༼༡༽ དཔའ་བོ་གསང་བདག་ཚེ་རིང་གིས་རང་ལུས་མེར་བསྲེགས་བཏང་གནས།
དེ་རིང་ཕྱི་ཟླ་ ༡༡ ཚེས་ ༡༧ ཉིན་གྱི་དགོང་དྲོ་བོད་ནང་གི་ཆུ་ཚོད་ ༧ པ་ཡས་མས་ལ་རེབ་གོང་རྩེ་ཁོག་མགོན་ཤུལ་ནས་ཡིན་པ་གསང་བདག་ཚེ་རིང་ཞུ་བ་ཞིག་གིས། རྡོ་དཀར་མོ་ཞང་སྲིད་གཞུང་ཡོད་ས་ནས་རང་ལུས་མེར་བསྲེགས་བཏང་སྟེ་འདས་གྲོངས་ཕྱིན་འདུག རྡོ་དཀར་མོ་ཞང་ནི་དེང་གི་རེབ་གོང་རྩེ་ཁོག་རྫོང་ཁོངས་མགོན་ཤུལ་ཚོ་སྟེང་བཅུར་སྟངས་འཛིན་བྱེད་པའི་ས་གནས་ཀྱི་སྲིད་གཞུང་ཡིན།
གསང་བདག་ཚེ་རིང་ལགས་ནི་ལོ་ ༢༤ དང་། རེབ་གོང་ཆུ་ཁོག་ཤོག་བཞི་ལས་མགོན་ཤུལ་སྒར་བ་རུ་ཁག་བརྒྱད་པ་ནས་རེད་འདུག ཁོང་གི་བཟའ་ཟླའི་མིང་དངོས་ལ་རྟ་མགྲིན་མཚོ་ཟེར་ནའང་སྡེ་བའི་ནང་འཕགས་མོ་འཚོ་ཞེས་འབོད་ཀྱིན་ཡོད་འདུག ལོ་༢༤ དང་། ཁོང་གཉིས་ལ་བུ་གཅིག་ཡོད་པའི་མིང་ལ་འདན་སྐྱབས་དང་ལོ་༣ ཡིན་འདུག ཁོང་ལ་སྲིང་མོ་གཅིག་ཡོད་པའི་མིང་ལ་ཚེ་དབྱིངས་སྐྱིད་དང་། ལོ་༢༩ དང་། ཕའི་མིང་ལ་ཆོས་དབྱིངས། ལོ་༥༡དང་། ཨ་མའི་མིང་ལ་སྨན་བླ་འཚོ། ༤༩ ཡིན་བཅས་འདུག
ད་དུང་འབྲེལ་ཡོད་བརྒྱུད་ཁུངས་ལྡན་གནས་ཚུལ་འབྱོར་གསལ་ལ། ཁོང་གིས་རྟག་པར་བོད་ལ་རང་དབང་མེད་པ་དང་། རྒྱལ་བོ་རིན་པོ་ཆེ་བོད་ལ་ཕེབས་ཐུབ་ཀི་མེད་པ་དང་གསེར་ཞལ་མཇལ་ཐུབ་ཀི་མེད་པ། པཎ་ཆེན་རིན་པོ་ཆེ་བཙོན་ཁང་དུ་ལྷག་ཡོད་པ། བོད་ཀྱི་དཔའ་བོ་རྣམས་གཅིག་འཕྲོར་གཅིག་མཐུད་ཀྱིས་སྐུ་ལུས་མེར་བསྲེགས་ནས་ཕེབས་སོང་ན་ད་འཇིག་རྟེན་འདིར་སྡོད་འདོད་མི་འདུག་ལ། བསྡད་ཀྱང་སྙིང་བོ་མི་འདུག་ཅེས་རང་གི་བཟའ་ཟླ་ལ་ཡང་ཡང་བཤད་ཡོད་འདུག་ལ། བཟའ་ཟླས་དེ་རུ་ཇུས་གཏོགས་བྱེད་དགོས་པ་མ་རེད་ཅེས་ཇི་ལྟར་བཤད་ཀྱང་ཁོང་གིས་དེའི་སྐོར་ཤ་སྟག་གླེང་ནས་སེམས་སྐྱིད་པོ་མེད་པར་བསྡད་ཡོད་པ་དང་། ཉིན་བདུན་བརྒྱད་ཙམ་གྱི་སྔོན་ལ་ཁོང་གིས་རང་ཉིད་ཀྱི་འདྲ་པར་ཞིག་གི་སྟེང་གྲོགས་པོ་གློག་ཀླད་བེད་སྤྱོད་ཤེས་མཁན་ཞིག་ལ་ཡི་གེ་ཞིག་ཕབ་འགོད་བྱེད་བཅུག་འདུག་པ་ནི། །
གདུང་དམར་བོད་ཀྱི་རྒྱུད་པ། །
གངས་སེང་དཀར་མོའི་ཚ་བོ། །
གངས་རིའི་ཕོ་རྒོད་རྣམ་པ། །
གངས་དཀར་ལ་རྒྱ་མ་བརྗེད། ། ༢༠༡༢ ་ལོར་ཞེས་འཁོད་ཡོད་འདུག
ཉིན་གསུམ་གྱི་སྔོན་སྡེ་བ་དེའི་ནང་གི་XXXཟེར་བའི་ཕོ་གསར་ཞིག་ལའང་བོད་ལ་རང་དབང་མེད་པ་དང་། རྒྱལ་བ་རིན་པོ་ཆེའང་བོད་ལ་ཕེབས་མ་ཐུབ། པཎ་ཆེན་རིན་པོ་ཆེའང་བཙོན་ལ་བཅུག་ནས་བཞག་ན་འཇིག་རྟེན་འདིར་བསྡད་ཀྱང་སྙིང་བོ་མི་འདུག་ཅེས་ཁ་བརྡ་བྱས་ཡོད་འདུག
དེ་རིང་སྔ་དྲོ་རྡོ་དཀར་མོ་སྲིད་གཞུང་ནས་འཚོགས་འདུ་ཆེན་པོ་ཞིག་བསྡུས་ཏེ་མེར་བསྲེགས་བཏང་བ་རྣམས་ཀྱི་ནང་མིར་ཐུགས་གསོ་དང་འཚམས་འདྲི་ཞུ་རུ་འགྲོ་མི་ཆོག་པ་མ་ཟད། དགོན་པ་སུ་སོང་ན་དེ་སྒོ་རྒྱག་གི་ཡིན་ཞེས་ཁྱབ་བསྒྲགས་བྱས་ཡོད་པ་དང་། ཕྱི་དྲོ་དེ་ག་རང་ཁོང་གིས་སྐུ་ལུས་མེར་བསྲེགས་ཀྱིས་རྒྱ་གཞུང་གི་གདུག་རྩུབ་སྲིད་བྱུས་ལ་ངོ་རྒོལ་བྱས་པ་ཡོད་པ་དང་། སྐབས་དེར་རྒྱ་གཞུང་གི་ཞིབ་ཉུལ་སོ་སྲུང་མི་སྣ་དག་གིས་མེ་གསོད་ཐབས་སུ་སྐུ་ཕུང་སྟེང་ལ་ཆུ་བཤོ་བ་སོགས་བྱས་ཡོད་ནའང་། མེ་འབར་ཤུགས་ཆེ་བས་ས་གནས་དེ་ག་རང་དུ་སྐུ་གྲོངས་ཡོད་འདུག
སྐུ་གྲོངས་བ་དང་མགོན་ཤུལ་རྡོ་རྗེ་རྫོང་དགོན་པའི་དགེ་འདུན་པ་རྣམས་དང་། གསང་སྔགས་སྨིན་གྲོལ་གླིང་གི་སྔགས་པ་རྣམ་པ་བཅས་རེབ་གོང་མགོན་ཤུལ་གྱི་བླ་སྔགས་ཚང་མ་དང་། མགོན་ཤུལ་ཚོ་སྟེང་བཅུའི་མི་མང་། འདབས་འབྲེལ་དཔྱི་ས་དང་མགར་རྩེ་འབྲོག་སྡེ་སོགས་ཀྱི་མི་མང་ཡང་འཛོམས་ཤུགས་ཆེན་པོ་བྱས་ཏེ་སྐྱ་སེར་སྟོང་ཕྲག་བརྒལ་བ་འདུ་འཛོམས་ཀྱིས་མགོན་ཤུལ་གསང་སྔགས་སྨིན་གྲོལ་དར་རྒྱས་གླིང་གི་ཉེ་འགྲམ་གྱི་དུར་ཁྲོད་ནང་སྐུ་ཕུང་ཞུགས་འབུལ་བྱས་ཡོད་འདུག ད་ལྟ་བརྒྱུད་ལམ་ཁག་བཀག་འགོག་བྱས་ཡོད་རྐྱེན་འདྲ་པར་སོགས་ལེན་ཐུབ་ཀྱི་མི་འདུག་པས། སླད་ན་འདི་གར་འབྱོར་མཚམས་ཁ་བརྡ་དྲ་ངོས་སུ་ཁ་གསབ་ཞུ་རྒྱུ་ཡིན།
༼༢༽ དཔའ་མོ་ལྕགས་མོ་སྐྱིད་ཀྱིས་རང་ལུས་མེར་བསྲེགས་བཏང་གནས།
ཕྱི་ཟླ་༡༡་ཚེས་༡༧ ཉིན་གྱི་ཆུ་ཚོད་བཞི་པ་མ་ཟིན་ཙམ་ལ་རེབ་གོང་སྨད་པ་ཁ་རྒྱ་སྡེ་བའི་བུ་མོ་ལྕགས་མོ་སྐྱིད་ཀྱིས་རྨ་ལྷོ་བོད་རིགས་རང་སྐྱོང་ཁུལ་དང་རེབ་གོང་༼ཐུན་རིན་༽རྫོང་གཉིས་ཀྱི་སྲིད་འཛིན་ལས་ཁུངས་ཁག་གི་བསྟི་གནས་ཆགས་ཡུལ་རོང་བོ་རྒྱལ་ཐང་གི་དགའ་བདེ་ཁྲོམ་རའི་བྱང་སྒོའི་ལམ་ཆེན་སྟེང་ནས་རང་ལུས་མེར་བསྲེགས་ཀྱིས་ས་གནས་དེ་གར་སྐུ་གྲོངས་ཡོད་པ་དང་། ས་གནས་མི་མང་གིས་སྐུ་ཕུང་རྒྱ་ལག་ལ་ཤོར་མ་བཅུག་པར་རེབ་གོང་རོང་པོ་དགོན་པའི་སྒྲོལ་མ་ཐང་ཆེན་དུ་གདན་ཞུས་ཀྱིས་ཕ་མ་གཉིས་ཕེབས་རག་བར་སེར་སྐྱ་མི་མང་གིས་སྨོན་ལམ་གསུང་འདོན་གྱིས་ཉར་ཡོད་པ་དང་། ཕ་མ་གཉིས་ཕེབས་ནས་ངོ་ཐག་ཆོད་ཟིན་མཚམས་རེབ་གོང་རོང་བོ་དགོན་ཆེན་གྱི་རྒྱབ་རི་ངོས་ཀྱི་གདོང་རྒྱལ་ཀླད་དུ་གདན་ཞུས་ཀྱིས་སྐུ་ཕུང་ཞུགས་འབུལ་ཞུས་འདུག གདོང་རྒྱལ་ཀླད་ནི་རེབ་གོང་རོང་བོ་དགོན་ཆེན་གྱི་བླ་མ་དང་དགེ་འདུན་པའི་སྐུ་ཕུང་སྦྱིན་བསྲེག་གནང་ས་ལས་མི་སྐྱ་ཁག་གི་ཕུང་བོ་ཞུགས་འབུལ་ཞུ་སྲོལ་མེད་ནའང་། རེབ་གོང་ཁུལ་ཐོག་ནས་མེར་བསྲེགས་གནང་བའི་རྒྱལ་གཅེས་དཔའ་བོ་བསོད་ནམས་དར་རྒྱས་དང་སྐལ་བཟང་སྦྱིན་པ་གཉིས་ཀྱི་སྐུ་ཕུང་གནས་དེར་སྦྱིན་བསྲེག་གནང་བ་མ་ཟད། མི་མང་གིས་ཕྱག་འཚལ་ཏེ་ཁ་བཏགས་བཏང་ནས་སྐུ་ཕུང་སྦྱིན་བསྲེག་གནང་ཡོད་པ་དང་། དེ་རིང་རྒྱལ་གཅེས་དཔའ་མོ་ལྕགས་མོ་སྐྱིད་ཀྱི་སྐུ་ཕུང་ཡང་ལའང་མི་མང་གིས་ཕྱག་འཚལ་ཞིང་ཁ་བཏགས་འཐེན་ཏེ་ས་གནས་དེར་ཞུགས་འབུལ་བྱས་ཡོད་འདུག་ལ། དེ་ནི་ལོ་རྒྱུས་སྟེང་བུད་མེད་ཅིག་གི་སྐུ་ཕུང་རེབ་གོང་གདོང་རྒྱལ་ཀླད་དུ་ཞུགས་འབུལ་བྱས་པ་ཐོག་མ་ཆགས་ཡོད་འདུག
བུ་མོ་ལྕགས་མོ་སྐྱིད་ནི་རེབ་གོང་སྨད་པ་ཁ་རྒྱ་སྡེ་བ་ནས་ཡིན་པ་དང་། ཕ་འབྲུག་བྱམས་འབུམ་དང་མ་སྒྲོལ་འཚོ་གཉིས་ཀྱི་བུ་མོ་ཡིན་པ་དང་། བརྒྱུད་ལམ་གཞན་ཞིག་ནས་ཐོས་ཚོད་ལྟར་ན་ཁོ་མོར་བྱིས་པ་གཉིས་ཡོད་འདུག་སྐད།
དེ་རིང་དགོང་དྲོར་སེར་སྐྱ་མི་མང་སྟོང་ཕྲག་མང་པོ་སྐུ་གདུང་ཞུགས་འབུལ་ཞུ་ཡུལ་གདོང་རྒྱལ་ཀླད་དུ་མཉམ་འཛོམས་ཀྱིས་རྒྱལ་བའི་ཞབས་བརྟན་གསོལ་འདེབས་དང་མ་ཎི་དབྱངས་འདོན། སྨོན་ལམ་གསུང་འདོན་བཅས་ཀྱི་ལམ་ནས་སྐུ་གདུང་ཞུགས་འབུལ་ཞུས་འདུག་པ་དང་།
ད་ལྟ་རེབ་གོང་ཁུལ་ཐོག་ཏུ་དེང་རབས་གོ་མཚོན་ཐོགས་པའི་དམག་མི་དང་ཉེན་རྟོག་པ་ཕོན་ཆེན་པོ་འབྱོར་ནས་འགྲུལ་བསྐྱོད་དང་བཅས་པར་དམ་དྲག་ཤུགས་ཆེ་བྱེད་ཀྱིན་ཡོད་གནས་འདུག
གནས་ཚུལ་གསལ་འབྱོར་བྱུང་བ་དང་ཁ་བརྡ་དྲ་ངོས་ལ་ཁ་སྣོན་ཞུ་རྒྱུ་ཡིན།
གནས་ཚུལ་ཕྱོགས་སྒྲིག་པ། བོན་རྒྱ་བསྟན་འཛིན་རབ་རྒྱས།
ངེད་ཟུང་ལ་འབྲེལ་གཏུགས།
བསྟན་རབ། ༨༨༩༤༥༠༣༥༥༨
གློག་འཕྲིན། dwangchuk2010@gmail.com དང་། kangwod@gmail.com ཡིན།
ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།
གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད།ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།
གངས་ཅན་འགྲོ་བའི་རང་དབང་བདེ་སྐྱིད་སླད། །
རང་གི་ལུས་དང་སྲོག་ཀྱང་ཡོངས་བཏང་བའི། །
རྒྱལ་གཅེས་དཔའ་བོ་གསང་བདག་ཚེ་རིང་དང་། །
དཔའ་མོ་ལྕགས་མོ་སྐྱིད་གཉིས་སྙིང་ནས་བཀུར། །
ཤིས་ཅིང་ཕིང་གཙོས་པའི་འགོ་ཁྲིད་གསར་པ་རྣམས་ཀྱིས་རྒྱ་ནག་ལམ་བུ་ག་འདྲ་ཞིག་ལ་འཁྲིད་སྲིད་དམ་ཞེས་པའི་རྒྱ་རྩོམ་ནང་བོད་ཀྱི་སྐོར་ལ་སྐད་ཆ་འདི་འདྲ་ཞིག་འདུག
མི་འགྱངས་པར་རྒྱ་ནག་ལ་འགྱུར་བ་གང་ཞིག་འགྲོ་སྲིད་པའི་ཐད་ནས་གྲངས་ཉུང་མི་རིགས་དང་ལྷགས་དོན་བོད་ལ་འཛིན་པའི་སྲིད་ཇུས་སྐོར་ལ། མིག་སྔར་བོད་ལ་རང་ལུས་མེ་སྲེག་གི་རྣམ་པ་དེ་དྲག་ཆར་རླུང་བུ་བཞིན་འཚུབ་བཞིན་པ་དང་། སྲིད་དབང་མཁྲེགས་འཛིན་ཚོས་ལོ་མང་རིང་དྲག་སྣོན་ཁོ་ན་བྱེད་པའི་སྲིད་ཇུས་ཀྱི་ལམ་བུ་དེ་ད་ལྟ་སྣེ་མོ་ལ་ཐུགས་ཡོད། གལ་སྲིད་ཤིས་ཅིང་ཕིང་གིས་ཕ་ཤིས་ཁྲོན་ཡོན་གྱི་སེམས་སྟོབས་འཛིན་ཐུབ་པ་དང་། ཧུ་ཡོ་པང་གི་ལམ་དུ་འགྲོ་ཐུབ་པ། བོད་པས་བོད་ཡུལ་སྐྱོང་བའི་ཏ་ལའི་བླ་མའི་དབུ་མའི་ལམ་དེ་དམིགས་ཡུལ་དུ་བཟུང་བ་ཡིན་ན་བོད་ཀྱི་མ་འོངས་ལ་རེ་བ་ཡོད་པ་རེད། གལ་སྲིད་ཏ་ལའི་བླ་མ་སྐུ་འཚོ་བཞུགས་རིང་བོད་དོན་འདིར་ཐག་གཅོད་ཡག་པོ་ཞིག་མ་བྱུང་ན་མ་འོངས་པར་བོད་འདི་རང་བཙན་རྒྱལ་ཁབ་ཞིག་ཏུ་འགྱུར་རྒྱུར་ཕལ་ཆེར་འགོག་ཐབས་མེད་པའི་ཚད་ལ་སླེབས་ཚར་བ་རེད། མགོ་མཁྲེགས་ཚོས་ཉེ་བའི་ལོ་ཤས་ནང་སྲིད་ཇུས་དམ་པོ་བྱེད་པའི་རྒྱབ་ཏུ་དཔོན་རིགས་ཚོའི་བར་གྱི་ཁེ་ཕན་འཕྲོག་རེས་གབ་ཡོད་པ་ལས་རྒྱལ་ཁབ་ཀྱི་ཁེ་ཕན་ཆེད་དུ་རྩ་བ་ནས་མ་རེད། བོད་ལ་ད་ལྟ་ཡོད་པའི་སྲིད་ཇུས་འདི་རྒྱུན་བཅངས་ནས་བསྡད་ན། གཏེར་ཁ་བསྔོགས་པ་དང་གློག་ཁང་གཉེར་མཁན་གྱི་ཁྱིམ་རྒྱུད་ཚོར་ཕན་ཐོགས་ཡོད་པ་རེད། དེ་བཞིན་བོད་ལ་གསར་དུ་ཐོན་ཡོད་པའི་འབྱོར་ལྡན་སྐུ་དྲག་གསར་པ་ཁག་ཅིག་ནི་དབུ་མའི་ལམ་ལ་དགག་པ་རྒྱག་མཁན་རེད། ཤིས་ཅིང་ཕིང་གཙོས་པའི་འགོ་ཁྲིད་གསར་པ་ཚོས་རྒྱ་ནག་གི་ཆབ་སྲིད་དང་དཔལ་འབྱོར་བསྒྱུར་བཅོས་ལ་གདོང་ལེན་བྱེད་ཕོད་ན་བོད་གཙོས་པའི་གྲངས་ཉུང་མི་རིགས་ཀྱི་གནད་དོན་ལ་ཡང་གདོང་ལེན་བྱེད་ཕོད་ངེས་རེད། བོད་ཀྱི་གནད་དོན་ཐག་གཅོད་བྱེད་སྐབས་ངེས་པར་དུ་ཁེ་ཕན་གཉེར་མཁན་གྱི་ཁྱིམ་རྒྱུད་དེ་ཚོས་བོད་ཀྱི་སྲིད་ཇུས་ཀྱི་ཁ་ལོ་བསྒྱུར་བའི་དཀའ་ངལ་དེ་སེལ་དགོས་ཅེས་བཤད་འདུག
བོད་ཀྱི་དཔའ་བོ་དཔའ་མོ་རྣམས་ལ་མྱ་ངན་ཞུ་བ་དང་སྦྲགས།
དངོས་གནས་དབུས་བོད་མིའི་སྒྲིག་འཛུགས་ཀྱིས་འགོ་ཁྲིད་གནང་སྟེ་བཙན་བྱོལ་དུ་ཡོད་པའི་བོད་མི་ཚོས་ནུས་པ་བཏོན་རན་འདུག་ ལྷག་པར་དུ་སྲིད་སྐྱོང་བློ་བཟང་སེང་གེ་མཆོག་གིས་དོན་དངོས་ཀྱིས་ནུས་པ་བཏོན་རོགས་གནང་ ཞལ་ནས་བརྒྱ་ཕྲག་གསུངས་ཀྱང་ལག་ལེན་མ་བཏང་ན་དེས་བོད་ནང་གི་མི་མང་ཚོར་གནོད་པ་ལས་ཕན་པ་མཐོང་གི་མི་འདུག་
འགྲོ་བ་མི་ཟེར་བ་ལ་ཅི་དགོས་ཟེར་ན། སེམས་ཁམས་རིག་པ་སྨྲ་བ་ཞིག་གིས་གལ་ཆེ་ཆུང་དང་མི་ལ་བདེ་བ་སྤྲོད་ཆེ་ཆུང་ནས་རིམ་པ་ལྔ་ལ་དབྱེ་ཡོད་སྐད། དེ་ལྔ་པོའི་ནང་ནས་ཚད་དམའ་ཤོས་སམ་སྐས་རིམ་དང་པོ་ལྟ་བུ་དེ་ནི་ཟས་སྐོམ་མཁྲེགས་བདེ་སོགས་སེམས་ཅན་ཕལ་ཆེ་བས་ཐུན་མོང་དུ་བསྟེན་དགོས་པ་དེ་དག་ཡིན་སྐད། གཞན་གྱི་བརྩི་མཐོང་དང་ལ་རྒྱ་སོགས་ནང་སེམས་ཀྱི་དགོས་མཁོ་དེ་དག་འགྲོ་བ་མིའི་དགོས་མཁོ་ཚད་མཐོ་ཤོས་དང་བདེ་བ་ཐོབ་ཆེ་ཤོས་དེ་དག་ཡིན་སྐད། རིག་པ་དེ་ནས་ངོ་སྤྲོད་ཐུབ་པ་ཞིག་ནི་ད་ལྟ་རྒྱ་ནག་གཞུང་གིས་བོད་པ་རྣམས་ལ་དུད་འགྲོ་ཙམ་ལ་བརྩི་བ་ལས་མིའི་ཐོབ་ཐང་མི་སྤྲོད་པ་འདི་ནི་རང་སྲེག་གི་རྒྱུ་ཆགས་ཡོད་པ་གསལ་པོ་རེད། བོད་པ་རྣམས་ཀྱི་ཁྲོད་དུ་ཟས་སྐོམ་མཁྲེགས་བདེ་ཙམ་གྱིས་བློ་ཡིད་འཚིམ་ནས་སྡོད་མཁན་ཉུང་ཉུང་ཡིན་མོད་རེ་གཅིག་རེ་གཉིས་ཡོད་པ་ནི་དྲ་འབུ་རེ་འགས་ངོ་སྤྲོད་བྱེད་ཀྱི་འདུག
ཁྱེད་ཚོས་ཉོན་དང་གངས་ཅན་པ་ཡི་དགོས་འདུན་འབོད་སྒྲ་ཅི་ཞིག་རེད།།
ཁྱེད་ཚོས་ལྟོས་དང་གདོང་དམར་བ་ཡི་མེར་སྲེག་རྣམ་པ་ཅི་འདྲ་རེད།།
ཁྱེད་ཚོས་མྱོངས་དང་ཁ་བ་ཅན་པས་ལུས་སེམས་ན་ཟུག་ཇི་འདྲ་རེད།།
ཀྱཻ་མ་གསུངས་དང་ངང་ཚུལ་འདི་ནི་སྐྱེ་བོ་སུ་ཡིས་བཟོད་ལགས་སམ།།
ཁྱེད་ཚོས་གསོན་དང་རྒྱ་ནག་གཞུང་གི་གཡོ་སྒྱུ་ལོག་བཤད་ཇི་འདྲ་རེད།།
ཁྱེད་ཚོས་གཟིགས་དང་དམར་པོའི་ཏང་གི་དྲག་སྤྱོད་རྣམ་པ་ཅི་འདྲ་རེད།
ཁྱེད་ཚོས་མྱོངས་དང་དྲག་པོའི་གཞུང་གི་བཙན་པོས་གཉའ་གནོན་ཅི་འདྲ་རེད།།
ཀྱཻ་མ་གསུངས་དང་ངང་ཚུལ་འདི་ནི་སྐྱེ་བོ་སུ་ཡིས་བཟོད་ལགས་སམ།།
རེ་རྐོང་ཡ། མཁས་དབང་ཚོ། ང་ཚོས་ནམ་ཡང་རྗེད་མི་སྲིད་དེ། གནས་དེར་ན་བླ་མ་ཙོང་ཁ་པས་འབྲི་སྨྱུག་ལྷག་མྱོང་བའི་ལོ་རྒྱུས་ལས་དགེ་ཆོས་སོགས་མཁས་པའི་དབང་པོ་ཇི་སྙེད་ཅིག་ཕེབས་ནས་བོད་རིག་པར་བྱས་རྗེས་རླབས་ཆེན་ཇི་ཙམ་བཞག་ཡོད་དམ། རེ་རྐོང་ཡ། དཔའ་རྒོད་ཚོ། ང་ཚོས་ནམ་ཡང་རྗེད་མི་སྲིད་དེ། གནས་དེར་ན་གླིང་གི་རྒྱ་ཚ་ཞལ་དཀར་གྱི་དཔའ་དམ་ལྷག་མྱོང་བའི་ལོ་རྒྱུས་ལས་སྙིང་དཀར་བཀྲ་ཤིས་སོགས་རང་སྲོག་སྤྱི་དོན་དུ་བཏང་བའི་དཔའ་རྒོད་དུ་མས་ས་ཡ་དྲུག་གི་དགྲ་བོ་རྒྱ་དམར་ལ་འཚེ་མེད་ཞི་བས་རྒོལ་ལན་གནང་ནས་རླབས་ཆེན་གྱི་བྱ་བཞག་ཇི་ཙམ་བསྐྲུན་ཡོད་དམ།
སྐྱེ་བ་རླབས་ཆེ་ཞིང། ཤི་བ་གཟི་བརྗིད་ཆེ། མའོ་ཙེ་ཏུང་གི་གཏམ་འདི་དེ་རིང་ང་ཚོའི་དཔའ་བོ་དཔའ་མོ་དག་ལ་སྦྱར་ན་ཧ་ཅང་འཚམས་པོ་འདུག་བསམ། ཧ་ལམ་འདི་འདྲེ་པོ་ཁོས་ང་ཚོའི་དཔའ་བོ་དཔའ་མོ་དག་གི་ཆེད་དུ་དུར་ཁང་ལ་མ་འགྲོ་སྔོན་དུ་བཞག་པ་ཞིག་ཡིན་པ་འདྲ་།
མཆན་བུ་མང་པོ་ཞིག་བཏབ་པ་ཡིན་ཏེ་དག་མཆན་ཐོབ་ཀྱི་མི་འདུག་
ཨོཾ་མ་ཎི་པདྨེ་ཧཱུཾ།
མེས་པོའི་རིག་གཞུང་བཟང་པོ། །སྟོང་བའི་མཚམས་ལ་སླེབས་འདུག །
རིག་ཞེན་ཆེ་བའི་སྤུན་ཟླས། །སྐུ་ལུས་མེ་ལ་བསྲེགས་སོང་། །
སྒྱུ་ལུས་ཕུང་པོའི་ནང་དུ། །གཟུགས་མེད་རྣམ་ཤེས་མཆིས་ཚེ། །
འདས་པོའི་སེམས་ཁོང་རེ་བ། །རྒྱབ་ཏུ་མ་བསྐྱུར་སྒྲུབ་རོགས། །
ད་ནས་བདེན་པའི་འཐབ་རྩོད། །ཉིན་མཚན་གང་ལའང་ཐུག་ཀྱང་། །
དཀའ་སྤྱད་སྙིང་རུས་ཆེན་པོས། །ཡང་ནས་ཡང་དུ་གནང་རོགས། །
ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།་མ་ཎི་པདྨེ་ཧྰུྃ། འཕགས་པ་སྤྱན་རས་གཟིགས་ཀྱི་མཁྱེན།།ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། འདས་པོ་འདས་མོ་རྣམས་ལ་སྙིང་ནས་བཀུར