམ་མཚེས་རྒྱལ་ཁབ་དག་ནས་ཡོང་བའི་ཁྲིམས་མཐུན་ཡིག་ཆ་མེད་པའི་ངལ་རྩོལ་བ་ཡིན་པ་ཟད། ཡིག་ཆ་རྫུན་མ་བཟོ་སྟངས་ཀྱང་ཋམ་གྱི་མགྲོན་ཁང་ལས་བྱེད་ཚོས་བསླབ་ཡོད་པ་ཞབས་ཞུ་བྱེད་མཁན་ཁ་ཤས་ཀྱིས་ཨ་རིའི་གསར་ཁང་CNN ལ་བཤད་འདུག

ད་དུང་སྤྱི་ལོ་༡༩༧༠ ནས་བཟུང་ཁོའི་ཚོང་གི་བརྒྱུད་རིམ་ནང་དུ་ཇོག་ཚོགས་སམ་Mafia ཁྲིམས་འགལ་སྒྲིག་འཛུགས་ཚོགས་པ་དང་འགྲེལ་བ་དམ་པོ་ཡོད་པའི་བསྐོར་དྲ་ཚིགས་འདི་དག་གི་ནང་ན་ཁ་གསལ་བོ་བཤད་ཀྱི་འདུག: https://www.politico.com/magazine/story/2016/05/donald-trump-2016-mob-organized-crime-213910

ཁང་བ་གླ་བར་རིགས་རུས་དབྱེ་འབྱེད་བྱས་པ།

བཞི་བ། ཨ་རིའི་ཁྲིམས་ལུགས་ལྟར་ན་ཚོང་ཁང་དང་། ཟ་ཁང་། ཁང་པ་གླ་བ་སོགས་གང་ཞིག་ཡིན་ན་ཡང་རིགས་རུས་མི་གཅིག་པ་དང་ཤ་མདོག་མི་གཅིག་པ། ད་དུང་གོམས་གཤིས་དང་ཆོས་ལུགས་ཀྱི་དད་མོས་མི་གཅིག་པ་རྒྱུ་མཚན་དུ་བྱས་ནས་ཁང་པ་མི་གླ་བའམ་ཡང་ན་ཚོང་མི་བྱེད་པ་ནི་ཁྲིམས་འགལ་ཡིན། འོན་ཀྱང་། སྤྱི་ལོ་༡༩༧༣ ལོར་ནེའུ་ཡོག་The Department of Justice ཁྲིམས་ཁང་གིས་ཋམ་དང་ཁོའི་ཕ་རྒན་གཉིས་ཀྱིས་ཁང་གླ་གཏོང་སྐབས་མི་རིགས་དབྱེ་འབྱེད་བྱེད་ཀྱིན་འདུག་ཅེས་ཁྲིམས་གཏུགས་བྱས་ཤིང་། མཐའ་མ་ཋམ་ཕ་བུ་གཉིས་པོ་ཁྲིམས་ཁང་ནས་ཕམ་ཏེ། ཁང་པ་གཞན་ལ་གླ་སྐབས་རིགས་རུས་དབྱེ་འབྱེད་མི་བྱེད་ཅེས་ཁྲིམས་ཁང་ནས་ཁས་ལེན་མི་བྱ་ཐབས་མེད་བྱུང་འདུག དེའི་བསྐོར་རྒྱུས་བ་ཤེས་འདོད་ན་དྲ་ཚིགས་འདིའི་ནང་ན་གསལ་བོ་བཤད་ཀྱི་འདུག:https://www.washingtonpost.com/politics/inside-the-governments-racial-bias-case-against-donald-trumps-company-and-how-he-fought-it/2016/01/23/fb90163e-bfbe-11e5-bcda-62a36b394160_story.html

ཚུལ་མིན་ཆགས་སྤྱོད།

ལྔ་བ། འུ་ཚོའི་ཁ་རྒྱུན་དུ་སྐྱེས་པ་ཕོ་ཞིག་གི་བཟང་ངན་ནི་སྒོར་མོ་དང་བུད་མེད་ལ་ཐུག་སྐབས་རང་ཚུགས་བརྟན་པོ་ཡོད་ན་ཕོ་རབ་ཡིན་ཟེར་མོད། ཡིན་ན་ཡང་ཋམ་ནི་དེ་ལས་ལྡོག་སྟེ། སྤྱི་ལོ་༡༩༧༠ ནས་༢༠༠༥ བར་དུ་བུད་མེད་འདྲ་མིན་ཀྱིས་འདོད་པ་དང་མཐུན་མིན་ལ་མ་ལྟོས་པར་མིའི་ཀུན་སྤྱོད་དང་མི་མཐུན་པའི་ཆགས་སྤྱོད་རིགས་འདྲ་མིན་སྤེལ་དེ་བུད་མེད་ཚོ་སུན་པོ་བཟོས་བའི་ཉེར་ལེན་ལ་བརྟེན་ཏེ། མཐའ་མ་བུད་མེད་༢༥ ལྷག་གི་ཁོ་ལ་ཁྲིམས་ཁང་དུ་ཁ་མཆུ་གཏུག་དགོས་བྱུང་འདུག སྤྱི་ལོ་༡༩༩༢་ནང་དུ་George Houraney དང་Jill Harth ཟེར་བ་གཉིས་ཀྱིས་American Dream Pageant ཞེས་བུད་མེད་མཛེས་མ་འགྲན་བསྡུར་ཚུགས་སྐབས་ཋམ་གྱིས་དངུལ་གང་ཙམ་ཚོགས་པ་དེར་སྦྱིན་རྒྱུ་ཁས་ལེན་བྱས་ཏེ། ཁོ་ཐེངས་མང་བོ་མཛེས་མ་འགྲན་བསྡུར་སྐབས་ཡོང་ཞིང་། ཁོས་ན་ཆུང་མཛེས་མ་ཚོར་ཚུལ་མིན་ཀྱི་ཆགས་ཚིག་དང་ཆགས་སྤྱོད་འདྲ་མིན་སྤེལ་འདུག མཛེས་མ་འགྲན་བསྡུར་ཚར་རྗེས་ཁོ་ཁ་བཤད་དོན་ལ་མ་གནས་པར་ཁོས་ཁས་བླངས་བའི་དངུལ་རྣམས་མ་སྤྲད་པ་བརྟེན། ཚོགས་པ་དེས་ཋམ་ཁྲིམས་ཁང་ལ་གྱོད་གཏུགས་བྱས་འདུག་པ་དྲ་ཚིགས་འདི་རྣམས་ཀྱི་ནང་ཁ་གསལ་བཤད་ཀྱི་འདུག :https://www.buzzfeednews.com/article/jtes/a-fifth-teen-beauty-queen-says-trump-visited-dressing-room

ཋམ་གྱི་མི་ཚེའི་ནང་གཉེན་སྒྲིག་ཁ་ཤས་དང་བཟའ་ཐོར་ཁ་ཤས་བྱུང་ཡོད་པའི་ནང་ནས་ཁོའི་བཟའ་ཟླ་དང་བོ་Ex-Wife Ivana Trump ཋམ་གྱིས་མོ་ལ་བཙན་གཡེམ་བྱས་སོང་ཞེས་པཔའི་སྐོར་ཤེས་འདོད་ན་འདི་ན་འདུག :https://www.thedailybeast.com/ex-wife-donald-trump-made-me-feel-violated-during-sex

མུ་འགོད།