བློ་གྲོས་རབ་བརྟན།
༼འཇམ་དབྱངས་ནོར་བུའི་རང་བཙན་སྐད་ཆ་ལས་འཕྲོས་བའི་གཏམ།༽
བོད་མི་ཚོ་བཙན་བྱོལ་བ་ཆགས་ནས་ལོ་དྲུག་ཅུ་ཕྱིན། དྲུག་ཅུ་ཕྱིན་པའི་གསུམ་བཅུའི་དུས་དྲན་དེ་གཞུང་དང་སྒེར་ཚོགས་དག་ནས་གལ་ཆེན་གྱིས་བསྒྲགས་སོང་། སྤྱི་ཚོགས་ཁྲོད་རང་བཙན་སྒྲོག་མཁན་ཚོས་གོ་སྐབས་ཤིག་ལ་བརྩིས་ཏེ། རང་གི་ནུས་ཚོད་འཇོན་ཚོད་ཀྱིས་ལས་ཀ་བྱས་སོང་། དེ་དག་ལས་་ཤེས་དགོས་པ་དེ་རྩོམ་པ་པོ་འཇམ་དབྱངས་ནོར་བུའི་གོང་ས་མཆོག་དང་འབྲེལ་ཏེ་རང་བཙན་གྱི་སྐད་ཆ་རེད།
འདས་ལོའི་ཟླ་ལྔ་བའི་ནང་། འཇམ་ནོར་ལ་གོང་ས་མཆོག་གིས་ཕོ་བྲང་དུ་མཇལ་ཁ་གནང་། སྐབས་དེར་གོང་ས་མཆོག་གི་བཀའ་སློབ་གང་གནང་ཡོད་མེད་དག་འཇམ་ནོར་གྱིས་ཡིག་ངོར་དང་ངག་ཐོག་གཉིས་ཀ་ནས་བཤད་སོང་། ད་བར་དུ་དེ་ལྟར་རང་ཡིན་པའི་དངོས་འཛིན་འོག་བསྡད། རེད་དེ། གསུམ་དུས་དང་འབྲེལ་ཏེ། འཇམ་ནོར་གྱིས་ཉེ་ཆར་་ཨ་རིའི་ནེའུ་ཡོག་ཏུ་རང་བཙན་གོམ་བགྲོད་པ་ཚོ་མཉམ་འཛོམས་ཐོག་སྐད་ཆ་བཤད་སྐབས། “རང་བཙན་གོམ་བགྲོད་དེས་གོང་ས་མཆོག་གི་བཀའ་བསྒྲུབས་ཡོད་པ་ངས་ཁས་ལེན་བྱེད་ཆོག དེ་སྔོན་ངར་མཇལ་ཁ་གནང་བའི་སྐབས་སུ། ཆུ་ཚོད་གཅིག་ལྷག་ལ་གོང་ས་མཆོག་གིས་རང་བཙན་འཛམ་གླིང་ལ་ཁྱབ་སྒྲོག་ཅེས་ཤོག་གསུངས་སོང་། རང་བཙན་ཁྱབ་སྒྲོག་བྱེད་མ་ཐུབ་པ་ན། དབུ་མའི་ལམ་གྱི་སྲིད་ཇུས་དེ་ཡང་སྦྲང་པོས་ལྟོ་སློང་བ་ནང་བཞིན་ཆགས་ཀྱི་རེད། ཅེས་དཀོན་མཆོག་གསུམ་བཤད་སོང་། ངས་སྐད་ཆ་བཟོས་པ་མིན། བདེན་དཔང་ལ་སྐུ་སྒེར་དྲུང་ཆེ་རྔ་བ་ཚེ་རྒྱམ་ཡོད” ཅེས་བཤད་སོང་། འཇམ་ནོར་གྱི་དེ་སྔོན་མཇལ་ཁའི་སྐོར་སྐབས་ཐོག་གི་སྐད་ཆ་དང་། ད་ལྟའི་སྐད་ཆ་གཉིས་ལ་འགྱུར་བ་ཐེབས་འདུག
འཇམ་ནོར་ལ་གོང་ས་མཆོག་གིས་མཇལ་ཁ་གནང་བ་དེ་རང་བཙན་སྒྲོག་མཁན་ཚོས། རང་ཉིད་ཀྱི་ངོ་གདོང་ཡག་ཏུ་གཏོང་བའི་གོ་སྐབས་ཤིག་ཏུ་བརྩིས་ཏེ། རང་གི་ལས་ཀ་དེ་འགྲིག་བསྡད་ཡོད་པ་དང་། གོང་ས་མཆོག་གི་ཐུགས་དགོངས་དང་མཐུན་གྱི་ཡོད་པའི་རྣམ་པ་གང་ཐུབ་ཐུབ་སྟོན་གྱི་ཡོད། རེད་དེ། མཇལ་ཁ་གནང་བའི་སྐབས་གོང་ས་མཆོག་གི་བཀའ་སློབ་གང་གནང་བའི་ཐད། འཇམ་ནོར་གྱི་སྐད་ཆ་དང་སྐུ་སྒེར་དྲུང་ཆེ་རྔ་བ་ཚེ་རྒྱམ་གྱི་གཉིས་ཀྱི་སྐད་ཆ་ལ་ཧེ་བག་་ཆེན་པོ་ཤོར་ཡོད། དྲུང་ཆེ་ཚེ་རྒྱམ་གྱིས་གསར་ལམ་དུ། “ གོང་ས་མཆོག་གིས་འཇམ་ནོར་ལ་དུས་ཡིན་ཆུ་ཚོད་ཕྱེད་ཀ་ཙམ་རིང་མཇལ་ཁ་གནང་བ་རེད། གོང་ས་མཆོག་གིས་བོད་ལོ་རྒྱུས་ཐོག་རང་བཙན་ཡིན་པའི་ཁུངས་སྐྱེལ་ར་སྤྲོད་ག་ཚོད་ཡོད་ནའང་དེ་དག་ཉར་ཚགས་དགོས་པ་གལ་ཆེན་རེད། རང་བཙན་ང་ཚོའི་ཐོབ་ཐང་རེད། རྩོད་ཆོག་གི་རེད། རེད་དེ། ང་ཚོས་དེ་མ་རྩོད་པར་དབུ་མའི་ལམ་གྱི་སྲིད་ཇུས་བཟུང་སྟེ། བོད་རྒྱ་གཉིས་ཕན་གྱི་ལམ་ལ་གཟི་བརྗིད་ངང་སྐྱོད་ཀྱིན་ཡོད་པ་ལས། ང་ཚོས་དར་ཆ་དཀར་པོ་འཁྱེར་ཏེ་མགོ་འདོགས་ཀྱི་ཡོད་པ་མ་རེད་ལ། དབུ་མའི་ལམ་གྱི་སྲིད་ཇུས་དེ་སྦྲང་པོས་ལྟོ་སློང་བ་ནང་བཞིན་མ་རེད་” ཅེས་བཀའ་གནང་སོང་ཞེས་གང་ཡིན་པ་དང་གང་གསུངས་པ་དེ་སྤྱི་ཚོགས་ཁྲོད་གསལ་བཤད་གནང་སོང་།
ཕྱོགས་གཉིས་ཀྱི་སྐད་ཆ་ཐོད་གཏུག་ཡོང་དུས། གསལ་བོ་ཆགས་པ་ནི་འཇམ་ནོར་གྱིས། གོང་ས་མཆོག་གིས་མ་གསུངས་པ་ཞིག་གསུངས་སོང་ཟེར་ནས་གླེང་འཁེལ་བཞིན་བ་འདི་རེད། བོད་ལོ་རྒྱུས་ཐོག་རང་བཙན་ཡིན་པའི་ཁུངས་སྐྱེལ་ཡིག་ཆ་ཉར་ཚགས་དགོས་སྐོར་གསུངས་པ་དེ། ད་ལྟ་རང་བཙན་རྩོད་དགོས་བའི་བཀའ་གནང་སོང་ཟེར་ནས། རང་བཙན་སྒྲོག་མཁན་ཚོའི་རྒྱབ་ན་གོང་ས་མཆོག་ཡོད་མདོག་མདོག་སྟོན་ཐབས་དང་གཅིག གཉིས་ནས། གོང་ས་མཆོག་གིས་དབུ་མའི་ལམ་གྱི་སྲིད་ཇུས་དེ་སྦྲང་པོས་ལྟོ་སློང་བ་ནང་བཞིན་མ་རེད་ལ། དེ་ནི་གཟི་བརྗིད་དང་གུ་ཡངས། འདྲ་མཉམ་གཉིས་ཕན་གྱི་སྲིད་ཇུས་ཤིག་ཡིན་ཞེས་འགྲེལ་བཤད་བྱས་པར། འཇམ་ནོར་གྱིས། རང་བཙན་ཁྱབ་བསྒྲགས་མ་བྱས་ན་དབུ་མའི་ལམ་གྱི་སྲིད་ཇུས་དེ་ཡང་སྦྲང་པོས་ལྟོ་སློང་བ་ནང་བཞིན་ཆགས་རྒྱུ་རེད་ཅེས་གོ་བ་ལོག་པ་འམ་ལོག་འགྲེལ་བྱས་ཏེ། རང་གི་ལས་ཀ་འགྲིག་བསྡད་ཡོད་ཅིང་། གོང་ས་མཆོག་གི་དགོངས་གཞི་དང་མཐུན་གྱི་ཡོད་པ་སྟོན་ཐབས་བྱས་འདུག
ཐབས་སྐྱོ་བ་ཞིག་ལ། རང་གི་ལྟ་བ་དང་ལངས་ཕྱོགས་ཅི་ཞིག་འཛིན་མིན་རང་ཉིད་ལ་ཐུག་ཅིང་། རང་གི་ལངས་ཕྱོགས་སུ་ཧམ་པ་དང་། ཨུ་ཚུགས་ཀྱིས་གོང་ས་མཆོག་བཙན་ཁྲིད་བྱེད་ཀྱིན་ཡོད་ཅིང་། རང་གི་རྣམ་དཔྱོད་དང་ནུས་པས་སྤྱི་ཚོགས་རང་གི་ལངས་ཕྱོགས་སུ་ཁྲིད་མ་ཐུབ་ན། གོང་ས་མཆོག་གིས་མ་གསུངས་པ་ཞིག་གསུངས་སོང་ཟེར་ནས། རང་གི་འདོད་དོན་སྒྲུབ་པ་ནི་ཆོས་འཇིག་རྟེན་གཉིས་ཐད་ནས་ཐ་ཆད་རང་རེད་ལ། དྲང་བདེན་དང་ཕྱི་གསལ་ནང་གསལ། ཞལ་སེམས་གཉིས་མེད་ཀྱི་གོང་ས་མཆོག་ཀྱང་། ཞལ་རྫུན་གསུང་མཁན་ཞིག་གི་མཐོང་སྣང་བསྐྲུན་གྱིན་ཡོད། རང་གི་ལྟ་བ་དང་ལངས་ཕྱོགས་གང་ཡིན་པ་དེ་སྤྱི་ཚོགས་ཁྲོད་ཡང་དག་པར་བསྒྲུབ་དགོས་ན། རྒྱུ་མཚན་དང་གནས་ལུགས་ཡོད་པ། དོན་དངོས་བགྲངས་ཏེ་མི་མང་གི་བློ་སེམས་འགུགས་དགོས་པ་དེ་རེད། དེ་མ་ཡོང་དུས་གོང་ས་མཆོག་ལ་ལག་པ་འཆང་པ་ནི་བཟང་སྤྱོད་དང་། ཁྲིམས་ལུགས་གཉིས་ཆ་ནས་རྒྱབ་འགལ་རེད།
ཕྱིར་འདང་རེ་བརྒྱབ་ན། གོང་ས་མཆོག་ལ་གླེང་འཁེལ་བྱེད་པ་ད་ཐེངས་དང་པོ་མ་རེད། འདས་པོ་ཀརྨ་ཆོས་འཕེལ་དང་ལྷ་བཟང་ཚེ་རིང་། འཇམ་ནོར་བཅས་ལ་བལྟས་ན། ཁོང་ཚོ་གསུམ་པོར་ཐུན་མོང་གི་ཆ་ཞིག་ཡོད་པ་ནི། རང་གི་ལངས་ཕྱོགས་དེ་འགྲིག་པར་སྟོན་ཕྱིར་གོང་ས་མཆོག་མཉམ་དུ་ཁྲིད་ཡོང་བ་གཅིག་མཚུངས་རེད། མཚམས་རེ་ལ། གོང་ས་མཆོག་ནི་བྱང་ཆུབ་སེམས་དཔའ་རེད། ང་ཚོ་ཕར་བའི་མི་རེད། ཁོང་གི་བཀའ་ལྟར་འགྲོ་དཀའ་ཚུལ་གྱི་གོ་རྒྱུ་ཅན་བཤད་ཅིང་། གོང་ས་མཆོག་གི་བཀའ་སློབ་ལམ་སྟོན་དག་ནི་མིའི་སྤྱི་ཚོགས་ལ་དམིགས་ཏེ། རྒྱུ་མཚན་དང་དངོས་ཡོད་གཞི་ལ་བཟུང་ནས་བཤད་པ་ཤ་སྟག་རེད་དེ། རང་ལ་དགོས་མཁོ་བྱུང་ན། གོང་ས་མཆོག་གི་བཀའ་ལའང་འདྲ་མིན་བཅོ་བརྒྱད་བཤད་པ་དེ་ཁོང་ཚོའི་གཤིས་སུ་གྲུབ་ཅིང་། ཁོང་ཚོས་རྒྱུ་མཚན་དང་གནས་ལུགས་ཡོད་པ། དོན་དངོས་དང་མཐུན་པ། མི་རིགས་ལ་ཤ་ཚ་ཞིང་མཐུན་སྒྲིལ་ལ་འགན་ཁུར་ཏེ། སྤྱི་ཚོགས་ཁྲོད་ལས་ཀ་བྱས་ན་འང་། མི་མང་གིས་དངོས་ལེན་མ་ཐོབ་པ་དེ་འདྲ་རྩ་པ་ཉིད་ནས་མ་རེད་ལ། རྒྱ་མཚན་དང་གནས་ལུགས་ཀྱིས་འཕོང་ཞིང་ཕན་ཐོགས་མེད་པའི་སྤྱི་ཚོགས་ཟང་ཟིང་བཟོས་པ་དང་། གོང་ས་མཆོག་ཀྱང་རང་གི་དགོས་མཁོ་དང་བསྟུན་ནས་ཡར་མར་འཐེན་བཞིན་པ་འདིས། སྤྱི་ཚོགས་ཁྲོད་ནས་རང་གི་མཐོང་བརླག་སྟེ། བོད་པའི་སྤྱི་ཚོགས་ཁྱོན་ཡོངས་སུ་གོམ་པ་རྒྱག་མ་ཐུབ་པར། རིགས་མཐུན་ཁྱུ་གཅིག་ཁྲོད་ཁ་བརྡར་་བ་ལས་ལམ་ཁ་གཞན་མེད་པའི་གནས་སུ་བསྐྱལ་འདུག
སྐུ་སྒེར་ཡིག་ཚང་ལ་གློག་འཕྲིན་བསྐུར་ནས་མཇལ་ཁ་གནང་རོགས་ཡར་ཞུ་ཕུལ་འདུག་ཀྱང་། འཇམ་ནོར་གྱིས་རང་ཉིད་གོང་ས་མཆོག་གིས་གལ་ཆེན་དུ་བརྩིས་ཏེ། ཕོ་བྲང་དུ་སྐད་བཏང་སོང་མདོག་མདོག་དང་། དེ་བཞིན་ཆུ་ཚོད་གཅིག་གི་རིང་། རང་བཙན་སྐོར་གསུངས་ཚུལ་ཐད་ལ། སྐུ་སྒེར་དྲུང་ཆེ་ཚེ་རྒྱམ་ནས་དུས་ཡུན་སྐར་མ་ཉི་ཤུ་རྩ་གྲངས་ཤིག་ལ་མཇལ་ཁ་གནང་བ་རེད་ཟེར། འདི་དག་ལ་བསྟན་ན། འཇམ་ནོར་འདིས་ཡར་སྣོན་དགོས་ན་ཡར་བསྣོན་པ་དང་མར་གཅོག་དགོས་ན་མར་བཅག་ནས་སྐད་ཆ་བཤད་ཀྱིན་ཡོད་པ་དེ་རེད།
འཇམ་ནོར་ལྟ་བུ་ཁ་ཤས་ཀྱི་སྐད་ཆ་བཤད་སྟངས་དེས། རྒྱ་གཞུང་ལ་དབུ་མའི་ལམ་གྱི་སྲིད་ཇུས་དང་། གོང་ས་མཆོག་ལྷག་བསམ་རྣམ་དག་མིན་པའི་བརྡ་གཏོང་གིན་ཡོད་ཅིང་། དབུ་མའི་ལམ་གྱི་སྲིད་ཇུས་ནི་བོད་ཀྱི་བོད་མི་ཚོར་ཁ་གཏད་དེ། ཁོང་ཚོའི་དཀའ་སྡུག་ཉུང་དུ་གཏོང་ཐབས་ཀྱི་སྲིད་ཇུས་ཁོ་ན་དེ་རེད། གལ་ཏེ་བོད་ནང་བོད་མི་ཚོའི་དཀའ་སྡུག་ལ་འགན་མེད་ན་སོ་སོའི་འདོད་མོས་རེད། དེ་བཞིན་གོང་ས་མཆོག་ནི་ས་འདིའི་སྒང་གི་མི་མཆོག་ཏུ་གྱུར་བ་ཞིག་ཏུ་བཀུར་བཞིན་པའི་གནས་བབ་བཟང་བོ་འདི། བོད་མི་ཚོའི་དོན་གྱི་གཟི་བརྗིད་ཡིན་ན། ཁོང་ཞལ་སེམས་མི་མཐུན་པའི་མི་གཡོ་སྒྱུ་ཅན་ཞིག་ཏུ་མ་བཟོ་རོགས་གནང་།
གོ་བརྡ་མ་འཕྲོད་པའི་སྐད་ཆ།
གོ་བ་ལོག་སྒྲུབ་ཀྱི་སྐད་ཆ།
རང་བཙན་དང་དབུ་མའི་བདག་དབང།
དུས་རབས་ཉེར་གཅིག་ནང་བོད་མིའི་ལས་དབང།
ནང་ཁུལ་རྩོད་གླེང་ལ་མགོ་འཁོར།
མི་ལོ་དྲུག་བཅུ་མི་ཡུལ་དུ་རྫོགས།
བཀའ་ཤག་ཁྲིམས་ཁང་དུ་ཁ་ཆུ་ལ་ཚུད།
དགྲ་དགའ་གཉེན་སྡུག་གི་ལས་དཀའ།
བོད་དོན་བདེན་མཐའ་གསལ་བའི་ནུས་པ་འདི་ཚོ་ཨ་ཡིན།
བོད་མིའི་ལས་དབང་་་་་་་་་ཨ་ཁ་་་་་་་་་་ཨ་ཁ།
ང་རང་ཚོ་བཙན་བྱོལ་སྤྱི་ཚོགས་ཆུང་ཆུང་འདིའི་ནང་ལྟ་བ་དང་ལངས་ཕྱོགས་མི་འདྲ་བ་གཉིས་སུ་གྱེས་ཡོད་པ་གསལ་བོ་རེད། ཕྱོགས་གཉིས་གང་ཡིན་ཡང་༧གོང་ས་མཆོག་གི་མཚན་སྣེ་བེད་སྤྱོད་བྱེད་དགོས་ཀྱི་ཡོད་པ་དང་༧་གོང་ས་མཆོག་གི་མཚན་སྣེ་བེད་སྤྱོད་མ་བྱས་ན་རངཉིད་ཀྱི་འདོད་དོན་སྒྲུབ་ཐུབ་པའི་མེད་པ་ཞིག་ལ་ཕྱོགས་གཉིས་ཀས་ངོས་འཛིད་དང་འདོད་ཀྱི་ཡོད་པ་གསལ་བོ་རེད།
ང་ཚོས་གཞན་གྱི་ལོ་རྒྱུས་ལ་བལྟས་ན་ཡང་དེ་དང་ཆ་འདྲ་བའི་ལངས་ཕྱོགས་དང་ལྟ་གྲུབ་མཐོང་རྒྱུ་ཡོད་པ་མངོན་གསལ་རེད། རྒྱ་གར་ལ་མཚོན་ན་ཐལ་རང་གི་རྩོད་པ་བྱེད་དུས་ཕྱོགས་གཉིས་ཀྱིས་ཀླུ་སྒྲུབ་ཀྱི་དགོངས་པ་འགྲེལ་གྱི་ཡོད་པ་དང་། ཀླུ་སྒྲུབ་ནི་ཕྱོགས་གཉིས་ཀྱིས་ཁས་ལེན་གྱི་ཡོད་པ་དང་ལུང་ཡང་དྲངས་ནས་སྒྲུབ་ཀྱིན་ཡོད་པ་རེད། དེས་རྐྱེན་གྱིས་ཕྱི་རབ་པ་ཚོས་ཕྱོགས་འདིན་པའི་དབུ་མ་བ་དང་ཕྱོགས་མི་འཛིན་པའི་དབུ་མ་བ་ཞེས་འབོད་སྲོལ་བྱུང་བ་དང་ཀླུ་སྒྲུབ་ནི་ཕྱོགས་མི་འཛིན་པའི་དབུ་མ་བར་བཞེད་ཀྱི་ཡོད་རེད།
ཕྱོགས་གཞན་ཞིག་ནི་རྒྱ་ནག་རེད། རྒྱ་ནག་གི་ནང་དུ་ཡང་ཟིན་ཀྲོང་ཧྲན་གྱི་རྗེས་འབྲག་ཡིན་པར་ཁས་ལེན་བཞིན་དུ། རྗེས་འབྲངས་པ་དེ་དག་གི་ནང་དུ་ཡང་གོ་མིན་ཏང་དང་གུང་ཁྲན་ཏང་གཉིས་བྱུང་བ་རེད། གཉིས་ཀས་ཀྱང་ཟིན་ཀྲོང་ཧྲན་དབུས་ལ་བཞག་ནས་ལྟ་བ་གཉིས་འཛིན་གྱི་ཡོད་པ་རེད། དོན་དངོས་སུ་ཁོ་གཉིས་ཀྱི་ལྟ་གྲུབ་ཅི་ཞིག་རྩོད་ཀྱི་ཡོད་དམ།
ཡུལ་ལུང་མི་འདྲ་བ་དང་ཆོས་དང་འཇིག་རྟེན་པའི་ལྟ་ཚུལ་ལམ་ཆོས་སྲིད་ཀྱི་ལྟ་གྲུབ་ཐད་ནས་རྒྱ་གར་ནག་གཉིས་དཔེ་མཚོན་དུ་བཀོད་ནས་བསམ་བློ་བཏང་ན་ཡང་ལྟ་བའམ་གྲུབ་མཐའ་མི་འདྲ་བ་འདི་བཞིན་བོད་ལ་ཡང་རང་བཙན་དང་དབུ་མ་གཉིས་སུ་དགེ་བའི་ལངས་ཕྱོགས་གཉིས་འབྱུང་སྲིད་ལ་ཡོང་ཆོག་པ་ཞིག་ཀྱང་རེད་སྙམ།རེད།
རྒྱལ་བ་རིན་པོ་ཆེའི་དགོངས་པ་ཅི་ཡིན་ང་ཚོས་ཤེས་དགོས་པ་དང་ཤེས་དགོས་ངེས་ཞིག་ཀྱང་རེད། དེས་ན་ང་ཚོས་དེ་ལ་ཅི་མི་སྙམ་པར་༧གོང་ས་མཆོག་གི་དགོངས་པ་ནི་ལམ་དབུ་མ་ཡིན་པ་གསལ་བོ་རེད་ཅེས་ལེན་འདེབས་ངེས་ཡིན། ཡིན་ཡང་མི་གཞན་དང་ཚོགས་པ་གཞིན་གྱིས་གོང་ས་མཆོག་གི་དགོངས་པ་ནི་རང་བཙན་རེད་ཅེས་སྨྲས་པ་ན་ང་ཚོས་མ་རེད་ཅེས་ནམ་ཡང་བསྒྲུབས་མི་ཐུབ།
༧གོང་ས་མཆོག་གི་དགོངས་གཞི་ཅི་ཡིན་༧གོང་ས་མཆོག་གི་ཐུགས་ན་གསལ་བོ་ཡོད་རེད། དེ་ལ་བཙན་དབང་དང་བསླུ་བྲིད་ནམ་ཡང་བྱེད་ཐུབ་ཀྱི་མ་རེད། ཡིན་ན་ཡང་ང་རང་ཚོས་ཕན་ཚུན་ལ་རྩོད་པའམ་རང་ཕྱོགས་སྒྲུབ་དུས་རང་རང་གིས་ཁུངས་ལུང་དང་རིགས་པ་བཀོད་ནས་སྒྲུབ་ཀྱི་ཡོད་རེད། ཕྱོགས་གཅིག་གིས་ལུང་རིགས་དེ་ཕྱོགས་གཞན་གྱིས་ཁས་ལེན་མིན་ལ་ལྟ་དགོས་ན་ཁག་པོ་ཆགས་ཚར་བ་རེད། དེས་ལ་ཕྱོགས་གཉིས་ཀས་རྩོད་པ་ནི་རྩོད་པ་ཙམ་ཡིན་པས་ནམ་ཡང་འགྲུབ་ཐབས་མེད། གང་ལྟར་ཕྱོགས་གཉིས་ཀས་༧་གོང་ས་མཆོག་དབུས་ལ་བཞག་ནས་གུས་བཀུར་ཐོབ་པ་ནི་དགའ་འོས་པ་ཞིག་རེད། ཡིན་ཡང་སུ་འཇོན་ཐང་ཡོད་མེད་ལ་ཚང་མས་ལྟ་བསྡད་ཡོད་རེད།
དཔེར་ན་ཐལ་རང་གཉིས་ནམ་ཡང་གཅིག་ཏུ་གྱུར་ཐུབ་མེད་ལ། དེ་བཞིན་རྒྱ་དམར་ནག་གཉིས་གཅིག་ཏུ་གྱུར་ཐུབ་མེད། ངས་བསམ་ན་དབུ་མའི་ལམ་ལ་འདོད་མོས་ཡོད་མཁན་ཚོས་དབུ་མའི་ལམ་ན་བརྟེན་ནས་བོད་ཀྱི་ཡོད་ཚད་ལ་སྲུང་སྐྱོབ་བྱེད་པའི་འགན་དབང་ཚུར་ལེན་ཐུབ་བྱེད་གོས་ཀྱི་ཡོད་པ་དང་། རང་བཙན་འདོད་མཁན་ཚོས་རང་བཙན་གྱི་ལྟ་བ་གཞིར་བཞག་ནས་གང་མགྱོགས་རང་བཙན་ལེན་ཐབས་ལ་འབད་དགོས།
ཕན་ཚུན་ལག་པ་སྔ་ཕྱི་རྩོད་པ་ལས་ཕན་ཚུན་ལ་ཁག་དཀྲིས་རེས་བྱེད་པ་ནི་བཅོལ་ཆུང་གི་སྣང་ཚུལ་ཞིག་མངོན་ཡོང་གི་ཡོད། དབུ་མ་དང་རང་བཙན་འདོད་མཁན་ཚོའི་ཤེས་ཡོན་དང་འཇོན་ཐང་ངོམ་པའི་དུས་ལ་བབ་ཡོད་པ་དང་། ནང་ཁུལ་འཐབ་རྩོད་བྱེད་པ་ནི་དགོས་དངོས་ཞིག་མིན་པ་དང་སྤྱི་དོན་སྒྲུབ་པ་ལ་ཕྱོགས་གཉིས་ཀྱི་ལག་པ་མྱུར་ཚད་ལ་ལྟ་དགོས་པར་འདོད།
ཧཧཧ་་་བཀླགས་ཚར་བ་དང་ང་རང་གི་འདོད་ཚུལ་ཞིག་བརྗོད་འདོད་བྱུང་བ་ཙམ་ལས་གཞན་གང་ཡང་མིན། བདེ་མོ་བྱོས།
ཡིག་ནོར་བཅོས
དབུ་མའི་ལམ་ལ་འགྲེལ་བཤད་མང་དྲགས་། མགོ་རྙོག་ཆེ་དྲགས་ནས། ད་ནི་གོ་བ་ལོན་དཀའ་བ་ཞིག་ཆགས་སོང་།
དབུ་མའི་ལམ་ཡིག “ 肉包子打狗 ”
བོད་སྐད་དུ ་ ་ ་ ་ ཤ་བག་ལེབ་ཀྱིས་ཁྱི་བརྡུང
དབུ་མའི་ལམ་གྱི་བདག་དབང་བཀའ་ཤག་ལ་ཡོད་ན་
རང་བཙན་གྱི་བདག་དབང་སུ་ལ་ཡོད་ཁྲིམས་མཐུན་
གྱི་གསལ་བཤད་མ་གནང་ཚེ་མི་མང་མགོ་འཐོམ་པའི་
ཉེན་ཁ་མི་འདུག་གམ།
རང་བཙན་རྩོད་ན་ལོ་རྒྱུས་ལ་གཞིར་བཞག་དགོས། ལོ་རྒྱུས་ལ་གཞིར་བཞག་ན་བོད་རང་བཙན་ནི་བོད་སྡེ་མ་གཏོགས་བོད་ཤར་ཕྱོགས་ལ་མི་ཁྱབ་ལ། ཆོལ་གསུམ་གཅིག་སྒྲིལགྱི་་དབུ་མ་རག་ན། བོད་ས་ཡོངས་རྫོགས་ལ་ཁྱབ་པས་དོན་ཆེ། བོད་པས་རང་བཙན་མ་བརྩད་པས། རྒྱ་གཞུང་གིས་ཀྱང་བོད་ས་ཡོངས་རྫོགས་གཅིག་མཚུངས་ཐོབ་ཐང་དང་། རང་དབང་སྤྲད་མི་ཐུབ་པའི་རྒྱ་མཚན་ཡང་ལྷག་མེད་པས་སོ།།
རང་བཙན་དང་དབུ་མ་བཤད་ནས་་མི་ལོ་དྲུག་བཅུ་རྫོགས།
དབུ་མའི་བདག་དབང་བཀའ་ཤག་ལ་ཡོད་ཟེར།
རང་བཙན་གྱི་བདག་དབང་སུ་ལ་ཡོད་དམ།
ཧཧཧ་བོད་མིའི་ལས་དབང།
འཇམ་དབྱངས་ནོར་བུ་སོགས་མི་འགའ་ཤས་ལ་མཚོན་ན་རང་བཙན་ཁ་ལ་འཁྱེར་ནས་རང་གི་གནས་བབ་ཇེ་མཐོར་གཏོང་བའི་གོ་སྐབས་ཤིག་ལ་ངོ་འཛིན་བྱེད་ཀྱིན་ཡོད་སྲིད་པ་རེད་ལ། མི་འགའ་ཤས་ཤིག་ལ་འཇམ་ནོར་སོགས་བེད་སྤྱད་ནས་རང་དོན་དང་རང་གི་དམིགས་ཡུལ་སྒྲུབ་པའི་གོ་སྐབས་ཡག་ཤོས་ཤིག་ཡིན་སྲིད། གང་ལྟ་དམ་འཛིན་བྱས་ཏེ་གོ་སྐབས་འདི་མ་ཤོར་བར་བྱེད་རྒྱུ་གལ་ཆེན་ནང་གི་དོན་ཆེན་དུ་རྩིན་བཞིན་ཡོད་སྲིད་པ་རེད།
དྲང་མོར་བཤད་ན་མི་འགའ་ཤས་ཤིག་ལ་༧གོང་ས་མཆོག་དང་༧གོང་ས་མཆོག་གི་རྗེས་འབྲངས་འཁོར་དང་བཅས་བའི་མགོ་བོ་ཡར་འགྱོགས་མི་ཐུབ་པ་ཞིག་བཟོ་ཡོད་ཡོད་རེད། ཡིན་ན་ཡང་༧གོང་ས་མཆོག་གི་མཚན་སྙན་རྒྱ་ཆེན་པོ་འཛམ་གླིང་ལ་ཁྱབ་པ་དང་མི་མང་ནང་གཙི་མཐོང་ཆེན་པོ་ཡོད་ཙང་ཅི་ཡང་བྱེད་ཕོད་ཀྱི་ཡོད་མ་རེད། སེམས་ན་མི་བཟོད་པའི་ན་ཟུག་གིས་ཁེངས་བསྡད་ཡོད་པ་གསལ་བོ་ཡིན།
བོད་ལ་གཏམ་དཔེ་ཞིག་ཡོད། ནང་གི་མི་ལ་སྙིང་ལངས་ནས། སྒོ་ཁའི་ཁྱི་ལ་རྡོ་གཞུས། ཟེར་བ་ལྟར་༧གོང་ས་མཆོག་ལ་ཅི་ཡང་བྱེད་མ་ཕོད་ཀྱང་གོང་ས་མཆོག་ལ་རྒྱབ་སྐྱོར་བྱེད་མཁན་ཚོར་མིང་གིས་བསྙད་ནས་སྐྱོན་བརྗོད་བྱེད་ཀྱིན་ཡོད་རེད།
ཕ་གསོད་པའི་བུ་ལ་ཡང་རྒྱུ་མཚན་ཡོད་པས་རྒྱུ་མཚན་ཕྲན་ཚེགས་དང་རྒྱུ་མཚན་ལྟར་སྣང་ཞིག་ལ་བརྟེན་ནས་གོང་ས་མཆོག་ལ་ངོ་རྒོད་བྱེད་བཞིན་ཡོད་ཀྱང་། ངོ་རྒོལ་དེ་མངོན་སུམ་མ་ཡིན་པའི་ཐོག་ནས་འགྲོ་བཞིན་ཡོད་པས་ཚང་མས་གཟབ་དགོས་པར་མཐོང་།
གཅན་གཟན་གྱི་སྡེར་མོ་སྤུ་གསེང་ན་ཡོད་རེད།
།
རྒན་འཇམ་དབྱངས་ནོར་བུས་དཀོན་མཆོག་གསུམ་དཔང་དུ་བཙུགས་ནས་༸རྒྱལ་བ་རིན་པོ་ཆེས་ཁོ་རང་ལ་བཀའ་འདི་དང་དེ་གནང་བྱུང་ཞེས་བཤད་པ་དེར་བདེན་པ་ཡིན་མིན་ཚོད་དཔག་བྱེད་འདོད་མེད་ཀྱང་། ༸རྒྱལ་བ་རིན་པོ་ཆེས་ཁོ་རང་ལ་ནང་མའི་བཀའ་མོལ་གནང་བ་དེ་ཚོ་མི་ཚོགས་ཁྲོད་ཁྲོམ་བསྒྲགས་བྱེད་འོས་པ་ཞིག་གཏན་ནས་མ་རེད། ཁོ་རང་མི་ལོ་རྒན་ཉམས་མྱོང་ཡོད་མཁན་ཞིག་ཡིན་པའི་ཆ་ནས་འདི་ཙམ་ཞིག་བསམ་བློར་མ་འཁོར་བ་ཧ་ཅང་ཐབས་སྐྱོ་པོ་རེད།
བཙན་བྱོལ་སྒྲིག་འཛུགས་དང་མི་སྒེར་སོགས་ནས་རང་མིང་གྲགས་
ཐབས་སུ་གོང་ས་མཆོག་གི་མཚན་བྱེད་སྤྱོད་མ་གནང་རོགས་གནང་
ཐུགས་རྗེའི་གཟིགས་ཕྱི་ལོ་༢༠༢༡ ལོའི་སྲིད་སྐྱོང་དང་སྤྱི་འཐུས་བཀའ་
བློན་སོགས་རྐང་པ་གཉིས་འཛུགས་མིན་པའི་མི་སྣ་རྒྱ་བལ་འབྲུག་གསུམ་ནང་ཡོད་པའི་བོད་མི་ལ་འོས་འཕེན་དགོས་པ་དེ་གལ་ཆེན་ཞིག་ཡིན་པའི་ངོས་འཛིན་ཞུ་གི་ཡོད།
མཚན་བགྲོད་ལགས་ནས་ཡག་པོ་གསུང་འདུག་ང་ཡང་བསམ་ཚུལ་དེ་མཚུང་ཡིན་མ་ཟད་ནམ་རྒྱུན་མཁས་་དབང་འཇམ་དབྱང་ནོར་བུ་ལ་འཛིན་པའི་ལྟ་ཚུལ་ང་ཚོའི་བོད་མིའི་རང་བཙན་འཐབ་བརྩོད་པ་ཚད་ལྡན་ཞིག་ལ་ངོས་འཛིན་བྱེད་གྱི་ཡོད། འོན་ཀྱང་་སྔ་ལོ་མཁསདབངའཇམ་ངབྱང་ནོར་བུ་ལགས་ལ་༧ གོང་ས་མཆོག་གི་དམིགས་གསལ་གཟུར་མཇལ་གྱི་གོ་སྐབས་བཟང་པོ་འདི་དང་ནང་དོན་བཀའ་སློབས་གང་་ཡིན་མེན་ལ་མ་ལྟོས་པའི་
ཐད་ཀར་སྤྱི་ཚོགས་དྲ་ལམ་ཁག་ལ་གྲགས་ནས་ཟུང་ངས་ཁོང་ལ་འཛིན་བག་འཆག་བཟང་པོ་འདི་ཡོང་སུ་ནོར་བ་ཞིག་ཡིན་པ་ཤེས་འཚོར་བྱུང་། ་རྒྱུ་མཚན་ནི་མིའི་རང་ཞིན་གྱི་ཉན་གནང་ལ་ཀླད་ཚད་ལ་གཞན་ལ་གུས་ཞབས་ལྡན་པ་དགོས་པ་དེ་འཇམ་དབྱང་ནོར་བུ་ལ་
མཚན་བགྲོག་ལགས་ནས་ཡག་པོ་གསུང་འདུག་ང་ཡང་དེ་མཚུང་ཡིན་སྔོན་མཁས་དབང་འཇམ་དབྱང་ནོར་བུ་ལགས་རང་བཙན་འཐབ་བརྩོད་པ་མཚད་ལྡ་ཞིག་ལ་ངོས་འཛིན་བྱེད་ཀྱི་ཡོད་འོན་ཀྱང་་སྔ་ལོ་་༧གོང་ས་མཆོག་གི་དམིག་གསལ་གྱི་གཟུར་མཇལ་གྱི་གོ་སྐབས་བཟང་པོ་འདི་དང་༧གོང་ས་མཆོགས་ནས་བཀའ་གང་གསུང་མེད་ལ་མ་ལྟོས་པར་ཐད་ཀར་སྤྱི་ཚོགས་དྲ་ལམ་ཁག་ལ་གྲགས་ཡས་དེ་གཅིག་ནས་གུས་ཞབས་མེད་པ་དང་གཉིས་ནས་ཆབ་སྲིད་ཀྱི་ཕྱགས་ལས་གནང་ཡས་ཀྱི་ནུས་པ་གཞན་ཆ་ཆེན་པོ་ཡོད་པ་འཚོར་གནང་བྱུང་
ཙ བའི་འཇམ་ནོར་གྱི་བཤད་པའི་སྐད་ཆ་བདེན་པ་མ་ཡིན་པ་འཇམ་ནོར་གྱི་གསལ་གྲགས་བྱས་པའི་ཉིན་དང་པོ་ནས་གསལགསལ་རྗེན་རྗེན་བསམ་ཡོད་ཞིགས་ན་ཤེས་དགོས་ཚོད་རེད་
གལ་ཏེ་༧གོང་ས་མཆོག་གི་ཐུག་དགོང་ལ་བོད་མི་ཚངས་མས་སླར་ཡང་རང་བཙན་བརྩོད་དགོས་་པ་ཞིག་དང་དབུ་མ་སྤང་ཀོས་ལྟོ་ཀླུང་པ་ཞིན་དུ་་གཟིགས་ཀྱི་ཡོད་ན་༧གོང་ས་མཆོག་ནས་དེ་འཇམ་ནོར་རྒྱུད་ནས་གསལ་གྲགས་གནང་དགོས་ཙ་བ་རང་ནས་མེད་པ་དབུས་བོད་མིའི་སྒྲིགས་འཛུགས་རིམ་པ་ལྟར་ཡོད་ཡོད་པ་རེད་
དགོང་དག་་དྲ་དཔོན་ལགས་དེ་གཉིས་ནོར་སོང་
འཇམ་དབྱངས་ནོར་བུ་བོད་རྒྱལ་ཡོངས་རང་བཙན་ལྷན་ཚོགས་ཟེར་བ་དེའི་སློབ་སྟོན་པའམ་མི་སྣ་གཙོ་བོ་ཡིན་པར་གླེང་གི་ཡོད་པ་ལྟར་ན། ཁོ་བས་མདོ་སྨད་ཕྱོགས་རྒྱ་སྡེར་ངོས་འཛིན་བྱེད་ཀྱིན་པ་ལས་བོད་ཁོངས་སུ་བརྩི་ཀྱིན་མེད་པ་ན་ནིང་གི་ཁོ་བའི་བརྙན་ཐུང་ཞིག་ལས་གསལ་བོ་བཤད་སོང་། དེ་ན་ཁོ་བའི་དམིགས་ཡུལ་ངོ་མ་གང་ཡིན་མང་མང་དོགས་པ་ཟ་བཞིན་པར་ཁག་མེད་དེ། རྒྱུ་མཚན། ཁོ་བས་བོད་རང་གི་རྒྱལ་རབས་ལོ་རྒྱུས་ལ་འཁྱོག་བཤད་ཀྱིས་རྒྱ་ནག་གིས་ལོ་རྒྱུས་རྫུན་བཟོ་བྱས་པ་རྩ་འཛིན་བྱེད་ཀྱིན་ཡོད་པ་མ་ཡིན་ནམ། དེར་བརྟེན་འཇམ་ནོར་གྱིས་བསྒྲགས་དང་སྒྲོག་བཞིན་པའི་བོད་རང་བཙན་ཟེར་དེར་ངོས་འཛིན་གསལ་བོ་ཞིག་མ་ཤེས་པར་གཡམ་རྒྱུག་བྱེད་མཁན་དག་གིས་གཟབ་གཟབ་བྱེད་གལ་ཆེའོ། །
མཚན་བགྲོད་ལགས་ནས་ཡག་པོ་བྲིས་འདུག་ སྤྱིར་བོད་མི་རིགས་འདིའི་ལས་་དབང་གི་འཐབ་བརྩོད་ནང་རངབཙན་བརྩོད་ལེན་པ་ལོས་དགོས་ དེ་སྔོན་མཁས་དབང་འཇམ་དབྱང་ནོར་བུ་ལགས་བོད་རང་བཙན་འཐབ་བརྩོད་པ་ཚད་ལྡན་ཞིག་ལ་ངོས་འཛིན་བྱེད་ཀྱི་ཡོད་འོན་ཀྱང་སྔ་ལོ་༧གོངས་ས་མཆོག་གི་དམིགས་གསལ་ཟུར་མཇལ་དང་བཀའ་་གང་གནང་མིན་ལ་མ་ལྟོས་པར་ཐད་དཀར་དྲ་ལམ་ཁག་ལ་ཁྱབ་གྲགས་གནང་ནས་གཟུང་འཇམ་ནོར་མིའི་རང་གཞིན་ལ་གུས་ཞབས་མེད་པ་ཞིག་དང་དོན་དམ་པའི་རང་བཙན་འཐབ་་བརྩོད་པ་ཞིགས་དང་ལྷགས་པར་དུ་བོད་མི་རིགས་ཀྱི་ལས་དབང་ལ་བརྩོད་པའི་ཆབ་སྲིད་པ་ཞིགས་མིན་པ་དུས་དེ་ནས་གཟུང་ཁོང་གི་རང་གཟུགས་ངོ་མ་དོན་གསོང་
ཙ་བའི་སྐབས་དེ་དུས་འཇམ་ནོར་གྲགས་་པའི་་༧གོངས་ས་མཆོག་གི་བཀའ་ཡིན་ཞེས་པ་དེ་བསམས་ཡོད་ཞིགས་ཡིན་ན་དྲང་གཏམ་མ་ཡིན་གསལ་གསལ་བརྗེམ་བརྗེན་རེད་ གལ་ཏེ་༧ གོངས་མཆོག་ནས་སླར་ཡང་བོད་མིའི་འཐབ་བརྩོད་འདི་རང་བཙན་དང་ལམ་དབུ་མ་དེ་སྤང་ཀོས་ལྟོ་ཀླུང་བ་འདྲ་ལྦ་གཟིགས་ཀྱི་ཡོད་ན་དེ་འཇམ་ནོར་རྒྱུད་ནས་ཁྱབ་གྲགས་གནང་དགོས་པ་ཙ་བ་རང་ནས་མེད་དབུད་བོད་མིའི་སྒྲིགས་འཛུགས་དང་སྐུ་དགེར་གང་ལ་ཡང་བཀའ་གནང་ཡས་ཀྱི་འཁུར་ཡུག་ཡོད་ཡོད་པ་རེད་ དེ་ན་ང་ཚོས་མཁྱེན་དགོས་པ་ནི་དང་པོ་འཇམ་ནོར་ནས་ ཟུར་མཇལ་དགོས་རེ་བ་ཞུས་དེ་ནས་དྲང་བདེན་མ་ཡིན་པའི་ཁྱབ་གྲགས་བྱེད་དགོས་པའི་རྒྱབས་ཏུ་གནས་དོན་གང་ཡོད་པ་ཚང་མས་མཁྱེན་པ་དགོས་པ་གལ་ཆེར་མཐོང་
ང་ཚོ་མི་ཡུལ་དུ་མི་ལོ་དྲུག་བཅུ་འགྲོ་སོང་ལ་རང་བཙན་དང་
དབུ་མའི་ལམ་བཤད་ནས་ཉི་མ་སྐྱལ་སོང་ལ་དོན་དངོས་བཙན་
བྱོལ་བོད་མིའི་བཅའ་ཁྲིམས་དོན་ཚན་བཅོ་ལྔའི་ནང་བོད་དོན་
བདེན་མཐའ་གསལ་ཐབས་ཟེར་བའི་ཐ་སྙད་ཙམ་ལས་རང་བཙན་
དང་དབུ་མའི་ལམ་གང་ཡང་བཅའ་ཁྲིམས་ནང་གསལ་མེད་པ་ནས་
ད་ལམ་སྤྱི་འཐུས་གྲོས་ཚོགས་ནང་སྲིད་སྐྱོང་མཆོག་ནས་དབུ་མའི་ལམ་
གྱི་བདག་དབང་དེ་བཀའ་ཤག་ལ་ཡོད་གསུང་འདུག་ན་རང་བཙན་གྱི་
བདག་དབང་དེ་སུ་ལ་ཡོད་དེ་ཡང་གསལ་པོ་བཟོ་དགོས་པ་དེ་མང་གཙོ་
དང་ཁྲིམས་ཀྱི་དབང་བསྒྱུར་ལ་ང་ཚོའི་འགན་འཁུར་དགོས་པ་་མ་རེད་
དམ?
འཇམ་ནོར་གྱི་བོད་རང་བཙན་ཟེར་བ་དེ་ཁོས་བཤད་སྟངས་ན་བལྟས་ན་སྔོན་ཆད་དགའ་ལྡན་ཁོ་བྲང་གི་མངའ་ཁོངས་གང་ཡིན་པ་དེ་ལ་བཤད་ཀྱི་ཡོད་པ་འདྲ། འབྲུ་ཆུའི་ཕར་རྒྱབ་ཀྱི་ཁམས་པ་དང་། ཨ་མདོ་ས་ཆ་ཡོངས་རྫོགས་རྒྱ་ཁོངས་ཡིན་པར་ངོས་འཛིན་གྱིས་རྒྱ་སྡེར་འབོད་ཀྱི་ཡོད་ས་རེད།
སྐད་ཆ་ག་རེ་ཡིན་ན་མིན་ན་གསལ་བོར་བཤད་དགོས་པ་དེ་གལ་ཆེན་པོ་རེད།་ཡིན་པ་འདྲ་བོ། མིན་པ་འདྲ་བོ། གསལ་ལ་མི་གསལ། ལྐོག་ལྐིག་བྱེད་པ་ཡག་པོ་མ་རེད། ཕྱི་གསལ་ནང་གསལ་བྱས་ན་ཡག་པོ་ཡོད་རེད་བསམ་སོང་།
ཁ་སང་ན་གོ་བདེ། ནམ་ལངས་ན་འགྲོ་བདེ། སྔ་ས་ནས་ཁ་གསལ་བརྟིང་གསལ་བྱས་ན་མ་གཏོགས་རྗེས་ཕྱོགས་གོ་ནོར་འཐེབས་པ་དང་དཀའ་ངལ་འཕྲད་སྲིད་པ་རེད་སྙམ།
བཙན་བྱོལ་བོད་མིའི་བཅའ་ཁྲིམས་ནང་མ་གསལ་བའི་ཐ་སྙད་
རང་བཙན་དང་དབུ་མའི་ལམ་ལ་ང་ཡིན་ཁོ་ཡིན་གྱི་ཚང་ཁ་ཡོད་
ན་བཙན་བྱོལ་བོད་མིའི་བཅའ་ཁྲིམས་ནང་གསལ་བའི་བོད་དོན་
བདེན་མཐའ་གསལ་ཐབས་ཟེར་བའི་ཐ་སྙད་དེའི་བདག་དབང་དང་འགན་འཁུར་སུ་ལ་ཡོད་དམ།
༄༅། དབུ་མ་དེ་གཞུང་འབྲེལ་གྱིས་གཏན་འབེབས་གནང་བའི་སྲིད་བྱུས་གཅིག་རེད།
རང་བཙན་རྩོད་ན་ལོས་རྩོད་རྒྱ་དམར་པོར་རྩོད།
དབུ་རང་གཉིས་ཀ་བོད་ཁ་བ་གངས་ཅན་གྱི་དོན་རེད།
རྩོད་མཁན་ཚང་མར་དགའ་བསུ་ཡོད།
གཅིག་གི་གཅིག་ལ་མི་འདོད་པའི་སྐད་ཆ་བཤད་མི་རུང།
ཡང་ན། ཟམ་གདོང་རིན་པོ་ཆེའམ། འབུམ་རམས་པ་བསྟན་འཛིན་རྡོ་རྗེ། ཡང་ན། སྤེན་པ་ཚེ་རིང་ངམ། ཀརྨ་དགེ་ལེགས། ཧཧ། ངའི་འུ་ཐུག་པའི་རྨོངས་འཆར་ཙམ་མོ།། ཧཧཧ།། །།
དེ་རིང་ཁ་ས་་་ཡས་ཡས་ལ་འབུམ་རམས་པ། མས་མས་ལ་འབུམ་རམས་པ་ཡིན་ཞེས་ཕལ་ཆེར་
ལྷ་ལུང་དཔལ་རྡོར་དངོས་སྤྱུལ་་ཡིན་མདོག་བྱེད་ནས་བོད་པའི་སྤྱི་ཚོགས་ཆུང་ངུའི་ནང་
མ་ངོམས། མ་རྩོད། ཨ་མས་འོ་མ་བཏུང་ནས་་་བོད་གངས་ཅན་གྱི་་རྒྱུད་པ་་་བཅོས་མིན་ཡིན་ན་
གདོང་པ་ཕར་རྒྱབ་ལ་བལྟས་ནས་་ངོམས་། གདོང་པ་ཕར་བལྟས་ན་རྩོད།
ངོམས་རྩོད་གང་བྱེད་རྒྱུ་ཡོད་ཀྱང་་་ཚུར་ནང་ལོགས་སུ་མ་རེད།
ཕར་ལོགས་སུ་ཕ་ས་བཙན་འཕྲོག་བྱེད་མཁན་དེ་ལ་ཡ་ལན་སློག་དང་་་ཆོལ་གསུམ་བོད་མིས་དེ་ལ་
དགའ་བསྟོད་བྱེ་པ་ལས་ནང་རྩོད་བྱེད་ན་སུ་གཅིག་གི་མི་དགའ།
རྒྱ་ནག་གིས་མ་འོངས་ལོ་བཅུའི་ནང་བོད་རིགས་ས་ཁུལ་གྱི་གྲོང་ཁྱེར་ཆེ་ཁག་ལ་རྒྱ་རིགས་ཀྱི་མི་འབོར་ཤུགས་ཆེ་སྤོས་ནས། ས་ཁུལ་དེ་དག་རྒྱ་རིགས་ཀྱིས་བདག་སྐྱོང་བྱེད་དགོས་པའི་ཡིག་ཆ་ཐོན་འདུག
བྱས་ཙང་། ཆབ་མདོ། ལྷ་ས། གཞིས་རྩེ། ནག་ཆུ། ཀན་རྩེ། རེབ་གོང་། སྡེ་དགེ་བཅས་ལ་རིམ་བཞིན་རྒྱ་རིགས་མི་འབོར་ཤུགས་ཆེ་གནས་སྤོས་ཀྱི་གྲ་སྒྲིག་ཨང་གསར་རེད་འདུག གཙོ་བོ་རེབ་གོང་ཁུལ་ལ་ཉེ་འཁོར་གི་ཁ་ཆེ་གཙོ་བོར་གྱུར་བའི་མི་རིགས་གཞན་གནས་སྤོས་བྱ་རྒྱུ་དང་། བོད་ལྗོངས་ལ་རྒྱ་རིགས་ལས་མི་རིགས་གཞན་སྤོ་མི་ཆོག་ཟེར།