ནམ་མཁའ།
གོང་གི་རྩོམ་བྱང་འདི་ཤེས་རིག་བཀའ་བློན་གྱིས་གྲོས་ཚོགས་ནང་གསལ་བཤད་བྱས་པའི་ཚིག་ཞིག་ཡིན་པ། བོད་ཀྱི་དུས་བབ་བཀླགས་ཡོད་མཁན་ཚོས་མཁྱེན་ངེས་ཡིན། དྲི་བ་འདི་འདྲི་མཁན་ནི། གཞན་ཞིག་མ་ཡིན་པར་བྱང་ཨ་རིའི་ནེའུ་ཡོག་སྐུ་ཚབ་དོན་གཅོད་རེད། དབྱིག་གཉེན་གྱིས་ཀྱང་མགོ་འཛུགས་དུས་རྙོག་དྲ་ཕྲན་བུ་བྱུང་སོང་ཞེས་ལན་འདེབས་གནང་འདུག་པས། རྙོག་དྲ་བྱུང་ཡོད་མེད་ཀྱི་དྲི་བ་འདིར་བསམ་གཞིགས་བྱས་ནས་རྩོམ་འཆལ་འདི་འབྲི་འདོད་སྐྱེས།
སྤྱིར་གསུམ་བཅུ་གང་ཡིན་ལ་གཞུང་འབྲེལ་མ་ཡིན་པའི་ཚོགས་པ་ཁག་གིས་བཀོད་སྒྲིགས་བྱས་ཏེ། གསུམ་བཅུ་དུས་དྲན་སྲུང་བརྩི་བྱེད་བཞིན་ཡོད་ལ། སྐབས་དེར་བཀའ་སྤྱིའི་ངོས་ནས་གསུངས་བཤད་གནང་སྲོལ་བྱུང་ནས་ལོ་ངོ་ལྔ་བཅུ་བརྒལ་སྟེ་ད་ལོ་གསུམ་བཅུ་དུས་དྲན་ཐེངས༥༦ ཕྱིན་ཡོད།
ཟླ་འདིའི་གསུམ་པའི་ཚེས་༩ ནས་བཟུང་། ངྷ་སའི་བུད་མེད་ཚོགས་པ་དང་དགུ་བཅུ་གསུམ་ཚོགས་པས་མགོ་བརྩམས་ཏེ་རྙོག་གླེང་གི་རླུང་འཚུབ་བྱུང་འདུག དེ་ཡང་ཟླ་འདིའི་ཚེས་དགུ་ཉིན་ངྷ་སའི་གཞོན་ནུ་ཚོགས་པ་སོགས་གཞུང་འབྲེལ་མ་ཡིན་པའི་ཚོགས་པ་ཁག་གིས་ད་ལོའི་༣/༡༠ དུས་དྲན་སྲུང་བརྩི་བྱེད་ཕྱོགས་སྐོར་ལ་ཚོགས་འདུ་བསྐོངས་སྟེ། སྐད་འབོད་དང་འབོད་ཚིག་སོགས་ལ་གྲོས་མོལ་བྱས་སྐབས།ཚོགས་པ་ཁག་གི་འབོད་ཚིག་གཏན་འཁེལ་བྱེད་དགོས་མིན་དང་། ཡང་ན་མི་དམངས་ཀྱི་ལག་ཏུ་བཞག་སྟེ་འདོད་མོས་ལྟར་འབོད་ཚིག་སྒྲོགས་མིན་གྱི་བསམ་ཚུལ་མ་མཐུན་པར། བུད་མེད་ཚོགས་པ་དང་དགུ་བཅུ་གསུམ་ཚོགས་པ་གཉིས་ཀྱིས་མི་དམངས་ཀྱི་ལག་ཏུ་འཇོག་འདོད་ཀྱི་བསམ་ཚུལ་དེ་ལ་མོས་མཐུན་མ་བྱས་པར། གསུམ་བཅུ་དུས་དྲན་སྲུང་བརྩིའི་བཀོད་སྒྲིག་ཚོགས་ཆུང་ནས་ཕྱིར་འཐེན་བྱས་འདུག
གང་ལྟར་ཡང་༣/༡༠ ཉིན་ངྷ་སའི་བུད་མེད་ཚོགས་པ་དང་དགུ་བཅུ་གསུམ་ཚོགས་པའི་བསམ་ཚུལ་ལ་ནུས་པ་མ་ཐོན་པར་ངྷ་སའི་འབོད་ཚིག་མི་དམངས་ཀྱི་ལག་ཏུ་བཞག་སྟེ་གསུམ་བཅུ་དུས་དྲན་ཐེངས་༥༦ པ་སྲུང་བརྩི་བྱས་ཡོད། ཡིན་ཡང་ངྷ་སའི་མི་དམངས་ལ་ནུས་པ་མ་ཐོན་ཀྱང་། རྒྱ་གར་ལྷོ་ཕྱོགས་མོན་གྷོ་ཊའི་མི་དམངས་ལ་ནུས་པ་ཅུང་ཟད་ཐོན་ཏེ་འབོད་ཚིག་གཞན་མེད་པར་ཆོས་སྐོར་ལ་འགྲོ་བ་བཞིན་༼བྱང་ཆུབ་སེམས་མཆོག་༽དབྱངས་སུ་གྱེར་ནས་༣/༡༠ ཐེངས་༥༦ པ་དུས་དྲན་སྲུང་བརྩི་བྱས་པ་ཞིག་དྲ་ཐོག་ན་འཁྱམས་ནས་འགྲོ་བཞིན་པ་དྲ་གྲོགས་མང་པོས་མཐོང་ཡོད་སྲིད།
དེ་ལས་ཀྱང་ཐབས་སྐྱོ་བ་ཞིག་ནི། འཛམ་གླིང་གི་དཔལ་འབྱོར་དང་ཤེས་ཡོན་སོགས་ཕྱོགས་གང་ཐད་ནས། འབུར་དུ་ཐོན་ཡོད་པའི་སྟོབས་ཆེན་བྱང་ཨ་རིའི་ལུང་པའི་ནེའུ་ཡོག་ཏུ་འཚོ་བཞུགས་སྐུ་ཚབ་དོན་གཅོད་དང་། བོད་རིགས་སྐོར་ཞིག་གི་བསམ་བློ་ཁབ་ཀྱི་ཨུ་ཁུང་བཞིན་གུ་དོག་དྲགས་སྟེ། འབོད་ཚིག་ཞིག་གིས་རྙོག་དྲ་ལུང་པ་བཀང་བཟོས་ཏེ། ཆབ་སྲིད་ཀྱི་བསམ་བློ་ཆེ་མདོག་གིས་ཨ་རིའི་སྤྱི་བདེ་མི་སྣ་སྐད་བཏང་བ་སོགས་ངོ་དེབ་སོགས་སུ་གསལ་གསལ་ཐང་ཐང་རེད། ང་ཚོས་ཤེས་རིག་བཀའ་བློན་གྱིས་གསལ་བཤད་བྱས་སྐབས་ཀྱི་ཚིག་ལ་ཁ་ཕྱིར་འཁོར་ནས་དོགས་སློང་ཅུང་ཟད་བྱས་ན།
ང་རང་སྒེར་གྱི་དོགས་པ་ཡ་མཚར་ཞིག་ལ། ༼བོད་རང་བཙན་གཙང་མ་ཡིན། བོད་ནས་རྒྱ་མི་ཕར་རྒྱུགས་ཤིག༽ཅེས་པའི་འབོད་ཚིག་འདི་སྒྲོག་པ་ལ་བཀག་རྒྱ་བཟོ་མཁན་ཨ་རིའི་ནེའུ་ཡོག་དོན་གཅོད་ལ་འབྲེལ་བ་མེད་ན། ཁོས་དབྱིག་གཉེན་ལ་ཁ་པར་བཏང་སྐབས། དེ་རིང་གི་སྐད་འབོད་ལ་བོད་དོན་རྒྱབ་སྐྱོར་ཚོགས་པའི་ཕྱི་རྒྱལ་མི་གང་མང་སླེབས་ཡོད་མེད་དང་། བོད་མི་ག་ཚོད་ཡོད་མེད་མ་དྲིས་པར་རྙོག་དྲ་བྱུང་ཡོད་མེད་འདྲི་དགོས་དོན་ཅི་ཡིན་ནམ། དྲི་བ་འདི་ནི། ཡ་མཚར་ཆེ་བ་ཞིག་མ་རེད་དམ།
གལ་སྲིད་ནེའུ་ཡོག་དོན་གཅོད་ཀྱིས་འགན་ཁུར་ནས་གསུམ་བཅུ་དུས་དྲན་སྲུང་བརྩི་བྱས་ཀྱང་། ༼བོད་རང་བཙན་གྱི་དར་ཆ་དང་འབོད་ཚིག་སྒྲོག་མི་ཆོག་པ་བཀའ་སྤྱིའི་བཀའ་རྒྱ་རེད་དམ། ཁྱོད་རང་ཉིད་ཀྱི་སྲིད་དབང་སྒེར་གཅོད་བྱས་པ་རེད། ༼བོད་རང་བཙན་ཡིན༽༼བོད་ནས་རྒྱ་མི་ཕར་རྒྱུགས་ཤིག༽ཅེས་པའི་འབོད་ཚིག་འདི་ནི་བཙན་བྱོལ་སྤྱི་ཚོགས་ནས་གསར་བཟོ་བྱས་པ་ཞིག་མ་ཡིན་པར། ༡༩༥༩ ལོར་ལྷ་ས་ནས་སྐད་འབོད་བྱས་སྐབས་ཀྱི་དཔའ་བོ་དཔའ་མོ་ཚོས་བསྒྲགས་པའི་སྙིང་སྟོབས་ཀྱི་འབོད་ཚིག་ཅིག་རེད།
ང་ལ་དྲི་བ་ཞིག་ཡོད་པ་ནི། རྒྱ་ནག་སྲིད་གཞུང་གིས་བོད་རང་བཙན་དང་བོད་ནས་རྒྱ་མི་ཕར་རྒྱུགས་ཤིག་ཅེས་སྐད་འབོད་མ་བྱས་ཚེ། བོད་རྒྱ་གྲོས་མོལ་བྱེད་ངེས་ཡིན་ཅེས་བཤད་ཀྱི་ཡོད་ན། ཁྱེད་ཚོས་བཀའ་རྒྱ་བཙན་པོས་བཀག་ཀྱང་འགྲིག་གི་རེད། དེ་ལྟར་ཁྱེད་ཚོར་བཤད་ཡོད་དམ།
གལ་སྲིད་ཁྱེད་རང་ཚོའི་འདོད་པ་ལྟར་ན། ལོ་རྗེས་མ་ནས་གསུམ་བཅུ་དུས་དྲན་དང་བོད་ཀྱི་རྒྱལ་དར་སོགས་མེད་པ་བཟོས་ན་འགྲིག་གི་རེད་དམ། ད་རུང་ཁྱེད་ཚོར་ཞུ་འདོད་པ་ཞིག་ལ། དངོས་གནས་ཁྱེད་ཚོས་༧གོང་ས༧མཆོག་གི་བཀའ་ཅི་བཞིན་སྒྲུབ་བཞིན་པ་ཡིན་ན། ཨ་རི་ནས་དོལ་ཚོགས་ཀྱིས་༧གོང་ས༧མཆོག་ལ་ངོ་རྒོལ་བྱེད་སྐབས། ཁྱེད་ཚོས་ཨ་རིའི་སྤྱི་བདེ་མི་སྣ་སྐད་བཏང་སྟེ་འཛིན་བཟུང་བྱེད་མ་བཅུགས་པ་ཅི་ཡིན་ནམ། དེ་ནི་ཁྱེད་ཚོས་དམངས་གཙོ་ལུང་པ་རེད་ཟེར་སྲིད་མོད། དེའི་ལན་ངས་འདེབས་མི་དགོས་བར་ཁྱེད་ཚོས་བསམ་བློ་ཅུང་གུ་ཡངས་ཀྱི་སྒོ་ནས་བཏང་ན་ཤེས་སྲིད།
འབོད་ཚིག་འདི་འགོག་མཁན་ཚོས་༧གོང་ས༧མཆོག་གི་མཚན་བོད་ཀྱི་རྒྱལ་དར་བཞིན་གང་སར་འཕྱར་བཞིན་ཡོད། གལ་ཏེ༧གོང་ས༧མཆོག་གིས་དགོངས་པ་ཡིན་ན་ཕྲན་ལྟ་བུ་བླུན་པོ་ཞིག་གིས་ཀྱང་ནེའུ་ཡོག་གི་དོན་གཅོད་དང་དབྱིག་གཉེན་གྱིས་ཆུ་སྣ་གར་ཁྲིད་ཀྱི་བོད་པ་དེ་ཚོར་རྒྱབ་སྐྱོར་བྱེད་ཆོག འོན་ཀྱང་༧གོང་ས༧མཆོག་གིས་ནམ་ཡང་འབོད་ཚིག་འདི་འདྲ་སྒྲོག་མི་ཆོག་ཅེས་འདས་པ་དང་ད་ལྟ་་གཉིས་ལ་གསུངས་མྱོང་མེད་ལ། མ་འོངས་པར་ཡང་གསུངས་མི་སྲིད།
༧གོང་ས༧མཆོག་གིས་བཀའ་སློབ་མང་པོའི་ནང་གཞོན་ནུའི་ཆབ་སྲིད་ཀྱི་ལངས་ཕྱོགས་དེ། ལོ་རྒྱུས་ཀྱི་ཐོབ་ཐང་རེད།དེ་འགྲིག་གི་ཡོད་པ་རེད། ཡིན་ཡང་བོད་ཀྱི་ཆོས་དང་རིག་གཞུང་མྱུར་དུ་སྐྱོབ་ཐབས་ལ་དབུ་མའི་ལམ་ལས་གཞན་རང་བཙན་ལྟ་བུ་ལོ་རྒྱུས་བསྒྲེངས་ནས་བསྡད་ན། བོད་མི་རིགས་འདི་འཛམ་གླིང་སྟེང་མིང་གི་ལྷག་མ་འགྱུར་ཉེན་ཆེ་ཞེས་དུས་རྒྱུན་ཏུ་གསལ་བོ་གསུངས་ཡོད།
དབུ་ལམ་དང་རང་བཙན་བར་གྱི་རྩོད་གླེང་བྱུང་སྟེ། ངྷ་སའི་གཞོན་ནུ་ལྷན་ཚོགས་འཐོར་ལ་ཉེ་སྐབས་བཀའ་ཁྲི་ཟུར་བ་ཟམ་གདོང་རིན་པོ་ཆེ་ཆེད་བཅར་གྱིས་གསལ་བཤད་གསལ་བོ་བྱས་ཡོད། དེ་རིང་འདིར་ཡིག་ཚོགས་ལ་དོག་ནས་འབྲི་འདོད་བྱུང་མ་སོང་། གང་ལྟར་ངའི་བསམ་ཚུལ་ལ་ནེའུ་ཡོག་སྐུ་ཚབ་དོན་དང་དབྱིག་གཉེན་གཉིས་ཀྱིས་འདིའི་སྐོར་ཨ་རིའི་བརྙན་འཕྲིན་རླུང་འཕྲིན་བརྒྱུད་ནས་གསལ་བཤད་གསལ་བོ་བྱེད་དགོས་ཀྱི་འདུག་སྙམ། རྒྱུ་མཚན་ནི། གྲོས་ཚོགས་ནང་དུ་འདིའི་སྐོར་ཐེངས་མང་དྲི་བ་སླེབས་ཀྱི་འདུག་པས་ཡིན།
རྩོམ་ཉོག་འདི་འདྲ་བྲིས་ནས་དགོས་པ་ཅི་ཡོད། སྟོན་པས་བཀའ་འཁོར་ཐོག་མཐའ་བར་གསུམ་བསྐོར་དགོས་པའི་རྒྱུ་མཚན་ནི། གདུལ་བྱ་ལ་དབང་བོ་རབ་འབྲིང་ཐ་གསུམ་ཡོད་པས་སོ། དབུ་མའི་ལམ་གྱི་སྐད་འབོད་རྒྱག་སྟངས་ལའང་ཐབས་དུ་མས་སྒོ་ནས་བྱེད་དགོས་ཀྱིན་ཡོད་པ་འདྲ། དེ་མིན་དབང་རྟུལ་ཚོའི་བློ་ཡུལ་དུ་གང་ཡང་ཤོང་གི་མེད་པ་འདྲ། བོད་མི་བརྒྱ་ཆ་དགུ་བཅུ་ནས་ལམ་དབུ་མར་རྒྱབ་སྐྱོར་བྱས་ཡོད་པ་གསལ་པོ་རེད། ད་ཅི་ཕྱིར་རང་བཙན་གྱི་སྐད་འབོད་དགོས་པ་རེད། དེ་ཙམ་བློ་ཡུལ་དུ་མ་ཤོང་ན་ཁྱོད་ཚོ་དབང་རྟུལ་ནང་ནས་དབང་རྟུལ་དེ་ཡིན་པ་ཐེ་ཚོམ་ཅི་ཞིག་ཡོད། ཁ་ནས་ལམ་དབུ་མ་ཟེར་བཞིན་ལག་ལེན་དུ་རང་བཙན་སྟར་ན་ག་ལ་འགྲིག བསམ་བློ་ཡག་པོ་ཞིག་ཐོངས་དང་ནེའུ་ཡོག་འགོ་ཁྲིད་ཚོ་ནོར་མེད་པ་གསལ་པོ་རེད། འོན་ཀྱང་སྔར་མ་བཀགས་པ་ཞིག་གསར་དུ་བཀགས་ན་དབང་རྟུལ་ཚོའི་བློ་ཡུལ་དུ་ཤོང་མེད་པའང་གསལ་པོ་རེད། དེ་མིན་ཁྱོད་ཚོས་ལམ་དབུ་མར་རྒྱབ་སྐྱོར་བྱེད་དང་བྱེད་བཞིན་དུ་རང་བཙན་སོགས་ཀྱི་སྐད་འབོད་མ་བྱེད་ཟེར་ན་སྣང་བ་མི་འགྲོ་བའི་རྒྱུ་མཚན་ཅི་ཡིན། ང་ནི་སེམས་སྐྱོ་ཀི་འདུག དེ་ཙམ་ཞིག་བློ་ལ་མི་ཤོང་བ་ཅི་ཡིན་ནམ། ངས་གསལ་པོ་ཞིག་བཤད་རྒྱུ། ཁྱོད་ཚོས་ལམ་དབུ་མར་རྒྱབ་སྐྱོར་ཡོད་ན་ནེའུ་ཡོག་འགོ་ཁྲིད་ཚོ་ནོར་མེད་པ་གསལ་པོ་རེད། ཧ་གོ་སོང་ངམ། རང་བཙན་རྩོད་མཁན་པ་འཇམ་དབྱངས་ནོར་བུ་ལྟ་བུ་ཡིན་ ན་ནི་གནས་ཚུལ་ཁ་ཁ་རེད། ཁོང་ནི་ལམ་དབུ་མ་ཁས་མི་ལེན་མཁན་དེ་རེད། དངོས་གནས་མི་ཟེར་ན་འདི་འདྲ་དགོས་ཀྱི་རེད། ཁྱོད་རང་ཚོ་དེ་ལྟར་མ་ཡིན་པར་ཁ་ནས་ལམ་དབུ་མར་ཁས་ལེན་བཞིན་དུ་དོན་དུ་གང་བྱུང་ཁ་ནས་འབོད་པའི་མི་མགོ་གཉིས་མ་དེ་རེད། ཧ་གོང་སོང་ངམ། །
འཇམ་དབྱངས་ནོར་བུ་ནི། ཆབ་སྲིད་ལ་མཁས་པ་རེད། བློ་སྟོབས་ཆེན་པོ་རེད། ལྟ་བ་མཁྲེགས་པོ་རེད། དཔའ་བོ་བློ་བརྟན་འགྱུར་མེད་རེད། ཁྱོད་ཚོ་ནི་མགོ་གཉིས་མ་རེད། ཅི་ཡང་མི་ཤེས་པའི་བླུན་པོ་རེད། འུ་བཙུགས་ཚ་བོ་རེད། ལྟ་རྒྱ་དང་མཐོངས་རྒྱ་དོག་མོ་རེད། ཁྱོད་ལ་ལམ་ཁ་འདི་ཞེ་མཛུབ་མོ་འཛུགས་ས་དེ་མེད་པ་རེད། གང་ཡིན་ཞེ་ན་ཕྱོགས་གཅིག་ནས་༧གོང་ས་མཆོག་བློས་མ་ཐོངས་པར་ལམ་དབུ་མར་རྒྱབ་སྐྱོར་བྱས། ཕྱོགས་གཅིག་ནས་རང་བཙན་བློས་མ་ཐོངས་པར་རང་བཙན་སྐད་འབོད་དགོས་མཁན་དེ་རེད། ཧ་ཧ་ཧ། གད་མོ་ཞིག་རང་དབང་མེད་པར་ཤོར་གྱིན་འདུག །
བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་འཚོག་བཞིན་པའི་སྐབས་སྟེ། ཟླ་འདིའི་ཚེས་༡༩ ཉིན་གྱི་སྔ་དྲོའི་ལས་རིམ་ནང་ཆེས་མཐོའི་ཁྲིམས་ཞིབ་ཁང་གི་སྔོན་རྩིས་སྐོར་ལ་བགྲོ་གླེང་གནང་བཞིན་པའི་སྐབས། ཆེས་མཐོའི་ཁྲིམས་ཞིབ་ཁང་ལ་སྔོན་མ་ཁྲིམས་གཏུག་བྱས་པའི་སྤྱི་རྒྱུ་སྒེར་བདག་དང་འབྲེལ་བའི་སྐོར་གྲོས་ཚོགས་འཐུས་མི་ཁག་ཅིག་གིས་གླེང་སློང་བྱས་ཡོད་པ་རེད།
2015_3_16སྐབས་དེར་སྤྱི་འཐུས་བསྟན་པ་ཡར་འཕེལ་གྱིས་གྲོས་ཚོགས་འདིའི་ནང་སྤྱི་རྒྱུ་སྒེར་བདག་བྱེད་མཁན་དང་། ལྐོགས་ཟ་རུལ་སུངས་བྱེད་མཁན་ཡོད་པ་དང་། དེ་བཞིན་སྔོན་མ་གྲོས་ཚོགས་སྐབས་བཅུ་གསུམ་པའི་སྐབས། མི་གསོད་ཁྲག་སྦྱོར་གྱི་རྙོག་གླེང་དང་འབྲེལ་བའི་བཀའ་བློན་ལ་ཕེབས་མ་ཐུབ་པའི་གང་ཟག་དེ་གྲོས་ཚོགས་འདིའི་ནང་ཡོད་པ་རེད། ངས་དེ་ལ་ངོས་འཛིན་བྱེད་ཀྱི་ཡོད་ཅེས་སོགས་འགྲེལ་བརྗོད་གནང་ཡོད་པ་རེད།
སྐབས་དེར་གྲོས་ཚོགས་ཚོགས་གཙོ་སྤེན་པ་ཚེ་རིང་ཡར་བཞེངས་སྟེ། མི་གསོད་ལག་དམར་འདིར་ཡོད་པ་རེད་ཟེར་གྱི་ཡོད་པ་དང་། གྲོས་ཚོགས་སྐབས་བཅུ་གསུམ་པའི་ནང་བཀའ་བློན་འོས་མིར་སླེབས་པ་དེ་ཚོགས་གཙོ་ཁོང་ཡིན་སྐོར་དང་། གྲོས་ཚོགས་ནང་གི་སྐད་ཆ་ཁྲིམས་གཏུག་བྱས་ཆོག་གི་མེད་པས། ཕྱི་ལ་ཐོན་ནས་སྐད་ཆ་བཤད་ན་ཁོང་སྤེན་པ་ཚེ་རིང་གིས་ཁྲིམས་གང་ལ་གཏུག་དགོས་ནའང་གཏུག་གི་ཡིན་སྐོར་དང་། སྔོན་མ་ནས་གྲོས་ཚོགས་ཀྱི་འགྲོ་ལུགས་ལ་བརྩིས་ནས་ཁྲིམས་གཏུག་བྱས་མེད་སྐོར། དེའི་སྐབས་ཀྱང་ཕྱི་ལ་ཐོན་ནས་སྐད་ཆ་བཤད་ན་གང་ལ་གཏུག་དགོས་ཀྱང་གཏུག་གི་ཡིན་སྐོར་ལབ་ཡོད་སྐོར་སོགས་གསུངས་སྟེ། ཁོང་ཚོགས་གཙོའི་ལས་རིམ་ནས་དགོངས་པ་ཞུ་ཡི་ཡིན་ཞེས་གསུངས་སྟེ། ཕྱི་ལ་ཕེབས་ཡོད་པ་རེད།།
གསར་འགོད་པ་ཆོས་ཉིད་འོད་ཟེར།
བང་ཆེན་ལས།
ཧ་ཧ་ཧ་ངོ་མའི་བགད་མོ་ཤོར་འདའ་།
རྒྱ་མི་གི་ང་ཚོལ་རང་བཙན་དགོས་དང་དབུ་མ་དགོས་ཟེར་བའི་བདམས་ང་
སྤྲད་ཡོད་པ་མ་རེད་ད་།
ང་ཚོའི་་རྒྱ་མི་ལ་རེ་མདུན་ཞུས་པ་རེད་།
རང་བཙན་ང་ཚོའི་ཐུབ་ས་མ་རེད་།
འཇིན་ས་མ་རེད་།
ང་ཚོ་ཁྱེད་ཚོའི་མི་སེར་བྱེད་དུ་བཅུག་རོགས་།
ང་ཚོའི་རེ་མདུན་དེའི་མིང་ལ་དབུ་མའི་ལམ་ཟེར་གྱི་ཡོད་།
ས་ཡ་གཉིས་བསད་པ་ལ་ཐུགས་རྗེ་ཆེ་།
དགོན་པ་དྲུག་སྟོང་ཤིག་པ་ལ་བཀྲིན་ཆེ་།
རྒྒ་ཡི་དཔོན་པོ་དང་གོང་ས་མཆོོག་གི་སྐུ་པཔར་མཉམ་དུ་མགོ་ཐོག་ཏུ་བླང་།
ཕ་བསོད་མཁན་ལ་བྱ་དགའ་སྤྲད་།
དགྲ་འདུལ་མཁན་ལ་ཀྱག་པ་སྤྲད་།
ཧ་ཧ་ཧ་
དབྱིགས་གཉེན་ཟེར་ན་སུ་རེད།།
གསལ་བཤད་དགོས་འདུག་།
ཧ་ཧ་་་སྤེན་པ་རྒྱག་པས་ཕྱི་ལ་སྒུག་བསྡད་ཡོད་ས་རེད། ཕྱི་ལ་ཐོན་ཤོག་དང་ཐོན་ཤོག་ཟེར་ནས་དཔའ་སྐད་བསྒྲགས་ཀྱི་ཡོད་ཟོལ་འདུག་་་་ཧཧཧ སྐད་ཆ་བཤད་པ་རྣམས་དྲ་བརྙན་ཐོག་བལྟ་མི་ཐུབ་པ་བཟོས་འདུག་པས་་གཡོ་སྒྱུ་ཞིག་རྩེད་ཇུས་ཆ་གཞི་ཡིན་པར་འདྲ་་་་ཧཧཧཧཧཧ
བསྟན་པ་ཡར་འཕེལ་གྱིས་དོན་ཚན་གསུམ་བཤད་འདུག སྤྱི་རྒྱུ་སྒེར་བདག ལྐོག་ཟ་རུལ་སུངས། མི་གསོད་ཁྲག་སྦྱར་་་གསུམ་བཤད་འདུག ཡག་པོ་རེད། སྐྱོན་ལ་མཛུབ་མོ་བཙུགས་ཐུབ་པར་ཡག་པོ་རེད། ཐུགས་རྗེ་ཆེ།
ད་དེ་རིང་དཀར་ས་ནག་འདེགས་བྱེད་ནས། བཟང་པོ་ལྷ་གྲལ་དང་ངན་པ་འདྲེ་གྲལ་དུ་དེད་ཐུབ་དགོས་པ་ལས་རང་གར་བཞག་ན་མི་འགྲིག
་་་་་་་་་་་ ༼བོད་རང་བཙན་ཡིན༽༼བོད་ནས་རྒྱ་མི་ཕར་རྒྱུགས་ཤིག༽ཅེས་པའི་འབོད་ཚིག་འདི་ནི་བཙན་བྱོལ་སྤྱི་ཚོགས་ནས་གསར་བཟོ་བྱས་པ་ཞིག་མ་ཡིན་པར། ༡༩༥༩ ལོར་ལྷ་ས་ནས་སྐད་འབོད་བྱས་སྐབས་ཀྱི་དཔའ་བོ་དཔའ་མོ་ཚོས་བསྒྲགས་པའི་སྙིང་སྟོབས་ཀྱི་འབོད་ཚིག་ཅིག་རེད། ་་་་་་་་་་་་་་
བོད་རང་བཙན་པ་དང་། དབུས་ལམ་པ་གཉིས་ཀྱི་ཁ་དང་ཁ་སྑུ་དབྱེ་འབྱེད་གསལ་པོ་བཟོ་ཐུབ་པ་བྱེད་རྒྱུ་དགོས་རྒྱུ་གལ་ཆེན་པོ་རེད།
བོད་རང་བཙན་གྱི་འབོད་སྒྲ་བཀག་འགོག་བྱས་ན་ཤིན་ཏུ་ནོར་བ་ཡིནད་ཀྱང་། རང་བཙན་པའི་ཚོགས་པ་དང་། སྒེར་པ་སུས་དང་སུ་ཡིན་པ་དང་། བོད་བཙན་བྱོལ་སྒྲིག་འཛུགས་ཀྱི་སྲིད་བྱུས་འོག་གམ། སྲིད་སྐྱོང་སྲིད་བྱུས་་རྗེས་སུ་ཤར་་བསྐྱོད་བྱེད་མཁན་དབུས་ལམ་པ་གཉིས། རྒྱལ་སྤྱིའི་ལྡིང་ཆའི་སྟེང་ལ། ཁ་དང་ཁ་སྤུ་ཁ་ཁག་སོ་སོར་་འབྱེད་བཟོ་རྒྱུ་ནི། དེ་བས་ཀྱང་གལ་ཆེན་པོ་རེད་དོ། །
ད་བཀའ་བརྒྱུད་སྤྱི་འཐུས་ཀྱིས་གྲོས་ཚོགས་ཕྱི་ལོགས་ཀྱི་གསར་འགྱུར་བརྒྱུད་ལམ་ནང་གསལ་བསྒྲགས་བྱས་ཚར་འདུག ད་ཁྲིམས་ཐོག་ལ་སོང་ནས་དཀར་ནག་གང་ཡིན་རྒྱུ་མ་ཕུ་འདེད་བཏང་ནས་སྤྱི་ཚོགས་སྟེང་གསལ་བོ་བཟོ་དགོས་རེད་མ་གཏོགས་ཡིན་ལ་མིན་ལ་དང་གསལ་ལ་མི་གསལ་བྱས་ནས་སྐྱུར་ས་ཡོད་མ་རེད། བོད་མི་མང་ལ་ངེས་པར་དུ་གསལ་བོ་གསལ་རྐྱང་བཟོ་དགོས་རེད། དེ་མ་བྱུང་ན་སྤྱི་འཐུས་ཚང་མ་གཞུང་དང་མི་མང་ལ་བསམ་བློ་མི་གཏོང་བའི་ཆོ་མེད་ཁྱུ་གཅིག་ཆགས་པ་རེད།
གྲོས་ཚོགས་ནི་བོད་མི་མང་གི་སྐུ་ཚབ་ཡིན་པས་གྲོས་ཚོགས་ཀྱི་ཆེ་མཐོང་ནི་བོད་མི་ཡོངས་ཀྱི་ཆེ་མཐོང་དང་འབྲེལ་ནས་ཡོད་པ་རེད། རྒྱུ་མཚན་དེས་ན་གྲོས་ཚོགས་ཀྱི་ཚོགས་གཙོ་ལ་མི་གསད་པའི་ནག་ཉེས་བཀལ་བ་ནི་གནད་དོན་ཆུང་ཆུང་ཞིག་རྩ་བ་ནས་མ་རེད། གནས་ཚུལ་འདི་དཀར་ས་ནག་འདེགས་ཀྱིས་བདེན་རྫུན་དབྱེ་བ་ཕྱེ་དགོས་རྒྱུ་དེ་བོད་མི་མང་གི་འགན་རེད། གལ་ཏེ་ཚོགས་གཙོས་མི་བསད་ཡོད་པའི་ཁུང་སྐྱེལ་ར་སྤྲོད་བྱུང་ན་ཚོགས་གཙོ་དགོངས་པ་ཞུ་དགོས་པ་རེད་ལ། ཁུང་སྐྱེལ་མ་ཐུབ་ན་ཉེས་འཛུག་བྱེད་མཁན་གྲོས་ཚོགས་ནས་ཕྱིར་ཕུད་གཏོང་དགོས། ཡིན་ན་ཡང་བོད་མི་མང་གིས་ངེས་པར་དུ་ཤེས་དགོས་པ་ཞིག་ཡོད་པ་ནི། གནས་ཚུལ་འདི་འདྲའི་སྐབས་སུ་སྐབས་འཚོལ་བ་ཚོས། ནང་དཀྲུག་གི་བྱ་སྤྱོད་ཅི་ཡང་སྤེལ་སྲིད་པས་མི་མང་གི་ངོས་ནས་བབ་ལྷིང་བརྟན་གསུམ་གནང་དགོས་པ་ལས། རི་བོང་ཅལ་འདྲོག་གིས་འུར་ནམ་ཡང་རྒྱག་མི་རུང་།
གཞན་གང་ཡང་མ་རེད། འཐེན་འཁྱེར་ཟེར་བ་དེ་རེད། ཆོལ་ཁའི་འཐེན་འཁྱེར་སླར་ཡང་གྲོས་ཚོགས་ར་བར་སླེབས་པ་རེད། ད་སྤྱི་འཐུས་འདི་ཚོར་རྒྱལ་གཅེས་ཆོས་གཅེས་ཀྱི་ལས་འགུལ་ཞིག་སྤེལ་རན་འདུག
ལྐོག་ཟ་རུལ་སུངས་དང་མི་གསོད་ཁྲག་སྦྱར་གྱི་རྩོད་རྙོག་འདི་ཆོལ་ཁའི་རྩོད་རྙོག་ཐོག་ཏུ་སྒྱུར་ཨེ་ཐུབ་བལྟ་མ་འོངས་ཨ། ཆོལ་ཁའི་བར་གྱི་གནད་དོན་མ་རེད། གཟབ་གཟབ་བྱོས་ཨ།
གྲོས་འཚོགས་ནང་གི་རྩོད་རྙོག་ཁྲིམས་གཏུག་བྱེད་མི་ཆོག་པའི་ཁྲིམས་ལུགས་ཤིག་བཙན་བྱོལ་བོད་མིའི་བཅའ་ཁྲིམས་ལེའུ་གང་གི་ནང་དུ་བཀོད་ཡོད་རེད་དམ། ཤེས་མཁན་འདྲ་ཡོད་ན་སྟོན་རོགས་གནོང་།
ཞབས་འདྲེན་རེད