ཁྲོ་གཏུམ།
ཤིང་ལོ་མའི་ལྗང་ལོ་ཉི་མར་ལྡེ་དུས
བྱ་བྱེའུའི་མགྲིན་གླུས་གཉིད་ལ་ཡུར་བའི་ཁོར་ཡུག་གི་ལྷིང་འཇགས་དཀྲོགས
ང་རང་གཉིད་ལས་སད་དོན
མིག་འབྲས་མུ་ཏིག་ཡིན་པས་ཕྱོགས་བཞིར་བལྟས་ཏེ
བསམ་བློའི་གཤོག་པས་ནམ་འཕང་གཅོད་ཚུལ་མཐོང་འདོད
གཉིད་སད་འདོད་པའི་རང་ཉིད་ནི
ཉེ་འཁོར་གྱི་འཕྲུལ་ཆས་སྣ་ཚོགས་ཀྱི་ཆོམ་སྒྲའི་ཁྲོད
གནས་གང་ཞིག་ལ་འགྲོ་བའམ
ཡང་ན གནས་གང་ཞིག་ཏུ་ངལ་གསོ་དགོས་པའི་འདུན་པ་དག་འཐུ་ཞོར
ལམ་ལ་ཆས་པའི་རྐང་རྗེས་མདུན་ནས་མདུན་དུ་དཔར
ལམ་རིགས་ཤིག
ཧ་ཅང་རིང་བའམ
ཧ་ཅང་ཐུང་སྣང་ཞིག་གིས་ནམ་མཁར་འཐེན་འདུག
ཕྱི་ལོ་ ༢༠༢༣ ཟླ་ ༠༡ ཚེས་ ༡༦ གྱི་ཨོ་གླིང་རྒྱལ་ཁབ་ཀྱི་ཞོགས་པའི་ཆ་ལ།