གྲིབ་གཟུགས།
ངའི་མིང་ནི་ཚད་མའི་སྐྱེས་བུ་རྣམས་ཀྱིས་མཛད་པའི་བཀའ་མདོ་རྒྱུད་བསྟན་བཅོས་ཙམ་གྱིས་མ་ཚད་འདོན་ཆོག་ཁག་ནང་དུའང་མི་ལྟ་བསམས་ནའང་ནར་ནར་དུ་ཐོན་གྱི་འདུག དེ་དག་གི་མཚན་གཞི་ཙམ་འཇོག་ན། ཇི་ལྟར་སྔར་བཞིན་ཕྱིས་དེ་བཞིན།།འགྱུར་བ་མེད་པའི་ཆོས་ཉིད་དོ།། ཞེས་དང་། འགྱུར་མེད་དོན་དམ་བདེན་པའི་རང་བཞིན་ནི།། ཞེས་དང་། དངོས་པོའི་ཆོས་ཉིད་ལ་ནི་ནམ་ཡང་འགྱུར་བ་མེད་དོ།། ཞེས་དང་། འགྱུར་མེད་སྐུ་མདོག་གངས་ལ་ཉི་ཤར་འདྲ།། དམར་མདངས་ཅུང་ཟད་འཚེར་ལ་ཕྱག་འཚལ་བསྟོད།། ཅེས་དང་། འགྱུར་མེད་ཆོས་སྐུའི་དབྱིངས་ལ་མ་གཡོས་ཀྱང་།། ཞེས་པ་ལྟ་བུ་སོགས་བྲིས་ན་རེ་རེ་ནས་འབྲི་ཚོད་མི་འདུག་གོ། རང་རེའི་ཡང་སྲིད་ངོས་འཛིན་ལམ་ལུགས་ཏུ་སྐྱེས་བུ་གང་དེ་ལུང་གིས་ཟིན་སྟངས་ནི་ལུང་དེར་མི་དེའི་མིང་གི་ཟུར་ཙམ་སྨོས་ཡོད་པ་དེ་ག་རང་གི་གོ་གང་འཚམ་ཆོད་ཀྱི་ཡོད། དེ་ལྟར་བསམས་ན་ང་རང་ཡང་བཀའ་མདོ་རྒྱུད་བསྟན་བཅོས་དང་བཅས་པ་ནས་ལུང་དུ་བསྟན་པ་གྲངས་དུ་མི་ལང་ནའང་། ངས་དེ་ལ་ཡ་བྱེད་རྒྱུ་ཕར་ཞོག འབྲེལ་མེད་དོན་གཞན་དང་ར་མགོ་ལུག་སྦྱར་གྱི་དོན་དག་ཅིག་ཏུ་ངོས་བཟུང་བ་ཡིན།
ཡིན་ནའང་དེ་རིང་ང་རང་ངོ་མ་ལུང་གིས་ཟིན་ཡོད་པར་ངོས་ལེན་མི་བྱེད་ཐབས་མེད་བྱུང་སོང་། ལུང་དེ་ནི་གཞན་སུས་ཀྱང་གསུངས་པ་མིན་པར་ཐད་་ཀར་སངས་རྒྱས་བཅོམ་ལྡན་འདས་ཁོང་རང་གིས་གསུངས་འདུག ལུང་དེའི་དོན་དག་རེ་རེ་ལ་བསམ་དུས་ལུང་དེས་ང་རང་ཕྱི་གསལ་ནང་གསལ་གྱིས་ལུང་བསྟན་བྱས་འདུག་ལ་ཡང་སྲིད་ནང་ནས་ཀྱང་ཡང་སྲིད་ངར་ཐག་ཆོད་ཅིག་ཡིན་པར་ར་སྤྲོད་བྱས་འདུག
ཁྱེད་ཚོས་འོག་གི་ལུང་འདིས་ཁོ་བོ་ལུང་གིས་བཟུང་ཡོད་མེད་ལ་དཔྱད་པ་གཏོང་རོགས། གལ་ཏེ་ལུང་གིས་ཟིན་ཡོད་ན་ནི་ང་རང་ཡང་དཀའ་ལས་ཞེ་དྲག་རྒྱག་མི་དགོས་པར་འཚོ་བ་སྐྱེལ་ཆོག་པའི་ཡང་སྲིད་ཅིག་ཏུ་ངོས་ཟུངས་རོགས། གལ་ཏེ་ཁྱེད་ཚོས་ང་རང་ཡང་སྲིད་ཡིན་པར་ཐག་ཆོད་ཚེ་ང་ལ་མིང་གཞན་འདོགས་མི་དགོས། ཡང་སྲིད་ཀྱི་མཚན་ལ་འགྱུར་མེད་རིན་པོ་ཆེ་ཞེས་བོས་ན་ད་ག་རང་གིས་འགྲིག་ཡོད་པར་དགོངས་འཇག་འཚལ།
ལུང་ཚིག་འདི་རེད།
འདུལ་བ་ལུང་ལས།
གང་ཞིག་རབ་ཏུ་བྱུང་ཡང་ཡོན་ཏན་སྣོད་མ་གྱུར།།
སྐྲ་དང་ཁ་སྤུ་བྲེགས་ཀྱང་དགེ་སྦྱོང་ཚུལ་མ་ཞུགས།།
རང་བྱུང་དེ་ནི་རབ་བྱུང་མ་ཡིན་ཁྱིམ་པའང་མིན།།
ཆུ་མེད་ཁྲོན་པ་རི་མོའི་མར་མེ་བཞིན།།
ཞེས་གསལ་གསལ་ཐིང་ཐིང་གིས་འགྱུར་མེད་ལུང་དུ་བསྟན་ཏོ།།
གྲིབ་གཟུགས་ལགས་ཁྱེད་ཀྱི་མཚན་ནི་་་་་གྲིབ་གཟུགས་ཡིན་ཅིང་་་་འོག་གི་ལུང་རྣམས་ལས་གྲིབ་པ་དང་གཟུགས་ཞེས་གསལ་མི་འདུག་ངས་ཁྱེད་རང་ལུང་དུ་བསྟན་པའི་ཡང་སྲིད་ཀྱི་སྐྱེས་བུ་ཞིག་ཏུ་ངོས་ལེན་ཞུ་ཐུབ་ས་མ་རེད།
རེད་རེད།
ལུང་བསྟན་དེ་ཁྱོད་ལ་བཤད་ཡ་ཡིན་ས་རེད།
གཞན་པ་ཞིག་ལ་སྦྱར་ས་འགྲོ་གི་མི་འདུག
ངས་ཀྱང་ཁྱོད་དེ་འདྲ་ཞིག་རེད་བསམ་སོང་།
ཧ་ཧ་ཧ།
ཁྱེད་རང་གི་མཚན་ལ་ “་གྱུར་མེད་” ཡིན་ན་ལུང་གིས་ཟིན་འདུག “འགྱུར་མེད་” ཡིན་ན་ལུང་གཞན་པ་ཞིག་འཚོལ་རོགས།་འདིས་ཕན་ཐོགས་ས་མ་རེད།
ཁྱེད་ཚོར་གོ་ནོར་ཐེབས་པར་ཁག་མེད། བདག་གི་སྨྱུག་མིང་ལ་གྲིབ་གཟུགས་དང་། དངོས་མིང་ལ་འགྱུར་མེད་དུ་འབོད་པ་ཡིན།
བོན་ཉིས། གྲིབ་གཟུགས་ལགས་ཁྱེད་ཀྱི་མཚན་ནི་་་་་གྲིབ་གཟུགས་ཡིན་ཅིང་་་་འོག་གི་ལུང་རྣམས་ལས་གྲིབ་པ་དང་གཟུགས་ཞེས་གསལ་མི་འདུག་ངས་ཁྱེད་རང་ལུང་དུ་བསྟན་པའི་ཡང་སྲིད་ཀྱི་སྐྱེས་བུ་ཞིག་ཏུ་ངོས་ལེན་ཞུ་ཐུབ་ས་མ་རེད། ཟེར་། མིང་ཟིན་ན་ངོས་ལན་ཐུབ་བམ། གལ་ཏེ་ངོས་ལེན་ཐུབ་ན་བོན་རིན་པོ་ཆེ་གཏེར་ལས་ཁྱོད་ཀྱང་མིང་གི་ལུང་གསལ་བོ་ཟིན་འདུག དེ་ཡང་་་་་བོན་གཤེན་ཆོས་སུ་སྨྲ་ནུས་ཚེ། །བོད་མིའི་ཁོག་ཏུ་འདྲེ་རེ་ཞུགས། །སྐྱེས་པའི་ཁོག་ཏུ་ཕོ་འདྲེ་ཞུགས། །བུད་མེད་ཁོག་ཏུ་མོ་འདྲེ་ཞུགས། །བན་དེའི་ཁོག་ཏུ་གདོན་འདྲེ་ཞུགས། །བན་དེ་སྡུག་པའི་དུས་ལ་བབས། །བོན་ལ་སྐྱིད་པའི་ཉི་མ་ཤར། །གཏད་སོ་མེད་པའི་ཆོས་ཞིག་སྤེལ། །འཛིན་མཚམས་མེད་པའི་ཆོས་ལུགས་དར། །བརྒྱུད་པ་མེད་ལ་རྫོགས་ཆེན་འུར། །ནང་ཆོས་ཁུངས་མེད་ལུང་མེད་བཟོ། །ནམ་མཁར་ནོར་བུའི་ཆར་པ་འབབ། །རི་བོང་མགོ་ལ་རྭ་ཅོ་སྐྱེ། །མོ་ཤམ་བུ་མོ་མནའ་མར་འགྲོ། །རུས་སྦས་སྤུ་ལ་གཡུང་དྲུང་འཁྱིལ། །བར་སྣང་ཁམས་སུ་མེ་ཏོག་བཞད། །སོགས་ཁས་ལེན་ནུས་སམ། དེ་རིགས་སྨན་རིའི་གསང་ཁང་ནང་དུ་མང་པོ་འདུག་གོ །
འདིར་ཆགས་སྡང་གི་སྐད་ཆ་མང་པོ་ཡོང་བཞིན་འདུག དེས་རང་གཞན་ཚང་མར་སེམས་ལ་དུག་ལྟ་བུའི་ནད་ཕོགས་ནས་བཤད་ཚད་བྲིས་ཚད་ཉོན་མོངས་ཀྱི་དབང་ལ་འགྲོ་བཞིན་འདུག དེར་རྟེན་དྲན་གསོ་ལྟ་བུར་གནོད་སེམས་ཀྱི་སྐྱོན་ཏོག་ཙམ་ཞུས་ན། སྟོང་ཉིད་དང་བྱང་སེམས་སྐོར་མང་པོ་མི་ཤེས་རུང་། སྡང་སེམས་འདི་གཞན་ལ་མི་གནོད་པར་རང་གི་དགེ་རྩ་འཇོམས་པར་བྱེད་པའི་གཤིན་རྗེ་ངོ་མ་ཞིག་ཡིན་པ་ནང་པའི་བླ་མ་ཀུན་གྱི་གསུངས་སྟབས། གཞན་ལ་སྡང་པ་དེས་ཕ་རོལ་ལ་གནོད་མི་གནོད་ཐེ་འཚོམས་སུ་གྱུར་ཀྱང་། ངེད་ཁ་བརྡ་བའི་མཆན་པོ་ཚོ་ལ་གནོད་པ་འདི་ལ་རྩོད་པ་མེད་པས། ལྷན་རྒྱས་ལ་སེམས་གུ་ཡངས་ཙམ་གནང་རོགས་ཞུ་བ་ལགས།
ངས་ཁྱེད་ལ་ཐུགས་བག་ཡངས་ཙམ་ཡོང་ཆེད་དངོས་བྱུང་གི་སྒྲུང་ཞིག་བཤད་ཆོག སྔོན་མ་ང་ཚོའི་ལུང་པར་སློབ་གྲྭའི་དགེ་རྒན་འགྲན་རྩོད་ལ་སྐྱག་ལངས་ཤོར་བ་མིང་ལ་ཨ་དབྱངས་ཟེར་བ་ཞིག་ཡོད་པ་དེས། གཞན་ལ་རྟག་ཏུ་འགྲན་རྩོད་དང་སྡིག་སེམས་ཁོ་ན་བཅངས། འོན་ཀྱང་མོའི་རྒྱབ་ལ་སྐབས་དེ་དུས་ཁོ་མོས་རྟག་ཏུ་སྤྲེལ་ལད་ཤོད་ཡུལ་དང་རྐུབ་ལྡག་ཡུལ་གྱི་དབུ་འཛིན་བུད་མེད་ཚེ་དཔག་ཟེར་བ་ཅིག་ཡོད། དེའི་བཀའ་དྲིན་ལ་བརྟེན་ནས། ཁོ་མོ་སློབ་གྲྭའི་ནང་ལ་གོ་གནས་ཕྲན་བུ་ཞིག་ཐོབ་ཡོད་པ་དང་། དགེ་རྒན་གཞན་གྱིས་མོ་ལ་ཁ་ཡ་བྱེད་མ་ཕོད།
འོན་ཀྱང་ཨ་དབྱངས་ཀྱིས་ཁོ་མོའི་མགོན་སྐྱབས་ཀྱི་དགེ་རྒན་དེ་ལ་ཡང་ལྐོག་ཏུ་འགྲན་རྩོད་དང་ཕྲག་གདོག་བཅངས། ཉིན་ཞིག་མོ་ལ་ཚ་བའི་ནད་ལྕི་བོ་ཞིག་ཕོག སྨན་ཁང་ནང་ལ་བསྐྱལ་ནས་དགེ་རྒན་རེས་མོས་ཀྱིས་མཚན་མོ་མོ་ལ་ལྟ་རྟོག་བྱས། ཨ་དབྱངས་ཚ་བ་སྦར་བའི་སྐབས་ལ། ཁ་ནས་གང་བྱུང་ཐོན་པ་དང་། ལྷག་པར་དུ་ཁ་ནས་མང་ཤོས་འཐོན་པ་ནི། ཚེ་དཔག་མི་ཡག་པོ་མེད་རབས་དང་། ཁྲམ་པ་ཡིན་ཚུལ་ཤ་སྟག་རེད། དགེ་རྒན་རྣམས་ཧོན་ཐོར། མོས་གང་བཤད་དེ་སྒྲ་འཇུག་ནང་ལ་བཅུག་ནས་ཚེ་དཔག་གི་སྣ་ལ་བཏང་། ཚེ་དཔག་ཡིད་མ་ཆེས་པར་དགོངས་མོ་ཞིག་མོ་ལ་ལྟ་རྟོག་ཡིན་ཁུལ་གྱིས་སྨན་ཁང་ནང་ལ་སྡོད་པའི་སྐབས་ལ། ཏག་ཏག་ཨ་དབྱངས་དེའི་ནུབ་མོ་ཚ་བ་སྦར་ནས། སྐད་ཆ་ཤོད་འགོ་ཚུགས། ཨ་དབྱངས་ཀྱི་ཁའི་ནང་ལ་ཡང་སྐྱར་སྐད་ཆ་དེ་ཚེ་དཔག་གི་ཐོག་ལ་བསླེབས་ནས། ཚེ་དཔག་མི་སྡུག་རབས་དང་། དཀོན་མཆོག་ལ་སྨོན་ལམ་བརྒྱབ་ནས་མགྱོགས་མྱུར་ཚེ་དཔག་ལ་གཟའ་ཕོག་པ་ཤོག་ལྟ་བུ་མཚན་གང་བཏོན་ནས་བསྡད། ཨ་དབྱངས་ཚ་བས་ཆོལ་ནས་ཚེ་དཔག་ཁྲིས་ལ་ཡོད་པ་རྟོག་གི་མེད། དེའི་ཁྲིས་ཀྱི་མི་ཚང་མ་ཧོན་འཐོར་ནས་ཁ་སྐྱེངས་པར་གྱུར།
སང་ཉིན་ཚེ་དཔག་གིས་མོ་ལ་འདྲི་དུས་མོས་དྲན་གྱི་མེད། གང་ལྟར་ཨ་དབྱངས་ཉིན་དེ་ནས་སློབ་གྲྭའི་མི་ཚང་མས་གླེང་བའི་ཨ་ཁུ་ཁྲོ་ཐུང་ལྟ་བུའི་མི་ཞིག་ལ་གྱུར།
རྗེས་མ་ལུང་པའི་མཚམས་པ་རྒན་པོ་སེམས་ཤིན་དུ་ལས་འདུལ་བ། མི་ཚེ་སྒོམ་སྒྲུབ་ལ་སོང་བའི་རྒན་ཞིག་ཡོད་པ་དེས་ཨ་དབྱངས་ལ་གོ་སྐོན་བྱས་ནས། གཞན་ལ་སྡང་སེམས་བྱེད་མི་རུང་བ་དང་།དེ་ལྟར་བྱས་ན་རང་ལ་གནོད་པ་ཡོང་ཚུལ་སོགས་མང་པོ་གསུངས། རྒན་དེས་ཚེ་དབྱངས་ལ་སྙིང་རྗེ་སྒོམ་ཚུལ་གསུངས་ནས་ཨ་དབྱངས་ལོ་ཤས་རྒྱུན་པར་མཚམས་པ་དེའི་དྲུང་ལ་ཆོས་ཞུ་བ་དང་ཉམས་ལེན་བྱེད་སྒོ་ཚུགས། ལོ་མང་རྗེས་ལ་མཚམས་པ་དེ་གྲོངས་ནས། ཨ་དབྱངས་ཀྱིས་རྗེས་འཇུག་མཆོད་འབུལ་ལེགས་པར་བསྒྲུབས་པ་དང་། མོ་རང་མཚམས་ཁང་དེར་སྤོས་ནས་མཚམས་དམ་པོར་ལོ་ཤས་བསྡད་སོང་།
ཤོད་འདོད་པ་གཙོ་བོ་ནི། ཨ་དབྱངས་ནས་ངའི་ཨ་སྲུ་ལ་ཆོས་ཀྱི་སྐོར་ལ་བགྲོ་གླེང་བྱས་མྱོང་བ་དང་། ཁོ་རང་གི་ཉམས་མྱོང་ཐོག་ནས་གསུངས་པར། སྔོན་མ་ཨ་དབྱངས་ཁོང་སེམས་ཉོན་མོངས་ཀྱིས་བཅོམས་པའི་སྐབས་ལ། ཕྲག་དོག་འཕེལ་བའི་སྐབས་ལ་ལུས་པོར་ཚ་བ་ཆེན་པོ་སྦར་གྱི་ཡོད་པ་དང་། སེམས་གཏིང་གི་གསང་བ་རྣམས་སྐབས་དེ་དུས་ལུས་ཚ་བས་ཆོལ་ནས་གཞན་ལ་ཤོར་བ་སོགས་དངོས་བྱུང་གི་ཉམས་མྱོང་དཔེར་བཞག་ནས། ཉོན་མོངས་ཀྱི་སྐྱོན་རྣམས་གསུངས་འདུག ཁོ་མོས་སྨན་བཅོས་ཇི་ལྟར་བྱས་རུང་ཕན་སྐྱེད་མ་བྱུང་བར་མཐར་མཚམས་པ་རྒན་པོའི་དྲུང་ནས་སྙིང་རྗེའི་ཉམས་ལེན་གྱི་གདམ་པ་ཞུས་ནས། བློ་སྦྱོང་དོན་བདུན་མའི་ཉམས་ལེན་ལོ་གསུམ་ཙམ་བྱས་མྱོང་བ་དང་དེའི་སྐབས་ལ་སེམས་ལྷོད་པ་དང་ཚ་བའི་ནད་དེ་ཡང་ཡལ་བའི་སྐོར་གསུངས་འདུག
ཨ་དབྱངས་ཀྱི་ཉམས་ལེན་སྟབས་བདེ་པོ་ཞིག་འདུག སྔོན་ལ་སྙིང་རྗེའི་ཕན་ཡོན་སྒོམ། དེ་ནས་སེམས་ཅན་གཞན་གྱི་སྡུག་བསྔལ་སྒོམ། དེ་དག་རང་གི་སྟེང་ལ་བསམ་བློ་བཏང་། སེམས་ལ་སྙིང་རྗེས་ན་ཁྱུག་ཁྱུག་བསླེབས་པའི་སྐབས་ལ། གཞན་སྡུག་བསྔལ་ལས་བྲལ་འདོད་ཀྱིས་བློས་ཟིན་པར་བྱས་ནས་མ་ནི་གསོག་རྒྱུ་དེ་རེད་འདུག ང་ཚོ་ས་ག་ཟླ་བའི་སྐབས་ལ་ཁྱིམ་ནང་ལ་ཉམས་ལེན་འདི་འདྲ་བྱས་མྱོང་།
ངས་འདི་ཚང་མར་ཕན་ཆེད་འགོད་པ་འདིས་ཁ་བརྡའི་དྲ་གྲོགས་རྣམས་ཀྱི་སེམས་ལྷོད་པར་གྱུར་བ་དང་། མཛའ་མཐུན་ལེགས་པར་གྱུར་ནས། ཚང་མའི་མཐུན་སྒྲིལ་ལ་ཕན་པར་ཤོག དེས་ཀྱང་རྒྱལ་བ་རིན་པོ་ཆེའི་སྐུ་ཚེ་རིངས་བར་ཞུགས་་པའི་བསྔོ་བ་བྱེད་པ་ལགས།
ཧཧཧཧཧཧ།
བསམ་ཤེས་ཁྱེད་རང་བསམ་ཤེས་ཐུབ་མཁན་ཞིག་རེད་འདུག སེམས་པ་སྐྱིད་སོང་།