དུར་བྱང་།
འགྲོ་བ་མིའི་ལོ་རྒྱུས་ནང་དུ། ཕྱི་ནང་གི་ལས་དོན་གང་ཞིག་ཕ་མ་གཉིས་ལ་བགོ་བཤའ་བརྒྱབ་པ་ལྟ་བུའི་སྣང་ཚུལ་ནར་མར་ཡོང་གི་རེད། བྱིས་སྐྱོང་གཙོས་ནང་གི་ལས་དོན་ཆེ་ཕྲ་ཡོད་ཚད་མ་ཡིས་གནང་སྲོལ་ལ། ཕྱི་ཡི་ལས་དོན་ཅི་ཡོད་གཙོ་ཆེར་དམག་དོན་སོགས་ཕ་ཡིས་གནང་སྲོལ་ཡོད། རྒྱལ་ཁབ་དགྲ་ལག་ཏུ་ཤོར་བའི་ང་ཚོར་མཚོན་ན་ངེས་པར་དུ་ཕྱི་ཡི་ལས་དོན་ཚགས་ཚད་གནང་མཁན་གྱི་ཨ་ཕ་ཞིག་དབུ་ཁྲིད་དུ་ཕེབས་དགོས་པ་ནི་གཡོལ་ཐབས་མེད་པ་ཞིག་ཡིན།
ཆབ་སྲིད་བཙོན་མའི་ཨ་ཕ་ཟེར་བའི་ཁྱད་མིང་འདི་ཁོ་བོས་དགུ་བཅུ་གསུམ་གྱི་ཚོགས་ཟུར་ཨ་ཁུ་ངག་དབང་འོད་འབར་ལགས་ཀྱི་ཞལ་གསུང་ནས་ཐོས། ཁོང་གིས་མུ་མཐུད་ནས་གསུང་དོན། བཀའ་ཟུར་འབྲོང་ཆུང་དངོས་གྲུབ་ལགས་ཀྱིས་ཆབ་སྲིད་བཙོན་མའི་ལས་དོན་ཆེ་ཕྲ་གང་ཡིན་སྣང་མེད་དུ་ཤོར་བ་ཞིག་བཙལ་ཡང་མི་རྙེད་པ་ལྟ་བུ་ལ། ཁོང་ལ་ཆབ་སྲིད་བཙོན་མའི་ཨ་ཕ་ཞེས་ཟེར་སྲོལ་བྱུང་བ་རེད།
བཀུར་འོས་མཆེད་གྲོགས་དམ་པ་ཞིག་གིས་གསུངས་དོན་ལ། བོད་ཀྱི་རྒྱལ་བོ་ཐོག་མ་གཉའ་ཁྲི་བཙན་པོ་རྒྱལ་སར་ཇི་ལྟར་འཁོད་པ་དང་འབྲེལ། རང་མི་རང་གིས་བསྔགས་པ་དང་བསྟོད་པ་དང་བཀུར་བ་སོགས་སྔ་མོ་ནས་དབུས་གཙང་བའི་ཐུགས་གཤིས་ན་མེད་པ་འདྲ་སྟེ། རང་ས་ཡལ་བར་དོར་ནས་གཞན་ལ་འགྲམ་ཆུ་ལྡང་བའི་རྙེད་དོན་ལ། ལོ་རྒྱུས་སུ་གྲགས་པའི་བོད་ཀྱི་རྒྱལ་བོ་ཐོག་མ་དེའང་མཆེད་ཁུངས་མི་གསལ་བའི་རྒྱ་གར་བ་ཞིག་ཡིན་ཤག་གི་གཉའ་ལ་ཁུར་ནས་ཁྲི་ལ་བཀོད་པར་གསལ་བ་ཨེ་བདེན།
མི་ལོ་ཉིས་སྟོང་འདས་པའི་ཡར་སྔོན་ཡར་སྔོན་ཞིག་ནས་བཟུང་དངོས་གནས་དེ་ལྟར་ཡིན་པ་བདེན་སྙམ་སྟེ། རྗེས་སུ་སྲོང་བཙན་སྒམ་པོ་དང་བློན་འཁོར་དག་གིས་རང་མི་དཔའ་བ་དང་མཛངས་པ་སོགས་དེ་དང་དེའི་མཛད་རྗེས་ལ་བྱ་དགའ་དང་ལེགས་གསོལ། དེ་ལས་ལྡོག་སྟེ་སྡར་མ་དང་ཉེས་ཅན་སོགས་ལ་དེ་དང་དེའི་མཚོན་རྟགས་དང་ཉེས་ཆད་གཅོད་པ། འདི་དག་ཁྲིམས་སུ་བཅས་པའི་ཉེར་ལེན་ལ་བརྟེན་སུམ་ཉིས་ས་ལ་དབང་བསྒྱུར་བའི་གདོང་དམར་བོད་ཅེས་གྲགས་པའང་རྒྱུ་རྐྱེན་དེ་དག་ལས་བྱུང་བ་ཡིན་པར་འདོད་ལ། རང་མི་རང་གིས་བཀུར་བའི་་སྤྱོད་བཟང་ལས་བྱུང་བ་ཤ་སྟག་ཡིན་ཤས་ཆེ།
“དཔའ་ལ་སྟག་གིས་མ་བསྟོད་ན། ། དཔའ་ངར་བྱས་པའི་རུ་མ་མེད། །
མཛངས་ལ་ཡིག་ཚང་མ་བསྟོད་ན། ། ཕྱིན་ཆད་མཛངས་ངན་ཤན་མི་ཕྱིད། །
ལེགས་ལ་བྱ་དགས་མ་བསྟོད་ན། ། སླད་ཆད་ལེགས་པར་སུ་ཡིས་བྱེད། །
སྡར་མ་ཝ་ཞུས་མ་དམད་ན། ། དཔའ་དང་སྡར་མ་ཤན་མི་ཕྱེད། །
ངན་ལ་ནན་ཏུར་མ་བྱས་ན། ། ནམ་ཡང་དྲན་ཤེས་རེམ་མི་འགྱུར། །
ཉེས་ལ་ཆད་པ་མ་བཅད་ན། ། ཕྱི་ནས་ཉེས་བྱེད་རྒྱུན་མི་ཆད། །”
འོན་ཀྱང་། གང་ཞིག་འཕེལ་འགྲིབ་ནི་རྒྱུ་རྐྱེན་སྣ་ཚོགས་འདུས་པ་ལས་བྱུང་དང་འབྱུང་བཞིན་པ་ལྟར། བོད་བཙན་པོའི་རྒྱལ་ཁབ་ཉམས་ཆགས་སུ་ཕྱིན་པ་དང་ལྷན་དུ་དབུས་གཙང་བའི་ཐུགས་གཤིས་དེའང་ལོག་ཕེབས་གནང་བ་འདྲ།
སློབ་དཔོན་ཆེན་མོ་ཟམ་གདོང་རིན་པོ་ཆེ་གཙོས་ཁམས་ཡུལ་གྱི་མཁས་པ་དང་ཆབ་སྲིད་བཙོན་མ། རྩོམ་པ་པོ་དང་མི་དམངས་དཀྱུས་མ་མང་བོ་ཞིག་གིས་བཀའ་ཟུར་འབྲོང་ཆུང་དངོས་གྲུབ་ལགས་ཀྱི་ཁ་ཞེ་གཉིས་མེད་ཀྱི་ཕྱག་ལས་དང་མི་གཤིས་ལ་སེམས་གཏིང་ནས་ཡིད་སྨོན་ཤོར་བའི་གསུང་བཤད་དང་བྲིས་རྩོམ་ཁག་མཇལ་ཀློག་གནང་ཐུབ་ན་དགེ་བ་མེད་ན་ཉེས་པ་འབྱུང་མི་སྲིད།
དེ་བཞིན་དུ། ལོ་འགའི་སྔོན་ལ་སིད་སིའི་མདོ་སྨད་མི་དམངས་ནས་མཛད་རྗེས་ཅན་ལ་བཀའ་དྲིན་མཚོན་ཕྱིར་མདོ་སྨད་གཟེངས་རྟགས་ཟེར་བ་ཞིག་གནང་སྲོལ་བྱུང་། སྐུའི་གཅེན་པོ་རྒྱལ་ལོ་དོན་གྲུབ། སློབ་དཔོན་ཆེན་མོ་ཟམ་གདོང་རིན་པོ་ཆེ། བཀའ་ཟུར་འབྲོང་ཆུང་དངོས་གྲུབ་ལགས་བཅས་ལ་ཕུལ་ཟིན་འདུག རང་མི་རང་གིས་བཀུར་བའི་བཟང་པོ་སྤྱོད་པ་དེ་དང་དེ་སོགས་དངོས་གནས་བསྔགས་པར་འོས་པ་ཞིག་རེད་འདུགའདི་ནི་མིག་དཔེར་འོས་པའི་དགོངས་འཆར་བླ་ན་མེད་པ་ཞིག་རེད།
དྲང་མོར་ཞུས་ན། ང་ཚོར་སྲིད་སྐྱོང་དུ་འོས་པ་འདྲ་འདྲའི་ནང་ནས་མི་འདྲ་བ་ཁག་ཅིག་ཡོད། གཅིག་ལས་གཅིག་ཡག་གང་འདེམས་ཚོད་མི་ཐིག་པ་ལྟ་བུ་ཡོང་གི་འདུག བསམ་གྱིན་བསམ་གྱིན་དུས་ལ་བབས་པའི་སྲིད་སྐྱོང་དེ་བཀའ་ཟུར་འབྲོང་ཆུང་དངོས་གྲུབ་ལགས་རེད་འདོད།གཡག་ཞར་གྱིས་རྩྭ་ཟོས་པ་དང་འདྲ་བའི་རྟུལ་ཞུགས་འཛིན་པ་དེ་དག་ལ་གོ་བརྡ་འཕྲོད་ཨེ་ཡོང་སྙམ་པའི་རེ་བ་མེད། འོན་ཀྱང་། ཤེས་རབ་ཅན་གྱི་རང་རེའི་སྤུན་ཟླ་ཚོས་ངེས་པར་དུ་བསམ་གཞིག་གཏོང་དགོས་པའི་འགན་འཁྲི་ཐོལ་བ་ཞིག་ཡོད་ཅེས་ནན་སྐུལ་ཞུ་བཞིན་ཡོད།
མཁྱེན་གསལ་ལྟར། བཀའ་ཟུར་འབྲོང་ཆུང་དངོས་གྲུབ་ལགས་ལ་རྒྱབ་སྐྱོར་ཞུ་མཁན་ཕལ་མོ་ཆེ། ཧ་ཅང་ཉམ་ཆུང་ལ་བཟང་སྤྱོད་དང་ལྡན་པའི་ཐོག་རྩོམ་འབྲི་གནང་བཞིན་འདུག སྲིད་སྐྱོང་འོས་མི་གཞན་དང་གཞན་ལ་ཚད་བརྒལ་གྱི་སྐད་ཆ་དང་རྩོམ་འབྲི་ཅི་ཡང་མ་གནང་བར་བཀའ་ཟུར་འབྲོང་ཆུང་དངོས་གྲུབ་ལགས་ཁོ་ན་བརྗོད་དོན་བྱས་ནས་རྩོམ་ཡིག་འབྲི་བཞིན་ཡོད། དེ་ནི་རྒྱབ་སྐྱོར་ཞུ་ཡུལ་གྱི་དགོངས་པ་རླབས་པོ་ཆེ་དང་། རྒྱབ་སྐྱོར་ཞུ་མཁན་གྱི་བསམ་བློའི་གནས་ཚུལ་གཉིས་ཆར་བ་ཆུ་གྲོགས་སུ་སོང་བ་རེད་འདོད། གཞུང་ཞབས་ཟུར་པ་དང་ཆབ་སྲིད་བཙོན་ཟུར། དགེ་རྒན་དང་ཞིབ་འཇུག་པ། རྩོམ་པ་པོ་དང་མི་དམངས་དཀྱུས་མ་བཅས་སྣ་འཛོམས་རང་བཞིན་གྱི་རྒྱབ་སྐྱོར་བ་ཡོངས་ལ་སེམས་གཏིང་ནས་བཀའ་དྲིན་ཆེ་ཞུ།
ཞེས་དུར་བྱང་འབོད་པས་ཨོ་གླིང་ནུབ་ཕྱོགས་གྲོང་ཁྱེར་གྱི་མཚོ་འགྲམ་ནས་བྲིས་པ་དགེའོ།།
་་་་་་་་་་་་་་་ རང་མི་རང་གིས་བསྔགས་པ་དང་བསྟོད་པ་དང་བཀུར་བ་སོགས་སྔ་མོ་ནས་དབུས་གཙང་བའི་ཐུགས་གཤིས་ན་མེད་པ་འདྲ་སྟེ། ་་་་་་་་་་་་་་་ ཟེར།
བློ་སེང་གི་བྱུས་ངན་ལ་བརྟེན་ནས། ཚོགས་ཟུར་སྤེན་པ་ཚེ་རིང་ལགས། མི་དཀར་ལ་ཞྭ་ནག་གཡོག་ནས་མི་ལོ་དགུ་ཙམ་བེད་མེད་དུ་བཏང་སོང་བས། ད་ལན་སྤེན་ཚེ་མཆོག་ལ་ཉེར་གཅིག་པའི་སྲིད་སྐྱོང་གི་ལས་འགན་དེ་ངེས་པར་དུ་སྤྲད་དགོས་པ་ནི། བོད་མི་རིགས་ཡོངས་ཀྱི་ལས་འབྲས་ལ་གཏུགས་པའི་འགན་སྲུངས་ཞིག་ཏུ་གྱུར་འདུག་སྙམ་མོ།
འབྲོང་ཆུང་མཆོག་དང། རྒྱ་རི་མཆོག་རྣམ་གཉིས་ཀྱང་། གཅིག་ལས་གཅིག་ལྷག་པ་སྲིད་སྐྱོང་དུ་འོས་པོ་འདུག་ཀྱང་། ད་ལན་སྤེན་ཚེ་ལགས་ལ་རྒྱབ་སྐྱོར་མཐའ་གཅིག་ཏུ་བྱེད་འདོད་བྱུང་།
དངོས་གནས་བྱས་ན། འདིར་འབྲོང་ཆུང་ལགས་ལ་བསྟོད་དགོས་ཀྱང་། སྤེན་ཚེ་ལགས་ལ་བསྟོད་ཐལ་ཤོར་སོང་བས་། དུར་བྱང་ལགས་ལ། དགོངས་དག་ཞུའོ།།
་་་་་་་་་་་སློབ་དཔོན་ཆེན་མོ་ཟམ་གདོང་རིན་པོ་ཆེ་གཙོས་ཁམས་ཡུལ་གྱི་མཁས་པ་དང་ཆབ་སྲིད་བཙོན་མ། རྩོམ་པ་པོ་དང་མི་དམངས་དཀྱུས་མ་མང་བོ་ཞིག་གིས་བཀའ་ཟུར་འབྲོང་ཆུང་དངོས་གྲུབ་ལགས་ཀྱི་ཁ་ཞེ་གཉིས་མེད་ཀྱི་ཕྱག་ལས་དང་མི་གཤིས་ལ་སེམས་གཏིང་ནས་ཡིད་སྨོན་ཤོར་བའི་གསུང་བཤད་དང་བྲིས་རྩོམ་ཁག་མཇལ་ཀློག་གནང་ཐུབ་ན་དགེ་བ་མེད་ན་ཉེས་པ་འབྱུང་མི་སྲིད།་་་་་་་་་་་་་་
ཁམས་ཡུལ་གྱི་མཁས་པ་དང་ཆབ་བཙོན། རྩོམ་པ་པོ་ཚོས་སྐུ་ངོ་འབྲོང་ཆུང་ལ་དེ་འདྲའི་མང་པོ་ཞིག་ཡོད་པ་ཡིན་ན། ང་ཚོས་དེ་ཚོ་ཁྱབ་སྤེལ་བྱེད་པའང་གལ་ཆེན་པོ་རེད་འདུག རྩོམ་པ་པོ་ཁྱེད་རང་རྣམ་པས་དེ་ཚོ་གང་མང་སྤེལ་རོགས།
དུང་ཕྲུག་འོ་མས་གསོས་པ་དེ། །
དགྲ་ཆུ་སྲིན་སླེབས་དུས་གཏོང་རྒྱུ་ཡིན་ཟེར་བའི་
དཔེ་ལྟར་ཨོ་གླིང་ཆབ་སྲིད་བཙོན་ཟུར་རྫུན་མ་ཚོས་
དེང་སྐབས་འབྲོང་ཆུང་ལགས་སུ་དྲི་་ལན་གསོ་བའི་གོ་སྐབས་ཅུང་ཞིག་རྙེད་དེ་འབྲོང་ཆུང་ལེགས་པའི་ལེགས་རབ་དྲིལ་སྒྲོག་ཤུགས་ཆེ་བྱེད་བཞིན་འདུག ཁྱེད་ཚོ་ཨོ་གླིང་དུ་བཏང་བ་ཁོང་བཀའ་དྲིན་ཆེན་པོ་ཡིན་ནའང་བོད་ཀྱི་སྲིད་སྐྱོང་དེ་ལས་གལ་ཆེ་བས་བསམ་བློ་ངེས་པར་གཏོང་དགོས་པ་ཡིན། ཨོ་གླིང་གི་གྲྭ་ལོག་དང་། ཨ་ལོག་ཚོ་བསམ་བློ་གཏི་ཐུག་གཏོང་མི་ཉན། །
ཧཧ ཕྱོགས་གཏོགས་དང་འགོ་འདྲེན་ལ་སྐྱབས་བཅོལ་ནས་མི་མང་གི་འོས་ཤོག་ལ་རེ་བ་བཅོལ་མཁན་ཡོད་ན་རེ་སྟོང་དུ་ལྷག་རྒྱུ་ལས་གཞན་ཅང་མ་མཐོང། སྲིད་སྤྱིའི་འོས་ཤོག་དེ་རྣམ་སྤྱོད་ལྡན་པའི་ཕྱོགས་ལྷུང་མེད་པའི་ཞི་བའི་མི་མང་གི་ལག་ཏུ་ཡོད་པ་ལས་དྲ་སྟེང་དུ་ཕྱོགས་གཏོགས་འགན་ཁུར་ཚོའི་ལག་ཏུ་ནམ་ཡང་མེད་པ་ནི་མང་གཙོ་དང་དམངས་གཙོའི་ལྟ་གྲུབ་ནས་ཤེས་ཐུབ་པའོ།
གོང་དུ་མཆན་བུ་འདེབས་མཁན་ཐུན་མོང་ལ། རང་རང་གིས་འོས་མི་ལ་རྒྱབ་སྐྱོར་བྱེད་ལོས་ཆོག རྩོམ་ཡིག་འབྲི་ལོས་ཆོག འོན་ཀྱང་རྩོམ་ཡིག་བྲིས་ནས་རང་ཉིད་ཀྱི་འོས་མི་ལ་རྒྱབ་སྐྱོར་བྱེད་པ་ནི་ཤིན་ཏུ་འོས། ངས་རྩོམ་ཡིག་བྲིས་པ་གང་དུ་སྲིད་སྐྱོང་འོས་མི་གཞན་སུ་ལ་ཡང་གླེང་སློང་བྱས་མེད། དེ་ནི་རྒྱབ་སྐྱོར་ཞུ་ཡུལ་གྱི་དགོངས་གཞི་བརྩི་སྲུང་བྱས་པ་ཡིན། བོད་མི་རིགས་ཀྱི་ལས་དབང་ལ་འགན་ཁུར་བའི་ཁུལ་ཡིན་ལགས། རྩོམ་ཡིག་བཀླགས་རྗེས་དོན་ལྡན་གྱི་ལྟ་ཚུལ་ག་རེ་ཡོད་ན་གསུང་རྐྱང་གནོངས་དང་། ང་ཚོས་ལྟ་ཚུལ་བརྗེ་རེས་བྱ་ཆོག་ཨང་།
ངོ་མ་དབུས་གཙང་གི་མི་རྣམས་གཟུངས་ཤོར་ནས།་བོད་མདོ་དབུས་ཁམས་གསུམ་འགྱེལ་པ་རེད། སྔོན་མ་དབུས་གཙང་གི་མི་ཚོས་བོད་ཆེན་པོ་དེ་བསྐྲུན་པ་རེད། རྒྱལ་པོ་ཚང་མ་དབུས་གཙང་གི་མི་རེད། རྗེ་ཙོང་ཁ་པ་ཕུད། ཆོས་ལུགས་སྲོལ་གཏོད་མཁན་ཚང་མ་དབུས་གཙང་གི་མི་རེད། ལོ་ཙ་བ་ཚང་མ་དབུས་གཙང་གི་མི་རེད། རྒྱ་དང་ཧོར། སྟག་གཟིགས་ལ་དམག་འདྲེན་མཁན་ཚང་མ་དབུས་གཙང་གི་ཕོ་རྒོད་ཚོ་རེད།
ད་ལྟ་ཁམས་པའི་བླ་མ་ཁ་ཕོ་ཆེ་རྣམས་ཀྱི་མགོ་ལ་སྒོམ་བཞིན་པའི་རྟོགས་ལྡན་གྲུབ་ཐོབ་ཚང་མ་དབུས་གཙང་གི་མི་རེད། ཨ་མདོའི་མཁས་པ་མི་རེའི་མགོ་ལ་དབུས་གཙང་གི་མཁས་པ་དང་བླ་མ་རེད་སྒོམ་བཞིན་ཡོད་པ་དངོས་ཡོད་རེད། དབུས་གཙང་གི་བླ་མ་དེ་དག་མེད་ན་གསང་སྔགས་ཀྱི་རྒྱུད་པ་གང་ནས་ཡོང་། མར་པ་མེད་ན་བཀའ་བརྒྱུད་གང་ནས་ཡོང་། མཁའ་འགྲོ་ཡེ་མཚོ་དང་ཀློང་ཆེན་རབ་འབྱམས་མེད་ན་རྙིང་མ་གང་ནས་ཡོང་། ས་སྐྱ་ཀུན་དགའ་སྙིང་པོ་མེད་ན་ལམ་འབྲས་གང་ནས་ཡོང་།
ད་ཆ་དབུས་གཙང་གི་མི་རྣམས་ཉམས་ཙང་གཞན་རྣམས་སྔར་ལས་ཇེ་སྡུག་ཏུ་སོང་ནས། ནང་ཕན་ཚུན་གསོད་རེས་དང་རྒྱག་རེས། རྩ་དོན་ལས་འགལ་བའི་ལས་ཀ་ཤ་སྟག་བསྒྲུབས་ནས་ཚེ་འབུད་བཞིན་པ་དེ་ངོ་མ་སྐྱོ་སོང་།
ངས་བལྟས་ནས་ད་རེས་དབུས་གཙང་གི་ཕོ་རྒོད་གཅིག་ལ་གོ་སྐབས་སྤྲད་ནས་ང་ཚོ་བོད་ཆེན་པོའི་རྒྱུད་པ་རྣམས་སླར་གསོ་བྱེད་དགོས། ང་ཚོས་བཀུར་འོས་ཁམས་པ་བློ་བཟང་སེང་གེ། དེ་བཞིན་བཀུར་འོས་ཨ་མདོ་སྤེན་པ་ཚེ་རིང་། དེ་བཞིན་བཀུར་འོས་ཨ་ཚོགས་ཀླུ་མཁར་བྱམས། ད་དུང་བཀུར་འོས་ཉེ་འཆར་ནེའུ་ཡོག་གི་སྤྱི་བདེ་མི་སྣ་ཁམས་ཆབ་མདོ་ནས་ཡིན་པ་ངག་དབང་ག་གེ་མོ་ལ་གོ་སྐབས་སྤྲད་ཟིན། ཕན་པ་ལས་གནོད་པ་ཆེ་བ་བྱུང་སོང་།
ད་རེས་དབུས་གཙང་གི་མི་བུ་ཞིག་ལ་གོ་སྐབས་སྤྲོད་དང་། གཅིག་བྱས་ན་ཁྱད་མཚར་ཡོང་།
ཁམས་པའི་ནང་ནས་སྤྱི་དོན་ཕུགས་སུ་འཛིན་མཁན་ཟམ་གདོང་རིན་པོ་ཆེ་བྱུང་སོང་། ཨ་མདོའི་ནང་ནས་སྤྱི་དོན་ལྕི་བོར་འཁུར་མཁན་རྔ་བ་ཚེ་རྒྱམ་བྱུང་སོང་།
ཆོས་ལུགས་ཁག་གི་བླ་མའི་ནང་ནས་སྤྱི་དོན་ལྕི་བོར་འཁུར་མཁན་རྒྱལ་བ་ཀརྨ་པ་དང་ས་སྐྱ་གོང་མ་རིན་པོ་ཆེ་བྱུང་སོང་། གོང་གི་མི་རྣམས་སྲིད་སྐྱོང་ལ་འོས་ཀྱང་གནང་སྲིད་ཀྱི་མ་རེད། ད་གཞན་པ་མི་འདུག
བཀུར་འོས་སྤྱི་ཟུར་སྤེན་པ་ཚེ་རིང་ལགས་ལས་ཀའི་ཉམས་མྱོང་ལེགས་ཀྱང་ཁོང་གི་ཨ་རག་ཚད་མེད་མཆོད་རྒྱུར་ལངས་ཤོར་སྟབས། སྲིད་སྐྱོང་ལ་ཕེབས་ན། ར་གཟི་ནས་བོད་མི་ཚང་མའི་ཞབས་འདྲེན་ཞུ་བར་བྱེད། ཨ་མདོའི་ཞབས་འདྲེན་ཞུ་བར་བྱེད། ཁོང་གི་ར་གཟིའི་ཞབས་འདྲེན་དེ་ཝ་ཤིང་ཊོན་ལ་ཞུས་ནས། ཨེ་ཤ་ཡའི་རླུང་འཕྲིན་གྱི་འགོ་པ་སྐལ་ལྡན་བློ་གྲོས་དང་བོད་ཀྱི་ལས་འགུལ་ཚོགས་པའི་བུ་ཆུང་ཚེ་རིང་ལགས་ཀྱིས་བཀའ་ཤག་ལ་སྙན་སེང་ཞུས། དྲ་བཤུས་སྐུ་སྒེར་དང་ལས་ཁུངས་ཆེ་ཁག་ལ་བཏང་པ་བཀླགས་ཡོད་ཤག
ཨ་མདོ་བ་རྣམས་རང་གཅེས་རང་འགུལ་བྱས་ནས། གལ་ཏེ་ངོ་མ་ཨ་མདོ་བ་ཞིག་དགོས་ན། གཏན་གཏན་མི་གཞན་པ་ཡོད་སྲིད། ངས་བལྟས་ན། སྟག་ལྷ་བསྟན་འཛིན་དང་། ཚེ་རྒྱམ། དེ་བཞིན་བཀའ་ཟུར་བདེ་སྐྱིད་ཆོས་དབྱངས་སོགས་ཡོད། ཁམས་པ་ལ་མཚོན་ན། འཆར་འགོད་ལས་ཁུངས་ཀྱི་དཀོན་མ༷ཆོག་བརྩོན་འགྲུས། ད་ལྟ་བཞེངས་བཞིན་པའི་དབུ་དཀར་སྐལ་རྡོར་ལགས་སོགས་འདུག འོནཀྱང་སྐལ་རྡོར་ནི་བློ་སེང་གི་ལག་གཡས་པ་ཡིན་པས། ཨ་མདོ་བ་དང་དབུས་གཙང་ཚོས་ཁོང་ལ་བློ་སེང་གཉིས་པ་ཞིག་གི་གོ་སྐབས་སྤྲོད་མི་སྲིད་པས། རེ་བ་མེད།
བཙན་བྱོལ་བོད་མིའི་བཅའ་ཁྲིམས་ལ་འགན་ཁུར་ནས་ང་ཚོའི་སྲིད་སྐྱོང་འདེམས་དགོས་པ་ལས་ཆོལ་ཁ་དང་ལུང་ཚན་ལ་འགན་ཁུར་ནས་སྲིད་སྐྱོང་བསྐོ་དགོས་ན་དང་པོ་ཁྲིམས་བཟོ་སྤྱི་འཐུས་གྲོས་ཚོགས་ནས་བཅའ་ཁྲིམས་ལ་བསྐྱར་བཅོས་གནང་དགོས་པ་མ་རེད་དམ?
འབྲོང་ཆུང་ལགས་ཡག་པོ་འདུག སྤེན་ཚེ་ལགས་ལའང་སྔོན་མ་ནས་འོས་ཤོག་སྤྲད་དགོས་ཟེར་མཁན་དང་སྤྲད་ཀྱི་ཡིན་ཟེར་མཁན་ཚོས་སྤྲད་པ་རེད། མ་ཐོབ་ན་བྱེད་ཡ་ཡོད་མ་རེད་སྔོན་མ་སྤེན་ཚེ་ད་ལྟའང་སྤེན་ཚེ་རྒྱུ་མཚན་ལ་ལས་འབྲས་ཁུར་ཡོང་ན་དམངས་གཙོ་བརྒྱབ་སྐྱུར་གྱི་ཤོག་ཁག་བསྒྲིག་ཐབས་རང་རེད།
མོས་མཐུན་མེད།
འབྲོང་རྒྱལ་ལོ།
སྤེན་ཚེ་རྒྱལ་ལོ།
འབྲོང་ཆུང་རྒྱལ་ལོ།
རྒྱ་རི་རྒྱལ་ལོ།
དེ་ནས་འོས་མི་ཆང་ངེ་ཆོང་ངེ་རྒྱལ་ལོ།
རྒྱ་གུང་བྲན་ཕམ་པར་ཤོག
མཐའ་མ་བོད་རྒྱལ་བར་ཤོག །
ཀྭི་ཀྭི་བསོ་བསོ་ལྷ་རྒྱལ་ལོ།། །།
དུས་ལ་འཚམ་པའི་སྲིད་སྐྱོང་འོས་ཤོས་སྐོུ་འབྲོང་ཆུང་རེད་ཤག། སྐོུ་མཆོག་གི་ལྷག་བསམ། ཉམས་མྱོང། དྲང་ཚུགས། བོད་རྒྱ་འབྲེལ་མོལ་ཉམས་མྱོང། རྒྱ་གར་གཞུང་དང་འབྲེལ་བ།
སྐད་རིགས་ལ་ཕྱུག་པ། ལྷག་པར་དུ་༧གོང་ས་མཆོག་ལ་དད་དམ་གཡོ་བ་མེད་པ་དང་མགོན་པོ་གང་ཉིད་ཀྱི་མཚན་བསྙན་སྲུང་སྐྱོབ་ལ་ཕྱོགས་སུ་བསྒྱུར་བ་ཁོང་རེད།
Kusho Bhagdro
October 17 at 11:22 PM ·
མི་ཚེ་བོད་རྒྱལ་ཁབ་ལ་ཕུལ་བའི་རླབས་ཆེན་གྱི་དཔའ་བོ་བོད་ཀྱི་སྲིད་བློན་ཀླུ་ཁང་ཚེ་དབང་རབ་བརྟན་མཆོག་ལ་རྗེས་དྲན་ཞུ།
གུས་པའི་དེབ་ཕྲེང་བཅུ་བཞི་པ་འདི་བོད་རྒྱལ་ཁབ་ཀྱི་རླབས་ཆེན་སྲིད་བློན་བོད་རང་བཙན་གི་ཡབ་ཆེན་ཀླུ་ཁང་བ་ཚེ་དབང་རབ་བརྟན་མཆོག་ཀྱི་ལོ་རྒྱུས་ཕྱོགས་སྒྲིག་བྱེད་ཐུབ་པར་སྤོབས་བ་སྐྱེད་བཞིན་ཡོད།
བོད་ཀྱི་སྲིད་བློན་དང་དཔའ་བོ་ཀླུ་ཁང་པ་ཚེ་དབང་རབ་བརྟན་མཆོག་གིས་ཁྱིམ་ཚང་འབྱུང་ཁུངས་ནི་༧རྒྱ་དབང་སྐུ་ཕྲེང་བདུན་པ་བསྐལ་བཟང་རྒྱ་མཚོ་སྐབས་ཀྱི་གཞུང་ས་དགའ་ལྡན་ཕོ་བྲང་ཆེན་པོའི་ཞབས་འབྲིང་པའི་མི་བརྒྱུད་ཡིན་པ་དང་། སྲིད་བློན་ཀླུ་ཁང་པ་ཚེ་དབང་རབ་བརྟན་མཆོ་དགུང་ལོ་13 ནས་རྩིས་ཁང་ལས་ཁུངས་སུ་ཕྱག་ལས་ལོ་2 གནང་།
1913 ལོར་མདོ་སྤྱི་བཀའ་བློན་བླ་མ་བྱམས་པ་བསྟན་དར་གྱི་བཀའ་དྲུང་དུ་བསྐོ་བཞག་གནང་། དེའི་སྐབས་ཁྱུང་པོ་དཀར་ནག་སེར་གསུམ་དང་། དཔའ་ཤོད་ཁུལ་དུ་ཡོད་པའི་རྒྱ་དམག་རྣམས་མཐའ་སྐྲོད་བཏང་།
1938 ལོར་རྩིས་དཔོན་ལས་ཚབ་ཏུ་བསྐོ་བཞག་བྱས།
1940 ཕྱི་ཟླ་ 1 ཚེས་ 14 ཉིན་༧ རྒྱལ་བ་སྐུ་ཕྲེང་བཅུ་བཞི་པ་མཆོག་གསེར་ཁྲི་མངའ་གསོལ་ཉིན་རྩིས་དཔོན་ངོ་མའི་གསར་མཇལ་ཞུས་གནང་མཛད།
1949 ལོར་རྒྱ་དམར་བཙན་འཛུལ་བས་བོད་ལ་བཙན་འཛུལ་གྱི་ཛ་དྲག་དུས་སྐབས་སུ་༧གོང་ས་མཆོག་ནས་རྩིས་དཔོན་ཀླུ་ཁང་པ་དང་བླ་མ་བློ་བཟང་བཀྲ་ཤིས་གཉི་ཐུགས་རེ་ཆེན་པོས་སྲིད་བློན་ཏུ་བསྐོ་བཞག་བསྩལ།
1951 ལོར་རྒྱ་གཞུང་གི་སྐུ་ཚབ་ཀྲང་ཅི་ཝུའུ་དང་། ཕན་སི་ལིང་། ཝང་ཆི་མིན། ཀྲང་གོ་ཧ། ཐན་ཀོན་སན་བཅས་ཀྱི་མདུན་དུ་བཙན་ཤེད་འོག་བཞག་པའི་གྲོས་མཐུན་དོན་ཚན་བཅུ་བདུན་ངོས་ལེན་མེད་ཅེས་སྐྱོན་བརྗོད་གནང་། སྐབས་དེར་རྒྱ་དམར་གྱི་མགོ་གཙོས་བོད་དམག་རྣམས་རྒྱ་དམག་ལ་སྒྱུར་རྒྱུ་དང་། བོད་ཀྱི་རྒྱ་དར་ཕབ་ནས་རྒྱ་མིའི་རྒྱལ་དར་སྒྲེང་རྒྱུ་ཡིན་སྐོར་ཤོད་སྐབས། སྲིད་བློན་ཀླུ་ཁང་བ་མཆོག་ཁོང་ཁོང་ཁྲོའི་མེ་ལྕེ་རབ་ཏུ་འབར་ནས། ཅོག་ཙེའི་ཐོག་མུར་མཛོག་བཞུས་ཏེ་དེ་ནི་ནམ་ཡང་ཁས་ལེན་བྱེད་ཐབས་མེད་ཅེས་བཤད་པ་རེད།
ཁྱོད་ཚོས་ལན་བརྒྱ་ཐམ་པ་བཙུག་ན། བོད་མིས་ལན་བརྒྱ་ཐམ་པ་ཕབ་ཀྱི་རེད། ཅེ་གསུངས། ད་དུང་ཁོང་གིས་ཁྱོད་ཚོ་ཡོང་ཡས་ཕྱི་དྲགས་སོང་། ང་རྒས་ཡས་སྔ་དྲགས་སོང་། ཅེས་གསུངས། བོད་སྲིད་བློན་ཀླུ་ཁང་བ་ཚེ་ཚེ་དབང་རབ་བརྟན་མཆོག་བཙན་བྱོལ་ལ་ཕེབས་བྱེད་༧གོང་ས་སྐྱབས་མགོན་ཆེན་པོ་མཆོག་གི་སློབ་སྟོན་གནང་ནས་བཞུགས་ཐར་སྲིད་བློན་མཆོག་ཡིད་སྐྱོ་བའི་ངང་སྐུ་ཚེའི་འཕེན་རྫོགས།
མདོར་བསྡུས་ན། ཁོང་ནི་༧རྒྱལ་བའི་དགོངས་པ་བཞིན་བོད་དང་བོད་མིའི་རེ་བ་ཆུད་ཟོས་སུ་གཏོང་མཁན་ཞིག་མིན་པར། རླབས་ཆེན་གྱི་མཛད་རྗེས་བཞག་ཡོད། ལྷག་པར་དུ་སྲིད་བློན་མཆོག་ནི་རྒྱལ་མཆོག་སྐུ་ཕྲེང་13དང་14རྣམས་གཉིས་ལ་དབུ་འོག་དཔུང་འདེག་ཞུ་མཁན་སྲིད་བཞུ་གཡོ་ལྷད་མེད་པ་གཅིག་ཡིན་པའི།
དཔལ་ལྡན་སྲིད་སྐྱོང་ནས། སྤྱི་འཐུས་དང་། གཞུང་ཞབས་རྣམ་པས་བཙན་བྱོལ་བོད་མི་ཡོངས་གིས་ཁོང་གི་མཛད་བཟང་ལ་སློབ་སྦྱོང་གནང་དགོས།
དེ་ལྟར་མིན་པར། མཁས་དབང་མིན་པར་མཁས་དབང་དང་། དཔའ་བོ་མིན་པར་དཔའ་བོ། བཙོན་པ་མིན་པར་བཙོན་པ་ཞེས་པ་མིན་པར། མི་སྣ་ངོ་མ་འདིར་ངོ་སྤྲོད་བྱས་ཡོད།
ཆབ་སྲིད་བཙོན་ཟུར་དགའ་ལྡན་གྲྭ་བག་གྲོས།