ཡོང་ཁུངས། བོད་མིའི་སྒྲིག་འཛུགས་ཀྱི་དྲ་རྒྱ
༄༅། །ཕྱི་ལོ་ ༢༠༡༥ ཟླ་ ༡༠ ཚེས་ ༣༡ ཉིན་རྡ་ས་དགེ་ལྡན་ཆོས་གླིང་དུ་བསྐོང་ཚོགས་གནང་བའི་བཙུན་མའི་འཇང་དགུན་ཆོས་ཐེངས་ཉེར་གཅིག་པར་བཅར་ཞུགས་བཙུན་མ་རྣམས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མཇལ་ཁ་དང་ཆོས་འབྲེལ་བསྩལ་ཞོར་བཀའ་སློབ་ཕེབས་དགོངས་སུ། རང་རེའི་སློབ་གྲྭ་ཁག་ཏུ་ནང་པའི་ཚན་རིག་དང་ལྟ་གྲུབ་སློབ་ཁྲིད་གནང་མཁན་རྣམས་ལ་ཆོས་དགེ་ཞེས་འབོད་པ་མི་རན་ཞིང་། ཆོས་དགེ་ཟེར་བ་ཆོས་ལུགས་ཀྱི་སློབ་དཔོན་ལྟ་བུ་ཞིག་ལ་གོ་ཉེན་ཆེ་བས། དེར་མཁས་པའི་བགྲོ་གླེང་ཞིག་གནང་གལ་ཕེབས་པ་ལྟར། འདི་ག་ཤེས་རིག་ལས་ཁུངས་ནས་རང་རེ་བཙན་བྱོལ་སྤྱི་ཚོགས་ནང་བོད་ཀྱི་ཆོས་དང་རིག་གཞུང་ཐོག་མཁྱེན་ཡངས་མཁས་པ་ཁག་བདུན་ལ་དགོངས་ཚུལ་གནང་ཕྱོགས་སྐོར་རེ་འདུན་ཞུས་པར།
མཁས་དབང་ཁག་དྲུག་ནས་དགོངས་ཚུལ་ཡིག་ཐོག་གནང་འབྱོར་བྱུང་བ་ཞིབ་བསྡུར་གྱིས་ད་བར་གཏན་ཉིན་སློབ་གྲྭ་ཁག་ནང་ལྟ་གྲུབ་སློབ་ཁྲིད་གནང་མཁན་ལ་ཆོས་དགེ་ཞེས་མཚན་འབོད་བྱེད་བཞིན་ཡོད་ཀྱང་། གསལ་བསྒྲགས་འདི་ཉིད་ཞུས་པའི་ཟླ་ཚེས་ནས་བཟུང་རང་རེ་གཏན་ཉིན་སློབ་གྲྭ་ཁག་ཏུ་ནང་བསྟན་ལྟ་གྲུབ་སློབ་ཁྲིད་གནང་མཁན་ལ་ལྟ་གྲུབ་དགེ་རྒན་ཞེས་འབོད་རྒྱུ་གཏན་འཁེལ་སོང་བའི་གསལ་བསྒྲགས་སུ། ཤེས་རིག་ལས་ཁུངས་ནས། ཕྱི་ལོ་ ༢༠༡༦ ཟླ་ ༨ ཚེས་ ༢༣ ལ།།
ལྟ་གྲུབ་དགེ་རྒན་ལ་དབྱིན་སྐད་ནང་ག་འདྲ་བརྗོད་དགོས་ཀྱི་ཡོད་དམ་???
འདིར་ལྟ་གྲུབ་དགེ་རྒན་ལ་དབྱིན་སྐད་དུ། Buddhist Philosophy Master
ཐུགས་རྗེ་ཆེ་བཀྲིན་ཆེ་།
དབུས་བོད་མིའི་སྒྲིག་འཛུགས་ཤེས་རིག་ལྷན་
ཁང་ནས་དེ་ལྟར་ངོས་འཛིན་གནང་གི་ཡོད་ན་
གཏན་ཉིན་སློབ་གྲ་ཡོངས་ལ་གཅིག་བསྒྱུར་
དགོས་པ་གལ་ཆེན་ཞིག་ལ་ངོས་འཛིན་ཞུ་
གི་ཡོད་ཐུགས་རྗེ་ཆེ་།
བོད་ཀྱི་ལྟ་གྲུབ་དགེ་རྒན་དེ་ཆོས་ལུགས་ཆེན་པོ་ལྔའི་ནང་ནས་གདམས་ན་ཡག་པོ་རེད། སྔར་ཡིན་ན་རི་བོ་དགེ་ལུགས་པའི་ཕྱོགས་ནས་གཅིག་པུ་རེད། དེང་སང་ག་འདྲ་ཡིན་བལྟ་རྒྱུ་རེད།
འབྲོང་བུའི་སྐད་ཆ་ལ་མོས་མཐུན་ཡོད། ང་ཚོས་ཆོས་ལུགས་རིས་མེད་ཅེས་མང་པོར་བཤད་རུང་དོན་ལ་ལག་ལེན་དུ་ཡོང་གི་མི་འདུག སློབ་གྲྭ་ཁག་རེད། དེ་བཞིན་དེང་སང་ནུབ་ཕྱོགས་སུ་ཡོད་པའི་བོད་པའི་སྤྱི་ཁང་ཟེར་བ་སྤྱི་མཐུན་ཟེར་བ་ཚོགས་ཁང་ཟེར་བ་ས་གནས་དེའི་བོད་མི་ཡོངས་རྫོགས་འཛོམས་སའི་ལྷ་ཁང་སོགས་མིང་སྤྱི་པའི་མིང་བཏགས་རུང་ལགལེན་ཆོ་གར་ཆོས་ལུགས་སམ་ཆོས་རྒྱུད་བྱེ་བྲག་པ་ཞིག་གིས་དབང་བསྒྱུར་འོག་ཏུ་གནས་བཞིན་ཡོད་འདུག ཁ་མི་གྲགས་མ་གཏོགས་མང་པོའི་སེམས་ལ་འདོད་པ་མེད། དེ་བཞིན་དྷ་སའི་དཔེ་མཛོད་དྷི་ལིའི་བོད་ཁང་དྷ་སའི་བཙུན་དགོན་ཐེ་ཝན་དོན་དཔྱོད་སོགས་དེ་བཞིན་མཚུངས།