ཐེའུ་རང་དང་ཁྲག་ཡིག དོལ་སྨྱོན།

Comments (5) on “ཐེའུ་རང་དང་ཁྲག་ཡིག དོལ་སྨྱོན།”

1. ཀ་ཡེ་ཐེའུ་རང་། ངས་ཁྱེད་ལ་འདྲི།
   ____དོ་ནུབ་ངས་སྐྱེས་རུས་ཚིགས་ཅན་དེ་ཧ་ཅང་དྲན་གི

   རླུང་ནག་འཚུབ་མ་ཞིག་འདྲ་བའི་ལོ་ཟླ་དེར་
   སུ་ཞིག་གི་སྐུལ་ཞིང་གང་ཞིག་གིས་ དེད་བྱུང་བ་འདྲ་བའི་ཁྱོད།
   གློ་བུར་དུ་ཉེས་ཅན་སུ་ཞིག་གི་ ཆོ་འཕྲུལ་ལྟར
   ལྕགས་མཁར་སྒོ་མེད་དེར་བཅུག་སོང་དུས
   ཁྱེད་ལ་ཅི་ཞིག་གི་ནག་ཉེས་ཡོད་སོང་བ་རེད
   མི་གསོད་ཁྲག་སྦྱོར་གྱི་དོན་རྐྱེན་སློང་མཁན་དེ་ཁྱོད་རང་ཡིན་སོང་བ་རེད
   མི་སེར་ཁྲི་ཕྲག་གི་ཐོབ་ཐང་འཕྲོག་མཁན་དེ་ཁྱེད་རང་ཡིན་སོང་བ་རེད
   སུ་ཞིག་གི་བདེན་པ་དང་གནས་ལུགས་ཀྱི་བཀའ་དང་འགལ་སོང་བ་རེད
   ཁྱེད་ཀྱིས་ང་ལ་ལན་ཐོབ་ཡཱ ཅི་ཞིག་གི་གོ་འཛོལ་བྱུང་སོང་བ་རེད

   ཡང་ན། མེས་པོའི་དཔའ་རྙིང་བརྡར་མཁན་དེ་ཁྱེད་རང་ཡིན་སོང་བ་རེད
   བཙན་པོའི་ར་གྲི་ཐོག་མཁན་དེ་ཁྱེད་རང་ཡིན་སོང་བ་རེད
   ཁྱེད་ཀྱིས་ནག་ཉེས་ཅི་ཞིག་བཟོས་སོང་བ་རེད
   ཁྱེད་རང་ཁྲག་གི་བྲིས་རིས་ལྟར་མཁན་དེ་མ་ཡིན་ནམ
   ཁྱེད་རང་རིགས་ཀྱི་འདུ་ཤེས་གླེང་མཁན་དེ་མ་ཡིན་ནམ
   ཅི་ཞིག་གི་རྐྱེན་གྱིས་ཁྱེད་རང་སློབ་མ་བཙོན་མར་གྱུར་སོང་བ་རེད
   ཡང་ན། བདེན་པ་བརྡར་མི་ཆོག་ས་དེ་ཁྱེད་ཀྱི་འཇིག་རྟེན་ཡིན་སོང་བ་རེད
   གནས་ལུགས་བརྗོད་མི་ཆོག་ས་དེ་ཁྱེད་ཀྱི་མཁའ་དབྱིངས་ཡིན་སོང་བ་རེད
   ཀ་ཡེ་ཐེའུ་རང་། ཁྱེད་ཀྱིས་ང་ལ་ལན་ཐོབ་ཡཱ།

2. དོལ་སྨོན་ཟེར་ན་སུ་རེད། གྲ་གྲོག་ཚོས་ཤིས་སམ།

3. དོལ་སྨྱོན་ལྷ་རྗེ་སྨྱོན་པ་རེད།།
   རྡོ་རྗེ་གླིང་ན་སྨྱོ་ནས་འདུག།
   དགོས་པའི་སྨན་གཞུང་མི་སྦྱོང་བར།།
   མི་དགོས་སྙན་ངག་རྐྱང་རྐྱང་འབྲི།།

4. སྐུ་ཞབས་དོལ་སྨྱོན་ལགས་ཀྱིས་རྒྱལ་གཅེས་པ་ཐེའུ་རང་ལགས་སུ་བྲིས་པའི་སྙན་ངག་དེ་ཡག་ཐག་ཆོད་འདུག ཐུགས་རྗེ་ཆེ།

5. གསོ་རིག་ང་ཡི་འགན་འཁྲི་ཡིན།།
   སྙན་ངག་ང་ཡི་དགའ་ཕྱོགས་ཡིན།།
   དོན་དུ་ངོ་བོ་དབྱེར་མེད་ཡིན།།
   སོ་སོར་འཛིན་པ་རྨོངས་པ་ཡིན།།