ཀླུ་སྨྱོན།
འཁྲུངས་སྐར་ཞིག་ལ།
མདང་གསུམ་ང་ཡི་རྨི་ལམ་ནང་། །
པོ་ཏ་ལ་ཡི་གསེར་ཁྲིའི་སྟེང་། །
ལོ་ངོ་དྲུག་ཅུའི་ས་རྡུལ་དག །
བདག་གིས་གཙང་མར་ཕྱིས་པ་རྨིས། །
གཟི་བརྗིད་འབར་བའི་པོ་ཏ་ལའི། །
ཚ་དྲོད་འཇགས་པའི་རྡོ་སྐས་དག །
མེ་ཏོག་དཀར་པོའི་ཆར་བ་ཡིས། །
ཡང་དང་སྐྱར་དུ་བརླན་པ་རྨིས། །
ནོར་བུ་གླིང་གའི་ཚོམས་ཆེན་དུ། །
ཁ་བཏགས་དཀར་པོའི་ལྡོག་འོད་ཀྱིས། །
སྤྲིན་པ་དག་ནི་མགོ་འཁོར་ཏེ། །
ས་ལ་བབས་པའི་སྙན་ངག་བརྩེགས། །
བར་སྐོར་ལྷ་བསང་དུ་ཞགས་ནི། །
སེམས་དང་སེམས་པའི་གསེང་འཐིབས་ཏེ། །
ཡི་གེ་དྲུག་མའི་ཟློས་བརྗོད་ཀྱི། །
དབྱངས་རྟས་ལོ་ངོ་སྟོང་ཕྲག་གྱེར། །
སྐྱིད་ཆུས་སྐྱིད་པའི་འཛུམ་དམུལ་ཞིང་། །
ལྷ་སའི་ལུང་གཞོང་ལྷོད་ཤིག་གེ །
བཙོན་ར་མེད་ཅིང་སོ་ཉུལ་མེད། །
ཉི་མའི་འོད་ཀྱི་གྲོང་ཁྱེར་ཞིག །
ལྷ་ཡུལ་ས་ལ་བབས་པ་དང་། །
མི་ཡུལ་བདེ་སྐྱིད་ལྡན་པ་ཡི། །
རྨི་ལམ་འདི་ཡིས་ཁྱེད་ཉིད་ཀྱི། །
འཁྲུངས་སྐུར་བསུ་བར་བདག་སྤྲོ་འོ། །
སྨྱོན་པ་ལ་རྨི་ལམ་ཡག་པོ་རྨིས་འདུག
མདང་ནུབ་མྱི་རྒན་འཁྲུལ་སོང་འདུག་ག
བོད་པ་ཟེར་བ་འདི་ཚང་མ་ཕྱི་ལོག་ལ་སྟོན་རྒྱུ་དགའ་པོ་ཡོད་། དད་པ་ཡོད་ན་དེ་སྟོན་དགོས་། ཡོན་ཏན་ཡོད་ན་དེ་སྟོན་དགོས་། དཔལ་འབྱོར་ཡོད་ན་དེ་སྟོན་དགོས་། སེམས་ཤུགས་ཡོད་ན་དེ་སྟོན་དགོས་། འོན་ཀྱང་ཧ་མ་གོ་རྒྱུ་དེ་ག་རེ་རེད་ཟེར་ན་དེ་ནི་ཚང་མ་ཕྱི་ལོག་ལ་སྟོན་ཚར་བའི་རྗེས་སུ་ནང་ལ་ལྷག་རྒྱུ་ཅང་མེད་པ་དེ་ཧ་གོ་གི་མ་རེད་།
ཀླུ་སྨྱོན་ལགས་ཐུགས་ཁག་མེད། སྐྲ་སེར་དང་ཡུན་རིང་གཤིབས་པ་ཡིན་ཙང་ཤན་ཞུགས་པ་རེད། I know it, I knew it ཟེར་བ་ཕལ་ཆེར་གྱི་ངག་ལ་འཇགས་ནས་ཡོད། གཏམ་སྙན་གྲགས་ལ་དགའ་ཚར་དུས་ཡོན་ཏན་ངོམ་རྒྱུ་དང་སྐྱོན་སྦས་བསྐུངས་བྱེད་རྒྱུ་སྤྱིར་སྟངས་བ་རེད། བོད་པས་ཚང་མ་ཕྱི་ལོག་ལ་སྟོན་པ་ཙམ་སྐྱོན་མིན་སྙམ། འོན་ཀྱང་གང་ཡོད་པ་དེ་ངོམས་ཚར་རྗེས་ཡིད་ཚིམ་ནས་ཞུགས་དེ་ཡར་རྒྱས་ལ་གནོད་པ་དང་། གཞན་ནས་བསྟོད་ར་བྱུང་མཚམས་བློ་ལྷོད་ལ་བབ་ནས་ཞུགས་པ་དེ་ཡར་རྒྱས་ལ་གནོད་འདུག་བསམ།
སྨྱོན་པ་སྨྱོན་པའི་ཡུལ་དུ་བཞུགས་ཏེ་སྨྱོན་རྟགས་སྟོན་ཡ་ཇེ་མང་ནས་ཇེ་མང་རེད།
༼ནང་པའི་གནས་མཆོག་རྡོ་རྗེ་གདན་པ་གནས་ཚུར་ཞེད་སྣང་ཚ་བོ་ཞིག་བྱུང་འདུག གནས་ཚུར་རྒྱུས་ལོན་བྱས་པ་ཏོག་ཙམ་མི་འདྲ་བ་རེ་གཉིས་བྱུང་འདུག་པ་ལས། འབར་རྫས་གས་གཏོར་གྱི་དོན་རྐྱེན་བྱུང་ཡོད་པ་དོན་དངོས་རེད། གནས་ཚུར་ཁ་གསལ་གོ་བྱུང་ན་མི་མཐུད་ནས་དྲ་གྲོགས་ཚོའི་སྤྱན་སྔར་འབུལ་ཡོང་།༽
འབར་རྫས་གས་གཏོར་གྱི་དོན་རྐྱེན་བྱུང་འདུག དེ་རིང་སྟེ་༢༠༡༣ ༧ ༧ གྱི་ཞོགས་པ་ཆུ་ཚོད་༥:༣༠,ཙམ་ལ་གནས་མཆོག་རྡོ་རྗེ་གདན་མཆོད་རྟེན་ནང་ལོག་ལ་འབར་རྫས་བཞི་དང་། མཆོད་རྟེན་གྱི་ཉེ་སྐོར་སྐུ་ཆེན་པོའི་འགྲམ་དུ་འབར་རྫས་གཉིས། རྡོར་གདན་གཏེར་སྒར་དགོན་པའི་གྲྭ་ཤག་གི་རྒྱག་ལོག་ལ་འབར་རྫས་གསུམ་གཡུག་འདུག་ཟེར། འོན་ཀྱང་མི་སུ་བསད་ཡོད་མེད་གསལ་པོ་མ་ཤེས་ཀྱང་མཆོད་རྟེན་ནང་ལོག་ནས་མི་ཁ་ཤས་རྐང་ལག་བཅག་ཡོད་སྐད་འདུག སྐུ་འདྲ་ལ་གང་འདྲ་བྱུང་ཡོད་མེད་གསལ་རྟོགས་མ་བྱུང་། གཏེར་སྒར་དགོན་གྱི་མི་དང་ཁང་པ་ལ་གནོད་སྐྱོན་ཞེ་དྲག་ཐེབས་ཡོད་པའི་སྐད་ཅ་མི་འདུག་ ད་ལྟ་ནི་གྷ་ཡ་གི་ཉེས་རྟོག་པ་དམག་མི་དང་ས་གནས་སོ་སོའི་ཉེས་རྟོག་པ་དང་དམག་མི་ལ་སོགས་པས་རྩད་ཞིབ་བྱེད་བཞིན་པའི་སྒང་རེད་འདུག་
ད་ནངས་སྔ་དྲོ། རྡོར་གདན་མཆོད་རྟེན་གྱི་བྱང་ཆུབ་ཤིང་རྩར་འབར་རྫས་གཉིས་བཀས་ཡོད་པ་དང་། གྲྭ་པ་གཉིས་ཀ་རྨས་སྐྱོན་བྱུང་འདུག དེ་མཚུངས་མཆོད་རྟེན་ཉེ་གྲམས་བཅས་སྡོམ་འབར་རྫས་ལྔ་ཙམ་བཀས་ཡོད་ཚུལ་གསར་འགྱུར་ཁག་གིས་བརྗོད། IB ཨྱེ་སྦི་ནས་རྡོར་གདན་དུ་འཇིགས་སྐུལ་བས་ཉེན་ཁ་ཡོད་པར་བདུན་ཕྲག་སྔོན་མ་ནས་བརྗོད་འདུག གསར་བཀོད་པ་དོན་གྲུབ་རྡོ་ཆེས་༢༠༡༣། ༧། ཚེས་༧ ལ།