ད་ནི་ལས་བྱེད་མང་པོས་སྡེབ་གཅིག་ལ་རྩ་དགོངས་ཞུ་བའི་གནས་ཚུལ་ཡང་ཡོང་མི་སྲིད་པ་མ་རེད།

Comments (15) on “ད་ནི་ལས་བྱེད་མང་པོས་སྡེབ་གཅིག་ལ་རྩ་དགོངས་ཞུ་བའི་གནས་ཚུལ་ཡང་ཡོང་མི་སྲིད་པ་མ་རེད།”

1. སྲིད་སྐྱོང་འོས་མི་བློ་བཟང་སེངྒེ་ལགས་སུ་ཨེ་ཤེ་ཡ་རང་དབང་རླུང་འཕྲིན་ཁང་གི་བཅའ་འདྲི། ང་ཚོའི་སེམས་ནང་གི་བོད་གཞུང་འམ་བཙན་བྱོལ་སྒྲིག་འཛུགས་འདི་༧གོང་ས་མཆོག་གི་བཀའ་དགོངས་ལྟ་མིང་དོན་མཚུང་པའི་བོད་ཆོལ་ཁ་གསུམ་གྱི་མིང་ཐོག་ལ་ཚུལ་བསྒྱུར་ཐབས་གནང་བཞིན་པ།
   February 11, 2016https://www.facebook.com/rfa.tibetan/videos/884135405039033/ གོང་གི་དྲ་ཐག་འདི་ལ་གཟིགས་ནས་རྣམས་པ་ཚོའི་བསམ་བློ་གཏོང་དགོས། དེང་སང་སྲིད་དབང་སྒེར་སྤྱོད་པ་དང་སྤྱི་རྒྱ་སྒེད་བདག་པ་དེ་ཚོས། རང་ཉིད་ཀྱི་ཁེ་ཕན་ཤོར་འགྲོ་དོག་གིས་ཆབ་སྲིད་ཀྱི་འཁྲབ་སྟོན་འདྲ་མིན་མང་པོ་འཁྲབ་བཞིན་པ་ལ་ཡིད་ཆེས་བྱེད་མི་རུང་། བཙན་བྱོལ་སྒྲིག་འཛུགས་འམ་བོད་གཞུང་འདི་མིང་དོན་མཚུང་པའི་ཆོལ་ཁ་གསུམ་གྱི་མིང་ཐོག་ཚུར་བསྒྱུར་བར་བར་ཆད་མང་པོ་བཟོ་བཞིན་པ་དག་ཚང་མས་ཧ་གོ་ཐུབ་ན་བཟང་།

2. ད་སྲིད་སྐྱོང་བློ་སེང་ལགས་ནས་ཞལ་རྫུན་བཤད་རྒྱུ་མང་དྲག་པ་དང་སྒེར་སྤྱོད་ཐོག་རང་གི་ཉེ་གྲོགས་སོགས་ལ་ལས་ཀའི་གོ་གནས་སྤྲད་ཡོད་པ་མང་ཚོགས་ནང་མཁྱེན་རྟོགས་མེད་ནའང་། ད་ཆ་བཀའ་བློན་བདེ་ཆོས་ལགས་ནས་སྲིད་སྐྱོང་བློ་སེང་ལགས་ཀྱི་ཕྱག་ལས་གནང་སྟངས་ལ་མོས་མཐུན་མེད་པའི་རྣམ་པ་གསལ་བཏོན་བྱས་འདུག དེ་བཞིན་འཕྲོད་བསྟེན་བཀའ་བློན་ཕུད་དེ་མིན་བཀའ་བློན་གཞན་རྣམས་ནས་ཀྱང་རྩ་དགོངས་ཞུ་མ་སྲིད་པ་མིན། དེ་ལས་ལྷག་པ་སྲི་ཞུ་ལས་བྱེད་རྣམས་ནི་རྒྱུན་ལྡན་ནས་སྲིད་སྐྱོང་བློ་སེང་ལགས་དབུས་པའི་ཕྱག་འབྲེལ་བཀའ་བློན་རྣམ་པའི་ཕྱག་ལས་ཇི་ལྟར་གནང་གི་ཡོད་པ་ཡག་ཤོས་མཁྱེན་གྱི་ཡོད་སྟབས། སྲིད་སྐྱོང་བློ་སེང་ལགས་ཀྱི་ཕྱག་ལས་གནང་སྟངས་དེ་ཚོ་སྒེར་སྤྱོད་དང་ཕྱོགས་ལྷུང་། དེའི་ཐོག་ངོ་ཚ་ཁྲེལ་མེད་ཐོག་ཞེ་སྣང་ཚེར་སྣང་མེད་པར་མི་མང་མགོ་སྐོར་གཏོང་རྐྱང་གིས་ཞལ་རྫུན་གནང་བཞིན་པར་བརྟེན་ད་ཟོད་འགན་ལེན་མ་བཟོད་པར་དགོངས་པ་ལྡེབས་ཞུ་བྱ་མ་སྲིད་པ་མིན་པས། སྲིད་སྐྱོང་བློ་སེང་ལགས་ནས་དགོངས་པ་ཆེ་བཞེས་ཀྱིས་བཟང་སྤྱོད་ལམ་ནས་རྩ་དགོངས་ཞུ་ན་ལེགས། ད་མང་ཚོགས་གཉིད་སེལ་དགོས་ཚོད་ཡིན།

3. ཕྱི་དྲིལ་བཀའ་བློན་གྱིས་ལས་གནས་ནས་དགོངས་པ་ཞུས་པ་ནི། སྲིད་སྐྱོང་གི་ལས་ཀ་བྱེད་སྟངས་ལ་བློ་ཕམ་དང་། ཉེ་ཆར་ནས་བཀའ་ཤག་གིས་དུས་དབང་ཕྱིར་འགྱངས་སྐོར་ལ་ནང་འགལ་ཅན་གྱི་གསལ་བསྒྲགས་སྤེལ་ནས་མང་ཚོགས་ལ་མགོ་སྐོར་གཏོང་ཐབས་བྱས་པ་སོགས་ལ་བློ་ཕམ་བྱུང་ནས་རེད། ད་ལྟའི་བཀའ་ཤག་ནང་བསྡད་ན། བོད་སྤྱི་བ་ལ་གནོད་ཀྱི་འདུག ལས་གནས་ནས་དགོངས་པ་ཞུས་བཞག་ན་བོད་སྤྱི་པ་ལ་ཕན་གྱི་འདུག་ཅེས་དགོངས་པ་ཞུས་པ་རེད། དགོངས་པ་ཞུ་དོན་འདི་རེད། སྲིད་སྐྱོང་དང་བཀའ་ཤག་གིས་བོད་སྤྱི་བར་གནོད་སྐྱེལ་གྱི་འདུག་ཟེར་གི་ཡོད་པ་རེད། འདི་བཀའ་བློན་ལས་ཐོག་ཅིག་གིས་བཤད་པ་རེད། ཉེན་ཁ་ཡོད་ན་མེད་ན། དངོས་ཡོད་གནས་སྟངས་འདི་རེད།

4. དུས་དབང་ལ་ལོག་འབྲེལ་བྱེད་མཁན་བཀའ་ཤག་ཡིན་ན་སྤེན་ཚེ་བདེན་པ་ཡིན་གྱི་རེད། དེ་ཡིན་པའི་དབང་དུ་གཏང་ན་༧གོང་ས་མཆོག་ཆོལ་ཁའི་ཕྱོགས་ཞེན་ཅན་ཞིག་ཏུ་གྱུར་འདུག། དེ་ཡིན་ན་༧གོས་ས་མཆོག་ནག་པོ་གྱུར་སོང་བ་རེད། བློ་སེང་གི་བཤད་པ་བདེན་པ་ཡིན་ན་༧གོང་ས་མཆོག་བོད་སྤྱི་པའི་སྐྱབས་མགོན་ཞིག་གྱུར་འདུག། གཙོ་བོ་༧གོང་ས་མཆོག་ནག་པོ་ཞིག་ཡིན་དང་མིན་དེ་རེད།

5. སྲིད་སྐྱོང་ཕྱག་ལས་གནང་སྟངས་ལ་བློ་ཕམ་ཡོད་ན། ན་ནིང་ནས་དགོངས་པ་ཞུ་དགོས་རེད། འོས་བསྡུ་ལ་བདུན་ཕྲག་ཁ་ཤས་ལས་མེད་དུས་དགོངས་པ་ཞུ་བ་ནི་སྤྱི་དོན་ཕར་ཞོག་སྒེར་དོན་དུའང་མ་སོང་བར་སྤེན་ཚེའི་ཤོག་ཁག་གི་ཆབ་སྲིད་ལག་ཆར་གྱུར་ཡོད་པ་རེད། དེའང་བཙན་བྱོལ་མདོ་སྨད་སྐྱིད་སྡུག་ཟེར་བ་ནས་དབུ་མའི་ལམ་ནང་འཁྲུག་འཐབ་རྩོད་ཀྱི་གསལ་བསྒྲགས་སྤེལ་རྗེས་ཀྱི་སྲིད་དོན་ལས་འགུལ་ཨང་གཉིས་པ་ཆགས་ཡོད།

6. བཀའ་བློན་དང་ལས་བྱེད་དགོང་པ་ཞུ་མཁན་ག་ཚོད་ཡོད་ཀྱང་དགའ་བསུ་ཡོད་། རྟ་ལམ་བོང་བུའི་བཀག་ནས་མ་ཞུགས་རོགས་མི་རབས་གསར་པ་ལ་སྒོ་སྐབས་གནང་རོགས་། ཕྱི་དྲིལ་བཀའ་བློན་གྱི་གནང་སྟངས་ལ་བལྟས་ན་གཞུང་དོན་དང་རང་དོན་ཕར་ཞོག་བཙན་བྱོལ་སྤྱི་ཚོགས་འདི་དཀྲུགས་འདོད་མ་རེད་དམ་། སྤྱི་སེམས་ཅན་ཞིག་ཡིན་ད་ལྟའི་དུས་ཚོད་འདི་འདྲར་དགོང་པ་ནམ་ཡང་ཞུ་མི་སྲིད་མོ་ཧྲེང་མགོ་གཉིས་ཀྱིས་ལས་ཀ་ཞིག་ཡིན་པ་ཐག་ཆོད་།

7. མཆན་དྲུག་པ་ལ་མོས་མཐུན་ཡོད་གདའ། གཞུང་ཞབས་སུ་བོད་སྤྱི་པའི་དོན་དུ་ཕྱག་ལས་གནང་འདོད་མེད་ན་ཀ་རེ་ཀོ་རེ་མེད་པར་ཕེབས་རོགས་དང་བཙན་བྱོལ་ནའང་ན་གཞོན་ཤེས་ཡོན་ཅན་ལས་མེད་མང་པོ་བཞུགས་འདུག་གདའ། དེ་ཚོ་ལ་གོ་སྐབས་སྤྲོད་ཆོག་རེད། གཙོ་ཆེ་རྙིང་ཞེན་ཅན་གནད་ཡོད་མི་སྣ་ཁ་ཤས་དེ་ཚོར་ཡིན་ནོ།།

8. སྲིད་སྐྱོང་འོས་མི་སྤེན་པ་ཚེ་རིང་མཆོག་ལ་བཅར་འདྲི་ཞུས།
   http://tibettimes.net/%E0%BD%A6%E0%BE%B2%E0%BD%B2%E0%BD%91%E0%BC%8B%E0%BD%A6%E0%BE%90%E0%BE%B1%E0%BD%BC%E0%BD%84%E0%BC%8B%E0%BD%A0%E0%BD%BC%E0%BD%A6%E0%BC%8B%E0%BD%98%E0%BD%B2%E0%BC%8B%E0%BD%A6%E0%BE%A4%E0%BD%BA%E0%BD%93/
   ་་་་་་་་་་་། ཡིན་ནའང་བོད་ཀྱི་གནད་དོན་དེ་དབུ་མའི་ལམ་གྱི་ཐོག་ནས་འགྲིག་འཇགས་བྱུང་སྟེ་༧རྒྱལ་བ་རིན་པོ་ཆེ་བོད་དུ་ཞབས་སོར་འཁོད་ཐུབ་པ་ཡིན་ན། བོད་མིའི་སྒྲིག་འཛུགས་མུ་མཐུད་གནས་དགོས་པའི་རྒྱུ་མཚན་ཡོད་པ་མ་རེད། སྒོ་རྒྱག་པ་ལ་དཀའ་ངལ་གང་ཡང་མེད། ་་་་་་་་་ཟེར།

9. སྲིད་སྐྱོང་འོས་མི་བློ་བཟང་སེང་གེ་མཆོག་ལ་བཅར་འདྲི་ཞུས།
   http://tibettimes.net/%E0%BD%A6%E0%BE%B2%E0%BD%B2%E0%BD%91%E0%BC%8B%E0%BD%A6%E0%BE%90%E0%BE%B1%E0%BD%BC%E0%BD%84%E0%BC%8B%E0%BD%A0%E0%BD%BC%E0%BD%A6%E0%BC%8B%E0%BD%98%E0%BD%B2%E0%BC%8B%E0%BD%96%E0%BE%B3%E0%BD%BC%E0%BC%8B/
   ་་་་་་་་་་་་ གཙོ་ཆེ་ཤོས་དེ་སྔའི་བཀའ་ཤག་གི་ལས་འཕྲོ་ག་རེ་ཡོད་ན་དེ་དག་མཇུག་སྐྱོང་གནང་རྒྱུ་གལ་ཆེན་པོར་མཐོང་གི་ཡོད། ཐོག་མ་གཞིས་ཆགས་ཁག་སྲ་བརྟན་ཡོང་བའི་ཆེད་དུ་རྒྱ་གར་གཞུང་ནས་སྲིད་བྱུས་ཤིག་དགོས་ཀྱི་འདུག སྐྱབས་བཅོལ་བོད་མིའི་ལག་འཁྱེར་(R.C)ཡིན་ནའང་ལོ་ལྔ་ལ་འཕར་འགྱངས་གནང་བ།
   དེ་བཞིན་མེག་ལོར་ནས་དྷ་ཤོད་བར་གྱི་ལམ་ཁར་པོ་ཏཱ་ལ་འདོག་རྒྱུ་སོགས་མང་ཆེ་བ་བཀའ་ཤག་སྐབས་སྔོན་མ་དག་གི་སྐབས་ནས་བཀའ་མོལ་གནང་གནང་བསྡད་པ་ཞིག་ཆགས་འདུག དེ་བཞིན་ཤེས་ཡོན་སྲིད་བྱུས་ཀྱིས་མཚོན་པའི་བོད་པའི་སྐད་ཡིག་རིག་གཞུང་དང་། དཔལ་འབྱོར་སོགས་བཀའ་ཤག་སྐབས་སྔ་མ་དག་ནས་གནང་བསྡད་པ་དེ་དག་མཇུག་སྐྱོང་གནང་གི་ཡོད་པ་རེད། ་་་་་་་་་་་་་

10. བོད་ཀྱི་དུས་བབ།
    བློ་བཟང་སེང་གེ་དང་སྤེན་པ་ཚེ་རིང་གཉིས་ཀྱི་ཀུན་སྤྱོད་ལ་ཁྱད་པར་ཆེ་པོ་འདུག།
    སྤེན་པ་ཚེ་རིང་མཆོག་ལ་་་་་དྲི་བ།
    ལན། སྲིད་སྐྱོང་འོས་མི་དང་ད་ལྟའི་སྲིད་སྐྱོང་ལས་ཐོག་བློ་བཟང་སེང་གེ་མཆོག་གི་སྐྱོན་ཆེ་ཤོས་གསུམ་དང་བཟང་ཆ་གསུམ་གསུངས་རོགས།

    ལན། ༸རྒྱལ་བ་རིན་པོ་ཆེའི་མཚན་གནས་དང་འབྲེལ་བའི་གནད་དོན་དང་། བོད་མིའི་སྒྲིག་འཛུགས་ཀྱིས་གཏན་ལ་ཕབ་པའི་སྲིད་ཇུས་ལ་སོགས་པར་ཐུག་ཡོང་དུས་སྲུང་སྐྱོབ་བྱེད་དགོས་པ་དེ་རིགས་སྲུང་སྐྱོབ་ཏག་ཏག་གནང་ཐུབ་ཀྱི་ཡོད་པ་མ་རེད། དཔེར་ན། དོལ་རྒྱལ་གྱི་རྙོག་དྲ་ལ་གདོང་ལེན་བྱེད་རྒྱུ་དང་། དབུ་མའི་ལམ་ཀྱི་སྲིད་བྱུས་ལ་སྲུང་སྐྱོབ་བྱེད་ཡག ༸རྒྱལ་བ་རིན་པོ་ཆེ་ལ་གཞི་མེད་སྐྱོན་འཛུགས་བྱེད་སྐབས་འགན་ལེན་ཐུབ་ཀྱི་ཡོད་པ་མ་རེད། བཀའ་བློན་དང་ལས་བྱེད་ཉམས་མྱོང་ཅན་དེ་ཚོ་མཉམ་དུ་ཁྲིད་ཐུབ་ཀྱི་ཡོད་པ་མ་རེད། གཉིས་ནས་ལས་དོན་མང་པོ་ཞིག་མགོ་འཛུགས་མ་བྱས་སྔོན་ནས་གསལ་བསྒྲགས་གནང་གི་ཡོད་པ་དེ་རེད། དེས་ལས་དོན་མང་པོ་ཞིག་ལམ་ལྷོང་ཡོང་རྒྱུར་འགོག་རྐྱེན་འཕྲད་ཀྱིན་འདུག དཔེར་ན། ཨ་རིར་མི་ལྔ་སྟོང་གཏོང་རྒྱུའི་སྐད་ཆ་དེ་ཡང་སྲིད་སྐྱོང་གིས་ས་གནས་རེ་ཟུང་ནང་གསུངས་འདུག་པ་དང་། བོད་སློབ་འཛིན་ཚོགས་རྩིས་ལེན་སྐོར་ཡང་གསུང་མ་རན་གོང་ནས་གསུངས་ཏེ་འགོག་རྐྱེན་མང་པོ་འཕྲད་བསྡད་པ་རེད། དེ་ནས་བྱས་རྗེས་བགྲང་རྒྱུ་ཐལ་དྲགས་ཀྱི་འདུག བཀའ་ཤག་སྔོན་མའི་ཕྱག་ལས་གནང་བཞག་པ་དང་། ཚོགས་གཙོ་ཚོགས་གཞོན་གྱིས་བྱས་བཞག་པ། ཐ་ན་༸རྒྱལ་བ་རིན་པོ་ཆེའི་མཛད་པ་འཕྲིན་ལས་སོགས་ཀྱང་ཁོ་རང་གི་བྱས་རྗེས་ནང་བགྲང་གི་འདུག

    བཟང་ཆའི་ཕྱོགས་ནས་བཤད་ནའང་མང་པོ་ཞིག་ཡོད་པ་རེད། གལ་ཆེ་བ་གཅིག་དཔལ་འབྱོར་འདུ་འགོད་ཐོག་དཀའ་ལས་བརྒྱབ་སོང་བསམ་ཡོད། གཉིས་པ་ཁོ་རང་ཐོག་མ་སྲིད་སྐྱོང་ཆགས་པའི་ཁ་ཐུག་ལ་བོད་ནང་གནས་ཚུལ་མང་པོ་ཞིག་བྱུང་བསྡད་ཡོད་པ་སོགས་ལ་བརྟེན་ཏེ་ཕྱི་རྒྱལ་ཁག་ལ་སྐོར་སྐྱོད་མང་པོ་ཞིག་གནང་སོང་། དེ་བཞིན་ཁོང་གིས་དབྱིན་ཡིག་ཐོག་ནས་བོད་དོན་ཁྱབ་བསྒྲགས་ཀྱི་རྩོམ་ཡིག་རེ་གཉིས་བྲིས་པ་དེ་རྒྱལ་སྤྱིའི་བརྒྱུད་ལམ་ཆེ་ཁག་ལ་སྤེལ་ཐུབ་པ་དེ་ཡག་པོ་རེད་བསམ་གྱི་འདུག

    སྲིད་སྐྱོང་མཆོག་ལ་་་་དྲི་བ།
    ལན། སྲིད་སྐྱོང་འོས་མི་དང་ད་ལྟའི་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གི་སྐྱོན་ཆེ་ཤོས་གསུམ་དང་བཟང་ཆ་གསུམ་གསུངས་རོགས།

    ལན། ཚོགས་གཙོ་མཆོག་གི་བཟང་ཆ་གཙོ་བོ་ཞིག་འདས་པའི་ལོ་ངོ་ ༢༠ ལྷག་རིང་སྤྱི་ཚོགས་ནང་ཞབས་ཞུ་ཞུས་པ་དང་། ཁོ་རང་སྤྱི་བར་བསམ་བློ་གཏོང་མཁན་ཞིག་ཡིན་པ། ཁོ་རང་གི་མི་ཚེའི་ཕྱེད་ཀ་ལྷག་སྤྱི་བའི་རྩ་དོན་ཐོག་བཏང་བཞག་པ་དེ་ཞེ་དྲགས་ཡག་པོ་རེད། གཉིས་ནས་བོད་མི་མང་སྤྱི་འཐུས་ཚོགས་གཙོ་གནང་སྟེ་ཚོགས་འདུ་སྟངས་འཛིན་གནང་སྟངས་སོགས་ཡག་ཐག་ཆོད་འགྲོ་བཞིན་ཡོད་པ་ཞིག་ལ་ང་རང་གིས་ངོས་འཛིན་ཞུ་བཞིན་ཡོད། གསུམ་པ། ཚོགས་གཙོ་ཁོ་རང་མི་སྒེར་གྱི་གཤིས་ཀའི་ཐོག་ནས་ནམ་རྒྱུན་མི་སུ་འདྲ་ཞིག་ཡིན་ནའང་ཚང་མར་འཆམ་པོ་དང་ཕར་བསྟུན་མཁན་ཞིག་ཆགས་བསྡད་ཡོད་པ་རེད། ང་རང་སྒེར་ངོས་ནས་ཡིན་ནའང་ཚོགས་གཙོར་ཆེ་མཐོང་ཞེ་དྲགས་ཞུ་བཞིན་ཡོད། མཚམས་ལ་རེར་ཚོགས་གཙོའི་གཤིས་ཀ་ཞིག་གི་དབང་གིས་ཧོབ་དེ་ཁ་ལ་བཀའ་མོལ་ལྕི་མོ་དེ་འདྲ་གསུང་གི་རེད་དེ། ང་རང་གིས་ཚོགས་གཙོའི་ཞབས་སྟེགས་དང་སྒྲིག་འཛུགས་དེ་གལ་ཆེན་པོར་ངོས་འཛིན་ཞུས་པའི་ཐོག་ནས་ད་བར་ལན་དེ་འདྲ་རྒྱག་མྱོང་མེད། ཡིན་ནའང་ད་ལྟ་འོས་བསྡུའི་ཐད་ནས་གསལ་བཤད་ལན་འདེབས་ཞུ་དགོས་པ་མང་པོ་ཞིག་ཆགས་སོང་། གཞན། ཞན་ཆའི་སྐོར་དེ་མ་བཤད་ན་དྲག་གི་རེད། ང་རང་གིས་ག་དུས་ཡིན་ནའང་སྐྱོན་བརྗོད་མི་བྱེད་རྒྱུ་གཙོར་འདོན་བྱེད་ཀྱིན་ཡོད།

11. ཕྱི་དྲིལ་བཀའ་བློན་བདེ་སྐྱིད་ཆོས་དབྱིངས་ལགས་གློ་བུར་བཀའ་བློན་གྱི་ལས་སྣེ་ནས་དགོངས་ཞུ་བྱས་པ་རེད། བཀའ་ཟུར་མོ་རང་གིས་གོ་སྐབས་ཤིག་བརྒྱུད་ནས་བཀའ་བློན་ནས་དགོངས་པ་ཞུ་དོན་གསལ་བརྗོད་གནང་གི་ཡིན་གསུངས་ཡོད་དུས། ང་ཚོའི་མོ་རང་ལ་དགོངས་པ་ཞུ་དོན་ཞིབ་ཚགས་ཀྱི་རྒྱུ་མཚན་གང་གསུངས་ཡག་འདུག་ལྟ་ཆོག་གི་རེད། ད་ལྟ་ང་ཚོས་མོ་རང་གིས་དེ་ལྟར་གནང་དོན་གང་ཡིན་ལ་ཚོད་དཔག་ཙམ་ལས་གང་ཡང་བྱེད་ཐུབ་ཀྱི་མ་རེད། ཚོད་དཔག་དེས་སྤྱི་པའི་རྩ་དོན་ལ་ཕན་གནོད་གང་ཡོང་ཞུ་ཐུབ་ཀྱི་མ་རེད།

    དགོངས་པ་ཞུ་སྟངས་དེ་མོ་རང་གི་ངོས་ནས་ཐག་བཅད་དེ་གསར་འགོད་གསལ་བསྒྲགས་གནང་བ་ཞིག་ཏུ་མཐོང་སོང་ལ། བཀའ་ཤག་ལྷན་རྒྱས་ནས་མོ་རང་ལ་དགོངས་པ་གནང་གི་ཡིན་དང་མིན་གྱི་ཐད་བཀའ་བསྡུར་གནང་ཡག་གི་གོ་སྐབས་སྤྲད་མེད་པ་འདྲ་པོ་ཞིག་གསར་འགྱུར་ཡོང་སྟངས་ནས་མཐོང་བསྡད་ཀྱི་འདུག

    སྤྱིར་བཏང་རྒྱལ་ཁབ་མང་པོ་ཞིག་ཏུ་བཀའ་བློན་དགོངས་ཞུའི་གནས་སྟངས་ཧ་ཅང་མང་པོ་ཞིག་ཡོང་གི་ཡོད་པས་དམིགས་བསལ་ཧང་སངས་ཡག་གང་ཡང་མི་འདུག

12. ཕྱི་དྲིལ་བཀའ་བློན་བདེ་སྐྱིད་ཆོས་དབྱིངས་མཆོག་གིས་གློ་བུར་དུ་དགོངས་པ་ཞུས་པ་ཞིག་རེད་དམ། གོ་ཐོས་ལ་དེ་སྔ་ནས་དགོངས་ཞུ་ཕུལ་ཏེ་གསར་འགོད་གསལ་བསྒྲགས་བྱེད་པར་གྲ་སྒྲིག་སྐབས་སྲིད་སྐྱོང་མཆོག་གིས་བཀག་གནང་བ་རེད་ཅེས་པའི་སྐད་ཆ་ཞིག་འདུག

13. སྲིད་སྐྱོང་དང་། ཚོགས་གཙོས།
    https://www.facebook.com/phayul/?fref=nf

14. མདོར་ན། བློ་སེང་ལགས། ཡང་སྐྱར་ལོ་ལྔ་སྲིད་སྟེགས་ཐོག་བཞག་ན། བཀའ་ཤག་སྒོ་རྒྱག་རྒྱུ་ཡིན་པ་ཐག་གི་ཆོད་པ་འདྲ་པོ་འདུག་ཀ བློ་སེང་ལ་སྲིད་དབང་སྒེར་གཅོད་པའི་གཤིས་ཀ་ཤུགས་ཆེན་པོ་འདུག xxxx མི་མང་རྣམས། གཉིད་ལས་སད་རན་འདུག་ཀ

15. སྲིད་སྐྱོང་སྒེར་སྤྱོད་མི་ཐུབ་པ། །
    ད་ལྟ་བླ་མ་གསོན་བཞུགས་ཡོད། །
    ་
    སྲིད་སྐྱོང་སྒེར་སྤྱོད་མི་ཐུབ་པ། །
    སྤྱི་འཐུས་ངར་མ་མང་དག་ཡོད། །
    ་
    སྲིད་སྐྱོང་སྒེར་སྤྱོད་མི་ཐུབ་པ། །
    ད་ལྟ་བཀའ་བློན་མིག་ལྡན་ཡོད།
    ་
    སྲིད་སྐྱོང་སྒེར་སྤྱོད་མི་ཐུབ་པ། །
    ད་ལྟ་གཞིས་བྱེས་སེམས་ཤུགས་ཡོད། །
    ་
    སྲིད་སྐྱོང་སྒེར་སྤྱོད་མི་ཐུབ་པ། །
    ད་ལྟ་ཁ་བརྡ་སྒོ་ཕྱ་ེའདུག །
    ་
    སྲིད་སྐྱོང་སྒེར་སྤྱོད་མི་ཐུབ་པ། །
    ད་ལྟ་ཀརྡོས་འབྲི་བཞིན་ཡོད། །