ཕུར་བུ་སྒྲོལ་མ། རང་ལོ། ༡༤ དཔེ་སྟོན་སློབ་གྲྭ།
ཀ་ཁ་སློབ་པའི་དུས་ཤིག་ན།།
དཀའ་ངལ་ཆེ་ཆུང་འཕྲད་སྲིད་དེ།།
དཀའ་ངལ་གདོང་ལེན་བྱེད་པའི་ལས།།
སློབ་ཕྲུག་ཡིན་པའི་ལས་འགན་ཡིན།།
སློབ་ཕྲུག་ང་ཚོ་ནི་སྤྱིར་འཇིག་རྟེན་དུ་བྱོན་པ་ནི་འོས་འགན་ཆེན་པོ་ཞིག་འཁྱེར་ནས་ཡོད། སློབ་ཕྲུག་ཅེས་པའི་ཡིག་འབྲུ་གཉིས་ལས་གསལ་པོ་མངོན་ཐུབ་པ་ནི་སློབ་ཕྲུག་གི་ལས་འགན་གཙོ་བོ་ནི་སློབ་སྦྱོང་བྱ་རྒྱུ་འདི་རེད།
དེ་རིང་ངས་རང་ཉིད་ཀྱི་བརྗོད་གཞི་འདི་ཧ་ཅང་གཏིང་ཟབ་དང་མཐོ་བོ་མིན་ཀྱང་ང་ཚོ་དཔེ་སྟོན་གྱི་སློབ་མ་ཚོ་ལ་དོན་སྙིང་ལྡན་པ་ཞིག་ཡོད། དེ་བས་དེ་རིང་གི་ཆེས་གསལ་ཞིང་གནད་དུ་འཕིགས་པའི་བརྗོད་གཞི་འདི་དབྱེ་བ་གསུམ་ལ་དབྱེ་ཡོད་པ་ནི།
༡༽ སློབ་ཕྲུག་ཅིག་ཡིན་པའི་ཆ་ནས་སྒྲུབ་དགོས་པའི་ལས་འགན་གཙོ་བོ་གང་རེད།
༢༽ སློབ་ཕྲུག་ངོས་ནས་ལས་འགན་འདི་ཅི་འདྲ་བྱེད་དེ་སྒྲུབ་བམ།
༣༽ ལས་འགན་དེ་སྒྲུབ་ནས་མ་འོངས་སྤྱི་ཚོགས་ལ་གང་ཕན་ཐོགས་ཐུབ་བམ།ཞེས་བའི་དོན་ཚན་གསུམ་ཡིན།
༡༽ སློབ་ཕྲུག་ཅིག་ཡིན་པའི་ཆ་ནས་སྒྲུབ་དགོས་པའི་ལས་འགན་གཙོ་བོ་གང་རེད།
སློབ་ཕྲུག་ཅིག་ཡིན་པའི་ཆ་ནས་སྒུབ་དགོས་པའི་ལས་འགན་གཙོ་བོ་ནི་རང་ཉིད་ཀྱི་སྐབས་སུ་བབ་པའི་ལས་འགན་གཅིག་རང་ལས་མེད་པ་ནི་སློབ་སྦྱོང་སྦྱངས་རྒྱུ་དེ་རེད། སློབ་སྦྱོང་ཞེ་ན་ཀློག་དེབ་ནང་གི་འབྲི་ཀློག་གཅིག་པོ་མ་ཡིན་པར་ཕྲུ་གུ་རང་ངོས་ནས་བསམ་བློ་གཏོང་སྟངས་ཡར་རྒྱས་གཏོང་རྒྱུ་དང་དེ་མིན་སྒྲུང་དེབ་མང་པོ་བཀླགས་ཏེ་འཛམ་གླིང་གི་གནས་ཚུལ་ཤེས་རྟོགས་བྱ་རྒྱུ་རྣམས་ཀྱང་ཤེས་ཡོན་གྱི་ཁོངས་སུ་རྟོགས་ཀྱིས་ཡོད། སློབ་སྦྱོང་སྦྱངས་རྒྱུ་ནི་དམིགས་བསལ་ཁག་པོའི་ལས་ཤིག་མ་ཡིན་ཏེ་ས་དང་རྡོ་བོར་འདྲེན་བྱེད་པ་ལྟ་བུའི་དཀའ་ལས་མེད་ལ་གཞན་གྱི་གཡོག་ཀྱང་རྒྱུགས་དགོས་ཀྱི་མེད། རང་ཉིད་སོ་སོ་རྐུབ་སྟེགས་སུ་བསྡད་དེ་སློབ་སྦྱོང་བྱེད་རྒྱུའི་ཧ་ཅང་ལས་སླ་བའི་ལས་ཀ་ཆུང་ཆུང་ཞིག་རེད།སློབ་ཕྲུག་ཅིག་སློབ་སྦྱོང་ངམ་ཡོན་ཏན་སྦྱངས་མཁན་གྱི་སློབ་མ་ཞིག་ལ་གོ་བས་སློབ་སྦྱོང་སྦྱངས་རྒྱུ་ནི་ང་ཚོའི་གཞོལ་དུ་མེ་པའི་ལས་འགན་ཞིག་རེད།
དེ་མིན་སློབ་ཕྲུག་ལ་ལས་འགན་འདྲ་མིན་ཡོད་པ་ནི་དཔེར་ན། དགེ་རྒན་དང་ལས་བྱེད་རྣམས་ལ་རྒྱུན་དུ་ནས་གུས་ཞབས་དང་ཡ་རབས་སྤྱོད་བཟང་གི་བྱ་བ་སྒྲུབ་རྒྱུ་མ་ཟད་ན་ཚོད་ཉམས་པའི་སློབ་ཕྲུག་ཕོ་མོ་རྣམས་དང་མཐུན་བསྒྲིལ་བྱེད་རྒྱུ་དང་དུས་ཚོད་དམ་འཛིན་དང་ཆུ་བོའི་རྒྱུན་བཞིན་སློབ་སྦྱོང་ལ་འབད་པ་ལྷོད་མེད་བྱ་རྒྱུ་ནི་སློབ་ཕྲུག་ང་ཚོའི་རྒྱབ་ཏུ་འཁུར་ཡོད་པའི་ལས་འགན་གཙོ་བོ་དག་ཡིན།
དེར་བརྟེན་སློབ་ཕྲུག་ཅིག་ཡིན་པའི་ཆ་ནས་ལས་འགན་དེ་དག་བསྒྲུབ་རྒྱུ་ཧ་ཅང་གལ་ཆེ་ལ་དེ་བས་སློབ་ཕྲུག་ཅིག་ཡིན་པའི་ཆ་ནས་ལས་འགན་དེ་རྣམས་མ་བསྒྲུབ་ཚེ་སློབ་ཕྲུག་ཅེས་པ་ནི་རྣམ་དབྱེ་དང་པོ་མིང་གི་ངོ་བོ་ཙམ་སྟོན་པ་ལས་དོན་ལྡན་པ་ཞིག་ནམ་ཡང་ཆགས་མི་སྲིད།
༢༽ སློབ་ཕྲུག་ངོས་ནས་ལས་འགན་རྣམས་ཅི་འདྲ་བྱེད་དེ་སྒྲུབ་ཐུབ་བམ།
སློབ་ཕྲུག་ངོས་ནས་ལས་འགན་ཡོད་བསམ་ནས་བསྡད་ན་མི་འགྲིག་པར་དེ་རྣམས་ལག་བསྟར་དུ་འཁྱེར་རྒྱུ་ཧ་ཅང་གལ་ཆེན་ཡིན་།
དཔེར་ན། རྒྱུན་དུ་ནས་དུས་ཚོད་དམ་འཛིན་དང་སློབ་ལ་འབད་པ་ལྷོད་མེད་ཆུ་བོའི་རྒྱུན་བཞིན་བྱེད་དེ་ཤེས་ཡོན་ལེགས་པོ་སྦྱངས་རྒྱུ། དེ་མིན་རྒྱུན་དུ་ཚགས་པར་བཀླགས་ཏེ་འཛམ་གླིང་གི་གནས་སྟངས་དང་འགྱུར་ལྡོག་རྣམས་རྟོགས་ཐུབ་པ་དང་སྒྲུང་དེབ་གང་བྱུང་ཀློག་ནས་དེའི་ནང་ནས་རང་ཉིད་ཀྱི་མ་ཤེས་པའི་ཤེས་ཡོན་གསར་པ་ལེན་རྒྱུ་དང་རྩོམ་པ་པོ་དང་ལྷན་དུ་བསམ་ཚུལ་བརྗེ་ལེན་ཐུབ་ཚེ་དངོས་གནས་རང་ཉིད་ཀྱི་བསམ་བློ་འཁྱེར་སོ་ཧ་ཅང་འགྱུར་བ་འགྲོ་ཡི་རེད། དེ་ལྟར་རྒྱུན་དུ་དུས་ཚོད་དམ་འཛིན་ངང་བྱ་བ་རྣམས་བྱེད་ཐུབ་པ་ན་དངོས་གནས་སློབ་ཕྲུག་གི་ལས་འགན་སྒྲུབ་ཐུབ་ཀྱི་རེད།
མ་ཟད་རྒྱུན་དུ་ནས་སློབ་མ་ཡ་རབས་ཤིག་གི་ཚུལ་དུ་བསྡད་དེ་ཕན་ཚུན་བཀའ་མོལ་ལེགས་པོ་གནང་རྒྱུ་དང་དགེ་རྒན་རྣམས་ལ་སེམས་གཏིང་ནས་གུས་ཞབས་དང་། དད་པ་གནང་རྒྱུ་རྣམས་ནི་ང་ཚོའི་ལས་འགན་ཞིག་ཀྱང་ཆགས་ཡོད། རྒྱུན་དུ་ཕན་ཚུན་སློབ་གྲོགས་བར་བྱ་བ་ཆུང་ཆུང་རིགས་ལ་འཁྲུགས་པ་མི་རྒྱག་པར་བཟོད་སྒོམ་གྱི་ངོ་ནས་ཕན་ཚུན་མཐུན་སྒྲིལ་བྱེད་རྒྱུ་ཡང་སློབ་ཕྲུག་ཞིག་གིས་ལས་འགན་གལ་ཆེན་ཞིག་ཡིན་པས་སློབ་སྦྱོང་གཅིག་པོ་ཤེས་ཏེ་མི་འགྲིག་ སྤྱོད་པ་ཡང་ལེགས་པོའི་ངང་གཤོག་པ་གཉིས་ལྡན་གྱི་བྱ་ཞིག་བྱེད་རྒྱུ་གལ་ཆེ།
༣༽ ལས་འགན་རྣམས་སྒྲུབ་ནས་མ་འོངས་སྤྱི་ཚོགས་ལ་གང་ཕན་ཐོགས་ཐུབ་བམ།
སློབ་ཕྲུག་ཚོས་མ་འོངས་ལས་འགན་རྣམས་སྒྲུབ་ནས་སྤྱི་ཚོགས་ལ་ཕན་ཐོགས་ཐུབ་པའི་ནུས་པ་ཡོད། དཔེར་ན། སློབ་ཕྲུག་རྣམས་ནས་སློབ་སྦྱོང་ལེགས་པོ་བྱེད་དེ་མ་འོངས་སྤྱི་ཚོགས་ཐོག་ཏུ་མི་སྐད་གྲགས་ཅན་དང་སྙན་གྲགས་ཅན་ཞིག་ཆགས་མ་ཐུབ་ནའང་མི་བཟང་པོ་ཞིག་ཆགས་ཏེ་སྤྱི་ཚོགས་ཞབས་ཞུ་ཞུ་ཐུབ། སློབ་མ་ང་ཚོས་མ་འོངས་ཀྱི་མི་རབས་གསར་པ་རྣམས་ལ་བསམ་བློ་གསར་པ་ཞིག་དང་བྱ་སྤྱོད་གསར་པ་ཞིག་དཔེ་སྟོན་མགོ་བཙུགས་ཏེ་མ་འོངས་པའི་འཇིག་རྟེན་འདི་དེ་ལས་ཀྱང་ཡིད་དབང་འཕྲོག་པ་ཞིག་བཟོ་ཐུབ་པར་ ད་ལྟ་ནས་དུས་ཚོད་དམ་འཛིན་ངང་སློབ་སྦྱོང་ལེགས་པོ་བྱེད་དེ་མ་འོངས་དགེ་རྒན་ཆེན་པོ་ཞིག་ཆགས་ཏེ་ཕྲུ་གུ་འབུམ་མང་པོའི་མི་ཚེའི་མདུན་ལམ་ལ་སྒྲོན་མེ་སྤར་བ་ན་དངོས་གནས་སྤྱི་ཚོགས་ལ་ཕན་པའི་ལས་ཀ་དོན་སྙིང་ལྡན་པ་ཞིག་སྒྲུབ་ཡོད།
གལ་ཏེ་དི་ལྟར་སྤྱི་ཚོགས་ལ་ཞབས་ཞུ་ཞུ་ཐུབ་པ་ན་དངོས་གནས་ཕྲུ་གུ་ཞེས་པའི་མཚན་དེ་ཐོབ་པ་སྤོབས་པ་སྐྱེས་ཆོག་པ་དང་འཇིག་རྟེན་དུ་བྱོན་པ་ཡང་ཡི་རིང་ཆོག་པ་རེད། དེར་བརྟེན་ད་ལྟ་ནས་དཀའ་ལས་བརྒྱབ་སྟེ་སློབ་སྦྱོང་སྦྱངས་ནས་མ་འོངས་ཕྲུ་གུའི་ལས་འགན་སྒྲུབ་པ་དགོས། དེ་ལྟར་ཐུབ་ན་རང་གིས་སྤོབས་པའི་ངང་ནས་ང་སློབ་ཕྲུག་ཅིག་ཡིན་ཞེས་བཤད་ན་སུས་ཀྱང་རང་ལ་མོས་མཐུན་མེད་པ་མེད།
དངོས་གནས་སྙམ་མོ་བྲིས་འདུག་་་་་་་་བུ་མོ་ཆུང་ཆུང་ལགས་མུ་མཐུད་དུ་འདི་ལྟར་རྒྱུན་སྐྱོང་རོགས་གནང་།
འདས་པ་ལ་བྱེད་དེ་ཚབ་ཏུ་བྱས་ཏེ་བྲིས་ན་ལེགས འགྲོ་སྟངས་རེད ཀྱང་དང་ཡང་རྗེས་འཇུག་ལ་བལྟས་ཏེ་བྲིས་ན་ལེགས ཆུང་ས་ནས་གཟབ་ན་ཡར་རྒྱས་རེད
༣༽ ལས་འགན་དེ་སྒྲུབ་ནས་མ་འོངས་སྤྱི་ཚོགས་ལ་གང་ཕན་ཐོགས་ཐུབ་བམ།ཞེས་བའི་དོན་ཚན་གསུམ་ཡིན།
འདི།
༣༽ ལས་འགན་དེ་༼བསྒྲུབས་༽ནས་མ་འོངས་སྤྱི་ཚོགས་ལ་གང་ཕན་ཐོགས་ཐུབ་བམ། ཞེས་༼པའི་༽དོན་ཚན་གསུམ་ཡིན།
ཕྱི་དང་ནང་གི་ཀུན་སྤྱོད་གཉིས་ཆ་ཚང་ཡོད་པའི་སྣང་བ་སྟེར། ཡ་རབ་ཡོན་ཏན་ཅན་ནི་སློབ་ཕྲུག་ཡིན་ཡང་གུས་སོ། མངོན་པར་བསྟོད་དོ།
ཁྱེད་རང་གི་རྩོམ་ཡིག་འདི་དེ་རིང་གུས་མོ་ངས་ཁ་བརྡ་ནང་དུ་མཐོང་སོང་བས་ང་རང་ཧ་ཅང་དགའ་བོ་བྱུང།་མུ་མཐུད་ནས་གནང་རོགས་གནང།