གླིང་ཚ་ཚེ་བརྟན་རྡོ་རྗེ།
ང་རང་བལ་ཡུལ་ནས་བཙོན་གྲོལ་ཐོབ་
ནང་དུ་ལོག་རྗེས་དྲིན་ཆེན་ཕ་མ་
ཕ་མ་གཉིས་ཀྱིས་{ཁྱོད་རང་གིས་དེ་
དེ་ནས་བཟུང་ཉི་མ་འདི་དག་གི་རིང་
དྲིན་ཕ་ལོ་ནི་སྐྱེ་བ་ཕོ་ཡི་རང་
མི་རིགས་ཤིག་གི་བདེན་དོན་ཆེད་དུ
ཚུར་ལ་སྙིང་ནས་བརྩེ་བའི་མི་རི
ཁོ་རང་གིས་རང་གི་གཅེས་ཕྲུག་གཉི
དྲིན་ཕ་མ་གཉིས་ཀྱི་སེམས་སྡུག་
དེབ་རྒན་ཞིག་བྲིས་ཀྱང་མི་འཐུས་
༧།༣།༡༣ཨ་མདོའི་གྲོང་གསེབ་འདབས། ཕ་མ་གཉིས་ཀྱི་སྡོད་ཤག་གཡར་མའི་
གླིང་གི་དཔའ་བརྟུལ་ཚེ་རྡོར་གྱི་ངོ་སོ་ཡར་ལ་བསྟོད་ཅིག་
ངས་མི་ཆུ་དང་ལྷན་དུ་ཁྱེད་ཀྱིས་རྩོམ་ཡིག་འདི་བཀླགས་ཟིན། གྲོགས་མཆོག་ལགས། ད་ངས་ཁྱེད་རང་འདོད་དོན་འགྲུབ་པར་ཤོག་གཅིག་ཟེར་རྒྱུ་ལས་གང་ཡང་མི་འདུག་སེམས་ཁོངས་ནས་ཁྱེད་ལ་ཡིད་རངས་ཞུ། །
འཇིག་རྟེན་འདིར་ཨ་མ་ལས་བཀའ་དྲིན་ཅན་ཀྱི་མྱི་ཞིག་མེད་ལ། ཨ་མ་ལས་རང་ལ་ཤ་ཚ་དང་སྙིང་ཉེ་བྱེད་མཁན་ཡང་ཧ་ཅང་དཀོན་པས་ན། ཁྱོད་ཀྱི་ཨ་མས་ཁྱོད་རང་སླར་ཡང་གོམ་བགྲོད་མགོ་འཛུགས་པ་ཤེས་དུས་མིག་ཆུ་ལེ་ཤོར། བདག་གིས་ཡང་ཁྱོད་ཀྱིས་རྩོམ་འདི་ཀློག་མིག་ཆུ་ངོ་གདོང་བརླན་བཞིན་ཀློག་དགོས་བྱུང་། དུས་ནམ་ཡང་ཁྱོད་ལ་སེམས་ཁོངས་ནས་གུས་འདུད་ཞུ
ཕོ་རྒོད་ཁྱེད་ཀྱི་སེམས་ཤུགས་དང་ལ་རྒྱ་ལ་བསྟོད་བསྔགས་བྱེད་རིན་ཆོག་པ་མ་ཟད་རྒྱབ་སྐྱོར་བྱེད་རིན་ཡང་འདུག འོན་ཀྱང་། ཁྱེད་ཀྱིས་རྒྱ་དར་འཁྱེར་གི་ཡིན་ཚུལ་གྱི་བསམ་ཚུལ་དེ་ནོར་བ་མ་ཟད་བྱེད་སྟངས་དེ་ཡང་ཐོག་མ་ནས་ནོར་འཁྲུལ་ཅན་ཡིན་པ་སེམས་ནས་མ་བརྗེད་པ་གྱིས།
རྒྱ་དམར་གྱི་རྒྱ་དར་འཁྱེར་ན་ནོར་འཁྲུལ་བརྒྱད།
༡)
བོད་མིའི་མངོན་འདོད་དང་མི་མཐུན་པ་མ་ཟད་བོད་མི་ནང་ཁུལ་གྱི་ཆིག་སྒྲིལ་ལ་ཡང་ཕོ་ཕོག་འགྲོ་གཞི་ཡིན་པ།
༢)
རྒྱ་དར་འཁྱེར་བ་ནི་དབུ་མའི་ལམ་གྱི་ཐབས་ཇུས་དང་མི་རན་པ་མ་ཟད་དེར་ལྡོག་ཕྱོགས་ཀྱི་དཀའ་ངལ་འཕྲད་རྒྱུའི་ཉེན་ཁ་ཡོད་པ།
༣)
ཆེས་མཐོའི་རང་སྐྱོང་གི་དམིགས་ཚད་ནི་ཞི་བའི་འཐབ་རྩོད་ཀྱི་ཁོངས་སུ་རྒྱ་དར་འཁྱེར་རྒྱུ་དང་འབྲེལ་བ་མེད་པ།
༤)
དབུ་མའི་ལམ་ལ་ཡིད་ཆེས་རྩེ་གཅིག་ཏུ་ཡོད་པའི་བོད་མིའི་དབུ་འཁྲིད་སུ་གང་གིས་ཀྱང་ད་བར་དུ་ཞི་བའི་འཐབ་རྩོད་ཁྲོད་རྒྱ་དར་འཁྱེར་ན་ལེགས་ཚུལ་གྱི་དགོངས་གཞི་ཕྲ་མོ་ཙམ་ཡང་གནང་མྱོང་མེད་པ།
༥)
༧གོང་ས་མཆོག་དང་བོད་མིའི་སྒྲིག་འཛུགས་གཉིས་ཀྱིས་དབུ་མའི་ལམ་གྱི་ཐབས་ཇུས་བརྒྱུད་ནས་བོད་རྒྱའི་གནད་དོན་སེལ་རྒྱུར་ཐབས་ཤེས་ཡོད་རྒུ་བྱེད་ཀྱི་ཡོད་ཀྱང་། ཐབས་ཇུས་ཀྱི་ཁོངས་སུ་རྒྱ་དར་འཁྱེར་རྒྱུ་གལ་ཆེན་པོ་ཡིན་པའི་བསམ་ཚུལ་ཏིལ་འབྲུ་ཙམ་ཡང་མེད་པ།
༦)
ད་བར་གྱི་འཛམ་གླིང་དུ་བྱུང་བའི་ཞི་བའི་འཐབ་རྩོད་ཅི་འདྲ་ཞིག་ཡིན་རུང་། འཐབ་རྩོད་ཀྱི་ཆིག་སྒྲིལ་དང་ལས་འགུལ་བའི་མཉམ་ཞུགས། ཐབས་ཇུས་བཅས་གང་གི་ཁོངས་སུ་ཡང་ཁ་གཏད་དགྲ་བོའི་དར་ཆ་འཁྱེར་རྒྱུ་དེ་ལེགས་ཆ་ཞིག་ཡིན་པའི་ལྟ་ཚུལ་བྱུང་མྱོང་མེད་པར་མ་ཟད། དེ་ཡིས་ལྡོག་ཕྱོགས་ནས་ལས་འགུལ་གྱི་ཆིག་སྒྲིལ་ནུས་བ་དང་མཉམ་རུབ་ནུས་བ། ཐབས་ཇུས་ནུས་བ་གསུམ་ལ་གནོད་སྐྱོན་འབྱུང་གི་ཡོད་པ།
༧)
རྒྱ་དར་འཁྱེར་བ་དེ་དབུ་མའི་ལམ་གྱི་སྲིད་ཇུས་དང་མཐུན་པ་རེད་བསམ་པ་ནི། དབུ་མའི་ལམ་ལ་རྨོངས་བའི་དད་པ་ཙམ་ལས་དེ་ཡི་དགོངས་གཞི་དངོས་དང་དེའི་ཐབས་ཇུས་གཉིས་ཀ་རྒྱུས་མ་ལོན་པའི་ཅོལ་ཆུང་གི་བསམ་ཚུལ་ཡིན་པ།
༨)
མདོར་ན། རྒྱ་དར་འཁྱེར་བ་དེར་སེམས་ཤུགས་ལ་སྐྱོན་མེད་རུང་། ཐབས་ཇུས་དང་ལག་ལེན་གཉིས་ཀ་ནོར་འཁྲུལ་ཡིན་པ་བཅས་གླིང་ཚ་ཚང་གིས་མཁྱེན་དགོས་ཀྱི་འདུག
ལས་ཁུངས་གྲོལ་ན་བསྐྱར་དུ་ཁྱོད་ལ་སློབ་སྟོན་བྱེད།
རང་ཉིད་ཀྱིས་ཅི་ཡང་བྱེད་མི་དགོས་ལ་ཅི་ཡང་མི་འཇོན་པའི་སློབ་སྟོན་པ་དེ་འདྲ་སུ་ཞིག་གིས་དྭངས་ལེན་བྱེད་དམ།
གླིང་ཚ་ལ་བསྟོད་བསྔགས་བྱེད་འོས་ཀྱང་། དར་དམར་ཁྱེར་ན་ནམ་ཡང་ངོ་རྒོལ་དང་། དར་ཆ་དེའི་འོག་ཏུ་བོད་མི་འབུམ་ཚོ་མང་པོའི་སྲོག་འཕྲོག་ཡོད།
ཁོང་གི་གནས་སྟངས་འདི་རང་ཉིད་ལ་སྦྱར་ནས་བསམ་བློ་བཏང་ཚེ་སེམས་ཞེ་དྲག་སྐྱོ་ཀི དངོས་གནས་སྐྱོ་ཀི
ཡིན་ནའང་། རྐང་ལག་འགུལ་བསྐྱོད་མི་དགའ་བའི་མི་བུ་ལྕེ་བདེ་འགའ་རེས་ད་དུང་སློབ་གསོའི་ཚུལ་དུ་སློབ་དཔོན་ལ་ཀ་ཁའི་ངང་ཚུལ་འགྲེལ་གི དོན་ངོ་མར་སྙིང་རྗེ་རྒྱུ་འདིའི་རིགས་རེད་ཀ
རྒྱལ་དང་རྒྱལ་སྲས་དང་བྱང་ཆུབ་སེམས་དཔའ་ཞེས། །
མཚན་གྱི་སྙན་པ་ཁྱེད་ལ་མེད་ན་ཡང་། །
གཞན་དོན་འཁུར་འཁྱེར་བསམ་པའི་སེམས་མཆོག་དེ། །
བྱང་ཆུབ་སེམས་མཆོག་མིན་ན་གང་ཞིག་ཡིན། །
གཞན་གྱིས་མི་འདོད་སྨོད་བསྡིགས་གང་བྱས་ཡང་། །
ཞིབ་འཇམ་ངག་གིས་ལམ་ནས་གསལ་བཀྲོལ་གནང་། །
གནས་ལུགས་ངོ་སྤྲོད་ལྷན་དུ་ལྟ་གྲུབ་བསྩལ། །
ཁྱེད་ནི་རྣམ་དཔྱོད་ཡངས་པའི་སྐྱེས་ཆེན་ཞིག །
གཅེས་པའི་བུ་དང་ཆུང་མ་ཕ་མ་དང་། །
གྲོགས་དང་མཛའ་བཤེས་འཁོར་དང་ལོངས་སྤྱོད་སོགས། །
གང་ལ་མ་ཆགས་ཡོད་ཚད་བློས་བཏང་མཁན། །
བྱ་བཏང་མིན་པའི་སྐྱེས་བུ་ཁྱེད་མིན་སུ། །
ཁྱེད་ནི་སྐྱེ་ཤིང་སྐྱེ་བ་ཐམས་ཅད་དུ། །
འཕགས་མཆོག་ཕྱག་ན་པདྨོས་རྟག་བསྐྱངས་ནས། །
ནམ་ཡང་གཞན་དོན་ཁུར་འཁྱེའི་སེམས་མཆོག་ལས། །
སྐད་ཅིག་ཙམ་ཡང་འབྲལ་བ་མ་གྱུར་ཅིག །
གླིང་ཚ་ཚེ་བརྟན་རྡོ་རྗེ་གང་དེར་རིགས་ཀྱི་གྲ་མཐར་འཁོད་པའི་འཇམ་གཅེས་མིང་ཅན་གྱིས་གནས་མཆོག་ཝར་ཎ་ནས་བྲིས་་་་་་་་་་་་་་་་་་་་་་་་་་
གླིང་ཚང་ཚེ་རྡོ་རྗེ་རང་གི་ཕ་མ་དང་བཟའ་ཟླ་བུ་ཕྲུག་བློ་ཕམ་དང་སེམས་ངལ་བཟོས་པ་གཅིག་པོ་མིན་། བོད་ཕྱི་ནང་གཉིས་ནང་བོད་མི་མང་པོའི་སེམས་ལ་ཕོག་ཐོག་གཏང་ཡོད་། དེར་ནི་རང་གི་དགྲ་བོའི་རྒྱལ་དར་དམར་པོ་དེར་མགོ་ཡི་སྤྱི་བོ་དཕྱར་བ་དེར་རེད་།
ལས་ཀ་གཅིག་ཀྱང་མི་འཇོན་ལ་འཇོན་ཡང་ལྷག་བསམ་མེད་པ། རང་གི་ཉལ་ས་དྲོན་མོ་གཏོང་མི་འདོད་པའི་མི་ངན་ཁ་བདེ་ཁ་ཤས་ཀྱིས་སྐད་ཆ་བཤད་དུས་རྒྱ་ནག་ལ་རྩུབ་པ་བཤད་ཀྱིན་འདུག ་ཚེ་བརྟན་རྡོ་རྗེ་ཡིས་རྒྱ་ནག་གི་རྒྱལ་དར་འཕྱར་བར་སྐྱོན་ཅི་ཡོད་དམ། ༧གོང་ས་མཆོག་གིས་རྒྱ་ནག་གི་རྒྱལ་དར་དམར་པོའི་འོག་ཏུ་སྡོད་ཀི་ཡིན་གསུངས་པ་མ་རེད་དམ། ཟམ་གདོང་རིན་པོ་ཆེ་ཡིས་ཐ་ན་རྒྱ་ནག་གི་རྩ་ཁྲིམས་འོག་ཏུ་སྡོད་ཀི་ཡིན་ལབ་མ་རེད་དམ། བློ་སེང་ཡིས་རྒྱ་རིགས་སྤུན་ཟླ་ཚོ་དང་མཉམ་གནས་བྱ་གིན་ཡིན་ལབ་མ་རེད་དམ། བོད་མི་ཕལ་ཆེ་ཤོས་དབུ་མའི་ལམ་མ་རེད་དམ། དབུ་མིའི་ལམ་དུ་རྒྱ་ནག་གི་རྒྱལ་དར་མིད་གོས་པར་བོད་པའི་རྒྱ་དར་འཕྱར་ནས་སྡོད་ས་ཞིག་ཡོད་པ་རེད་དམ། མི་ཞིག་གིས་རང་གི་ཡོད་ཚད་བློས་བཏང་ནས་རང་གིས་ཡིད་ཆེས་ཡོད་པའི་ལས་ཀ་དེ་བྱེད་ན། འགྲིག་དང་མི་འགྲིག་གི་ཁ་ཕོད་བཤད་མཁན་་སྐྱག་གཟན་ཁྱོད་ཚོ་མ་རེད། རང་གི་བྲང་ཁར་ལག་བ་བཞག་ནས་བསམ་བློ་གཏོང་དང་། ཁྱོད་རང་གིས་ག་རེ་བྱེད་ཡོད་དམ། ལྷག་བསམ་དང་བློས་གཏོང་གི་ག་རེ་བྱེད་ཡོད་དམ།
བོད་་ཀྱི་བུ་གླིང་ཚ་ལགས་་་་དྲ་འབུ་འདི་ཚོས་ཅི་བཤད་ལ་ཉན་མི་རུང་་་གཙོ་བོ་༧གོང་ས་མཆོག་གི་བཀའ་དགོངས་ལྟར་འགྲོ་ད་ན་ལེགས་་་་དེ་བཞིན་ཚོགས་པ་སྐྱིད་སྡུག་སོགས་ཀྱང་དེ་བཞིན་ནོ།
གླིང་ཚ་བུ་ལྟར་བློས་བཏང་ཐུབ་པ་དཀའ།།
རྒྱ་བོད་ས་མཚམས་གོམ་བགྲོད་གནང་བ་དཀའ།།
གཟའ་ཟླ་བུ་ཕྲུག་རྒྱབ་དུ་བསྐྱུར་བ་དཀའ།།
སྤྱི་དོན་སྲོག་ལས་གཅེས་པ་དེ་བས་དཀའ།།
དྲ་འབུ་ཚོ་འུར་མ་རྒྱག གླིང་ཚ་ལགས་ནི་མི་བསམ་ཤེས་ཅན་ཞིག་ཡིན་པས་བོད་མི་མང་གི་མངོན་འདོད་དང་འགལ་བའི་ལས་ཀ་བྱེད་ཀྱི་མ་རེད། ཁྱེད་ཀྱི་སྙིང་སྟོབས་ལ་ནམ་ཡང་གུས་འདུད་ཞུ།
རྩ་བས་བོད་དོན་ཆེད་ལས་འགུལ་སུས་སྤེལ་ཡང་གུས་ཞབས་དགོས་པ་རེད། ཚེ་བསྟན་རྡོ་རྗེས་གནང་སྟངས་འདི་བོད་དོན་ལས་འགུལ་ཞིག་ཡིན་ནམ། དྲང་མོ་བཤད་ན། འདི་མི་སྒེར་གྱི་འགྲོ་སྟངས་མ་ཡིན་པའི་བོད་མི་ཡོངས་ཀྱི་མིང་ཁུར་ཡོད་པས། རྒྱ་དར་མ་ཁྱེར་རོགས་ཞེས་འབོད་སྐུལ་བྱེད་འོས་པ་མ་ཟད། ཁྱེར་མི་ཆོག་ཅེས་བཤད་རྒྱུའི་ཐོབ་ཐང་ཡོད། དེ་མིན་ཁོང་རང་སྒེར་གྱིས་གུང་ཁྲན་ཏང་ལ་བསྟོད་པ་བྱས་ཀྱང་འགྲིག་མོད། བོད་དོན་ལས་འགུལ་གྱི་མིང་ཁྱེར་ན་འགྲིག་གི་མི་འདུག དེ་བས་ཁོང་གིས་ཨ་མས་རྒྱ་དར་དེར་མ་འཕྱར་རོགས་ཞེས་འབོད་སྐུལ་གནང་སོང་། ཕ་མ་བུ་ལ་མི་བརྩེ་ནི་ཞིག་སུ་ཡོད། དངོས་གནས་ཨ་མ་རྒན་རྒོན་སྲང་མོ་སྙིང་རྗེ། ད་དུང་ཚེ་བརྟན་རྡོ་རྗེས་གཡུག་བཞག་པའི་ཁོང་གི་ཕྲུ་གུ་གཉིས་དང་ ཕྲུ་གུའི་ཨ་མ་དེ་ཚོ་༌༌༌༌༌༌༌༌༌༌༌༌༌༌དངོས་གནས་བོད་དོན་ཆེད་དུ་བློས་གཏོང་རེད་དམ།༌༌༌༌༌༌༌༌༌༌༌༌༌
གླིང་ཚ་ཚེ་བརྟན་རྡོ་རྗེ་ལགས།
ཁྱེད་གདོང་དམར་བོད་པ་ཡིན་ན། མགོ་བོ་ཡར་ལ་བཀྱགས་ནས་གངས་སེང་དཀར་མོའི་རྒྱལ་དར་དེ་འཕྱར་ཤོག ཁྱེད་ཀྱི་འཕར་རྩ་བརྒྱུད་ནས་བཞུར་བའི་ཁྲག་དྲོན་ལ་ཁྱི་སྤྱང་ཚོགས་ཀྱི་དུག་ཆུ་འདྲེས་མེད་ན། ཁྲག་མདོག་དམར་པོའི་རྒྱ་དར་དེ་གཡུག་ཤོག ཁྱེད་ཀྱིས་དམར་པོའི་རྒྱ་དར་གནམ་ལ་འཕྱར་ཐེངས་རེ་ལ། གངས་ལྗོངས་དཔའ་བོ་དཔའ་མོ་རྣམས་ཀྱིས་གཅེས་སྲོག་དམར་དར་འོག་ལ་ཤོར་བའི་རྣམ་ཤེས་ལ་སྙིང་རེ་རྗེ་ཡོང་ལ། ལུས་སྲོག་མེ་རུ་བསྒྲོན་པའི་དཔའ་བོ་དང་དཔའ་མོ་བརྒྱ་ཕྲག་དེ་དག་གི་དགོས་འདུན་དང་ཞལ་ཆིམས་ལ་རྡོག་པས་བརྫིས་ཡོང་། དཔའ་བོའི་གནམ་ཤེས་སྟོང་གིས་ཁྱེད་ལ་ཐུ་ལུད་དང་དམོད་མོ་འདེབས་ཡོང་པས་ཁྱེད་ཀྱིས་དམར་པོའི་རྒྱ་དར་དེ་མགོ་ནས་ཕབས་ནས་རྐང་འོག་ལ་རྫིས་ཤོག དེ་འདྲ་བྱུང་ན་ངས་གཞི་ནས་ཁྱེད་ལ་དཔའ་བོ་ཞེས་འབོད།
མི་སེམས་འགུག་པའི་སྒྲུང་གཏམ་སྣ་ཚོགས་བྲིས་ཀྱང་རྒྱ་དར་ཁྱེར་བའི་བག་ཉེས་ཀྱིས་ལས་འགུལ་གྱི་ནུས་བ་ལ་གནོད་སྐྱོན ཚབས ཆེན་བཟོས་བས་མ་འོངས་བའི་ལས་འགུལ་སྔར་ལྟར་མི་ཡོང་བ་སྨོན། དྲང་མོ་བཤད་ན་ཁོང་གིས་ལས་འགུལ་བའི་དམིགས་ཡུལ ཡང་དེབ་ཅིག་འབྲི་རྒྱུ་བརྗོད་བྱ་འཚོལ་བཞིན་ཡོད་པའི་སྣང་བ་གཏེར་སོང་། དེབ་ཀྱི་བརྗོད་བྱ་འཚོལ་ཡང་སྐྱོན་མེད། གཙོ་བོ་བོད་མིའི་སེམས་ཁམས་དང་ལས་འགུལ་གྱི་ཁ་ཕྱོགས་ལ་གནོད་སྐྱོན་མ་བཏང་ན་འགྲིག
༈རང་མི་རིགས་ཀྱི་བདེ་སྡུག་དང་། བདེན་དོན་ཆེད་དུ་ཡོད་ཚད་བློས་ཐོངས་བའི་གླིང་ཚ་ཚེ་བརྟན་རྡོ་རྗེ་ལགས་ལ་ཡི་རང་བསྔགས་བརྗོད་དང་བསམ་དོན་འགྲུབ་པའི་སྨོན་ལམ་ཡང་ཡང་ཞུ།།
རྒྱ་ནག་གི་དར་ཆ་འཁྱེར་མིན་ཁྱོད་རང་གིས་ཐག་གཅོད་རོགས། གནོན་ཤུགས་ལ་རྩ་བ་ཉིད་ནས་མགོ་མ་སྒུལ་ཞུ་རྒྱུ་ཡིན། ཁྱོད་རང་གིས་ག་རེ་བྱེད་ན་དབང་ཚད་རང་ལ་ཡོད་པ་མ་བརྗེད་པར་གྱིས།
གཡང་དཀར་ལུག་རྫི་་་་་ལུག་རྫི་རང་རེད་་་ད་དུང་་་་་་རིག་པའི་བུ་་་དེབ་ཀྱི་བརྗོད་བྱ་འཚོལ་གྱི་འདུག་ཟེར་་ཁྱེད་ཀྱིས་འདི་ལྟར་བློས་གཏོང་གནང་རོགས།།་་་་དངོས་གནས་སྙིང་རྗེའི་ཡུལ་རེད་ཡ་མི་བསམ་མེད་གླང་རྒན་ལྟ་བུ་ཞིག་ཨ་ཁ་ཁ་
སྙིང་སྟོབས་ཆེན་པོས་ཁྱེད་སྐྱོབས།
རྒྱུ་འབྲས་བདེན་པས་ཁྱེད་སྐྱོབས།
ཤེས་རབ་ཆེན་པོས་ཁྱེད་སྐྱོབས།
བྱམས་བརྩེ་དག་མས་ཁྱེད་སྐྱོབས།
ན་ནིང་ཁྱེད་རང་སྒེར་གྱི་ལས་འགུལ་དེ་ངས་མཐའ་གཅིག་ཏུ་རྒྱབ་སྐྱོར་བྱས་པ་ཡིན། ད་ལོར་རྡ་སའི་སྐབས་འཚོལ་བའི་མི་ངན་ཁ་ཤས་ཞིག་ནས་ཁྱེད་ཀྱི་སྲོག་བློས་གཏངས་བའི་རླབས་ཆེན་གྱི་ལས་འགུལ་འབྲི་མར་གསེར་ཞོའི་ནང་དུ་ཁྱི་བྲུན་གྱིས་སླད་ཚར་འདུག་པས་ང་ཧ་ཅང་སེམས་ཕམ་ཆེ། གང་ལྟར་ཀྱང་ཕ་བཟང་བུ་དགོས་པའི་དུས་སུ་རང་ཐག་རང་བཅད་རལ་གྲི་གནམ་གཡུགས་ལྟ་བུ། སེམས་ཤུགས་དང་ཆོད་སེམས་ལ་སྟག་མོའི་སྙིང་ལྟ་བུ། ངན་སྨྲས་དང་ལོགས་སྒྲུབས་ལ་བཟོད་པ་དམ་པའི་སྐྱེས་བུ་ལྟ་བུ་དོན་ཚན་འདི་གསུམ་ལས་མ་འགལ་བར་ཁྱེད་ཀྱི་གང་བསམ་ཐུགས་བཞེད་གེགས་མེད་ལྷུན་གྱིས་འགྲུབ་པའི་སྨོན་ལམ་ཡོད།།
ཁོང་ནི་ང་རང་ཚོའི་ཆེད་དུ་ཡོད་ཚད་བློས་
བཏང་ནས་འགྲོ་གི་ཡོད་པ་མ་བརྗེད་ཅིག
ཁྱི་སྤྱང་དག་གིས་ངུ་ཟུག་མ་རྒྱག་རོགས
གླིང་ཚ་ལགས་ཉིད་ཀྱི་སྙིང་སྟོབས་དང་ཆོད་སེམས་ལ་གོང་བཀུར་ཚད་མེད་ཞུ། སོ་སོའི་ཉིད་ཀྱི་ཕྱག་ལས་དེའི་ཕྱེད་ཀ་ཡང་ཀ་ཙམ་ཡང་སྒྲུབ་ཐུབ་ཀྱི་མེད་མོད། རེ་བ་ཆུང་ཆུང་ཞིག་ཡོད་པ་ནི་དགྲ་དར་དམར་པོ་དེ་རྩ་བ་ནས་མ་འཁྱེར་རོགས། དེ་ཁྱེད་རང་གི་བསམ་ཚུལ་ཞིག་ཡིན་མིན་ལའང་དོགས་པ་ཡོད། གལ་ཏེ་ཉིད་ཀྱི་བསམ་ཚུལ་ཡིན་ཡང་ཁྱེད་ཀྱིས་ཞིབ་འདང་མ་བརྒྱབ་པས་རྐྱེན་རེད། གསལ་བོ་བསམ་བློ་ཞིག་ཐོངས་དང་དེ་ནོར་འདུག
མི་ཞིག་གིས་ཐབས་ལམ་ཞིག་འཚོལ་དུས་བསྒྱུར་བཅོས་དང་དག་སྒྲིག་མེད་པ་ཞིག་གང་དུ་ཡོད། དེ་བཞིན་དུ་ནོར་འཁྲུལ་མེད་མཁན་ཞིག་ཀྱང་ཡོད་པ་མ་རེད། ནོར་ན་ནོར་བ་རེད། ཐེངས་གཅིག་རེད། བསྒྱུར་བཅོས་དང་དག་སྒྲིག་ཐེངས་གཅིག་རེད། ཁྱེད་ལ་འཇིགས་སྐུལ་དང་། བསྙོན་འཛུགས། འཕྱ་སྨོད་ཅི་འདྲ་ཞིག་བྱས་ཀྱང་དེ་དག་གིས་ཁྱེད་ལ་སྒྱུར་བཅོས་བཏང་བ་མ་རེད། དགྲ་དར་ཁྱེར་ན་ཁྱེད་ཀྱི་བློས་བཏང་གི་རིན་ཐང་ཉམས་འགྲོ་གི་འདུག དེ་ཁྲེལ་མེད་ཞིག་གི་སྐུལ་སློང་ཡིན་ཤེས་ཆེ། མི་ཁར་མ་རྒྱུགས་སོ་སོའི་ཐག་གཅོད་དང་དག་སྒྲིག་ལ་ཡིད་ཆོས་བྱས། དགྲ་དར་མ་འཁྱེར་རོགས། ཨ་མའི་བུ། ཁྱེད་རང་འཐབ་རྩོད་པ་ཡིན་པས་ཁྱེད་ཀྱི་སྐུ་ཚེ་བརྟན་དགོས་ལ། ཐབས་དང་ཤེས་རབས་ཀྱི་ཕུ་ཐག་ཀྱང་རིང་དགོས། གནོ་བསམ་་ཡངཡངཐོངས། ཁྱེད་ལ་སྨད་པ་བྱེད་མཁན་ཚོ་ཁྱེད་མིན་ལ། བསྟོད་པ་བྱེད་མཁན་མཚོ་དེ་བས་ཀྱང་ཁྱེད་མིན་པ་ཤེས་དགོས། ཨ་མས་བུ་སྟག་གསོད་མཁན་དཔའ་བོ་ཡིན་པ་ལས་སྟག་ལ་འཆའ་རུ་བཅུག་མཁན་དེ་དཔའ་བོ་མ་མེད། རྒྱུ་མཚན་ཉིད་ཀྱི་སྐུ་ཚེ་རིང་དུ་བརྟན་དགོས། ཕྱི་ཐག་རིང་དགོས། ཁྱེད་ཀྱི་ཚེ་སྲོག་ཚར་བ་བཙམ་གྱིས་ཁྱེད་ཀྱི་འཐབ་རྩོད་ལ་རྒྱལ་ཁ་ཐོབ་མེད་པ་ཤེས་དགོས། མཐའ་དོན་ང་ཚོས་བོད་བསྟན་སྲིད་མི་རིགས་ཆེད་འཐབ་རྩོད་བྱེད་རྒྱུ་དེ་འཇིག་རྟེན་འདིའི་ཐོག་བྱེད་རྒྱུ་ལས་ཕྱི་མ་ནས་བྱེད་མི་ཐུབ་པས་ཁྱེད་ངེས་པར་དུ་གསོན་དགོས། དགྲ་དར་མ་འཁྱེར། ཨ་མའི་བུ།། །།
(འོད་ཟེར་སྟོང་ལྡན་ཟེར་བས་དུས་བབ་དུ་བཏབ་པའི་མཆན་རེད)
ཚོགས་པ་ལྔའི་གསར་འགོད་གསལ་བསྒྲགས་སྤེལ་ཚུལ་གྱི་མདོ་བཞུགས་སོ།།
ཅི་སྐད་དུ་བོད་མི་རྣམས་སྐྱབས་བཅོལ་དུ་འབྱོར་ནས་ལོ་ལྔ་བཅུ་ལོན་པ་ན། འཕགས་པའི་ཡུལ་གྱི་བྱང་ཕྱོགས་རྡ་རམ་ས་ལ་ནས་༧གོང་ས་སྐྱབས་མགོན་ཆེན་པོ་དང་དབུས་བོད་མིའི་སྒྲིག་འཛུགས་ནས་གངས་ཅན་ལྗོངས་ཀྱི་བསྟན་སྲིད་ཉིན་མོ་ལྟར་བྱས་པ་དང། སློབ་དཔོན་ཟམ་གདོང་རིན་པོ་ཆེ་སོགས་བཀའ་ཡི་འཁོར་བསྒྱུར་མཁས་དབང་ཕྱོགས་དང་ཕྱོགས་སུ་གྲགས་པ་དག་གིས་དབུ་མའི་ལམ་གྱི་སྲིད་བྱུས་ལས་ལྷགས་པའི་བོད་མི་རིགས་ཀྱི་ཆིག་སྒྲིལ་དང་འཚོ་གནས་འཆའ་ཐབས་ཀྱི་མདུན་ལམ་མེད་པར་མ་འོངས་མངོན་གཟིགས་དང་གནས་ལུགས་ཞིབ་ཚགས་འདོམས་པ་ལ། བཙན་བྱོལ་མི་མང་བརྒྱ་ཆ་དགུ་བཅུ་གོ་དགུས་ཤེས་ནས་དགའ་བཞིན་སྤྲོ་བཞིན་མོས་གུས་ཆེན་པོས་མང་གཙོའི་ཕྱག་རིང་གནམ་དུ་བརྐྱངས་ནས་རྒྱབ་སྐྱོར་བྱས། འཇག་རྟེན་ལྷ་མི་ཡོངས་ཀྱིས་ནུས་ཤུགས་སྒྲིལ་སྟེ་རང་སྐྱོང་འཐབ་རྩོད་བཞིན་པའི་སྐབས་དེ་ཤེད་ཅིག་ཏུ།
གནའ་ནས་བཟུང་དབྱིན་ཇི་བའི་རང་བཙན་ཕྱོགས་ཁག་དང་ངན་འབྲེལ་བྱས་ཏེ་ཁོང་ཚོའི་ལག་གཡོག་ཏུ་གྱུར་བ། ལྟོ་གོས་གཏམ་གསུམ་ལ་སྒྲོ་ལོར་གྱིས་ཁེ་ཕན་ཆར་ལྟར་འབབ་བཞིན་པའི་འཇམ་དབྱངས་ནོར་བུ་ཞེས། བོད་ཡིག་མི་ཤེས་ཤིང། སྐྱེད་དམན་མགོ་སེར་ཡིན་པ་དེའི་ལོག་པའི་སྨོན་ལམ་གྱི་འོག་ཏུ། ལྟོས་ངན་ཐམས་ཅད་ཀྱི་རང་གཟུགས་དམར་རྗེན་ཐོན་པ་ལྷ་བཟང་ཚེ་རིང་དང། གར་འགྲོ་འདིར་འགྲོ་བདག་མེད་དུ་ལྷགས་པའི་ཀླུ་མཁར་བྱམས། མགོ་བདེ་ཕོ་དྲི་རྩ་ནས་ཡལ་བའི་སྤྲང་མདོག་ལྷན་པ་ཅན་བསྟན་འཛིན་བརྩོན་འགྲུས། སྒེར་གཅོད་རང་མཐོང་པ། གནས་ལུགས་སོར་གང་འགྲོ་ས་མེད་པ་ཐད་ཀར་བཤད་ན་གླེན་པ་གླེན་ནག་གི་ཀླད་པ་དང་མི་གཤིས་ཅན་དོན་གྲུབ་ལྷ་དར་བཅས་ཤོར་ཏེ། ༧གོང་ས་ཆེན་པོར་ཟུར་ཟའི་མཚོན་ཆ་འདེབས་ཤིང། ཀླད་སྟོང་ལག་སྟོང། ཐ་ན་བོད་ཡིག་གི་བརྡ་སྤྲོད་ཙམ་ལའང་མགོ་འཁྱོང་མིན་མི་ཤེས་ཀྱང་རྒྱ་ནག་གི་ཕྱི་ནང་གསང་གསུམ་ཤེས་མདོག་གིས་འུར་བརྒྱབས་ཏེ། བོད་རང་བཙན་མེད་ན་གནམ་འོག་འདིར་མི་འདུག་ཅེས་མིག་ཆུ་ཤམ་ཤམ་གྱིས་སྐད་གང་ཆེར་བསྒྲགས་པ་ན། དབང་རྟུལ་སྒོར་མོའི་རྗེས་འབྲངས་རྐུབ་སྟེགས་སྲུང་མཁན་ལས་རོགས་ཚོས་དེ་དེ་བཞིན་ནོ་ཞེས་ཁོང་ཚོའི་ཁ་རྒྱུགས་ཅི་ཐུབ་བྱས། དེའི་མཐུ་ལ་བརྟེན་ནས་ཚོགས་པ་ལྔ་མཉམ་དུ་བསྡུས་ནས་གསལ་བསྒྲགས་ཆེན་པོ་སྤེལ། ཡིན་ནའང་བྱ་བ་ལམ་དུ་མ་སོང་བས། མི་མང་ནང་ཚོགས་པ་ལྔ་ནི་ལྟོ་གཉེར་རྐུན་མ་ལྟ་བུའི་ཚོགས་པ་ཞིག་རེད་དོ། ཁྱེད་ཚོ་ལ་དེ་ལྟར་ཧམ་བཤད་བྱ་རྒྱུའི་དབང་ཚད་གང་ན་ཡོད། ཁྲིམས་ཁང་ནང་གཏུག་ནས་རྩིས་ཕྲར་ཞིབ་འཇུག་གིས་བཙོན་དུ་འཇུག་རྒྱུ་ཡིན་ཞེས་མི་དམངས་ཀྱིས་ངོ་རྒོལ་འབྲུག་ལྟར་བསྒྲགས། ཁྲིམས་སར་རེ་རེའི་ལག་པ་རྒྱབ་ཏུ་བཀྱུགས། རྐང་པ་ལྕགས་སྒྲོག་གིས་བསྡམས་ནས་ཁྲིམས་དཔོན་ཆེན་པོས་བཙུར་འདེད་བྱས་པ་ན། སྐབས་དེའི་ཨ་ཅག་ལྷ་མོ་ཆོས་སྒྲོན་གྱིས་གསལ་བསྒྲགས་ཀྱི་མདོ་འདི་འགྱོད་བཤགས་དང་བཅས་ཁྲིམས་དཔོན་འཁོར་དང་བཅས་པར་སྦ་གསང་གང་ཡང་མེད་ཞུས།
དེ་ཡང་འདི་ལྟར་ཞུས་ཡོད། ༄༅།། འདི་སྐད་བདག་གིས་ཤེས་པའི་དོན་རྣམས་ཁྲིམས་དཔོན་ཆེན་པོར་གསོལ་བ་ལ། རྒྱ་ནག་ཕར་ཞོག དབུ་མའི་ལམ་དང་དེའི་ལས་འགུལ་བ་ཚོར་རྟག་ཏུ་ཁ་གཏད་གཅོག་པའི་འཇམ་ནོར་གྱི་ཐུགས་སྲས་དོན་གྲུབ་ལྷ་དར་དང་ཀླུ་མཁར་བྱམས་ཀྱིས་མྱུར་ཏུ་འདུས་ཤིག་ཅེས་བཀའ་ཐོན་པ་དང། དེར་ཚང་བར་འདུས་པ་ན་གླིང་ཚ་རྡུང་བྱེད་ཀྱི་གསལ་བསྒྲགས་ཟིན་བྲིས་ཤིག་གནང་བྱུང། ཟིན་བྲིས་དེར་མགོ་ནས་མཇུག་བར་བཀླགས་རྗེས་རང་བཙན་སློབ་ཕྲུག་ཚོགས་པས་དགག་པ་རྒྱབ། སུས་སྐད་བཏང་ན་འགྲོ་ཆོག་ཆོག་གི་བཤང་བཙོང་ལྷན་ཁང་བུད་མེད་ཚོགས་པའི་རྒྱུན་ལས་གསར་པ་ངས་ཀྱང་མི་སྒེར་གྱི་མིང་མ་འདོན་ཞེས་ངུས་ནས་བཤད། སྐབས་དེར་འཇིག་རྟེན་ཆབ་སྲིད་ཀྱི་བདག་པོ་ང་ཡིན་པ་ལྟ་བུར་རློམ་པའི་ཀླུ་མཁར་བྱམས་ཀྱིས་ཨ་ར་ནག་པོ་ལག་པས་བྱིལ་བྱིལ་ཙམ་བྱས་ཏེ། ཁྱེད་ཚོས་རྒྱ་གུང་བྲན་གྱི་ཁ་སང་དེ་རིང་གི་ཚོགས་འདུར་བལྟས་པ་ཡིན་ནམ། དེ་བལྟས་མེད་ན་ང་ཚོ་བལྟས་ཟིན་པ་ཚོའི་ཁ་ལ་ཉན་ན་རྒྱའི་མགོ་བསྐོར་འོག་ཚུད་ཀྱི་མ་རེད། ཞིས་ཆིན་ཕིན་ནི་ཧུའུ་ཅིན་ཐོའི་ཐུགས་སྲས་ངོ་མ་དེ་རེད། ད་རེ་བ་ཞིག་གང་ན་ཡོད་ཞེས་ཕེབས་པ་ན། གླེན་ནག་ཨུ་ཚུགས་ཅན་དོན་གྲུབ་ལྷ་དར་གྱིས་ཀྱང་་་འདང་དགོང་བོད་ནས་མཁས་པ་ཞིག་གིས་ཁ་པར་ཞིག་འབྱོར་ཏེ། ད་གསུམ་དུས་སྐབས་དྲག་པོའི་རྣམ་འགྱུར་ཅུང་ཙམ་མ་བསྟན་ན་ཡོང་གི་མ་རེད་ཟེར་གྱི་འདུག་ཅེས་་་གཅིག་རྗེས་གཉིས་མཐུད་ཀྱིས་རྫུན་གྱི་འཁོར་ལོ་བར་མེད་དུ་བསྐོར་བ་ན།
སློབ་གྲྭ་ཐོན་མ་ཐག་པའི་རྒྱལ་ཡོངས་མང་གཙོ་ཚོགས་པའི་ཚོགས་གཙོ་ཕོ་གསར་བསྟན་འཛིན་དང། ལྷ་སྒྲོན་དང་བསྟན་རྡོར་གྱི་ཞབས་ལ་མགོ་བོས་གཏུགས་ཏེ་སྒྲོ་ལོར་ཆར་བཞིན་འབབས་ས་རྡོ་རྗེ་ཚེ་བརྟན། ཤི་ལོང་གི་སྒོག་བཙོང་མ་གུས་མོ་ས་གནས་འཐུས་མི་ནས་བཤང་བཙོང་ལྷན་ཁང་གི་དྲུང་ཆེར་བསྐོས་པ་བདག་མིང་ལྷ་མོ་ཆོས་སྒྲོན་ཞེས་བགྱི་བ་གསུམ་ནས་ལགས་གཉིས་ཐལ་མོ་སྦྱར་ཏེ། དུས་མཐའི་སློབ་དཔོན་ཆེན་པོ་སྨྲ་ར་ཅན་ཀླུ་མཁར་བྱམས་ལགས་དང་མིག་གིས་སྣ་རྩེར་ལས་མི་མཐོང་བའི་ཚོགས་གཞོན་དོན་གྲུབ་ལྷ་དར་གཉིས་ཀྱི་གསུངས་པ་མངོན་པར་བསྟོད་དོ། ཡིན་ནའང། མི་སྒེར་གྱི་མིང་མ་འབོད་མ་གཏོགས་མ་འོངས་པ་ང་ཚོ་ལས་མེད་ཆགས་རྒྱུ་ཡིན་པ་ཏན་ཏན་རེད་ཅེས་ཞུས་པ་ན། ཡང་མཁས་མདོག་ཟོལ་བརྫུ་སྨྲ་ར་ཅན་གྱིས་ལག་གཡས་ཀྱི་མཛུབ་མོས་མིག་ཤེལ་གདོང་ལ་ཐེངས་གཅིག་གཏད་དེ། རེད་རེད་རེད། དེ་བསུབ་ཆོག འོན་ཀྱང་བསུབ་དགོས་པའི་རྒྱུ་མཚན་བཟའ་ཚང་དང། དགའ་རོགས། གྲོགས་པོ་ཚོར་རྩ་བ་ནས་བཤད་རྒྱུ་མེད། ཆང་འཐུང་སྐབས་ཀྱང་རྩ་བ་ནས་བཤད་རྒྱུ་མེད། བཤད་པ་ཡིན་ན། ཟམ་གདོང་སོགས་ཀྱིས་རྡ་ས་ནས་འཛུལ་ས་མེད་པ་ཞིག་བཟོ་ཐག་ཆོད་བཟོ་ཡི་རེད་ཅེས་རྟིང་ནོན་གྱི་ཚུལ་དུ་བཀའ་ཕེབས། གླེན་ནངག་དོན་ལྷས་ལག་པ་གནམ་དུ་འཕྱར་ནས་ཐལ་མོ་བརྡབས་པ་ན། ལ་ལ་ནི་ངོ་གནག་བཞིན། ལ་ལ་ནི་མིག་ནས་ཆུ་མ་ཐོན་བཞིན། མཉམ་དུ་ཐལ་མོ་སྦག་སྦག་བརྡབས་པར་གྱུར།
དེའི་ཕྱི་ཉིན་རྡ་སའི་ཉི་མ་ཐང་ལ་བབས་པའི་སྐབས་དེར། གསར་འགོད་པ་རྣམས་བྱ་རྒོད་ཤ་ལ་རོལ་བ་བཞིན་གཞོན་ལྷན་ལས་ཁུངས་སུ་བབས། བཤང་བཙོང་ལྷན་ཁང་གི་ཨ་ཅག་སྒྲོལ་མའི་གདོང་ལུགས་ནས་ཡོད་པ་གསར་འགོད་པ་བློ་བཟང་དབང་རྒྱལ་གྱིས་མཐོང་བས། བློ་བཟང་དབང་རྒྱལ་ཧྲག་དིར་སེ་གད་མོ་བགད། རང་བཙན་སློབ་ཕྲུག་ཚོགས་པའི་ཚོགས་གཙོས་རང་གི་མགོ་ཅོག་ཙེ་འོག་ཏུ་མ་ཤོང་བར་མདུན་གྱི་ཀམ་པི་ཌིར་ཚུར་འཐེན་ནས་བཀབ་ནས་བསྡད།
བོད་ཀྱི་དུས་བབ་ཚང་གི་གསར་འགོད་པས། གསུམ་བཅུའི་དུས་དྲན་གཞུང་འབྲེལ་མཛད་སྒོ་རེད། གཞུང་གི་ལངས་ཕྱོགས་དབུ་མའི་ལམ་རེད། ཁྱེད་ཚོགས་པ་ལྔ་རང་བཙན་ཡིན་ལབ་ཀྱི་ཡོད་པ་རེད། སོང་ཙང་དེ་ཉིན་གྱི་མི་མང་ལས་འགུལ་ལ་ཁྱེད་ཚོར་འབྲེལ་བ་ག་རེ་འདུག་ཅེས་བཙུར་པ་ན། རིག་གཞུང་འགན་འཛིན་ཁ་མྱང་མྱང་ཙམ་བྱས་ཏེ་བཤད་རྒྱུ་མ་རྙེད་པར་སྨྲ་ར་ཅན་གྱི་གདོང་ལ་བལྟས། སྨྲ་ར་ཅན་གྱིས་ད་མ་བཤད་དུས་རྐུབ་བརྡོལ་གྱི་ཡོད་པ་ཤེས་ཏེ། སྔར་གྱི་ལམ་སྲོལ་ཙམ་རེད་ཝ། སྔར་གྱི་ལམ་སྲོལ་ཙམ་རེད་ཝ་ཞེས་ཚར་གཉིས་སྨྲས་ཏེ་སྐད་ཆ་མཚམས་ཆད།
ཨེ་ཤ་ཡའི་དབུས་གཙང་གསར་འགོད་པས། ད་ལོར་དམིགས་བསལ་ཡིན་མདོག་འདི་ག་རེ་ཡིན་ཞེས་དྲི་བ་བཏང། ཡང་སྨྲ་ར་ཅན་གྱིས་རང་བཙན་གསལ་བསྒྲགས་བསྐྱངས་ནས་ལོ ༡༠༠ འཁོར་བས་ཡིན་ཟེར། དེ་མུར་ཨ་མདོའི་གསར་འགོད་པས། རང་བཙན་གསལ་བསྒྲགས་ཡིན་མིན་རྩོད་པ་འདུག་པས་རྒྱུ་མཚན་གལ་ཆེན་གཅིག་གསུངས་དང་ཞེས་པས། རྡོ་རྗེ་ཚེ་བརྟན་གྱི་མགོ་ཅོག་ཙེ་འོག་ནས་ཡར་བཀྱགས་ཏེ་འཇམ་དབྱངས་ནོར་བུ་དང་སྣར་སྐྱིད་ངག་དབང་དོན་གྲུབ། ལྷ་སྒྲོན་དང་བསྟན་རྡོར་ཁོང་ཚོ་སྐད་ཆ་བྱུང་འདུག་ཅེས་སྨྲས། ཡང་གསར་འགོད་པ་བློ་དབང་གད་མོ་ཧྲག་དིར་སེ་ཤོར།
བོད་ཀྱི་བང་ཆེན་གྱི་གསར་འགོད་པ་ཆོས་ཉིད་ཀྱིས་གདོང་ལ་མིག་ཤེལ་ནག་པོ་ཞིག་བརྒྱབས་ཏེ། ལག་པ་ཡ་གཅིག་མདུན་དུ་བསྲིངས་ནས་་་གཞོན་ལྷན་ཚོགས་གཙོ་ཚོགས་གཞོན་དྲུང་ཆེ་གསུམ་གང་དུ་ཕེབས་ཞེས་དྲིས། རིག་གཞུང་འགན་འཛིན་གྱིས་ཚོགས་གཙོ་དང་དྲུང་ཆེ་ཕྱོགས་བསྐྱོད་ཡིན། ཚོགས་གཞོན་གྱིས་དེ་རིང་ཞོགས་པར་ཁ་པར་སླེབས་ནས་འཆམ་པ་བརྒྱབས་སོང་ཟེར། འཁྲིས་ཀྱི་ཇ་ལྡུགས་མཁན་ཡིག་སྐྱེལ་ཨ་ཅག་དེས་སྐད་ཆ་དེ་གོ་ནས། འཇིགས་མེད་ལགས། ཚོགས་གཞོན་ལས་ཁུངས་སྦུག་ན་བཞུགས་འདུག་ཅེས་ལབ། ཡང་གསར་འགོད་པ་ཚང་མ་གད་མོ་ཧྲག་དིར་སེ་བགད་ནས།། ཚང་མས་ཅི་ཡང་མི་སྨྲ་བར་རང་རང་གི་པར་ཆས་དང་ཤོག་སྨྱུག་ཁུག་མར་བཅུགས་ནས་ཕྱིར་འཁོར།།
ཤུལ་ན་མཆོད་ཁྲིའི་སྒང་གི་འབག་སྐུ་ཚོས་རྔུལ་ནག་ཕྱིས་མ་ཟད་གསུང་འབྱོན་ཏེ་རྗེས་མ་ནས་འདི་འདྲ་མེད་གདའ་ཞེས་རང་རང་སར་ཕེབས་སོང།། ཧཧཧཧཧ ཧཧཧཧཧ
སྐད་ཆ་དེ་དབུ་མ་ཚང་གི་འདྲེན་པ་ཆེན་པོ་ཤར་ཕྱོགས་ཁུག་རྟ་སོགས་ཀྱིས་ཐོས་པས། ཕྱག་གཉིས་ཁ་སྦུབས་སུ་བསྣོལ་ནས ༄༅།། འགྲོ་བའི་སྡུག་བསྔལ་མ་ལུས་པ།། དེ་ཀུན་རང་རློམ་ཆེ་བས་བྱུང།། དེས་ན་སོར་སྐྱེས་འདི་དག་ལ།། རྣམ་དཔྱོད་ཡང་དག་ཐོབ་གྱུར་ཅིག། ཅེས་སྤྱན་ནམ་མཁར་བགྲད་དེ་སྨོན་ལམ་བཏབས།
དེ་ནས་དྲ་དམངས་ཀྱི་སྡེ་ནས་གསན་པ་ན། དོལ་རྒྱལ་པ་ལ་སྤྲུལ་སྐུ་དབང་ཆེན་དང་བླ་མ་རྫུན་མ་ཧེ་རུ་ཀ་སོགས་ཀྱིས་ཀྱང་ཡར་བཤད་མར་བཤད་མི་རྣམས་ཀྱི་རྣ་བ་ནི་ལག་པ་གཉིས་ཀྱིས་འགེབས་དགོས་པའི་ཚུལ་དུ་སོང་བ་ན།
སྲིད་སྐྱོང་ནས་གསུམ་བཅུའི་དུས་དྲན་ཉིན་གཞུང་གི་ལངས་ཕྱོགས་དང་མཐུན་པའི་ལས་འགུལ་སྤེལ་རྒྱུ་ལ་འགྱུར་བ་མེད་པས་མི་མང་གིས་རང་ཚུགས་མ་ཤོར་བ་གནང་རོགས་ཞེས་གསུངས་བར་མི་མང་གིས་་་་ཆོལ་ཁ་གསུམ་ལ་རང་སྐྱོང་དགོས། རྒྱ་བོད་གཉིས་ཀ་ཁྲི་ལོར་ཤོག་ཅེས་སྐད་འབོད་བརྒྱབས་ཏེ་མཇུག་རྫོགས་པར་ཞེས་གསོལ་བ་ན།།
ཁྲིམས་དཔོན་གད་མོ་ཤོར་ནས་་་་འཛམ་གླིང་ལ་གསར་འགྱུར་གསར་བ་ཞིག་ཆགས་་་་་
སེམས་ཤུགས་ཅན་གྱི་གླིང་ཚ་ལགས། ད་ལྟའི་བར་དུ་ཁྱེད་ཀྱིས་དང་བླངས་ཀྱི་མཛད་རྗེས་མང་པོ་ལ་དགའ་ནི་བསོ་ནི་ཡིན། བཀའ་དྲིན་ཆེ། གནས་སྐབས་རིང་ལ་ཁྱེད་སྐུ་ངལ་གསོས་ནས་བཞུགས་ན་མི་ལེགས་སམ། གནའ་མིའི་གཏམ་དཔེར། ཟས་ཟ་ཚོད་ཐུག་ན་འབྱུང་བཞི་བདེ། དཔའ་འཐབ་ཚོད་ཐུག་ན་རང་སྲོག་འཚམས་ཟེར། ཐེངས་གཉིས་པར་གོམ་འགྲོར་ནུས་བ་དམིགས་བསལ་ཡོང་མི་སྲིད་པ་ཡིན། དེ་བས་ང་ཚོའི་ཐབས་ལམ་གཞན་བཙལ་ན། ཐབས་མཆོག་རེ་རྙེད་སྲིད་པ་ཡིན། ངས་ཁ་གསལ་བོར་བཤད་ཁྱེད་རང་ལྟ་བུའི་སེམས་ཤུགས་ཅན་ཞིག་བོར་སོང་ན་ང་ངོ་མ་འགྱོད་པ་ཆེན་པོ་འདུག་ལགས།
ཁྱོད་བོད་རིགས་བུ་ཕྲུག་གི་ཆེད་དུ་ནི་སྐྱེས་མི་འདུག། ཁྱོད་བོད་རིགས་ཕ་མའི་ཆེད་དུ་ནི་སྐྱེས་མི་འདུག། ཁྱོད་བོད་རིགས་སྲིང་མོའི་ཆེད་དུ་ནི་སྐྱེས་མི་འདུག། བོད་རིགས་དགྲ་སྡང་ཚོའི་ཆེད་དུ་ནི་སྐྱེས་མི་འདུག། འགན་ཆོག་པ་དེ་ཚོ་ལ་འགན་ལེན་མི་བྱེད་པར། ཨུ་ཚུགས་དང་ངོ་ཚ་ཙམ་གྱི་དོན་ལ་དེ་འདྲའི་ཁྲེལ་མེད་ཞིག་བྱེད་དོན་ཅི་ཞིག་ཡིན།
མང་པོ་ཞིག་གི་སྔུན་དྲངས་ནས་འཐབ་རྩོད་ལ་ཞུགས་པ་ནི་ཁྱེད་ཀྱི་རེ་བ་དང་པོ་དེ་རེད། དེ་འདྲ་བྱེད་མ་ཐུབ་པ་རེད། ད་ཁྱེད་ར་མ་གཅིག་པོ་འཕག་ན་འཕག་ཤེད་ཞིག་མེད་པ་གསལ་བོ་རེད། དེ་ན་ངའི་ལམ་འདི་རང་ནས་སྒྲུབ་དགོས་བ་དང་ཤི་དགོས་བ་ཞིག་ལས་ལམ་ཁ་མང་པོ་མེད་པ་ཅི་རེད།
དྲིན་ཆེན་པོ་སེམས་མེད་དེ་འདྲ་མ་བྱེད།
“གནའ་ནས་བཟུང་དབྱིན་ཇི་བའི་རང་བཙན་ཕྱོགས་ཁག་དང་ངན་འབྲེལ་བྱས་ཏེ་ཁོང་ཚོའི་ལག་གཡོག་ཏུ་གྱུར་བ།”
ཚིག་དུམ་འདི་ངས་རྒྱ་མིའི་གསར་ཤོག་དག་ལས་ཡང་ཡང་མཐོང་མྱོང་། ད་དུང་ཀྲུང་གོའི་བོད་ལྗོངས་དུས་དེའི་སྟེང་དུ་ཡང་ཚར་བརྒྱ་ཕྲག་སྟོང་ཕྲག་བརྒལ་བ་བྲིས་འདུག ཇོ་བོ་རིན་པོ་ད་ཡིན་ན་ཚར་འདུག གུ་རུ་རིན་པོ་ཆེས། མཐའ་མ་བོད་འདི་རྒྱ་ཡི་འོག་ཏུ་འགྲོ །ཞེས་པ་དེ། མཐའ་མ་རྡ་ས་རྒྱ་མིའི་འོག་ཏུ་འགྲོ །ཞེས་པར་བསྒྱུར་ན་ལེགས།
༄།།བོད་མི་རིགས་ས་ཡ་བརྒལ་བ་དམར་གསོད་བཏང་བའི་རོ་ཐོག་ཏུ་རྟ་རྒྱུགས་གཏོང་བཞིན་པའི་མདོ་ཞེས་བྱ་བ་བཞུགས་སོ།
འདི་སྐད་བདག་གི་ཐོས་པའི་དུས་གཅིག་ན་འཕགས་པའི་ཡུལ་གྱི་བྱང་ཕྱོགས་རྡ་རམ་ས་ལ་ཞེས་བྱ་བ་གནའ་སྔ་མོ་མི་བཞག་ནས་ཁྱི་ཡང་མི་འཁོར་ས་འདྲེ་ངན་གནས་བཅའ་སའི་ཁུག་འཁྱོག་དེར། བོད་དང་བོད་མི་རིགས་ཀྱི་འདི་ཕྱི་གཉིས་ཀྱི་སྐྱབས་གནས་དམ་པ་བཀྲིན་མཚུངས་ཟླ་མ་མཆིས་པ་སྐྱབས་མགོན། ༧རྒྱལ་བའི་དབང་པོ་འཁོར་མ་ལུས་ཤིང་ལུས་པ་མེད་པ་གཞུང་འབངས་འབུམ་ཕྲག་རྒལ་བ་གནས་ཚང་དྲིན་ཆེན་གྱིས་འཛམ་གླིང་ལ་སྦས་པའི་ཕྱིར་གནས་དེར་གདན་འདྲེན་ཞུས་ཏེས། ལོ་ངོ་དྲུག་བཅུ་ལྷག་ཙམ་སོང་བའི་དེ་རིང་གི་ཉིན་མོ་འཛམ་གླིང་གི་མི་སྣ་འཛོམས་ས་བཞུགས་སྒར་རྡ་རམ་ས་ལ་ཞེས་བྱ་བ། དབུས་བོད་མིའི་སྒྲིག་འཛུགས་ཀྱི་དཀྱིལ་འཁོར་ཆེན་པོ་གངས་ཅན་སྐྱིད་གཤོངས་ཞེས་བྱ་བའི་དབུས་ཀྱི་རྒྱལ་བ་བཀྲིན་གསུམ་ལྡན་༧གོང་ས་སྐྱབས་མགོན་ཆེན་མོས་གངས་ཅན་ལྗོངས་ཀྱི་བསྟན་སྲིད་མུག་ཤི་ཐེབས་གྲབས་ལས་མྱུར་སྐྱོབས་ཀྱི་ཐབས་ལམ་ལ་གཟིགས་ཏེས། ཡུལ་པེ་ཅིང་ཞེས་བྱ་བའི་ཀྲུང་ནན་ཧེའེ་ཡི་དཀྱིལ་འཁོར་ཆེན་མོར་ཞལ་གཟིགས་ནས་ཞལ་འཛུམ་པར་མཛད་དེས། བོད་གངས་ཅན་གྱི་ལྗོངས་སུ་བསྟན་སྲིད་ཉི་མ་ནུབ་ལ་ཉེ་བས་དཀྱིལ་འཁོར་གངས་ཅན་སྐྱིད་གཤོང་གི་ངོས་ནས། ཡུལ་གངས་ཅན་ལྗོངས་ཀྱི་སྔར་གྱི་བདག་དབང་ཆ་ཚང་བློས་གཏོང་མཛད་པ་ཡིན་ལ། ད་ནས་བཟུངས་ཡུལ་གངས་ཅན་ལྗོངས་ཀྱི་སྔར་གྱི་བདག་དབང་རྩོད་ཀྱི་མེད་ལ་གླེང་གི་ཡང་མིན་པས། ཡུལ་པེ་ཅིང་གི་ཀྲུང་ནན་ཧེའེ་ཡི་དཀྱིལ་འཁོར་གྱི་ཟུར་ཞིག་ཏུ་འཇོག་རྒྱུའི་རེ་སྨོན་དང་བཅས་དབུ་མའི་ས་ལམ་གྱི་རྣམ་གཞག་སྲོལ་གཏོད་པ་མཛད་དོ།
དེའི་ཚེ་དེའི་དུས་ན་ཞིང་རྡ་ས་ཞེས་བྱ་བའི་དཀྱིལ་འཁོར་གངས་ཅན་སྐྱིད་གཤོང་གི་དཀྱིལ་འཁོར་གྱི་གཙོ་བདག་ཟམ་གདོང་བླ་མ་ཞེས་བྱ་བ་དགྲ་ལ་ཁ་ཕྱོགས་དུས་ཞི་མི་ལྟར་ཆགས་འགྲོ་བ་དང་། ཁ་ནང་ལ་ཕྱོགས་དུས་སྟག་ལྟར་ཆགས་འགྲོ་བ་དེས་ཡུལ་པེ་ཅིང་གི་དཀྱིལ་འཁོར་ཀྲུང་ནན་ཧེའེ་ཡི་ཟུར་དུ་ཞུགས་རྒྱུའི་མངོན་འདོད་དཀྱིལ་འཁོར་རང་སྐྱོང་ཞེས་བྱ་བ་དེའི་འགྲེལ་བཤད་ཡིག་ཆ་ཤོག་ལྷེ་འགའ་དང་བཅས། ཕོ་ཉ་མངགས་ཏེས་ཡུལ་པེ་ཅིང་གི་ཕྱོགས་སུ་གཏོང་བར་མཛད་དོ། ཞིང་རྡ་སའི་དཀྱིལ་འཁོར་གངས་སྐྱིད་ནས་མངགས་པའི་ཕོ་ཉ་ཉན་ཐོས་ཆེན་པོ་རྒྱ་རི་ཚང་ཞེས་བྱ་བ་སྐུ་མདོག་དཀར་ལ་སྐུ་ཤ་ཅུང་རྒྱགས་པ་དང་། དགྲ་བཅོམས་པ་སྐལ་བཟང་རྒྱལ་མཚན་ཞེས་བྱ་བ་སྐུ་མདོག་ནག་ལ་ནམ་རྒྱུན་གཏམ་བཤད་དང་གསུང་བཤད་གནང་དུས་མིག་གཉིས་བཙུམས་ཏེས་ཞལ་ནས་རྒྱུན་ཆད་མེད་པ་ལུའུ་ལུའུ་གསུང་མཁན་འཁོར་དང་བཅས་པ་ཞིང་པེ་ཅིང་གི་ཕྱོགས་སུ་བཤེགས་སོ། དེའི་ཚེ་ཞིང་པེ་ཅིང་ན་དཀྱིལ་འཁོར་ཀྲུང་ནན་ཧེའེ་ཡི་དཀྱིལ་འཁོར་འོག་མ་འོག་མ་དབུས་འཐབ་ཕྱོགས་ཅིག་གྱུར་པུའུ་ཞེས་བྱ་བའི་གཙོ་འཁོར་དང་བཅས་པས་སྣེ་ལེན་ཟབ་རྒྱས་དང་གསོལ་སྟོན་ཟབ་རྒྱས་བཤམས་ཏེས་ཡར་རྒྱས་ཕྱིན་ཟིན་པའི་དག་ཞིང་ཁག་ལ་གདན་དྲངས་སོ། ཕོ་ཉ་ཉན་ཐོས་དང་དགྲ་བཅོམས་པ་འཁོར་དང་བཅས་པས་དག་ཞིང་ཁག་ལ་གཟིག་བསྐོར་བསྒྲུབས་པ་དང་། ཞིང་རྡ་ས་ནས་བསྐུར་བའི་དཀྱིལ་འཁོར་གངས་སྐྱིད་ཀྱི་མངོན་འདོད་དབུ་མའི་ས་ལམ་གྱི་རང་སྐྱོང་གི་འགྲེལ་བཤད་ཡིག་ཆ་དེ་དཀྱིལ་འཁོར་འཐབ་ཕྱོགས་གཅིག་གྱུར་པུའུ་གཙོ་འཁོར་དང་བཅས་པར་ཕུལ་བས། དཀྱིལ་འཁོར་འཐབ་ཕྱོགས་པུའུ་ཡིས་ལེགས་པར་གསན་གཟིགས་གནང་རྗེས་ངོ་བོ་བསྒྱུར་བའི་རང་བཙན་དང་། རྣམ་པ་བསྒྱུར་བའི་རང་བཙན་དང་། ཕྱེད་རང་བཙན་སོགས་ཀྱི་མཚན་ལེགས་པར་གསོལ་ཏེས་རྒྱུན་སྐྱོང་དང་མཐའ་སྐྱོང་སོགས་འགྲུབ་ཏུ་མེད་པའི་ཆ་རྐྱེན་དང་བཅས་ཞིང་རྡ་སར་ཕྱིར་སློག་བཏང་བའོ། དེའི་ཚེ་དེའི་དུས་ན་ཕོ་ཉ་ཉན་ཐོས་ཆེན་པོ་དང་དགྲ་བཅོམས་པ་གཉིས་ཀྱིས་ཀྱང་ནུབ་ཕྱོགས་ཀྱི་དག་ཞིང་ཁག་དང་ཤར་ཕྱོགས་ཀྱི་དག་ཞིང་ཁག་གི་གསར་ལམ་ཁག་ཏུ་ཞིང་པེ་ཅིང་ལ་ཡུལ་གངས་ཅན་ལྗོངས་ཀྱི་བསྟན་སྲིད་ལ་སྲིད་ཞུ་བསྒྲུབ་འདོད་མེད་ལུགས་སོགས་་ནོར་འཁྲུལ་ཡོད་ཚད་ཞིང་པེ་ཅིང་གི་ཕྱོགས་སུ་གཡུགས་ཏེས་རྐུབ་བརྡབ་བརྡབ་བཏང་ཏེས་ནུབ་ཕྱོགས་ཀྱི་དག་ཞིང་དུ་རང་གནས་སུ་གཤེགས་སོ། མ་ཟད་དེའི་ཚེ་དབུས་ཀྱི་རྒྱལ་བའི་དཀྱིལ་འཁོར་གྱི་༧རྒྱལ་བ་ཐམས་ཅད་མཁྱེན་པ་ཉིད་ཀྱིས་ཀྱང་ནུབ་ཕྱོགས་ཀྱི་གསར་ལམ་ཁག་ཏུ་དབུ་མའི་ས་ལམ་ལ་འབྲས་བུ་མ་བྱུང་ངོ་ཞེས་གསུངས་སོ།
དེའི་རྗེས་རྒྱལ་བའི་དཀྱིལ་འཁོར་གྱི་༧རྒྱལ་བ་ཐམས་ཅད་མཁྱེན་པ་ཉིད་ཀྱིས་ཀྱང་ཡུལ་གངས་ཅན་ལྗོངས་ཀྱི་བསྟན་སྲིད་གཉིས་ལས་སྲིད་ཀྱི་ཐུགས་འགན་བགྲེས་ཡོལ་ལ་ཕེབས་རྗེས་ཀྱི་དེ་རིང་གི་ཉིན་མོ་འདིར། ཞིང་རྡ་རམ་ས་ལ་ཞེས་བྱ་བར་སྐབས་འཚོལ་རིང་ལུགས་པའི་དབུ་མའི་ལས་འགུལ་ཁང་ཞེས་བྱ་བའི་དཀྱིལ་འཁོར་ནང་གི་བྱིའུ་ཆུང་གཤོག་པ་མེད་པ་དེས་གཙོས་གཤོག་མེད་ཀྱི་འདབ་ཆགས་འགས་སྐར་ལྔའི་དར་དམར་གྱིས་གཤོག་སྒྲོ་ཞིག་བཏགས་ཏེས་ཞིང་པེ་ཅིང་གི་ཕྱོགས་སུ་འཕུར་གྱི་ཡོད་ཚུལ་བཤད་དེས། ཡུལ་གངས་ཅན་ལྗོངས་ཀྱི་བསྟན་སྲིད་མི་རིགས་བཅས་པའི་དོན་དུ་རང་སྲོག་ཤོར་བའི་དཔའ་བོ་དང་དཔའ་མོ་ཚོའི་རོ་ཐོག་ཏུ་རྟ་རྒྱུགས་གཏོང་བའི་ལམ་ལུགས་ཞིག་དར་སྤེལ་གཏོང་བཞིན་པའི་སྒང་འདིར། རྒྱལ་བའི་དཀྱིལ་འཁོར་གྱི་༧རྒྱལ་བ་ཐམས་ཅད་མཁྱེན་པ་ཉིད་དང་དབུས་ཀྱི་དཀྱིལ་འཁོར་གཙོ་བདག་དང་བཅས་པ་ཅང་མི་སྨྲ་བར་ཏིང་ངེ་འཛིན་ལ་མཉམ་པར་བཞུགས་སོ།
སྐད་ཆ་དྲང་མོར་བཤད་ན་གླིང་ཚ་རང་གཅིག་པོར་གོམ་བགྲོད་ལ་སོང་ན་འདྲ་མ་སོང་ན་འདྲ་རྒྱ་བོད་རྙོག་འཛིང་སེལ་ཐབས་ལ་ཕན་དེ་ཙམ་ཡོད་པ་མ་མཐོང་། སེམས་ཤུགས་ལ་རྗེས་སུ་ཡུ་རིང་ཡོད། མྱི་གཅིག་རེ་གཉིས་རེ་གོམ་བགྲོད་ལ་འགྲོ་བ་ལས་གོང་ས་མཆོག་ནས་འགོ་བཟུང་སྐྱབས་བཅོལ་བོད་མི་ཡོད་དོ་ཅོག་བོད་ལ་ལོག་འགྲོ་བའི་གོམ་བགྲོད་ཀྱི་ལས་འགུལ་གཅིག་སྤེལ་ན་ང་ཚོ་ལ་ལྟ་རྒྱུ་ཞིག་འདུག ཁ་མིན་དོན་གྱིས་ང་ཚོ་ཚང་མས་དེ་འདྲའི་ལས་འགུལ་ཞིག་སྤེལ་བ་དང་ཕྱིར་འཐེན་བྱེད་ས་མེད་པ་ཞིག་བཟོ་ཐུབ་ན་རང་ལྟ་བུ་ལ་མཚོན་ན་བརྒྱ་ཆ་བརྒྱ་ཡོང་གི་ཡིན།
གོང་གི་ ( མཆན་ ༢༨ པ )ཆོས་འཕེལ་དར་རྒྱས་ལགས་ལ་ཞུ་རྒྱུར།
ཁྱེད་རང་གི་སྐད་ཆ་འདིས་ཁྱེད་རང་ལ་ཆབ་སྲིད་ཀྱི་གོ་རྟོགས་ཏིལ་འབྲུ་ཙམ་ཡང་མེད་པ་ཤེས་ཐུབ་པས། རྗེས་སུ་ཁ་བཙུམས་ནས་བསྡད་ན་ཡག་ཤོས་རེད།
ཤ་ཚ་བའི་གཏམ་ཡིན་པས་ཕོག་ཐུག་མི་འགྲོ་བའི་རེ་བ་ཡོད།
ས་ཡ་དྲུག་གི་བུ་ཁྱེད་རྒྱལ་ལོ་ ལས་འགུལ་ཇི་ལྟར་ཡང་རྒྱབ་སྐྱོར་སྙིང་ནས་ཡོད་
གོང་གི་ མཆན་ ༢༧པ་གསེར་འབྲུག་སྡེར་ལྔ་ཟེར་བ་འདིའང་གྲྭ་ས་ནས་ ( མདོ ) ་ཁ་འདོན་མི་བྱེད་པར་ཁྱིམ་ཚང་ནང་ལ་མདོ་གསུང་གི་ཕེབས་པར་བྲེལ་བ་ལང་གི་ཡོད་པ་འདྲ།
མི་ཞིག་དང་མི་རིགས་ཞིག་དང་སྲིད་གཞུང་ཞིག་དང་ལམ་ཞིག་ལ་རང་ཚུགས་དང་ལ་རྒྱ་དང་རྣ་ཅོག་དང་ངོ་ཚ་དང་ཁོག་དབང་དང་དམ་བཅའ་མེད་སོང་ན། དེའི་གང་ཟག་དང་སྤྱིའི་དོན་འགྲུབ་མི་ནུས་ལ་སྐབས་འགར་འགྲུབ་རུང་ངོ་ཚ་བོར་བའི་རྣམ་ཐར་ཞིག་ཡིན།
ཐབས་ཇུས་ཅན་ལགས།
མདོ་གྲྭ་ས་ཁག་ཏུ་མ་གཏོག་ཁྱིམ་ཚང་ནང་ལ་མདོ་གསུང་མི་ཆོག་པ་དང་གསུང་མི་དགོས་པའི་རྒྱུ་མཚན་ཞིག་ཨེ་ཡོད། མ་གཞི་སྟོན་པས་མདོ་གསུངས་བ་དེ་བསྟན་པ་སྤྱི་མཚན་གྱི་དབང་དུ་གསུངས་བ་རེད་མ་གཏོག་གང་ཟག་དགོས་མཚན་གྱི་དབང་དུ་གསུངས་བ་ཞིག་ཡིན་རྒྱུ་མ་རེད་པཱ། དེས་ན་ཁྱིམ་པ་ཕོ་མོ་ཡང་ནང་པ་ཡིན་རྒྱུ་རེད་ལ་ནང་པ་ཡིན་ན་མདོ་ཡིན་ཅིག་ཤེས་དགོས་པས་ཕྱིར།
གླིང་ཚ་ཚེ་རྡོར་ལགས། ངས་ཁྱེད་ལ་སྙིང་གཏམ་དུམ་བུ་ཞིག་ཞུ་འདོད་བྱུང་་་་་དེ་སྔར་རང་གིས་བློ་སྟོབས་རབ་ཏུ་བསྐྱེད་དེ་གོམ་བགྲོད་ཕྱིན་པ་དེར་འཇུག་འབྲས་ལ་རང་ཉིད་ཡུན་རིང་བཙོན་དུ་བཅུགས་ནས་བརྩེ་བའི་ཕ་མ་གཉིས་དང་གཟའ་མའི་བུ་ཕྲུག་ཚོར་སེམས་སྡུག་ཇི་ཙམ་སྤྲད་པ་དེ་ངས་བརྗོད་མི་དགོས་པར་རང་གིས་མཁྱེན་གསལ་རེད། དེ་མིན་གྱི་བོད་བསྟན་སྲིད་ལ་ཕན་པའི་འབྲས་བུ་ནི་ནམ་མཁའི་མེ་ཏོག་རང་དུ་མངོན་་་་་ད་རེས་ཡང་བསྐྱུར་ཕྱིན་པ་ཡིན་ན་འཇུག་འབྲས་ནི་གོང་དུ་ཞུས་པ་དང་ཅིས་མཚུངས་ཡིན་ལ་
ད་དུང་འཕར་མ་ཞིག་ནི་རང་གི་བརྩེ་བའི་ཕ་མ་གཉིས་ཀྱི་ཚེ་སྲོག་དེ་ཕེབས་སྐྱེལ་ཞུ་ཡང་སྲིད། དེ་དུས་འགྱོད་པ་སྐྱེས་ནའང་ཕྱིས་དྲག་པ་རེད། སོང་ཙང་ཕ་བཟང་གི་བུ། དེ་འདྲ་མ་གནང་། དངོས་གནས་མ་བྱེད། དྲིན་ཆེན་ཕ་མ་གཉིས་ཞལ་བཞུགས་པའི་དུས་ལ་
སོ་སོའི་ངོས་ནས་གང་ཡོང་ཅི་ཡོང་གིས་ཞབས་ཕྱིས་ཞུས་ན་་་་་དྲིན་ལན་འཇལ་རྒྱུའི་རེ་བ་ཞིག་ཡོ་རེད།
མ་ཟད་སོ་སོའི་གཅེས་པའི་ཕ་མ་གཉིས་དང་གཟའ་ཟླ་བུ་ཕྲུག་ཚོ་གཡུགས་ནས་ཟུར་ཞིག་ལ་བོད་དོན་སྒྲུབ་ཁུལ་བྱེད་པ་དེ་ནི་་་་་
བློ་ལ་འཐད་པོ་རང་མི་འདུག་་་་་་ཧ་ཧ་ཧ་ཅིས་བྱས་ན་ང་བློ་རྒྱ་ཆུང་྄ཆུང་རེད་དྲན་སྲིད་ཀྱི་རེད་་་་་་
ཡིན་ནའང་དོན་དངོས་ཐོག་ལ་དེ་འདྲ་བྱས་ནས་བོད་བསྟན་སྲིད་ལ་ཕན་ཐོག་ཞིག་ཡོད་ན་ནི་ཡིན་དུ་ཡིན་ངས་ཀྱང་ཁྱེད་ལ་བསྟོད་བསྔགས་བྱས་ཆོག །ཁྱེད་རང་གི་བྱ་བ་འདིས་དེ་འདྲའི་ཕན་ཐོག་མེད་པ་ནི་ཕྱིར་བལྟས་ནང་གསལ་རེད་་་་སོང་ཙང་ངས་རང་ལ་སྙིང་གཏམ་དུམ་བུ་དེ་ཞུ་པ་ཡིན།
སོ་སོའི་གཅེས་པའི་ཕ་མ་གཉིས་དང་བཟའ་ཟླ་བུ་ཕྲུག་ཚོ་གཡུགས་ནས་སྙིང་པོ་མེད་པའི་བོད་དོན་སྒྲུབ་ཁུལ་བྱེད་པ་དེ་ནི་དབང་རྩ་ལ་སྐྱོན་ཤོར་བ་རེད། ཕ་རུས་དང་མའི་སེམས། སྙིང་ལས་གཅེས་པའི་ཕྲུ་གུ་བཟའ་ཟླ་ལ་རོགས་གྱིས། བོད་དོན་སྒྲུབ་དང་བུ་རབས་རེད། དེ་མིན་བོད་པ་སྤྱིའི་བླ་བཙོང་རེད།་་་་་ད་མཚམས་ཞོགས་ནས་ཁྱིམ་དུ་ཤོགས། ད་ཆོག་ཐལ། ཡང་སྐྱར་བལ་ཡུལ་མགྲོན་ཁང་དུ་སང་མ་སོང་ཅི་ཀ་མེད་ཁི་ར། བལ་ཡུལ་ན་དེ་འདྲ་བ་མང་ནི་རེད། ད་ཡིན་ན་ཡ་འགྲོ་མ་འགྲོའི་ས་མཚམས་རེད་འདུག ཡང་སྐྱར་ལམ་ལོག་ཏུ་མ་འགྲོ་ལོ། སྙིང་ཉེ་བའི་ཚིག་ལ་སྙན་པོ་མེད་ཀྱང་་་་་་་་་ཨ་ཕྱིས་སྙིང་གཏམ་ཡིན་་་་་་་་་
མཆན་༣༡་པ་ཐབས་ཇུས་ཅན་ལ་ཞུ་རྒྱུར།
དེ་ན་ཁྱེད་དང་ཁྱེད་འདྲ་བ་དག་གིས་ཆབས་སྲིད་འགྲོ་ལུགས་ཤོད་དང་། ལྔ་དགུ་ནས་ད་བར་གཞུང་སྒེར་ཚོགས་སོགས་ཀྱི་ངོས་ནས་གོམ་བགྲོད་དང་སྐད་འབོད་རེ་རེ་མུ་མཐུད་དུ་བྱུང་ན་ཡང་རྒྱ་བོད་རྙོག་འཛིང་སེལ་བ་ཕར་ཞོག་ཛ་ཇེ་དྲག་ལ་འགྲོ་ནཞིན་ཡོད་པ་མ་རེད་དམ། སྟོད་སྨད་བར་གསུམ་ལ་མེ་ཁེར་འབར་དང་གོམ་བགྲོད་ཁེར་བྱེད། འཛམ་གླིང་གྲོང་ཁྱེར་ཁག་ལ་སྐད་ཁེར་འབོད་བྱེད་དོན་དེ་བོད་ཕྱི་ནང་གཉིས་མཉམ་འཛོམ་བྱེད་ཆེད་ཨེ་རེད་ལགས། འོན་ཀྱང་ང་ཚོའི་རྐང་པ་ཡུལ་གཞན་ཞིག་ལ་བཙུགས་ནས་སེམས་པ་བོད་གངས་ཅན་ལ་འཛིན་པ་འདིས་ད་བར་རྒྱ་བོད་རྙོག་འཛིང་སེལ་མེད་པ་ནི་ངོས་ཡོད་ཡིན་ལ་ད་དུང་འབྲས་བུ་བྱུང་རྒྱུ་ཡོད་མེད་ནི་བརྗོད་ཁག་པོ་མ་རེད་དམ།
ང་ཚོས་ཡུལ་ལུང་རེ་རེ་ནས་འབོད་སྐུར་བྱེད་སའི་རྒྱལ་སྤྱིས་རོགས་པ་ནི་དེ་ལས་མཐོང་དཀའ་བོ་མི་འདུག་གམ། ང་ཚོར་དགོས་ཡ་དེ་རྒྱལ་སྤྱིའི་དོ་སྣང་དང་ཁ་ཡོད་ལག་ཡག་ཡོད་ཀྱིས་བོད་ཕྱི་ནང་གཉིས་ཁ་འཛོམ་ཡོང་རྒྱུའི་ཐབས་ཇུས་ལ་རོགས་པ་མ་རེད་དམ།
གལ་སྲིད་བོད་པ་སྐྱབས་བཅོལ་བ་ཡོད་དོ་ཅོག་ཉིན་དེ་རེང་ནས་བོད་ལ་ལོག་འགྲོ་གི་ཡིན་ཟེར་ནས་ལམ་ལ་ཐོན་ན་འཛམ་གླིང་གསར་ལམ་ཁག་ལ་གང་ཙམ་གྱིས་བསྒྲག་རྒྱུ་རེད། དེ་ནང་བཞིན་ང་ཚོས་འཆི་གསོན་གང་ལ་ཐུག་ཡང་བོད་ལ་མ་སླེབས་པར་ཕྱི་འཁོར་མེད་པས་ལས་འགུལ་ཞིག་སྤེལ་ན་རྒྱ་གཞུང་གིས་མཐུན་ལམ་ཞིག་མི་སྤྲོད་རང་སྤྲོད་མ་རེད་དམ།
གལ་སྲིད་རྒྱ་གཞུང་གི་མཐུན་ལམ་ཞིག་མ་སྤྲད་པར་ང་ཚོ་ཚང་མ་ས་འཚམས་ནས་བཀག་འགོག་གམ་ཐ་ན་མེ་མདའ་རྒྱབ་ནས་སྡེབ་གསོད་བྱས་ན་ཡང་ང་ཚོ་ལ་འཛམ་གླིང་མིག་ངར་འབུལ་རྒྱུ་དེ་ལས་ཨ་དགོས།
མཐར་ངེད་ལྟ་བུ་ཆབས་སྲིད་མི་ཤེས་མཁན་དག་གིས་ཁྱེད་ལྟ་བུའི་ཆབས་སྲིད་འགྲོ་སྟེང་ལ་མཁས་བ་དག་ལ་ཞུ་རྒྱུ་ཞིག་ཡོད་པ་དེ་ནི་ཁ་ཚིག་སྣོན་པོས་བོད་ནང་གི་མི་ལ་འུར་མ་རྒྱག། ཁ་ཡོད་ལག་ཡོད་ཀྱི་གནས་སྟེང་བཤད་རོགས་གནང་ཟེར་བ་དེ་ཡིན།
འོད་ཟེར་སྟོང་ལྡན་གྱིས་ལོ་རྒྱུས་ལ་འཁྱོག་བྱེད་བྱས་ཚུལ་ལ་ལྟས་ན་གུང་བྲན་རང་གིས་སྒོར་མོ་མང་པོ་སྤྲད་ཡོད་ས་རེད།
ཚེ་རྡོར་ཁྱེད་ཀྱི་གོམ་བགྲོད་ལས་འགུལ་ལ་ན་ནིང་ནས་རྒྱབ་བསྐྱོར་བྱས་ཡོད་། ཡིན་ནའང་དར་དམར་འཁུར་བར་ངས་རྒྱབ་བསྐྱོར་བྱེད་ཐུབ་ཀྱི་མི་འདུག་
ཚེ་རྡོར་ལེགས། ཞུ་རྒྱུ་ཞིག་ལ་རྒྱའི་རྒྱ་དར་ཁུར་མིན་ལ་ཞུ་རྒྱུ་མེད་སྐུ་ཉིད་ཀྱིས་ཐག་གཅོད་གནང་རོགས། དེ་མིན་སྐུ་གཤེགས་ཧུའུ་ཡོ་པང་གིས་པར་གཅིག་ཁུར་ཐུབ་ན་ཡག་པོ་རེད་བསམས། ཁོང་ལྟ་བུའི་འགོ་ཁྲིད་ཅིག་གི་ལྟ་གྲུབ་འོག་བོད་རྒྱ་གཉིས་མཉམ་གནས་ཐུབ་ཀྱི་རེད་སྙམ། དེ་ཙམ་མ་ཟད་ང་ཚོས་ཁོང་བརྗེད་མེད་པ་དང་དྲན་པའི་དུས་བབ་ཞིག་གྱང་རེད། །
འོད་ཟེར་སྟོང་ལྡན་གྱིས་འཇམ་ནོར་སྐྱེས་དམན་དབྱིན་ཇི་གླིང་ཡང་གི་སྐྱེས་དམན་ནི་ཕུན་ཚོགས་བཀྲ་ཤིས་ཀྱི་བུ་མོ་རེད། མི་ཤེས་འདོད་ཨུ་ཚུགས་ཀྱིས་གཏམ་སྤེལ་བ་ནི་དྲང་མོ་མིན་པའི་དན་རྟགས་རེད། རང་བཙན་རྩོད་ན་སྒོར་མོ་འབབ་ཚུལ་གླིང་བ་ནི་བདེན་པ་མ་རེད། དེ་ལས་རང་ལྗོངས་གླེང་ན་བོད་རྒྱ་གཉིས་དང་མཐུན་པ་མ་ཟད་སུ་ལ་ཡང་དོ་ཕོགས་མི་འགྲོ་བས་སྒོར་མོ་བསམ་ན་དེ་ཡི་ལྷག་ཅིག་མེད། བདེན་གཏམ་མིན་པའི་གཏམ་ལ་ནམ་ཡང་ངོ་རྒོལ་ཡོད།
ཁྲིམས་གཏུག་བྱེད་དགོས་ས་ངོ་མ་དེ་འོད་ཟེར་སྟོང་ལྡན་གྱི་སྨྱུག་མིང་འོག་ཏུ་གབ་པའི་གང་ཟག་འདི་རེད་འདུག། ཁོས་བུད་མེ་ལྷན་ཚོགས་བཤང་བཙོང་ལྷན་ཁང་ཞེས་སྨད་ཚོང་མ་རེད་ཞེས་དམའ་འབེབས་ཚད་རྒལ་བཏང་འདུག་ལ། མ་ཟད་གང་ཟག་སྒེར་པ་ཁག་གཅིག་གི་མི་གཞི་དང་འཚོ་བ་ལ་དམའ་འབེབས་བཏང་བ་དེ་ཁྲིམས་འགལ་རེད་ལ། ནམ་རྒྱུན་དུས་བབས་ཚང་གི་མཐུག་ཕྱོགས་ཀྱི་བསམ་ཚུལ་མ་གཏོག་འགོད་ཀྱི་མེད་ཀྱང་འོད་ཟེར་སྟོང་ལྡན་རྐང་བསྐྱངས་ལག་བསྐྱངས་གཏོང་དུ་འཇུག་དགོས་དོན་ག་རེ་ཡིན་ནམ། དེས་མ་ཟད་ཁྲི་རལ་མིང་ཅན་གྱིས་གལ་ཆེ་དོན་ཆེར་རྩིས་ནས་ཁ་བརྡ་ཚང་ལ་ནང་འདྲེན་བྱེད་སྟངས་འདི་ཡག་རྟགས་ཤིག་ཁྱོན་ནས་མ་རེད།
དཔེར་ན་ལོ་ཤས་སྔོན་ཨ་རིར་གྱོན་ཆས་འཁྲབ་བསྟོན་པ་བུད་མེད་ཞིག་ལ་མི་ཞིག་གིས་སྨད་ཚོང་མ་ཞེས་བརྙས་ཚིག་བོར་བ་དང་བུད་མེད་དེས་མི་དེ་ཁྲིམས་གཏུག་བྱས་ཏེས་ཨ་སྒོར་ས་ཡ་མང་པོ་བླངས་བ་རྒྱལ་སྤྱིའི་གསར་གནས་ཁག་ཏུ་སྦིར་སྒྲགས་བྱས་སོང་། འདི་ཚོ་དྲ་རྒྱ་ཁག་གིས་སྟངས་འཛིན་ནན་མོ་བྱེད་དགོས་པ་རེད།
ཚེ་རྡོར་ལེགས། ཞུ་རྒྱུ་ཞིག་ལ་རྒྱའི་རྒྱ་དར་ཁུར་མིན་ལ་ཞུ་རྒྱུ་མེད་སྐུ་ཉིད་ཀྱིས་ཐག་གཅོད་གནང་རོགས། དེ་མིན་སྐུ་གཤེགས་ཧུའུ་ཡོ་པང་གིས་པར་གཅིག་ཁུར་ཐུབ་ན་ཡག་པོ་རེད་བསམས། ཁོང་ལྟ་བུའི་འགོ་ཁྲིད་ཅིག་གི་ལྟ་གྲུབ་འོག་བོད་རྒྱ་གཉིས་མཉམ་གནས་ཐུབ་ཀྱི་རེད་སྙམ། དེ་ཙམ་མ་ཟད་ང་ཚོས་ཁོང་བརྗེད་མེད་པ་དང་དྲན་པའི་དུས་བབ་ཞིག་གྱང་རེད། །
སེམས་འཁྲལ་མ་བྱེད། ཚེ་རྡོར་གྱིས་རྡ་ས་ནས་རྒྱ་དར་ཁྱེར་མི་ཐུབ་ཅིང་ཁྱེར་བ་ཡིན་ན་ཁོང་ལ་ཉེན་ཁ་ཡོད་པ་ཤེས་བས་ཁྱེར་མི་ཐུབ་མོད། ལམ་བར་ཞིག་ནས་རྒྱ་ནག་གི་ཕྱོགས་ནས་ཁོང་ལ་སྤྲད་པའི་ཉེན་ཁ་ཆུང་དུ་བཏང་ཆེད་སྔར་བཞིན་ཁྱེར་ནས་འགྲོ་ཤས་ཆེ།
ཚེ་རྡོར་ལེགས། ཞུ་རྒྱུ་ཞིག་ལ་རྒྱའི་རྒྱ་དར་ཁུར་མིན་ལ་ཞུ་རྒྱུ་མེད་སྐུ་ཉིད་ཀྱིས་ཐག་གཅོད་གནང་རོགས། དེ་མིན་སྐུ་གཤེགས་ཧུའུ་ཡོ་པང་གིས་པར་གཅིག་ཁུར་ཐུབ་ན་ཡག་པོ་རེད་་་་་་་ ཟེར།
བཀའ་དྲིན་ཆེ།སྤུན་ཟླ་ཚོ།