ང་ཤི་མ་འདོད་པའི་དུས་ཤིག

ཁྲོ་གཏུམ།
—-སྙན་ངག་པའི་མཚན་མོར་ང་རང་གཉིད་ལས་སད་དུས་སྔ་དྲོ་རེད་མོད། འོན་ཀྱང་སེམས་སུ་སྙན་ངག་པའི་མཚན་མོ་འདུག

 
སེམས་ཆུ་སྙིང་དུ་འཁོལ་བའི་ཁ་རླངས
བྲང་རུས་བརྡར་བའི་སྣང་བ་མཐོན་པོ་དེ་དག་གི་དབུས་སུ
སེམས་ཀྱི་ཁ་དོག་ན་འོད་དུ་ཚེར་བའི་སྙིང་གསོན་པོ་ཡོད

ལུག་ཁྱུས་ཟིལ་རྩྭ་བདའ་བའི་འགྲན་རྩོད་དུ
མཁའ་དབུགས་ཀྱི་དྭངས་ཞིམ་འཐིབས་པའི་གཡས་གཡོན་ལ
མཇབ་ནས་ཐོན་ཞིང་མི་རིག་ཞྭ་ཏོ་གོན་མཁན་གྱི་གོམ་སྒྲ་འདུག

མུན་ཁུང་གི་བྱེ་བོ་འགའི་ཧབ་རྒོད
དངས་ཤིང་སྐྲག་པའི་བླ་སྲོག་ཏུ་བབས་པའི་འདར་གཡེང
སུ་ཞིག་གི་མིག་འོད་དུ་དཔར་ཡོད

སྙིང་ཉེ་བའི་སེམས་པ་དག
དཀར་དཀར་འདྲ་བའི་ཁ་དོག་དག
ཇི་ལྟར་འདི་ལྟར་མདུན་གྱི་གློ་སྙིང་ཟ་དགོས་རེད

ང་དལ་བུར་མཇབ་ན
དབུགས་རྔ་ཆད་འགྲོ་ལ
ང་ཧོབ་ཀྱིས་འདུར་ན
མི་སེམས་སྨྱོ་པའི་རལ་གྲིར་འཐམས་དགོས

ག་དུས་ཁྱོད་རང་སྐྲག་པ་ལས་ཐར་བ་རེད

༢༠༡༥།༧།༢༧ གྱི་སྔ་དྲོ།