བོད ལྷ་ཀླུ་གཉན་གསུམ།
ང་རང་བོད་ཀྱི་མི་ཞིག་ཡིན་དུས། དམིགས་བསལ་གྱིས་གསར་ཤོག་རང་དབང་ཅན་བྱེས་སུ་རྒྱུགས་ཆེ་ཤོས་ཀྱི་བོད་ཀྱི་དུས་བབ་ལ་དགའ་བ་དང་། བོད་ཀྱི་དུས་བབ་ཀྱི་གཙོ་བའི་བོད་ཀྱི་སྐད་ཡིག་ཡོད་སའི་ཟིན་བྲིས་འབྲི་ས་དང་བསམ་ཚུལ་གླེང་ས་ཚང་མར་སེམས་གཏིང་ནས་དགའ། ཡིན་ཡང་། དེང་སང་དྲ་ཐོག་འདི་ན་དུས་བབ་རྩོམ་སྒྲིག་པ་ལགས་ཀྱིས་གསལ་བསྒྲགས་ཤིག་སྤེལ་བའི་ནང་དུ། རང་རེའི་སྤུན་ཟླ་མི་ཉུང་བ་ཞིག་གིས་རྩོམ་སྒྲིག་པ་བདེན་ཚུལ་དང་ཁོང་གི་གསུངས་པ་ཇི་བཞིན་དུ་ཁས་ལེན་པ་དང་དམ་བཅའ་ཡོད་པར་གསུངས་མཁན་ཡང་མི་ཉུང་གི
ང་རང་གིས་རང་ཉིད་སྒེར་གྱི་བོད་ཀྱི་དུས་བབ་ཀྱི་ཟིན་བྲིས་པ་དག་གི་ལས་དབང་དང་མ་འོངས་པར་བོད་ཀྱི་དུས་བབ་ཀྱི་རྒྱུན་བསྲིངས་ཐུབ་མིན་སྐོར་ལ་ཡུན་རིང་བསམ་གཞིགས་བྱས་པའི་མཐར། རྩོམ་སྒྲིག་པ་ལགས་ཀྱི་བསམ་ཚུལ་དེ་ལས་ཁ་ཤས་ཤིག་གཏན་ནས་གནས་ལུགས་དང་རྒྱུ་མཚན་ཞིག་མཐོང་མ་སོང་། དཔེར་ན། ཟིན་བྲིས་པ་སུ་ཞིག་ཡིན་ཡང་། འདྲ་དཔར་དང་ཁ་བྱང་། དངོས་མིང་བཅས་གསལ་བོ་དགོས་པ་ལས། དེ་མེད་མཁན་དག་ནི་དྲ་ངོས་ནས་ཕྱིར་འཕུད་གཏོང་རྒྱུ་ཡིན་ཟེར་བ་དེ་རེད།
སྤྱིར་བཏང་ཟིན་བྲིས་པ་སུ་ཞིག་ཡིན་ཡང་། ཐོག་མར་དུས་བབ་ཚང་ལ་ཐོ་འགོད་བྱེད་དུས་སུ། དྲ་བའི་ཁ་བྱང་མེད་པར་ཐོ་འགོད་བྱེད་མི་ཐུབ་པ་ནི། དུས་བབ་ཚང་གི་ལོས་མཁྱེན་ལ། ནང་དགོས་སུ་ཟིན་བྲིས་པ་དེ་དག་གིས་ཀྱང་གནས་ལུགས་དེ་ཤེས་ཡོད་པ་རེད། དེ་ཡིན་དུས། སྐད་ཆ་བདག་པོ་མི་རྒྱག་པར་ཚིག་ཚོད་མེད་དུ་གསུངས་མཁན་དག་ལ་དུས་རྒྱུན་དུ་འགན་འཁུར་མི་ལེན་མཁན་དེ་དག་ནི། ་དུས་བབ་ཚང་མིན་པ་དང་། སྐྱེ་བོ་སྒེར་སོ་སོ་ཡིན་པར་གསལ་བསྒྲགས་བྱས་པ་ཡིན་ན། དེ་ཡི་འཐུས་པ་ཡིན།
གལ་སྲིད་། མི་མང་བོ་ཞིག་གིས་ཟིན་བྲིས་པ་དང་མཆན་པུ་བ་གང་རུང་ཞིག་དུས་རྒྱུན་དུ་སྤུན་ཟླ་ནང་ཁུལ་དུ་དཀྲུགས་ཤིང་གཏོང་མཁན་དང་སྐད་ཆ་ལ་གཏན་ནས་འགན་ལེན་མི་བྱེད་མཁན་དེ་འདྲ་བྱུང་བ་ཡིན་ན། དུས་བབ་ཚང་ནས་ཟིན་བྲིས་པ་དེ་ཡི་མིང་ནས་བོས་དེ། ཟིན་བྲིས་པ་འདིའི་དུས་རྒྱུན་དུ་ཟིང་ཆ་སློང་བ་དང་ཚིག་ཚོད་མེད་དང་རྒྱུ་མཚན་མེད་པ་རྐྱང་བཤད་ཀྱི་འདུག་ན། དྲ་ཐོག་གི་སྤུན་ཟླ་ཡོངས་ཀྱིས་ག་རེ་བསམ་གྱི་འདུག་་ཟེར་ནས་འོས་བླུགས་སྣོད་ཅིག་བཞག་པ་ཡིན་ན་ཡག་པོ་ཡོད་པར་འདོད།
དེ་མིན་བོད་ཀྱི་དུས་བབ་འདི་ནི་བོད་མི་མང་གི་རྩ་དོན་ཆེད་དུ་བོད་མི་གནད་ཡོད་སྒེར་བ་མི་ཉུང་བ་ཞིག་གིས་དཀའ་ལས་བརྒྱབ་དེ། དེ་རིང་གི་བར་དུ་ཚེ་སྲོག་སྲུང་དེ་ཡོང་བ་དེ་ཡང་མུ་མཐུད་དུ་གནས་ཀྱང་། གནས་དོན་མ་ཆོད་པ་ཞིག་བྱུང་བ་ཡིན་ན། དངོས་ནས་སེམས་ཕམ་པོ་རེད། ཕྱོགས་གཅིག་ནས་ང་དང་འདྲ་བའི་སྤུན་ཟླ་མི་ཉུང་བ་ཞིག་ཕྱི་རྒྱལ་ཡུལ་གྲུ་ཁག་དུ་བསྡད་ཡོད་སྟབས། སྒེར་ལ་བོད་ཡིག་གི་དཔེ་དེབ་སོགས་ཀྱི་མཐུན་རྐྱེན་མེད་པ་སོགས་ཀྱི་དཀའ་ངལ་འཕྲད་དེ། ཡིག་ནོར་བསམ་བཞིན་དུ་འབྲི་བཞིན་མེད་ཀྱང་། ཞུ་དག་གི་དུས་ཚོད་་ཀྱི་མི་འདང་བ་དང་། འཁྲིས་སུ་བོད་ཡིག་ཤེས་མཁན་གྱི་བོད་རིགས་སྤུན་ཟླ་ཡང་དཀོན་པོ་ཡིན་དུས། བོད་ཡིག་གི་དྲ་བ་དག་ནི་རང་གི་དུས་རྒྱུན་གྱི་འཚོ་བའི་ནང་གི་སྐད་ཆ་གླེང་ས་ལྟ་བུ་ཞིག་ཆགས་ཡོད་པ་དེ་ཡང་བསམ་གཞིགས་ཤིག་བྱེད་རན་རེད།
མཇུག་མཐར། ང་རང་ནི་ད་ལྟའི་བར་དུ་སྨྱུག་མིང་་འོག་བསྡོད་མཁན་ཞིག་ཡིན་ལ། ཕྱིས་ཀྱང་མུ་མཐུད་དུ་སྨྱུག་མིང་འོག་བསྡོད་འདོད་ཡོད། གལ་སྲིད། སྨྱུག་མིང་འོག་ནས་བསྡད་པ་དེར་འགྲིག་གི་མེད་པ་ཡིན་ན། ང་རང་དུས་བབ་ཚང་ནས་ཕྱིར་འབུད་བཏང་ཀྱང་འགྲིག་གི་ཡོད། འོན་ཀྱང་། དུས་བབ་ཚང་གི་ནང་དུ་ཚིག་དོན་གཉིས་ལ་བྱང་ཆ་ཡོད་མཁན་གྱི་སྨྱུག་མིང་འོག་དུ་ཡོད་མཁན་གཞན་དག་ལ་ཁྱེད་དུས་བབ་ཚང་གིས་བསམ་བློ་ཞིག་གཏོང་རན་རེད་ལགས།
དུས་བབ་ཀྱི་ཐག་གཅོད་དེར་རྒྱབ་སྐྱོར་བརྒྱ་ཆ་བརྒྱ་ཡོད། མི་མང་པོ་ཞིག་གིས་སྨྱུག་མིང་ངམ་གསེང་མིང་རེའི་འོག་ཏུ་ཡུབ་ནས་འགན་ཁུར་མེད་པའི་ཚིག་ངན་དང་། རྐང་བཙུགས་ནས་གང་སག་སྒེར་ལ་སྐྱོན་འཛུགས་བྱེད་པ། སྤྱི་སེམས་ཁ་འཁྱེར་གྱིས་མི་བུ་སྒེར་གྱི་འཁོན་སེམས་གླེང་བ།རྐང་བཙུགས་ནས་སྤྱི་ཚོགས་དང་མི་རིགས། མི་བུ་སྒེར་བཅས་ཀྱི་བར་ལ་དབྱེན་དཀྲུག་དང་དཀྲོག་གཏམ་བཟོ་བ་ལ་སོགས་པས་དེང་སང་དུས་བབ་ཟིན་བྲིས་ལྟ་བུའི་བོད་ཡིག་གི་ཟིན་བྲིས་འགའ་རུ་འགན་ཁུར་མེད་པའི་མི་བུ་འགའ་རེའི་ཆེད་དུ་སྨྱུག་མིང་གྱི་ཡོལ་བའི་འོག་ནས་འཁྱལ་གཏམ་གང་བྱུང་ཏུ་སྨྲ་བ་ལ་མིའི་རིགས་ཀྱི་ཆེས་སྤྱིར་བཏང་གི་རྒྱུན་ཤེས་ཙམ་ཡང་ངོས་ཟིན་གྱི་མེད་པའི་སྨྱུག་ཐོགས་པ་ཡིན་མདོག་གི་བྱ་སྤྱོད་འདི་ཆེས་མི་འོས་པ་ཞིག་ཡིན་པས་སོ།
ཁྱེད་ཀྱིས་གཏམ་དེ་ལ་བདག་གིས་རྗེས་སུ་ཡི་རང་ཞུ།
ང་རང་གསང་མིང་འོག་ནས་མཆན་བདེབས་མཁན་ཡིན་།།
འོན་ཀྱང་་་དུས་བབས་ཚང་གི་ད་རེས་ཀྱི་ཐག་གཅོད་ལ་རྒྱབ་སྐྱོར་ཡོད་་་་
གསང་མིང་འོག་གི་དྲ་འབུ་གདུག་རྩུབ་ཅན་བརྒྱ་ཆའི་མཐོན་པོར་སླེབས་འདུག་་་
དྲ་བ་རྒྱུན་བསྲིང་དགོས་ན་གད་བདར་གཙང་མ་ཞིག་བྱེད་རན་འདུག་།།
དུས་བབས་ཚང་ལ་ཁག་མི་འདུག་།།
དྲ་གྲོགས་ལྷ་ཀླུ་གཉན་གསུམ་གྱིས་བཤད་པ་ལ་རྒྱབ་སྐྱོར་ཡོད།
དུས་བབས་ཚང་གིས་ཁོང་གི་རྒྱུ་མཚན་དེ་དག་ལ་བསམ་ཤེས་གནང་་ན་དགེ་མཚན་འདུག།
ང་ཚོས་ག་འདྲ་ཐབས་ཤེས་བཙལ་ཡང།
ངན་པ་རྣམས་དུས་རྟག་ཏུ་མང་ཚོགས་ལ་ཁྲོམ་བསྒྲགས་བྱས་ཏེ་དངོས་ཟིན་ཐབས་བྱེད་པ་ལས།
རྩ་བ་ནས་ཚར་གཅོད་རྒྱུ་ནི་མི་རང་ངོས་ནས་བཅོས་སྒྱུར་མ་བྱས་པར་ཡོད་པ་མ་རེད།
དེའི་ཕྱིར་ང་ཚོའི་བོད་ཡིག་གི་བླ་སྲོག་ལྟ་བུའི་རྩོམ་པ་པོ་ཁོང་རྣམས་
བོད་ཀྱི་དུས་བབས་ཚང་གིས་མ་འོངས་པའི་མདུན་ལམ་ལ་བསམ་གཞིག་བྱས་ཏེ་
སྲུང་སྐྱོབས་བྱེད་རོགས།།
སྐུ་ཞབས་ཁྱེད་རང་ནས་མང་པོ་མང་པོ་འབྲི་རྒྱུའི་ཚབ་ལ་ཡག་པོ་གཅིག་བྲིས་ན་དེ་ལ་ྐློག་མཁན་ཚོས་དགའ་བསུ་ཞུ་གི་རེད།