ཇོ་མོ་གླིང་མའི་རེ་སྒུག

Comments (19) on “ཇོ་མོ་གླིང་མའི་རེ་སྒུག”

1. ཇོ་མོ་གླིང་མ་ཟེར་བ་
   ཇོ་མོ་གླང་མ་ཡིན་ནམ་མིན།
   ཡིན་ན་གླིང་མ་མ་རེད་གླང་མ་རེད།

   ང་བོད་ཡིག་ལ་དགའ་བའི་དབང་གིས།
   ཡིག་ནོར་ནམ་མཐོང་ལ་བཅོས་པར་འདོད།
   ང་བོད་ཡིག་ལ་གཅེས་པའི་དབང་གིས།
   བོད་ཡིག་གི་ཚེ་སྲོག་སྐྱོབ་པར་འདོད།
   ང་བོད་མི་ཞིག་ཡིན་པའི་དབང་གིས།
   ནམ་ཡང་བོད་སྐད་དང་བོད་ཡིག་ལྷན་དུ་འགྲོགས།

2. ཕལ་ཆེར་རྩོམ་འདིའི་ཁ་བྱང་གི་དག་ཆ་ལའང་གཟབ་གཟབ་མ་བྱས་འདྲ།

3. རྩོམ་པ་པོས་ཁྱིས་དེད་པ་འདྲ།

4. ཕེབས་ཤིག་རིན་ཆེན་སྒྲོལ་མ་ལགས།
   ཡངས་པའི་གཤོག་ཟུང་བརྐྱངས་ནས་རྩོམ་རིགས་ཀྱི་ཞིང་ཁམས་ལ་ཕེབས་ཤིག
   ཡས་འདུག་དང་མས་འདུག་ཟེར་བ་ནི་དྲ་ངོས་འཇིག་རྟེན་གྱི་ཆོས་ཉིད་ཡིན་ན། དེ་ཚོར་ཁ་ཡ་མ་གནང་། ནོར་བ་དང་འཁྲུལ་བ་ནི་ཀུན་གྱི་ཆོས་ཉིད་ལགས་ཤིང་། དག་ཡིག་དགེ་རྒན་གྱིས་ཀྱང་དག་ནོར་འབྲི་བཞིན་འདུག་ལ་འབྲི་སྲིད་པའང་ཡིན།

5. ནོར་འཁྲུལ་འཇིག་རྟེན་གྱི་ཆོས་ཉིད་ཡིན་མིན་ལ་མ་ལྟོས་པར་དེ་ལ་ཡོ་བསྲང་དགོས་པ་ལས་སྣང་མེད་དུ་ནམ་ཡང་འཇོག་མི་རུང་ངོ་།

6. 《དེ་རིང་། རྔ་བ་ནས་བོད་མི་ཞིག་གིས་རང་ལུས་མེར་བསྲེགས་བཏང་ནས་རྒྱ་གཞུང་ལ་ཞི་རྒོལ་བྱས་འདུག》

   one more Tibetan self immolated in Ngaba town.His condition and whereabouts remains unknown.ཨ་མདོ་རྔ་བ་ནས་དེ་རིང་བསྐྱར་དུ་བོད་མི་ཞིག་གིས་རང་ལུས་མེར་བསྲེགས་བཏང་འདུག རྔ་བའི་རྫོང་ཐོག་དཔའ་བོའི་སྲང་ལམ་དུ་རང་ལུས་མེར་བསྲེགས་བཏང་བ་དང་མེ་ཡིས་འཚིགས་ཡོད་པ་ཁོང་ཉེན་རྟོག་པས་ཁྱེར་ཡོད་འདུག་པས་ཤི་གསོན་དང་སུ་ཡིན་ཤེས་རྟོགས་ཐུབ་མི་འདུག
   གོང་གི་གནས་ཚུལ་འདི་ནི། ཨ་རིའི་བརྙན་འཕྲིན་ཁང་གི་དྲ་ནང་བོད་ཅེས་པའི་ལེ་ཚན་གཙོ་སྐྱོང་བ་Tsering Kyiལགས་ཀྱིས་ངོ་དེབ་ལས་བཤུས།

7. གནས་ཚུལ་འདི་བོད་ཀྱི་དྲ་རྒྱ་གང་ནའང་ད་ལྟ་ཐོན་མི་འདུག ཡིན་ནའང་དེ་རིང་བོད་ནང་གི་ཆུ་ཚོད་ལྔ་པར་བྱུང་པ་རེད་ཟེར་ནས་བལ་ཡུལ་ནང་མི་ཚང་སྔོ་སྨོན་བྱེད་ཀྱིན་འདུག། བདེན་པ་ཡིན་ས་རེད།

8. ཇོ་མོ་གླང་མ་ནི་བེམ་གཟུགས་རེད། དེས་ཅི་ཞིག་ལ་རེ་སྒུག་བྱེད་ངེས་སམ། ཆེས་འཐུག་པོའི་རེ་སྒུག་ཟེར་ན་ཅི་ཞིག་ཡིན། རེ་སྒུག་ལ་སྲབ་འཐུག་ཡོད་དམ། ངོ་མ། དེང་སང་བོད་སྐད་ཁྱད་མཚར་དེ་འདྲ་མཐོན་ཡོང་གི་འདུག་ག ཡང་སྙིང་ཁྱེད་ཀྱིས་ཅི་ཞིག་བརྗོད་ཀྱི་ཡོད་མིན་གོ་རྟོགས་ཐུབ་མ་སོང་། གཅིག་བྱས་ན་ང་རང་ལྐུག་དྲག་པ་འདྲ། ཡང་ན་ཁྱེད་རང་གི་སྙན་ངག་དེ་འཐུག་དྲག་པ་འདྲ། གང་ལྟར་གོ་རྒྱུ་ཅི་ཡང་མི་འདུག་གོ

9. བསེ་རུ་ལགས་ཀྱིས་ཐུགས་ཞིབ་ཀྱིས་དགེ་སྐྱོན་གླེང་བར་སྙིང་ནས་དགའ། དེ་མིན་དྲ་གྲོགས་བསམ་གླིང་ཚེ་རིང་ལྷ་མོའི་རྒྱབ་སྐྱོར་ལ་ཐུགས་རྗེ་ཆེ་ཞུ་རྒྱུ་དང་གཞན་ཡང་དྲ་གྲོགས་ལྷན་རྒྱས་ཚང་མར་བཀྲ་ཤིས་བདེ་ལེགས་གྲངས་མེད་ཞུ།

10. བསེ་རུ་ལེགས་དང་། བསམ་གླིང་ཚེ་རིང་ལྷ་མོ་རྣམ་གཉིས་ཀྱིས་བྲིས་པ་བདེན། ང་ལོ་བདུན་ཅུ་དོན་གྲངས་ལྷག་བོད་ཡིག་དང་འགྲོགས་ཀྱང་། དི་རིང་སྔར་ཐོས་མེད་བརྡ་ཞིག་ཐོས། དེ་ནི། རླུང་བས། ཞེས་པ་འདི་ལགས་སོ།།

11. ཁྲག་མདོག་གི་ཞེས་པ་གཅིག་ན་ཕྲག་དོག་ཡིན་ཤས་ཆེ།
    ཁ་སང་གནམ་གྲུར་བསྡད་སྐབས་སུ་རྗེ་དགེ་འདུན་གྲུབ་ཀྱིས་རྗེ་བཙུན་སྒྲོལ་མར་འཇིགས་པ་བརྒྱད་ལས་སྐྱབས་བཅོལ་བ་ན། ཕྲག་དོག་ལ་འདི་ལྟར་གསུངས་པ་མཐོང་སྟེ།

    མ་རིག་འཐིབས་པོའི་ཁུང་དུ་མངོན་ཞེན་ཅིང་།
    གཞན་འབྱོར་ཕུན་ཚོགས་མཐོང་ཚེ་མི་བཟོད་པ།
    གདུག་པའི་དུག་གིས་མྱུར་དུ་ཁྱབ་བྱེད་པའི།
    ཕྲག་དོག་སྦྲུལ་གྱི་འཇིགས་པ་བསྐྱབ་ཏུ་གསོལ།། ལེགས་བྲིས་མ། ཚིགས་ ༢༣

12. རིན་ཆེན་སྒྲོལ་མ་ལགས་་་་བསེ་རུས་་་་ཡིག་ནོར་བཅོས་པ་དེ་་་་དོན་ལ་གནས་ན་དེ་ནི་་་་་ཆེས་ཧ་ཅང་གི་ནོར་འཁྲུལ་ཞིག་རེད་རྩོམ་ཡིག་གི་ཁ་བྱང་ནོར་ན་་་་་་ཀློག་པ་པོ་ཚོས་དོན་གྱི་བརྗོད་བྱ་ཡང་རྟོགས་པར་དཀའ་བས། ཕྱིན་ཆད་དེའི་རིགས་ལ་གཟབ་གལ་གནང་རོགས། དེ་མིན་ཡིག་ནོར་གཞན་ཡོད་པ་ནི་སྤྱིར་བཏང་ཞིག་རེད་སྙམས། གང་ཡིན་རུང་ཡག་པོ་བྲིས་ཤག།

13. དགོད་འོས་པའི་དབྱངས་རྟ། དཔེ་འཇོག་འདི་འདྲ་འདྲ་ཡོད་ནི་རེད་ནེ། སྤྲུལ་ནས་ཟེར་བའི་ནས་སྒྲ་དེ་ག་རེ་རེད། ཨ་ནེ་ནེ་ཁོ། ཁྱོས་འགྲེལ་བཤད་ཞིག་གནོངས་དང།

14. མུ་འཐུད་དུ་འབད་པ་བྱོས་དང་ཡར་རྒྱས་དང་རྒྱལ་ཁའི་ཁྱེད་ལ་སྒུག་བཞིན་འདུག

15. བོད་པ་ཚང་འཇིག་བརྟེན་འདིར་ཆགས་སྒོ་ཆེན་པོའི་ནང་ལ་ལྷུང་ནས། མཐའ་ན་རང་གི་ས་ཆུ་རི་ཀླུང་ཡང་གཞན་གྱི་བདག་དབང་ལ་ཤོར་བའི་རྒྱུ་མཚན་མང་པོ་ཡོད་མོས། མངོན་གསལ་འདོད་པོ་ཞིག་འདི་རུ་དཔེ་ལེགས་པོ་བཞག་འདུག བོད་པ་ཚོས། དོན་ཆེན་གློད། དོན་ཆུང་འཇུས་ནས་ཐར་མི་གཏོང་བ་འདི་རེད། དཔེར་ན། རིན་ཆེན་སྒྲོལ་མའི་སྙན་ངག་གི་ནང་དོན་དང་། རྩོམ་ལུགས། རྩོམ་གཤིས་དང་ལྟ་བ་སོགས་ལ་སུ་ཅིག་གིས་སྐད་ཆ་མ་བཤད་པར། ཡིག་ནོར་གཅིག་གཉིས་གཅིག་ལ་དོན་ཆེན་བཟོས་ནས། རྩོད་པ་རྒྱག་པ་འདི་རེད།

    སྔོན་མ་རྒྱ་དང་མཉམ་དུ་དོན་ཚན་བཅུ་བདུན་ཅན་པོ་འཇོག་པའི་སྐབས་ལ། དོན་ཆེན་བོད་གཞུང་གི་ཐོབ་ཐང་དང་། རྒྱལ་བ་རིན་པོ་ཆེའི་སྐུ་དབང་། དེ་བཞིན་བོད་དམག་གི་དབང་ཆ་ཚང་མར་རྩོད་པ་མི་རྒྱག་པར།བལྟས་ངན་དོན་ཆུང་དམངས་གཙོ་ཟེར་བའི་ཚིག་དང་། རྒྱ་ནག་གི་ཚིག་ལ་ཀྲུང་གོ་ཟེར་བའི་ཐ་སྙད། དེ་བཞིན་གུང་ཁྲན་ཏང་ཟེར་བའི་ཐ་སྙད་ལ་བོད་པའི་སྐུ་ཚབ་ཚོ་མ་འཆམ་པར། རྒྱ་དཔོན་ཚོ་ཡང་མགོ་ན་ནས། གྲོས་དོན་ཚོགས་འདུ་ཉིན་ཤས་མཚམས་བཞག་ནས། ཨ་མདོ་ནས་དགེ་བཤེས་ཤེས་རབ་རྒྱ་མཚོ་སྐད་བཏང་ནས། བར་འདུམ་བྱེད་དུ་བཅུག མཐའ་མ། ཀྲུང་གོ་དང་གུང་ཁྲན་ཏང་ཟེར་བའི་ཚིག་རྒྱ་ཡིག་ནང་ལ་བཞག་དགོས་ཐུབ་པ་འདི་གོང་གི་མཆན་པོ་དག་དང་རྩ་དོན་གཅིག་ཏེ། བོད་པ་ཚོ་དོན་ཆེ་དོན་ཆུང་དབྱེ་བའི་རྣམ་དཔྱོད་མེད་པ་གསལ་པོ་རེད། 

16. རྒན་ལ་དྭགས་འཇམ་དཔལ་ལགས། རིན་སྒྲོལ་གྱི་སྙན་ངག་འདི། དབྱིན་ཇི་དང་ཨ་རིའི་དེང་རབས་ཀྱི་སྐད་གྲགས་ཆེ་བའི་སྙན་ངག་འབྲི་སྲོལ།  ཆར་སྣང་ཅན་གྱི་སྙན་ངག་ཏེ། Imagismཟེར་བ་འདིའི་འབྲི་སྟངས་རེད། དེའི་སྲོལ་གཏོད་པ་པོ་གཙོ་བོ་Eliot དང་Pound ལ་སོགས་ཡིན་སྟེ། འབྲི་སྲོལ་འདིའི་ལུགས་གཙོ་བོ་ནི། རང་གི་ཆར་སྣང་གི་དཔེ་ས་ཆུ་མེ་རླུང་ཇི་ཡོད་བཀོད་ནས། ནང་གི་ཚོར་སྣང་ཞིག་བསྟན་ཐབས་བྱེད་པ་དང་། ཚོར་སྣང་འདི་ཡང་། གང་ཟག་སྒེར་གྱི་སྣང་ཚུལ་གཙོ་བོ་འདུ་བ་བྱེད་པ་དེ་རེད། སྙན་ངག་འདི་ཅུང་ལྐོག་འགྱུར་གྱི་རང་བཞིན་ཡིན་ཞིང་། ནང་གི་སེམས་ཀྱི་ཚོར་བ་དཔེར་ན། དངངས་སྐྲག་ལྟ་བུ། ཕྱིའི་སྣོད་ཀྱི་བཀོད་པ་ཇི་རུང་ཞིག་ལ་དཔེ་བཀོད་ནས། རྩོམ་པ་པོ་རང་ལ་དཔེ་འདི་དངངས་སྐྲག་ཡིན་པ་བསྟན་པར་བྱེད། ཞིབ་ཕྲ་གཤམ་གྱི་དྲ་ཚིགས་ལ་གཟིགས།

    རྒན་ལགས། ཕྲག་དོག་མ་རེད། ཁྲག་མདོག་རེད། ཁྲག་གི་མདོག་ཤོད་ཀྱི་ཡོད།

    http://en.wikipedia.org/wiki/Imagism 

17. རང་མོས་སྙན་ངག་ལ་སྐྱོན་ཞིག་ཡོད་པ་ཚོར་འདུ་ཁོ་ནའི་རྗེས་སུ་འབྲངས་སྟེ་བོད་ཀྱི་བརྡ་དག་ལ་སྣང་ཆུང་བྱེད་པ་དེ་རེད། དོན་དངོས་དང་འགལ་བ་བརྗོད་པ་ལྟ་བུས་སེམས་མེད་ལ་སེམས་ཡོད་ཀྱི་སྒྲོ་བཏགས་ནས་ནང་གི་འགྱུར་བ་ཁྱད་པར་བ་ཞིག་མཚོན་ཐུབ་ན་སྙན་ངག་གི་རྒྱན་དུ་ངོས་འཛིན་ཆོག་མོད། ༼ ལོ་མང་རིང་ ཆེས་འཐུག་པོའི་རེ་སྒུག ཕྱོགས་བཞིར་བསྐུར་ཀྱང་ རླུང་བས་ཕྱིར་བསྐྱལ་བ མྱ་ངན
    ཁྲག་མདོག་གི་ཚོར་འདུ་ཁོ་ན ༽ཞེས་པ་ལྟ་བུ་གོ་རྒྱུ་ཚོར་རྒྱུ་གང་ཡང་མི་འདུག་གོ

18. ཇོ་མོ་གླིང་མའི་རེ་སྒུག་ལ། ཇོ་མོ་གླང་མའི་རེས་སྒུག་གི་འགྲེལ་པ་ཞིག་འབྲི་མི་དགོས་སམ།

19. རྒན་ལགས། ཕྲག་དོག་མ་རེད། ཁྲག་མདོག་རེད། ཁྲག་གི་མདོག་ཤོད་ཀྱི་ཡོད།
    དེ་ལྟར་ཡིན་ན། ངས་བསམ་བློ་ལེགས་པར་མ་བཏང་བའི་སྐྱོན་ལ་དགོངས་དག་ཞུ་འོས་སོ།།