དོལ་སྨྱོན།
༡༽
རྒྱབ་ནས་བལྟས་ན་མཛེས་པའི་སྐུ་གཟུགས་ལ།།
མདུན་ནས་བལྟས་ན་འཛུམ་པའི་ཞལ་རས་ཅན།།
མཐོང་ན་མི་མཐུན་མེད་པའི་མཛའ་ན་མོ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༢༽
མི་ཆེ་མི་ཆུང་རན་པའི་མགོ་བོ་ལ།།
མནག་སྣུག་སྐྲ་ལོ་རྒྱ་ལྕང་ལོ་མ་ཅན།།
ཡངས་པའི་ཕྲག་ཟུང་ལེགས་པར་ཁེབས་པ་མོ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༣༽
དཀར་བའི་ཞལ་ལ་འཛུམ་པའི་ཚེམས་ཕྲེང་ཅན།།
མཛེས་པའི་སྤྱན་ལ་སྟུག་པའི་སྨིན་མ་གཡོ།།
མཐུག་པའི་མཆུ་སྒྲོས་དམར་བའི་གཟི་མདངས་ངོམ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༤༽
དམར་བའི་མཁུར་ཚོས་ཀུ་ཤུའི་མདངས་ལ་འགྲན།།
འཛུམ་པའི་སོ་འདབ་གངས་རིའི་དཔལ་ལ་དོ།།
མཛེས་པའི་སྤྱན་ཟུང་རི་དྭགས་མིག་ལ་འཁུ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༥༽
འབུར་དུ་ཐོན་པའི་ཕྲག་པ་ཡངས་མོ་ལ།།
རེག་འཇམ་མཛེས་པའི་ཕྱག་ཟུང་དཀར་ལ་འཇམ།།
ཕྱག་མཛུབ་སྦོམ་ལ་ཕྱག་སེན་དམར་བ་ཅན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༦༽
མི་རིང་མི་ཐུང་སྙོམ་པའི་ལུས་པོ་ལ།།
མཁྲེང་ལ་ལྡུམ་པའི་མྱོས་བུམ་འབུར་དུ་མངོན།།
དྲག་དལ་རན་པའི་གོམ་འགྲོས་ཡངས་མོ་ཅན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༧༽
ཕོ་བའི་རྒྱ་ཁྱོན་ནང་དུ་ནུབ་པ་དང་།།
དཔྱི་ཡི་སྐེད་པ་ཕྲ་ལ་ལྡེམ་པ་དང་།།
མཛེས་པའི་ཕོངས་ཚོས་ཕྱི་ལ་འབུར་བ་ཅན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༨༽
ཕན་ཚུན་བརླ་ཤ་དཀར་ཞིང་འཇམ་པ་ལ།།
མཛེས་པའི་ཞབས་ཟུང་མེ་ཏོག་ཚོམ་བུ་དངོས།།
དྲི་ཞིམ་སྤོས་ཀྱི་དྲི་ངད་ཐུལ་བ་མོ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༩༽
འདེག་འཇོག་སྙོམ་པའི་གོམ་སྟབས་ཡངས་མོ་ལ།།
འགྱུར་ཁུག་རན་པའི་སྐེད་པ་ཕྲ་ལ་ལྡེམ།།
མཛེས་པའི་ཕྱག་ཟུང་ཡར་མར་གཡོ་བ་མོ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༠༽
མཛེས་པའི་བཞིན་ལ་འཛུམ་པའི་གཟི་མདངས་འཕྲོ།།
མཛའ་བའི་སེམས་ལ་བརྩེ་བའི་བཟི་ཁས་བརྒྱན།།
བརྟན་པའི་ཐུགས་ལ་སྒམ་པའི་བསམ་སྤྱོད་ཅན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༡༽
མཐོན་པོ་རྣམས་ལ་གུས་པས་མི་འདུད་ཅིང་།།
ཉམས་ཆུང་སྤྲང་པོའི་གཉའ་ནས་མི་བརྫི་བར།།
རང་ཚུགས་ཐུབ་པའི་སྤྱོད་ཚུལ་གཙང་མ་ཅན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༢༽
མཛེས་པའི་ཞལ་ལ་ནག་ནོག་དྲི་མས་དབེན།།
སྙན་པའི་གསུང་ལ་ཆགས་སྡང་ཚིག་གིས་སྟོང་།།
བརྩེ་བའི་ཐུགས་ལ་ཆོས་བརྒྱད་དྲི་མས་དག།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༣༽
ཁ་འདོན་བྱེད་དུས་ཆོས་པ་བཟང་པོ་ཡིན།།
ནད་པ་བལྟ་དུས་ཚད་ལྡན་སྨན་པ་ཡིན།།
འཁྲོམ་ལ་འགྲོ་དུས་བུ་མོ་མཛེས་མ་ཡིན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༤༽
ཉིན་གྱི་དུས་སུ་བརྩེ་བའི་དགའ་རོགས་ཡིན།།
མཚན་གྱི་དུས་སུ་རྨི་ལམ་ཡུལ་ལྗོངས་ཡིན།།
ཉིན་མཚན་ཀུན་ཏུ་སེམས་པ་གཏད་ས་ཡིན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༥༽
བྱ་ཤ་ཕག་ཤ་ཟ་བར་དགའ་བ་མོ།།
བརྙན་འཕྲིན་རྩེད་མོ་རྩེ་བར་དུངས་བ་མོ།།
སྒྲུང་དང་སྙན་ངག་ཀློག་ལ་སྤྲོ་བ་མོ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༦༽
སྒོགསུམ་སྤྱོད་པ་ཞི་ཞིང་དུལ་བ་ལ།།
གཞན་ཕན་སྙིང་རྗེའི་དྲི་ངད་ཐུལ་བ་ཅན།།
དོན་ལ་འཇུ་བའི་བསམ་གཞིག་ཞིབ་པ་མོ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༧༽
དོན་མེད་ཚིག་གི་ལོ་མར་མི་འཇུ་ཞིང་།།
དོན་ལྡན་གཏམ་གྱིས་ཕ་རོལ་འདོད་པ་སྐོང་།།
ཁ་ཞེ་མཚུངས་པའི་མི་གཤིས་དྲང་པོ་ཅན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༨༽
རྒྱུ་ནོར་ཕྱོགས་ལ་འདོད་པ་མི་ཆེ་ཞིང་།།
མཁོ་དགུའི་འབྱོར་བ་ཉེ་ཚེས་མཆོག་ཤེས་ཅན།།
ཡ་རབས་དམ་པའི་དྲི་ངད་མ་ཡལ་བ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༡༩༽
བརྩེ་བས་བསྐྱངས་ན་ལུས་ངག་ཡིད་ཀྱིས་མཆོད།།
དུངས་བས་བཀུར་ན་བརྩེ་བའི་རང་གཤིས་མངོན།།
ཕྱི་ཐག་རིང་ཞིང་དུངས་བ་ཟབ་པ་མོ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༢༠༽
ཕྱི་ཡི་རྣམ་པ་མཛེས་ཤིང་མཚར་བ་ལ།།
ནང་གི་དཔལ་ཡོན་འབུམ་གྱིས་ཕྱུག་པ་མོ།།
ཕྱི་ནང་མཚུངས་པའི་བསམ་སྤྱོད་རབ་མཛེས་པ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
༢༡༽
ཡུན་ཐུང་མི་ཚེའི་སྐྱ་ཡ་མངར་མོ་ཡིན།།
ཉམས་ཆུང་བུ་ངའི་སེམས་ཀྱི་འཚོ་བཅུད་ཡིན།།
སྒལ་ཚིགས་དྲང་པོར་བསྲིངས་པའི་གཞི་མ་ཡིན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
ཨ་རིག་འགྱུར་མེད་དང་ཚོགས་པ་གཅིག་པ་ཡིན་ས་རེད། ནམ་རྒྱུན་འདི་འདྲ་མཇེ་དང་གཉའ་མ་རྐྱང་རྐྱང་བཤད་ནས་བསྡད།
མཚམས་གཅོད་སྒྲོལ་མའི་ཕྱི་ནང་ཡོན་ཏན་རྣམས།།
རྟོག་བཟོ་སྒྲོ་འདོགས་མིན་པའི་སྨོན་ལམ་འདེབས།།
དོལ་སྨྱོན་སེམས་ཀྱི་བརྩེ་བའི་ནོར་བུ་གང་།།
སྒྲོལ་མའི་ཡིད་རབ་མགུ་བའི་རྒྱན་འགྱུར་ཤོག།
བརྗོད་བྱའི་དཔལ་དང་ཡོན་ཏན་ལས་འདས་པའི།།
རྗོད་བྱེད་ཚིག་གིས་འཁྱོག་བརྗོད་མང་གདའ་བས།།
བརྗོད་གཞི་རྗོད་བྱེད་མཚུངས་པ་མིན་མོད་ཀྱང་།།
བརྗོད་བྱའི་མཚམས་གཅོད་ཆ་རྒྱུས་མེད་མཁན་ཚོས།།
རྗོད་བྱེད་ཚིག་མཛེས་གོ་རིམ་ཤིན་ལེགས་པས།།
སྣང་བ་དག་པ་གཅིག་ཏུ་འདྲེན་བཏུབ་མོད།།
མི་ཞིག་ལ་སེམས་ཤོར་དུས་མི་དེའི་མཐོང་སྣང་བརྒྱ་ཆ་དགུ་བཅུ་འཁྲུལ་རྟོག་ཡིན་པས་ངས་ནི་མཚམས་གཅོད་སྒྲོལ་མ་ཟེར་བ་དེ་རྩོམ་པ་པོས་བཤད་པའི་ཡོན་ཏན་བརྒྱ་ཆ་བཅུ་མ་གཏོགས་མེད་པར་ངོས་འཛིན་བྱ་རྒྱུ་ཡིན།
ཁྱོད་ཀྱི་སྙིང་སྡུག་མཚམས་གཅོད་སྒྲོལ་མ་ཡིན་ན། །
ང་ཡི་སྙིང་སྡུག་ཚེ་རིང་ཆོས་སྒྲོན་ཡིན་ནོ། །
བརྩེ་བའི་ཐུགས་ལ་ཆོས་བརྒྱད་དྲི་མས་དག་ན། །
ང་ཡི་སྙིང་སྡུག་ཚེ་རིང་ཆོས་སྒྲོན་ཡིན་ནོ། །
འདི་ནས་མར་མི་འབྲི་་་་་
དོལ་སྨྱོན་འདོད་པས་བཟི་དུས། །
བྱམས་ལྷུན་རྟོག་དཔྱོད་བྱེད་བགྱིད། །
སྤོབས་མཐས་བརྒྱ་ཆ་སྤྲོད་བགྱིད། །
ཀརྡོ་ཅི་ལབ་འདི་ལབ། །
ཉིན་གྱི་དུས་སུ་བརྩེ་བའི་དགའ་རོགས་ཡིན།།
ཉིན་གྱི་དུས་སུ་བརྩེ་བའི་དགའ་གྲོགས་ཡིན།།
རང་སེམས་སོང་བའི་མི་དེ།
གཏན་གྱི་གྲོགས་སུ་བྱུང་ན།
དེ་ལས་གཞན་པ་ཅི་ཡང་།
མི་དགོས་ཡིན་པར་ངེས་སོ།།
རྒན་འཇམ་དཔལ་ལེགས།
དགའ་གྲོགས་ཀྱི་ཚིག་དང་བཅས་སླར་ཡང་ཁ་བརྡར་ཕེབས་པར་དགའ་བསུ་ཞུའོ། །
མཚམས་ལ་ལར་དབྱར་གི་མེ་ཏོག་བཞད་འདྲིས།།
ལུས་ངག་གི་སྤྱོད་པ་ཀུན་ལ་མཐུན་པ།།
ལྷ་སྒྲོལ་མ་དཀར་མོའི་ཚ་མ་ལོ་ལོ།།
མ་ཞིག་གི་མཛེས་བའི་བྲིས་རབ་འཆད་ཐལ།།
སྐྱེས་ཕོ་མོ་བར་གི་འཇིག་རྟེན་སྣང་བ།།
སྤྱོད་ཤེས་ན་མི་ཚེ་སྐྱིད་ཅིག་ཡིན་མོད།།
ལོ་གཞོན་པའི་སྣང་བ་ཧྲག་བར་ཞིག་ནས།།
སེམས་སྡུག་ལ་གཏད་ན་དེ་ལས་སྡུག་མེད།།
སེམས་ཤོར་སའི་བུ་མོ་ཤོར་གི་མ་འཇུག།།
ཚེ་གཅིག་གི་སྐྱ་ཡའི་ལས་དབང་མེད་ཀྱང་།།
གདོང་འཛུམ་ཆུང་ཅན་ཀྱི་བུ་མོ་དེ་ལ།།
གཏམ་དྲོན་མོ་སེམས་ནས་ཤོར་ཡང་སྐྱིད་རེད།
དགའ་དུས་དགའ་སྣང་ཡིད་ལ་མི་བཅུག་པར།།
གང་བཤད་ཁ་ཚིག་དོན་རྩ་མ་ཟིན་ན།
སྡུག་དུས་བཟའ་འཛིང་རྣ་སྡུག་བྱེད་སྤྱད་འདི།
གྲྭ་ལོག་མོ་དགའ་ཞིག་གི་རྩོམ་གཤིས་འདུག།
ཁོང་གི་མཛའ་ན་མོ་དེ་ངས་ཚར་གཅིག་མཐོང་མྱོང་ཡོད་ངོ་མ་མཛེས་མ་ཞིག་འདུག་འོན་ནང་ལ་ག་འདྲ་ཡོད་མེད་ང་ཚོར་ལྐོག་གྱུར་རེད། གང་ལྟར་དོལ་སྨྱོན་ལགས་ཀྱི་སེམས་ལ་སོང་ན་ཁོ་རང་ལ་མཛེས་དང་མཛེས། མཛེས་མ་ཐམས་ཅད་མཛེས་མ་མིན་རང་སེམས་དགའ་ས་མཛེས་དགའ་ས་མཛེས་མ་ཡིན་པ་རེད།
དྲ་གྲོགས་སྤྱི་དང་ལྷག་པར་རྒན་ལ་དྭགས་པ་མཆོག་ལ་ཕེབས་བསུ་ཞུ།
འདི་ན་ང་ཡིས་བྲིས་ཤིང་སྨྲ་བ་ཀུན།།
མཚམས་གཅོད་སྒྲོལ་མའི་རང་གཤིས་ངོ་མ་ཡིན།།
འོན་ཀྱང་དྲ་གྲོགས་དག་གི་མཛུབ་རྩེ་དེ།།
གང་དུ་སྒྱུར་མིན་སོ་སོའི་འདོད་པ་གྱིས།།
ཀརྡོ་གཉེར་ཕྱག་པ་མཆོག་དང་། དོལ་སྨྱོན་ལེགས།
བདག་ཅག་གནས་བསྐོར་ལ་ཉིན་བདུན་ཙམ་འགོར། དེ་དག་ཏུ་དྲ་ལེན་ཆས་ལེགས་མེད་པས། འབྲེལ་པ་ཞུ་མ་ཐུབ། དེ་ནས་རྒྱུགས་སྤྲོད་བྱ་བའི་རྗེས་ཡུལ་གཞན་དུ་འགྲོ་རྩིས་དང་། སྤྱི་ཟླ་༡༢མགོར་ལོག་ངེས། ལྷན་རྒྱས་ཚང་མས་བོད་ཀྱི་སྐད་སྤྱི་ལ་གོ་བ་ཞིག་མཛད་གྲོགས་ཞུ། ཇི་སྐད་དུ། ཆོས་ཀྱི་རྗེ་ས་པཎ་གྱིས།
ཆོས་ཀྱི་སྐད་དང་མཐུན་པ་ཡིས།
རང་ཡུལ་སྐད་ངན་སྤང་བར་བྱ།།
ཡི་གེའི་སྦྱོར་བ་ན་ཡོད་བསམ། སྔར་དང་མི་འདྲ་བས། ཡུལ་ཞེས་པ་ལུང་པར་གོ་དགོས་པར་མཐོང་། དིང་སང་ལུང་སྐད་ཤུགས་ཆེ་བས། འགའ་རེས་བྲིས་པའི་མིང་ཚིག་མང་པོ་མི་གོ་བ་འདུག རང་ཅག་ཚང་མ་འཛོམས་ཏེ། བོད་སྤྱིའི་སྐད་དེ་བརླག་སྟོར་དུ་མ་འགྲོ་བ་ཞིག་བཟོ་དགོས་པར་མཐོང་། ཞེས་སོ།།
རྒན་ལ་དྭགས་པ་སླར་ཡང་ཕེབས་ནས་བཀའ་སློབ་ཟབ་རྒྱས་གནང་བར་དགའ་བསུ་ཞུ།
སྐུ་ཚེ་བརྟན་པ་དང་འཛད་འཕྲིན་རྒྱས་པའི་རེ་བ་ཞུ།
དོམ་སྨྱོན་ཟེར་བ་འཇེ་ལག་མི་བྲལ་ཁྱོད་། སེམས་པ་འདྲེ་ལ་ཤོར་འདི་ཁག་མེད་ཀྱང་། ཕ་བཟང་བུ་ཞིག་ངེས་པར་ཡིན་ངེས་ན། ལེགས་པར་སྤྱོད་ཅིག་མཚམས་སྤྱོད་སྒྲོལ་མའི་གཟུགས། ཁྱོད་ཀྱིས་མཐོང་བ་དེ་ནི་ཨེ་བདེན་ཁྱད། བློ་སྟོབས་གྲོགས་པོ་ཞིག་་ལ་འདི་ལྟར་དྲིས། འདི་ནི་མི་ཚེའི་་ནང་གི་སྙིང་གྲོགས་ལ། འོས་མིན་ལེན་ཅིག་ངེས་པར་གནང་རོགས་བྱོས། སྤྱིར་ན་སྐྱེས་པ་ཕོ་ཡི་ཡ་ཚུལ་དུ་། འདི་མིན་འདི་ཡིན་ཞེས་པའི་དོན་གྱི་ཆེད། བློ་ཐག་མི་ཆོད་་གཞན་ལ་ལྟོས་པ་དེ་། ཕོ་མཐའ་ཞིག་ལས་རྩི་སྲོལ་མེད་ན་ཡང་། ཕོ་རབ་ཅིག་གི་བློ་ཡི་འཁོར་རྒྱ་བས། ཕོ་འབྲིང་བཅུ་ཡི་བློ་ལ་དགའ་ཞེས་པ། གནའ་མི་དཔེ་དེ་ཧ་ཅང་བདེན་པ་ཡིན། གྲོགས་པོ་ངག་དང་ཁྱོད་ཀྱིས་སྣང་བ་གཉིས། མ་གྲོས་གཅིག་མཐུན་མངོན་སུམ་ལ་གྱུར་ཚེ། ལག་པས་རང་མཇེ་འཆང་བ་མྱུར་གཏང་ནས། ན་གཞོན་མཚམས་སྤྱོད་སྒྲོལ་མའི་དམར་ཆུང་སྙིང། ཁྱོད་ལ་གཏོད་པས་གོ་སྐབས་འདིའི་རིང་ལ། དམ་དུ་འཆོངས་ཤིག་རང་གི་ལུས་ངག་ཡིད། ཁོང་ལ་ཕུལ་ཏེ་ཅི་གསུང་སྒྲུབ་ཅིག་ལོ།
ལགས་སོ།། བཀའ་བཞིན་ཞུ།
མཚམས་གཅོད་སྒྲོལ་མ་མིག་གིས་མཐོང་མྱོང་མེད།
མཚམས་གཅོད་སྒྲོལ་མའི་གཟུགས་ལ་རྒྱུས་མངག་མེད།
མཚམས་གཅོད་སྒྲོལ་མའི་གཞན་ལ་བཤད་རྒྱུ་མེད།
དུལ་སྨྱོན་རྒན་པོ་ཆགས་སེམས་ཆེ་བ་དོད།
དོམ་སྨྱོན་ལ་ཨ་ཙི་ངས་སྐུ་བརྩེད་ཞུས་པ་དགོངས་པ་དགོངས་འགལ་མེད་པར་ཞུ་། སྙན་པོ་འདུག་ཐུགས་རྗེ་ཆེ་ལགས་སོ
དོལ་སྨྱོན་གྱི་ཡིད་གྱི་དབང་པོ་ངང་ཤུགས་ཀྱིས་འགུག་ནུས་པའི་བུ་མེད་དེ་མཛེས་སྣང་འཁྲུལ་སྣང་མིན་
ནམ།
བུ་མོ་ང་རང་འདིར་བོད་སྐད་ཡིག་གླེང་བ་ཡོང་བར་དྲྭ་གྲོགས་ཚོས་རྒྱབ་སྐྱོར་གནང་བར་མཁྱེན།
དོལ་སྨྱོན་སྣང་བ་འཁྲུལ་བའི་ཆིག་ལབ་འདི།།
འཁྲུལ་སྣང་ཡིན་པའི་ངོ་ཆ་འདི་ལྟར་སྤྲད།།
མཐུག་པའི་མཆུ་སྒྲོས་དམར་བའི་གཟི་མདངས་ངོམ།།
མཐུག་པའི་མཆུ་སྒྲོས་མ་ཧེའི་གཞང་ལ་འགྲན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
དམར་བའི་མཁུར་ཚོས་ཀུ་ཤུའི་མདངས་ལ་འགྲན།།
དམར་བའི་མཁུར་ཚོས་སྤྲེའུའི་རྐུབ་ལ་འགྲན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
ཕྱག་མཛུབ་སྦོམ་ལ་ཕྱག་སེན་དམར་བ་ཅན།།
ཕྱག་མཛུབ་སྦོམ་པས་གཞན་ལ་འཇིགས་པ་སྟེར།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
མཛེས་པའི་ཕྱག་ཟུང་ཡར་མར་གཡོ་བ་མོ།།
མཛེས་པའི་ཕྱག་ཟུང་འགྲམ་པར་བཏབ་ཀྱང་ཚིམ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
བརྟན་པའི་ཐུགས་ལ་སྒམ་པའི་བསམ་སྤྱོད་ཅན།།
བརྟན་པའི་ཐུགས་ནི་ང་ཡི་་དངུལ་ལ་ལྡིར།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
མཐོན་པོ་རྣམས་ལ་གུས་པས་མི་འདུད་ཅིང་།།
མཐོན་པོ་རྣམས་ལ་མི་འདུད་ང་རྒྱལ་ཅན།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
བྱ་ཤ་ཕག་ཤ་ཟ་བར་དགའ་བ་མོ།།
བྱ་ཤ་ཕག་ཤ་མཐཽང་ཚད་ཟ་དགའ་མོ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
བརྙན་འཕྲིན་རྩེད་མོ་རྩེ་བར་དུངས་བ་མོ།།
བརྙན་འཕྲིན་རྩེད་མོར་གཡེང་བས་བྱིས་པ་རང་།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
སྒྲུང་དང་སྙན་ངག་ཀློག་ལ་སྤྲོ་བ་མོ།།
སྒྲུང་སོགས་ཀློག་དུས་ཁྱོ་བོར་ཡ་ཙམ་མེད།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
བརྩེ་བས་བསྐྱངས་ན་ལུས་ངག་ཡིད་ཀྱིས་མཆོད།།
བརྩེ་བས་བསུས་ན་ཁྱོ་ཡང་རྒྱབ་ལ་བསྐྱུར།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
དུངས་བས་བཀུར་ན་བརྩེ་བའི་རང་གཤིས་མངོན།།
དུངས་བས་བཀུར་ན་སུ་ལའང་བརྩེ་བ་ངོམས།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
ཁྱོད་ལ་ལྟོས་ན་མཚམས་གཅོད་སྒྲོལ་མ་ལྷ།།
གཟུར་བོར་གནས་ན་མཚམས་གཅོད་སྒྲོལ་མ་ནི།།
ཁྱོད་ལ་འཕྲེང་བའི་གདོན་མོ་གདུག་པ་ཅན།།
དོལ་པོ་སྨྱོན་པ་སྨྱོ་ནད་བསང་ན་ལེགས།།
ཀུ་རེ་ཡིན།
སྙན་པའི་ངག་དབྱངས་འབབ་ཆུའི་རྒྱུན་ཐག་འགྲན།
རྣོ་བའི་ལྗགས་ཀྱིས་སྲིད་གསུམ་མཛུབ་རྩེར་ཕབ།
དྲན་ཤེས་མགྱོགས་མས་བཟང་ངན་གེ་ཏ་འཕེན།
སྙན་ངག་པ་ཡི་ཆེ་མཆོག་དོལ་སྨྱོན་ལགས།
དྲ་གྲོགས་སྤྱི་དང་ལྷག་པར་མེ་ཏོག་འཚོ་དང་རེབ་སྐྱིད་མཚོ་ལ་ཕེབས་བསུ་ཞུ།
གེ་ཏ་ཟེར་བ་འདི་ཅི་ཡིན་ནམ། ལགས།
བྱ་ཤ་ཕག་ཤ་ཟ་བར་དགའ་བ་མོ། །
གཞན་ཕན་སྙིང་རྗེའི་དྲི་ངད་ཐུལ་བ་ཅན།།
མཚམས་གཅོད་སྒྲོལ་མ་ཡོད་བཞིན་སློབ་གླིང་གི །
བུ་མོ་ཞིག་ལ་གཅིག་གཅིག་དགོས་རབས་གླེང་། །
སྙིང་སྡུག་ཚེ་རིང་ཆོས་སྒྲོན།
ཆོས་དང་བླ་མ་དགེ་འདུན་ཚོགས་ལ་དད་པ་མོ། །
བོད་ཆས་བོད་སྐད་བོད་ཟས་བཟོ་ལ་མཁས་པ་མོ། །
ཡིད་འཕྲོག་ཕྱི་མཛེས་ནང་འཇམ་ཡ་རབས་སེམས་བཟང་མོ། །
ང་ཡི་སྙིང་སྡུག་མཛེས་མ་ཚེ་རིང་ཆོས་སྒྲོན་ཡིན། །
གཞན་ཕན་སྙིང་རྗེའི་དྲི་ངད་ཐུལ་བཞིན་དུ། །
བྱ་ཤ་ཕག་ཤ་ཟ་བར་དགའ་བ་མོ། །
མཚམས་གཅོད་སྒྲོལ་མ་ཡོད་བཞིན་སློབ་གླིང་གི །
བུ་མོ་ཞིག་ལ་གཅིག་གཅིག་དགོས་རབས་གླེང་། །ཞེས་སོ།།
མཛེས་པའི་སྤྱན་ཟུང་ཡར་མར་གཡོ་བའི་ཚེ།།
འདོད་ལྡན་སྐྱེས་བུའི་སྙིང་ལ་ན་ཟུག་སྟེར།།
སྙན་འཇེབས་ཚིག་གི་རྒྱུན་ལ་ཉན་པའི་ཚེ།།
དཔྱོད་ལྡན་སྐྱེས་བུའི་བློ་ལ་དགའ་བ་སྟེར།།
འཇམ་མཉེན་ཕྱག་གི་སོར་མོའི་ཡལ་ག་དེ།།
ཉམ་ཐག་ནད་པའི་མཁྲིག་མར་བཞག་པའི་ཚེ།།
ལུས་སེམས་གདུང་བས་མནར་བའི་གནས་སྐབས་དེ།།
རེ་ཞིག་མི་མངོན་དབྱིངས་སུ་ཡལ་བར་བྱས།།
ཟས་སྤྱོད་སྨན་དཔྱད་བཞི་ཡི་ལམ་སྟོན་དེ།།
འཇམ་བུའི་ངག་གིས་སྨྲ་བ་ལ་བཞུགས་ཚེ།།
ནད་ཀྱིས་བཏབ་པའི་ཉམ་ཐག་ནད་པ་དག།
དབྱངས་ཅན་མགྲིན་པར་རྣ་བ་གཏད་དང་མཚུངས།།
བྲིས་རང་བྲིས་ན་འདི་དང་འདི་འདྲ་ཞིག་བྲིས་དང་།།
མཛེས་ལྡན་གཞོན་ནུ་མ་ཡི་དཔལ་ཡོན་དག་གསལ་ཡོང་།། འབྲི་སྟངས་འདི་བློ་ལ་འཐད་སོང་།
དེ་མིན།་་་་་་་་་་
མཆུ་སྒྲོས་མཐུག་པོ་མིག་ལ་བདེ་པོ་ཅང་ཨེ་ཡོད།།
མཁུར་ཚོས་ཀུ་ཤུ་འདྲ་ན་ལུང་ཁུག་ལ་མཛེས་སྲིད།།
ཕྱག་མཛུབ་སྦོམ་པ་མི་སྡུག་མཚན་མ་ལ་ཏག་ཏག།
ཕྱག་ཟུང་གཡོ་བ་དབང་ཆེན་དཔོན་པོས་ཀྱང་བྱེད་དོ།།
བརྟན་ལ་སྒམ་པའི་བསམ་སྤྱོད་སྐྱེས་པ་ལ་ལེན་པ།།
མཐོ་ལ་གུས་པས་མི་འདུད་ང་རྒྱལ་གྱི་གོང་བུ།།
བྱ་ཕག་ཟ་དགའ་མ་རབས་གྲོད་ཆེན་གྱི་ངང་ཚུལ།།
བརྙན་འཕྲིན་རྩེད་མོར་གཡེང་བ་བྱིས་པ་ཡི་སྤྱོད་པ།།
སྒྲུང་སོགས་ཀློག་སྤྲོ་མཛེས་མའི་ཁྱད་ཆོས་ཅང་ཨེ་ཡིན།།
འོན་ཀྱང་ཁྱོད་ལ་ཁག་ཅི་སེམས་པ་ལྷག་པས་འཁྱེར་དུས།།
གཟུགས་མེད་འཕྱན་དྲི་མནམ་པོ་ཞིང་ཁམས་ཀུན་ཁྱབ་གཟིམ་སྤོས།།
མཚམས་གཅོད་སྒྲོལ་མའི་མཚན་སྔགས་མ་ཎི་ལས་ཀྱང་མང་བ།།
ཐམས་ཅད་དགྲ་ལ་ལངས་ཀྱང་མཚམས་གཅོད་བྱུང་ན་འགྲིག་པ།།
འདི་རང་བཞིན་བརྗོད་པ་ལས་མཛེས་ཆོས་བཤད་པའི་སྐབས་མིན་པས་མི་མཛེས་རུང་། མཆུ་མཐུག་པ། མཛུབ་མོ་སྦོམ་པ། བྱ་ཤ་ཕག་ཤ་ཟ་བ་སོགས་མཚམས་གཅོད་རང་དེ་ལྟར་ཡོད་ངེས།
ད་དུང་བརླ་ཤ་དཀར་པོ། འདིར་མ་བརྗོད་རུང་དྲོད། དམ་ལྷོད་་་་་་
ཨོ་ སེམས་སོང་བུ་མོ་མཚམས་གཅོད་སྒྲོལ་མ་མཛེས་མ་ཞིག་རེད་མི་འདུག ཁ་ཤ་མཐུག་ཅིང་ཕྱག་མཛུབ་སྦོམ་པོ གདོང་མདོག་དམར་པོ འོ་ཙི་ ཞེད་སྣང་ཚ་སེ་འདུག་ད
ན་གཞོན་ཕོ་རེའི་སེམས་ན་བུ་མོ་རེ།།
བུ་མོ་རེ་ལ་ཁྱད་ཆོས་སོ་སོ་རེ།།
ཐམས་ཅད་གཅིག་པར་ཚུང་དུ་མི་འོང་བས།།
སོ་སོའི་སེམས་ལ་འཐད་ན་དེ་གས་འགྲིགས།།
མཆུ་སྒྲོས་མཐུག་པོ་བུ་མོའི་མཛེས་རྒྱན་ཡིན།།
ཁུར་ཚོས་དམར་པོ་ཆགས་པའི་བཟི་ཁ་ཡིན།།
ཕྱག་མཛུབ་སྦོམ་པོ་བསམ་སྤྱོད་བརྟན་པ་ཡིན།།
ཤ་རིགས་དགའ་བ་བོད་མིའི་ཁྱད་ཆོས་ཡིན།།
མཚུངས་་་་་་ཞེས་བཅོས་རོགས་ཞུ།
མཚར་སྡུག་གནམ་མཁའི་ལྷ་མོར་མི་དོ་ལ། །
དྲི་ཞིམ་རྫས་ཀྱིས་མཛེས་བཟོ་མི་ཤེས་ཀྱང་། །
ལྷད་མེད་བརྩེ་བ་དྲོན་པོས་བཟའ་ཟླ་ལ། །
གུས་རྩི་ཆེ་བའི་གངས་ཅན་སྐྱེས་སྨན་ཚོ། །
དགེ་ཆོས་ནས།
སྐབས་འགའ་ལྷ་མོར་མཐོང་ཡང་ཞེན་ལོག་བྱུང་། །
སྐབས་འགའ་རྒན་མོར་མཐོང་ཡང་ཆགས་པ་སྐྱེས། །
འདི་ཡི་འཕྲོ་ལ་དེ་མིན་གཞན་ཞིག་འོང་། །
སེམས་ཀྱིས་བསླུས་པ་གྲངས་ཀྱིས་ག་ལ་ཆོད། །
མེ་ཏོག་འཚོ་ལགས།
མཚར་སྡུག་ནམ་མཁའི་ལྷ་མོར་མི་དོ་ལ།།
དྲི་ཞིམ་རྫས་ཀྱིས་མཛེས་བཟོ་མི་ཤེས་ཀྱང་།།
ལྷད་མེད་བརྩེ་བ་དྲོན་མོས་བཟའ་ཟླ་ལ།།
གུས་བརྩི་ཆེ་བ་གངས་ཅན་སྐྱེས་སྨན་ཚོ།།
འདི་འདྲ་ཞིག་ཡིན་ན་ཅི་འདྲ་རེད།
བཀུར་འོས་སྙན་ངག་པ་ལགས་ཉིད་ཀྱིས་གསུངས་པར་བདེན་པ་རེད་་་་བུ་མོ་ངས་་ཕ་སྐད་དང་ཡིག་སྐད་ལ་དོ་སྣང་མ་བྱས་པས་རྟགས་འཐར་འདྲེན་ཚུལ་ཅུང་ནོར་བ་རེད་་་་ལམ་སྟོན་གནང་བར་བཀའ་དྲིན་ཆེ་་་གཞན་བུ་མོ་ངའི་ཚིག་སྦྱོར་སྒྲིག་སྟངས་སོགས་མི་བདེ་བ་གང་མང་ཡོད་ངེས་པས་ལམ་སྟོན་ཅི་ནས་ཀྱང་མཛད་རོགས་སྙིང་ནས་གསོལ།
མེ་ཏོག་འཚོ་ལགས།
ཁ་སྔོན་ཁྱེད་རང་སྙན་ངག་ལ་དུངས་ཞེན་ཅན་ཞིག་ལས་སྙན་ངག་འབྲི་མི་ཤེས་ཞེས་གསུངས་སོང་།
འོན་ཀྱང་ཁྱེད་ཀྱིས་བྲིས་པའི་མཆན་བུ་མང་པོ་ཞིག་ཕྲན་གྱིས་མཐོང་བྱུང་བས།
དག་ཆ་དང་ཚིག་སྦྱོར་ཅུང་ཙམ་ལས་གཞན་པ་འགྲིགས་ཐག་ཆོད་ཤག
གཙོ་བོ་ཁྱེད་ཀྱིས་གཞན་གྱི་རྩོམ་ཡིག་གང་མང་བལྟ་ཀློག་བྱེད་པ་དང་མཆན་བུ་མང་ཙམ་འབྲི་རྒྱུ།
ལྷག་པར་རང་ཉིད་ཀྱིས་གང་ནུས་ཅི་ལྕོག་གིས་རྩོམ་ཡིག་རེ་འབྲི་རྒྱུར་འབད་དགོས།
གུས་པ་དང་པོར་ཁ་བརྡར་སླེབས་དུས་གཞན་གྱི་རྩོམ་ལ་མཆན་བུ་ཙམ་འབྲི་བ་ལའང་ལག་པ་འདར་མྱོང་ཡོད།
འབད་བརྩོན་ལྷོད་མེད་བྱས་པས་ཡར་རྒྱས་ཅུང་ཕྱིན་སོང་།
ཁྱེད་ཀྱིས་ཀྱང་དེ་ལྟར་བརྩོན་རོགས་གནང་།
བཀྲིས་བདེ་ལེགས་དྲ་གྲོགས་ཚོ།
མཚམས་གཅོད་སྒྲོལ་མ་ཡོད་བཞིན་དུ། །
མེ་ཏོག་འཚོ་ལ་མ་རེག་ཅིག །
མདུན་ལ་མོག་མོག་ཡོད་བཞིན་དུ། །
ཐུག་པར་ལྟ་བ་དགོས་པ་ཆུང་། ། དོལ་སྨྱོན་ལེགས་བཤད་ལས་སོ།།
ཁོ་བོས་ལམ་སྟོན་བྱས་པ་ལ།།
མེ་དཀར་ཕྲག་དོག་མ་ལང་ཞིག།
རྒྱ་གོར་ཨ་གོར་ཡོད་རྒྱུར་ན།།
མོག་མོག་གང་ནས་ཟོས་ཟོས་རེད།། མེ་དཀར་ལེགས་བཤད་ལས་སོ།། ཧ་ཧ་ཧ།
མེ་ཏོག་འདྲ་བའི་མེ་ཏོག་འཚོ། །
མེ་ཏོག་ང་ཡི་འགོ་སྐལ་རེད། །
མེ་དང་དྲོད་འདྲའི་འབྲེལ་བ་ལ། །
མེ་ལ་ཆུ་འཁྱག་མ་བླུགས་ཤིག །ཧཧཧ