ཙ་རྐང་དྲུག་གིས།
གལ་ཏེ་དབྱངས་གསལ་སོ་བཞི་ནི་རྩྭ་ཐང་གི་མེ་ཏོག་ལྟ་བུ་ཞིག་ཡིན་ཚེ། ང་ནི་མེ་ཏོག་གི་སྙིང་བཅུད་འཇིབ་མཁན་གྱི་བུང་བ་གཞོན་ནུ་དེ་ཡིན་ངེས་ལ། གལ་ཏེ་ང་ནི་གཤོག་ལྡན་གྱི་རྐང་དྲུག་དེ་ཡིན་པའི་དབང་དུ་བྱས་ན། ཁོ་བོའི་བརྩམས་ཆོས་འདི་ཡང་རོ་མངར་ལྡན་པའི་སྦྲང་རྩི་ལྟ་བུ་ཞིག་ཅི་ལ་མིན།
དཔེ་ཀློག་ལ་དུང་བའི་ཤེས་ལྡན་པ་ཡོངས་ལ་ཁམས་བདེ་ཞུ།
འདིར་ཁོ་བོས་བརྩམས་པའི་ <<སྦྲང་རྩི།>> ཞེས་པའི་དེབ་ཆུང་འདི་མི་འགྱང་བར་དགྲམ་ལ་ཉེ་ན། ཁྱེད་ཀློག་པ་པོ་རྣམས་ཀྱིས་ཐུགས་ཁུར་དང་རྒྱབ་སྐྱོར་རེ་གནང་བར་རེ་སྐུལ་ཞུ།
༧གོང་ས་ཡིད་བཞིན་ནོར་བུས་ང་ཚོ་ལ་སྐད་ཡིག་དང་འབྲེལ་བའི་བཀའ་སློབ་ཡང་ནས་བསྐྱར་དུ་གནང་བ་བཞིན། ད་རེབ་ཁོ་བོས་ ༧གོང་ས་མཆོག་གི་སྐུའི་འཁྲུངས་སྐར་ལ་ལག་རྟགས་ཡག་ཤོས་ཤིག་འགྲུབ་ཡོད་སྙམ་སྟེ་སྤྲོ་སྣང་འབུམ་གྱིས་བཟི་ཡོད།
ཡག་པོ་རེད
ད་རེས་ལ། ད་རེབ་འབྲི་དགོས་པའི་ཁུངས་གང་ན་ཡོད་དམ། ལགས།
ཀ་རྡོ་གཉེར་ཕྱག་པ་ལགས་ལ།
གུས་པས་ད་རེས་ལ་ད་རེབ་ཅེས་ངེས་པར་འབྲི་དགོས་ཡོད་པར་སྨྲས་མེད་དེ། དེ་ལྟར་འབྲི་དགོས་པའི་ཁུངས་འདི་ལགས་ཞེས་སྤྱན་ལམ་དུ་སྟོན་ཀྱང་ཅུང་ཙམ་དཀའ་མོ་རེད། ད་རེས་དང་ད་རེབ་གཉིས་དོན་གཅིག་ཡིན་པར་སྣང་དེ་དེ་ལྟར་བྲིས་པ་ལགས། ད་རེས་ཞེས་པ་འདིས་དུས་སྐབས་སྟོན་གྱིན་ཡོད་པས་ད་རེས་དང་ད་ཐེངས། ཡང་ན་ད་རེབ་ཞེས་འབྲི་ཆོག་པར་སྙམ། དཔེར་ན། “རེབ་ཐེངས་ཤིག་ལ་” ཞེས་པའི་སྐབས་སུ་དུས་མ་ངེས་པ་ཞིག་སྟོན་གྱིན་ཡོད་ལ། ད་རེབ་ཞེས་པའི་སྐབས་སུ་དུས་ད་ལྟའམ་དེང་སང་ལ་གོ་བ་ཡིན་པར་འདོད།
གཞན། རེབ་ཀྱི་དོན་ནི་ཚིག་མཛོད་ལས་གསལ་བ་དང་། ད་རེབ་ཀྱི་འབྲི་སྲོལ་ཡང་སྔོན་གྱི་བརྩམས་སྒྲུང་དག་ལས་མཐོང་མྱོང་བར་དྲན་ནའང་ཚད་ལྡན་གྱི་བརྩམས་སྒྲུང་འདི་ན་འདུག་ཅེས་སྟོན་ཐབས་བྲལ།
དེར་མ་ཟད་དེང་སང་ཡང་ངོ་དེབ་སོགས་ན་ཡང་ད་རེབ་ཅེས་འབྲི་མཁན་གྱི་སྙུག་ཐོགས་པ་རེ་ཟུངས་འདུག་པ་ལན་དུ་ཕུལ།
༄༅།་བྲང་རྩི་བརྩམས་མཁན་ཁྱེད་ལ་བཀྲིས་བདེ་ལེགས་དང་བསྔགས་བརྗོད་ཞུ།