གཡུ་ཆུང་།
གཞོན་སྐྱེས་གློག་བརྙན་དོན་གཉེར་བ་མཁར་བྱམས་རྒྱལ་ལགས་ཀྱིས་ལོ་ངོ་གཉིས་ལྷག་ཙམ་གྱི་རིང་ལ་བརྙན་ལེན་དང་སྒྲིག་བཟོ་བྱས་པའི་དངོས་བཤུས་གློག་བརྙན«དཔའ་བོའི་ལུང་པ»ཧྥ་རན་སིའི་རེང་ཧོའུ་ཧྲི་རྒྱལ་སྤྱིའི་དངོས་བཤུས་གློག་བརྙན་དུས་སྟོན་དུ་བདམས་འདུག
གློག་བརྙན་འདི་ནི་གཞོན་སྐྱེས་གློག་བརྙན་དོན་གཉེར་བ་མཁར་བྱམས་རྒྱལ་ལགས་ཀྱི་གློག་བརྙན་བརྩམས་ཆོས་ཐོག་མ་དེ་ཡིན་ལ། ཨ་མའི་ལོ་ལོ་གློག་བརྙན་མཐུན་ཚོགས་ཀྱི་མཐུན་རྐྱེན་འོག་གློག་བརྙན་ཕབ་བསྐྲུན་ བྱས་ཤིང་མཇུག་གི་སྒྲིག་བཟོ་དང་ལག་རྩལ་སོགས་ཕྱོགས་གང་ཐད་ནས་བཀའ་ལས་བརྒྱབ་སྟེ་གྲུབ་པའི་སྤུས་དག་པའི་གློག་བརྙན་ཞིག་རེད། གློག་བརྙན་འདིས་བོད་མདོ་སྨད་བ་ཡན་ཕྱོགས་ཀྱི་ཡུལ་སྡེ་མང་བོའི་འདས་མ་ད་གསུམ་ གྱི་ལོ་རྒྱུས་སྟོན་བྱ་བྱས་ཐོག་ད་ལྟའི་བོད་ཀྱི་སྤྱི་ཚོགས་ཀྱི་ཟུར་ངོས་མང་ པོ་ཞིག་ལ་དོ་སྣང་ཆེས་ཆེར་བྱས་ཡོད་ཅིང་། གཟུགས་ལྡན་མིའི་རིགས་རིག་པ་དང་སྤྱི་ཚོགས་རིག་པའི་རིན་ཐང་ཆེན་པོ་ལྡན་པའི་བརྩམས་ཆོས་ཤིག་རེད།
རེང་ཧོའུ་ཧྲི་རྒྱལ་སྤྱིའི་དངོས་བཤུས་གློག་བརྙན་དུས་སྟོན(Jean Rouch International Film Festival)ནི། སྔོན་མར་བྷི་ལན་དྷུ་མི་རིགས་ཞིབ་འཇུག་གློག་བརྙན་ཡང་ཟེར་ཏེ(Bilan du FIlm Ethnographique) དེ་ནི་ཕྱི་ལོ1982ལོར། མིའི་རིགས་རིག་པ་བ་དང་གློག་བརྙན་བཟོ་བསྐྲུན་པ་རེང་ཧོའུ་ཧྲི་(Jean Rouch)ལགས་ཀྱིས་བཙུགས་པ་ཞིག་རེད། བགྲང་བྱ་སུམ་ཅུའི་རིང་ལ། དུས་སྟོན་འདིས་ཆེས་གསར་གཏོད་ལྡན་ཅིང་མི་རིགས་ཞིབ་འཇུག་གི་གློག་བརྙན་དང་གཟུགས་ལྡན་མིའི་རིགས་རིག་པ། དེ་བཞིན་རིག་གནས་བར་བགྲོ་གླེང་དང་བརྗེ་རེས་བྱེད་པར་ཕན་པའི་དངོས་བཤུས་བརྩམས་ཆོས་དག་ལ་གར་སྟེགས་བསྐྲུན་པར་འབད་དོ།།
རྒྱལ་སྤྱིའི་གློག་བརྙན་དུས་སྟོན་འདི་ཉིད། མི་རིགས་ཞིབ་འཇུག་གི་གློག་བརྙན་ལྷན་ཚོགས་(Comité du Film Ethnographique)ནས་ཧྥ་རན་སིའི་རྒྱལ་ས་ཕ་རི་སི་རུ་ལོ་རེར་ཐེངས་གཅིག་ལ་བསྡུ་བཞིན་ཡོད་ཅིང་། གློག་བརྙན་སྒྱུ་རྩལ་པ་དང་བཟོ་བསྐྲུན་པ་དང་རིག་གཞུང་ཞིབ་འཇུག་པ། སློབ་མ་སོགས་བསྡུས་ཏེ། མི་རིགས་ཞིབ་འཇུག་གི་གློག་བརྙན་སྐོར་ལ་དཔྱད་གླེང་བྱེད་པ་ཞིག་ཡིན་འདུག
མང་དུ་གཟིགས་ན་འདིར་ཕེབས www.comite-film-ethno.net/
ripa chusang
6:18 AM (3 hours ago)
to me
«དཔའ་བོའི་ལུང་པ»སྐབས32པའི་རེང་ཧོའུ་ཧྲི་དངོས་བཤུས་གློག་བརྙན་དུས་སྟོན་དུ་ཚུད་པ།
གཡུ་ཆུང་།
གཞོན་སྐྱེས་གློག་བརྙན་དོན་གཉེར་བ་མཁར་བྱམས་རྒྱལ་ལགས་ཀྱིས་ལོ་ངོ་གཉིས་ལྷག་ཙམ་གྱི་རིང་ལ་བརྙན་ལེན་དང་སྒྲིག་བཟོ་བྱས་པའི་དངོས་བཤུས་གློག་བརྙན«དཔའ་བོའི་ལུང་པ»ཧྥ་རན་སིའི་རེང་ཧོའུ་ཧྲི་རྒྱལ་སྤྱིའི་དངོས་བཤུས་གློག་བརྙན་དུས་སྟོན་དུ་བདམས་འདུག
འདི་ཡང་དགའ་འོས་པའི་གཏམ་བཟང་ཞིག་རེད།
ཤིན་ཏུ་ལེགས་མོད།ཡིན་ཡང་དཔའ་ལུང་ཞེས་བའི་མིང་འདི་༼རྒྱ་སྐད་ཀྱི་ཧྭ་ལུང༽ལས་འཕྲོས་བ་རེད་སྙམ།བོད་སྐད་སྐད་ལ་༼བ་ལུང༽ཞེས་སྔོན་མ་འབོད་ཀྱི་ཡོད། རྒྱ་སྐད་ཀྱི་༼ཧྭ་ལུང་ལ་དེང་སང་བོད་སྐད་ཀྱི་དཔའ་ལུང་༽ཞེས་བོད་སྐད་ཀྱིས་དོན་དག་ཡོད་པ་ཞིག་འབྲི་བ་འདི་ཅུང་འབྲིག་གི་མི་འདུག་སྙམ།
# 1 ནམ་མཁའ་ལགས་ཀྱིས་མཆན་བཏབ་པ།:
November 9th, 2013 at 10:28 AM
ཤིན་ཏུ་ལེགས་མོད།ཡིན་ཡང་དཔའ་ལུང་ཞེས་བའི་མིང་འདི་༼རྒྱ་སྐད་ཀྱི་ཧྭ་ལུང༽ལས་འཕྲོས་བ་རེད་སྙམ།བོད་སྐད་སྐད་ལ་༼བ་ལུང༽ཞེས་སྔོན་མ་འབོད་ཀྱི་ཡོད། རྒྱ་སྐད་ཀྱི་༼ཧྭ་ལུང་ལ་དེང་སང་བོད་སྐད་ཀྱི་དཔའ་ལུང་༽ཞེས་བོད་སྐད་ཀྱིས་དོན་དག་ཡོད་པ་ཞིག་འབྲི་བ་འདི་ཅུང་འབྲིག་གི་མི་འདུག་སྙམ།
ཟེར།
ནམ་མཁའ་ལགས་དེ་འདྲ་མ་རེད་ལགས། དཔའ་ལུང་ཟེར་བ་འདི་རྒྱ་ནག་མ་འོང་བའི་སྔོན་ནས་ཡོད་པའི་བོད་མིང་རེད། དཔའ་ལུང་ནི་རྒྱ་ནག་གི་སྐད་དང་འདྲ་བོ་ཡོད་རེད་ལ། རྒྱ་ནག་ཚོས་ཀྱང་དཔའ་ལུང་ཞེས་ཁ་ནས་ལྕེ་གྲོལ་ཐུབ་ཀྱི་ཡོད་རེད། དེས་རྐྱེན་གྱིས་སྐད་དེར་འགྱུར་བ་བཏང་མ་དགོས་པ་རེད། གོང་གི་པར་དེའི་ངོས་སུ་དཔའ་བོ་ལུང་བ་ཞེས་བྲིས་འདུག དེ་ལྟར་བྲིས་པ་དེར་ལོ་རྒྱུས་དང་བཤད་རྒྱུན་མང་བོ་ཡོད་རེད།
བོད་མིང་དཔའ་ལུང་དེ་ཧྭ་ལུང་ལ་ཕར་འགྱུར་བ་རེད་། ཁྱོད་ཀྱིས་བཤད་པ་ལྟར་རྒྱ་སྐད་ཧཱ་ལུང་དེ་བོད་སྐད་དཔའ་ལུང་ལ་ཚུར་འགྱུར་བ་མ་རེད། དེ་ལྟར་ཡིན་པར་ཁྱོད་ལ་ཁོང་ཡོད་རྒྱུ་མ་རེད་། གཅན་ཚ་དང་དཔའ་ལུང་བཱ་ཡན་གྲོ་ཚང་སོགས་པང་རིམ་བསྒྲིགས་ནས་ཡོད་རེད། དེང་སང་གཅན་ཚ་རྫོང་དུ་འབོད་པ་འདི་སྔོན་ཆད་སྣང་རའི་ས་ཆར་ཆགས་ཡོད་རེད། དེ་སང་གི་མི་ཚོས་གཅན་ཚ་ཟེར་དུས་འདི་ལ་གོ་གི་ཡོད་རེད། འདི་རྒྱ་ནག་དམར་བོ་ཡོང་ནས་བཟོས་པ་རེད། སྔོན་ཆད་གཅན་ཚ་ཉིན་སྲིབ་གསུམ་ཟེར་བའི་ནང་དུ་དཔའ་ལུང་ཡང་ཡོད་རེད། མདོ་སྨད་ཆོས་འབྱུང་ན་ཅུང་ཙམ་བཤད་ཡོད་རེད། བར་སྐབས་ཤིག་ལ་ལཱ་མོ་ཞབས་དྲུང་དཀར་བོས་དབང་བསྒྱུར་བ་རེད། སྐབས་དེར་མི་ཁྲལ་བསྡུས་ནས་དགོན་བ་བཏབ་པ་ད་དུང་ཡང་དགོན་པ་འགའ་ཡོད་པ་དང་ཞབས་དྲུང་དཀར་བོའི་ར་འཚོ་ས་ཡིན་པས་ཞབས་དྲུང་ལུང་བར་ཡང་འབོད་སྲོལ་ཡོད་རེད། རྗེས་སུ་མ་པི་ཧྥང་གིས་དབང་བསྒྱུར་ནས་བོད་པ་རྣམས་ཆོས་བསྒྱུར་བ་དང་མང་བོ་ཧེ་མགོར་ལོག་པ་དང་འདོད་མོས་མེད་མཁན་ཚོ་མང་འབའ་ཞ་གསུམ་དང་ཞིན་ཧེ་སོགས་གང་སར་བྲོས་ཤིང་ཐ་ན་མགོ་ལོག་སོགས་སུ་མི་རྒྱུད་མང་བོ་འདུག དེང་སང་རྒྱ་ནག་གི་ཁ་ཆེ་རང་སྐྱོང་རྫོང་དུ་བཟོས་ཡོད་རེད། བོད་སྐད་དུ་དཔའ་ལུང་རྫོང་ཟེར་བ་དེ་རེད། བྱང་གི་དགོན་ཆེན་བྱ་ཁྱུང་དགོན་པ་ཡང་ས་ཐོག་འདི་ན་ཡོད་རེད། ཆོས་རྗེ་དོན་འགྲུབ་རིན་ཆེན་གྱིས་ཕྱག་འཁོར་ནང་རྟེན་བྱས་པའི་གཙན་ཚ་མ་ཎི་ཟེར་བའི་ཆུ་སྐོར་མ་ཎི་སྐད་གྲགས་ཅན་དེ་ཡང་ས་འདིར་ཡོད་རེད།
གཅན་ཚའི་མིང་ཐོག་སའི་ལྟེ་བ་དེ་ཡང་འདི་ལ་བརྟེན་ནས་བྱུང་བ་རེད། ལོ་རྒྱུས་རྙིང་བ་ལ་ཞིབ་འཇུག་བྱེད་མ་ཐུབ་ན་དུས་ཀྱིས་འགྱུར་བའི་དབང་གིས་བློ་ངོ་ལ་འཆར་བདེ་བོ་ཡོད་མ་རེད། མདོ་སྨད་ཆོས་འབྱུང་ནི་ཕྱོགས་བསྒྲིགས་ཅིག་ཡིན་པས་ཡག་པོ་ཞིག་བཤད་ཤེས་མེད། འདིར་སྣ་དེང་གི་ལོ་རྒྱུས་དང་དུས་ཀྱིས་འགྲོས་ཁྲོད་ཀྱི་འཕེལ་རིམ་ཞིབ་མོར་མ་དཔྱད་ན་མགོ་ལོ་ཆེན་པོ་རྫིས་ཉེན་ཡོད་རེད།
གཏམ་དཔེ་ལ་གྲོ་ཚང་དགོན་པའི་ཅོང་བརྡུང་ན་བ་ཡན་ཁོག་ནས་རྟ་འདྲོགས་ཟེར།
གྲོ་ཚང་དང་བ་ཡན་གྱི་སྐོར་རེ་ཞིག་ཞོག
ཡག་ནོར་མང་བོ་ཡོད་ངེས་པས་དགོངས་དག་ཞུ། ང་ཁོམ་པོ་མ་བྱུང་ཐལ།
ཧ་་ཧ་
ཡིག་ནོར་
བཅོས་
ང་ཚོའི་བཙན་བྱོལ་ནང་དུའང་བོད་ཀྱི་རིག་གཞུང་མཚོན་པའི་གློག་བརྙན་རིགས་མང་དུ་འཁྲབ་སྟོན་བྱས་ཐུབ་ན་ཡག་པོ་ཡོད་པར་མཐོང་། གོང་གི་གནས་ཚུལ་དེ་ནི་ངོ་མ་དགའ་འོས་པ་ཞིག་རེད།
ཞྭ་མོ་དཀར་པོ་གོན་དགོས་པ་ག་རེ་ཡིན་ནམ། ཨ་མདོ་བོད་པ་ཚོས་ཞྭ་མོ་དཀར་པོ་གོན་གི་རེད་དམ།
དེང་སང་བོད་ཀྱི་གློག་བརྙན་ཐོན་འགོ་བརྩམས་སོང་། རྟེན་འབྲེལ་ཞུ།
བོད་ཀྱི་གློག་བརྙན་ཡང་རྒྱལ་སྤྱི་གློག་བརྙན་གར་སྟེགས་སུ་གོམ་པ་སྤོས་སོང་།
རྒྱ་སྐད་ཧྭ་ལུང་ལ་གོ་རྒྱུ་ཆེར་མེད། བོད་སྐད་དཔའ་ལུང་ལ་གོ་རྒྱུ་ཆེན་པོ་འདུག ས་ཆ་འདིར་དཔའ་བོ་མང་པོ་བྱོན་པས་སོ། །ཡང་དྲི་བ་གཅིག ས་གནས་དེ་དང་ཉེ་བ་ཞོན་ཧྭ་ཟེར་བའི་ས་ཆ་ལ་བོད་མིང་དུ་ཅི་ཟེར། དེ་ཡང་བོད་ནས་ཕར་འགྱུར་བ་འདྲ།
ས་མིང་ཆུ་མིང་ནས་ཕ་མེས་ཀྱི་ལོ་རྒྱུས་གང་ཡིན་ན།ཁུངས་དེ་ཡག་སྡུག་གང་ལ་ཐུག་ཡོད་ན་དྲང་བདེན་གྱིས་གཡོ་བཅོས་མེད་པར་བཤད་དགོས་པ་རེད་མ་གཏོགས།ཡག་པོ་ཅིག་ལ་བཅོས་ཐབས་སུ་བཟོ་བཅོས་རྐྱང་རྐྱང་བརྒྱབས་བསྡད་ན་མགོ་འཁྲུག་གཞི་དང་རྙོག་བྲ་རེད།དེ་ལ་མཁས་དབང་དགེ་འདུན་ཆོས་འཕེལ་གྱིས་གཏམ་རྒྱུད་གསེར་ཐང་སྟོད་ཆར།ས་མིང་མན་ལུང་ལྟ་བུ་སྨོན་ལུང་དུ་བསྒྱུར་བ་དང་།གཡའ་མ་ལུང་ལྟ་བུར་ཡིད་སྨོན་ལུང་ལྟ་བུ་གོ་རྒྱུ་ཡོད་པ་ཅིག་གི་ཆེད་བཟོ་བཅོས་རྐྱང་བྱས་ན།ནམ་ཞིག་སུས་ཀྱང་ས་ངོ་མ་གང་ཡིན་ངོ་མི་འཕྲོད་པའི་དགོས་མེད་ཀྱི་རྙོག་བྲ་ཆེན་པོ་མ་གཏོགས་སྙིང་པོ་གང་ཡང་མེད་ཅེས་གསུངས་པ་འདི་འདྲའི་རིགས་ལ་གསུངས་པ་རེད།
རྒྱ་མིའི་སྐད་ཧྭ་ལུང་ཟེར་བ་ས་འདིར་རྒྱ་རིགས་ཁ་ཆེ་བོད་མི་ལས་ལྡབ་སུམ་འགྱུར་ལས་ཀྱང་མང་བ་དང་།ལྷག་པར་མཱ་པུ་ཧྥང་ཁྱིམ་རྒྱུད་ཀྱིས་མཚོ་སྔོན་ས་ཆ་དབང་བསྒྱུར་ནས་བཟུང་ས་མིང་འདི་འདྲ་མང་པོ་བཟོས་འདུག་མ་གཏོགས།ས་ཆ་འདིར་བོད་མིང་དུ་དཔའ་ལུང་ཟེར་བ་ཅིག་རྒྱལ་རབས་ཆོས་འབྱུང་དང་དགོན་པའི་གདན་རབས་སོགས་གང་དུའང་མེད་པ་རེད།གལ་ཏེ་ཡོད་ན་མིང་དེ་ག་དུས་བྱུང་བ་དང་།སུས་བཏགས་པ།རྗེས་གྲུབ་ཀྱི་མིང་དེ་རྒྱུ་རྐྱེན་གང་འདྲར་བརྟེན་ནས་བྱུང་བ།རྣམ་ཐར་དང་ལོ་རྒྱུས།ཆོས་འབྱུང་སོགས་གང་ཞིག་ཏུ་འཁོད་ཐུབ་ཡོད་པ་བཅས་ཁུངས་སྐྱེལ་བྱེད་ཐུབ་དགོས་པ་རེད།ཐ་ན་ས་ཁྱོན་འདི་འདྲ་ཆེན་པོ་ཅིག་གི་མིང་དེ་ངག་རྒྱུན་ཙམ་ཡིན་དབང་དུ་བཏང་རུང་རྣམ་ཐར་ལོ་རྒྱུས་དང་གདན་རབས་ལྟ་བུར་ད་སྔ་ཟུར་ཙམ་ཅིག་འཐོན་མེད་མི་སྲིད་པ་རེད།འོན་ཀྱང་དེ་འདྲ་ཟུར་ཙམ་ཡང་མེད་པ་ནི་མིང་དེ་བཟོ་བཅོས་དང་སྔར་མེད་གསར་སྤྲོས་ཀྱི་རྟགས་རེད།
དེང་སང་ཧྭ་ལུང་དུ་འབྲི་ཚུལ་འདི་དཔལ་བོི་ལུང་པ་ཡིན་རབས་མཁས་པའི་དབང་པོ་རྗེ་དམུ་དགེ་བསམ་གཏན་ཚང་གིས་འབྲེལ་བཤད་དང་བཅས་དཔེ་ཁྲིད་ཀྱི་སྐབས་སུ་གསུངས་པ་སྒྲ་འཇུག་ལ་ཡོད་ཀི དཔའ་ལུང་ཟེར་བ་འདི་ལ་ཧྭ་ལུང་འབྲི་ཚུལ་ཐ་སྙད་འདིའི་བྱུང་རབས་ལ་དབྱེ་ཞིབ་རེ་བྱས་ན་ད་གཟོད་ཁུངས་ཡོད་མེད་དང་ལོ་རྒྱུས་དང་ཤ་གནས་ཡུལ་ལུང་ལ་མཐུན་དང་མི་མཐུན་གསལ་བོར་ཤེས་ཐུབ་བསམ་གི
སྐུའི་གཅེན་པོ་རྒྱ་ལོ་དོན་གྲུབ་ཀྱིས་མདོ་སྨད་ཡུལ་སྤྱི་དང་སྐུ་འབུམ་གཡས་གཡོན་གྱི་ཧེ་ཧེ་དེ་ཚོ་ནམ་ཞིག་གནས་དེ་དག་ཏུ་གཞིས་ཆགས་པའི་སྐོར་བཅས་འདྲིར་དེར་ཉན་ན། དེ་ཚོ་དེ་འདྲའི་སྔ་མོ་ཞིག་རེད་མི་འདུག
རྗེ་དམུ་དགེ་ཚང་གིས་འབྲེལ་བཤད་དེ་བོད་བཙན་པོའི་སྐབས་ཀྱི་མིང་ཞིག་ཡིན་རབས་འདུག་སྙམ། ཐག་ཆོད་པོ་ཞིག་ཞུ་རྒྱུ་མེད་ལགས།