དགའ་ལྡན་ལྔ་མཆོད་ཀྱི་སྙན་ཐུང་།

Comments (45) on “དགའ་ལྡན་ལྔ་མཆོད་ཀྱི་སྙན་ཐུང་།”

1. བཤེས་གཉེན་བརྟེན་ཚུལ་ཟེར་བའི།
   དབང་སྒྱུར་འཕྲུལ་གྱི་སྲིད་ཇུས།
   གངས་ཅན་བོད་ལ་འཆད་པས།
   མི་ཡི་དབང་རང་ཤོར་སོང་།།

   བཙན་པོ་བོད་ཀྱི་མི་རིགས།
   བླ་མའི་བྲན་གཡོག་ཆགས་ཡོད།
   རང་དབང་དམངས་གཙོའི་ཉི་ཟེར།
   གངས་ལ་འཕོག་ས་མ་རེད།།

   བླ་མའི་ཅི་གསུངས་བཀའ་རེད།
   མཛུབ་མོ་ག་སྟོན་ཤར་རེད།
   སྡུག་གི་རྒྱ་མཚོའི་ནང་དུ།
   མི་མཆོང་རང་དབང་མི་འདུག

   དེང་རམས་ཉེར་གཅིག་ནང་དུ།
   རྨོངས་དད་གཉིད་ལ་ཉལ་བའི།
   གདོང་དམར་བོད་ཀྱི་མི་རིགས།
   སྐྱོབ་པའི་ཐབས་ཤིག་སྟོན་རོགས།།

2. མི་ཡི་རང་དབང་ཤོར་སོང་།།་་་ཞེས་བཅོས་རོགས་བྱོས།

3. སྟོན་པ་ཤཀ་ཐུབ་དྲུང་དུ།
   ཤེལ་གྱི་ཕྲེང་བ་ཕུལ་འདུག
   སྟོན་པ་འདས་པའི་རྗེས་ལ།
   སློབ་དཔོན་པདྨར་སྤྲུལ་འདུག

   སྔ་འགྱུར་ཉམས་པའི་དུས་སུ།
   ཨ་ཏི་ཤ་རུ་སྤྲུལ་ནས།
   བཀའ་གདམས་གསར་མ་སྤེལ་འདུག
   ཐ་མ་བློ་བཟང་གྲགས་པ།

   འཇམ་དབྱངས་རྣམ་གསུམ་ནང་གི།
   རྩེ་ཕུད་མཁས་པའི་གཙུག་རྒྱན།
   ད་ལྟ་མི་རུ་བརྫུས་ན།
   ༸བཅུ་བཞི་པ་ཉིད་ཡིན་ངེས།

4. ཀླུ་སྨྱོན་ལགས། ཀརྨ་གླིང་པའི་ལུང་བསྟན་ན་༧རྗེ་ལ་སྐྱོན་བརྗོད་ཀྱང་མེད། པད་གླིང་ལུང་བསྟན་ཟེར་བའི་བཅོས་མ་དེ་དང་། བོན་རྡོ་རྗེ་གླིང་པའི་ལུང་བསྟན་གཉིས་ཡིན་པ་འདྲ། དེ་བཞིན་པད་གླིང་བཀའ་ཐང་ལའང་བདེན་རྫུན་གཉིས་ཡོད་པ་དགོངས་མཛོད། །

5. བོན་གཡུང་དྲུང་གླིང་པ་དང། ཆོས་རྡོ་རྗེ་གླིང་པ། ཞེས་གང་ཟག་གཅིག་ལ་མཚན་མི་འདྲ་བ་གཉིས་སམ་དེ་ལས་མང་བ་ཡོད་པ་འདྲ། དེ་དག་གདུལ་བྱ་མི་འདྲ་བ་འདུལ་བའི་ཆེད་དུ་ཡིན་ལས་ཆེ། དེ་འདྲ་ཡིན་དུས་གཡུང་དྲུང་གླིང་པའི་མཚན་ནས་བྲིས་འདུག་གམ། ཡང་ན་རྡོ་རྗེ་གླིང་པའི་མཚན་ནས་བྲིས་འདུག་དཔྱད་དགོས་པར་སེམས་སོ། །

6. རྗེ་རིན་པོ་ཆེའི་གསུང་འབུམ་པོད་བཅོ་བརྒྱད་ནང་ལ་གངས་ཅན་གྱི་སྙིང་ནོར་གསང་སྔགས་སྙིང་མའི་ལྟ་བ། སྤྱོད་པ། རིམ་གཉིས་སོགས་ལ་སྐྱོན་བརྗོད་གནང་པ་མཇལ་རྒྱུ་མིན་འདུག ལྷག་པར་དུ། རྗེ་རིན་པོ་ཆེའི་ཐུགས་སྲས་སུ་གྲགས་པ་མཁས་གྲུབ་རྗེ་དང་། རྒྱལ་ཚབ་རྗེ། རྒྱལ་དབང་སྐུ་འཕྲེང་དང་པོ་དགེ་འདུན་གྲུབ་སོགས་ཀྱི་གསུང་ལ་གསང་སྔགས་སྙིང་མའི་ཆོས་ལ་སྐྱོན་བརྗོད་ཞུས་པ་མཐོང་རྒྱུ་མིན་འདུག ལྷག་པར་དུ་མཁས་གྲུབ་རྗེས་རྗེ་རིན་པོ་ཆེར་རྫོགས་ཆེན་སྐོར་ལ་བཀའ་དྲི་ཞུ་སྐབས། རྗེ་རིན་པོ་ཆེས་བློ་ཐག་ཆོད་པོས། རྫོགས་པ་ཆེན་པོའི་ཟབ་ཆོས་ནི། གསང་སྔགས་ཀྱི་ཉམས་ལེན་ལམ་མཐོན་པོ་ཡིན་པ་དང་། ལམ་དེས་སྐྱེས་བུ་གྲངས་ལས་འདས་པ་ཐར་པའི་གནས་ལ་འདྲེན་པར་བྱེད་པས། དེ་ལ་སྐྱོན་བརྗོད་བྱས་ན་ངན་སོང་ལ་ལྷུང་བའི་རྒྱུ་རེད་གསུངས་པ་མཁས་གྲུབ་རྗེས་གསལ་པོ་བྲིས་འདུག མཁས་གྲུབ་ཀྱི་གསུང་ཐོར་བུའི་ནང་ལ་གཟིགས།

   རྗེ་རིན་པོ་ཆེར་སྐྱོན་ཡོང་ས་གཙོ་བོ་ནི་ས་སྐྱའི་ཕྱོགས་ནས་ཡིན་ཞིང་། དེ་ཡང་གཙོ་བོ་ཕྲག་མདོག་གི་ཀུན་ནས་བསླངས་ནས་བྱུང་བ་རེད་ཅེས་ཚད་ལྡན་བླ་མ་མང་པོས་གསུངས། གཙོ་བོ་ནི། རྗེ་རིན་པོ་ཆེས་ས་སྐྱའི་ཕྱོགས་ལ་ལངས་ནས་གྲུབ་མཐའི་རྙོག་ཟིང་ལ་ཐུག་པར་ཚྭ་དང་རྡོར་གྱི་ཞལ་འདེབས་ཕུལ་མེད་པ་དེས། ས་སྐྱའི་ཕྱོགས་ཀྱི་མི་མང་པོ་ཞིག་དགའ་བར་བྱས་མེད། འོན་ཀྱང་རྗེ་རིན་པོ་ཆེས་ས་སྐྱར་སྐྱོན་བརྗོད་དང་མི་འདོད་པའི་རྣམ་པ་ཡེ་ནས་མེད་པར། ཁོང་གི་རྩ་བའི་བླ་མ་རྗེ་བཙུན་རེད་གདའ་བར་སྙིང་ཁོངས་རུས་པའི་གཏིང་ནས་ཞབས་ཏོག་བསྒྲུབས་ཡོད་པ་དང་། དགྱེས་རྡོར་སྐོར་ལ་ས་སྐྱའི་མཁས་གྲུབ་རྣམས་ལ་བསྟོད་པ་ཆེན་པོ་བགྱིས་པ་ནི་ཁོང་གི་གསུང་ལས་ཤེས་ཐུབ།

7. ལམ་རིམ་ཆེན་མོའི་ནང་ཧ་ཤང་དང་ཧ་ཤང་ཟེར་བ་འདི་སུ་ལ་གཟས་སམ།

8. སྙིང་རྗེ་པོ་ཞིག་བྲིས་གནང་འདུག

9. རམ་རིམ་ཆེན་མོའི་ནང་གི་ཧ་ཤང་ནི། རྒྱའི་ཧ་ཤང་ཆད་མཐར་ལྷུང་བ་དག་ལ་གོ་དགོས་སྙམ་མོ།།

10. རྗེ་བླ་མས་སྔ་འགྱུར་ལ་དགག་པ་གཏན་ནས་མེད་པར་མ་ཟད། ལམརིམ་ཏུ། གངས་རིའི་ཁྲོད་དུ་བསྟན་པ་སྔ་དར་ལ་དཔལ་ལྡན་ཞི་བ་འཚོ་དང་པདྨ་སམྦྷ་བས་བསྟན་པའི་སྲོལ་བཙུགས་པ་ལ། སྟོང་བ་ཉིད་ལ་གོ་བ་གནད་དུ་མ་སོང་བ་ལ་བརྟེན་ནས་ཐབས་ཀྱི་ཆ་ལ་སྐུར་ཞིང་ཡིད་ལ་བྱེད་པ་ཐམས་ཅད་འགོགས་པའི་རྒྱ་ནག་ཧ་ཤང་གི་བསྟན་པ་འགྲིབས་པར་བྱས་པ་ལ། སློབ་དཔོན་ཆེན་པོ་ཀཱ་མ་ལ་ཤཱི་ལས་ལེགས་པར་བཀག་ནས་རྒྱལ་བའི་དགོངས་པ་གཏན་ལ་ཕབ་པས་སྐུ་དྲིན་ཤིན་ཏུ་ཆེ། །ཞེས་གསུངས་པས། ཧ་ཤང་གི་ལྟ་བ་དགག་པའི་ཚེ་སྔ་འགྱུར་སྒོམ་རིམ་གྱི་དགོངས་པ་གཞིར་བཞག་ནས་གསུང་པ་ཡིན་པས། ལམ་རིམ་ཞི་ལྷག་སྔ་འགྱུར་མདོ་ཕྱོགས་ཀྱི་སྒོམ་རིམ་དེ་ཁོ་ན་ལྟར་ལགས་ཏེ། སྒོམ་རིམ་ཐོག་མཐའ་བར་གསུམ་ཏུ་གང་ཟག་དབང་པོ་དང་བསྟུན་ནས་སྒོམ་ཚུལ་དུ་མ་ཡོད་པ་གཞུང་རང་གི་དངོས་བསྟན་ཡིན་ནོ། །སྒོམ་རིམ་ཏུ་མ་གསུངས་པའི་ཞི་ལྷག་ནི་ལམ་རིམ་ཏུའང་མེད་དོ། ། དེ་ཡང་བསྟན་པའི་སྲོལ་བཙུག་པ། རྒྱ་ནག་ཧྭ་ཤང་གི་ལུགས་དགག་པ། རྒྱལ་བའི་དགོངས་པ་གཏན་ལ་ཕབ་པ་སོགས་སྐུ་དྲིན་ཆེ་བའི་སློབ་དཔོན་སྔ་འགྱུར་བ་ཡིན་པར་གསུངས་པས་རྗེ་བླ་མ་རང་གི་དགོངས་པ་ལས་གཞན་དུ་མ་སེམས་ཤིག །

11. ཧ་ཤང་དགག་པ་ནི་རྙིང་མ་དགག་པ་ག་ལ་ཡིན། དེ་ཡིན་ན། འཇུ་མི་ཕམ་པའི་གསུང་དུ་ཡང་ཧ་ཤང་དགག་པ་ཡོད་པས་ཁོང་གིས་ཀྱང་རྙིང་མ་བཀག་པ་ཡིན་ནམ། ཀློང་ཆེན་པའི་གསུང་དུ་ཡང་། འདུ་ཤེས་བཀག་ནས་རྟོག་མེད་གནས་པ་ལ།།གནས་ལུགས་ཉིད་ཅེས་མངོན་པའི་ང་རྒྱལ་འཛིན།།དེེ་ཉིད་གོམས་པས་དུད་འགྲོའི་སར་འཕེན་ཅིང་།།མ་གོམས་ན་ཡང་བསམ་གཏན་གཟུགས་མེད་ཉིད།།ཅེས་པ་དེ་ཧ་ཤང་གི་ལུགས་དགག་པ་ཡིན་པར་ཤེས་དགོས།

12. ཧ་ཤང་བཀག་པས་རྙིང་མ་བཀག་ཟེར་བ་མིན་ཀྱང་ཧ་ཤང་ལྷམ་གྱི་སྐད་ཆ་ཞིག་ཀྱང་ཡོད་དོ།།

13. ཀརྡོ་གཉེར་ཕྱག་པ་་ལགས་ཀྱིས་མཆན་བཏབ་པ།:
    December 16th, 2014 at 4:49 PM
    སྟོན་པ་ཤཀ་ཐུབ་དྲུང་དུ།

    སྟོན་པ་ཤཀ་ཐུབ་དྲུང་དུ།
    ཤེལ་གྱི་ཕྲེང་བ་ཕུལ་འདུག
    སྟོན་པ་འདས་པའི་རྗེས་ལ།
    སློབ་དཔོན་པདྨར་སྤྲུལ་འདུག

    སྔ་འགྱུར་ཉམས་པའི་དུས་སུ།
    ཨ་ཏི་ཤ་རུ་སྤྲུལ་ནས།
    བཀའ་གདམས་གསར་མ་སྤེལ་འདུག
    ཐ་མ་བློ་བཟང་གྲགས་པ།

    འཇམ་དབྱངས་རྣམ་གསུམ་ནང་གི།
    རྩེ་ཕུད་མཁས་པའི་གཙུག་རྒྱན།
    ད་ལྟ་མི་རུ་བརྫུས་ན།
    ༸བཅུ་བཞི་པ་ཉིད་ཡིན་ངེས།
    དོན་ལ་གནས་པ་ཞིག་རེད།

14. ས་སྐྱ་པ་མི་ཤེས་པ་དག་གིས་རྗེ་བསོད་ནམས་སེང་གེས་རྗེ་ཙོང་པ་ཆད་ལྟར་ལྷུང་ཞེས་རྗེ་ཙོང་ཁ་པར་མ་གུས་ལྟར་བྱེད་པ་མཐོང་། འོན་ཀྱང་ས་སྐྱ་བདག་ཆེན་རིན་པོ་ཆེས། རྗེ་ཙོང་ཁ་པ་རྗེ་བཙུན་འཇམ་པའི་དབྱངས་དངོས་དང་། རྗེ་བསོད་ནམས་སེང་གེ་ཡང་རྗེ་བཙུན་འཇམ་པའི་དབྱངས་དངོས་ཡིན། རྗེ་བཙུན་འཇམ་པའི་དབྱངས་དང་རྗེ་བཙུན་འཇམ་པའི་དབྱངས་རྩོད་པ་ཡིན་པ། རང་ཅག་སྐྱེ་བོ་ཐ་མལ་པས་མི་ཤེས་སོ། ཞེས་༧ས་སྐྱ་གོང་མ་བདག་་ཆེན་་རིན་པོ་ཆེས་རང་གི་དངོས་སློབ་ཨ་རི་པ་ངག་བསོད་ནམས་བསྟན་འཛིན་ལ་གསུངས། བསོད་ནམས་ཀྱིས་བདག་ལ་དེ་ལྟར་བདག་ལ་བཤད་པ་ལོ་ངོ་ལྔ་བཅུ་མ་ཟིན་སྔོན་དུ་གྲོང་ཁྱེར་ཝཱ་རཱ་ཎ་སཱིར་ཐོས་པ་ལ་ཆད་བསྣན་མེད་པ་ལྟར་བྲིས་སོ།

15. རྒྱལ་དབང་ལྔ་བ་ཆེན་པོས། །
    འཛམ་གླིང་རྒྱན་གྱུར་ཁ་སྤུ་ཅན་རྣམས་ཀྱི། །
    གཞུང་རྒྱ་འགྲོལ་བའི་ས་དགེའི་མཁས་རྣམས་དང་། །
    ཟོག་རྫུན་འཕྲུལ་གྱིས་གཞན་བློ་བྲིད་པ་རྣམས། །
    ཁྱད་པར་ཤེས་པའི་བློ་ལྡན་ཉིད་ལས་སུ། ། ཞེས་པ་ལྟར་རྒན་ལ་དྭགས་པས་ས་དགེའི་འཇམ་དབྱངས་རྣམ་གཉིས་ཀྱིས་རིག་པའི་རྩལ་འགྲན་པར་གསུང་པ་མད་དོ། །

16. མཁས་པ་ཀ་རྡོ་བས།
    སྔ་འགྱུར་ཉམས་པའི་དུས་སུ།། ཞེས་གསུངས་འདུག་ན་འདི་རྒྱབ་རྟེན་དུ་ལུང་རིགས་དཔེ་གསུམ་ཡིད་ཚིམ་པ་ཞིག་ཅིས་གསུང་བར་ཞུ།

17. ཧྭ་ཤང་གི་ལྷམ་གྱི་སྐད་ཆའམ་དྲི་ཙམ་ཡོད་པས་དགག་པ་གནད་དུ་འགྲོ་བ་མིན་ཏེ། ཀུན་མཁྱེན་གོ་རམ་པའི་ལྟ་བའི་ཤན་འབྱེད་ལས། མཐར་ཐུག་དཔྱོད་པའི་རིག་ཤེས་ཀྱི་ངོར་ཡོད་མིན་མེད་མིན་གྱི་ལྟ་བ་ཁས་བླང་པ་ལ། རྒྱ་ནག་ཧྭ་ཤང་གི་ལྟ་བ་ཡིན་ནོ་ཞེས་བརྟག་དཔྱད་མ་བྱས་པའི་ཚིག་རང་དགའ་བ་འཇིག་རྟེན་གྱི་ཁམས་སུ་འཕངས་པ་ནི་བསྟན་པའི་སྙིང་པོ་སྤྲོས་བྲལ་ཉམས་པའི་ཆེད་དུ་བདུད་རིགས་ཀྱིས་བྱིན་གྱིས་བརླབས་ནས་བཀྱེ་བར་བྱེད། ཅེས་གསུངས་པའི་དོན་ལ་མཉམ་པར་འཇོག་པར་འཚལ་ལོ། །

18. རྗེ་བློ་བཟང་གྲགས་པ། ཁྱེད་ག་རེ་བྱེས་ནས་ཨ་མདོ་ལུང་པ་ནས་དཀའ་ལས་ཆེན་པོ་རྒྱབ་སྟེ་དབུས་ལ་ཕེབས་པ་ཡིན། ཁྱེད་ཨ་མདོ་རང་དུ་བཞུགས་པ་ཡིན་ན་དེང་སང་གི་མཁས་རློམ་པ་དེ་ཚོ་ལ་ཁྱེད་ཀྱི་གསུངས་བུམ་ཁག་གི་ “པ‚‚ དེ་ “བ‚‚ ལ་སྒྱུར་བའི་དཀའ་ཚེག་ཆེན་པོ་དེ་འདྲ་མྱོང་དགོས་ས་མ་རེད་པ། མགོ་སྟོད་ཀྱི་ཁྱེད། བར་གྱི་འཇམ་བཞེད། ཐ་མའི་དགེ་ཆོས་རྣམས་ཨ་མདོ་སྐྱེས་པའི་སྐྱེ་མགོ་མཆོད་མི་འདུག་བསམ་གྱི་འདུག ངས་ཀྱང་བསམ་གྱི་འདུག་ཁོང་ཚོས་ཀྱང་་་་།

19. རྙིང་མའི་ལུས་ཀྱི་ཆ་ཤས་རེ་རེ་ནས་བཀག་ཡོད་ནའང། ད་དུང་རྙིང་མ་བཀག་མེད་རབས་བཤད་བསྡད་ན་སུ་སྣང་བར་འགྲོ། རྙིང་མའི་ལུས་ཀྱི་ཆ་ཤས་རེ་རེ་ནས་ལྷུ་ལག་ཡར་བཀྲལ་མར་བཀྲལ་བྱས་ཚར་བའི་རྗེས་སུ་། ད་གཟོད་རྙིང་མ་ཞེས་པ་ངོས་འཛིན་བྱེད་སའི་ཕུང་པོ་རང་སྐྱ་བ་ཞིག་རྙེད་རྒྱུ་ཡང་དཀའ་ཡོང་། ཡིན་ནའང་ཁྱེད་རྣམ་པ་ཚོས་དགོངས་པ་བཞེས། རེད་དམ་མ་རེད་ལགས། །

    སྤྱིར་སྟངས་ཕྱག་རྫོགས་དབུ་གསུམ་གྱི་ལྟ་བ་གཅིག་གམ་དོན་གཅིག་ཏུ་འདོད་ཚར་བའི་རྗེས་སུ། ད་གཟོད་གཞན་ལས་ཁྱད་དུ་འཕགས་པའི་རྙིང་མའི་ལྟ་བ་ཨ་ཏི་ཡོ་ག་ཟེར་བ་འབུར་དུ་ཐོན་པ་ཞིག་གང་ནས་འཇོག་རྒྱུ་རྙེད། ། དེ་ཡང་རེད་དམ་མ་རེད་ལགས། །

    ཇོ་ནང་པས་མར་གཟིགས་ཡོང་དུས། ཁྱེད་ཚོས་འདོད་པའི་རང་སྟོང་གི་ལྟ་བ་དབུ་མ་ཆེན་པོ་ཟེར་བ་དེ་ནི། དབུ་མ་ཕལ་བ་ཟེར་བ་ཞིག་རེད་འདུག། དབུ་མ་ཆེན་པོ་ཞེས་པའི་མཚན་གྱི་འཇུག་ཡུལ་དངོས་དེ་ནི་གཞན་སྟོང་གི་ལྟ་བ་དེ་རང་ཡིན་པར་གསུངས་བཞག དེ་འདྲ་ཡིན་དུས་ཁྱེད་ཚོ་དངོས་གནས་དབུ་མ་ཕལ་བ་པ་ཡིན་ནམ། འདིའི་སྐོར་ནས་ཁས་ལེན་ཟིན་མཚམས་འདྲ་ཡོད་ན་བློ་བསྐྱེད་ཅིག་གནང་རོགས། ཤེས་འདོད་པ་ཡིན། །

20. # 16 མེ་ཏོག་དཀར་པོ་ལགས་ཀྱིས་མཆན་བཏབ་པ།:
    December 17th, 2014 at 9:19 AM
    མཁས་པ་ཀ་རྡོ་བས།
    སྔ་འགྱུར་ཉམས་པའི་དུས་སུ།། ཞེས་གསུངས་འདུག་ན་འདི་རྒྱབ་རྟེན་དུ་ལུང་རིགས་དཔེ་གསུམ་ཡིད་ཚིམ་པ་ཞིག་ཅིས་གསུང་བར་ཞུ།
    ལན་དུ།
    དར་མས་འདུལ་བསྟན་བསྣུབས། སིལ་བུ་ཐོར་བས་གདུལ་བསྟན་ཡང་ཉམས་ལ་ཁད་ཀྱི་དུས་སུ། ཐོ་བོ་རྗེ་དཔལ་ལྡན་ཨ་ཏི་ཤ་བསམ་བཞིན་དུ་བྱོན་པ་འདྲ་བར་བྱུང་། བྱང་སེམས་དང་། གསང་སྔགས་ཉམས་ཡོད་མེད་སུས་ཀྱང་བརྗོད་པར་དཀའ། དེ་རིང་དེ་ཙམ་མོ།།

21. ་་་་་་་་་ཕྱག་རྫོགས་དབུ་གསུམ་གྱི་ལྟ་བ་གཅིག་་་་་་་་་་་་་་

22. ལུང་རིགས་མན་ངག་གནད་དུ་བཟུང་བ་དང་།
    བསླབ་པ་གསུམ་ལ་གཅེས་པར་འཛིན་པ་དང་།
    དཀོན་མཆོག་གསུམ་ལ་སྙིང་ནས་མོས་པ་བཅས།
    བློ་བཟང་རྒྱལ་བའི་བསྟན་པ་རྒྱས་པར་ཤོག། །

    ཁོང་གི་དགོངས་རྫོགས་ལ་མཆོད་སྤྲིན་སྨོན་ལམ་དུ་ཕུལ། །

23. བསྐྱེད་རྫོགས་མ་སྒོམ་རྫོགས་ཆེན་ལྟ་བ་མེད། །
    ཆོས་དྲུག་མ་སྒོམ་ཕྱག་རྒྱ་ཆེན་པོ་མེད། །
    ལམ་འབྲས་མ་སྒོམ་ས་སྐྱའི་ལྟ་གྲུབ་མེད། །
    སྟོང་ཉིད་མ་སྒོམ་བདེ་སྟོང་དབྱེར་མེད་མེད། །
    གཞན་སྟོང་སྦྱོར་དྲུག་མ་སྒོམ་ཇོ་ནང་མེད། །

24. སྙིང་མ་པས།
    བསྐྱེད་རྫོགས་མ་སྒོམ་རྫོགས་ཆེན་ལྟ་བ་མེད། །
    བཀའ་བརྒྱུད་པས།
    ཆོས་དྲུག་མ་སྒོམ་ཕྱག་རྒྱ་ཆེན་པོ་མེད། །
    ས་སྐྱ་པས།
    ལམ་འབྲས་མ་སྒོམ་ས་སྐྱའི་ལྟ་གྲུབ་མེད། །
    དགེ་ལུགས་པས།
    སྟོང་ཉིད་མ་སྒོམ་བདེ་སྟོང་དབྱེར་མེད་མེད། །
    ཇོ་ནང་པས།
    གཞན་སྟོང་སྦྱོར་དྲུག་མ་སྒོམ་ཇོ་ནང་མེད། །

25. རྫོགས་ཆེན་ཕྱག་ཆེན་ལམ་འབྲས་དང་། །
    བདེ་སྟོང་དབྱེར་མེད་དབུ་མ་དང་། །
    ཇོ་ནང་གཞན་སྟོང་གཅིག་ཏུ་ངེས། །
    དེས་ན་དག་སྣང་དཔྱད་ཞིབ་མཛོད། །

26. དྲི་མེད་ལྷག་བསམ་ལགས།

    འཛམ་གླིང་རྒྱན་གྱུར་ཁ་སྤུ་ཅན་རྣམས་ཀྱི། །ཞེས་སོགས་ཀྱི་༸གོང་ས་ལྔ་པའི་གསུང་དེ་གང་ནས་ཡིན་གསུང་རོགས།

27. ཀ་རྡོ་ལགས་ལ་རྩེད་མོ་་ཞིག་ཞུ་ན།
    རྙིང་མ།
    མཚན་འཛིན་བསྐྱེད་རྫོགས་མི་དགོས་་རྫོགས་ཆེན་ཡོད། །ཐེག་པ་དགུ་ཡི་རྩེ་མོ་་ཨཏི་ཡིན། །
    བཀའ་བརྒྱུད།
    ཆོས་དྲུག་མི་དགོས་ཕྱག་རྒྱ་ཆེན་པོ་ཡོད། །མདོ་ལམ་ཕྱག་ཆེན་དབང་ལ་ལྟོས་པ་མེད། །
    ས་སྐྱ་པས།
    ལམ་འབྲས་མིན་པའི་ས་སྐྱའི་ལྟ་གྲུབ་ཡོད། །མཁའ་སྤྱོད་ཡང་ཕུར་ལམ་འབྲས་གཞུང་ལ་མེད། །
    དགེ་ལུགས་པ།
    སྟོང་ཉིད་མ་སྒོམ་བདེ་སྟོང་དབྱེར་མེད་ཡོད། །ཁ་སྦྱོར་ཐབས་ཀྱིས་ཆེ་བའི་སྔགས་ལམ་ཡིན། །
    ཇོ་ནང་པ།
    གཞན་སྟོང་སྦྱོར་དྲུག་མ་སྒོམ་ཇོ་ནང་ཡོད། །དེ་ཉིད་བཅུ་བཞི་སྒོམ་པའི་ཇོ་ནང་མང་། །
    མ་ཡིན་དགག་དང་མེད་དགག་གཅིག་དོན་གཅིག་གམ། །ཐབས་དང་ཤེས་རབ་ཁྱད་པར་བྱར་མེད་དམ། །
    འདི་དག་དོན་དུ་གཅིག་གམ་ཚིག་ཏུ་གཅིག །ཁས་ལེན་གནང་ན་ཁྱོད་ཀྱི་དམ་བཅའ་ཤེས། །

28. མ་ཡིན་དགག་དང་མེད་དགག་གཉིས། །
    དོན་གཅིག་སོང་བའི་དུས་ཅིག་མེད། །
    སྤྱིར་ན་སྟོང་ཉིད་མེད་དགག་ལ། །
    བསྐྱེད་རྫོགས་སྐབས་སུ་མ་ཡིན་དགག་མཐོང་། །

29. འོནད་ཀྱང་།
    སྟོང་ཉིད་མེད་དགག་ཡིན་ལ་རྩོད་པ་མེད། །
    སྟོང་མེ་དགག་འདོད་པ་མི་ཤེས་བླུན། །
    སྟོང་ཉིད་མ་ཡིན་དགག་དང་གཞན་སྟོང་དུ། །
    བཀྲལ་བ་རང་ཉིད་གྲུབ་མཐའི་ཁྱད་སྟོན་ཙམ། །

30. དར་མས་བསྟན་པ་བསྣུབས་དུས་གསང་སྔགས་ཉམས་ཡོད་མེད་སུས་ཀྱང་བརྗོད་པར་དཀའ་ཞེས་པའི་ཚིག་ར་སྤུའི་འུར་རྡོ་དེ་གོང་དུ་སྔ་འགྱུར་ཉམས་པའི་དུས་སུ།། ཞེས་པའི་མགོ་བཅོམ་སྟངས་ལ་གཅིག་གཟིགས་དང་ཀ་རྡོ་རབ་འབྱམས་ལགས།།

31. དྲ་གྲོགས་མེ་ཏོག་དཀར་པོ་ལགས། སྤྱར་བསྟན་གནས་མི་གནས་ཚད་གཞི་དེ་གདུལ་གནས་དང་མི་གནས་ཐུག་་པ་བཞིན། བོད་ཀྱི་སྔ་འགྱུར་རྙིང་བསྟན་གནས་མ་གནས་དེའི་གདུལ་བསྟན་གནས་དང་མི་གནས་ཐུག་དགོས། དེ་ཡང་མི་གཅིག་གསང་རྙིང་ཉམས་ལནེ་ནང་གདུལ་བསྟན་སོ་ཐར་རིགས་བདུན་གངགར་རུང་མེད་ན་མི་འགྲིགས། གསང་སྔགས་སྒོམ་པ་སྐྱབ་འགྲོ་ཙམ་གྱི་དེག་བསྙེན་གྱིས་གསང་སྔགས་བསྟན་པ་འ།ིན་ཐུབ་ཀྱང་། དེས་གདུལ་བསྟན་འཛིན་པ་མི་ཆོག་གོ།

32. འཁོར་རྣམ་བཞིའི་སྐོར་ལ། ཅུང་ཟད་སོམས་ཤི་ཀྱེ།

33. ཨ་ལས། དེ་འདྲ་རེད་པེ།

34. དགེ་སློང་མ་ཨེ

35. ང་ཚོ་བོད་ཆོས་གསར་པ་དེ་ཚོས། རྙིང་བླ་བ་མ་ཟེར་དུས། སློབ་དཔོན་པདྨ་མ་གཏོགས། སློབ་དགེ་སློང་ཞི་བ་འཚོ་བློ་མི་འཆར་བ་འདི་བླུན་རྟགས་རེད། དེ་བཞིན་དགེ་ལུགས་ཟེར་དུས་དགེ་དགེ་སློང་རྣམ་དག་ཅིག་གིས་གཞུང་ཆེན་པོ་ཏི་ལྔ་སྦྱངས་པ་མ་གཏོགས། གསང་བདེ་འཞིགས་ཉམས་ལེན་ཡོད་བློ་ལ་མི་འཆར་བ་འདི་ཡང་གླེན་རྟགས་ཅིག་རེད་དོ།། །།

36. རེད། དགེ་སློང་མ་ཡི་སྡོམ་ཆད་པ་དེ་ཡང་། བསྟན་པའི་ཆ་མ་ཚང་བར་གྱུར་པ་མ་རེད་དམ། ལགས། མེ་དཀར་ལགས།

37. དགེ་བསྙེན་རིག་པ་འཛིན་པལས། དགེ་སློང་རིག་པ་འཛིན་པ་མཐོ་བ་རེད་དོ། །འབྲུག་པ་ཚོ། ཧཧཧ།

38. བཀའ་བརྒྱུད་པ་ཟེར་དུས་དབེན་པའི་གནས་སུ་དཀའ་ཐུབ་སྤྱད་པའི་མི་ལ་རས་པ་མ་དྲན་པར་ཞྭ་མོ་དམར་ནག་རང་ལ་མགོ་འཐོམ་པ་ཡང་བླུན་རྟགས་ཤིག་མིན་ནམ་ལགས། ལགས་ཀ་རྡོ་ལགས།

39. ཨ་ཏི་ཤའི་སྔོན་ལ་གདུལ་བསྟན་ཉམས་ལ་ཁད་ཟེར་དུས། དེ་དུས་རྙིང་ཆོས་ལས་གཞན་ནི་མེད། དེ་ཡང་དེ་དུ་ཀྱི་ངདགེ་སློང་རིག་པ་འཛིན་པ་ནི། མོ་གཤམ་བུའི་སྤུན་མཆེད་གྱུར་པས། དེས་ན། འུར་རྡོའི་རྡོ་ངའི་དམ་བཅའ་ལ་མི་ཕོགས་པར། དེ་དུས་ཀྱི་རྙིང་དགེ་སློང་ཚོར་ཕོགས་སོང་དང་། ཧཧཧཧཧཧ།། །།

40. མི་ལའི་སྔོན་ལ། བླ་མ་མར་པའི་ཐུགས་བརྒྱུད་ལ། བཀའ་བརྒྱུད་ཀྱི་བསྟན་པ་དར་ཟིན་པ་རེད། དགེ་སློབ་གཉིས་སུ་སྔོན་ལ་སྐྱེས་པ་་ཡིན་མིན། མི་ཤེས་མཁན་ཁྱོད། ཁ་བརྡར་་འོངས་བ། ངོ་མི་ཚའམ། ཧཧ། སྐུ་རྩེད་ཡིན་གདའ།

41. ཀླུ་སྨྱོན་མཆོག་གིས་རྗེ་རིན་པོ་ཆེ་འཇམ་དབྱངས་ཀྱི་རྣམ་སྤྲུལ་ལ་ངོས་འཛིན་གནང་གི་ཡོད་དམ།

42. དགེ་སློང་ཞི་བ་འཚོའི་སྔོན་ལ། སྔགས་པ་པདྨ་འབྱུང་གནས་ཀྱི་ཐུགས་ལ་ཀུན་བཟང་ཐུགས་ཀྱི་བསྟན་པ་དར་ཟིན་པ་མིན་ནམ་ཞེས་མཁས་དབང་ཀ་རྡོ་པ་ལའང་ཀུ་རེ་ཞུས་སོ།།

43. ཟུར་གནས་ལགས། ངས་རྗེ་ཙོང་ཁ་པ་ཨ་མདོའི་གྲྭ་རྐྱང་ངམ་བླ་རྒན་འཇམ་པའི་དབྱངས་ལ་དད་པ་ཆེན་པོ་ཡོད་མཁན་ཞིག་ཏུ་ངོས་འཛིན་བྱེད་པ་མ་གཏོགས་འཇམ་པའི་དབྱངས་ཀྱི་སྤྲུལ་པ་ཞིག་ཡིན་པ་ངོ་མ་མི་ཤེས་ལ་ཤེས་འདོད་ཀྱང་མེད།

44. བོད་རིགས་བཙན་པོ་ཁྲི་སྲོང་སྡེ་བཙན་འཇམ་དབྱངས་སྤྲུལ་པར་ངོས་འཛིན་ཐུབ་ས་ལ། ཁམས་གསུམ་ཆོས་ཀྱི་རྒྱལ་པོ་དཔལ་ཤར་ཙོང་ཁ་པའམ། བླ་མ་བློ་བཟང་གྲགས་པའམ། ཨ་མདོ་སྣ་བོ་ཆེ་མཆོག ཁོང་འཇམ་དབྱངས་སྤྲུལ་པར་ངོས་འཛིན་ན་བོད་མི་ཚོ་ངོ་ཚ་དགོས་པ་དང་། དཔའ་ཞུམ་དགོས་པ་གང་ཡང་མཐོང་མ་སོང་ལགས།། །།

45. ཨ་མདོའི་ཡུལ་དུ་ལྟེ་ཁྲག་ལྷུང་། །
    དབུས་གཙང་ཁུལ་དུ་ཐོས་བསམ་མཛད། །
    འཁོར་དག་མཉམ་དུ་སྒོམ་སྒྲུབ་མཛད། །
    འཇམ་དབྱངས་དངོས་སུ་ཞལ་གཟིགས་ནས། །

    བསྟན་བཅོས་ཆེན་མོ་བཅོ་བརྒྱད་མཛད། །
    འཇམ་དབྱངས་རྣམ་གསུམ་གྲལ་དུ་ཚུད། །
    བཀའ་འདམས་གསར་མའི་སྲོལ་ཀ་གཏོད། །
    འཇམ་སྤྲུལ་མིན་ན་སུ་ཞིག་རེད། །

    རས་འཕགས་མགོན་པོ་ཕྱག་དྲུག་དང་། །
    རྣམ་སྲས་དམ་ཅན་ཆོས་རྒྱལ་སོགས། །
    ཐུགས་དམ་དམ་ཚིག་ལ་གནས་ནས། །
    དགེ་ལྡན་བསྟན་པ་སྲུངས་ཤིག་ཀྱེ། །