ཨེ་མ་ཧོ།
ཀ༵་དག་གཞི་གནས་ཚུལ་བཞིན་མཇལ་མཁས་ཁ༵་བའི་ལྗོངས་ཀྱི་དེད་དཔོན་མཆོག།།
ག༵་བུར་ལམ་སྟོན་ཆོས་བཞིན་ལེགས་བཙུན་ང༵་ཚོའི་ཡིད་བཞིན་ནོར་བུ་དངོས།།
ཅ༵་ལག་དཔེ་ཆ་གང་ཡོད་མཆོད་འབུལ་ཆ༵་ཚང་ཀུན་སྤང་དམ་པར་མངོན།།
ཇ༵་ཆང་ཆོས་བརྒྱད་ཞགས་པས་མ་འཆང་ཉ་གང་ཟླ་བཞིན་བཤེས་གཉེན་རྒྱལ།།
ཏ༵་ལེར་ཤེས་རིག་གཞུང་ཆེན་ཀུན་མཁྱེན་ཐ༵་སྙད་རིགས་པའི་ཁྱུ་མཆོག་བཞིན།།
ད༵་ལྟའི་དུས་རབས་ཉེར་གཅིག་སྐབས་སུ་ན༵་མས་དུང་ཡུལ་ཁྱེད་ཉིད་ཀྱིས།།
པ༵་སངས་ལྟར་དཀར་ལྷག་བསམ་ལྡན་པས་ཕ༵་རོལ་གཞན་འཚེ་ངང་གིས་སེལ།།
བ༵་གླང་སྤྱོད་འདྲའི་མི་རིགས་འདིའི་དོན་མ༵་ལུས་ཕྲིན་ལས་ངོ་མཚར་འབར།།
ཙ༵་རིའི་གནས་ཡུལ་ཕྱག་སྐོར་དཀའ་ཐུབ་ཚ༵་གྲང་བཟོད་བསྲན་རྒྱལ་སྲས་རྗེ།།
ཛ༵་དྲག་སྙིགས་དུས་རྒྱལ་བསྟན་གསལ་མཛད་ཝ༵་ལེར་བསམ་ན་ཁྱེད་བཞིན་དཀོན།།
ཞྭ༵་དམར་རིང་ལུགས་ཆོས་བཞིན་གནང་བས་ཟ༵་ཧོར་མཁན་ཆེན་ཁྱེད་མིན་སུ།།
འ༵་ཅག་མགོན་མེད་ཉམ་ཆུང་རིགས་ལ་ཡ༵་རབ་དམ་པའི་བཀའ་དྲིན་བསྩལ།།
ར༵་བ་གངས་དཀར་བསྟན་སྲིད་ཕན་བདེས་ལ༵་ལུང་ཀུན་ལ་དར་རྒྱས་མཛད།།
ཤ༵་ཞེན་མིན་པར་ཞིབ་ཏུ་བསམ་ཚེ་ས༵་ཐོབ་སེམས་དཔའ་ཆེན་པོ་ཉིད།།
ཧ༵་ལམ་ད་སྐབས་བྱོན་མ་མྱོང་བར་ཨ༵་མཚར་མིན་པར་མངོན་སུམ་གྲུབ།།
ཨི་ལྡན་དབྱངས་གསལ་རྗེས་དྲན་འདི་ཡང་ཨུ་ཚུགས་མིན་པར་ངང་གིས་ཐལ།།
ཨེ་མ་འཛམ་གླིང་མཛེས་པའི་རྒྱན་གཅིག་ཨོ་རྒྱན་པདྨའི་རྒྱལ་ཚབ་ཆེ།།
བདག་སོགས་འདི་ནས་ཚེ་རབས་ཀུན་ཏུ་ཆོས་རྗེ་ཡིད་བཞིན་ནོར་བུ་དང་།།
ནམ་ཡང་འབྲལ་མེད་བསྟན་འགྲོའི་དོན་ལ་རྒྱལ་སྲས་དཔའ་བོའི་རྟུལ་ཞུགས་སྤྱོད།།
ནམ་མཁའ་མཉམ་པའི་འགྲོ་ཀུན་སྒྲོལ་བའི་ཐུགས་དམ་རིན་ཆེན་མཐར་ཕྱིན་ཤོག།
ཅེས་པ་འདི་ཡང་རབ་རྒྱན་ཤིང་རྟའི་ལོ་སར་གྱི་ཡར་ཚེས་གསུམ་མམ་བདག་ཅག་གི་འདྲེན་པ་བླ་ན་མེད་པའི་སྐྱེས་ཆེན་དམ་པ་མཚན་བརྗོད་པར་དཀའ་ཡང་དོན་གྱི་སླད་དུ་མཚན་ནས་སྨོས་ན་ཆོས་རྗེ་དམ་པ་ཡིད་བཞིན་ནོར་བུ་འམ་མཁན་ཆེན་འཇིགས་མེད་ཕུན་ཚོགས་འབྱུང་གནས་དཔལ་བཟང་པོའི་འཁྲུངས་སྐར་ལ་རྟེན་འབྲེལ་དགེ་བའི་རྨི་ལམ་བརྟེན་ནས་ཤྲྰི་ཨེ་མ་ཧོས་དབྱིན་ཡུལ་ཀུན་བཟང་ཆོས་གླིང་ནས་གང་ཤར་གསོལ་བ་འདེབས་པར་དགེའོ།། །།
རང་ཚུགས་མ་ཤོར་། གཞན་སེམས་མ་དཀྲུགས་ཞེས་ཞལ་གདམས་དེ་རང་གཞན་ཐམས་ཙད་ཀྱི་ཉམས་ལེན་གནང་ཐུབ་པར་ཞུ།
༄༅།།འཛམ་གླིང་རྒྱལ་སྤྱིའི་ཨེ་ཝྃ་དཔེ་མཛོད་ཁང་གི་གཟི་དཔལ།། ”སྐོར་ལ་་3 Comments་འདུག
# 1 ཏི་སི།་ལགས་ཀྱིས་མཆན་བཏབ་པ།:
March 3rd, 2014 at 11:54 PM
ཡ་ཁོ་རེ། ཨེ་ལྦམ་ཚང་། ལས་ངན་གསོག་མཁན་ཁྱེད་རང། ཤི་དགོས་ཡག་བསམ་ལོ་ཡག་པོ་ཐོངས། བླ་ཆེན་རྣམས་དང་། ཆོས་ལུགས་ལ་སྡང་ཟུག་ཅང་མ་གནང་རོག། ཁྱོད་ཁ་ཡིས་ཨེ་ལྦམ་ཟུང་འཇུག། ལག་ལེན་མཇེ་སྟུ་མ་གཏོགས་མེད་མཁན་། དགེ་འདུན་ཕན་ཚུན་ལ་དཀྲུགས་ཤིང་ཁོ་ན་མ་གནང་རོག། ཁྱེད་རང་ག་འདྲ་ཡོད་པ་ནི་ཁ་བརྡ་ཚང་མཆན་བུ་པ་ཐམས་ཅད་རྒྱུས་མངའ་ཡོད་། ད་བར་ཁྱོད་ཀྱི་སེམས་ཅན་དང་བསྟན་པ་ལ་ཕན་ཐོག་ཡག་ཚིག་གཅིག་བྲིས་ཨི་ཡོད། ཐམས་ཅད་ལ་ཁོང་ཁྲོ་སློང་མཁན། རང་འདོད་ང་རྒྱལ་ཆོ་ཚོད་༢༤ ཁོ་ན་ལ་མགོ་མ་འཁོར། དགིངས་འགལ་མ་གནང་། ངས་ལྷག་བསམ་ཡིན། གལ་སྲིད་ཁྱེད་རང་ངོ་མ་ཅན་ཡག་པོ་ན་། རང་སེམས་རང་ལྐོག་ཏུ་མ་གྱུར་བས། ངས་ནོར་འཁྲུལ་བྱུང་ན་བཟོད་གསོལ་ཞུ།
# 2 པདྨ་ལགས་ཀྱིས་མཆན་བཏབ་པ།:
March 4th, 2014 at 1:49 AM
ཧ ཧ ཧཧཧཧཧཧཧཧཧཧཧཧཧཧཧཧཧཧཧཧཧ འབྲི་གུང་ཏི་སི་འམ་བཀའ་ཐང་བསྡུས་པ་དང་རྒྱལ་རབས་རྒྱས་པ་ལ་རྫུན་མ་བཟོ་མཁན་ཁྱོད་ལ་ཕོག་འདུག་ག ཨེ་ཝྃ་རྒྱལ་སྤྱི་རིག་པའི་དཔེ་མཛོད་ཁང་ལ་ཟུར་ཟ་དགོས་དོན་གང་ཡིན་ནམ། མཁན་ཆེན་བླ་མ་དམ་པ་ཚང་ལ་མ་ཉེས་ཁ་གཡོགས་བྱས་ན་ཁྱོད་ཚོ་ལ་གང་ཞིག་ཐོབ་རྒྱུ་འདུག་གམ། མཁན་ཆེན་བླ་མ་དམ་པ་ནི་ཁྱེད་ཚོ་ནང་བཞིན་བླུན་པོ་ཆུ་སྣ་གར་ཁྲིད་དུ་ཡིན་པར་མ་སྣང་ངོ་།། དོལ་ཚོགས་ཀྱིས་ཏྰ་ལའི་བླ་མ་ཁ་ངན་གཏོང་བ་ནང་བཞིན་རེད། ཁྱོད་ཀྱི་རྣམ་དཔྱོད་དང་གྲོང་ཚིག་དེ་ཚོ་བེད་སྤྱོད་སྟངས་ལ་ཁང་ནང་དུ་ཁུག་ནས་བསམ་བློ་ཐོངས་ལོ།། དེ་དག་ཆོས་ལུགས་དང་གྲུབ་མཐའ་འཛིན་པ་ཞིག་གི་བདེན་ཚིག་མིན་པས་ཆགས་སྡང་རྨོངས་པ་མ་གསོག་ལོ། མཁན་ཆེན་བླ་མ་ཚང་ལ་བ་སྤུ་ཁུང་བུ་གཅིག་ལ་གནོད་ཀྱིན་མ་རེད། གནོད་ངོ་མ་ཏི་སི་རེད་དོ། ཨེ་ཝྃ་གྱི་མིང་ཙམ་མ་ཤེས་ན་དོན་ལྟ་ཅི་ཡ། བགད་མ་བཙོང་ལོ་། ཧཧཧཧཧ
# 3 ཏི་སི།་ལགས་ཀྱིས་མཆན་བཏབ་པ།:
March 4th, 2014 at 8:39 PM
ཧཧཧཧ། སྔ་མོ་མའུ་ཙེ་ཏུང་སོགས་གོང་ཁྲན་ཏང་དང་གོ་མི་ཏང་སོགས་ཐོག་མར་འོས་ཤོག་འཕེན་པ་རེད་ཟེར། མོ་ཚེ་ཏུང་ཁོ་རང་གི་ཁོ་རང་འོས་བླུག་ནས་འོས་ཤོག་གཅིག་ཁོ་རང་མང་ནས་ཇོས་ངན་དེ་ཁོ་རང་འདིད་དོན་གྲུབ་པ་རེད། དེ་ནང་བཞིན་ཁ་བརྡ་ནང་ལའང་ཁྱེད་རང་དེ་འདྲ་ཅང་བཟོས་ནས་གཞན་མི་ཡིན་ཟོོལ་བྱས་རང་རྐུབ་སྐྱགས་པས་མ་སྐྱགས་ན་བཟང་ངོ། ད་དུང་ཁྱིད་ཀྱི་གསང་གནས་འགའ་ངས་འདི་ན་མ་བྲིས། ཞོ་བཞིན་འཇམ་ས་ནས་ཁྲག་ལྟར་མ་འཚོར་བཟང་ནི་རེད་སྙམས།