གྲྭ་པས་ཆུང་མ་བླངས་ཆོག་གམ།

Comments (28) on “གྲྭ་པས་ཆུང་མ་བླངས་ཆོག་གམ།”

1. ཁྱོད་ཚོས་ད་བར་དུ་གྲྭ་པས་བུ་མོ་མནའ་མ་བླངས་ན་ཆོག་མིན་གླེང་བ་རེད། ད་ནི་བུ་མོས་གྲྭ་པ་མག་པར་བླངས་ན་འགྲིག་མིན་གླེང་དགོས་ཀྱི་འདུག་པས། དེའི་ཐད་དུ་ཡང་དཔྱད་བརྗོད་འདྲ་མིན་བོང་མཇེ་ལངས་ལངས་བྱོས་ཤིག

2. གྲྭ་བས་ཆུང་མ་ལེན་ཆོག་གི་མ་རེད། དེ་བཞིན་བཙུན་མས་ཀྱང་མག་པ་ལེན་ཆོག་གི་མ་རེད། གང་ཡིན་ཟེར་ན། གཉིས་ཀ་རབ་བྱུང་བ་ཡིན་པས་སོ། །གལ་ཏེ་འདོད་ཆགས་ཀྱིས་ཨ་མ་བརྟན་ན་བསླབ་པ་ཕུལ། དེ་ནས་ཡང་བསྐྱར་སྡོམ་པ་ལེན་ཆོག་གི་རེད། དེ་ནི་ལུགས་དང་མཐུན་པ་ཡིན་ལ་བཅོམ་ལྡན་གྱིས་ཀྱང་གནང་ཡོད་པ་རེད། མདོ་དང་རྒྱུད་སྡེ་དུ་མར་ཉོན་མོངས་དུག་གསུམ་ལས་འདོད་ཆགས་ལ་དམིགས་བསལ་གུ་ཡངས་ཡོད་པ་འདྲ། དེ་མིན་རབ་བྱུང་བ་ཡིན་པའི་ཁར་བཟའ་ཚང་བསྒྲིགས་པ་ཞིག་མདོ་དང་རྒྱུད་སྡེ་གང་ནའང་མེད། སྐྱེས་པ་ཡིན་ན་ཐེངས་བདུན་ལ་སྐྱ་སར་བབས་ཆོག་པ་བྱེ་སྨྲ་དག་གིས་འདོད་པ་རེད། བུད་མེད་ཡིན་ན་དེ་ལྟར་བྱེད་ཆོག་གི་མེད་པ་རེད། དེ་ཡང་རྟེན་གྱི་ཆ་ནས་སྡོམ་པ་སྐྱེ་རུང་མི་རུང་གི་ཆ་ནས་ཡིན་རྒྱུ་རེད།

3. བོད་རྒྱུད་ནང་བསྟན་འདི་ལ་ཁྱད་མཚར་བོ་ཞིག་སྔ་ནས་ངས་མཐོང་གི་ཡོད། གང་ཡིན་ཞེ་ན་སྤྲུལ་སྐུའི་གནའ་མ་བླངས་ན་དགོས་པ་དང་། གྲྭ་པའི་སྡོམ་པ་ཤོར་ན་ལྟས་ངན་དུ་རྩི་བ་འདི་ཧེ་བག་སུ་ཡིས་འབྱེད། གསུང་དང་།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་

4. དེ་ནི་བོད་ཀྱི་ནང་བསྟན་གྱི་ཁྱད་མཚར་ཞིག་མ་རེད། དེ་ནི་བོད་སྲོལ་རྒྱུན་གྱི་ཁྱད་མཚར་རེད། དམ་ཆོས་འདུལ་བའི་ནང་དུ་བསླབ་པ་རྒན་རིམ་ནས་བརྩི་བ་མ་གཏོགས་རིགས་མཐོ་དམན་དང་དབུལ་ཕྱུག མཁས་བླུན། སྤྲུལ་སྐུ་ཡིན་མིན་གྱི་གྲལ་རིམ་དབྱེ་འབྱེད་མེད།

5. གྲྭ་བས་མནའ་མ་ལེན་ཆོག་མིན་ནི་གྲྭ་བའི་རྩ་རྟགསབཞི་ལས་མི་གཙང་བ་སྤྱོད་པ་བསྲུང་དགོས་
   མིན་ལ་རག་ལད་པ་རེད་ལ་གྲྭ་བ་ལ་ཆོག་མི་ཆོག་ནི་གཙོ་བོར་འདུལ་གཞུང་ལས་དགག་བྱ་ནན་མ་
   ནན་ལ་ཐུག་པ་རེད། ཡང་སྔགས་པ་ལ་གྲྭ་བ་ཟེར་ན་ལེན་ཆོག་ཀྱང་དེའི་ཚབ་སྔགས་ཀྱི་དམ་
   ཚིག་ས་མ་ཡ་འབུམ་ཕྲག་སྲུང་དགོས་པས་དེ་ཡང་དེ་ལས་དཀའ་བར་འགྱུར་བས་གྲྭ་བ་དང་སྔགས་
   པ་སོགས་སྡོམ་པ་དམ་ཚིག་བསྲུང་དགོས་པའི་གང་ཟག་ནི་དཀའ་ལས་ཁོ་ནས་གནས་སུ་གྱུར་བ་
   ལས་འཇིག་རྟེན་གྱི་བདེ་སྐྱིད་ཕལ་ཆེར་དགྲ་རུ་འགྱུར་བ་ལྟ་བུ་རེད། ངས་འདི་ལྟར་བསམ་བློ་ཞིག་
   གཏང་དུས་འདུལ་གཞུང་ཞིག་ཏུ་སྔར་གུ་གེའི་ཡུལ་དུ་རྩ་བ་བཞི་ལས་གཉིས་དོར་
   གཉིས་བསྲུང་ཡན་ལག་ཀྱང་དེ་བཞིན་ཕྱེད་ཕྱེད་ཕྲི་གསུངས་བ་ཞིག་མཐོང་མྱོང་འདུག་པས་
   ཨུ་ཐུག་ན་དེ་ལྟ་བུའི་གྲྭ་བ་ཞིག་བྱས་ན་ཅུང་ལེགས་པར་སེམས་ཏེ། སྔ་མ་ཡང་སྲོལ་ཡོད་
   པས་སོ། འོན་ཀྱང་གྲྭ་བ་དགོན་པར་གནས་དགོས་ན་ཐོག་མར་དེ་ལྟ་བུའི་འདུལ་དགོན་ཞིག་
   གསར་བསྐྲུན་བྱ་ཐུབ་པར་དགོས་མོད།

6. ཡག་པོ་རེད། དཔེ་ཡག་པོ་རེད། ཆོག་གི་རེད། བན་དེས་མནའ་མ་ལེན་ཆོག་ནི་རེད། མི་ཆོག་དོན་ཡོད་མ་ཡོད་མ་རེད། དཔེར་ན་འཇར་པན་ནང་བཞིན་རེད། དང་པོ་འཇར་པན་ལ་གཅིག་གཟིགས་རོགས།

7. པར་འདི་སོག་པོའི་པར་རེད། སོག་པོ་ཚོས་ཅིག་ཅིག་མིག་མིགརེད་ཡ

8. སོག་པོའི་བན་དེ་་་དེ་ཚོའི་སོག་པོ་རེད། དགེ་ལུགས་ཚང་གི་བན་དེ་རེད།

9. གྲྭ་བས་བུད་མེད་ཉར་ཆོག་མིན་གྲྭ་བ་ཞེས་པའི་རྗོད་དོན་མ་འདྲེས་པར་ངོས་ཟིན་དགོས། སྤྱིར་སྡུས་གྲྭ་བ་དང་།
   ལས་གྲྭ་བ་དང་། བཟོ་གྲྭ་བ་སོགས་མང་པོ་ཡོད། འོན་ཅིང་སྐབས་འདིར་རབ་ཏུ་བྱུང་བ་དང་སྙེན་པར་རྫོགས་པ་ཁོ་ནར་གོ་བའི་དབང་དུ་བྱས་ན་ཕམ་པ་བྱུང་ཀྱང་མ་བཅོས་བའི་རབ་བྱུང་ཡིན་པ་ཞིག་ཡོད་མི་སྲིད།

10. སྤྲིན་པ་ཁ་སེར་གཏིང་ནག སད་དང་སེར་བའི་གཞི་མ། བན་དྷེ་སྐྱ་མིན་སེར་མིན། སངས་རྒྱས་བསྟན་པའི་དགྲ་བོ། ཀྱེ་མ། ཀྱེ་མ། ཀྱེ་མ། ཀྱེ་མ།

11. སྔ་མ་རྡོ་རྗེ་གདན་ནས་སྨོན་ལམ་སྐབས། རྙིང་མའི་མཁན་པོ་ཞིག་གིས་འདུས་མང་ལ་གསུང་བཤད་གནང་གསལ། ད་གཟབ་གཟབ་བྱེད་ན་མ་གཏོགས་དཀོན་མཆོག་གཉིས་མ་གཏོགས་ལྷག་མེད་གི །ང་ཚོའི་སྤྱི་ཚོགས་ནང་དགེ་འདུན་དཀོན་མཆོག་ཕལ་ཆེར་འཇིག་ཚར་བ་རེད་ཅེས་ཟེར།

12. དེང་སང་དུས་ངན་སྙིགས་མ་བདོལ་བའི་དུས་འདིར། གྲྭ་པ་ཚོ་ཕར་ཞོགས། སྤྲུལ་སྐུ་དང་རིན་པོ་ཆེ་ཟེར་བ་འདི་ཚོས་སངས་རྒྱས་ཀྱིས་གསུང་པའི་ཚིག་གཅིག་ལ་ཉམས་ལེན་ཚུལ་བཞིན་དུ་ལེན་རྒྱུ་ལྟ་ཞོག དེ་ལས་ལྡོག་སྟེ་ཀུན་སྤྱོད་འདྲ་མིན་དང་། མི་སྐྱ་ལས་ངན་པའི་རིགས་བསྟན་དང་བསྟེན་བཞིན་པ་འདི་ཡིས། མ་འོངས་པར་དད་ལྡན་རྣམས་དད་མེད་དུ་འགྲོ་ཉེན་ཆེ་བས་དེ་དོན་བླ་སྤྲུལ་ཚོའི་ཐུགས་ལ་བསྟི་བར་འཚལ། ཡང་ཁག་ཅིག་གིས་མི་དེ་ཚོ་བསོད་ནམས་མེད་པའི་རེད་ཟེར་བས། དེ་ལྟར་ཡིན་ན་འགྲོ་དོན་བསྐྱངས་སའི་སེམས་ཅན་མེད་ན་སངས་ག་འདྲ་བྱས་རྒྱས་ཀྱི་ཡོད་མེད་འབྲེལ་བཤད་ཞིག་བཀྱོན་རོགས་གནང་དང་། ཐམས་ཅད་གཅིག་ལ་གཅིག་བལྟོས་ཡིན་པས་ཉམས་ལེན་ཚུལ་བཞིན་གནང་བར་ཞུ།

13. དེང་སང་དུས་ངན་སྙིགས་མ་བདོལ་བའི་དུས་འདིར། གྲྭ་པ་ཚོ་ཕར་ཞོགས། སྤྲུལ་སྐུ་དང་རིན་པོ་ཆེ་ཟེར་བ་འདི་ཚོས་སངས་རྒྱས་ཀྱིས་གསུང་པའི་ཚིག་གཅིག་ལ་ཉམས་ལེན་ཚུལ་བཞིན་དུ་ལེན་རྒྱུ་ལྟ་ཞོག དེ་ལས་ལྡོག་སྟེ་ཀུན་སྤྱོད་འདྲ་མིན་དང་། མི་སྐྱ་ལས་ངན་པའི་རིགས་བསྟན་དང་བསྟེན་བཞིན་པ་འདི་ཡིས། མ་འོངས་པར་དད་ལྡན་རྣམས་དད་མེད་དུ་འགྲོ་ཉེན་ཆེ་བས་དེ་དོན་བླ་སྤྲུལ་ཚོའི་ཐུགས་ལ་བསྟི་བར་འཚལ། ཡང་ཁག་ཅིག་གིས་མི་དེ་ཚོ་བསོད་ནམས་མེད་པའི་རེད་ཟེར་བས། དེ་ལྟར་ཡིན་ན་འགྲོ་དོན་བསྐྱངས་སའི་སེམས་ཅན་མེད་ན་སངས་ག་འདྲ་བྱས་རྒྱས་ཀྱི་ཡོད་མེད་འབྲེལ་བཤད་ཞིག་བཀྱོན་རོགས་གནང་དང་། ཐམས་ཅད་གཅིག་ལ་གཅིག་བལྟོས་ཡིན་པས་ཉམས་ལེན་ཚུལ་བཞིན་གནང་བར་ཞུ།

14. བསླབ་པ་ཕུལ་བ་དང་ཤི་ནས་མ་གཏོགས། གྲྭ་པ་རབ་འབྱུང་ཡིན་པས། ཆུང་མ་བླང་ཆོག་བགྱིད་མ་རེད།

15. གྲྭ་པ་ཆུང་པ་བླངས་ན་དགེ་མཚན་ཆེན་པོ་གསུམ་ཡོད་ཅིང་གནས་ཚུལ་དེས་གྲྭ་འབོར་ཉུང་དུ་སེམས་ཁྲལ་དང་མི་རིགས་རྩ་སྟོང་འགྲོ་བའི་སྡུག་ངལ། ནང་ཆོས་ཉམས་ཆགས་འགྲོ་བའི་དཀའ་ངལ་བཅས་འགོག་ཐུབ་ཅིང་ཁ་ཆེ་ལྟར་མི་མང་ཀུན་ཆོས་ལུགས་ཁྲོད་མཉམ་ཞུགས་བྱེད་ཐུབ་པའི་དགེ་མཚན་ལྡན་པས་གནས་ཚུལ་དེ་དགའ་འོས་དོན་བཟང་ཞིག་ཏུ་འདོད།

16. དགེ་མཚན་་དང་ཕན་གནོད་ལ་ལྟ་དགོས་བ་ལས་ལྟ་བ་མཁྲེགས་རྒྱུ་མང་ན་མཐའ་མ་ཡོད་ཚད་བརླགས་པའི་སྔ་ལྟས་ཡིན་པས་བསྟན་པ་ལ་དག་ཐེར་བཏང་མི་ཆོག་པའི་སྒྲུབ་བྱེད་དཀོན་པ་འདོད། འདུལ་བ་ཡུལ་ཁྲིམས་དང་སྟུན་དགོས་ཟེར་བ་གོ་མྱོང་ཡོད།

17. བོད་ཀྱི་གྲྭ་བས་ཆུང་མ་ལེན་མི་ཆོག་པ་དང་། བཙུན་མས་མག་པ་ལེན་མི་ཆོག་པ་བོད་རྒྱུད་འདུལ་བའི་གཞུང་ལ་གཟིགས་དང་མཁྱེན་གི་རེད། གཤམ་དུ་བོད་ཀྱི་སྤྲུལ་སྐུ་དང་རིན་པོ་ཆེའི་མཚན་སྒྲོགས་པ་འགའི་མཛད་འཕྲིན་མཇལ་དུས་མིག་ནས་མཆི་མ་འབྲུལ་ཞིང་ལུས་ནས་བ་སྤུ་གཡོ་བའི་དད་གུས་དབང་མེད་དུ་འཕེལ་བ་རེ་འདུག
    http://www.youtube.com/watch?v=8w3yBkalPt4&feature=related

18. འདི་ནའང་སྐུ་གཤེགས་གྲུབ་དབང་པདྨ་ནོར་བུ་རིན་པོ་ཆེ་དབུར་བཞུགས་ཐོག་ས་གནས་ཉེན་རྟོག་དམག་མི་དང་བཅས་པས་སྤྱན་དྲངས་པའི་ཡུམ་ཆེན་མཁའ་འགྲོ་དབང་མོའི་མཛེས་ཉམས་དང་། ཡབ་ཆེན་ས་སྐྱོང་རྒྱལ་པོའི་བརྗིད་ཉམས་སོགས་གཉེན་སྟོན་གྱི་མཛད་སྒོ་རྒྱས་པ་ཞིག་འདུག འདི་དག་གིས་བོད་ཀྱི་ཆོས་རིག་ལ་དོན་དངོས་སུ་ཕན་གནོད་གང་ཞིག་བྱུང་དང་འབྱུང་བཞིན་པའི་སྐོར་ལ་བསམ་ཚུལ་རེ་གསུངས་རོགས།
    http://www.youtube.com/watch?v=PkTmytojq68&feature=related

19. སྡོང་གསེར་མིག་གིས་འཁོ་སྤྲོད་གནང་བའི་བརྙན་ཕབ་ཆ་ཚང་བལྟས་པ་ཡིན་དེ་ནི་སྔགས་རྒན་
    གྱི་གཉེན་སྟོན་འདྲ་ཡིན་ན་མ་གཏོགས་གྲྭ་བས་གཉེན་སྟོན་འདྲ་པོ་རྩ་བ་ནས་མི་འདུག་དེའི་ཁོར་
    ཡུག་གི་མི་ཚོ་གྲྭ་ཆས་ཆ་ཚང་གྱོན་མཁན་གཅིག་ཀྱང་མི་འདུག་

20. གྲ་བ་དང་བླ་མས་ཆུང་མ་བླངས་ཆོག་གི་མེད་པ་ནི་བདེན་པ་རེད། འོན་ཀྱང་། གལ་ཆེ་ཤོས་ནི་གྲ་བས་མནའ་མ་བླངས་པ་ཡིན་ན་ནོར་འཁྲུལ་ཞིག་ཏུ་བརྩི་གི་ཡོད་མེད་དེ་ཡིན། དེ་ནི་བཙན་བྱོལ་ནང་དུ་དྲག་ག་ཡོད། དཔེར་ན་གྲ་བ་ཞིག་ལོག་ནས་བུད་མེད་མཉམ་དུ་ཆང་ས་རྒྱག་པ་ཡིན་ན་སྐྱ་སར་བསྡད་པ་མ་གཏོགས་བླ་མ་ཡིན་ཟེར་ནས་ཐོབ་ཐང་གང་ཡང་མེད། བོད་ནང་དུ་གནས་སྟངས་དེ་སྡུག་ཅག་ཡོད། བོད་ནང་དུ་བླ་མ་མང་ཆེ་བ་ལ་བདག་མོ་༼མནའ་མ་༽ ཡོད་པ་མ་ཟད་ད་དུང་ཡང་དེ་ལ་དད་པ་བྱེད་མཁན་ཡང་མང་པོ་ཡོད། བླ་མ་ལོག་ན་མཛད་པ་རེད་ཟེར་སྲོལ་ནི་ཡོངས་གྲགས་ལྟ་བུ་ཆགས་ཡོད། བྱས་ཙང་། དེའི་ཤུགས་རྐེྱན་གྱིས་བླ་མ་ལོག་མཁན་ནི་ཇེ་མང་རེད།

21. འདིར་རེ་བསྐུལ་ཞུ་རྒྱུ་གཅིག་ནི། བོད་ཀྱི་སྔགས་འཆང་ཚོས་སྔགས་ཆས་ལས་གྲྭ་ཆས་མ་གྱོན་རོགས་གནོངས།

22. གྲ་པ་དང་ཇོ་མོས་མནའ་མ་དང་མག་པ་ལེན་ཆོག་དང་མི་ཆོག་གིས་གླེང་བརྗོད་འདིར་ལྟ་ཚུལ་གསུམ་ཡོད།
    ༡༽ མིའི་སྤྱོད་ལམ་གང་ཅི་ཆོག་དང་མི་ཆོག་སྐོར་བཤད་སྐབས་སྲིད་ཁྲིམས་དང་ཆོས་ཁྲིམས་ནང་གསལ་ཆོག་དང་མི་ཆོག་ལས་བཤད་ས་མེད། བླ་གྲ་སོགས་ཀྱིས་མནའ་མ་ལེན་པས་སྲིད་ཁྲིམས་འགལ་བའི་ལོ་རྒྱུས་མེད།
    ༢༽ ཆོས་ཁྲིམས་སུ་བླ་མ་དང་གྲ་པ་ཇོ་མོ་སོགས་སོ་ཐར་རིགས་བརྒྱད་གང་རུང་གི་སྡོམས་ལྡན་ཞིག་ཡིན་ཚེ་འདུ་བའི་བཅས་ཁྲིམས་ལྟར་རང་ལ་བབས་པའི་བཅས་མཚམས་ལས་འགལ་དང་མ་འགལ་ལས་གཞན་ཆོག་མི་ཆོག་བཤད་དོན་མེད།
    དེས་ན་དེའི་སྐོར་དམ་ཆོས་འདུལ་བའི་བཅས་མཚམས་དང་དགེ་འདུན་གྱི་ནང་ཁྲིམས་སོགས་ལ་སྦྱངས་པས་བློ་རིག་གསལ་བའི་སྐྱེ་བོ་དག་གིས་སྤྱོད་ཡུལ་ལམ་གླེང་དཔྱད་འོས་པ་ལས་འཇིག་རྟེན་རང་འགའ་བ་དག་གིས་ཁྲོམས་ཚོགས་ཀྱི་གླེང་བརྗོད་ཞིག་ག་ལ་ཡིན།
    ༣༽ བླ་མའམ་སྤྲུལ་སྐུས་མནའ་མ་ལེན་ཆོག་པ་དང་། ད་དུང་ཡང་སྔར་གྱི་མིང་དང་ལས་གནས་བཅས་སུ་རང་འཇགས་སུ་སྤྱོད་ཆོག་པ་དང་། གྲ་བཙུན་བཅོས་མ་རྣམས་ཀྱིས་མནའ་མ་དང་མག་པ་ལེན་ནས་སྔར་གྱི་མིང་གནས་སོགས་བཅོས་སྒྱུར་རམ་མི་ཆོག་པས་ལྟར་ཚུལ་དེ་རྨོང་དད་དང་ཆ་མ་སྙོམས་པའི་སྲོལ་ངན་གྱི་ལྟ་ཚུལ་ཞིག་ཡིན་པ་ལས་ནང་ཆོས་ལྟར་ཅི་སྤྱི་ཚོགས་འདྲ་མཉམ་གྱི་འདུ་ཤེས་འཛིན་མཁན་ཞིག་གིས་དགའ་བསུ་ཅི་ལ་ཞུ།
    དེ་གཉིས་ཆོག་ན་ཆོག་མཉམ་དང་མི་ཆོག་ན་མི་ཆོག་མཉམ་གཅིག་མཚུངས་རང་ལ་ལྟ་ཚུལ་མེད་དོ།

23. བོད་ཀྱི་གྲ་བས་ཤ་ཟ་བ་དང་། འབྲུག་གི་གྲ་བས་ཆང་འཐུང་བ། སོག་པོའི་གྲ་བས་མནའ་མ་ལེན་པ་རྣམས་འདུལ་བ་དང་མཐུན་མིན་གང་ལྟར་ཡང་་མི་རིགས་ཀྱི་ལམ་དང་ལུགས་སྲོལ་ལྟ་བུ་ཞིག་ཆགས་ཚར་བ་རེད། ཡིན་ནའང་འདི་འགོས་ནད་ནང་བཞིན་ཕར་འགོས་ཚུར་འགོས་མ་བྱས་ན་ཡག་པོ་རེད། ཝི་ཐི་ནམ་དང་ཐེ་ལན་ཌི་ལྟ་བུའི་བོད་རྒྱུད་ནང་བསྟན་ལ་དོ་སྣང་སླེབས་བཞིན་པའི་ཐེག་དམན་པ་ཚོར་ཡང་ན་ཚ་འདི་རིགས་ཡུན་གྱིས་འགོ་སྲིད་ན་དམ་ཆོས་འདུལ་བའི་ལེའུར་བཞི་ཤད་འཇོག་རྒྱུར་ཡང་ཐག་མི་རིང་བ་འདྲའོ།

24. འདི་ཚོ་ཛུན་མ་རེད། ལ་མ་ཛུན་མ། སྤྲུལ་སྐུ་ཛུན་མ་རེད། མི་ཕམ་ཛུན་མ། འདི་བན་དེ་མིན་ན་ཡང་བན་གོས་གོན་མ་རབ་རེད།
    http://www.youtube.com/watch?v=PkTmytojq68&feature=related

25. དགེ་ལུགས་ཚང་གི་བན་དེ་ཚོས་མནའ་མ་ལེན་ཆོག་ཟིག གོང་གི་པར་དེ་ལ་གཟིགས་དང་་དེ་ཚོ་དགེ་ལུགས་རེད་འདུག སོག་པོ་རེད་འདུག སོག་པོའི་ནང་དགེ་ལུགས་ཚང་གི་བན་དེ་ཚང་མས་མནའ་མ་ལེན་གི་རེད་ཟེར་གི་འདུག

26. གྲྭ་བས་ཆུང་མ་ལེན་པ་ཆོས་ཁྲིམས་དང་འགལ་ཡང་སྲིད་ཁྲིམས་དང་འགལ་མེད་པས་སོག་པོའི་གྲྭ་བ་ཚོས་ཆུང་མ་ལེན་པའི་སྲོལ་དེ་ཡང་ཡུལ་སྲོལ་ནས་བྱུང་བ་རེད་ལ། བོད་ཀྱི་བླ་མས་རིག་མ་བཞེས་པ་དེ་ཡང་ཡུལ་སྲོལ་དང་འདྲེས་ནས་ཡོང་བ་ཞིག་རེད། བླ་མ་མེད་པའི་གོང་རོལ་ན།།སངས་རྒྱས་བྱ་བ་མིང་ཡང་མེད།།ཞེས་པ་ལྟར་སྔགས་ཀྱི་ཉམས་ལེན་ས་ཁྱབ་རྡོ་ཁྱབ་ཏུ་གྱུར་ནས་དེ་ལྟར་བྱུང་བ་ཞིག་ཡིན་སྲིད། ཐེ་ཝན་ཆོས་ཚོགས་ཀྱི་རྒྱ་མོ་ཞིག་གིས་བོད་ཀྱི་བླ་མ་ཞིག་ལ་ལུས་འབྲེལ་བྱས་ཏེ་ཁོ་མོར་ཚོར་བ་མ་འདྲ་བ་ཞིག་བསླེབས་སོང་ཞེས་ག་ས་ག་ལ་བསྒྲགས་པས། རྗེས་སུ་ཉེན་རྟོག་པས་བོད་ཀྱི་བླ་མ་འཇུ་བཟུང་བྱས་པའི་ངོ་ཚ་བའི་གཏམ་རྒྱུད་ཀྱང་མང་།

27. སྟས་ངན། པར་འདི་འདྲ་ཞིག་གང་ནས་ཁྱེར་ཡོང་པ་ཡིན་ནམ།
    སངས་རྒྱས་བཅོམ་ལྡན་འདས་ཀྱི་རྗེས་འཇུག་དངོས་ཡིན་ན།
    གྲ་བས་ཆུང་མ་བླང་མི་ཆོག
    གྲ་བས་ཆུང་མ་བླང་ཆོག་གི་ཡོད་ན།
    བཅོམ་ལྡན་འདས་ཀྱང་སངས་རྒྱས་ཀྱི་གོ་འཕང་ཐོབ་རྗེས།
    ཉིད་ཀྱིས་ཀྱུང་ཆུང་མ་ལེན་གི་རེད།

28. ཁོང་ཚོ་ལ་མིག་ཡོད་དམ་མེད་གང་ཤེས། པར་འདི་པན་དེས་པར་རེད་མི་འདུག འདི་ལ་བཙུན་པའི་ཆ་ལུགས་ཟེར་ནི་མ་རེད། ཆོས་གོས་གསུམ་གང་ཡང་མ་རེད།