ཤར་ཕྱོགས་ཁུག་རྟ།
དབུ་མའི་ལམ་གྱི་ཉམས་ལེན་པ་ཁ་ཞེ་གཉིས་མེད་ཅིག་བྱེད་དགོས་ཚེ། དེའི་ལས་དོན་རྩེ་གྲས་སྤུན་ཟླ་རྒྱ་རིགས་མི་མང་དང་འབྲེལ་བ་བྱེད་རྒྱུ་དེ་རེད། བཙན་བྱོལ་ནང་གི་རྒྱ་ནག་དང་རྒྱ་ནག་མི་མང་ལ་གཟིགས་ཕྱོགས་ཅི་ཙམ་གཟུ་བོར་གནས་པ་དེའི་ཚོད་ཀྱིས། བོད་ཀྱི་རྩ་དོན་འཐབ་རྩོད་ཀྱང་ཤེས་ཡོན་དང་རྒྱུ་མཚན་ཟུང་སྦྲེལ་གྱི་ནང་དོན་ལྡན་པའི་ཕྱོགས་སུ་བསྐྱོད་དང་བསྐྱོད་བཞིན་པ་རེད། ༸གོང་ས་སྐྱབས་མགོན་ཆེན་པོས་སྔ་མོའི་དུས་ནས་ལན་མང་གསུངས་པའི་རྒྱ་རིགས་འབྲེལ་མཐུད་ལས་གཞི་ལོ་ལྔ་དྲུག་གི་གོང་ནས་སྒྲིག་འཛུགས་རང་བཞིན་གྱི་ལམ་དུ་བསྐྱོད་ཅིང། ཨ་རི་དང་ཡོ་རོབ། ཨོ་སི་ཌི་ལི་ཡ། ཐའེ་ཝན་སོགས་སུ་དེང་སང་རྒྱ་རིགས་འབྲེལ་མཐུད་ལས་གཞིའི་ལས་དོན་ཡར་རྒྱས་སུ་འགྲོ་བའི་རྣམ་པ་ཤུགས་ཆེར་མཐོང་གི་འདུག་ལ།
དེའི་ཉེར་ལེན་ལས་རང་རེའི་གསུམ་བཅུའི་དུས་དྲན་གྱི་མཛད་སྒོ་ནས་གངས་སྐྱིད་སྤྱི་ཐབ་ཚོགས་ཁང་གི་གཏམ་བཤད་ཚུན་ཆད་དུ་རྒྱ་རིགས་དང་རྒྱ་རིགས་ཤེས་ཡོན་ཅན་ཚོ་ཕེབས་སྐལ་བྱུང་ཡོད་པ་མ་ཟད། རྒྱ་མི་ནི་གདོན་འདྲེར་བརྩི་བའི་སློབ་གསོའི་འོག་འཚར་ལོངས་བྱུང་བའི་བཙན་བྱོལ་ནང་གི་མི་རབས་གསར་པ་ཚོའི་མིག་ལམ་དུའང། སྔ་མོར་དགའ་ལྡན་ཁྲི་པ་ཞིག་གིས་ཨིན་ཇི་མགོ་སེར་ཞིག་མཐོང་སྐབས་མི་རེད་གསུངས་པའི་ངག་རྒྱུན་ལྟར། ད་ལྟ་ཁོང་ཚོའི་མིག་ལམ་དུའང་རྒྱ་རིགས་ཚོ་ཤེས་ལྡན་ཙམ་དུ་མ་ཟད། རང་གི་ངོ་བོ་འཛིན་པའི་ཐུན་མིན་རིག་གནས་ཀྱིས་དབང་བསྒྱུར་བྱས་ཟིན་པའི་རང་ཚུགས་ཅན་གྱི་མི་རིགས་ཤིག་ཏུ་མཐོང་རྒྱུའི་མགོ་བརྩམས་ཟིན་པ་རེད།
ད་ལྟ་དབུས་ངྷ་རམ་ས་ལ་ནས་དགོན་སྡེ་གཞིས་ཆགས་ག་བ་སོང་ཡང། བོད་ཀྱི་དཀའ་ངལ་སེལ་དགོས་ན་རྒྱ་ནག་ཤེས་དགོས་པ་དང་རྒྱ་རིགས་ཚོ་དང་འབྲེལ་མོལ་མ་བྱས་པའི་ལམ་ཁ་གཞན་ཞིག་མེད་པ་ཕལ་ཆེར་ནམ་ལངས་ཉི་ཤར་ལྟར་ཆགས་འདུག དེ་ལས་ཀྱང་གཞི་ལམ་འབྲས་གསུམ་གྱི་རིགས་པའི་གཞུང་ལུགས་གཏིང་ཟབ་ལྡན་པའི་དབུ་མའི་ལམ་གྱི་ལྟ་བ་ཆེ་ས་མི་རིགས་བར་གྱི་འགལ་བ་འདུམ་འགྲིག་དང། ཆུང་ས་སྒེར་པ་མི་རེ་ངོ་རེའི་ཉིན་རེའི་འཚོ་བའི་ནང་གི་གཞི་རྩའི་ལམ་སྟོན་དུ་ཤ་འཐིམས་རུས་འཐིམས་བྱེད་དགོས་པ་དེ་བས་ཀྱང་དངོས་ར་གསལ་འཕྲོད་བྱུང་དང་འབྱུང་རྒྱུའི་དུས་རིམ་ཧྲིལ་བོར་བོད་མི་ཚོས་དེ་བས་དབུ་མའི་ལམ་གྱི་ཉམས་ལེན་གསལ་འདོན་བྱ་རྒྱུ་ནི་ཁ་ཚ་དགོས་གཏུག་ཅིག་རེད།
དེང་སྐབས་མི་མང་ཁྱོན་ཡོངས་ཀྱི་ཤེས་ཚད་ཡར་རྒྱས་ཕྱིན་པ་དང་མཉམ། རྒྱ་ནག་དགྲ་བོར་གཅོད་པའི་བསམ་སྤྱོད་ཉི་ཚེ་བ་རྣམས་རང་བཞིན་གྱིས་འགག་སོང་བ་མ་ཟད། རྒྱ་མི་གདོན་འདྲེར་ལྟ་བའི་འདུ་ཤེས་དེ་དག་ཀྱང་རྙིང་ཟིན། དེ་བཞིན་བོད་ཀྱི་བདེན་མཐའ་བསལ་ཐབས་གཉིས་སྨན་ཐབས་མཆོག་འཚེ་བ་མེད་པ་ཁོ་ནས་སྒྲུབ་རྒྱུར་སྲིན་འབུ་མེ་འཁྱེར་གྱི་སྣང་བས་མི་འདོད་པའི་ལབ་བརྡོལ་ཅི་དགར་འབྱིན་པ་རྣམས་ཀྱང། ད་ནི་ཟུར་ཕོག་དང་གཏམ་གྲགས་ཀྱིས་ཚིམས་སོང་བ་ལྟར་གནས་ལུགས་དང་རྒྱུ་མཚན་གྱི་ཁ་གཏད་ནས་ཡོངས་སུ་ཕམ་ཉེས་ཕྱིན། གཞན་ཡང་ལྟོ་འབྲངས་གཏམ་ཙམ་དོན་དུ་གཉེར་ཏེ་བོད་མི་རིགས་དང་དེའི་འཐབ་རྩོད་བཅས་པར་གཡག་ཞྭར་རྩ་ལ་རྔམས་པ་ལྟར་གྱི་གཟུགས་བརྙན་རུ་ཁག་གི་རང་མདོག་ཀྱང་ཇེ་གསལ་ནས་རྩ་ཡལ་ཕྱིན་པ་བཅས་ནང་གི་བཀྲ་མི་ཤིས་པའི་དོན་རྣམས་བདེན་པ་ཆེན་པོས་གཞོམས་བསྲེགས་བྱས་དང་བྱེད་བཞིན་པའི་སྐབས་འདིར།
དབུས་སྒྲིག་འཛུགས་དྲ་བརྙན་ནས་༼ ༢༠༡༣། ༨། ༣༠། ཉིན་༽ངྷ་རམ་ས་ལར་ཚོགས་འདུར་ཕེབས་པའི་ཨ་རི་དང་ཡོ་རོབ་ཨོ་སི་ཌི་ལི་ཡའི་རྒྱ་རིགས་འབྲེལ་མཐུད་པ་ཀུན་དགའ་བཀྲ་ཤིས་ལགས་དང། བློ་བཟང་ཉི་མ་ལགས། ཟླ་སྒྲོན་ལགས་བཅས་སུ་ལོ་འདི་འགའི་རིང་གི་རྒྱ་རིགས་འབྲེལ་མཐུད་བྱས་པའི་ཉམས་མྱོང་དང་གྲུབ་འབྲས། རེ་བ། དཀའ་ངལ་བཅས་ཀྱི་སྐོར་ཕྱོགས་ཡོངས་ནས་དྲི་བ་ཞུས་པར་ཞིབ་ནན་བྱེད་ཁོམ་བྱུང། ཁོང་རྣམས་ཀྱིས་རང་རང་ས་ཁོངས་ཀྱི་གཏན་སྡོད་དང་འཕྲལ་སྡོད་( གནས་སྐབས་སྡོད་མཁན་རིགས་ལ་གོ)བཅས་ལས་རིགས་འདྲ་མིན་གཉེར་བའི་རྒྱ་རིགས་ཁྱོན་ཡོངས་ལ་འབྲེལ་བ་བྱས་པའི་ཉེ་བའི་ལོ་འགའི་རིང་གི་གྲུབ་འབྲས་དང་མ་འོངས་པའི་སྤོབས་པ་ཕྱོགས་བསྡོམས་བྱེད་སྐབས། ཚང་མས་མགྲིན་གཅིག་གིས་བོད་ཀྱི་དཀའ་ངལ་དངོས་ར་གསལ་འཕྲོད་རྗེས་དེ་ལས་སྐྱོབ་ཐབས་གཉིས་སྨན་ཐབས་མཆོག་དབུ་མའི་ལམ་ལ་རྣམ་པ་ཅི་རིགས་ནས་བརྒྱ་ཆ་དགུ་བཅུ་གོ་གྲངས་ཀྱིས་རྒྱབ་སྐྱོར་བྱེད་ཀྱི་འདུག་ཅེས་བཤད།
དངོས་དོན་འདི་ནི་༸གོང་ས་མཆོག་དང་སློབ་དཔོན་ཟམ་གདོང་རིན་པོ་ཆེས་ལམ་སྟོན་བྱས་པའི་བོད་ཀྱི་བདེན་མཐའ་བསལ་ཕྱོགས་མིག་མཐོང་ལག་ཟིན་ཆགས་བཞིན་པ་བོད་ཕྱི་ནང་གི་ཤེས་ལྡན་པ་ཚོས་ངོས་འཛིན་གཏིང་ཟབ་རྙེད་དགོས་པ་དང། མ་རྙེད་པ་རྣམས་ཀྱིས་རྙེད་ཐབས་བྱ་རྒྱུ་ནི་བོད་ཀྱི་མདུན་ལམ་ལ་གདེང་ཚོད་རྙེད་མིན་དང་ཐད་འབྲེལ་ཡོད་པས་རེད། དབུ་མའི་ལམ་གྱི་སྲིད་བྱུས་ནི་དེའི་དོན་དག་ཅུང་ཙམ་གོ་བ་དང། མི་མང་པོས་རྒྱབ་སྐྱོར་བྱེད་པ་རྒྱུ་མཚན་དུ་བྱས་ཏེ་རང་གིས་དེར་རྒྱབ་སྐྱོར་བྱེད་པ། ཡང་ན་མི་མང་དང་གྲོས་ཚོགས་ཀྱིས་གཏན་འབེབས་གནང་སྟབས་དམ་འཛིན་བྱེད་རྒྱུ་ཡིན་ཅེས་པའི་རྣམ་འགྱུར་ཙམ་གྱིས། སྲིད་བྱུས་དེ་ཉིད་ལག་བསྟར་ཐུབ་པའི་ཤེས་ཚད་མེད་པ་རིགས་པའི་དཔྱད་ན་གྲུབ་ངེས་སྟབས། ངེས་པར་དུ་དབུ་མའི་ལམ་གྱི་སྲིད་བྱུས་འཛིན་མཁན་ཚོས་རང་གི་སྒོ་གསུམ་གྱི་བྱེད་བབ་མཐའ་དག་དེའི་ཉམས་ལེན་དུ་ཡིད་ཆེས་བརྟན་པོས་བསྒྱུར་རྒྱུ་ནི་གསེར་ལས་བྲིན་པའི་ཡོང་རྒྱུའི་ལོ་ངོ་བཅུ་ཕྲག་ཁ་ཤས་ནང་དེ་བས་ཀྱང་གལ་ཆེན་ཆགས་འདུག་སྟབས། ང་ཚོ་ཚང་མས་རྒྱ་རིགས་འབྲེལ་མཐུད་ཀྱིས་མཚོན་དེའི་ཉམས་ལེན་དངོས་ཀྱི་ནང་མཉམ་ཞུགས་ཐུབ་རྒྱུར་མི་མང་གིས་རང་བློ་རྩལ་དུ་མ་དཀྲུགས་དུས། དབུ་ཁྲིད་རིམ་པའི་ལམ་སྟོན་གྱི་གནས་བབ་ཉམས་ཆག་འགྲོ་བཞིན་འདུག་ན། ད་ལྟའི་གནས་བབ་ལ་གཞི་རིམ་མི་མང་གིས་དམིགས་བསལ་གསལ་འདོན་བྱ་དགོས་པའི་དབུ་མའི་ལམ་གྱི་ཉམས་ལེན་ཞུ་ཕྱོགས་ཁག་ཅིག་ལག་བསྟར་ཡོང་བའི་འབོད་སྐུལ་ཞུ་རྒྱུ་ཡིན།
༡ འཛམ་གླིང་གང་སར་གནས་པའི་བོད་མི་ཚོས་ལས་འགུལ་ནམ་སྤེལ་ལ་འཕྲད་དར་སྟེང་”ང་ཚོས་རང་བཙན་གཏན་ནས་རྩོད་ཀྱི་མེད། རྩ་ཁྲིམས་འོག་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་རྩོད་ཀྱི་ཡོད་”ཅེས་བྲིས་ཏེ་འབོད་ཚིག་སྒྲོག་རྒྱུ་དང། རྒྱལ་སྤྱིའི་གཞུང་སྒེར་ཚང་མར་འབོད་ཚིག་གཅིག་པ་འདི་མི་མང་རང་གིས་སྙན་ཞུ་དང་ཞུ་གཏུག་གིས་ས་གནས་སོ་སོའི་དབུས་སའི་གཞུང་དང་སྒེར་པ་གྲགས་ཅན་མི་སྣར་འབུལ་དགོས།
༢ ས་གནས་སོ་སོའི་རྒྱ་ནག་གཞུང་ཚབ་ཁང་གི་མདུན་དུ་རྒྱ་བོད་དར་ཆ་མཉམ་འཕྱར་གྱིས༼ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་༽ལ་ལན་འདེབས་ཚད་ལྡན་དགོས་རྒྱུར་ཞི་བའི་ངོ་རྒོལ་བྱ་རྒྱུ། དེའི་ནང་རྒྱ་རིགས་མཉམ་ཞུགས་ཡོང་ཐབས་ལ་འབད་དགོས།
༣ ཕྱི་རྒྱལ་ཁག་ཏུ་མི་སེར་བཟོས་ཟིན་པའི་བོད་མི་རྣམས་གཙོས་བཙན་བྱོལ་བོད་མི་ཚང་མས་རྒྱ་ནག་གིས་སྤྲོད་བཞིན་པའི་ལག་འཁྱེར་བླངས་ནས་རང་གི་ཕ་ཡུལ་དངོས་སུ་མིག་གིས་མཐོང་ཆེད་བོད་ནང་དུ་བར་མཚམས་མེད་ཕེབས་གལ།
༤ རང་ཉིད་ཁོ་ནས་ཆོས་ཀྱི་སློབ་སྦྱོང་དང་ཉམས་ལེན། ནང་མི་བཟའ་ཟླ་བུ་ཕྲུག་གི་ལྟོ་རྒྱབ་ཁོ་ནར་འབད་པའི་ལས་དོན་ཆེད་མི་ཚེ་ཡོངས་སུ་གཏོང་རྒྱུ་མིན་པར། བོད་མི་བརྒྱ་ཕྲག་འགའ་ཡོད་པའི་མི་ཚེ་དབུ་མའི་ལམ་གྱི་ཉམས་ལེན་ཆེད་འབུལ་ཐུབ་པའི་རིགས་གཅིག་རྐང་འཛིན་དཔུང་ཁག་ཅིག་ཡོང་བར་ཁྱིམ་ཚང། ཚོགས་སྡེ། དགོན་སྡེ། ཆོལ་ཁ་སོ་སོ་བཅས་ནས་རང་ཁོངས་སུ་གོ་བསྐོན་བསླབ་བྱ་འབོད་སྐུལ་ཞུ་གལ།།
༥ དབུ་མའི་ལམ་གྱིས་བོད་མི་རིགས་ཀྱི་ཐུན་མིན་རིག་གནས་དང་ངོ་བོ་ལ་འགན་སྲུང་བྱེད་པ་དམིགས་འབེན་དུ་བཟུང་ཡོད་སྟབས། བཙན་བྱོལ་ནང་དང་ཡང་སྒོས་དབུས་བོད་མིའི་སྒྲིག་འཛུགས་བཀའ་ཤག་དང་ཤེས་ལས་ནས་བོད་མིའི་ཤེས་ཡོན་དང་སྐད་ཡིག་ཐད་འཛིན་པའི་བཟང་ངན་ཕྱོགས་གཉིས་ཀྱི་རྣམ་འགྱུར་ལ་དུས་ལྟར་རྗེས་འདེད་ཚ་ནན་གཏོང་གལ།
༦ དབུས་བོད་མིའི་སྒྲིག་འཛུགས་བཀའ་ཤག་ནས་དབུ་མའི་ལམ་གྱི་ཞུ་སྒོ་ཁག་དེའི་གཞུང་ལུགས་དང་མཐུན་པ་སྤེལ་གྱི་ཡོད་མེད་དང། ཅི་སྤེལ་དགོས་མིན་རང་རང་ས་ནས་དང་བླངས་ཐོག་བསམ་ཚུལ་འབུལ་གལ། དེ་བཞིན་དབུ་མའི་ལམ་གྱི་འབྲེལ་མོལ་ལ་གྲ་སྒྲིག་ཨང་གསར་ཡོད་ན་དངོས་སུ་གསལ་སྟོན་བྱས་ཏེ་༸གོང་ས་མཆོག་གི་སྐུ་ཚབ་མྱུར་ཏུ་བསྐོ་བཞག་གིས་སྐུ་ཚབ་མཚན་ཐོག་ནས་འབྲེལ་མོལ་མཐུད་ཐབས་ལ་འབད་གལ།
༧ ཁ་སང་སྲིད་སྐྱོང་གིས་ཨ་རིར་”རྒྱ་ནག་གིས་སྲིད་དབང་རྩིས་སྤྲོད་གནང་རྗེས་ཕྱོགས་ཡོངས་ནས་ང་ཚོ་ཕམ་ཉེས་འགྲོ་བའི་ལས་གཞི་བརྩམས་སོང་”ཞེས་རྒྱགས་གཏམ་ཆེན་པོ་གསུངས་སོང་བས། གཏམ་བཤད་འདི་རིགས་ནི་འབྲེལ་མོལ་གྱི་འགལ་རྐྱེན་དང་རྒྱ་བོད་མི་རིགས་བར་ལ་འཁོན་གཞིར་འགྲོ་སྲིད་སྟབས། རྒྱ་ནག་ཕྱོགས་ཀྱི་སློབ་སྟོན་པ་ཚད་ལྡན་བསྐོ་འཛུགས་ཐུབ་གལ།།
༢༠༡༣། ༨། ༣༡། ཉིན།
དགོངས་འཆར་དང་རྩོམ་ཡིག་ཧ་ཅང་ལེགས་སོ། མང་ཚོགས་ནས་ཐུགས་སྣང་དང་། ཕྱག་ལེན་ཐོག་འགན་འཁུར་གྱིས་གང་ཐུབ་གནང་གལ་ཆེ། ཞི་བདེ་དང་འཆམ་མཐུན། ཡིད་ཆེས་དང་འབྲེལ་མོལ་ཟེར་བ་རྣམས་འགོ་འཛུགས་ས་སྒེར་པ་ནས་ཁྱིམ་ཚང་། ཁྱིམ་ཚང་ནས་ཁྱིམ་མཚེས། ཁྱིམ་མཚེས་ནས་སྤྱི་ཚོགས།་སྤྱི་ཚོགས་ནས་གཞུང་བཅས་རིམ་བཞིན་ཡོང་དགོས།
འདྲེ་བྱའི་སྐད་ལ་ཡ་ལན་མི་དགོས་པ་གནང་རོགས།
འགོ་ནས་མར་འདྲ་ཆགས་པོ་ཞིག་བཤད་འདུག་ཀྱང་འཇུག་ནས་ཡང་རྔ་མ་དཀྱོག་ཚར་འདུག པུ་གུས་ལས་ཀ་ལ་རྟུག་དྲི་ཡོད་ཡོད་པ་རེད།
ཁྱེད་ཀྱིས་དགོངས་འཆར་ལ་རྒྱོབ་སྐྱོར་ཡོད།
དགོངས་འཆར་ཡག་པོ་གསུངས་འདུག་ བརྒྱ་ཆ་བརྒྱ་རྒྱབ་སྐྱོར་ཡོད། ཐུགས་རྗེ་ཆེ།
ཤར་ཕྱོགས་རིགས་པའི་དཔའ་བོ་ཞེས་གྲགས་ཁྱེད་ཀྱིས་དུས་ནམ་རྟག་ཏུ་ནི།།
གཟུར་གནས་གཏམ་གྱིས་བོད་ཁམས་སྐྱོབ་པའི་ངང་ཚུལ་འདི་རྣམས་མཐོང་བའི་མོད།།
ཡིད་ལ་དགའ་བདེའི་སིམ་སིམ་ཆར་གྱིས་རབ་བརླན་ཡིད་ཀྱི་སྒེག་ལྡན་མ།།
དབང་མེད་ཁྱེད་ཕྱོགས་རྦབ་ཆུའི་ཚུལ་ལྟར་ཤོར་བ་དག་རྣམས་གྲངས་ཀྱིས་ངལ།།
༼ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་༽ལ་༼ལན་འདེབས་ཚད་ལྡན་རྒྱ་ནག་དབུས་གཞུང་གི་བྱས་ཚར་བ་རེད་། ༽ ལམ་དབུ་མ་པ་རྣམསས་ས་གནས་སོ་སོའི་རྒྱ་ནག་གཞུང་ཚབ་ཁང་གི་མདུན་དུ་རྒྱ་བོད་དར་ཆ་མཉམ་འཕྱར་གྱིས་དགའ་ལྡན་ཕོ་བྲང་གི་ཁྱབ་ཁུངས་ལ་རང་སྐྱོང་ཡོང་ཐབས་ཀྱི་བསམ་འཆར་གསར་པ་ཞིག་ལ་མོས་མཐུན་གནང་རོགས་ཞུ་ན་ལེན་གཅིག་ཡོད་སྲིད་།
༼ང་ཚོ་ཚང་མས་རྒྱ་རིགས་འབྲེལ་མཐུད་ཀྱིས་མཚོན་དེའི་ཉམས་ལེན་དངོས་ཀྱི་ནང་མཉམ་ཞུགས་ཐུབ་རྒྱུར་མི་མང་གིས་རང་བློ་རྩལ་དུ་མ་དཀྲུགས་དུས། དབུ་ཁྲིད་རིམ་པའི་ལམ་སྟོན་གྱི་གནས་བབ་ཉམས་ཆག་འགྲོ་བཞིན་འདུག༽ཞེས་བྲིས་འདུག
དབུ་ཁྲིད་རིམ་པ་ཟེར་དུས། ༸གོང་ས་མཆོག ཟམ་གདོང་རིན་པོ་ཆེ། སྲིད་སྐྱོང་བཅས་ཀྱི་ལམ་སྟོན་གྱི་གནས་བབ་ཉམས་ཆག་འགྲོ་བཞིན་འདུག་ཟེར་བ་རེད་དམ། ༸གོང་ས་མཆོག་དང་ཟམ་གདོང་རིན་པོ་ཆེ། སྲིད་སྐྱོང་བཅས་ལ་མཚན་སྨད་དམའ་འབེབས་བྱེད་སྟངས་འདི་རིགས་ཡག་པོར་མཐོང་མ་སོང་།
༢ ས་གནས་སོ་སོའི་རྒྱ་ནག་གཞུང་ཚབ་ཁང་གི་མདུན་དུ་༼རྒྱ་བོད་དར་ཆ་མཉམ་འཕྱར་༽གྱིས༼ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་༽ལ་ལན་འདེབས་ཚད་ལྡན་དགོས་རྒྱུར་ཞི་བའི་ངོ་རྒོལ་བྱ་རྒྱུ། དེའི་ནང་རྒྱ་རིགས་མཉམ་ཞུགས་ཡོང་ཐབས་ལ་འབད་དགོས། ་་་་་ཟེར།
ཧཧཧཧཧ སྲིད་འགན་རྩིས་སྤྲོད་གནང་རྗེས་དབུ་ཁྲིད་ང་ཡིན་ངས་འཇོན་ཟེར་མཁན་ཚོས་རྩ་ནས་འཇོན་གྱི་མེད་པ་འདྲ། སྲིད་སྐྱོང་གིས་མི་འཇོན་ན་ཡར་ཞུ་ཞུས་ན་ལོས་དགའ་སྙམ།།།
གོང་ས་མཆོག་གིས་ཆབ་སྲིད་འགན་གནང་ཟིན་པས་རང་སྲེག་སོགས་ལ་ངོས་རང་ཤི་བ་ནང་བཞིན་འདུག་གི་ཡིན་གསུངས་པ་དང། སྲིད་འགན་སྤྲད་པའི་དགོང་མོར་ངོས་རང་གཉིད་སྐྱིད་པོ་ཞེ་དྲག་ཁུག་ཅེས་བཀའ་སྩལ་འདུག དེ་བཞིན་མཁས་དབང་ངོ་མ་ཟམ་གདོང་རིན་པོ་ཆེ་མཆོག་གིས་བོད་མིའི་སྤྱི་ཚོགས་ནང་ཡལ་འགྲོ་དགོས་ཞེས་བཀའ་སྩལ་འདུག
ཁུག་ཚང་གཏོར་བའི་ལས་ནི་འཚེ་བ་ཅན།
བློ་སེང་སྲིད་གཞུང་འཚེ་བ་མེད་པར་གྲགས།
འགལ་བར་སྙམ་མོད་འཚེ་མེད་དགེ་སློང་གིས།
ཤིག་གསོད་པ་ནི་ཞར་ཞར་འབྱུང་སྲིད་དོ།
དབུ་མའི་ཉམས་ལེན་བྱ་རྒྱལ་རྒོད་པོའི་འགྲོས།
ཆུང་ཆུང་ཁུག་རྟས་བསྒྲགས་པར་ག་ལ་ནུས།
བློ་སེང་ནམ་མཁའ་ལྡིང་གི་གྲིབ་མ་ལ།
ཁུག་རྟའི་མདོག་ཏུ་ཁུག་རྟ་འཁྲུལ་བར་ཟད།
ཁུག་རྟ་དམར་པོ་ལྡི་ལིར་འཕུར་བ་ནི།
སྤྱི་དོན་རང་དགར་སྒྲུབ་པ་རང་གི་ལས།
ནམ་མཁའ་ཤེལ་གྱི་ངོས་ནས་མཐོང་གྱུར་པས།
ཁུག་རྟ་ཤི་བ་ཁ་པར་ནང་ནས་མཇལ།
རྐང་འཁོར་བསྐོར་ནས་བགྲོད་པའི་ལམ་དག་ལ།
འཕུར་བར་མི་ནུས་ཁུག་རྟའི་ལན་གཅིག་དགོངས།
ཆེ་ཚུགས་མ་དོད་ཉམས་ལེན་ཧུར་ཐག་བྱོས།
གར་ལ་འགྲོ་ན་ག་དུས་འགྲོ་འགྲོ་རེད།
རང་གི་ཁ་ཕོར་འདེགས་པའི་ནུས་མེད་ཅིག
སྲིད་སྐྱོངས་སེང་གེ་མཆོག་ལ་གདང་མིག་བསྒྲད།
ཁྲག་དར་མགོ་ལ་གྱོན་ནས་སྨྱོན་པ་བཞིན།
ད་དུང་དབུ་མའི་ལམ་ཆེན་བགྲོད་དོ་ལོ།
བོད་གཞུང་ནས་ཕྱིར་ཕུད། དབུ་མ་ཚང་ནས་ཕུད། ཁ་བརྡ་ཚང་ནས་ཕུད། མི་གྲལ་ནས་ཕུད་ཟིན་པ་ཞིག་གིས་ཅི་བཤད་ན་ཕན་མི་ཐོགས།
དབུ་མའི་ལམ་ཡག་པོ་མི་མཁྱེན་པའི་སྲིད་སྐྱོང་མཆོག་དང་ཕྱི་དྲིལ་བཀའ་བློན། ཆོས་རིག་བཀའ་བློན། འཕྲོད་བསྟེན་བཀའ་བློན་བཅས་ལ་ལམ་སྟོན་ཡག་པོ་གནང་འདུག མུ་མཐུད་ནས་ཤུགས་རྒྱག་རོགས།
“དབུ་མའི་ལམ་གྱི་ཉམས་ལེན་པ་”ཟེར་བའི་དོན་ཅི་ཡིན། “དེའི་ལས་དོན་རྩེ་གྲས་སྤུན་ཟླ་རྒྱ་རིགས་མི་མང་དང་འབྲེལ་བ་བྱེད་རྒྱུ་དེ་རེད་”ཅེས་པའི་རྗོད་པ་འདིས་ག་རེ་སྟོན་གྱི་ཡོད། “བཙན་བྱོལ་ནང་གི་རྒྱ་ནག་”ཅེས་པ་འདི་གང་ལ་གོ་དགོས་སམ། “བོད་ཀྱི་རྩ་དོན་འཐབ་རྩོད་ཀྱང་ཤེས་ཡོན་དང་རྒྱུ་མཚན་ཟུང་སྦྲེལ་གྱི་ནང་དོན་ལྡན་པའི་ཕྱོགས་སུ་བསྐྱོད་དང་བསྐྱོད་བཞིན་པ་རེད་”ཅེས་པའི་ཤེས་ཡོན་དེ་གང་ལ་ཐུགས་བསམ་བཞེས་ཀྱི་ཡོད་དམ། ད་དུང་ཚིག་གྲུབ་འདིས་ཅི་ཞིག་སྟོན་གྱི་ཡོད། ∙∙∙
རྒྱ་དམར་གྱི་གཞུང་ཚབ་སྒོ་ཁར་རྒྱ་དམར་གྱི་དར་ཆ་འཕྱར་ནས་སོང་དང་ཁོ་ཚོ་དགའ་ནས་ཁྱེད་རྣམ་པ་གད་སྙིགས་འཕྱགས་མཁན་གྱི་གོ་ས་འདྲ་སྟེར་སྲིད་པ་རེད། ཧཧཧཧཧ དེ་མིན་རྒྱ་མིའི་གཞུང་ཚབ་གྱི་སྒོ་ཁར་རྒྱ་མིའི་དར་ཆ་འཕྱར་ནས་སོང་ནས་ཅི་ཟེར་རྒྱུ་ཡིན། ངས་ཀུ་རེ་ཡིན། དགོངས་པ་མ་མཚོམས།
མ་རེད་ད། རྒྱ་མིའི་གཞུང་ཚབ་སྒོ་ཁར་རྒྱ་མིའི་དར་ཆ་ཕྱར་ནས་སོང་ན་རྒྱ་དངུལ་རག་གི་རེད། ད་དུང་ཁྱོད་བོད་ནང་ལ་ལས་སླ་པོས་འགྲོ་ཐུབ་ཀྱི་རེད།
རྒྱ་ནག་སྲིད་གཞུང་གིས་ཆེད་དུ་དྲྭ་ཐོག་ལ་འཇབ་རྒོལ་བྱེད་མཁན་རྩ་འཛུགས་བྱས་ཡོད་པ་རེད།
དེང་སང་དྲྭ་ནད་དེ་ཕྱི་ལ་གྱར་ནས་ཡོང་གི་ཡོད་པའི་གནས་ཚུལ་འདུག
དཔེར་ན་ཤར་ཁུག་ལྟ་བུ་གཅིག་ལ་གླ་མི་ཉུང་བ་ཞིག་བྱིན་ནས་ཡིག་འཁྱམས་འདི་ལྟ་བུ་མང་ཙམ་སྤེལ་དུ་བཅུག་ན་བོད་པ་ནང་ཁུལ་ལ་དཀྲུག་ཤིང་འགྲོ་ངེས་པའི་ང་ཚོས་ཅེས་ཀྱང་དོག་ཟོན་བྱེད་དགོས་ངེས་རེད་འདུག་གོ
མི་སོ་སོའི་བསམ་ཚུལ་བཤད་པ་ཡག་ཀྱང་འཆལ་གཏམ་སྙིང་བོ་མེད་པའི་རིགས་རྣམས་ལྟ་ཀློག་བྱེད་རྒྱུ་འཛེམས། དགོངས་དག
ཁྱོད་ཀྱི་ཉམས་ལེན་བྱེད་སྟངས་འདི་ཅུང་འུར་ལངས་དང་། ཧོལ་རྒྱུག རྔམ་མཆོངས་བཅས་ཀྱི་ཚོར་བ་ཤུགས་ཆེ་བས། གནས་སྟངས་འདིས་སྤྱི་ཚོགས་ལ་ཕན་གནོང་གང་ཞིག་སླེབས་མིན་ཐག་གཅོད་དཀའ།
འདི་ལ་རྒྱ་ནག་གི་ལབ་སྟངས་བྱས་ནས་བརྗོད་ན། ཧོལ་རྒྱུག་གིས་རྔ་མ་མི་མཁྱོངས། ཟེར་བ་དེ་རེད། གཙོ་བོ་གནད་དོན་དང་སྤྱི་ཚོགས་ཀྱི་དོན་དངོས་གནས་བབ་གཉིས་ཟུང་དུ་འབྲེལ་ནས་བརྗོད་ཐབས་འདེམས་དགོས་རྒྱུ་གལ་ཆེ།
སྤོབས་པ་འདིས་གུ་རེ་རྩེད་སྟངས་ཁྱད་མཚར་འདུག ཧཧཧཧཧ དོན་ཤེས་མཁན་གཟུགས་མཐོང་མཁན་ཞིག་གིས་འདི་ལྟར་གསུངས་ན་ལན་པོ་མི་འདུག ཤར་ཁུག་ཕེབས་མདོག་མ་རེད་མོད། ཁ་ཤས་ལ་ལམ་སྟོན་བྱེད་དགོས་པ་དེ་འདྲ་ཡོད་ས་རེད།། ཧཧཧཧ
དབུ་མའི་ལམ་ཞེས་པའི་བོད་གཞུང་འབྲེལ་དང་གཞུང་འབྲེལ་མིན་་པ་དག་གི་ཐེངས་དུང་ཕྱུར་ལས་ལྷག་པ་འདོན་འདོན་བཞིན་པ་འདི་་་་བོད་མི་ས་ཡ་དྲུག་གི་མངོན་འདོད་ངོ་མ་ཨེ་ཡིན། དེ་ལྟར་དངོས་ན་ཡིན་ན་སེང་དར་ཅི་ཕྱིར་ཚོགས་པ་སྤྱི་སྒེར་གཉིས་བེད་སྤྱོད་བྱེད་རྒྱུར་མཚམས་འཇོག་གི་མེད། ཡང་ན་དབུ་མའི་ལམ་ཞེས་པ་དེ་གཏམ་བཤད་ཁོ་ན་ལས་ལག་ལེན་དུ་བཀོལ་དགོས་མིན་ནམ་་་་་་་་་་་་་་་་་་་ང་ཚོ་ངོ་མ་མགོ་ཐོམས་གི་འདུག