བསྟན་འཛིན་ཉིན་བྱེད།
ད་ག་རེ་བྱེད་དགོས་རེད། བོད་ཀྱི་རང་དབང་འཐབ་རྩོད་ཐོག་བསམ་བློ་གཏོང་སྐབས་འདི་དྲན་ཡོང་གི་འདུག སྐད་འབོད་ནི་རྒྱག་གི་ཡོད་པ་རེད། དམག་ནི་བརྒྱབས་ཡོད་པ་རེད། སློབ་སྦྱོང་ནི་བྱེད་ཀྱི་ཡོད་པ་རེད། ཞི་མོལ་ནི་བྱས་ཡོད། ཕྱི་རྒྱལ་རང་དབང་ཡུལ་གྲུ་ཁག་ཏུ་བོད་དོན་དྲིལ་བསྒྲགས་ནི་བྱས་ཡོད། ལུས་སྲོག་ནི་མང་པོ་ཤོར་ཡོད།
ད་བྱེད་རྒྱུ་མེད་ན་མ་གཏོགས་ཚང་མ་བྱས་ཚར་འདུག ཡིན་ནའི་བོད་ཀྱི་གནས་བབ་འདི་ཛ་དྲག་ཏུ་དྲག་ཏུ་འགྲོ་གི་འདུག བོད་ནང་རྒྱ་མི་མང་དུ་མང་དུ་འགྲོ་གི་འདུག བཙན་བྱོལ་ནང་བོད་རིགས་མང་དུ་མང་དུ་འགྲོ་གི་འདུག གཞིས་ལུས་དང་བཙན་བྱོལ་གཉིས་ཀའི་ནང་ར་མ་ལུག་མང་དུ་མང་དུ་འགྲོ་གི་འདུག
གཞིས་ཆགས་ནང་ལའང་སེམས་པ་མ་ཆགས། བཙན་བྱོལ་གྱི་རྒྱལ་ས་རྡ་རམ་ས་ལར་ཡང་སེམས་པ་མ་ཆགས། ཨ་རི་བདེ་བ་ཅན་གྱི་ཞིང་ཁམས་སུ་སླེབས་ཀྱང་སེམས་པ་མ་ཆགས། རྒྱ་གུང་བྲན་ཏང་གི་བཙན་རྒྱལ་རིང་ལུགས་འོག་གནས་པའི་བོད་གངས་ཅན་ལྗོངས་སུ་འགྲོ་འདོད་མེད་ལ། འགྲོ་ཀྱང་མི་ཐུབ།
སྐྱེས་ས་རྒྱ་གར་ལ་སྐྱེས། ཕ་མ་བོད་ནས་ཡོང་། ད་ལྟ་ཨ་རིར་སྡོད། སང་ཉིན་གར་ཡོད་མི་ཤེས། སྐབས་རེར་བསམ་བློ་ཞིབ་མོར་གཏོང་སྐབས་བླ་སྲོག་མེད་པ་ལྟ་བུར་ཚོར།
དེ་ཡང་བཙན་བྱོལ་གྱི་ངོ་བོའི་རང་བཞིན་ནི་དབང་ཤུགས་མེད་པ་དང་། བྱེད་ཐབས་མེད་པ་དེ་རེད། ངོ་བོའི་དཀའ་ངལ་ནི་དུས་རྟག་ཏུ་འཕྲད། འཛམ་གླིང་གི་མཁས་དབང་དང་རྩོམ་པ་པོ། དབུ་འཁྲིད་སུ་འདྲ་ཞིག་དང་མཉམ་དུ་མགྲོ་གླེང་བྱེད་རྒྱུའི་ཁེངས་པ་ཡོད་ནའང་། གཞུང་ལམ་དུ་འཕྲད་པའི་མི་དཀྱུས་མ་ཞིག་གིས་ཁྱེད་ག་ནས་འོང་ཞེས་པའི་དྲི་བ་སླ་པོ་འདིར་ལན་ཚད་དང་ལྡན་པ་ཞིག་རྒྱག་མི་ཐུབ། དྲི་བ་འདིས་བོད་མི་རིགས་ཀྱི་ལོ་རྒྱུས་དང་བོད་མི་རིགས་ཀྱི་རིག་གཞུང་གི་བྱས་ཤུལ། ལོ་ངོ་མང་པོའི་རིང་སློབ་སྦྱོང་བྱས་ཏེ་བསྒྲུབས་པའི་གདེང་སྤོབས་དེ་སྐར་ཆ་ཁ་ཤས་ནང་རྩ་མེད་དུ་བཏང་།
བོད་རེ་བས་ཕོངས། རྒྱ་དོགས་པས་ཕོངས་ཞེས་བསླབ་བྱ་གཏིང་ཟབ་ཡོད་ནའང་། བཙན་བྱོལ་ནང་སྡོད་སྐབས་རེ་བ་ཞིག་མ་རྒྱག་ཀ་མེད་ཆགས། རེ་བ་དེ་གཏོང་ཟད་དུ་འགྱུར་རྒྱུ་ཡིན་ནའང་རེ་བ་མ་རྒྱག་ཀ་མེད་ཆགས། ཨ་རིས་བོད་རང་བཙན་བསྐྲུན་པའི་རེ་བ་བརྒྱབ། རྒྱ་གར་གྱིས་བོད་རང་བཙན་བསྐྲུན་པའི་རེ་བ་བརྒྱབ། རྒྱ་ནག་ཐོར་གཞིགས་སུ་འགྲོ་བའི་རེ་བ་བརྒྱབ། རྒྱ་ནག་དམངས་གཙོར་འགྱུར་བའི་རེ་བ་བརྒྱབ།
སྒེར་ལ་མཚོན་ན། གོ་གནས་ཞིག་རེག་རྒྱུའི་རེ་བ་བརྒྱབ། ཚོང་ཞིག་རྒྱག་སྟེ་དཔལ་འབྱོར་ཞིག་གསོག་རྒྱུའི་རེ་བ་བརྒྱབ། ཨ་རིར་སོང་སྟེ་ཨ་སྒོར་གསོག་སྟེ་ཨ་རིའི་མི་སེར་ཆགས་རྒྱུའི་རེ་བ་བརྒྱབ། དཀའ་ལས་རྒྱག་མཁན་དང་བསོད་ནམས་ཅན་འགའ་ཤས་ལ་རེ་བ་དེ་རིགས་བསྒྲུབ་དང་སྒྲུབ་བཞིན་ཡོད་ནའང་། གཞུང་ལམ་དུ་ཕྱི་མི་དཀྱུས་མ་ཞིག་གིས་ཁྱོད་ག་ནས་རེད་ཅེས་པའི་དྲི་བ་འདིར་སྤོབས་པ་ལྡན་པའི་ཐོག་ནས་ལན་རྒྱག་ཐུབ་པ་ཞིག་ཨེ་བྱུང་། གལ་ཏེ་ལན་ཞིག་བརྒྱབ་ཀྱང་གང་ཟག་དེ་བོད་ག་པར་ཡོད་རེད། ངས་གོ་མ་མྱོང་ཞེས་བརྗོད་སྐབས་ཚོར་བ་གང་འདྲ་ཞིག་འདུག
གང་ལྟར་བོད་ཀྱི་དབུ་འཁྲིད་རྣམས་རྒྱལ་སྤྱིའི་དབུ་འཁྲིད་མཉམ་འདྲ་མཉམ་གྱིས་བསྐྱོད་མི་ཐུབ། བོད་ཀྱི་རྩོམ་པ་པོ་རྣམས་རྒྱལ་སྤྱིའི་རྩོམ་པ་པོ་མཉམ་འདྲ་མཉམ་གྱིས་འགྲན་མི་ཐུབ། བོད་པའི་ཚོང་པ་རྣམས་རྒྱལ་སྤྱིའི་ཚོང་པ་མཉམ་འགྲན་མི་ཐུབ། བོད་པའི་མཛངས་མ་རྣམས་རྒྱལ་སྤྱིའི་མཛངས་མ་མཉམ་འགྲན་མི་ཐུབ། བོད་ཀྱི་རྒྱལ་དར་རྒྱལ་ཁབ་གཞན་གྱི་རྒྱལ་དར་དང་མཉམ་དུ་འཕྱར་མི་ཐུབ། བོད་མི་དཀྱུས་མ་ཞིག་རྒྱལ་ཁབ་ཚད་ལྡན་གྱི་མི་སེར་དཀྱུས་མ་ཞིག་དང་མཉམ་དུ་འགྲན་མི་ཐུབ།
རང་ཉིད་རང་ལ་སྤོབས་པ་ཞིག་ཡོད་མདོག་བྱེད་ཀྱང་སྐབས་རེ་ངོ་རེ་ཚ། སྐབས་རེ་འཛམ་གླིང་བཙན་བྱོལ་བའི་གྲས་ནས་ལེགས་ཤོས་སུ་ཡིན་པའི་སྤོབས་པ་སྐྱེས། སྐབས་རེ་རང་ཉིད་ལུང་མེད་བཙན་བྱོལ་བ་ཞིག་ཆགས་པར་ངོ་རེ་ཚ། སྐབས་རེ་བཙན་བྱོལ་ཞིག་ཡིན་ཅིང་རིག་གཞུང་འདྲ་མིན་ནང་སིམ་འཛུལ་བྱུང་ཡོད་སྟབས་འཛམ་གླིང་གི་མི་སེར་ཡིན་མདོག་གིས་རང་གིས་རང་ལ་སེམས་གསོ་བཏང་། ཡིན་ནའི་བོད་རིགས་མ་ཡིན་པ་ཞིག་གིས་ཁྱོད་ག་ནས་འོང་ཞེས་བརྗོད་སྐབས་བསམ་བློ་འདི་བྱབས་ཆུང་ཞིག་ཏུ་མཐོང་།
ཡང་སྐབས་རེ་བོད་བཙན་པོའི་གདུང་རྒྱུད་དེ་མདོང་དམར་ཤ་གཟན་གྱི་མི་རྒྱུད་ཡིན་མདོག་གིས་སེམས་གསོ་བཏང་། ཡང་སྐབས་རེ་བོད་ཆོས་ལྡན་ཞིང་ཁམས་ཏེ་ཞི་བདེར་དགའ་ཕེབས་ཅན་ཞིག་ཡིན་མདོག་གིས་སེམས་གསོ་བཏང་། ཁྱེད་རྒྱ་གུང་བྲན་ཏང་ལ་གཏིང་ནད་དང་འཁོན་སེམས་ཡོད་དམ་ཞེས་བརྗོད་སྐབས། དེ་འདྲ་མེད། ཁོང་ཚོ་ཡང་འགྲོ་བ་མི་ཞིག་རེད། ཉོན་མོངས་དུག་གསུམ་གྱིས་བླུས་པ་ཞིག་རེད། ཁོང་ཚོར་སྙིང་རེ་རྗེ་ཞེས་བརྗོད་དེ་བཟང་སྤྱོད་ཀྱི་ཡོན་ཏན་ཚད་མཐོ་པོ་ཡོད་མདོག་བྱས། ཡང་ཕྱོགས་གཞན་ཞིག་ནས་གུང་བྲན་ཏང་གིས་བོད་བཙན་བཟུང་བྱས། བོད་རིགས་དམར་གསོད་བཏང་དང་གཏོང་བཞིན་པ། རང་ཉིད་བཙན་བྱོལ་དུ་གྱར་དགོས་བྱུང་བ་སོགས་བཟོས་ཡོད་ནའང་གཏིང་ནད་དང་མཁོན་སེམས་མེད་པའམ་མེད་མདོག་བྱས་པ་འདིར་རང་ཉིད་རང་ལ་ངོ་རེ་ཚ།
ད་བྱེད་ཡག་དམིགས་བསལ་ཞིག་འདུག་གས། དེབ་འདྲ་ཀློག གློག་བརྙན་འདྲ་བལྟས། མ་ནི་འདྲ་གསོག ཁ་འདོན་འདྲ་བྱེད། སྐོར་བ་འདྲ་བརྒྱབ། དབུ་མའི་ལམ་དང་རང་བཙན་འཐབ་རྩོད་པ་ཚོར་ཁ་རེ་བཏང་། ཨ་རི་མཐོང་ཆེན་རེག་རྒྱུའི་དཀའ་ལས་འདྲ་རྒྱག སྐབས་རེ་སྐད་འབོད་དང་ཟད་བཅད་ངོ་རྒོལ་འདྲ་རྒྱག སྦིར་རག་འདྲ་འཐུང་། བུ་མོར་བརྙས་འདྲ་བཟོ། མཚན་ཚོགས་གོ་སྒྲིག་བྱས་ཏེ་ཕྱི་ལུགས་ཞབས་དྲོ་འདྲ་རྒྱག ཚོང་འདྲ་བརྒྱབ། རྩོམ་དང་སྙན་ངག་ཐེབས་ལྕག་རེ་བྲིས། གྲོས་ཚོགས་འདྲ་ཚོགས། ཤོ་འདྲ་བརྒྱབ། སྐྱིད་པོ་སོགས་བཏང་། མི་ཚེ་དཀྱུས་མ་ཞིག་སྐྱེལ་ཏེ་ཕྱིན།
ཡིན་ནའི་བོད་ནང་རྒྱ་མི་མང་དུ་མང་དུ་ཕྱིན། བཙན་བྱོལ་ནང་བོད་རིགས་མང་དུ་མང་དུ་ཕྱིན། དཔལ་འབྱོར་དང་ཟ་རྒྱུ་མཐུང་རྒྱུ་དང་གྱོན་རྒྱུ་འབེལ་པོ་དང་། བོད་སྐད་དང་དབྱིན་སྐད། ཧིན་སྐད་དང་རྒྱ་སྐད། འཇར་མན་སྐད་སོགས་རྒྱག་རྒྱུ་ཡོད་ནའང་མི་མིན་ཁྱི་མིན། ར་མིན་ལུག་མིན། བོད་མིན་རྒྱ་མིན། ཡར་མེད་མར་མེད། ཕར་མིན་ཚུར་མིན། གང་ལྟར་གཏན་ཆགས་ཀྱི་བར་དོ་འདྲ་པོ་ཞིག་ནང་ལྷུང་སོང་།།
ད་ཀྱོད་སེམ་ཁྲེལ་ཆེ་ཁུ་ཡ
ད་ ག་རེ་བྱེད་དགོས་རེད་དམ་ ཨེ།
བལྟས་ཡོང་ན་ ཟིན་བྲིས་པ་འདིས་ མུ་གེ་འདོན་ཚུལ་་ནི་ ཁང་ཁྱིམ་མེས་ཚིགས་ལྟ་བུའི་ངུ་ངག་དང་འདྲ་བ། ལུང་བར་ཆུ་ལོག་རྒྱུགས་པའི་སྡུག་སྐད་དང་འདྲ་བ། ཡུལ་ལ་མུ་གེ་ལོ་དགུ་ལ་བྱུང་བ་ལྟ་བུའི་་སྨྲེ་ངག་དང་འདྲ་བོ་འདུག
ཡིན་ན་ཡང་ དངོས་ཡོད་ཀྱི་བོད་ཀྱི་ད་ལྟའི་གནས་ཚུལ་ནི་དེ་འདྲའི་ཚབ་ཆེན་ཞིག་དང་ཛ་དྲག་པོ་ གང་མ་རེད།
རྒྱུ་མཚན། ད་ལྟའི་དུས་རབས་འདིར་ཕྱོགས་བཞི་མཚམས་བརྒྱད་ན་གནས་པའི་བོད་མི་རིགས་ཡོད་དོ་ཅོག་གི་སྙིང་ལ་ལྕགས་སྲོག་ཐོགས་པའི་དུས་ལ་སླེབས་ཡོད། མི་རིང་བར་ལྕགས་སྙིང་ལ་ལོ་མ་འབུས་པ་དང་དེ་ནས་མེ་ཏོག་བཞད་གི་རེད།
དེ་དུས་བྱེད་ཡག་མང་བོ་ཡོད་རེད། སྡུག་སྐད་འདོན་རྒྱུ་མཚམས་བཞག་ཏེ་ གྲ་སྒྲིག་ཨང་སར་དགོས་གི་རེད། དགོངས་དག མི་ང་ཁ་རུ་ཁར་ཐུག་ཞིག་ཡིན་པས་ གུས་ཞབས་མེད་པ་མ་དགོངས།
བཀྲ་ཤིས་བདེ་ལེགས
ལྕགས་བཙའ་ལ་མ་ཟིན་ན་ལོ་མ་སྐྱེས་རྒྱུ་མེད་ན་ཡང་སྐྱོན་མི་འདུག།
དེང་དུས་ཀྱི་ཆ་ལ་མཚོན་ན། བཙན་བྱོལ་ནང་གི་མཁས་དབང་ཁག་དང་། རྩོམ་པ་པོ། གཞན་ཡང་མི་མང་གླེང་སློང་ཆེ་ཤོས་ནི། འབྱུང་འགྱུར་གྱི་ལོ་༢༠༡༡ལོའི་བཀའ་བློན་ཁྲི་པའི་འོས་འདེམས་སྐོར་ཡིན་པ་གདོན་མི་ཟ། སྤྱིར་ན། མི་སུམ་ཅུ་ལ་བསམ་པ་སུམ་ཅུ་དང་། མཛོ་སུམ་ཅུ་ལ་རྭ་རྩེ་དྲུག་ཅུ། ཞེས་པའི་དཔེ་ལྟར། མང་གཙོའི་ལམ་ལུགས་དང་མཐུན་པར་འགྲོ་དགོས་ལས། ཡུལ་མི་རེ་ཟུང་ཞིག་གི་བསམ་ཕྱོགས་ལ་བཞག་ན་འགྲིགས་རྒྱུ་ཁག་པོ་ཡིན་པ་ཀུན་གྱིས་མཁྱེན་གསལ་རེད། གང་ལྟར། འབྱུང་འགྱུར་གྱི་མི་མང་གིས་ཐད་ཀར་འོས་འདེམས་བྱས་པའི་སྐབས་གསུམ་པའི་བཀའ་བློན་ཁྲི་པའི་འོས་བསྡུ་བྱེད་ལ་ཉེ་བའི་ལོ་ངོ་གཉིས་ཙམ་གྱི་སྔོན་ནས་སྐབས་གསུམ་པའི་བཀའ་བློན་ཁྲི་པ་སུ་འདེམས་མིན་གྱི་བགྲོ་གླེང་དང་། དཔྱད་རྩོམ་སོགས་བོད་ཕྱི་ནང་གཉིས་ཀས་ཚགས་པར་དང་དྲ་རྒྱ་སོགས་ནས་་མ་སྐུལ་དང་བླང་ངང་ཐོན་དང་འཐོན་བཞིན་པ་རེད། འདི་ནི་བདག་གིས་བལྟས་ན། བོད་ཕྱི་ནང་གཉིས་ཀ་གཞིས་བྱེས་མཉམ་འཛོམས་ཀྱི་སྔ་ལྟས་དང་། ལྷག་པར་དུ། གཞིས་ལུས་བོད་རྒྱ་ཆེ་མི་མང་གི་རྣམ་དཔྱོད་མཐོ་རུ་ཕྱིན་པའི་རྟགས་མཚན་གསལ་པོ་ཞིག་ཏུ་འཁུམས། དེས་ན།
སྐབས་གསུམ་པའི་བཀའ་བློན་ཁྲི་པ་འདི། སུ་ཞིག་འདེམས་མིན་ནི། གནད་དོན་གཙོ་བོ་ཞིག་སྟེ། མང་པོ་ཞིག་གིས་རྒན་གཞོན་གཉིས་ལས་གཞོན་སྐྱེས་དང་། སེར་སྐྱ་གཉིས་ལས་སེར་བོ་དགོས་ཞེས་བརྒྱ་བཤད་སྟོང་བཤད་བྱས་ཟིན་མོད། ད་དུང་མང་པོ་ཞིག་གིས་སླར་ཡང་ཟམ་གདོང་བླ་མ་འདི་ཉིད་འདེམས་དགོས་པའི་རྒྱུ་མཚན་མང་དག་ཅིག་བགྲངས་ཡོད། བདག་ནི་འཇིག་རྟེན་པའི་ཁ་དཔེ་ལྟར། བསམ་བློ་དྲུག་གསུམ་བཅོ་བརྒྱད་དང་། བློ་རྩེ་ཉི་ཤུ་རྩ་ལྔ་སྐོར་ཡང་རུང་། འབྱུང་འགྱུར་གྱི་བཀའ་ཁྲི་ལ། ལོ་ན་རྒན་གཞོན་གྱི ཁྱད་པར་མེད་ལ། སེར་སྐྱ་ཕོ་མོའི་ཁྱད་པར་དེ་བས་ཡོད་དོན་མེད།
ལྷག་པར་དུ། ཟམ་གདོང་བླ་མ་འདི་ཉིད་སླར་ཡང་བཀའ་ཁྲིའི་འོས་འདེམས་དགོས་པའི་རྒྱུ་མཚན་གཏན་ནས་མཐོང་།
དེས་ན། འབྱུར་འགྱུར་གྱི་བཀའ་ཁྲི་ལ་དགོས་པའི་ཆ་རྐྱེན་ནི།
དང་པོ། བཙན་བྱོལ་བོད་མི་མང་འདི་ཉིད་ལོ་ངོ་སྟོང་ཕྲག་དུ་མའི་རིང་གནས་དགོས་ཀྱང་། གནས་ཐུབ་པའི་ནུས་པ་ཐོན་ཐུབ་པའི་བཀའ་ཁྲི་ཞིག་དང་།
གཉིས་པ། བཙན་བྱོལ་ནང་གི་གཞོན་སྐྱེས་ཚོ་རང་ཉིད་བོད་མི་རིགས་ཀྱི་ངོ་བོ་མཚོན་ཐུབ་པར་བྱེད་པ་མ་ཟད། དེ་འདྲའི་གཞོན་སྐྱེས་ཚོ་མི་གཞན་གྱི་བྲན་གཡོག་མི་བྱེད་པར་རང་ཉིད་རང་གི་རྐང་པའི་ཐོག་ཏུ་ལང་ཐུབ་པའི་ནུས་པ་ཐོན་པ་ཞིག་བཟོ་དགོས།
གསུམ་པ། འབྱུར་འགྱུར་གྱི་བཀའ་ཁྲི་གསར་པས་རང་ཉིད་ཀྱི་མཉམ་དུ་བོད་རྒྱ་འབྲེལ་ཚབ་གཞོན་སྐྱེས་ཤིག་གིས་བོད་རྒྱ་འབྲེལ་མོལ་འདི་ཉིད་དོན་སྙིང་ལྡན་པའི་གྲུབ་འབྲས་ཐོན་ཐུབ་པ་ཞིག་ངེས་པར་དུ་འཇོག་དགོས། དེ་འདྲ་ཞིག་བྱུང་ན། འབྱུང་འགྱུར་གྱི་བཀའ་བློན་ཁྲི་པ་འདི་ཉིད་ལོ་ན་རྒན་གཞོན་གྱི་ཁྱད་པར་མེད་ལ། སེར་སྐྱ་ཕོ་མོའི་ཁྱད་པར་དེ་བས་ཡོད་དོན་མེད། ལྷག་པར་དུ། ཟམ་གདོང་བླ་མ་འདི་ཉིད་སླར་ཡང་། སྐབས་གསུམ་པའི་བཀའ་བློན་ཁྲི་པར་འོས་འདེམས་དགོས་རྒྱུའི་རྒྱུ་མཚན་ཅི་ཡང་མེད།
དེར་བརྟེན་ངས་གསལ་པོར་ཞུ་རྒྱུ་ཞིག་ལ། རྩོམ་པ་པོ་མང་པོ་ཞིག་གི་རྩོམ་ཡིག་དང་། ད་དུང་དྲ་རྒྱ་ཁག་གི་ཟིན་བྲིས་སོགས་སུ། འབྱུང་འགྱུར་གྱི་བཀའ་ཁྲིའི་ཆ་རྐྱེན་སྐོར་འབྲི་སྐབས། འབྱུར་འགྱུར་གྱི་བཀའ་ཁྲི་ཞིག་ལ། ཆ་རྐྱེན་གལ་ཆེ་ཤོས་ནི། ཤེས་ཡོན་ཧང་སང་དགོས་པ་ཞིག་དང་། བྱང་ཆུབ་པ་ཞིག་ངེས་པར་དུ་དགོས་ཞེས་གཅིག་ཁ་གཉིས་ཁ་མི་འདུག་མོད། བདག་གི་ངོས་ནས་བཤད་ན། འབྱུར་འགྱུར་གྱི་བཀའ་ཁྲི་ཞིག་ལ། ཤེས་ཡོན་གྱི་ངོས་ནས་ཧང་སང་པ་དགོས་པ་ཞིག་དང་། བྱང་ཆུབ་པ་ཞིག་དགོས་པ་གཏན་ནས་མ་མཐོང་། དཔེར་ན། ཕྱི་ཡི་རྒྱལ་ཁབ་ཨ་རི་སྲིད་འཛིན་ཟུར་པ་བྷུ་ཤི་ལྟ་བུ་ལ་མཚོིན་ན། མཐོ་སློབ་ཆེན་པོ་ཞིག་ནས་ཐོན་པ་ཡིན་ཀྱང་། ཤེས་ཡོན་གྱི་ངོས་ནས་ཧང་སང་དགོས་པ་ཞིག་དང་བྱང་ཆུབ་ཞིག་ཡོད་པ་རྒྱལ་ཁབ་ཕྱི་ནང་ཀུན་གྱིས་བཤད་སྲོལ་མེད་ལ། ངས་ཀྱང་གཏན་ནས་གོ་མྱོང་མེད།
མདོར་བསྡུས་ན། གོང་གི་ཆ་རྐྱེན་རྣམས་ཚང་པའི་ཐོག་ནས་སྲིད་དོན་ལ་བྱང་ཆུབ་པ་ཞིག་དང་། ད་དུང་བཤད་འདོད་དང་བརྗོད་འདོད་ཀྱི་སྤོབས་པ་ལྡན་པའི་གློ་ཁོག་ཆེན་པོ་ཞིག་དང་། མ་ཟད་ཆོལ་ཁ་ཆོས་ལུགས་ཀྱི་དབྱེ་འབྱེད་མེད་པར་བོད་མི་དག་མ་ཞིག་ངེས་པར་དུ་དགོས་ཀྱི་འདུག་སྙམ་མོ།
ལི་ཐང་ངག་དབང་དབྱིག་གཉེན་ནམ། མིང་གཞན་བོད་ཀྱི་བརྩེ་སེམས་སུ་འབོད་པས། ༢༠༡༠ལོའི་ཟླ་བ་གསུམ་པའི་ཚེས་བཅུའི་སུམ་བཅུ་དུས་དྲན་ཉིན་རང་ཤག་ཏུ་བྲིས།
དགོང་དག་ངས་ནོར་འདུག
ང་ཁ་རྡ་དྲ་ཚིགས་སུ་ཡོང་བ་ཐེངས་དང་པོ་ཡིན་
འདི་བསུབ་རོགས་
ཁ་རྡ་ཚང་གིས། གོང་གི་རྩོམ་འདི་རྩོམ་ནང་བཞག་གནང་ཡོང་འཚལ།