ཆར་བའི་སྐད་སྒྲ།
ཝོལཊ་ཝཻཊ་མཱན། (Walt Whitman) ཟླ་བ་གཞོན་ནུས་བསྒྱུར།
ཁྱེད་རང་སུ་ཡིན་ཞེས།
ལྷོད་ཀྱིས་འབབ་ཀྱིན་པའི་ཆར་རྒྱུན་ལ་དྲིས་ཚེ།
ཡ་མཚར་བ་ཞིག་ནི་དེས་ལན་ཞིག་སྤྲད་བྱུང་ལ།
དེ་ནི་ཇི་ལྟར་འདིར་བསྒྱུར་ཡོད་པ་ལྟར་ཏེ།
ང་ནི་ས་ཆེན་གྱི་སྙན་ངག་ཡིན་ཞེས་ཆར་བའི་སྐད་ཀྱིས།
བདག་ནི་ས་གཞི་དང་གཞལ་དཀའི་རྒྱ་མཚོ་ལས་ཐོགས་མེད་དུ་ཡང་ཡང་ལངས་ཤིང༌།
གནམ་གྱི་ཕྱོགས་གང་ལ་རབ་རིབ་ཀྱི་གཟུགས་སུ་གྲུབ་པར་མཆི་བའོ།།
རྣམ་པ་ནི་ འདྲ་མིན་དུ་འགྱུར་ཡང༌། ང་རང་ནི་དེ་ག་རང་ཡིན་ཞེས་སྨྲས་བྱུང༌།
ང་རང་མར་ཕབ་ནས།
ས་སྒང་རིལ་མོ་འདིའི་སྐམ་ཤས་དང༌། རྡུལ་ཕྲན། ས་རྡུལ་གྱི་རིམ་པ་དག་དང༌།
ང་རང་མར་ཕབ་ནས།
ང་མེད་པར་ས་བོན་ཁོ་ན་ཡིན་ཞིང་བག་ལ་ཉལ་བ་དང༌།
སྐྱེས་མ་ཟིན་པ་ཡིན་པ་གང་དག་འཁྲུ་ཕྱིར་ཡོང་གི་ཡོད།
ངས་དུས་ནམ་ཡང་སྟེ།
ཉིན་མཚན་རྟག་པར་རང་གི་འབྱུང་གཞི་ལ་ཕྱིར་ཚེ་སྲོག་སྤྲོད་ཀྱིན་ཡོད་ལ།
དེ་ཉིད་དྭངས་གཙང་དང་སྡུག་གུར་བཟོ་བཞིན་ཡོད།
(རྒྱུ་མཚན་ནི། གླུ་གཞས་ཀྱིས་རང་ཉིད་ལ་འཁྲི་བའི་ལས་འགན་རྫོགས་རྗེས། ཚོར་ཤེས་ཀྱིས་བཟུང་མིན་ལ་མི་བལྟོས་པར་བརྩེ་བ་དང་མཉམ་དུ་རང་ཉིད་འབྱུང་ས་དེར་འགྲོ་བས་སོ།།)
བརྗོད་སྙིང༌།
ཉིན་ཞིག་ལ་སྙན་ངག་པས་ལྷོད་ཀྱི་ལེར་འབབ་བཞིན་པའི་ཆར་བར་ཁྱེད་རང་སུ་ཡིན་ཞེས་པར་དྲིས་པར། ཡ་མཚར་བ་ཞིག་ལ་ཆར་བས་ཁོང་ལ་ལན་བསྐྱོན་བྱུང༌། དེས་བཤད་རྒྱུར་ཁོང་ནི་ས་ཆེན་གྱི་རོལ་དབྱངས་ཡིན་ལ། ཁོ་རང་ནི་ཁུ་སིམ་སིམ་གྱིས་འཛིན་མ་དང་མཚོ་མོ་ལས་མཁའ་རུ་འཕགས་ཤིང༌། གནས་དེ་རུ་སྨུག་པར་གྱུར་ནས་སླར་ཡང་ས་ཡི་གཞི་མར་འབབ་ཀྱིན་ཡོད་པ་དང༌། ཁོང་གི་རྣམ་པ་དང་བཟོ་ལྟ་དག་ཇི་ལྟར་འགྱུར་ཡང༌། ཁོ་རང་གི་ངོ་བོ་ནི་ནམ་ཡང་མི་འགྱུར་བར་སྡོད་ཟེར།
དེས་ས་ཆེན་གྱི་བྲང་གཞུང་སྟེ་ཐལ་རྡུལ་གྱིས་གཡོགས་པའི་ས་གཞི་ལ་ཁྲུས་ཆུ་ལྟ་བུའི་ཆུ་ཡི་ཟེགས་མ་བསྣམས་ནས་ཕེབས་ཤིང༌། ས་བོན་ཆ་ངེ་ཆུང་ངེ་རྣམས་འབུས་ཤིང་སྐྱེས་པར་བྱས་རྗེས། ཁོ་རང་གི་འབྱུང་གཞི་ལ་བཞུར་ནས་འགྲོ་ལ་དེ་ཉིད་དྭངས་གཙང་དང་སྡུག་གུར་བསྒྱུར་བར་བྱེད།
སྙན་ངག་པས་རོལ་དབྱངས་ཀྱང་ཆར་བ་དང་མཚུངས་པར་བཤད་ཅིང༌། དེས་ཉན་པོར་ཕན་པ་ཙམ་མ་ཟད། ལེན་མཁན་ལ་ཡང་ཕན་པར་བརྗོད་པ་སྟེ། དེས་ཁོང་དང་ཁོ་མོའི་སེམས་པ་དྭངས་གཙང་དུ་བསྒྱུར་བར་གསུངས།
༠༩།༡༢།༢༢ལ་རྫོགས་པར་བསྒྱུར།
དྲ་གྲོགས་ཟླ་བ་གཞོན་ནུས་རང་མོས་སྙན་ངག་གསར་གཏོད་མཁན་གྱི་སྙན་ངག་འདི་བོད་བསྒྱུར་གནང་བར་ཐུགས་རྗེ་ཆེ་ཞུ། ད་དུང་སྙན་ངག་འདི་དང་ལྷན་དུ་ཁོང་གི་མི་ཚེའི་ལོ་རྒྱུས་སྙིང་བསྡུས་ཤིག་ཀྱང་ཡོད་ན་དེ་བས་བཟང་བ་ལ།
ད་སང་ཉིན་སྔ་མོ་ནས་རྡ་སའི་རི་མཐོ་ཤོས་རྡོ་ལ་རྡར་གྱི་རྩེར་སོང་ནས་ཁ་བ་དང་གྲང་རླུང་ལ་དྲི་བ་རེ་དྲིས་ཏེ་ལན་སྟེར་ལ་སྒུག་གི་ཡིན་ད།
ཨོ། གྲོགས་བཟོད་རྒྱམ་ཕེབས་པ་བཟང༌།
ཁོང་གི་ལོ་རྒྱུས་སྙིང་བསྡུས་རེ་འགོད་ཨེ་ཐུབ་བལྟ་འོང༌། དེ་རིང་གནས་འདིར་ཡང་ཤིན་ཏུ་འཁྱག་ཅིང༌། མི་ཚང་མ་རང་རང་ས་ན་འཁུམས་ནས་འགྲོ་ཞིང་འདུག རྡ་ས་འདི་ལས་ཀྱང་ལོས་འཁྱག
དེ་རིང་ཉིས་སྟོང་དགུ་ལོའི་ཉིན་མཐའ་མ་དེ་ཡིན་པས། ད་ཡང་ང་ཚོས་རེ་བ་གསར་བ་ཞིག་དང་མཉམ་དུ་ལོ་གསར་བ་ཞིག་བསུ་དགོས་པ་རེད།
འདིར་ཁྱེད་ཀ་ཚང་གཙོས་པའི་དྲ་གྲོགས་ཡོངས་ལ་འཚམས་འདྲིའི་ཁ་གཡང་རེ་འབོད་ཆོག་པ་གྱིས།
ཐམས་ཅད་བཀྲ་ ་ཤིས་པར་གྱུར་ཅིག་གུ
ཨོ། གྲོགས་བཟོད་རྒྱམ་ཕེབས་པ་བཟང༌།
ཁོང་གི་ལོ་རྒྱུས་སྙིང་བསྡུས་རེ་འགོད་ཨེ་ཐུབ་བལྟ་འོང༌། དེ་རིང་གནས་འདིར་ཡང་ཤིན་ཏུ་འཁྱག་ཅིང༌། མི་ཚང་མ་རང་རང་ས་ན་འཁུམས་ནས་འགྲོ་ཞིང་འདུག རྡ་ས་འདི་ལས་ཀྱང་ལོས་འཁྱག
དེ་རིང་ཉིས་སྟོང་དགུ་ལོའི་ཉིན་མཐའ་མ་དེ་ཡིན་པས། ད་ཡང་ང་ཚོས་རེ་བ་གསར་བ་ཞིག་དང་མཉམ་དུ་ལོ་གསར་བ་ཞིག་བསུ་དགོས་པ་རེད།
འདིར་ཁྱེད་ཀ་ཚང་གཙོས་པའི་དྲ་གྲོགས་ཡོངས་ལ་འཚམས་འདྲིའི་ཁ་གཡང་རེ་འབོད་ཆོག་པ་གྱིས།
ཐམས་ཅད་བཀྲ་ ་ཤིས་པར་གྱུར་ཅིག་གུ
ཨོ། གྲོགས་བཟོད་རྒྱམ་ཕེབས་པ་བཟང༌།
ཁོང་གི་ལོ་རྒྱུས་སྙིང་བསྡུས་རེ་འགོད་ཨེ་ཐུབ་བལྟ་འོང༌། དེ་རིང་གནས་འདིར་ཡང་ཤིན་ཏུ་འཁྱག་ཅིང༌། མི་ཚང་མ་རང་རང་ས་ན་འཁུམས་ནས་འགྲོ་ཞིང་འདུག རྡ་ས་འདི་ལས་ཀྱང་ལོས་འཁྱག
དེ་རིང་ཉིས་སྟོང་དགུ་ལོའི་ཉིན་མཐའ་མ་དེ་ཡིན་པས། ད་ཡང་ང་ཚོས་རེ་བ་གསར་བ་ཞིག་དང་མཉམ་དུ་ལོ་གསར་བ་ཞིག་བསུ་དགོས་པ་རེད།
འདིར་ཁྱེད་ཀ་ཚང་གཙོས་པའི་དྲ་གྲོགས་ཡོངས་ལ་འཚམས་འདྲིའི་ཁ་གཡང་རེ་འབོད་ཆོག་པ་གྱིས།
ཐམས་ཅད་བཀྲ་ཤིས་པར་གྱུར་ཅིག་གུ
དགོངས་དག
མཆན་འདི་འདྲ་མང་པོ་ཅི་ལྟར་ཤོར་བ་ཡིན་ནམ། གཉན་ལག་འདི།
ཐུགས་རྗེ་ཆེ་ཞུ།
ཚོར་སྣང་དངོས་ནི་སྙན་ངག་གི་བདེན་པ་ཡིན།
མུ་མཐུད་གཞོལ་བར་བྱེད་རོགས།