གཞུང་ཞབས་ཟུར་པ་འཇིགས་མེད་པ་སངས།
དེང་སང་འགའ་ཞིག་གིས་ཆེས་མཐོའི་ཁྲིམས་ཞིབ་གསུམ་འཕོ་འགྱུར་གཏོང་ཆོག་པ་ནི་གྲོས་ཚོགས་དབུས་སུ་བཞག་པའི་བཅའ་ཁྲིམས་ལ་བརྟེན་ནས་ཡིན་ཚུལ་གླེང་གི་འདུག དེ་ཡང་གྲོས་ཚོགས་དབུས་སུ་བཞག་པའི་བཅའ་ཁྲིམས་ཡིན་ཚུལ་བཅའ་ཁྲིམས་ནང་དངོས་སུ་མི་གསལ་ཡང་། དེ་ནི་བཅའ་ཁྲིམས་ཀྱི་སྙིང་དོན་ཞིག་ཡིན་པ་གསལ་པོ་རེད། གྲོས་ཚོགས་དབུས་སུ་བཞག་པའི་བཅའ་ཁྲིམས་ཞེས་པ་ནི་གྲོས་ཚོགས་ཀྱིས་གང་བྱུང་བྱེད་ཆོག་པའི་དོན་མིན། དེ་ནི་སྲིད་སྐྱོང་གིས་གཙོས་བཀའ་བློན་དང་ཆེས་མཐོའི་ཁྲིམས་ཞིབ་པ་རྣམས་འཕོ་འགྱུར་གཏོང་བའི་སྐུ་དབང་གྲོས་ཚོགས་ལ་ཡོད་པ་མ་ཟད། ཆེས་མཐོའི་ཁྲིམས་ཞིབ་པ་དང་བཀའ་བློན་རྣམས་བསྐོ་གཞག་གི་སྐུ་དབང་ཡང་གྲོས་ཚོགས་ལ་ཡོད་པའི་དབང་གིས་རེད། གང་ལ་ཞེ་ན། བཀའ་ཤག་དང་ཆེས་མཐོའི་ཁྲིམས་ཞིབ་པ་ལ་གྲོས་ཚོགས་འཕོ་འགྱུར་དང་བསྐོ་གཞག་གི་སྐུ་དབང་མེད་ལ། སྤྱི་འཐུས་ལྷན་ཚོགས་ཀྱི་ལས་དོན་རྣམས་ལྷན་ཚོགས་ཀྱི་སྒྲིག་གཞི་དང་མཐུན་མིན་ལ་བསྙད་དེ་ཁྲིམས་ཞིབ་ཁང་གིས་རྩད་གཅོད་ཀྱང་མི་ཆོག གང་ལྟར་མང་གཙོའི་རིང་ལུགས་ཀྱི་གནས་སྟངས་ཞིབ་ཕྲ་མཁྱེན་རྟོགས་དང་། བཅའ་
ཁྲིམས་ཀྱི་སྙིང་དོན་(Spirit) ལ་གཟིགས་ཞིབ་མ་ཐུབ་པར། ཟུར་རེ་ནས་འཇུས་ཐུབ་པ་ཙམ་གྱིས་བཅའ་ཁྲིམས་ཀྱི་གོ་བ་ལོན་མི་ཐུབ།
ཡང་འགའ་ཤས་ཀྱིས་བཀའ་ཤག་ཆ་ཚང་འཕོ་འགྱུར་གཏོང་ཆོག་པ་ལ་ཁྲིམས་ཞིབ་ཁང་ཆ་ཚང་འཕོ་འགྱུར་གཏོང་མི་ཆོག་པ་གང་རེད་ཅེས་གསུང་གི་ཡོད། བཅའ་ཁྲིམས་ལ་སློབ་སྦྱོང་ཡག་པོ་མ་བྱས་པར་རྒྱུ་མཚན་ལྟར་སྣང་བ་མང་པོ་བཀོད་དེ་སོ་སོས་སོ་སོ་ལ་ཧང་སངས་སངས་བྱེད་མཁན་དེང་སང་ཤ་མོ་བརྡོལ་བ་བཞིན་ཡོང་མུས་རེད། དེ་ཡང་ “བཅའ་ཁྲིམས་དོན་ཚན་ཉེར་དགུ་པ། བཀའ་ཤག་གི་འགན་འཁུར་དང་། འཕོ་འགྱུར། ཞེས་པའི་ནང་གསེས་དྲུག་པར། བཀའ་ཤག་གི་ཡུན་ཚད་རྫོགས་མཚམས་སྲིད་སྐྱོང་གསར་པའི་དམ་འབུལ་མ་ཟིན་བར་རྙིང་པས་ལས་འཁུར་རྒྱུན་སྐྱོང་བྱེད་དགོས། དོན་ཚན་འདིའི་ནང་གསེས་ ༣ པ་དང་ ༤ པ་བཅས་ཀྱི་འོག་བཀའ་བློན་བྱེ་བྲག་པ་ཞིག་འཕོ་འགྱུར་བྱུང་ཚེ་དེས་འཕྲལ་དུ་ལས་འཁུར་མཚམས་འཇོག་བྱེད་དགོས། བཀའ་ཤག་ཆ་ཚང་འཕོ་འགྱུར་བྱུང་ཚེ་སྲིད་སྐྱོང་གསར་པའི་དམ་འབུལ་མ་ཟིན་བར་ལས་འཁུར་རྒྱུན་སྐྱོང་བྱེད་དགོས། འོན་ཀྱང་བར་བརྒལ་གྱི་དུས་ཡུན་དེའི་རིང་འཆར་ཅན་བྱེད་སྒོ་ཙམ་ལས་སྲིད་བྱུས་དང་འབྲེལ་བའི་ཐག་གཅོད་གསར་པའི་རིགས་བྱེད་མི་ཆོག” ཅེས་བཀའ་ཤག་ཆ་ཚང་འཕོ་འགྱུར་སོང་རུང་། བཀའ་ཤག་གསར་པ་མ་བསླེབས་པའི་བར་དུ་བཀའ་ཤག་རྙིང་པས་རྒྱུན་ལྡན་གྱི་ཕྱག་ལས་རྣམས་མུ་མཐུད་དགོད་ཀྱི་ཡོད། འོན་ཀྱང་ཁྲིམས་ཞིབ་ཁང་ཆ་ཚང་འཕོ་འགྱུར་སོང་ན། མང་གཙོའི་སྒྲིག་འཛུགས་ཀྱི་གྲུབ་ཆ་གྲོས་ཚོགས་དང་། འཛིན་སྐྱོང་། ཁྲིམས་འཛིན་གསུམ་གྱི་དབང་ཚད་ཆ་བགོས་དང་། ཕན་ཚུན་སྟངས་འཛིན་ལྗིད་མཉམ་མེད་པར་བརྟེན། མང་གཙོའི་རིང་ལུགས་ཀྱི་གཞུང་ཞིག་མིན། དེས་ན་བཅའ་ཁྲིམས་ཟིན་བྲིས་ཚོགས་ཆུང་གིས་ཀྱང་དགོས་པ་འདིར་བསམ་བཞེས་ཀྱིས་ ‘སུ་རུང་’ ཞེས་པའི་ཆ་རྐྱེན་དེ་བཀོད་འདུག དེ་ཡང་། “བཅའ་ཁྲིམས་དོན་ཚན་རེ་གསུམ་པ། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ། ཞེས་པའི་ནང་གསེས་བཞི་པར། སྤྱི་འཐུས་ལྷན་ཚོགས་ཀྱི་སྤྱི་འཐུས་རྩ་འབོར་གྱི་གསུམ་ཆ་གཉིས་ཡན་གྱིས་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས་བཅས་སུ་རུང་འཕོ་འགྱུར་དགོས་པའི་གྲོས་ཆོད་བཞག་སྟེ་འཕོ་འགྱུར་བྱེད་དགོས་བྱུང་ན་ལས་དེ་མིན་ཁྲིམས་ཞིབ་པ་ཆེ་བའི་ལས་རྒྱུན་ལོ་ལྔའམ། རང་ལོ་དྲུག་ཅུ་རེ་ལྔ་ཧྲིལ་པོ་ལོན་པ་གང་སྔའི་བར་ཡིན། ཁྲིམས་ཞིབ་པ་གཞན་གཉིས་རང་ལོ་དྲུག་ཅུ་རེ་ལྔ་ཧྲིལ་པོ་མ་ལོན་བར་ལས་འཁུར་རྒྱུན་འཛིན་བྱ་རྒྱུ།” ཞེས་ཆེས་མཐོའི་ཁྲིམས་ཞིབ་པ་འཕོ་འགྱུར་གཏོང་བ་ལ་སྤྱི་འཐུས་རྩ་འབོར་གྱི་གསུམ་ཆ་གཉིས་ཡན་དགོས་ཚུལ་གསལ་ཡོད། འོན་ཀྱང་། “བཅའ་ཁྲིམས་དོན་ཚན་ཉེར་དགུ་པ། བཀའ་ཤག་གི་འགན་འཁུར་དང་། འཕོ་འགྱུར། ཞེས་པའི་ནང་གསེས་གསུམ་པའི་ཀ་པར། སྤྱི་འཐུས་ལྷན་ཚོགས་ཀྱི་སྤྱི་འཐུས་ངོ་ཡོད་གསུམ་ཆ་གཉིས་ཡན་གྱིས་མོས་མཐུན་བྱུང་ན་སྲིད་སྐྱོང་དང་། བཀའ་བློན་བྱེ་བྲག་པའམ། བཀའ་ཤག་ཡོངས་རྫོགས་འཕོ་འགྱུར་གཏོང་འཐུས།” ཞེས་གསུངས་པ་བཞིན་བཀའ་ཤག་གམ་བཀའ་བློན་བྱེ་བྲག་པ་འཕོ་འགྱུར་ལ་སྤྱི་འཐུས་ངོ་ཡོད་གསུམ་ཆ་གཉིས་ཡན་གྱི་མོས་མཐུན་ལས་དགོས་ཀྱི་མེད། དེ་ལྟར་གཟིགས་ཐུབ་ཚེ་ལོ་སུམ་ཅུའི་གོང་གི་བཅའ་ཁྲིམས་ཟིན་བྲིས་ཚོགས་ཆུང་གི་ཚོགས་མི་རྣམས་ཀྱི་དགོངས་བཞེད་ཟབ་རྒྱས་ལ་རྗེས་སུ་ཡི་རངས་ཞུ་རྒྱུ་ཁོ་ན་ལས་མེད། ད་ལྟའི་ང་ཚོའི་ལས་ཀྱི་སྣེ་མོ་བ་རྣམས་ལ་བལྟས་ཚེ་མཛད་གཙོ་གོང་མ་རྣམས་ཀྱི་རྣམ་དཔྱོད་ལ་ཡིད་སྨོན་ངང་གིས་འཆོར་བ་སྨོས་མེད་རེད།
བཅའ་ཁྲིམས་ཀྱི་སྐོར་སྲིད་སྐྱོང་དང་སྲིད་སྐྱོང་གི་ཕྱོགས་གཏོགས་པ་དག་གིས་ཀྱང་རིང་ཙམ་ཐུང་ཙམ་མང་པོ་བཤད་སོང་། དཔེར་ན། བཅའ་ཁྲིམས་ཁ་གསལ་མེད་ཚུལ་དང་། བསྐྱར་བཅོས་དགོས་ཚུལ་སོགས་རེད། ངས་བསམ་པར་བཅའ་ཁྲིམས་ཧ་ཅང་ཁ་གསལ་རེད། ཡིན་ཡང་ལག་བསྟར་མ་བྱས་པའམ། སོ་སོས་གོ་དོན་མ་རྟོགས་པས་རྒྱུ་མཚན་གྱིས་བཅའ་ཁྲིམས་གསལ་ཁ་མེད་པར་འགྲེལ་བ་ནི་མདའ་མོ་འཕེན་འདོད་མ་ཡིན་པར་གཞུ་མོ་གཅག་འདོད་རང་རེད། ཐབས་སྐྱོ་བ་ཞིག་ལ། གྲོས་ཚོགས་ནང་ལོ་ངོ་སུམ་ཅུར་ཉེར་བར་ལས་ཀ་བྱས་ཟིན་པའི་སྤྱི་འཐུས་ཚོགས་གཙོ་གཙོས་པའི་སྤྱི་འཐུས་རྣམས་དང་། དེ་བཞིན་སྲིད་སྐྱོང་དང་བཀའ་བློན་རྣམས་ཀྱིས་བཅའ་ཁྲིམས་ཀྱི་གོ་དོན་མ་རྟོགས་པ་དང་། འབྲེལ་ཆག་དོན་ཚན་དག་གོང་འོག་སྒྲིག་མ་ཤེས་པ། ཐ་ན་སུ་རུང་དང་ཆ་ཚང་གི་དོན་ཙམ་ལའང་རྨོངས་པའི་གནས་ཚུལ་ནི་ཧ་ཅང་ཐབས་རྡུགས་ཤིག་དང་། ཞབས་འདྲེན་ངོ་མ་ཞིག་རེད་དྲན། ཡང་ན་ཤེས་བཞིན་བཏོར་གཤིག་གཏོང་བ་ཡིན་ལས་ཆེ།
གྲོས་ཚོགས་དབུས་སུ་བཞག་པའི་བཅའ་ཁྲིམས་དང་། གསལ་བཤད་གཞན། ཅེས་པའི་ནང་།
བཀའ་ཤག་དང་ཆེས་མཐོའི་ཁྲིམས་ཞིབ་པ་ལ་གྲོས་ཚོགས་འཕོ་འགྱུར་དང་བསྐོ་གཞག་གི་སྐུ་དབང་མེད་ལ། སྤྱི་འཐུས་ལྷན་ཚོགས་ཀྱི་ལས་དོན་རྣམས་ལྷན་ཚོགས་ཀྱི་སྒྲིག་གཞི་དང་མཐུན་མིན་ལ་བསྙད་དེ་ཁྲིམས་ཞིབ་ཁང་གིས་རྩད་གཅོད་ཀྱང་མི་ཆོག ཅེས་པ་དགོངས་བཞེས་ཡིན་ན་གཤམ་གྱི་དགོངས་ཚུལ་དང་མི་འགལ་ལམ། དེ་ཡང་།
མང་གཙོའི་སྒྲིག་འཛུགས་ཀྱི་གྲུབ་ཆ་གྲོས་ཚོགས་དང་། འཛིན་སྐྱོང་། ཁྲིམས་འཛིན་གསུམ་གྱི་དབང་ཚད་ཆ་བགོས་དང་། ཕན་ཚུན་སྟངས་འཛིན་ལྗིད་མཉམ་མེད་པར་བརྟེན། མང་གཙོའི་རིང་ལུགས་ཀྱི་གཞུང་ཞིག་མིན། སོགས་གསལ་བཤད་གནང་འདུག ཡིན་ཀྱང་ཀློག་པ་པོ་ངས་གོང་གི་གནས་དོན་གཉིས་ཡས་གོས་མས་གོས་ཆ་མ་སྙོམས་པའི་ཟབ་སྦྱོར་ཞིག་ལྟ་བུར་མངོན་ཀྱང་ངས་གོ་ནོར་ཡིན་སྲིད།
གྲོས་ཚོགས་དབུས་སུ་བཞག་ཞུ་དུས་གྲོས་ཚོགས་དབང་ཆེ་ཤོས་ཡིན་པར་ངོས་ལེན་ཐབས་ཨེ་ཡོད།་དེ་ཡང་བོད་དཔེ་ལ་དབང་པཱ་ཕར་ཡོད་ཀྱང་རྩམ་ཁུག་ཨ་མའི་ལག་པ་ཅེས་པའམ། དེ་མིན་ནང་མི་ཞིག་གི་བུ་དང་བུ་མོ་གཉིས་ནས་སོ་སོའི་ནང་འཛིན་པར་ཕ་མའི་ནང་དབུས་ནས་ནང་གཞན་གཉིས་སུ་དཔལ་འབྱོར་དང་དེ་མིན་གནས་དུས་མཐུན་བསྒྱུར་གོ་ཀོན་ཞུ་བའམ་ཞུ་གལ་ལས་ལྡོག་སྟེ་ཕ་མ་གཉིས་ཀྱི་རང་འདོད་ལྟར་དགོས་སྐོར་ཞུས་ན་འཐུས་རྒྱུ་མིན་པ་ལྟར་ཡིན་མིན་འདུག་གམ། གྲོས་ཚོགས་ལ་སྐུ་དབང་ཡོད་པ་ནང་བཞིན་གཞན་གཉིས་ལའང་ཁ་ལ་དཔག་པའི་སོ་མིན་འདུག་གམ། ཡོད་ཙང་གྲོས་ཚོགས་ཀྱི་བཀོད་པའི་བཀའ་བློན་ཁྲིམས་སྒྲིག་དང་མི་མཐུན་པས་འགག་ཆ་བྱུང་པ་དང་སྤྱི་འཐུས་རྒྱུན་ལས་ཀྱི་འཕར་རྒྱངས་ཞུས་པའི་ཚོགས་དུས་དེ་ཁྲིམས་མཐུན་མིན་པའི་བྱས་ཉེས་བཏང་བ་རེད་ལ་ངོས་ལེན་མ་ཞུ་མཐའ་མེད་བྱུང་རེད། ཉིད་ཀྱི་དགོངས་པ་ལྟར་གྲོས་ཚོགས་དང་། འཛིན་སྐྱོང་། ཁྲིམས་འཛིན་གསུམ་དབང་ཚད་ཆ་བགོས་དང་། ཕམ་ཚུན་སྟངས་འཛིན་ལྗིད་མཉམ་ཡིན་པས་ན་གྲོས་ཚོགས་དབུས་སུ་བཞག་པ་དེ་གནས་སྟངས་ཀྱི་དབུས་ལས་དབང་ཚད་ཆེ་བའི་དབུས་མིན་པ་མི་གྲུབ་བམ། ལས་དོན་ཆ་ནས་དངོས་སུ་མི་མང་གི་ཉིན་རེ་ཉིན་རེའི་བདེ་སྡུག་དང་བོད་མིའི་འཐབ་རྩོད་ལ་ཞིབ་ན་འཛིིན་སྐྱོང་བཀའ་ཤག་འབྲེལ་ཆེ་བས་ན་དབུས་བོད་མིའི་སྒྲིག་ཚུགས་ཀྱང་མི་ཞུའམ། དེ་ན་དབུས་དེ་གནས་ཡིན་ནམ་དབང་ཡིན་ནམ།
ཆེས་མཐོའི་ཁྲིམས་ཞིབ་པ་འཕོ་འགྱུར་གཏོང་བ་ལ་སྤྱི་འཐུས་རྩ་འབོར་གྱི་གསུམ་ཆ་གཉིས་ཡན་དགོས་ཚུལ་གསལ་ཡོད། འོན་ཀྱང་། སྤྱི་འཐུས་ལྷན་ཚོགས་ཀྱི་སྤྱི་འཐུས་ངོ་ཡོད་གསུམ་ཆ་གཉིས་ཡན་གྱིས་མོས་མཐུན་བྱུང་ན་སྲིད་སྐྱོང་དང་། བཀའ་བློན་བྱེ་བྲག་པའམ། བཀའ་ཤག་ཡོངས་རྫོགས་འཕོ་འགྱུར་གཏོང་འཐུས། ཞུ་ཐད་ཁུངས་སོ་སོའི་གལ་གནད་པ་ཞིབ་པའི་རྩ་འབོར་དང་ངོ་ཡོད་ཀྱི་ཆ་ཚད་གཏན་འབེབས་ཞུས་རེད་ཀྱང་ངོ་ཡོད་ཀྱི་གོ་བར་ནན་ཞིབ་མ་ཞུས་ན་གྲོས་ཚོགས་ཀྱི་བཀའ་བློན་འདེམས་ཐོན་བྱུང་བ་ཁྲིམས་ཞིབ་པས་སམ་ཁྲིམས་ནས་ངོ་བཞེས་མ་ཐོབ་པའི་ཁ་རྐྱེང་ཡང་སླར་ཡོང་སྲིད་དོ།
མཐར་དོན་རྩོམ་པ་པོས་དགོངས་ཚུལ་ཕེབས་པ་ལྟར་ཁྲིམས་སྒྲིག་ཆ་ཚང་ངམ་ངའི་བསམ་ཞིབ་ལྟར་ཁྲིམས་ཀྱི་གཞི་མ་རྩ་ཁྲིམས་རིན་པོ་ཆེ་དང་དེ་མཚུངས་བཅའ་ཁྲིིམས་དབུས་པའི་ཉིན་རེ་ཉིན་རེའི་བྱ་ལམ་སྒྲིག་གཞི་སོགས་ཆ་ཚང་བར་མ་གཟིགས་པར་དབང་ཚད་གཅིག་པུར་རམ་སྒེར་སོ་སོའི་གནད་དོན་དུ་ཞིབ་ནས་ཐུགས་རྒྱ་ཆེ་བའི་བསམ་ཞིབ་བོར་ན་ད་ལན་གྱི་གནས་སྟངས་དེ་ཡོང་རྒྱུ་ལས་གཞན་མེད་།
ད་ཆ་ང་རང་ཚོའི་དཀའ་སེལ་དེ་དང་ཐོག་ཁྲིམས་ཞིབ་ཁང་མེད་སྐབས་ནས་ཡོད་པ་ཇི་ལྟར་བྱུང་པའི་འབྱུང་རིམ་དེ་སླར་མུ་འཐུད་པའམ་རྗེས་དེད་ཀྱིས་མགྱོགས་མྱུར་མང་གཙོའི་ཀ་བ་གསུམ་དེ་སླར་ཁྲིམས་འཛིན་གྱི་དབང་ཚད་ཆ་བགོས་དང་། ཕན་ཚུན་སྟངས་འཛིན་ལྗིད་མཉམ་ཡོང་བའི་རེ་བསམ་ཆེན་པོ་ཞུ་བཞིན་ཡོད་ལགས་པ་མ་ཚད་ད་ལྟའི་ཆར་ཁྲིམ་ཞིབ་པའམ་ཁྲིམས་ཀྱི་དབང་བསྒྱུར་པ་པོ་དངོས་སུ་མེད་པས་དེ་སྔའི་འབྱུང་རིམ་དེ་མུ་འཐུད་ནས་འདོམས་པ་སླར་གསོ་ཞུས་ན་དགེ་མཚན་ཡང་མི་ཆེའམ།
བློ་སེང་གི་ཕྱོགས་གཏོགས་པ་རྣམས་ཀྱིས་བཅའ་ཁྲིམས་མི་རྟོགས་པ་མིན་ཀྱང་། རང་གི་འདོད་དོན་སྒྲུབ་ཕྱིར་རྙོག་དྲ་འདི་དག་བསླངས་བ་ཡིན། ང་ཚོ་ཚང་མས་ཤེས་དགོས་པ་ཞིག་ལ། ༸གོང་ས་མཆོག་མེད་ན་བོད་མི་སྐད་གྲགས་ཅན་སུ་ཡིན་རུང་འཇོན་རྒྱུ་གང་ཡང་མི་ཡོང་། ད་ཆ་༸གོང་ས་མཆོག་ལའང་མཚན་སྨོད་ཞུ་བཞིན་པ་དག་སྙིང་རེ་རྗེ། ཁྱེད་རྣམས་ལ་ལས་རྒྱུ་འབྲས་ཀྱི་འཕྱུགས་མི་ཡོང་ངོ་།།
བཅའ་ཁྲིམས་ལེའུ་ལྔ་པ་། ཁྲིམས་བཟོའི་དབང་ཆ་། ཁྲིམས་ལུགས་བཟོ་འགོད་དང་ གཏན་འབེབས་བྱ་རྒྱུའི་དབང་ཆ་ཡོངས་རྫོགས་བོད་མི་མང་སྤྱི་འཐུས་ལྷན་ཚོགས་ལ་ཡོད་པ་དང་ ཁྲིམས་ལུགས་དེ་དག་ཁྲིམས་སུ་བཅའ་པ་ལ་སྲིད་སྐྱོང་གི་ཆོག་མཆན་མིང་རྟགས་འགོད་དགོས་།
བཅའ་ཁྲིམས་དོན་ཚན་བརྒྱ་དང་བཅུ་གཅིག་། བཅའ་ཁྲིམས་བསྐྱར་བཅོས་།
༡ བཅའ་ཁྲིམས་འདིའི་སྔོན་གླེང་དང་། ལེའུ་དང་པོའི་དོན་ཚན་དང་པོ་དང་ གསུམ་པ་ བཞི་པ་། ལེའུ་གཉིས་པ་དང་གསུམ་པའི་དོན་ཚན་ཡོངས་རྫོགས་ཕུད་། དེ་མིན་དོན་ཚན་གང་རུང་ལ་སྣོན་འཕྲི་བསྐྱར་བཅོས་དགོས་གལ་བྱུང་ཚེ་སྤྱི་འཐུས་ལྷན་ཚོགས་ཀྱི་སྤྱི་འཐུས་རྩ་འབོར་གྱི་གསུམ་ཆ་གཉིས་ཡན་གྱིས་མོས་མཐུན་གཏན་འབེབས་བྱས་པའི་ཁྲིམས་འཆར་ལ་སྲིད་སྐྱོང་གི་ཆོག་མཆན་མིང་རྟགས་བཀོད་པའི་ཁྲིམས་ཡིག་གི་སྒོ་ནས་བསྐྱར་བཅོས་ཆོག་རྒྱུ་། ཅེས་གསལ་འདུག་ན་གྲོས་ཚོགས་དབུས་སུ་བཞག་པའི་མང་གཙོ་རེད་དམ་བཅའ་ཁྲིམས་དབུས་སུ་བཞག་པའི་མང་གཙོ་རེད་གཟིགས་དང་།
སྔ་མོ་བོད་ཀྱི་གཏམ་དཔེ་ལ་། ལན་གཅིག་སྡོད་མ་ཤེས་ན་ལན་བརྒྱ་ལང་མི་ཐུབ་ཟེར་བའི་དཔེ་དེ་བདེན་བྱུང་། ཚེས་ ༢༠ གི་ཚོགས་འདུ་དེ་ཚེས་ ༢༤ ཚེས་ ༢༤ གི་ཚོགས་འདུ་དེ་ཚེས་ ༢༦ ད་དེ་ནས་ཧཧཧ།
སྲིད་སྐྱོང་དང་པོ་ལི་ཐང་་མི་རུལ་བློ་བཟང་སེང་གའི་ལས་བསྡོམ་སྙིང་བསྡུས།
༧སྐྱབས་མགོན་ཆེན་པོ་བོད་ལ་གདན་འདྲེན་ཟེར།།
མི་འབྱོན་འབྱོན་མདོག་ཁ་ཕོ་འགྲུག་ལྟར་བསྒྲགས།།
བདེན་པ་ཡིན་ཤག་བྱས་ཏེ་སེམས་ཤུགས་ཅན།།
བོད་མི་བརྒྱ་ཕྲག་བརྒལ་བས་མེ་ལ་བསྲེགས།།
ཆིག་སྒྲིལ་ཡིན་ཟེར་ལི་ཐང་དཔུང་བསྒྲིལ་བྱས།།
རང་ཕྱོགས་ཡར་འཐེན་གཞན་ཕྱོགས་གནས་ནས་དབྱུང་།།
ཆོལ་གསུམ་ཆིག་སྒྲིལ་མིང་གི་ལྷག་མར་བཏང་།།
རང་ཁ་རང་གསོ་ཡིན་ཟེར་འུར་ཤོབ་བཤད།།
མཐའ་མཇུག་ཕྱི་ནང་གང་སར་སློང་མོ་བསླངས།།
གཞན་གྱིས་སླང་ན་ཕྲག་དོག་སྡིགས་མོ་བྱེད།།
རང་ཁ་རང་གསོའི་རྫུན་རྐྱལ་དེ་རུ་བརྡོལ།།
ཨོ་སྟོབས་སྐྱོབ་ཕྱིར་གྲོས་ཚོགས་ཕྱིར་བསྡུ་བྱས།།
བློ་གྲགས་མཉེས་ཕྱིར་ཁྲིམས་དཔོན་ཕྱིར་འབུད་བཏང་།།
དགྲ་དགའ་གཉེན་སྡུག་མང་གཙོའི་ཀ་བ་བཅག །
འབྱོན་སྟོང་པྲལ་རིལ་བློ་བཟང་སེང་གེ་རུལ།།
རྒྱ་དམར་གྱིས་བསྐུར་པའི་ལས་འགན་བསྒྲུབ་པའི་སྤྱི་འཐུས།
མཁན་རམས་པ་རྣམས་ཆོལ་ཞེན་དུག་གིས་བཟི། །
སྲིད་སྐྱོང་རུལ་པོའི་ཅི་མཛད་བདེན་པར་གོ།།
པདྨ་འབྱུང་གནས་རང་ཚུགས་མ་ཟིན་ཕུང་།།
ཨ་ཅྱར་དམར་རིལ་ཇུ་རིག་གཏོར་བས་ལན།།
ཆ་བེ་ཆོ་བའི་མདོ་དབུས་སྤྱི་འཐུས་རྣམས།།
བཅའ་ཁྲིམས་རང་གིས་མི་ཤེས་གཞན་ཁར་རྒྱུགས།།
ཁྱི་ངན་ཀུ་ཅོའི་ལེགས་བཤད་ཐོག་ཏུ་བབས།།
མདོར་ན་གཅིག་ལྷག་སུམ་ཅུའི་རྒྱ་འཐུས་ཚོས།།
བོད་མའི་བཅའ་ཁྲིམས་ར་ཕོ་ཁ་ལྷུག་བཟོས།།
ཁྲིམས་བཟོ་སྤྱི་འཐུས་གྲོས་ཚོགས་ཀྱིས་ཁྲིམས་འགལ་བྱས་ཉེས་ཁག་བོད་ཀྱི་མང་གཙོའི་ལོ་རྒྱུས་ནང་ནམ་ཡང་སྲུབ་མི་ཐུབ་པ་ཁག་།
༡ བཅའ་ཁྲིམས་དོན་ཚན་གསུམ་པའི་ནང་འཁོད་པའི་ཁྲིམས་མཐུན་གྱི་མང་གཙོའི་ཐ་སྙད་ (ཡུལ་མིའི་རྒྱལ་ཁབ་ ) REPUBLIC ) དེ་ཡུལ་མིའི་སྲིད་སྐྱོང་ལ་ཁྲིམས་འགལ་གྱི་ཐོོག་ནས་བསྐྱར་བཅོས་གནང་།
༢ བཀའ་བློན་གསར་བསྐོ་བརྒྱ་ཆ་ ༥༠་ མ ལོན་པར་བརྒྱ་ ༥༠ ལོན་པར་གསལ་བསྒྲགས་གནང་།
༣ བཅའ་ཁྲིམས་ནང་གསལ་ཁ་མེད་པའི་གནས་དོན་བཅའ་ཁྲིམས་དོན་ཚན་ ༦ པ་དང་དོན་ཚཔ་ ༤༩ ནང་གསེས་ ༢ པའི་འོག་འགན་ཁུར་ནས་ཁྲིམས་འགལ་གྱི་གྲོས་ཚོགས་ཟླ་དྲུག་འཕར་འགྱངས་གནང་།
༤ ཁྲིམས་འགལ་གྱི་ཡིག་ཆ་ཨང་ ༣༩ འོག་ཏུ་འགན་ཁུར་ནས་ཆེས་མཐོའི་ཁྲིམས་ཞིབ་པ་ཆ་ཚང་གནས་དབྱུངས་བཏང་། གོང་གི་དོན་ཚན་འདི་དག་སྤྱི་འཐུས་གྲོས་ཚོགས་ནས་བོད་མི་མང་ལ་མང་གཙོའི་ལེགས་སྐྱེས་སུ་གནང་བའི་སྲུབ་ཀྱང་ཟུབ་རྒྱུ་མེད་པའི་ལོ་རྒྱུས་ཀྱི་ཟིན་མཐོ་ཡིན་པ་ངོས་འཛིན་ཞུ་གི་ཡོད་།
ཨ་ཁུ་འབྲོག་པས་གཏམ་བཏང་ན་ཡག་ཤོས་རེད་ཞུས་ན་གང་ལ་བྱང་པའི་ཆེ་བ་སྟོན་མཉམ་ལ་དེ་ལས་མི་ཤེས་པའི་སྨད་རའང་རྩིས་ཆོག འབྲོག་པ་གཞན་མི་ཤེས་ཀྱང་ཨ་ཁུ་འབྲོག་པ་ཁྱེད་གང་ཡིན་ཁྱེད་ཀྱི་རྩོམ་ནས་ཤེས་སོང་། ཁྱེད་རང་སྲིད་སྐྱོང་ལ་མི་དགའ་བས་བདེན་མིན་ལབ་གླེང་དཔེ་ན་མང་གཙོའི་ཀ་བ་བཅགས་པ་སོགས་ཟེར་གདའ། མང་གཙོའི་ཀ་བ་བཅོག་མཁན་གྲོས་ཚོགས་ཀྱི་གསུམ་ཆ་གཉིས་དེ་ཡིན་པ་ཁྱོད་ལས་གཞན་བོད་མི་ཚང་མས་ངོས་ལེན་ཞུ་བ་མི་མཐོང་ངམ།་དེ་བཞིན་བློ་སེང་ལ་ཕྱོགས་འཐེན་ཡོད་ཚུལ་ཟེར་བ་ལས་དོན་དུ་ཁྱེད་རེས་ལི་ཐང་དཔུང་བསྒྲིལ་ཅེས་བྲིས་པ་དེ་ཕྱོགས་འཐེན་མ་རེད་དམ་སོགས་ཞུ་རྒྱུ་མང་པོ་འདུག རང་ཆག་པ་མ་མཐོང་གཞན་གས་པའི་ལོ་རྒྱུས་དེ་ཁྱེད་ལ་རན་བདེ་ཨ།
དེ་ལས་མི་ཤེས་ཅེས་པའི་ནང་ཁྱེད་ཀྱིས་སྲིད་སྐྱོང་ལ་མཐོང་ཚུལ་རྣམས་རེད། སྲིད་སྐྱོང་སུ་ཡིན་ཀྱང་བོད་མིའི་གནས་དོན་དག་འགྲུབ་དང་མི་འགྲུབ་པའི་ལས་འགན་དེ་ཁོ་བར་ཡོད་སྟབས་དེ་འགྲུབ་མཁན་གྱི་མི་དེ་གྲ་འགྲིག་རྒྱུ་དང་ལས་དོན་ནས་གཞོལ་རྒྱུའི་འགན་ཡང་ཁོ་བར་ཡོད་ཀྱང་སྐབས་འགར་གྲོས་ཚོགས་ནས་ཐག་གཅོད་ཀྱང་གནང་རྒྱུ་ཡོད་པ་བཀའ་བློན་རྣམ་པ་ལྟ་བུ་ཡིན། དེ་བཞིན་དམིགས་ཡུལ་མེད་ན་ལས་དོན་མེད་པ་ལྟ་བུ་རེད། དམིགས་ཡུལ་གལ་ཆེ་ཡིན་སྟབས་ཨ་རིའི་མི་ནག་པོའི་དབུ་འཁྲིད་མཱཊིན་ ལུ་ཐར་ཀིང་གིས་ ང་ལ་རྨི་ལམ་མམ་དམིགས་ཡུལ་ཤིག་ཡོད་ཅེས་པའི་གཏམ་དེ་གལ་ཆེར་བརྩི་་བ་མི་མཐོང་ངམ། དེ་བཞིན་བློ་སེང་གི་༸རྒྱལ་བ་རིན་པོ་ཆེ་བོད་པ་གདན་ཞུའི་དམིགས་བསམ་དེ་རེད། ཞུ་ཐུབ་པའང་སྲིད་ལ་མ་ཐུབ་པའང་སྲིད་རེད། དེ་བཞིན་བོད་མི་རྣམས་རང་ཁ་རང་གསོ་ཞུ་ཐབས་དེ་གལ་གནད་ཆེན་པོ་རེད། ད་ལྟ་མ་བྱུངཀྱང་ཡོང་རྒྱུའི་སྟ་གོན་སྔ་ས་ནས་ཞུས་ན་ག་ལེ་ག་ལེར་ཡོང་ངེས། ལས་འཆར་མེད་ན་གང་ཡང་ཡོང་རྒྱུའི་རེ་བསམ་གང་ནས་ཕྱོགས།
བློ་སེང་ལ་དགའང་མི་དགའ་ནའང་གང་ལྟར་ཁོ་བས་ལོ་བཅུའི་རིང་ཁྱེད་རང་དང་ང་ཚོ་བོད་རིགས་ཚང་མའི་གནས་དོན་ཆེ་ས་ནས་བོད་མིའི་བདེ་མཐའ་སེལ་ཐབས་ནས་ཉིན་རེ་ཉིན་རེའི་བདེ་དོན་ཆེད་ལས་འགན་འཁུར་པའི་ད་ཆ་བོད་མིའི་ཚོགས་སྡེ་ཆེ་བ་བོད་ཀྱི་གཞོན་ནུ་དང་བོད་ཀྱི་བུད་མེད་ཚོགས་པ་སོགས་ཁག་བཞིའི་གཟེངས་བསྟོད་ཞུས་པ་སོགས་མང་པོ་གོ་རྒྱུ་འདུག་པ་ལས་མང་བ་ད་དུང་གོ་ཡོང་། སྲིད་སྐྱོང་འོས་མི་གསར་པར་ཡང་རྒྱལ་ཁབ་འགས་འཚམས་དྲི་གནང་བའང་བློ་སེང་གིས་མཐུན་འབྲེལ་དང་ཆབས་སྲིད་ཀྱི་འཕོ་འགྱུར་ལས་བྱུང་བའི་མཁར་མཐར་༸གོང་ས་མཆོག་གིས་མཛད་འཕྲིན་ལས་རྒྱས་པ་ཞིག་ཡིན་པ་ག་ནས་ཞུ་དགོས། དེ་སྔ་རྡ་སར་བོད་གཞུང་གིས་མཛད་གཙོར་འཁོད་ན་༸གོང་ས་མཆོག་གིས་བྱིན་མཐུ་ལས་འགྲིགས་ངེས་ཅེས་ཞུ་སྲོལ་ཡོད་ལ་ད་ལྟའང་དེ་ལྟར་ལོས་ཡིན། ༸གོང་ས་མཆོག་གིས་བྱིན་མཐུས་ལས་འགྲིགས་ངེས་ཞུ་དུས་སོ་སོའི་ནུས་པའི་འབད་བརྩོན་ཇི་ཡོད་ཞུ་རྒྱུ་ཡིན་པར་ངེས་པའི་ཆ་འཛིན་ཡོད་པ་ད་དུང་དེ་བཞིན་ངེས་དགོས་བ་ཡིན་ལགས་སོ།།