དྲ་འདྲེ།
དབུས་བོད་མི་སྒྲིག་འཛུགས་ཀྱིས་ཇི་ལྟར་གསོལ་འདེབས་ཞུས་དོན་ལྟར་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཞལ་བཞེས་གཙང་མ་ཐོབ་སྟེ། ཕྱི་ལོ་༢༠༡༦ ཟླ་༡ པོའི་ཚེས་༡༤ ནས་༢༥ བར་གནས་མཆོག་རྡོ་རྗེ་གདན་དུ་གནང་གཏན་འཁེལ་བའི་དཔལ་དུས་ཀྱི་འཁོར་ལོའི་དབང་ཆེན། གློ་བུར་དུ་ཕྱིར་འཐེན་བྱ་རྒྱུ་ཡིན་པའི་དཀྲོག་གཏམ་ཞིག་ཉིན་ཤས་སྔོན་ནས་སྐད་འཕྲིན་སོགས་ཀྱི་ནང་དུ་ཁྱབ་སོང་ཡང་། དེང་སང་བརྡ་འཕྲིན་བརྒྱུད་ལམ་ཁག་ཏུ་བདག་པོ་མེད་པའི་སྐད་ཆ་བཤད་མཁན་མང་དྲགས་པས། ཡིད་ཆེས་རྒྱུ་ཕར་བཞག དོ་སྣང་ཙམ་ཡང་མ་བྱས་མོད། ཡིན་ནའང་བློ་ཡུལ་ལས་འདས་པ་ཞིག་ལ། ཕྱི་ཟླ་༨ པའི་ཚེས་༣༡ ཉིན་བཀའ་ཤག་ནས་དངོས་སུ་སྤེལ་བའི་དུས་དབང་ཕྱིར་འཐེན་གྱི་གསལ་བསྒྲགས་ཡི་གེ་དེ་མཐོང་སྐབས། ངའི་སེམས་ལ་ཐོག་མར་དྲན་ཡོང་བ་ནི་གཞིས་ལུས་དད་ལྡན་ཆོས་ཞུ་བ་རྣམས་རེད།
རྒྱ་ནག་དམར་པོའི་གཞུང་གིས་བོད་མིའི་ལུས་སེམས་གཉིས་ལ་དམ་དྲག་དང་སུན་བཙེར་སྣ་ཚོགས་འོག ཚེ་འདིར་༧གོང་ས་མཆོག་གི་ཞལ་ལན་གཅིག་མཇལ་ཐུབ་པ་དང་། གསུང་ལན་གཅིག་ཐོས་ཐུབ་པའི་ཆེད་དུ་ཉིན་མཚན་ལྟོས་མེད་ངང་སྨོན་ལམ་རྒྱག་བཞིན་པའི་གཞིས་ལུས་སྤུན་ཟླ་རྣམས་ཀྱི་དད་འདུན་རྡོག་རོལ་དུ་བཏང་སོང་སྙམ། ཤེས་གསལ་ལྟར། རྒྱ་ནག་གཞུང་གི་ལག་ནས་རྒྱ་གར་དུ་འགྲོ་ཆོག་པའི་ཐོངས་མཆན་རག་རྒྱུ་ནི་འགྲོ་ཞོར་འདུག་ཞོར་ཞིག་གི་ལས་ཀ་ཞིག་གཏན་ནས་མིན་པར། ༧གོང་ས་སྐྱབས་མགོན་ཆེན་པོ་མཆོག་གི་དྲུང་ནས་དུས་དབང་ཐེངས་གཅིག་ཞུ་རྒྱུའི་ཆེད་རྒྱུ་ཚེག་གཉིས་ཀྱི་འགྲོ་གྲོན་ཕངས་མེད་དུ་བཏང་སྟེ། ད་ལྟའི་ཆར་ཕྱི་བསྐྱོད་ལག་ཁྱེར་ལག་ཏུ་རག་ཟིན་པ་དང་ལག་ཁྱེར་ཞུ་བཞིན་པ་དག་གིས་དུས་ཡུན་གང་འཚམས་ཤིག་གི་སྔོན་ནས། གྲ་སྒྲིག་ཨང་གསར་གྱིས་བྱ་ཁུ་བྱུག་གིས་གནམ་ཆུ་སྒུག་སྒུག་བྱས་ནས་སྡོད་ཡོད་ལ། ཁོང་ཅག་རྣམས་ལ་མཚོན་ན། དུས་དབང་ཕྱིར་འཐེན་གྱི་གློ་བུར་བའི་གསལ་བསྒྲགས་འདི་ནི་སེམས་ལ་ཆུ་འཁྱག་བླུག་པ་ལྟ་བུའི་ཇི་འདྲའི་གཏམ་ངན་ཞིག་རེད་ཨང་།
བཙན་བྱོལ་བོད་པའི་སྤྱི་ཚོགས་ནང་ཐེངས་འདིའི་དུས་དབང་ཕྱིར་འཐེན་དང་འབྲེལ་བའི་བཤད་ཡམས་སྣ་ཚོགས་ཤིག་ཁྱབ་བཞིན་པ་ལྟར། ཕྱི་ལོ་ ༢༠༡༦ ལོའི་སྲིད་སྐྱོང་འོས་འགྲན་ཁྲོད་ཀྱི་འོས་མི་ག་གེ་མོ་ཞིག་གི་ཤུགས་རྐྱེན་འོག་སྲིད་སྐྱོང་བློ་བཟང་སེང་གེ་ལ་དུས་དབང་སྐབས་ཟིལ་ཤུགས་ངོམ་སའི་སྡིངས་ཆ་མེད་པར་བཟོ་པའི་ཆེད་དང་། འོས་མི་ཀླུ་མཁར་བྱམས་ཀྱིས་མང་ཚོགས་ལ་རང་གི་ལངས་ཕྱོགས་སོགས་བཤད་སའི་གོ་སྐབས་མེད་པར་བཟོ་ཆེད། ནང་པ་སངས་རྒྱས་པའི་ཆོས་ཀྱི་དབང་མོ་ཆེ་འདི་ཡང་ཆབ་སྲིད་ཀྱི་རྩེད་ཆས་ཤིག་ཏུ་བེད་སྤྱོད་བྱས་ཏེ། དངོས་ཤུགས་རྒྱུད་གསུམ་ནས་ཐབས་ཤེས་ཡོད་རྒུ་རྩལ་སྤྲུགས་གནང་པའི་མཐའ་མར། དུས་དབང་ཕྱིར་འཐེན་མི་བྱ་ཀ་མེད་དུ་གྱུར་པའི་སྐད་ཆ་འདི་བདེན་པའི་དབང་དུ་བཏང་ན། རྡ་སའི་ཆབ་སྲིད་པ་བསམ་ངན་ཁོག་བཅངས་འདི་དག་གི་ཆབ་སྲིད་འཁྲབ་སྟངས་ལ་སེམས་གཏིང་ནས་སྐྱུག་བྲོ་བ་མ་ཟད། ཆོས་ལུགས་གཙང་མའི་བྱེད་སྒོ་ཡན་ཆད་ཆབ་སྲིད་ཀྱི་ལག་ཆར་བེད་སྤྱོད་ནས། རང་གི་ཁ་གཏད་ཀྱི་ནུས་པ་གཅོག་ཐབས་བྱེད་བཞིན་པའི་བྱ་སྤྱོད་འདིའི་རིགས་ལ་ཡ་རབས་བཟང་སྤྱོད་ཀྱི་དྲི་ཙམ་ཡང་མི་བྲོ་བ་ཕར་ཞོག མང་གཙོ་ཡང་དག་པ་ཞིག་གི་སྤྱི་ཚོགས་ཀྱི་རྣམ་པའི་གཟུགས་བརྙན་ཙམ་ཡང་མཐོང་རྒྱུ་འདུག་གམ།
གསལ་བསྒྲགས་ནང་འཁོད་པའི་རྒྱུ་མཚན་དེ་དག་རྒྱུ་མཚན་ངོ་མ་ཡིན་མིན་མི་ཤེས་ཀྱང་། ༧གོང་ས་མཆོག་སྐུ་བྲེལ་ཆེ་བའི་དབང་གིས་ཕྱིར་འཐེན་བྱས་པ་ཡིན་ཚུལ་རྒྱུ་མཚན་དུ་བགྲངས་པ་དེ་ལའང་རྒྱུ་མཚན་དེ་ཙམ་མི་འདུག་སྙམ། གལ་སྲིད་དེ་ལྟར་ཡིན་པའི་དབང་དུ་བཏང་ན། དབུས་བོད་མིའི་སྒྲིག་འཛུགས་ཀྱིས་སྔོན་ནས་༧གོང་ས་མཆོག་ལ་དུས་དབང་གནང་རྒྱུའི་གསོལ་འདེབས་མ་ཞུས་ནའང་ཆོག་ལ། དགའ་ལྡན་ཕོ་བྲང་ནས་ཞལ་བཞེས་མ་གནང་ནའང་ཆོག དེ་ལས་ཀྱང་གཞུང་འབྲེལ་ཐོག་དུས་དབང་གནང་གཏན་ཁེལ་བའི་དུས་ཚེས་སོགས་གསལ་བསྒྲགས་མ་སྤེལ་གོང་ནས་གོ་བསྡུར་གནང་ཆོག་མོད། ཡིན་ནའང་ལོ་གཅིག་ཙམ་གྱི་གོང་ནས་དུས་དབང་གི་ཟླ་ཚེས་དང་བཅས་པ་གཞུང་འབྲེལ་ཐོག་ཁྱབ་བསྒྲགས་བྱས་ཏེ། རྒྱལ་ཕྱི་ནང་གང་སར་འཁོད་པའི་དད་ལྡན་ཆོས་ཞུ་བ་རྣམས་ཀྱིས་ཐོངས་མཆན་དང་དུས་ཚོད། འགྲོ་གྲོན་སོགས་གྲ་སྒྲིག་ཨང་གསར་དང་། ཐ་ན་མང་པོ་ཞིག་གིས་གནམ་གྲུའི་འཛིན་བྱང་དང་མེ་འཁོར་འཛིན་བྱང་སོགས་སྔ་ས་ནས་ཉོས་ཟིན་པའི་དུས་སྐབས་འདི་འདྲ་ཞིག་ལ། གློ་བུར་དུ་ཐོག་བརྒྱབ་པ་ལྟར་དུས་དབང་ཕྱིར་འཐེན་བྱ་རྒྱུའི་གསལ་བསྒྲགས་སྤེལ་བ་འདི། དེང་སྐབས་འཁྲུག་ཆ་དོད་པའི་རྡ་སའི་ཆབ་སྲིད་འགྲན་རྩོད་ཁྲོད་ཀྱི་འགུལ་སྐྱོད་ཅིག་དང་ཐོན་རྫས་ཤིག་མིན་པའི་རེ་བ་ཡོད།།
མི་ཤེས་ཤེས་ཁུལ་གྱིས་སྤྱི་ཚོགས་དཀྲུག་རྐྱེན་གྱི་ཉོག་རྩོམ་འདི་རིགས་མ་སྤེལ་ན་བཟང་། དངོས་ནས་ནས་ཅི་ཡིན་བཀའ་ཤག་གིས་གསལ་བསྒྲགས་བྱས་པ་ལྟར་རེད།
ཉོག་རྩོམ་དང་འབྲི་མཁན་གྱི་བཏགས་མིང་ཇི་འདྲའི་འདྲ་བ་ལ། དྲ་འདྲེ། དངོས་ནས་སྤྱི་ཚོགས་དཀྲུག་པའི་དྲ་འདྲེ་ཞིག་རེད།
ངས་ནི་བོད་ནས་འཕེབ་ཉན་ལ་སྐྱོན་དེ་ཙམ་ཡོང་གི་མ་རེད་བསམ་གི་འདུགས་ ད་བར་བོད་ནང་ལགས་འཁྱེར་སྤྲོད་ཀྱི་མེད་པ་དང་ དམིགས་སལ་ཁ་ཤས་ལ་རགས་ཡོད་ནའི་དུས་ཚོད་ལོ་ལྔ་ཡོད་པས་ལོ་རྗེད་མར་བོད་ནས་མི་མང་པོ་འཕེབས་ཐུབས་པའི་གོ་སྐབ་དང་རེ་བ་ཞུ་གི་ཡོད།
དགོང་དག་ངས་ཟེར་ཡས་ལོ་རྗེམ་དེ་༢༠༡༧ཟེར་གི་ཡོད།
དུས་འཁོར་དབང་ཆེན་ཕྱིར་འགྱངས་རྒྱབ་ཏུ་ཆབ་སྲིད་གལ་ཆེན་ཞིག་ཡོད་སྣང་ཤར། རྒྱ་གཞུང་གིས་དུས་འཁོར་དབང་ཆེན་ཕྱིར་འཐེན་བྱེད་ན་བོད་རྒྱ་ཞི་མོལ་གནང་ཆོག་ལབ་ཡོད་མདོག་ཁ་པོ་རེད། དེ་མིན་ན་རྒྱལ་བ་རིན་པོ་ཆེ་བོད་དུ་ཕེབས་བཅུག་རྒྱུ་ཁས་ལེན་བྱས་ཡོད་མདོག་ཁ་པོ་རེད། གལ་སྲིད་དེ་གཉིས་ལས་གཞན་མིན་ན་ནོར་བ་རེད། ཕུག་བསམ་གཏན་ནས་འགྲུབ་བཅུག་གི་མ་རེད།
དེའི་རྒྱབ་ན་རྒྱུ་རྐྱེན་ངོ་མ་གསལ་བཤད་གནང་མི་རུང་བའམ་ཡང་ན་གསལ་བཤད་ངོ་མ་མ་གནང་ན་དགག་དགོས་ཆེ་བ་ཞིག་ཡོད་གཏན་རེད། འོན་ཀྱང་༸སྐུ་མདུན་ལ་སྐུ་ངལ་གསོ་གནང་མཛད་རྒྱུའི་དུས་ཚོད་དགོས་རྒྱུ་སོགས་ཀྱི་གསལ་བཤད་དེ་ནི་ཁ་གཡོག་ས་ཞིག་རང་རེད། གང་ཡིན་ཞེ་ན་དཔལ་དུས་ཀྱི་འཁོར་ལོའི་དབང་ཆེན་བསྩལ་རྒྱུ་ལས་ལྷོ་ཕྱོགས་སུ་བསྩལ་རྒྱུའི་གསུང་ཆོས་ཁག་གལ་གནད་ཆེ་བ་ཡོད་པའམ་ཡང་ན་དེ་དག་རྩ་བ་ནས་ཕར་འགྱངས་གནང་ཐབས་མེད་པ་ཞིག་ཡིན་ནམ། གང་ལྟར་ཡང་ཐེངས་འདིར་བཀའ་ཤག་ལའང་མཛད་དཀའ་ཞིག་བྱུང་བ་ནི་ཐག་ཆོད་པ་ཡིན་འདུག་ཀྱང་གསལ་བཤད་དེ་ནི་ཡིད་འདྲོངས་བ་ཞིག་ནི་མི་འདུག་གོ།
འདི་འདྲ་ཤེས་མི་དགོས་པ་ཚོས་མ་ཤེས་ན་ལེགས་པའི་གནད་འགག་མང་པོ་ཡོད་རེད། དེ་སྔ་མདོ་སྨད་པ་ཐུབ་བསྟན་རྒྱ་མཚོ་བོད་གཞུང་གིས་སྦལ་སིལ་དོན་གཅོད་དུ་བསྐོས་ཏེ། གློ་བུར་ཕྱིར་འཐེན་བྱས་པར་རྒྱུ་མཚན་གཅིག་ཀྱང་བཤད་ཡོད་མ་རེད། ཟམ་གདོང་རིན་པོ་ཆེར་མདོ་སྨད་ཚོགས་གཙོས་ཨུ་ཚུགས་བྱས་ཀྱང་བཤད་ཀྱི་མིན་ཞེས་གསུང་ཡོད་པ་མ་རེད། དེ་འདྲ་བྱུང་རྒྱུ་ཡོད་པ་རེད། ད་ཐེངས་ཀྱི་དུས་དབང་ཕྱིར་འཐེན་ལའང་དགོས་པ་དང་དགག་བྱ་ཏན་ཏན་ཆེན་པོ་ཡོད་ངེས་་རེད། དེ་འདྲ་སོང་ཙང་། ཤེས་མི་དགོས་པ་ཚོར་ཇུས་གཏོགས་ཡོད་མ་རེད།
སྤྱིར་རྒྱལ་བ་རིན་པོ་ཆེ་ནས་དུས་འཁོར་དང་སྨོན་ལམ་འཚོག་རྒྱུ་གང་ཡིན་ཡང་རྙིང་མའི་སྨོན་ལམ་དང་དུས་མཉམ་དུ་མི་ཡོང་བ་ཞིག་དགོས་གསུངས་པ་དེ་རྫུན་དུ་མི་འགྱུར་རམ། དེ་དང་དེ་འདྲའི་བྱ་སྤྱོད་ཀྱི་བཤད་རྒྱུ་ཆུ་ལས་རིང་བ་ཞིག་མི་བཟོ་ན་ཡག་པོ་འདུག།
ཧ་ཧ རྒྱ་ནག་གཞུང་ཅི་ཞིག་ལ་དུས་དབང་ལ་ཞེད་དགོས་པ་རེད། སྐུ་མདུན་བོད་དུ་ཕེབས་པ་དང་རྒྱ་གར་ནས་དུས་དབང་སྐུར་བ་གཉིས་ཀྱིས་གང་རྒྱ་ནག་ལ་གནོད་ཀི་རེད། འོས་བསྡུའི་ཕྱོགས་ནས་བཀའ་ཤག་གི་ལས་ཀ་འདི་ལས་པ་ཡིན་ན་དངོས་གནས་ཐབས་སྐྱོ་བོ་རེད། དེ་འདྲ་མིན་ན་བསམ་ཡང་གཡས་སྐོར་གང་ནས་བྱས་ཀྱང་ཧ་ལམ་འབབ་ས་འདི་མིན་འགྲོ་བསམ་བསམ་ཞིག་རེད། ཐབས་སྐྱོ་དེ་འདྲ